Chapter 76

saṃjaya uvāca |
sraṃsanta iva majjānastāvakānāṃ bhayānnṛpa |
tau dṛṣṭvā samatikrāntau vāsudevadhanaṃjayau || 1 ||
[Analyze grammar]

sarve tu pratisaṃrabdhā hrīmantaḥ sattvacoditāḥ |
sthirībūtā mahātmānaḥ pratyagacchandhanaṃjayam || 2 ||
[Analyze grammar]

ye gatāḥ pāṇḍavaṃ yuddhe krodhāmarṣasamanvitāḥ |
te'dyāpi na nivartante sindhavaḥ sāgarādiva || 3 ||
[Analyze grammar]

asantastu nyavartanta vedebhya iva nāstikāḥ |
narakaṃ bhajamānāste pratyapadyanta kilbiṣam || 4 ||
[Analyze grammar]

tāvatītya rathānīkaṃ vimuktau puruṣarṣabhau |
dadṛśāte yathā rāhorāsyānmuktau prabhākarau || 5 ||
[Analyze grammar]

matsyāviva mahājālaṃ vidārya vigatajvarau |
tathā kṛṣṇāvadṛśyetāṃ senājālaṃ vidārya tat || 6 ||
[Analyze grammar]

vimuktau śastrasaṃbādhāddroṇānīkātsudurbhidāt |
adṛśyetāṃ mahātmānau kālasūryāvivoditau || 7 ||
[Analyze grammar]

astrasaṃbādhanirmuktau vimuktau śastrasaṃkaṭāt |
adṛśyetāṃ mahātmānau śatrusaṃbādhakāriṇau || 8 ||
[Analyze grammar]

vimuktau jvalanasparśānmakarāsyājjhaṣāviva |
vyakṣobhayetāṃ senāṃ tau samudraṃ makarāviva || 9 ||
[Analyze grammar]

tāvakāstava putrāśca droṇānīkasthayostayoḥ |
naitau tariṣyato droṇamiti cakrustadā matim || 10 ||
[Analyze grammar]

tau tu dṛṣṭvā vyatikrāntau droṇānīkaṃ mahādyutī |
nāśaśaṃsurmahārāja sindhurājasya jīvitam || 11 ||
[Analyze grammar]

āśā balavatī rājanputrāṇāmabhavattava |
droṇahārdikyayoḥ kṛṣṇau na mokṣyete iti prabho || 12 ||
[Analyze grammar]

tāmāśāṃ viphalāṃ kṛtvā nistīrṇau tau paraṃtapau |
droṇānīkaṃ mahārāja bhojānīkaṃ ca dustaram || 13 ||
[Analyze grammar]

atha dṛṣṭvā vyatikrāntau jvalitāviva pāvakau |
nirāśāḥ sindhurājasya jīvitaṃ nāśaśaṃsire || 14 ||
[Analyze grammar]

mithaśca samabhāṣetāmabhītau bhayavardhanau |
jayadrathavadhe vācastāstāḥ kṛṣṇadhanaṃjayau || 15 ||
[Analyze grammar]

asau madhye kṛtaḥ ṣaḍbhirdhārtarāṣṭrairmahārathaiḥ |
cakṣurviṣayasaṃprāpto na nau mokṣyati saindhavaḥ || 16 ||
[Analyze grammar]

yadyasya samare goptā śakro devagaṇaiḥ saha |
tathāpyenaṃ haniṣyāva iti kṛṣṇāvabhāṣatām || 17 ||
[Analyze grammar]

iti kṛṣṇau mahābāhū mithaḥ kathayatāṃ tadā |
sindhurājamavekṣantau tatputrāstava śuśruvuḥ || 18 ||
[Analyze grammar]

atītya marudhanveva prayāntau tṛṣitau gajau |
pītvā vāri samāśvastau tathaivāstāmariṃdamau || 19 ||
[Analyze grammar]

vyāghrasiṃhagajākīrṇānatikramyeva parvatān |
adṛśyetāṃ mahābāhū yathā mṛtyujarātigau || 20 ||
[Analyze grammar]

tathā hi mukhavarṇo'yamanayoriti menire |
tāvakā dṛśya muktau tau vikrośanti sma sarvataḥ || 21 ||
[Analyze grammar]

droṇādāśīviṣākārājjvalitādiva pāvakāt |
anyebhyaḥ pārthivebhyaśca bhāsvantāviva bhāskarau || 22 ||
[Analyze grammar]

tau muktau sāgaraprakhyāddroṇānīkādariṃdamau |
adṛśyetāṃ mudā yuktau samuttīryārṇavaṃ yathā || 23 ||
[Analyze grammar]

śastraughānmahato muktau droṇahārdikyarakṣitān |
rocamānāvadṛśyetāmindrāgnyoḥ sadṛśau raṇe || 24 ||
[Analyze grammar]

udbhinnarudhirau kṛṣṇau bhāradvājasya sāyakaiḥ |
śitaiścitau vyarocetāṃ karṇikārairivācalau || 25 ||
[Analyze grammar]

droṇagrāhahradānmuktau śaktyāśīviṣasaṃkaṭāt |
ayaḥśarogramakarātkṣatriyapravarāmbhasaḥ || 26 ||
[Analyze grammar]

jyāghoṣatalanirhrādādgadānistriṃśavidyutaḥ |
droṇāstrameghānnirmuktau sūryendū timirādiva || 27 ||
[Analyze grammar]

bāhubhyāmiva saṃtīrṇau sindhuṣaṣṭhāḥ samudragāḥ |
tapānte saritaḥ pūrṇā mahāgrāhasamākulāḥ || 28 ||
[Analyze grammar]

iti kṛṣṇau maheṣvāsau yaśasā lokaviśrutau |
sarvabhūtānyamanyanta droṇāstrabalavismayāt || 29 ||
[Analyze grammar]

jayadrathaṃ samīpasthamavekṣantau jighāṃsayā |
ruruṃ nipāne lipsantau vyāghravattāvatiṣṭhatām || 30 ||
[Analyze grammar]

yathā hi mukhavarṇo'yamanayoriti menire |
tava yodhā mahārāja hatameva jayadratham || 31 ||
[Analyze grammar]

lohitākṣau mahābāhū saṃyattau kṛṣṇapāṇḍavau |
sindhurājamabhiprekṣya hṛṣṭau vyanadatāṃ muhuḥ || 32 ||
[Analyze grammar]

śaurerabhīśuhastasya pārthasya ca dhanuṣmataḥ |
tayorāsītpratibhrājaḥ sūryapāvakayoriva || 33 ||
[Analyze grammar]

harṣa eva tayorāsīddroṇānīkapramuktayoḥ |
samīpe saindhavaṃ dṛṣṭvā śyenayorāmiṣaṃ yathā || 34 ||
[Analyze grammar]

tau tu saindhavamālokya vartamānamivāntike |
sahasā petatuḥ kruddhau kṣipraṃ śyenāvivāmiṣe || 35 ||
[Analyze grammar]

tau tu dṛṣṭvā vyatikrāntau hṛṣīkeśadhanaṃjayau |
sindhurājasya rakṣārthaṃ parākrāntaḥ sutastava || 36 ||
[Analyze grammar]

droṇenābaddhakavaco rājā duryodhanastadā |
yayāvekarathenājau hayasaṃskāravitprabho || 37 ||
[Analyze grammar]

kṛṣṇapārthau maheṣvāsau vyatikramyātha te sutaḥ |
agrataḥ puṇḍarīkākṣaṃ pratīyāya narādhipa || 38 ||
[Analyze grammar]

tataḥ sarveṣu sainyeṣu vāditrāṇi prahṛṣṭavat |
prāvādyansamatikrānte tava putre dhanaṃjayam || 39 ||
[Analyze grammar]

siṃhanādaravāścāsañśaṅkhadundubhimiśritāḥ |
dṛṣṭvā duryodhanaṃ tatra kṛṣṇayoḥ pramukhe sthitam || 40 ||
[Analyze grammar]

ye ca te sindhurājasya goptāraḥ pāvakopamāḥ |
te prahṛṣyanta samare dṛṣṭvā putraṃ tavābhibho || 41 ||
[Analyze grammar]

dṛṣṭvā duryodhanaṃ kṛṣṇastvatikrāntaṃ sahānugam |
abravīdarjunaṃ rājanprāptakālamidaṃ vacaḥ || 42 ||
[Analyze grammar]