Chapter 10

[English text for this chapter is available]

ṛṣaya ūcuḥ |
tataste dānavāḥ sarve hiraṇyakaśipūttarāḥ |
yuddhādbhagnāstu kiṃ kuryurvyavasāyaṃ mahāmate || 1 ||
[Analyze grammar]

vistareṇāpi no brūhi teṣāṃ vṛttamanuttamam |
śrotumicchāmahe sarve tvatto vai sāṃprataṃ dvija || 2 ||
[Analyze grammar]

sūta uvāca |
bhagnā raṇāttu te sarve balahīnāstu vai tadā |
gatadarpāḥ suduḥkhārtā daityāste pitaraṃ gatāḥ || 3 ||
[Analyze grammar]

bhaktyā praṇamya te sarve samūcuḥ kaśyapaṃ tadā |
dānavā ūcuḥ |
bhavadvīryātsamutpattirasmākaṃ dvijasattama || 4 ||
[Analyze grammar]

devatānāṃ mahābhāga dānavānāṃ tathaiva ca |
vayaṃ ca dānavāḥ sarve balavīryaparākramāḥ || 5 ||
[Analyze grammar]

upāyajñāḥ sudhīrāśca udyamena samanvitāḥ |
vayaṃ tu bahavastāta devāstvalpāstathaiva ca || 6 ||
[Analyze grammar]

kathaṃ jayaṃti te sarve vayaṃ bhagnā mahāhavāt |
tatkiṃ vai kāraṇaṃ tāta balatejaḥ samanvitāḥ || 7 ||
[Analyze grammar]

mattanāgasahasrāṇāmekaikasya mahāmate |
balamasti ca daityasya nāsti deveṣu tādṛśam || 8 ||
[Analyze grammar]

jayaśca dṛśyate tāta deveṣveva mahāhave |
tatsarvaṃ kathayasvaiva saṃśayaṃchettumarhasi || 9 ||
[Analyze grammar]

kaśyapa uvāca |
śṛṇudhvaṃ putrakāḥ sarve jayasyāpi ca kāraṇam |
yasmāddhi devatāḥ sarve samare jayino'bhavan || 10 ||
[Analyze grammar]

vīryanirvāpakastāto mātākṣetramidaṃ sadā |
dhāraṇe pālane caiva poṣaṇe ca yathaiva hi || 11 ||
[Analyze grammar]

kiṃ kuryādviṣamārthe tu pitā putre ca vai tathā |
atra pradhānaṃ karmaiva māmevaṃ buddhirāśritā || 12 ||
[Analyze grammar]

dvaividhyaṃ karmasaṃbaṃdhaṃ pāpapuṇyasamudbhavam |
satyameva samāśritya kriyate dharma uttamaḥ || 13 ||
[Analyze grammar]

tapodhyānasamāyuktaṃ tāraṇāya hi taṃ sutāḥ |
patanāya pātakaṃ proktaṃ sarvadaiva na saṃśayaḥ || 14 ||
[Analyze grammar]

balena parivāreṇa ābhijātyena putrakāḥ |
puṇyahīnasya puṃso vai tadbalaṃ vikalāyate || 15 ||
[Analyze grammar]

unnatā giridurgeṣu vṛkṣāḥ saṃti suputrakāḥ |
pataṃti vātavegena samūlāstu ghanāstathā || 16 ||
[Analyze grammar]

satyadharmavihīnāste tathāyāṃti yamakṣayam |
sādhāraṇaḥ prāṇināṃ ca dharma eṣa suputrakāḥ || 17 ||
[Analyze grammar]

yena saṃtarate jaṃturiha caiva paratra ca |
tadyuṣmābhiḥ parityaktaṃ satyaṃ dharmasamanvitam || 18 ||
[Analyze grammar]

adharmamāsthitaṃ putrā yuṣmābhiḥ satyavarjitaiḥ |
satyadharmatapobhraṣṭāḥ patitā duḥkhasāgare || 19 ||
[Analyze grammar]

devāśca satyasaṃpannāḥ śreyasā ca samanvitāḥ |
tapaḥ śāṃtidamopetāḥ supuṇyā pāpavarjitāḥ || 20 ||
[Analyze grammar]

yatra satyaṃ ca dharmaśca tapaḥ puṇyaṃ tathaiva ca |
yatra viṣṇurhṛṣīkeśo jayastatra pradṛśyate || 21 ||
[Analyze grammar]

teṣāṃ sahāyaḥ saṃbhūto vāsudevaḥ sanātanaḥ |
tasmājjayaṃti te devāḥ satyadharmasamanvitāḥ || 22 ||
[Analyze grammar]

sahāyena balenaiva pauruṣeṇa tathaiva ca |
bhavaṃtaḥ kila vai putrāstapaḥ satyavivarjitāḥ || 23 ||
[Analyze grammar]

yasya viṣṇuḥ sahāyaśca tapaścaiva balaṃ tathā |
tasyaiva ca jayo dṛṣṭa iti dharmavido viduḥ || 24 ||
[Analyze grammar]

yūyaṃ dharmavihīnāstu tapaḥ satyavivarjitāḥ |
aiṃdraṃ padaṃ balenaiva prāptavaṃtaśca pūrvataḥ || 25 ||
[Analyze grammar]

tapo vinā mahāprājñā dharmeṇa yaśasā vinā |
baladarpaguṇaiḥ putrā na prāpyamaindrakaṃ padam || 26 ||
[Analyze grammar]

prāpyāpyaiṃdraṃ padaṃ putrāstato bhraṣṭā bhavaṃti hi |
tasmādyūyaṃ prakurvaṃtu tapaḥ putrāḥ samanvitāḥ || 27 ||
[Analyze grammar]

avirodhena saṃyuktā jñānadhyānasamanvitāḥ |
vairaṃ caiva na kartavyaṃ keśavena samaṃ kadā || 28 ||
[Analyze grammar]

evaṃvidhā yadā putrā yūyaṃ dhanyā bhaviṣyatha |
parāṃ siddhiṃ tadā sarve prayāsyatha na saṃśayaḥ || 29 ||
[Analyze grammar]

evaṃ saṃbhāṣitāste tu kaśyapena mahātmanā |
samākarṇya piturvākyaṃ dānavāste mahaujasaḥ || 30 ||
[Analyze grammar]

praṇamya kaśyapaṃ bhaktyā samutthāya tvarānvitāḥ |
sumaṃtraṃ cakrire daityāḥ parasparasamāhitāḥ || 31 ||
[Analyze grammar]

hiraṇyakaśipū rājā tānuvācātha dānavān |
tapaścaiva kariṣyāmo duṣkaraṃ sarvadāyakam || 32 ||
[Analyze grammar]

hiraṇyākṣastadovāca kariṣye dāruṇaṃ tapaḥ |
tato balena trailokyaṃ grahīṣye nātra saṃśayaḥ || 33 ||
[Analyze grammar]

raṇe nirjitya goviṃdaṃ tamimaṃ pāpacetasam |
vyāpādya devatāḥ sarvāḥ padamaiṃdraṃ vrajāmyaham || 34 ||
[Analyze grammar]

baliruvāca |
evaṃ na yujyate kartuṃ yuṣmābhirditijeśvarāḥ |
viṣṇunā saha yadvairaṃ tadvairaṃ nāśakāraṇam || 35 ||
[Analyze grammar]

dānadharmaistathā puṇyaistapobhiryajñayājanaiḥ |
tamārādhya hṛṣīkeśaṃ sukhaṃ gacchaṃti mānavāḥ || 36 ||
[Analyze grammar]

hiraṇyakaśipuruvāca |
ahamevaṃ na kariṣye harerārādhanaṃ kadā |
svabhāvaṃ tu parityajya śatrusevā pracaryate || 37 ||
[Analyze grammar]

maraṇādadhikaṃ taṃ tu mānayaṃti hi paṃḍitāḥ |
viṣṇoḥ sevā na vai kāryā mayā cānyaiśca dānavaiḥ || 38 ||
[Analyze grammar]

tamuvāca mahātmānaṃ baliḥ pitāmahaṃ punaḥ |
dharmaśāstreṣu yaddṛṣṭaṃ munibhistattvavedibhiḥ || 39 ||
[Analyze grammar]

rājanītiyutaṃ maṃtraṃ śatroścaiva pradhānataḥ |
hīnamātmānamājñāya ripuṃ taṃ balinaṃ tathā || 40 ||
[Analyze grammar]

tasya pārśve pragatvaiva jayakālaṃ pratīkṣayet |
dīpacchāyāṃ samāśritya tamo vasati sarvadā || 41 ||
[Analyze grammar]

snehaṃ daśāgataṃ prekṣya dīpasyāpi mahābalam |
prakāśaṃ yāti vegena tamaśca varddhate punaḥ || 42 ||
[Analyze grammar]

tathā prasādayecchannaḥ snehaṃ nirdiśya tattvataḥ |
snehaṃ kṛtvāsuraiḥ sārddhaṃ dharmabhāvaiḥ suradviṣaḥ || 43 ||
[Analyze grammar]

pūrvamuktaṃ sumaṃtraṃ tu muninā kaśyapena hi |
tena maṃtreṇa rājeṃdra kuru kāryaṃ svamātmavān || 44 ||
[Analyze grammar]

tasya tadvacanaṃ śrutvā prāha daityaḥ pratāpavān |
pautra naivaṃ kariṣyehaṃ mānabhaṃgaṃ tathātmanaḥ || 45 ||
[Analyze grammar]

anye ca bāṃdhavāḥ sarve tamūcurnayapaṃḍitam |
balinoktaṃ ca yatpuṇyaṃ devatānāṃ priyaṃkaram || 46 ||
[Analyze grammar]

śakramānakaraṃ proktaṃ dānavānāṃ bhayaṃkaram |
kariṣyāmo vayaṃ sarve tapa evamanuttamam || 47 ||
[Analyze grammar]

tapasā nirjitya devānhariṣyāmaḥ svakaṃ padam |
evamāmaṃtrya te sarve nirākṛtya baliṃ tadā || 48 ||
[Analyze grammar]

viṣṇoḥ sārddhaṃ mahāvairaṃ hṛdi kṛtvā mahāsurāḥ |
tapaścakrustataḥ sarve giridurgeṣu sānuṣu || 49 ||
[Analyze grammar]

evaṃ te dānavāḥ sarve tyaktarāgāḥ suniścitāḥ |
kāmakrodhavihīnāśca nirāhārā jitaklamāḥ || 50 ||
[Analyze grammar]

iti śrīpadmapurāṇe bhūmikhaṃḍe daityatapaścaryāvarṇanaṃnāma daśamo'dhyāyaḥ || 10 ||
[Analyze grammar]