Chapter 55

[English text for this chapter is available]

viṣṇuruvāca |
bhāvaṃ viditvā surarāṭca tasyāḥ provāca kāmaṃ purataḥ sthitaṃ saḥ |
na cāsti śakyā smara te jayāya satyātmakadhyāna sudaṃśitā satī || 1 ||
[Analyze grammar]

dharmākhya cāpaṃ svakare gṛhītvā jñānābhidhānaṃ varameva bāṇam |
yoddhuṃ raṇe saṃprati saṃsthitā satī vīro yathā darpitavīryabhāvaḥ || 2 ||
[Analyze grammar]

jigīṣayeyaṃ puruṣārthameva tvamātmanaḥ kuruṣe pauruṣaṃ tu |
tvāmadya jetuṃ samare samarthā yadbhāvyamevaṃ tadihaiva ciṃtyam || 3 ||
[Analyze grammar]

dagdhosi pūrvaṃ tvamihaiva śaṃbhunā mahātmanā tena samaṃ virodham |
kṛtvā phalaṃ tasya vikarmaṇaśca jātosyanaṃgaḥ smara satyameva || 4 ||
[Analyze grammar]

yathā tvayā karma kṛtaṃ purā smara phalaṃ tu prāptaṃ tu tathaiva tīvram |
sukutsitāṃ yonimavāpsyasi dhruvaṃ sādhvyānayā sārdhamihaiva kathyase || 5 ||
[Analyze grammar]

ye jñānavaṃtaḥ puruṣā jagattraye vairaṃ prakurvanti mahātmabhiḥ samam |
bhuṃjanti te duṣkṛtamevatatphalaṃ duḥkhānvitaṃ rūpavināśanaṃ ca || 6 ||
[Analyze grammar]

vyāghuṣya āvāṃ tu vrajāva kāma enāṃ parityajya satīṃ prayujya |
satyāḥ prasaṃgena purā mayā tu labdhaṃ phalaṃ pāpamayaṃ tvasahyam || 7 ||
[Analyze grammar]

tvameva jānāsi caritrametacchaptosmi tenāpi ca gautamena |
jātaśca meṣavṛṣaṇaḥ sadā hyahaṃ bhavāngato māṃ tu vihāya tatra || 8 ||
[Analyze grammar]

tejaḥ prabhāvo hyatulaḥ satīnāṃ dhātā samarthaḥ sahituṃ na sūryaḥ |
sukutsitaṃ rūpamidaṃ tu rakṣetpurānusūyā muninā hi śaptam || 9 ||
[Analyze grammar]

nirudhya sūryaṃ parivegavaṃtamudyaṃtamevaṃ prabhayā sudīptam |
bhartuśca mṛtyuṃ paribādhamānaṃ māṃḍavyaśāpasya ca kauṃḍinasya || 10 ||
[Analyze grammar]

atreḥ priyā satyapativratā tayā svaputratāṃ devatrayaṃ hi nītam |
na kiṃ purā manmatha te śrutaṃ sadā saṃskārayuktāḥ prabhavaṃti satyaḥ || 11 ||
[Analyze grammar]

sāvitrīnāmnī dyumatsenaputrī nītaṃ priyaṃ sā punarānināya |
yamādihaivāśvapateḥ suputraṃ satī tvamevaṃ parisaṃśrutaṃ ca || 12 ||
[Analyze grammar]

agneḥ śikhāṃ kaḥ parisaṃspṛśedvai tareddhikaḥ sāgarameva mūḍhaḥ |
gale tu baddhāsu śilāṃ bhujābhyāṃ ko vā satīṃ vaśyati vītarāgām || 13 ||
[Analyze grammar]

ukte tu vākye bahunītiyukte iṃdreṇa kāmasya suśikṣaṇārtham |
ākarṇya vākyaṃ makaradhvajastu uvāca deveṃdramathainameva || 14 ||
[Analyze grammar]

kāma uvāca |
tavātideśādahamāgato vai dhairyaṃ suhṛttvaṃ puruṣārthameva |
tyaktvā tadarthaṃ paribhāṣase māṃ niḥsatvarūpaṃ bahubhītiyuktam || 15 ||
[Analyze grammar]

vyābuddhi yāsyāmi yadā sureśasyāllokamadhye mama kīrtināśaḥ |
ūḍhiṃkaromānavihīna eva sarve vadiṣyaṃtyanayā jitaṃ mām || 16 ||
[Analyze grammar]

ye vai jitā devagaṇāśca dānavāḥ pūrvaṃ munīṃdrāstapasaḥ prayuktāḥ |
hāsyaṃ kariṣyaṃti mamāpi sadyo nāryā jito manmatha eṣa bhīmaḥ || 17 ||
[Analyze grammar]

tasmātprayāsyāmi tvayaiva sārdhamasyā balaṃ mānamataḥ sureśa |
tejaśca dhairyaṃ pariṇāśayiṣye kasmādbhavānatra bibheti śakra || 18 ||
[Analyze grammar]

saṃbodhya caivaṃ sa surādhināthaṃ cāpaṃ gṛhītaṃ saśaraṃ supuṣpam |
uvāca krīḍāṃ purataḥ sthitāṃ tāṃ vidhāya māyāṃ bhavatī prayātu || 19 ||
[Analyze grammar]

vaiśyasya bhāryāṃ sukalāṃ supuṇyāṃ satyesthitāṃ dharmavidāṃ guṇajñām |
ito hi gatvā kuru kāryamuktaṃ sāhāyyarūpaṃ ca priye sakhe śṛṇu || 20 ||
[Analyze grammar]

krīḍāṃ samābhāṣya tato manobhavastvaṃte sthitāṃ prītimathāhvayatpunaḥ |
kāryaṃ bhavatyā mamakāryamuttamame tāṃ susnehaiḥ paribhāvayatvam || 21 ||
[Analyze grammar]

iṃdraṃ hi dṛṣṭvā sukalā yathā bhavetsnehānugā cāruvilocaneyam |
taistaiḥ prabhāvairguṇavākyayuktairnayasva vaśyaṃ ca priye sakhe śṛṇu || 22 ||
[Analyze grammar]

bho bhoḥ sakhe sādhaya gaccha śīghraṃ māyāmayaṃ naṃdanarūpayuktam |
puṣpopayuktaṃ ca phalapradhānaṃ ghuṣṭaṃ rutaiḥ kokilaṣaṭpadānām || 23 ||
[Analyze grammar]

āhūya vīraṃ makaraṃdameva rasāyanaṃ svāduguṇairupetam |
sahānilādyairnijakarmayuktaiḥ saṃpreṣayitvā punareva kāmam || 24 ||
[Analyze grammar]

evaṃ samādiśya mahatsasainyaṃ trailokyasaṃmohakaraṃ tu kāmaḥ |
cakre prayāṇaṃ surarājasārdhaṃ saṃmohanāyaiva mahāsatīṃ tām || 25 ||
[Analyze grammar]