Chapter 77

saṃjaya uvāca |
athātmajaṃ tava punargāṅgeyo dhyānamāsthitam |
abravīdbharataśreṣṭhaḥ saṃpraharṣakaraṃ vacaḥ || 1 ||
[Analyze grammar]

ahaṃ droṇaśca śalyaśca kṛtavarmā ca sātvataḥ |
aśvatthāmā vikarṇaśca somadatto'tha saindhavaḥ || 2 ||
[Analyze grammar]

vindānuvindāvāvantyau bāhlikaḥ saha bāhlikaiḥ |
trigartarājaśca balī māgadhaśca sudurjayaḥ || 3 ||
[Analyze grammar]

bṛhadbalaśca kausalyaścitraseno viviṃśatiḥ |
rathāśca bahusāhasrāḥ śobhamānā mahādhvajāḥ || 4 ||
[Analyze grammar]

deśajāśca hayā rājansvārūḍhā hayasādibhiḥ |
gajendrāśca madodvṛttāḥ prabhinnakaraṭāmukhāḥ || 5 ||
[Analyze grammar]

padātāśca tathā śūrā nānāpraharaṇāyudhāḥ |
nānādeśasamutpannāstvadarthe yoddhumudyatāḥ || 6 ||
[Analyze grammar]

ete cānye ca bahavastvadarthe tyaktajīvitāḥ |
devānapi raṇe jetuṃ samarthā iti me matiḥ || 7 ||
[Analyze grammar]

avaśyaṃ tu mayā rājaṃstava vācyaṃ hitaṃ sadā |
aśakyāḥ pāṇḍavā jetuṃ devairapi savāsavaiḥ |
vāsudevasahāyāśca mahendrasamavikramāḥ || 8 ||
[Analyze grammar]

sarvathāhaṃ tu rājendra kariṣye vacanaṃ tava |
pāṇḍavānvā raṇe jeṣye māṃ vā jeṣyanti pāṇḍavāḥ || 9 ||
[Analyze grammar]

evamuktvā dadau cāsmai viśalyakaraṇīṃ śubhām |
oṣadhīṃ vīryasaṃpannāṃ viśalyaścābhavattadā || 10 ||
[Analyze grammar]

tataḥ prabhāte vimale svenānīkena vīryavān |
avyūhata svayaṃ vyūhaṃ bhīṣmo vyūhaviśāradaḥ || 11 ||
[Analyze grammar]

maṇḍalaṃ manujaśreṣṭha nānāśastrasamākulam |
saṃpūrṇaṃ yodhamukhyaiśca tathā dantipadātibhiḥ || 12 ||
[Analyze grammar]

rathairanekasāhasraiḥ samantātparivāritam |
aśvavṛndairmahadbhiśca ṛṣṭitomaradhāribhiḥ || 13 ||
[Analyze grammar]

nāge nāge rathāḥ sapta sapta cāśvā rathe rathe |
anvaśvaṃ daśa dhānuṣkā dhānuṣke sapta carmiṇaḥ || 14 ||
[Analyze grammar]

evaṃvyūhaṃ mahārāja tava sainyaṃ mahārathaiḥ |
sthitaṃ raṇāya mahate bhīṣmeṇa yudhi pālitam || 15 ||
[Analyze grammar]

daśāśvānāṃ sahasrāṇi dantināṃ ca tathaiva ca |
rathānāmayutaṃ cāpi putrāśca tava daṃśitāḥ |
citrasenādayaḥ śūrā abhyarakṣanpitāmaham || 16 ||
[Analyze grammar]

rakṣyamāṇaśca taiḥ śūrairgopyamānāśca tena te |
saṃnaddhāḥ samadṛśyanta rājānaśca mahābalāḥ || 17 ||
[Analyze grammar]

duryodhanastu samare daṃśito rathamāsthitaḥ |
vyabhrājata śriyā juṣṭo yathā śakrastriviṣṭape || 18 ||
[Analyze grammar]

tataḥ śabdo mahānāsītputrāṇāṃ tava bhārata |
rathaghoṣaśca tumulo vāditrāṇāṃ ca nisvanaḥ || 19 ||
[Analyze grammar]

bhīṣmeṇa dhārtarāṣṭrāṇāṃ vyūḍhaḥ pratyaṅmukho yudhi |
maṇḍalaḥ sumahāvyūho durbhedyo'mitraghātinām |
sarvataḥ śuśubhe rājanraṇe'rīṇāṃ durāsadaḥ || 20 ||
[Analyze grammar]

maṇḍalaṃ tu samālokya vyūhaṃ paramadāruṇam |
svayaṃ yudhiṣṭhiro rājā vyūhaṃ vajramathākarot || 21 ||
[Analyze grammar]

tathā vyūḍheṣvanīkeṣu yathāsthānamavasthitāḥ |
rathinaḥ sādinaścaiva siṃhanādamathānadan || 22 ||
[Analyze grammar]

bibhitsavastato vyūhaṃ niryayuryuddhakāṅkṣiṇaḥ |
itaretarataḥ śūrāḥ sahasainyāḥ prahāriṇaḥ || 23 ||
[Analyze grammar]

bhāradvājo yayau matsyaṃ drauṇiścāpi śikhaṇḍinam |
svayaṃ duryodhano rājā pārṣataṃ samupādravat || 24 ||
[Analyze grammar]

nakulaḥ sahadevaśca rājanmadreśamīyatuḥ |
vindānuvindāvāvantyāvirāvantamabhidrutau || 25 ||
[Analyze grammar]

sarve nṛpāstu samare dhanaṃjayamayodhayan |
bhīmaseno raṇe yatto hārdikyaṃ samavārayat || 26 ||
[Analyze grammar]

citrasenaṃ vikarṇaṃ ca tathā durmarṣaṇaṃ vibho |
ārjuniḥ samare rājaṃstava putrānayodhayat || 27 ||
[Analyze grammar]

prāgjyotiṣaṃ maheṣvāsaṃ haiḍimbo rākṣasottamaḥ |
abhidudrāva vegena matto mattamiva dvipam || 28 ||
[Analyze grammar]

alambusastato rājansātyakiṃ yuddhadurmadam |
sasainyaṃ samare kruddho rākṣasaḥ samabhidravat || 29 ||
[Analyze grammar]

bhūriśravā raṇe yatto dhṛṣṭaketumayodhayat |
śrutāyuṣaṃ tu rājānaṃ dharmaputro yudhiṣṭhiraḥ || 30 ||
[Analyze grammar]

cekitānastu samare kṛpamevānvayodhayat |
śeṣāḥ pratiyayuryattā bhīmameva mahāratham || 31 ||
[Analyze grammar]

tato rājasahasrāṇi parivavrurdhanaṃjayam |
śaktitomaranārācagadāparighapāṇayaḥ || 32 ||
[Analyze grammar]

arjuno'tha bhṛśaṃ kruddho vārṣṇeyamidamabravīt |
paśya mādhava sainyāni dhārtarāṣṭrasya saṃyuge |
vyūḍhāni vyūhaviduṣā gāṅgeyena mahātmanā || 33 ||
[Analyze grammar]

yuddhābhikāmāñśūrāṃśca paśya mādhava daṃśitān |
trigartarājaṃ sahitaṃ bhrātṛbhiḥ paśya keśava || 34 ||
[Analyze grammar]

adyaitānpātayiṣyāmi paśyataste janārdana |
ya ime māṃ yaduśreṣṭha yoddhukāmā raṇājire || 35 ||
[Analyze grammar]

evamuktvā tu kaunteyo dhanurjyāmavamṛjya ca |
vavarṣa śaravarṣāṇi narādhipagaṇānprati || 36 ||
[Analyze grammar]

te'pi taṃ parameṣvāsāḥ śaravarṣairapūrayan |
taḍāgamiva dhārābhiryathā prāvṛṣi toyadāḥ || 37 ||
[Analyze grammar]

hāhākāro mahānāsīttava sainye viśāṃ pate |
chādyamānau bhṛśaṃ kṛṣṇau śarairdṛṣṭvā mahāraṇe || 38 ||
[Analyze grammar]

devā devarṣayaścaiva gandharvāśca mahoragāḥ |
vismayaṃ paramaṃ jagmurdṛṣṭvā kṛṣṇau tathāgatau || 39 ||
[Analyze grammar]

tataḥ kruddho'rjuno rājannaindramastramudīrayat |
tatrādbhutamapaśyāma vijayasya parākramam || 40 ||
[Analyze grammar]

śastravṛṣṭiṃ parairmuktāṃ śaraughairyadavārayat |
na ca tatrāpyanirbhinnaḥ kaścidāsīdviśāṃ pate || 41 ||
[Analyze grammar]

teṣāṃ rājasahasrāṇāṃ hayānāṃ dantināṃ tathā |
dvābhyāṃ tribhiḥ śaraiścānyānpārtho vivyādha māriṣa || 42 ||
[Analyze grammar]

te hanyamānāḥ pārthena bhīṣmaṃ śāṃtanavaṃ yayuḥ |
agādhe majjamānānāṃ bhīṣmastrātābhavattadā || 43 ||
[Analyze grammar]

āpatadbhistu taistatra prabhagnaṃ tāvakaṃ balam |
saṃcukṣubhe mahārāja vātairiva mahārṇavaḥ || 44 ||
[Analyze grammar]