Chapter 78

saṃjaya uvāca |
tathā pravṛtte saṃgrāme nivṛtte ca suśarmaṇi |
prabhagneṣu ca vīreṣu pāṇḍavena mahātmanā || 1 ||
[Analyze grammar]

kṣubhyamāṇe bale tūrṇaṃ sāgarapratime tava |
pratyudyāte ca gāṅgeye tvaritaṃ vijayaṃ prati || 2 ||
[Analyze grammar]

dṛṣṭvā duryodhano rājanraṇe pārthasya vikramam |
tvaramāṇaḥ samabhyetya sarvāṃstānabravīnnṛpān || 3 ||
[Analyze grammar]

teṣāṃ ca pramukhe śūraṃ suśarmāṇaṃ mahābalam |
madhye sarvasya sainyasya bhṛśaṃ saṃharṣayanvacaḥ || 4 ||
[Analyze grammar]

eṣa bhīṣmaḥ śāṃtanavo yoddhukāmo dhanaṃjayam |
sarvātmanā kuruśreṣṭhastyaktvā jīvitamātmanaḥ || 5 ||
[Analyze grammar]

taṃ prayāntaṃ parānīkaṃ sarvasainyena bhāratam |
saṃyattāḥ samare sarve pālayadhvaṃ pitāmaham || 6 ||
[Analyze grammar]

bāḍhamityevamuktvā tu tānyanīkāni sarvaśaḥ |
narendrāṇāṃ mahārāja samājagmuḥ pitāmaham || 7 ||
[Analyze grammar]

tataḥ prayātaḥ sahasā bhīṣmaḥ śāṃtanavo'rjunam |
raṇe bhāratamāyāntamāsasāda mahābalam || 8 ||
[Analyze grammar]

mahāśvetāśvayuktena bhīmavānaraketunā |
mahatā meghanādena rathenāti virājata || 9 ||
[Analyze grammar]

samare sarvasainyānāmupayātaṃ dhanaṃjayam |
abhavattumulo nādo bhayāddṛṣṭvā kirīṭinam || 10 ||
[Analyze grammar]

abhīśuhastaṃ kṛṣṇaṃ ca dṛṣṭvādityamivāparam |
madhyaṃdinagataṃ saṃkhye na śekuḥ prativīkṣitum || 11 ||
[Analyze grammar]

tathā śāṃtanavaṃ bhīṣmaṃ śvetāśvaṃ śvetakārmukam |
na śekuḥ pāṇḍavā draṣṭuṃ śvetagrahamivoditam || 12 ||
[Analyze grammar]

sa sarvataḥ parivṛtastrigartaiḥ sumahātmabhiḥ |
bhrātṛbhistava putraiśca tathānyaiśca mahārathaiḥ || 13 ||
[Analyze grammar]

bhāradvājastu samare matsyaṃ vivyādha patriṇā |
dhvajaṃ cāsya śareṇājau dhanuścaikena cicchide || 14 ||
[Analyze grammar]

tadapāsya dhanuśchinnaṃ virāṭo vāhinīpatiḥ |
anyadādatta vegena dhanurbhārasahaṃ dṛḍham |
śarāṃścāśīviṣākārāñjvalitānpannagāniva || 15 ||
[Analyze grammar]

droṇaṃ tribhiḥ pravivyādha caturbhiścāsya vājinaḥ |
dhvajamekena vivyādha sārathiṃ cāsya pañcabhiḥ |
dhanurekeṣuṇāvidhyattatrākrudhyaddvijarṣabhaḥ || 16 ||
[Analyze grammar]

tasya droṇo'vadhīdaśvāñśaraiḥ saṃnataparvabhiḥ |
aṣṭābhirbharataśreṣṭha sūtamekena patriṇā || 17 ||
[Analyze grammar]

sa hatāśvādavaplutya syandanāddhatasārathiḥ |
āruroha rathaṃ tūrṇaṃ śaṅkhasya rathināṃ varaḥ || 18 ||
[Analyze grammar]

tatastu tau pitāputrau bhāradvājaṃ rathe sthitau |
mahatā śaravarṣeṇa vārayāmāsaturbalāt || 19 ||
[Analyze grammar]

bhāradvājastataḥ kruddhaḥ śaramāśīviṣopamam |
cikṣepa samare tūrṇaṃ śaṅkhaṃ prati janeśvara || 20 ||
[Analyze grammar]

sa tasya hṛdayaṃ bhittvā pītvā śoṇitamāhave |
jagāma dharaṇiṃ bāṇo lohitārdrīkṛtacchaviḥ || 21 ||
[Analyze grammar]

sa papāta rathāttūrṇaṃ bhāradvājaśarāhataḥ |
dhanustyaktvā śarāṃścaiva pitureva samīpataḥ || 22 ||
[Analyze grammar]

hataṃ svamātmajaṃ dṛṣṭvā virāṭaḥ prādravadbhayāt |
utsṛjya samare droṇaṃ vyāttānanamivāntakam || 23 ||
[Analyze grammar]

bhāradvājastatastūrṇaṃ pāṇḍavānāṃ mahācamūm |
dārayāmāsa samare śataśo'tha sahasraśaḥ || 24 ||
[Analyze grammar]

śikhaṇḍyapi mahārāja drauṇimāsādya saṃyuge |
ājaghāna bhruvormadhye nārācaistribhirāśugaiḥ || 25 ||
[Analyze grammar]

sa babhau naraśārdūlo lalāṭe saṃsthitaistribhiḥ |
śikharaiḥ kāñcanamayairmerustribhirivocchritaiḥ || 26 ||
[Analyze grammar]

aśvatthāmā tataḥ kruddho nimeṣārdhācchikhaṇḍinaḥ |
sūtaṃ dhvajamatho rājaṃsturagānāyudhaṃ tathā |
śarairbahubhiruddiśya pātayāmāsa saṃyuge || 27 ||
[Analyze grammar]

sa hatāśvādavaplutya rathādvai rathināṃ varaḥ |
khaḍgamādāya niśitaṃ vimalaṃ ca śarāvaram |
śyenavadvyacaratkruddhaḥ śikhaṇḍī śatrutāpanaḥ || 28 ||
[Analyze grammar]

sakhaḍgasya mahārāja caratastasya saṃyuge |
nāntaraṃ dadṛśe drauṇistadadbhutamivābhavat || 29 ||
[Analyze grammar]

tataḥ śarasahasrāṇi bahūni bharatarṣabha |
preṣayāmāsa samare drauṇiḥ paramakopanaḥ || 30 ||
[Analyze grammar]

tāmāpatantīṃ samare śaravṛṣṭiṃ sudāruṇām |
asinā tīkṣṇadhāreṇa ciccheda balināṃ varaḥ || 31 ||
[Analyze grammar]

tato'sya vimalaṃ drauṇiḥ śatacandraṃ manoramam |
carmācchinadasiṃ cāsya khaṇḍayāmāsa saṃyuge |
śitaiḥ subahuśo rājaṃstaṃ ca vivyādha patribhiḥ || 32 ||
[Analyze grammar]

śikhaṇḍī tu tataḥ khaḍgaṃ khaṇḍitaṃ tena sāyakaiḥ |
āvidhya vyasṛjattūrṇaṃ jvalantamiva pannagam || 33 ||
[Analyze grammar]

tamāpatantaṃ sahasā kālānalasamaprabham |
ciccheda samare drauṇirdarśayanpāṇilāghavam |
śikhaṇḍinaṃ ca vivyādha śarairbahubhirāyasaiḥ || 34 ||
[Analyze grammar]

śikhaṇḍī tu bhṛśaṃ rājaṃstāḍyamānaḥ śitaiḥ śaraiḥ |
āruroha rathaṃ tūrṇaṃ mādhavasya mahātmanaḥ || 35 ||
[Analyze grammar]

sātyakistu tataḥ kruddho rākṣasaṃ krūramāhave |
alambusaṃ śarairghorairvivyādha balinaṃ balī || 36 ||
[Analyze grammar]

rākṣasendrastatastasya dhanuściccheda bhārata |
ardhacandreṇa samare taṃ ca vivyādha sāyakaiḥ |
māyāṃ ca rākṣasīṃ kṛtvā śaravarṣairavākirat || 37 ||
[Analyze grammar]

tatrādbhutamapaśyāma śaineyasya parākramam |
nāsaṃbhramadyatsamare vadhyamānaḥ śitaiḥ śaraiḥ || 38 ||
[Analyze grammar]

aindramastraṃ ca vārṣṇeyo yojayāmāsa bhārata |
vijayādyadanuprāptaṃ mādhavena yaśasvinā || 39 ||
[Analyze grammar]

tadastraṃ bhasmasātkṛtvā māyāṃ tāṃ rākṣasīṃ tadā |
alambusaṃ śarairghorairabhyākirata sarvaśaḥ |
parvataṃ vāridhārābhiḥ prāvṛṣīva balāhakaḥ || 40 ||
[Analyze grammar]

tattathā pīḍitaṃ tena mādhavena mahātmanā |
pradudrāva bhayādrakṣo hitvā sātyakimāhave || 41 ||
[Analyze grammar]

tamajeyaṃ rākṣasendraṃ saṃkhye maghavatā api |
śaineyaḥ prāṇadajjitvā yodhānāṃ tava paśyatām || 42 ||
[Analyze grammar]

nyahanattāvakāṃścāpi sātyakiḥ satyavikramaḥ |
niśitairbahubhirbāṇaiste'dravanta bhayārditāḥ || 43 ||
[Analyze grammar]

etasminneva kāle tu drupadasyātmajo balī |
dhṛṣṭadyumno mahārāja tava putraṃ janeśvaram |
chādayāmāsa samare śaraiḥ saṃnataparvabhiḥ || 44 ||
[Analyze grammar]

saṃchādyamāno viśikhairdhṛṣṭadyumnena bhārata |
vivyathe na ca rājendra tava putro janeśvaraḥ || 45 ||
[Analyze grammar]

dhṛṣṭadyumnaṃ ca samare tūrṇaṃ vivyādha sāyakaiḥ |
ṣaṣṭyā ca triṃśatā caiva tadadbhutamivābhavat || 46 ||
[Analyze grammar]

tasya senāpatiḥ kruddho dhanuściccheda māriṣa |
hayāṃśca caturaḥ śīghraṃ nijaghāna mahārathaḥ |
śaraiścainaṃ suniśitaiḥ kṣipraṃ vivyādha saptabhiḥ || 47 ||
[Analyze grammar]

sa hatāśvānmahābāhuravaplutya rathādbalī |
padātirasimudyamya prādravatpārṣataṃ prati || 48 ||
[Analyze grammar]

śakunistaṃ samabhyetya rājagṛddhī mahābalaḥ |
rājānaṃ sarvalokasya rathamāropayatsvakam || 49 ||
[Analyze grammar]

tato nṛpaṃ parājitya pārṣataḥ paravīrahā |
nyahanattāvakaṃ sainyaṃ vajrapāṇirivāsuram || 50 ||
[Analyze grammar]

kṛtavarmā raṇe bhīmaṃ śarairārchanmahāratham |
pracchādayāmāsa ca taṃ mahāmegho raviṃ yathā || 51 ||
[Analyze grammar]

tataḥ prahasya samare bhīmasenaḥ paraṃtapaḥ |
preṣayāmāsa saṃkruddhaḥ sāyakānkṛtavarmaṇe || 52 ||
[Analyze grammar]

tairardyamāno'tirathaḥ sātvataḥ śastrakovidaḥ |
nākampata mahārāja bhīmaṃ cārchacchitaiḥ śaraiḥ || 53 ||
[Analyze grammar]

tasyāśvāṃścaturo hatvā bhīmaseno mahābalaḥ |
sārathiṃ pātayāmāsa dhvajaṃ ca supariṣkṛtam || 54 ||
[Analyze grammar]

śarairbahuvidhaiścainamācinotparavīrahā |
śakalīkṛtasarvāṅgaḥ śvāvidvatsamadṛśyata || 55 ||
[Analyze grammar]

hatāśvāttu rathāttūrṇaṃ vṛṣakasya rathaṃ yayau |
syālasya te mahārāja tava putrasya paśyataḥ || 56 ||
[Analyze grammar]

bhīmaseno'pi saṃkruddhastava sainyamupādravat |
nijaghāna ca saṃkruddho daṇḍapāṇirivāntakaḥ || 57 ||
[Analyze grammar]