Chapter 15

saṃjaya uvāca |
tadbalaṃ sumahaddīrṇaṃ tvadīyaṃ prekṣya vīryavān |
dadhāraiko raṇe pāṇḍūnvṛṣaseno'stramāyayā || 1 ||
[Analyze grammar]

śarā daśa diśo muktā vṛṣasenena māriṣa |
viceruste vinirbhidya naravājirathadvipān || 2 ||
[Analyze grammar]

tasya dīptā mahābāṇā viniśceruḥ sahasraśaḥ |
bhānoriva mahābāho grīṣmakāle marīcayaḥ || 3 ||
[Analyze grammar]

tenārditā mahārāja rathinaḥ sādinastathā |
nipetururvyāṃ sahasā vātanunnā iva drumāḥ || 4 ||
[Analyze grammar]

hayaughāṃśca rathaughāṃśca gajaughāṃśca samantataḥ |
apātayadraṇe rājañśataśo'tha sahasraśaḥ || 5 ||
[Analyze grammar]

dṛṣṭvā tamevaṃ samare vicarantamabhītavat |
sahitāḥ sarvarājānaḥ parivavruḥ samantataḥ || 6 ||
[Analyze grammar]

nākulistu śatānīko vṛṣasenaṃ samabhyayāt |
vivyādha cainaṃ daśabhirnārācairmarmabhedibhiḥ || 7 ||
[Analyze grammar]

tasya karṇātmajaścāpaṃ chittvā ketumapātayat |
taṃ bhrātaraṃ parīpsanto draupadeyāḥ samabhyayuḥ || 8 ||
[Analyze grammar]

karṇātmajaṃ śaravrātaiścakruścādṛśyamañjasā |
tānnadanto'bhyadhāvanta droṇaputramukhā rathāḥ || 9 ||
[Analyze grammar]

chādayanto mahārāja draupadeyānmahārathān |
śarairnānāvidhaistūrṇaṃ parvatāñjaladā iva || 10 ||
[Analyze grammar]

tānpāṇḍavāḥ pratyagṛhṇaṃstvaritāḥ putragṛddhinaḥ |
pāñcālāḥ kekayā matsyāḥ sṛñjayāścodyatāyudhāḥ || 11 ||
[Analyze grammar]

tadyuddhamabhavadghoraṃ tumulaṃ lomaharṣaṇam |
tvadīyaiḥ pāṇḍuputrāṇāṃ devānāmiva dānavaiḥ || 12 ||
[Analyze grammar]

evamuttamasaṃrambhā yuyudhuḥ kurupāṇḍavāḥ |
parasparamudīkṣantaḥ parasparakṛtāgasaḥ || 13 ||
[Analyze grammar]

teṣāṃ dadṛśire kopādvapūṃṣyamitatejasām |
yuyutsūnāmivākāśe patatrivarabhoginām || 14 ||
[Analyze grammar]

bhīmakarṇakṛpadroṇadrauṇipārṣatasātyakaiḥ |
babhāse sa raṇoddeśaḥ kālasūryairivoditaiḥ || 15 ||
[Analyze grammar]

tadāsīttumulaṃ yuddhaṃ nighnatāmitaretaram |
mahābalānāṃ balibhirdānavānāṃ yathā suraiḥ || 16 ||
[Analyze grammar]

tato yudhiṣṭhirānīkamuddhūtārṇavanisvanam |
tvadīyamavadhītsainyaṃ saṃpradrutamahāratham || 17 ||
[Analyze grammar]

tatprabhagnaṃ balaṃ dṛṣṭvā śatrubhirbhṛśamarditam |
alaṃ drutena vaḥ śūrā iti droṇo'bhyabhāṣata || 18 ||
[Analyze grammar]

tataḥ śoṇahayaḥ kruddhaścaturdanta iva dvipaḥ |
praviśya pāṇḍavānīkaṃ yudhiṣṭhiramupādravat || 19 ||
[Analyze grammar]

tamavidhyacchitairbāṇaiḥ kaṅkapatrairyudhiṣṭhiraḥ |
tasya droṇo dhanuśchittvā taṃ drutaṃ samupādravat || 20 ||
[Analyze grammar]

cakrarakṣaḥ kumārastu pāñcālānāṃ yaśaskaraḥ |
dadhāra droṇamāyāntaṃ veleva saritāṃ patim || 21 ||
[Analyze grammar]

droṇaṃ nivāritaṃ dṛṣṭvā kumāreṇa dvijarṣabham |
siṃhanādaravo hyāsītsādhu sādhviti bhāṣatām || 22 ||
[Analyze grammar]

kumārastu tato droṇaṃ sāyakena mahāhave |
vivyādhorasi saṃkruddhaḥ siṃhavaccānadanmuhuḥ || 23 ||
[Analyze grammar]

saṃvārya tu raṇe droṇaḥ kumāraṃ vai mahābalaḥ |
śarairanekasāhasraiḥ kṛtahasto jitaklamaḥ || 24 ||
[Analyze grammar]

taṃ śūramāryavratinamastrārthakṛtaniśramam |
cakrarakṣamapāmṛdnātkumāraṃ dvijasattamaḥ || 25 ||
[Analyze grammar]

sa madhyaṃ prāpya senāyāḥ sarvāḥ paricarandiśaḥ |
tava sainyasya goptāsīdbhāradvājo ratharṣabhaḥ || 26 ||
[Analyze grammar]

śikhaṇḍinaṃ dvādaśabhirviṃśatyā cottamaujasam |
nakulaṃ pañcabhirviddhvā sahadevaṃ ca saptabhiḥ || 27 ||
[Analyze grammar]

yudhiṣṭhiraṃ dvādaśabhirdraupadeyāṃstribhistribhiḥ |
sātyakiṃ pañcabhirviddhvā matsyaṃ ca daśabhiḥ śaraiḥ || 28 ||
[Analyze grammar]

vyakṣobhayadraṇe yodhānyathāmukhyānabhidravan |
abhyavartata saṃprepsuḥ kuntīputraṃ yudhiṣṭhiram || 29 ||
[Analyze grammar]

yugaṃdharastato rājanbhāradvājaṃ mahāratham |
vārayāmāsa saṃkruddhaṃ vātoddhūtamivārṇavam || 30 ||
[Analyze grammar]

yudhiṣṭhiraṃ sa viddhvā tu śaraiḥ saṃnataparvabhiḥ |
yugaṃdharaṃ ca bhallena rathanīḍādapāharat || 31 ||
[Analyze grammar]

tato virāṭadrupadau kekayāḥ sātyakiḥ śibiḥ |
vyāghradattaśca pāñcālyaḥ siṃhasenaśca vīryavān || 32 ||
[Analyze grammar]

ete cānye ca bahavaḥ parīpsanto yudhiṣṭhiram |
āvavrustasya panthānaṃ kirantaḥ sāyakānbahūn || 33 ||
[Analyze grammar]

vyāghradattaśca pāñcālyo droṇaṃ vivyādha mārgaṇaiḥ |
pañcāśadbhiḥ śitai rājaṃstata uccukruśurjanāḥ || 34 ||
[Analyze grammar]

tvaritaṃ siṃhasenastu droṇaṃ viddhvā mahāratham |
prāhasatsahasā hṛṣṭastrāsayanvai yatavratam || 35 ||
[Analyze grammar]

tato visphārya nayane dhanurjyāmavamṛjya ca |
talaśabdaṃ mahatkṛtvā droṇastaṃ samupādravat || 36 ||
[Analyze grammar]

tatastu siṃhasenasya śiraḥ kāyātsakuṇḍalam |
vyāghradattasya cākramya bhallābhyāmaharadbalī || 37 ||
[Analyze grammar]

tānpramṛdya śaravrātaiḥ pāṇḍavānāṃ mahārathān |
yudhiṣṭhirasamabhyāśe tasthau mṛtyurivāntakaḥ || 38 ||
[Analyze grammar]

tato'bhavanmahāśabdo rājanyaudhiṣṭhire bale |
hṛto rājeti yodhānāṃ samīpasthe yatavrate || 39 ||
[Analyze grammar]

abruvansainikāstatra dṛṣṭvā droṇasya vikramam |
adya rājā dhārtarāṣṭraḥ kṛtārtho vai bhaviṣyati |
āgamiṣyati no nūnaṃ dhārtarāṣṭrasya saṃyuge || 40 ||
[Analyze grammar]

evaṃ saṃjalpatāṃ teṣāṃ tāvakānāṃ mahārathaḥ |
āyājjavena kaunteyo rathaghoṣeṇa nādayan || 41 ||
[Analyze grammar]

śoṇitodāṃ rathāvartāṃ kṛtvā viśasane nadīm |
śūrāsthicayasaṃkīrṇāṃ pretakūlāpahāriṇīm || 42 ||
[Analyze grammar]

tāṃ śaraughamahāphenāṃ prāsamatsyasamākulām |
nadīmuttīrya vegena kurūnvidrāvya pāṇḍavaḥ || 43 ||
[Analyze grammar]

tataḥ kirīṭī sahasā droṇānīkamupādravat |
chādayanniṣujālena mahatā mohayanniva || 44 ||
[Analyze grammar]

śīghramabhyasyato bāṇānsaṃdadhānasya cāniśam |
nāntaraṃ dadṛśe kaścitkaunteyasya yaśasvinaḥ || 45 ||
[Analyze grammar]

na diśo nāntarikṣaṃ ca na dyaurnaiva ca medinī |
adṛśyata mahārāja bāṇabhūtamivābhavat || 46 ||
[Analyze grammar]

nādṛśyata tadā rājaṃstatra kiṃcana saṃyuge |
bāṇāndhakāre mahati kṛte gāṇḍīvadhanvanā || 47 ||
[Analyze grammar]

sūrye cāstamanuprāpte rajasā cābhisaṃvṛte |
nājñāyata tadā śatrurna suhṛnna ca kiṃcana || 48 ||
[Analyze grammar]

tato'vahāraṃ cakruste droṇaduryodhanādayaḥ |
tānviditvā bhṛśaṃ trastānayuddhamanasaḥ parān || 49 ||
[Analyze grammar]

svānyanīkāni bībhatsuḥ śanakairavahārayat |
tato'bhituṣṭuvuḥ pārthaṃ prahṛṣṭāḥ pāṇḍusṛñjayāḥ |
pāñcālāśca manojñābhirvāgbhiḥ sūryamivarṣayaḥ || 50 ||
[Analyze grammar]

evaṃ svaśibiraṃ prāyājjitvā śatrūndhanaṃjayaḥ |
pṛṣṭhataḥ sarvasainyānāṃ mudito vai sakeśavaḥ || 51 ||
[Analyze grammar]

masāragalvarkasuvarṇarūpyairvajrapravālasphaṭikaiśca mukhyaiḥ |
citre rathe pāṇḍusuto babhāse nakṣatracitre viyatīva candraḥ || 52 ||
[Analyze grammar]