Chapter 54

[English text for this chapter is available]

vyāsa uvāca |
vedaṃ vedau tathā vedānvedāṃgāni tathā dvijāḥ |
adhītya cādhigamyārthaṃ tataḥ snāyāddvijottamaḥ || 1 ||
[Analyze grammar]

gurave tu dhanaṃ datvā snāyīta tadanujñayā |
tīrṇavratotha yuktātmā śakto vā snātumarhati || 2 ||
[Analyze grammar]

vaiṇavīṃ dhārayedyaṣṭimaṃtarvāsastathottaram |
yajñopavītadvitayaṃ sodakaṃ ca kamaṃḍalum || 3 ||
[Analyze grammar]

chatraṃ coṣṇīṣamamalaṃ pāduke cāpyupānahau |
raukme ca kuṃḍale dhārye kṛttakeśanakhaḥ śuciḥ || 4 ||
[Analyze grammar]

anyatra kāṃcanādvipro na raktāṃ bibhṛyātsrajam |
śuklāṃbaradharo nityaṃ sugaṃdhaḥ priyadarśanaḥ || 5 ||
[Analyze grammar]

na jīrṇa malavadvāsā bhavedvai vibhave sati |
na raktamulbaṇaṃ cānya dhṛtaṃ vāso na kuṃḍalam || 6 ||
[Analyze grammar]

nopānahau srajaṃ cātha pāduke ca prayojayet |
upavītamalaṃkāraṃ darśayankṛṣṇamājinam || 7 ||
[Analyze grammar]

nāpasavyaṃ parīdadhyādvāso na vikṛtaṃ vaset |
āharedvidhivaddārānsadṛśānātmanaḥ śubhān || 8 ||
[Analyze grammar]

rūpalakṣaṇasaṃyuktānyonidoṣavivarjitān |
apitṛgotrajabhavāmanyamānuṣagotrajām || 9 ||
[Analyze grammar]

āharedbrāhmaṇo bhāryāṃ śīlaśaucasamanvitām |
ṛtukālābhigāmī syādyāvatputrobhijāyate || 10 ||
[Analyze grammar]

varjayetpratiṣiddhāni prayatnena dināni tu |
ṣaṣṭhyaṣṭamīṃ paṃcadaśīṃ dvādaśīṃ ca caturdaśīm || 11 ||
[Analyze grammar]

brahmacārī bhavennityaṃ tadvajjanmatrayāhani |
ādadhīta vivāhāgniṃ juhuyājjātavedasam || 12 ||
[Analyze grammar]

etāni snātako nityaṃ pāvanāni ca pāvayet |
vedoditaṃ svakaṃ karmma nityaṃ kuryādataṃdritaḥ || 13 ||
[Analyze grammar]

akurvāṇaḥ patatyāśu narakānatibhīṣaṇān |
abhyasetprayato vedaṃ mahāyajñānna hāpayet || 14 ||
[Analyze grammar]

kuryādgṛhyāṇi kāryāṇi saṃdhyopāsanameva ca |
sakhyaṃ samādhikaiḥ kuryādupeyādīśvaraṃ sadā || 15 ||
[Analyze grammar]

daivatānyabhigaccheta kuryyādbhāryyābhipoṣaṇam |
na dharmaṃ khyāpayedvidvānna pāpaṃ gūhayedapi || 16 ||
[Analyze grammar]

kurvītātmahitaṃ nityaṃ sarvabhūtānukaṃpakaḥ |
vayasaḥ karmmaṇo'rthasya śrutasyābhijanasya ca || 17 ||
[Analyze grammar]

deśavāgbuddhisārūpyamācaranvicaretsadā |
śrutismṛtyuditaṃ samyaksādhubhiryaśca sevitaḥ || 18 ||
[Analyze grammar]

tamācāraṃ niṣeveta nehetānyatra karhicit |
yenāsya pitaro yātā yena yātāḥ pitāmahāḥ || 19 ||
[Analyze grammar]

tena yāyātsatāṃ mārgaṃ tena gacchanna duṣyati |
nityaṃ svādhyāyaśīlaḥ syānnityaṃ yajñopavītavān || 20 ||
[Analyze grammar]

satyavādī jitakrodho lobhamohavivarjitaḥ |
sāvitrījāpa nirataḥ śrāddhakṛnmucyate gṛhī || 21 ||
[Analyze grammar]

mātāpitrorhite yukto brāhmaṇasya hite rataḥ |
dātā yajvā devabhakto brahmaloke mahīyate || 22 ||
[Analyze grammar]

trivargasevī satataṃ devānāṃ ca samarcanam |
kuryādaharaharnityaṃ namasyetprayataḥ surān || 23 ||
[Analyze grammar]

vibhāgaśīlaḥ satataṃ kṣamāyukto dayālukaḥ |
gṛhasthastu samākhyāto na gṛheṇa gṛhī bhavet || 24 ||
[Analyze grammar]

kṣamā dayā ca vijñānaṃ satyaṃ caiva damaḥ śamaḥ |
adhyātmanityatā jñānametadbrāhmaṇalakṣaṇam || 25 ||
[Analyze grammar]

etasmānna pramādyeta viśeṣeṇa dvijottamaḥ |
yathāśakti carandharmmaṃ niṃditāni vivarjayet || 26 ||
[Analyze grammar]

vidhūya mohakalilaṃ labdhvā yogamanuttamam |
gṛhastho mucyate baṃdhānnātra kāryāvicāraṇā || 27 ||
[Analyze grammar]

vigarhita jaya kṣepa hiṃsā baṃdhavadhātmanām |
anyamanyu samutthānāṃ doṣāṇāṃ marṣaṇaṃ kṣamā || 28 ||
[Analyze grammar]

svaduḥkheṣveva kāruṇyaṃ paraduḥkheṣu sauhṛdam |
dayeti munayaḥ prāhuḥ sākṣāddharmasya sādhanam || 29 ||
[Analyze grammar]

caturdaśānāṃ vidyānāṃ dhāraṇā hi parārthataḥ |
vijñānamiti tadvidyādyena dharmo vivardhate || 30 ||
[Analyze grammar]

adhītya vidhivadvidyāmarthaṃ caivopalabhyate |
dharmakāryāṇi kurvīta hyetadvijñānamucyate || 31 ||
[Analyze grammar]

satyena lokaṃ jayati satyaṃ tatparamaṃ padam |
yathā bhūtā pramādaṃ tu satyamāhurmanīṣiṇaḥ || 32 ||
[Analyze grammar]

damaḥ śarīroparatiḥ śamaḥ prajñāprasādataḥ |
adhyātmamakṣaraṃ vidyā yatra gatvā na śocati || 33 ||
[Analyze grammar]

yayā sa devobhagavānvidyayā vidyate paraḥ |
sākṣādeva hṛṣīkeśastajjñānamiti kīrtitam || 34 ||
[Analyze grammar]

tanniṣṭhastatparo vidvānnityamakrodhanaḥ śuciḥ |
mahāyajñaparo vipro labhate tadanuttamam || 35 ||
[Analyze grammar]

dharmasyāyatanaṃ yatnāccharīraṃ paripālayet |
nahi dehaṃ vinā viṣṇuḥ puruṣairvidyateparaḥ || 36 ||
[Analyze grammar]

nityaṃ dharmārthakāmeṣu yujyeta niyato dvijaḥ |
na dharmavarjitaṃ kāmamarthaṃ vā manasā smaret || 37 ||
[Analyze grammar]

sīdannapi hi dharmeṇa na tvadharmaṃ samācaret |
dharmo hi bhagavāndevo gatiḥ sarveṣu jaṃtuṣu || 38 ||
[Analyze grammar]

bhūtānāṃpriyakārīsyānnaparadro hakarmadhīḥ |
na vedadevatāniṃdāṃ kuryyāttaiśca na saṃvaset || 39 ||
[Analyze grammar]

yastvimaṃ niyato martyo dharmādhyāyaṃ paṭhecchuciḥ |
adhyāpayecchrāvayedvā brahmaloke mahīyate || 40 ||
[Analyze grammar]

iti śrīpādme mahāpurāṇe svargakhaṃḍe catuḥpaṃcāśattamo'dhyāyaḥ || 54 ||
[Analyze grammar]