Chapter 98

yudhiṣṭhira uvāca |
kṣatradharmānna pāpīyāndharmo'sti bharatarṣabha |
abhiyāne ca yuddhe ca rājā hanti mahājanam || 1 ||
[Analyze grammar]

atha sma karmaṇā yena lokāñjayati pārthivaḥ |
vidvañjijñāsamānāya prabrūhi bharatarṣabha || 2 ||
[Analyze grammar]

bhīṣma uvāca |
nigraheṇa ca pāpānāṃ sādhūnāṃ pragraheṇa ca |
yajñairdānaiśca rājāno bhavanti śucayo'malāḥ || 3 ||
[Analyze grammar]

uparundhanti rājāno bhūtāni vijayārthinaḥ |
ta eva vijayaṃ prāpya vardhayanti punaḥ prajāḥ || 4 ||
[Analyze grammar]

apavidhyanti pāpāni dānayajñatapobalaiḥ |
anugraheṇa bhūtānāṃ puṇyameṣāṃ pravardhate || 5 ||
[Analyze grammar]

yathaiva kṣetranirdātā nirdanvai kṣetramekadā |
hinasti kakṣaṃ dhānyaṃ ca na ca dhānyaṃ vinaśyati || 6 ||
[Analyze grammar]

evaṃ śastrāṇi muñcanto ghnanti vadhyānathaikadā |
tasyaiṣā niṣkṛtiḥ kṛtsnā bhūtānāṃ bhāvanaṃ punaḥ || 7 ||
[Analyze grammar]

yo bhūtāni dhanajyānādvadhātkleśācca rakṣati |
dasyubhyaḥ prāṇadānātsa dhanadaḥ sukhado virāṭ || 8 ||
[Analyze grammar]

sa sarvayajñairījāno rājāthābhayadakṣiṇaiḥ |
anubhūyeha bhadrāṇi prāpnotīndrasalokatām || 9 ||
[Analyze grammar]

brāhmaṇārthe samutpanne yo'bhiniḥsṛtya yudhyate |
ātmānaṃ yūpamucchritya sa yajño'nantadakṣiṇaḥ || 10 ||
[Analyze grammar]

abhīto vikirañśatrūnpratigṛhṇañśarāṃstathā |
na tasmāttridaśāḥ śreyo bhuvi paśyanti kiṃcana || 11 ||
[Analyze grammar]

tasya yāvanti śastrāṇi tvacaṃ bhindanti saṃyuge |
tāvataḥ so'śnute lokānsarvakāmaduho'kṣayān || 12 ||
[Analyze grammar]

na tasya rudhiraṃ gātrādāvedhebhyaḥ pravartate |
sa ha tenaiva raktena sarvapāpaiḥ pramucyate || 13 ||
[Analyze grammar]

yāni duḥkhāni sahate vraṇānāmabhitāpane |
na tato'sti tapo bhūya iti dharmavido viduḥ || 14 ||
[Analyze grammar]

pṛṣṭhato bhīravaḥ saṃkhye vartante'dhamapūruṣāḥ |
śūrāccharaṇamicchantaḥ parjanyādiva jīvanam || 15 ||
[Analyze grammar]

yadi śūrastathā kṣeme pratirakṣettathā bhaye |
pratirūpaṃ janāḥ kuryurna ca tadvartate tathā || 16 ||
[Analyze grammar]

yadi te kṛtamājñāya namaskuryuḥ sadaiva tam |
yuktaṃ nyāyyaṃ ca kuryuste na ca tadvartate tathā || 17 ||
[Analyze grammar]

puruṣāṇāṃ samānānāṃ dṛśyate mahadantaram |
saṃgrāme'nīkavelāyāmutkruṣṭe'bhipatatsu ca || 18 ||
[Analyze grammar]

patatyabhimukhaḥ śūraḥ parānbhīruḥ palāyate |
āsthāyāsvargyamadhvānaṃ sahāyānviṣame tyajan || 19 ||
[Analyze grammar]

mā sma tāṃstādṛśāṃstāta janiṣṭhāḥ puruṣādhamān |
ye sahāyānraṇe hitvā svastimanto gṛhānyayuḥ || 20 ||
[Analyze grammar]

asvasti tebhyaḥ kurvanti devā indrapurogamāḥ |
tyāgena yaḥ sahāyānāṃ svānprāṇāṃstrātumicchati || 21 ||
[Analyze grammar]

taṃ hanyuḥ kāṣṭhaloṣṭairvā daheyurvā kaṭāgninā |
paśuvanmārayeyurvā kṣatriyā ye syurīdṛśāḥ || 22 ||
[Analyze grammar]

adharmaḥ kṣatriyasyaiṣa yacchayyāmaraṇaṃ bhavet |
visṛjañśleṣmapittāni kṛpaṇaṃ paridevayan || 23 ||
[Analyze grammar]

avikṣatena dehena pralayaṃ yo'dhigacchati |
kṣatriyo nāsya tatkarma praśaṃsanti purāvidaḥ || 24 ||
[Analyze grammar]

na gṛhe maraṇaṃ tāta kṣatriyāṇāṃ praśasyate |
śauṭīrāṇāmaśauṭīramadharmyaṃ kṛpaṇaṃ ca tat || 25 ||
[Analyze grammar]

idaṃ duḥkhamaho kaṣṭaṃ pāpīya iti niṣṭanan |
pratidhvastamukhaḥ pūtiramātyānbahu śocayan || 26 ||
[Analyze grammar]

arogāṇāṃ spṛhayate muhurmṛtyumapīcchati |
vīro dṛpto'bhimānī ca nedṛśaṃ mṛtyumarhati || 27 ||
[Analyze grammar]

raṇeṣu kadanaṃ kṛtvā jñātibhiḥ parivāritaḥ |
tīkṣṇaiḥ śastraiḥ suvikliṣṭaḥ kṣatriyo mṛtyumarhati || 28 ||
[Analyze grammar]

śūro hi satyamanyubhyāmāviṣṭo yudhyate bhṛśam |
kṛtyamānāni gātrāṇi parairnaivāvabudhyate || 29 ||
[Analyze grammar]

sa saṃkhye nidhanaṃ prāpya praśastaṃ lokapūjitam |
svadharmaṃ vipulaṃ prāpya śakrasyaiti salokatām || 30 ||
[Analyze grammar]

sarvo yodhaḥ paraṃ tyaktumāviṣṭastyaktajīvitaḥ |
prāpnotīndrasya sālokyaṃ śūraḥ pṛṣṭhamadarśayan || 31 ||
[Analyze grammar]