Chapter 162

dhṛtarāṣṭra uvāca |
pratijñāte phalgunena vadhe bhīṣmasya saṃjaya |
kimakurvanta me mandāḥ putrā duryodhanādayaḥ || 1 ||
[Analyze grammar]

hatameva hi paśyāmi gāṅgeyaṃ pitaraṃ raṇe |
vāsudevasahāyena pārthena dṛḍhadhanvanā || 2 ||
[Analyze grammar]

sa cāparimitaprajñastacchrutvā pārthabhāṣitam |
kimuktavānmaheṣvāso bhīṣmaḥ praharatāṃ varaḥ || 3 ||
[Analyze grammar]

senāpatyaṃ ca saṃprāpya kauravāṇāṃ dhuraṃdharaḥ |
kimaceṣṭata gāṅgeyo mahābuddhiparākramaḥ || 4 ||
[Analyze grammar]

vaiśaṃpāyana uvāca |
tatastatsaṃjayastasmai sarvameva nyavedayat |
yathoktaṃ kuruvṛddhena bhīṣmeṇāmitatejasā || 5 ||
[Analyze grammar]

saṃjaya uvāca |
senāpatyamanuprāpya bhīṣmaḥ śāṃtanavo nṛpa |
duryodhanamuvācedaṃ vacanaṃ harṣayanniva || 6 ||
[Analyze grammar]

namaskṛtvā kumārāya senānye śaktipāṇaye |
ahaṃ senāpatiste'dya bhaviṣyāmi na saṃśayaḥ || 7 ||
[Analyze grammar]

senākarmaṇyabhijño'smi vyūheṣu vividheṣu ca |
karma kārayituṃ caiva bhṛtānapyabhṛtāṃstathā || 8 ||
[Analyze grammar]

yātrāyāneṣu yuddheṣu labdhapraśamaneṣu ca |
bhṛśaṃ veda mahārāja yathā veda bṛhaspatiḥ || 9 ||
[Analyze grammar]

vyūhānapi mahārambhāndaivagāndharvamānuṣān |
tairahaṃ mohayiṣyāmi pāṇḍavānvyetu te jvaraḥ || 10 ||
[Analyze grammar]

so'haṃ yotsyāmi tattvena pālayaṃstava vāhinīm |
yathāvacchāstrato rājanvyetu te mānaso jvaraḥ || 11 ||
[Analyze grammar]

duryodhana uvāca |
na vidyate me gāṅgeya bhayaṃ devāsureṣvapi |
samasteṣu mahābāho satyametadbravīmi te || 12 ||
[Analyze grammar]

kiṃ punastvayi durdharṣe senāpatye vyavasthite |
droṇe ca puruṣavyāghre sthite yuddhābhinandini || 13 ||
[Analyze grammar]

bhavadbhyāṃ puruṣāgryābhyāṃ sthitābhyāṃ vijayo mama |
na durlabhaṃ kuruśreṣṭha devarājyamapi dhruvam || 14 ||
[Analyze grammar]

rathasaṃkhyāṃ tu kārtsnyena pareṣāmātmanastathā |
tathaivātirathānāṃ ca vettumicchāmi kaurava || 15 ||
[Analyze grammar]

pitāmaho hi kuśalaḥ pareṣāmātmanastathā |
śrotumicchāmyahaṃ sarvaiḥ sahaibhirvasudhādhipaiḥ || 16 ||
[Analyze grammar]

bhīṣma uvāca |
gāndhāre śṛṇu rājendra rathasaṃkhyāṃ svake bale |
ye rathāḥ pṛthivīpāla tathaivātirathāśca ye || 17 ||
[Analyze grammar]

bahūnīha sahasrāṇi prayutānyarbudāni ca |
rathānāṃ tava senāyāṃ yathāmukhyaṃ tu me śṛṇu || 18 ||
[Analyze grammar]

bhavānagre rathodāraḥ saha sarvaiḥ sahodaraiḥ |
duḥśāsanaprabhṛtibhirbhrātṛbhiḥ śatasaṃmitaiḥ || 19 ||
[Analyze grammar]

sarve kṛtapraharaṇāśchedyabhedyaviśāradāḥ |
rathopasthe gajaskandhe gadāyuddhe'sicarmaṇi || 20 ||
[Analyze grammar]

saṃyantāraḥ prahartāraḥ kṛtāstrā bhārasādhanāḥ |
iṣvastre droṇaśiṣyāśca kṛpasya ca śaradvataḥ || 21 ||
[Analyze grammar]

ete haniṣyanti raṇe pāñcālānyuddhadurmadān |
kṛtakilbiṣāḥ pāṇḍaveyairdhārtarāṣṭrā manasvinaḥ || 22 ||
[Analyze grammar]

tato'haṃ bharataśreṣṭha sarvasenāpatistava |
śatrūnvidhvaṃsayiṣyāmi kadarthīkṛtya pāṇḍavān |
na tvātmano guṇānvaktumarhāmi vidito'smi te || 23 ||
[Analyze grammar]

kṛtavarmā tvatiratho bhojaḥ praharatāṃ varaḥ |
arthasiddhiṃ tava raṇe kariṣyati na saṃśayaḥ || 24 ||
[Analyze grammar]

astravidbhiranādhṛṣyo dūrapātī dṛḍhāyudhaḥ |
haniṣyati ripūṃstubhyaṃ mahendro dānavāniva || 25 ||
[Analyze grammar]

madrarājo maheṣvāsaḥ śalyo me'tiratho mataḥ |
spardhate vāsudevena yo vai nityaṃ raṇe raṇe || 26 ||
[Analyze grammar]

bhāgineyānnijāṃstyaktvā śalyaste rathasattamaḥ |
eṣa yotsyati saṃgrāme kṛṣṇaṃ cakragadādharam || 27 ||
[Analyze grammar]

sāgarormisamairvegaiḥ plāvayanniva śātravān |
bhūriśravāḥ kṛtāstraśca tava cāpi hitaḥ suhṛt || 28 ||
[Analyze grammar]

saumadattirmaheṣvāso rathayūthapayūthapaḥ |
balakṣayamamitrāṇāṃ sumahāntaṃ kariṣyati || 29 ||
[Analyze grammar]

sindhurājo mahārāja mato me dviguṇo rathaḥ |
yotsyate samare rājanvikrānto rathasattamaḥ || 30 ||
[Analyze grammar]

draupadīharaṇe pūrvaṃ parikliṣṭaḥ sa pāṇḍavaiḥ |
saṃsmaraṃstaṃ parikleśaṃ yotsyate paravīrahā || 31 ||
[Analyze grammar]

etena hi tadā rājaṃstapa āsthāya dāruṇam |
sudurlabho varo labdhaḥ pāṇḍavānyoddhumāhave || 32 ||
[Analyze grammar]

sa eṣa rathaśārdūlastadvairaṃ saṃsmaranraṇe |
yotsyate pāṇḍavāṃstāta prāṇāṃstyaktvā sudustyajān || 33 ||
[Analyze grammar]