Chapter 11

[English text for this chapter is available]

ṛṣaya ūcuḥ |
sarvajñena tvayā proktaṃ daityadānavasaṃgaram |
idānīṃ śrotumicchāmaḥ suvratasya mahātmanaḥ || 1 ||
[Analyze grammar]

kasya putro mahāprājñaḥ kasya gotrasamudbhavaḥ |
kiṃ tapastasya viprasya kathamārādhito hariḥ || 2 ||
[Analyze grammar]

sūta uvāca |
kathā prajñāprabhāveṇa pūrvameva yathā śrutā |
tathā viprāḥ pravakṣyāmi suvratasya mahātmanaḥ || 3 ||
[Analyze grammar]

caritaṃ pāvanaṃ divyaṃ vaiṣṇavaṃ śreyaāvaham |
bhavatāmagrataḥ sarvaṃ viṣṇoścaiva prasādataḥ || 4 ||
[Analyze grammar]

pūrvakalpe mahābhāgāḥ sukṣetre pāpanāśane |
revātīre supuṇye ca tīrthe vāmanasaṃjñake || 5 ||
[Analyze grammar]

kauśikasya kule jātaḥ somaśarmā dvijottamaḥ |
sa tu putravihīnastu bahuduḥkhasamanvitaḥ || 6 ||
[Analyze grammar]

dāridreṇa sa duḥkhena sarvadaivaprapīḍitaḥ |
putropāyaṃ dhanasyāpi divārātrau praciṃtayet || 7 ||
[Analyze grammar]

ekadā tu priyā tasya sumanā nāma suvratā |
bhartāraṃ ciṃtayopetamadhomukhamalakṣayat || 8 ||
[Analyze grammar]

samālokya tadā kāṃtaṃ tamuvāca tapasvinī |
duḥkhajālairasaṃkhyaistu tava cittaṃ pradharṣitam || 9 ||
[Analyze grammar]

vyāmohena pramūḍhosi tyaja ciṃtāṃ mahāmate |
mama duḥkhaṃ samācakṣva svastho bhava sukhaṃ vraja || 10 ||
[Analyze grammar]

nāsti ciṃtāsamaṃ duḥkhaṃ kāyaśoṣaṇameva hi |
yaściṃtāṃ tyajya varteta sa sukhena pramodate || 11 ||
[Analyze grammar]

ciṃtāyāḥ kāraṇaṃ vipra kathayasva mamāgrataḥ |
priyāvākyaṃ samākarṇya somaśarmābravītpriyām || 12 ||
[Analyze grammar]

somaśarmovāca |
icchayā ciṃtitaṃ bhadre ciṃtā duḥkhasya kāraṇam |
tatsarvaṃ tu pravakṣyāmi śrutvā caivāvadhāryatām || 13 ||
[Analyze grammar]

na jāne kena pāpena dhanahīnosmi suvrate |
tathā putravihīnaśca etadduḥkhasya kāraṇam || 14 ||
[Analyze grammar]

sumanovāca |
śrūyatāmabhidhāsyāmi sarvasaṃdehanāśanam |
svarūpamupadeśasya sarvavijñānadarśanam || 15 ||
[Analyze grammar]

lobhaḥ pāpasya bījaṃ hi moho mūlaṃ ca tasya hi |
asatyaṃ tasya vai skaṃdho māyā śākhā suvistarā || 16 ||
[Analyze grammar]

daṃbhakauṭilyapatrāṇi kubuddhyā puṣpitaḥ sadā |
anṛtaṃ tasya saugaṃdhaṃ phalamajñānameva ca || 17 ||
[Analyze grammar]

chadmapākhaṃḍaśauryerṣyāḥ krūrāḥ kūṭāśca pāpinaḥ |
pakṣiṇo mohavṛkṣasya māyāśākhā samāśritāḥ || 18 ||
[Analyze grammar]

ajñānaṃ suphalaṃ tasya raso'dharmaḥ phalasya hi |
tṛṣṇodakena saṃvṛddhā'śraddhā tasya dravaḥ priya || 19 ||
[Analyze grammar]

adharmaḥ surasastasya utkaṭo madhurāyate |
yādṛśaiśca phalaiścaiva suphalo lobhapādapaḥ || 20 ||
[Analyze grammar]

asyacchāyāṃ samāśritya yo naraḥ parituṣyate |
phalāni tasya cāśnāti supakvāni dinedine || 21 ||
[Analyze grammar]

phalānāṃ tu rasenāpi adharmeṇa tu pālitaḥ |
sa saṃtuṣṭo bhavenmartyaḥ patanāyābhigacchati || 22 ||
[Analyze grammar]

tasmācciṃtāṃ parityajya pumāṃllobhaṃ na kārayet |
dhanaputrakalatrāṇāṃ ciṃtāmekāṃ na kārayet || 23 ||
[Analyze grammar]

yo hi vidvānbhavetkāṃta mūrkhāṇāṃ pathameti hi |
mūrkhaściṃtayate nityaṃ kathamarthaṃ mamaiva hi || 24 ||
[Analyze grammar]

subhāryāmiha viṃdāmi kathaṃ putrānahaṃ labhe |
evaṃ ciṃtayate nityaṃ divārātrau vimohitaḥ || 25 ||
[Analyze grammar]

kṣaṇamekaṃ prapaśyeta ciṃtāmadhye mahatsukham |
punaścaitanyamāyāti mahāduḥkhena pīḍyate || 26 ||
[Analyze grammar]

ciṃtāmohau parityajya anuvartasva ca dvija |
saṃsāre nāsti saṃbaṃdhaḥ kena sārdhaṃ mahāmate || 17 ||
[Analyze grammar]

mitrāśca bāṃdhavāḥ putrāḥ pitṛmātṛsabhṛtyakāḥ |
saṃbaṃdhino bhavaṃtyeva kalatrāṇi tathaiva ca || 28 ||
[Analyze grammar]

somaśarmovāca |
saṃbaṃdhaḥ kīdṛśo bhadre tathā vistarato vada |
yena saṃbaṃdhinaḥ sarve dhanaputrādibāṃdhavāḥ || 29 ||
[Analyze grammar]

sumanovāca |
ṛṇasaṃbaṃdhinaḥ kecitkecinnyāsāpahārakāḥ |
lābhapradā bhavaṃtyeke udāsīnāstathāpare || 30 ||
[Analyze grammar]

bhedaiścaturbhirjāyaṃte putramitrastriyastathā |
bhāryā pitā ca mātā ca bhṛtyāḥ svajanabāṃdhavāḥ || 31 ||
[Analyze grammar]

svenasvena hi jāyaṃte saṃbaṃdhena mahītale |
nyāsāpahārabhāvena yasya yena kṛtaṃ bhuvi || 32 ||
[Analyze grammar]

nyāsasvāmī bhavetputro guṇavānrūpavānbhuvi |
yenaivāpahrataṃ nyāsaṃ tasya gehe na saṃśayaḥ || 33 ||
[Analyze grammar]

nyāsāpaharaṇādduḥkhaṃ sa datvā dāruṇaṃ gataḥ |
nyāsasvāmī suputrobhūnnyāsāpahārakasya ca || 34 ||
[Analyze grammar]

guṇavānrūpavāṃścaiva sarvalakṣaṇasaṃyutaḥ |
bhaktiṃ tu darśayaṃstasya putro bhūtvā dinedine || 35 ||
[Analyze grammar]

priyavāṅmadhuro rogī bahusnehaṃ vidarśayan |
svīyaṃ dravyaṃ samudgṛhya prītimutpādya cottamām || 36 ||
[Analyze grammar]

yathā yena pradattaṃ syānnyāsasya haraṇātpurā |
duḥkhameva mahābhāga dāruṇaṃ prāṇanāśanam || 37 ||
[Analyze grammar]

tādṛśaṃ tasya sauhṛdyātputro bhūtvā mahāguṇaiḥ |
alpāyuṣastathā bhūtvā maraṇaṃ copagacchati || 38 ||
[Analyze grammar]

duḥkhaṃ datvā prayātyevaṃ bhūtvābhūtvā punaḥpunaḥ |
yadā hā putraputreti pralāpaṃ hi karoti saḥ || 39 ||
[Analyze grammar]

tadā hāsyaṃ karotyeva kasya putro hi kaḥ pitā |
anenāpahṛtaṃ nyāsaṃ madīyasyopakāraṇam || 40 ||
[Analyze grammar]

dravyāpaharaṇenāpi na me prāṇā gatāḥ kila |
duḥkhena mahatā caiva asahyena ca vai purā || 41 ||
[Analyze grammar]

tathā duḥkhaṃ pradatvāhaṃ dravyamudgṛhya cottamam |
gaṃtāsmi subhṛśaṃ cādya kasyāhaṃ suta īdṛśaḥ || 42 ||
[Analyze grammar]

na caiṣa me pitā putraḥ pūrvameva na kasyacit |
piśācatvaṃ mayā dattamasyaiveti durātmanaḥ || 43 ||
[Analyze grammar]

evamuktvā prayātyevaṃ taṃ prahasya punaḥpunaḥ |
prayātyanena mārgeṇa duḥkhaṃ datvā sudāruṇam || 44 ||
[Analyze grammar]

evaṃ nyāsaṃ samuddhartuḥ putrāḥ kāṃta bhavaṃti vai |
saṃsāre duḥkhabahulā dṛśyaṃte yatratatra ca || 45 ||
[Analyze grammar]

ṛṇasaṃbaṃdhinaḥ putrānpravakṣyāmi tavāgrataḥ || 46 ||
[Analyze grammar]