Chapter 101

saṃjaya uvāca |
aparāhṇe mahārāja saṃgrāmaḥ samapadyata |
parjanyasamanirghoṣaḥ punardroṇasya somakaiḥ || 1 ||
[Analyze grammar]

śoṇāśvaṃ rathamāsthāya naravīraḥ samāhitaḥ |
samare'bhyadravatpāṇḍūñjavamāsthāya madhyamam || 2 ||
[Analyze grammar]

tava priyahite yukto maheṣvāso mahābalaḥ |
citrapuṅkhaiḥ śitairbāṇaiḥ kalaśottamasaṃbhavaḥ || 3 ||
[Analyze grammar]

varānvarānhi yodhānāṃ vicinvanniva bhārata |
akrīḍata raṇe rājanbhāradvājaḥ pratāpavān || 4 ||
[Analyze grammar]

tamabhyayādbṛhatkṣatraḥ kekayānāṃ mahārathaḥ |
bhrātṝṇāṃ vīrapañcānāṃ jyeṣṭhaḥ samarakarkaśaḥ || 5 ||
[Analyze grammar]

vimuñcanviśikhāṃstīkṣṇānācāryaṃ chādayanbhṛśam |
mahāmegho yathā varṣaṃ vimuñcangandhamādane || 6 ||
[Analyze grammar]

tasya droṇo mahārāja svarṇapuṅkhāñśilāśitān |
preṣayāmāsa saṃkruddhaḥ sāyakāndaśa sapta ca || 7 ||
[Analyze grammar]

tāṃstu droṇadhanurmuktānghorānāśīviṣopamān |
ekaikaṃ daśabhirbāṇairyudhi ciccheda hṛṣṭavat || 8 ||
[Analyze grammar]

tasya tallāghavaṃ dṛṣṭvā prahasandvijasattamaḥ |
preṣayāmāsa viśikhānaṣṭau saṃnataparvaṇaḥ || 9 ||
[Analyze grammar]

tāndṛṣṭvā patataḥ śīghraṃ droṇacāpacyutāñśarān |
avārayaccharaireva tāvadbhirniśitairdṛḍhaiḥ || 10 ||
[Analyze grammar]

tato'bhavanmahārāja tava sainyasya vismayaḥ |
bṛhatkṣatreṇa tatkarma kṛtaṃ dṛṣṭvā suduṣkaram || 11 ||
[Analyze grammar]

tato droṇo mahārāja kekayaṃ vai viśeṣayan |
prāduścakre raṇe divyaṃ brāhmamastraṃ mahātapāḥ || 12 ||
[Analyze grammar]

tadasya rājankaikeyaḥ pratyavārayadacyutaḥ |
brāhmeṇaiva mahābāhurāhave samudīritam || 13 ||
[Analyze grammar]

pratihanya tadastraṃ tu bhāradvājasya saṃyuge |
vivyādha brāhmaṇaṃ ṣaṣṭyā svarṇapuṅkhaiḥ śilāśitaiḥ || 14 ||
[Analyze grammar]

taṃ droṇo dvipadāṃ śreṣṭho nārācena samarpayat |
sa tasya kavacaṃ bhittvā prāviśaddharaṇītalam || 15 ||
[Analyze grammar]

kṛṣṇasarpo yathā mukto valmīkaṃ nṛpasattama |
tathābhyagānmahīṃ bāṇo bhittvā kaikeyamāhave || 16 ||
[Analyze grammar]

so'tividdho mahārāja droṇenāstravidā bhṛśam |
krodhena mahatāviṣṭo vyāvṛtya nayane śubhe || 17 ||
[Analyze grammar]

droṇaṃ vivyādha saptatyā svarṇapuṅkhaiḥ śilāśitaiḥ |
sārathiṃ cāsya bhallena bāhvorurasi cārpayat || 18 ||
[Analyze grammar]

droṇastu bahudhā viddho bṛhatkṣatreṇa māriṣa |
asṛjadviśikhāṃstīkṣṇānkekayasya rathaṃ prati || 19 ||
[Analyze grammar]

vyākulīkṛtya taṃ droṇo bṛhatkṣatraṃ mahāratham |
vyasṛjatsāyakaṃ tīkṣṇaṃ kekayaṃ prati bhārata || 20 ||
[Analyze grammar]

sa gāḍhaviddhastenāśu mahārāja stanāntare |
rathātpuruṣaśārdūlaḥ saṃbhinnahṛdayo'patat || 21 ||
[Analyze grammar]

bṛhatkṣatre hate rājankekayānāṃ mahārathe |
śaiśupāliḥ susaṃkruddho yantāramidamabravīt || 22 ||
[Analyze grammar]

sārathe yāhi yatraiṣa droṇastiṣṭhati daṃśitaḥ |
vinighnankekayānsarvānpāñcālānāṃ ca vāhinīm || 23 ||
[Analyze grammar]

tasya tadvacanaṃ śrutvā sārathī rathināṃ varam |
droṇāya prāpayāmāsa kāmbojairjavanairhayaiḥ || 24 ||
[Analyze grammar]

dhṛṣṭaketuśca cedīnāmṛṣabho'tibaloditaḥ |
sahasā prāpataddroṇaṃ pataṃga iva pāvakam || 25 ||
[Analyze grammar]

so'bhyavidhyattato droṇaṃ ṣaṣṭyā sāśvarathadhvajam |
punaścānyaiḥ śaraistīkṣṇaiḥ suptaṃ vyāghraṃ tudanniva || 26 ||
[Analyze grammar]

tasya droṇo dhanurmadhye kṣurapreṇa śitena ha |
ciccheda rājño balino yatamānasya saṃyuge || 27 ||
[Analyze grammar]

athānyaddhanurādāya śaiśupālirmahārathaḥ |
vivyādha sāyakairdroṇaṃ punaḥ suniśitairdṛḍhaiḥ || 28 ||
[Analyze grammar]

tasya droṇo hayānhatvā sārathiṃ ca mahābalaḥ |
athainaṃ pañcaviṃśatyā sāyakānāṃ samārpayat || 29 ||
[Analyze grammar]

viratho vidhanuṣkaśca cedirājo'pi saṃyuge |
gadāṃ cikṣepa saṃkruddho bhāradvājarathaṃ prati || 30 ||
[Analyze grammar]

tāmāpatantīṃ sahasā ghorarūpāṃ bhayāvahām |
aśmasāramayīṃ gurvīṃ tapanīyavibhūṣitām |
śarairanekasāhasrairbhāradvājo nyapātayat || 31 ||
[Analyze grammar]

sā papāta gadā bhūmau bhāradvājena sāditā |
raktamālyāmbaradharā tāreva nabhasastalāt || 32 ||
[Analyze grammar]

gadāṃ vinihatāṃ dṛṣṭvā dhṛṣṭaketuramarṣaṇaḥ |
tomaraṃ vyasṛjattūrṇaṃ śaktiṃ ca kanakojjvalām || 33 ||
[Analyze grammar]

tomaraṃ tu tribhirbāṇairdroṇaśchittvā mahāmṛdhe |
śaktiṃ ciccheda sahasā kṛtahasto mahābalaḥ || 34 ||
[Analyze grammar]

tato'sya viśikhaṃ tīkṣṇaṃ vadhārthaṃ vadhakāṅkṣiṇaḥ |
preṣayāmāsa samare bhāradvājaḥ pratāpavān || 35 ||
[Analyze grammar]

sa tasya kavacaṃ bhittvā hṛdayaṃ cāmitaujasaḥ |
abhyagāddharaṇīṃ bāṇo haṃsaḥ padmasaro yathā || 36 ||
[Analyze grammar]

pataṃgaṃ hi graseccāṣo yathā rājanbubhukṣitaḥ |
tathā droṇo'grasacchūro dhṛṣṭaketuṃ mahāmṛdhe || 37 ||
[Analyze grammar]

nihate cedirāje tu tatkhaṇḍaṃ pitryamāviśat |
amarṣavaśamāpannaḥ putro'sya paramāstravit || 38 ||
[Analyze grammar]

tamapi prahasandroṇaḥ śarairninye yamakṣayam |
mahāvyāghro mahāraṇye mṛgaśāvaṃ yathā balī || 39 ||
[Analyze grammar]

teṣu prakṣīyamāṇeṣu pāṇḍaveyeṣu bhārata |
jarāsaṃdhasuto vīraḥ svayaṃ droṇamupādravat || 40 ||
[Analyze grammar]

sa tu droṇaṃ mahārāja chādayansāyakaiḥ śitaiḥ |
adṛśyamakarottūrṇaṃ jalado bhāskaraṃ yathā || 41 ||
[Analyze grammar]

tasya tallāghavaṃ dṛṣṭvā droṇaḥ kṣatriyamardanaḥ |
vyasṛjatsāyakāṃstūrṇaṃ śataśo'tha sahasraśaḥ || 42 ||
[Analyze grammar]

chādayitvā raṇe droṇo rathasthaṃ rathināṃ varam |
jārāsaṃdhimatho jaghne miṣatāṃ sarvadhanvinām || 43 ||
[Analyze grammar]

yo yaḥ sma līyate droṇaṃ taṃ taṃ droṇo'ntakopamaḥ |
ādatta sarvabhūtāni prāpte kāle yathāntakaḥ || 44 ||
[Analyze grammar]

tato droṇo maheṣvāso nāma viśrāvya saṃyuge |
śarairanekasāhasraiḥ pāṇḍaveyānvyamohayat || 45 ||
[Analyze grammar]

tato droṇāṅkitā bāṇāḥ svarṇapuṅkhāḥ śilāśitāḥ |
narānnāgānhayāṃścaiva nijaghnuḥ sarvato raṇe || 46 ||
[Analyze grammar]

te vadhyamānā droṇena śakreṇeva mahāsurāḥ |
samakampanta pāñcālā gāvaḥ śītārditā iva || 47 ||
[Analyze grammar]

tato niṣṭānako ghoraḥ pāṇḍavānāmajāyata |
droṇena vadhyamāneṣu sainyeṣu bharatarṣabha || 48 ||
[Analyze grammar]

mohitāḥ śaravarṣeṇa bhāradvājasya saṃyuge |
ūrugrāhagṛhītā hi pāñcālānāṃ mahārathāḥ || 49 ||
[Analyze grammar]

cedayaśca mahārāja sṛñjayāḥ somakāstathā |
abhyadravanta saṃhṛṣṭā bhāradvājaṃ yuyutsayā || 50 ||
[Analyze grammar]

hata droṇaṃ hata droṇamiti te droṇamabhyayuḥ |
yatantaḥ puruṣavyāghrāḥ sarvaśaktyā mahādyutim |
ninīṣanto raṇe droṇaṃ yamasya sadanaṃ prati || 51 ||
[Analyze grammar]

yatamānāṃstu tānvīrānbhāradvājaḥ śilīmukhaiḥ |
yamāya preṣayāmāsa cedimukhyānviśeṣataḥ || 52 ||
[Analyze grammar]

teṣu prakṣīyamāṇeṣu cedimukhyeṣu bhārata |
pāñcālāḥ samakampanta droṇasāyakapīḍitāḥ || 53 ||
[Analyze grammar]

prākrośanbhīmasenaṃ te dhṛṣṭadyumnarathaṃ prati |
dṛṣṭvā droṇasya karmāṇi tathārūpāṇi māriṣa || 54 ||
[Analyze grammar]

brāhmaṇena tapo nūnaṃ caritaṃ duścaraṃ mahat |
tathā hi yudhi vikrānto dahati kṣatriyarṣabhān || 55 ||
[Analyze grammar]

dharmo yuddhaṃ kṣatriyasya brāhmaṇasya paraṃ tapaḥ |
tapasvī kṛtavidyaśca prekṣitenāpi nirdahet || 56 ||
[Analyze grammar]

droṇāstramagnisaṃsparśaṃ praviṣṭāḥ kṣatriyarṣabhāḥ |
bahavo dustaraṃ ghoraṃ yatrādahyanta bhārata || 57 ||
[Analyze grammar]

yathābalaṃ yathotsāhaṃ yathāsattvaṃ mahādyutiḥ |
mohayansarvabhūtāni droṇo hanti balāni naḥ || 58 ||
[Analyze grammar]

teṣāṃ tadvacanaṃ śrutvā kṣatradharmā vyavasthitaḥ |
ardhacandreṇa ciccheda droṇasya saśaraṃ dhanuḥ || 59 ||
[Analyze grammar]

sa saṃrabdhataro bhūtvā droṇaḥ kṣatriyamardanaḥ |
anyatkārmukamādāya bhāsvaraṃ vegavattaram || 60 ||
[Analyze grammar]

tatrādhāya śaraṃ tīkṣṇaṃ bhāraghnaṃ vimalaṃ dṛḍham |
ākarṇapūrṇamācāryo balavānabhyavāsṛjat || 61 ||
[Analyze grammar]

sa hatvā kṣatradharmāṇaṃ jagāma dharaṇītalam |
sa bhinnahṛdayo vāhādapatanmedinītale || 62 ||
[Analyze grammar]

tataḥ sainyānyakampanta dhṛṣṭadyumnasute hate |
atha droṇaṃ samārohaccekitāno mahārathaḥ || 63 ||
[Analyze grammar]

sa droṇaṃ daśabhirbāṇaiḥ pratyavidhyatstanāntare |
caturbhiḥ sārathiṃ cāsya caturbhiścaturo hayān || 64 ||
[Analyze grammar]

tasyācāryaḥ ṣoḍaśabhiravidhyaddakṣiṇaṃ bhujam |
dhvajaṃ ṣoḍaśabhirbāṇairyantāraṃ cāsya saptabhiḥ || 65 ||
[Analyze grammar]

tasya sūte hate te'śvā rathamādāya vidrutāḥ |
samare śarasaṃvītā bhāradvājena māriṣa || 66 ||
[Analyze grammar]

cekitānarathaṃ dṛṣṭvā vidrutaṃ hatasārathim |
pāñcālānpāṇḍavāṃścaiva mahadbhayamathāviśat || 67 ||
[Analyze grammar]

tānsametānraṇe śūrāṃścedipāñcālasṛñjayān |
samantāddrāvayandroṇo bahvaśobhata māriṣa || 68 ||
[Analyze grammar]

ākarṇapalitaḥ śyāmo vayasāśītikātparaḥ |
raṇe paryacaraddroṇo vṛddhaḥ ṣoḍaśavarṣavat || 69 ||
[Analyze grammar]

atha droṇaṃ mahārāja vicarantamabhītavat |
vajrahastamamanyanta śatravaḥ śatrusūdanam || 70 ||
[Analyze grammar]

tato'bravīnmahārāja drupado buddhimānnṛpa |
lubdho'yaṃ kṣatriyānhanti vyāghraḥ kṣudramṛgāniva || 71 ||
[Analyze grammar]

kṛcchrānduryodhano lokānpāpaḥ prāpsyati durmatiḥ |
yasya lobhādvinihatāḥ samare kṣatriyarṣabhāḥ || 72 ||
[Analyze grammar]

śataśaḥ śerate bhūmau nikṛttā govṛṣā iva |
rudhireṇa parītāṅgāḥ śvasṛgālādanīkṛtāḥ || 73 ||
[Analyze grammar]

evamuktvā mahārāja drupado'kṣauhiṇīpatiḥ |
puraskṛtya raṇe pārthāndroṇamabhyadravaddrutam || 74 ||
[Analyze grammar]