Kubjikamatatantra [sanskrit]

27,635 words | ISBN-10: 8186569421 | ISBN-13: 9788186569429

The Sanskrit edition of the Kubjikamatatantra: an ancient and authoritative text exposing the Goddess Kubjika and belonging to the Kaula tradition praised in Tantric Shaktism and Shaivism. The extant Kubjikamata-tantra contains roughly 3,000 shlokas (metrical verses), although traditionally the text is derived from a version containing 24,000 verses (or even more). It is known also by the names Kubjinimata or Anamamata

śrībhairava uvāca |
bhedayitvā paraṃ tattvaṃ hakāraṃ nāma nāmataḥ |
so'ṣṭākapālo vijñeyastasyākāśaṃ tu tacchiraḥ || 1 ||
[Analyze grammar]

aghoramiti vikhyātaṃ dvātriṃśākṣarabhūṣitam |
tasmātsañjāyate sṛṣṭiḥ sā tu sṛṣṭirhṛdi sthitā || 2 ||
[Analyze grammar]

dvātriṃśa mātarastāstu cakrārūḍhā vicintayet |
caṇḍā ghaṇṭā mahānāsā sumukhī durmukhī balā || 3 ||
[Analyze grammar]

revatī prathamā ghorā saumyā bhīmā mahābalā |
jayā ca vijayā caiva ajitā cāparājitā || 4 ||
[Analyze grammar]

mahotkaṭā virūpākṣī śuṣkā cākāśamātarā |
sehārī jātahārī ca daṃṣṭrālī śuṣkarevatī || 5 ||
[Analyze grammar]

pipīlikā puṣpahārī aśanī sasyahārikā |
bhadrakālī subhadrā ca bhadrabhīmā subhadrikā || 6 ||
[Analyze grammar]

manasā pūjayettasthā bhakṣyabhojyādibhiḥ kramāt |
puṣpairnānāvidhairdevi nānālaṅkārakādibhiḥ || 7 ||
[Analyze grammar]

sravantaṃ cintayettasthamamṛtaṃ sarvatomukham |
tenāpyāyitadehastu tatkṣaṇādvirajo bhavet || 8 ||
[Analyze grammar]

yāgaṃ tu mānasaṃ kṛtvā kasya siddhirna jāyate |
sampūrṇamaṇḍalaṃ dhyātvā aghoraṃ nāma nāmataḥ || 9 ||
[Analyze grammar]

so'ṣṭākapālaḥ pravarastattvavyāpī nirakṣaraḥ |
sa eva candrarūpī syātkarṇikāyāṃ vicintayet || 10 ||
[Analyze grammar]

tattvaṃ tatra mahānādaṃ hakāraṃ nāma nāmataḥ |
ṣaṭpadārthayuto devi navakena prasidhyati || 11 ||
[Analyze grammar]

sa eva līyate viṣṇorviṣṇu rudrasamāśritaḥ |
sa eva kālo vijñeyaḥ sarvabhakṣo hutāśanaḥ || 12 ||
[Analyze grammar]

sa eva līyate māyā sā ca viṣṇuḥ prakīrtitā |
sā śaktirnirmalā kubji kālo vai yena bhakṣitaḥ || 13 ||
[Analyze grammar]

sa viṣṇuḥ śivatāṃ yāti setuṃ bhittvā kuleśvari |
sa ca turyapadaṃ prāpya unmanatvaṃ hi tatpadam || 14 ||
[Analyze grammar]

āśrayaṃ devadevasya aghorasya mahātape |
nirvāṇaṃ tu paraṃ vindyātsa kubjīśaḥ prakīrtitaḥ || 15 ||
[Analyze grammar]

sa dhruvo vāsudevaśca ajātaḥ parikīrtitaḥ |
tatra śaktiṃ sadā kuryāttatrāsaktaḥ sadā bhavet || 16 ||
[Analyze grammar]

na pāpairlipyate devi mahāpāpaiḥ sudāruṇaiḥ |
na kālasya vaśaṃ gacchenna jarā na ca duḥkhitaḥ || 17 ||
[Analyze grammar]

sarvatīrthaphalaṃ caiva sarvayajñeṣu dīkṣitaḥ |
hṛnnādaṃ manasotthāpya vrajennirvāṇajaṃ padam || 18 ||
[Analyze grammar]

cetasā tvamṛtaṃ gṛhya āgacchedghaṇṭikāśrayam |
tadutthaṃ bhāratīmūle kṛtvāsau'mṛtamaśnute || 19 ||
[Analyze grammar]

āpūrya vadanaṃ tena svacchandena kujeśvari |
anangadhenavīṃ dugdhvā tattvaṃ vyāpyeśvareṇa tu || 20 ||
[Analyze grammar]

aghoraṃ pañcamadhye tu ātmatattvaṃ vicintayet |
yo'gnirjvalati cāpena ekastiṣṭhati pañcadhā || 21 ||
[Analyze grammar]

trailokyaṃ vyāpitaṃ tena yajante brahmavādinaḥ |
tasyaiva yaḥ śikhāṃ vetti āhitāgniḥ sa ucyate || 22 ||
[Analyze grammar]

so' gnirdevamukhaṃ vindyādaghoraḥ sarvatomukhaḥ |
mukheṣu ca mukhaṃ devi trailokye'pi pragīyate || 23 ||
[Analyze grammar]

vinā tena varārohe na homo na ca bhojanam |
śuciragnirbhaveddevo bahurūpaḥ kujeśvari || 24 ||
[Analyze grammar]

tadantaṃ tu japaṃ kuryātkṛtvā hṛtsthaṃ tu keśavam |
adhastātsetumārgasya tiṣṭhate tu kujeśvaraḥ || 25 ||
[Analyze grammar]

sa cāsanaṃ paraṃ tasya sevyate kiṃ na mantrarāṭ |
vidyārājeti vikhyāto mantrarājeti kathyate || 26 ||
[Analyze grammar]

mudrārājeti mahatāṃ maṇḍalādhipatiḥ smṛtaḥ |
brahmaviṣṇvīśvarādyeṣu patirdevi pracakṣyate || 27 ||
[Analyze grammar]

nānena sadṛśo devi mantrakoṭiśatairapi |
hṛdayaṃ sarvamantrāṇāṃ paramaṃ parikīrtitam || 28 ||
[Analyze grammar]

anena hīnā deveśi mahānapi na sidhyati |
grahayantreṣu sarveṣu vyādhiteṣu kuleśvari || 29 ||
[Analyze grammar]

ripunāśe ca balavāndāridrabhayanāśanam |
tasmādārādhya yatnena duḥkhasiṃhaḥ prakīrtitaḥ || 30 ||
[Analyze grammar]

nānena sadṛśaḥ kaścinnānyo'sti sacarācare |
devāsuramanuṣyānāṃ tattvarūpo maheśvari || 31 ||
[Analyze grammar]

mūrdhnaḥ pādatalaṃ yāvattattvaṃ carati dehinām |
niṣkalātsakalaṃ yāti sakalānniṣkalaṃ padam || 32 ||
[Analyze grammar]

ekenāṃśena vīrāṇāṃ sarveṣāṃ kimapi stutam |
sa bhairavaḥ śivo bhāti sarvajñaḥ sarvajantuṣu || 33 ||
[Analyze grammar]

yāvattiṣṭhatyasau gātre tāvajjīvanti jantavaḥ |
vinā tena varārohe nāsti nāstīti kathyate || 34 ||
[Analyze grammar]

tasya devādhidevasya sarvavyāpimayasya ca |
sarvadevamayo devi kathaṃ bhaktyā na sidhyati || 35 ||
[Analyze grammar]

yena vijñānamātreṇa smṛtenaiva tu sundari |
akṣayān labhate lokānmuktisthānaṃ gamiṣyati || 36 ||
[Analyze grammar]

sarvalakṣaṇahīno'pi smaraṇātkalmaṣāpahaḥ |
aho mantrasya māhātmyaṃ japyamānasya nityaśaḥ || 37 ||
[Analyze grammar]

vināpi layayogena yoginīsamatāṃ vrajet |
sādhakāya prayacchanti trailokyajñānamuttamam || 38 ||
[Analyze grammar]

ākāśādi prayacchanti divyadṛṣṭiśrutāgamam |
sarvabhūtā vaśaṃ yānti grahāścaiva viśeṣataḥ || 39 ||
[Analyze grammar]

viṣaṃ ca nirviṣaṃ kuryāddarśanādeva sarvataḥ |
na tasya tiṣṭhate gātre viṣaṃ sthāvarajaṅgamam || 40 ||
[Analyze grammar]

kīṭalūtāstu bhūtāśca apamṛtyurna tiṣṭhati |
garajaṃ yogajaṃ doṣaṃ pralayaṃ yānti dūrataḥ || 41 ||
[Analyze grammar]

cūrṇalepāñjanādīni kuhakāni tu yāni vai |
ye kariṣyanti ripavaḥ striyo vā puruṣasya vā || 42 ||
[Analyze grammar]

tatkṣaṇātpralayaṃ yānti teṣāṃ pratyaṅgirā bhavet |
smaraṇāddevadevasya indraṃ yāti narottamaḥ || 43 ||
[Analyze grammar]

jvalanto dṛśyate bhūtairhṛccakre vidhisaṃsthitaḥ |
duṣṭāśca pralayaṃ yānti siṃhasyaiva yathā mṛgāḥ || 44 ||
[Analyze grammar]

eko doṣo hi mantrasya japyamānasya jāyate |
jarā mṛtyuśca dāridryaṃ vyādhayo vividhāḥ priye || 45 ||
[Analyze grammar]

smaraṇātpralayaṃ yānti tuhinaṃ tu raveriva |
japyate yeṣu rāṣṭreṣu deśe vā surasundari || 46 ||
[Analyze grammar]

na rujā jāyate tatra svāmī tatra vivardhate |
ekenāpi suputreṇa ghoradevāṅgapūjanāt || 47 ||
[Analyze grammar]

ghorīśaṃ tu yadā jñātaṃ sa kulaṃ tārayiṣyati |
paśavaśca na naśyanti sadā vardhati gokulam || 48 ||
[Analyze grammar]

vandhyā na jāyate nārī na mriyante ca bālakāḥ |
jvararogādibhistasya kuṭumbaṃ naiva pīḍyate || 49 ||
[Analyze grammar]

sarvalokasya sampūjyo jāyate rājavallabhaḥ |
dhāraṇīyaṃ sadā gātre yathāvatpravadāmyaham || 50 ||
[Analyze grammar]

puṣpeṇa guḍikāṃ kṛtvā mantraṃ bhūrje samālikhet |
kuṅkumena likheddevi rocanāyāthavā punaḥ || 51 ||
[Analyze grammar]

akāracaturo madhye ātmanāma samālikhet |
mantreṇa chāditaṃ nāma aṅkusena tu rakṣitam || 52 ||
[Analyze grammar]

māyayācchādayitvā tu śivaṃ mūrdhni gataṃ likhet |
yāṣṭaṃ ṣaṣṭhasamāyuktaṃ bindunādāṅkitaṃ priye || 53 ||
[Analyze grammar]

tacchivaṃ tu varārohe caturāśramapūjitam |
sarvaṃ kṣasthaṃ paraṃ mantraṃ sarvarakṣākaraṃ param || 54 ||
[Analyze grammar]

nāmnā tu guḍikā hyeṣā sarvarogavimardanī |
sāntā pūrvaṃ tu kartavyā tataḥ kṣasthāṃ tu kārayet || 55 ||
[Analyze grammar]

kṣakāraṃ kālamārūḍhamokāroparidīpitam |
ṣaṣṭhasvarayutaṃ devi amaratvaṃ prayacchati || 56 ||
[Analyze grammar]

yastu dhārayate divyāṃ guḍikāṃ śivapūjitām |
tasya vakṣyāmi suśroṇi guṇānnānāvidhān śṛṇu || 57 ||
[Analyze grammar]

sarvatīrtheṣu yaḥ snātaḥ sarvayajñeṣu dīkṣitaḥ |
na bhayaṃ vidyate tasya dharaṇadajarāmaraḥ || 58 ||
[Analyze grammar]

sarvavratāni cīrṇāni sarvatīrthanamaskṛtaḥ |
avaniṃ vicaretsarvāṃ bhairavastu yathā hi saḥ || 59 ||
[Analyze grammar]

sarve te darśanāttasya sādhakasya mahātmanaḥ |
duṣṭāśca pralayaṃ yānti vyādhayo vidravanti ca || 60 ||
[Analyze grammar]

abrahmacārī cārī syādasnātaḥ snānamāpnuyāt |
na bhayaṃ vidyate tasya saṅgrāme ca sadā jayaḥ || 61 ||
[Analyze grammar]

abhakṣyabhakṣaṇaṃ kṛtvā agamyāgamanaṃ tathā |
nāsau lipyati pāpena paṅkasthaṃ kamalaṃ yathā || 62 ||
[Analyze grammar]

guḍikā tu sadā siddhā mahābhairavadhāritā |
yogeśvarādimunibhiḥ sarvadevairnamaskṛtā || 63 ||
[Analyze grammar]

bahunāpi kimuktena satyaṃ satyaṃ yaśasvini |
jvalanto dṛśyate bhūtairyathā rudro makhāntakṛt || 64 ||
[Analyze grammar]

supto bhuktaḥ prabuddhaśca atha maithunamāgate |
mahāhave mahādevi duṣṭasiṃhagajeṣu ca || 65 ||
[Analyze grammar]

vidyudvajrāśaniścaiva utpāteṣvaśanīṣu ca |
śatrunāśe ca gonāśe viṣaśaṅkāgataṃ ca yat || 66 ||
[Analyze grammar]

ārṇaveṣu ca sarveṣu dhāraṇānna bhayaṃ bhavet |
śākinyo vaśagāstasya duṣṭavetālarākṣasāh || 67 ||
[Analyze grammar]

śucirvāpyaśucirvāpi vidravanti diśo daśa |
guḍikaiṣā samākhyātā trilohapariveṣṭitā || 68 ||
[Analyze grammar]

dhāraṇīyā prayatnena śivalokamavāpnuyāt |
sarvāvasthagato vāpi muktiṃ yāti surādhipe || 69 ||
[Analyze grammar]

matsamo dhāraṇāddevi satyaṃ satyaṃ yaśasvini |
mayāpi dhāritā hyeṣā brahmaṇāpi tataḥ punaḥ || 70 ||
[Analyze grammar]

viṣṇunā devarājena yuddhe daityāstu nirjitāḥ |
agnivāyukubereṇa yamena varuṇena ca || 71 ||
[Analyze grammar]

mātṛbhirguhyakaiścaiva garuḍena ca dhīmatā |
dadhīcinā ca śukreṇa durvāsenāpi dhīmatā || 72 ||
[Analyze grammar]

ṛṣibhiśca tathā sarvairdevadaityaiḥ kujeśvari |
tatastvanyaiśca rājānairbalibhirnahuṣādibhiḥ || 73 ||
[Analyze grammar]

yuddhe jayārthibhirdevi ugravyādhijayārthibhiḥ |
prajāvaśyārthibhiścaiva guḍikā kaṇṭhadhāritā || 74 ||
[Analyze grammar]

nānayā sadṛśī vidyā guḍikā bhuvi vidyate |
piṇḍaṃ tu prathamaṃ mantryamaghoreṇa susaṃskṛtam || 75 ||
[Analyze grammar]

bhuñjīyāccaiva niḥśaṅkaṃ tatastasyāmṛtāyate |
diśo'bhimantrya gaccheta vāmaṃ cāgrapadaṃ nyaset || 76 ||
[Analyze grammar]

ubhayoścandramadhye tu paryaṭeta sadā sthitaḥ |
bhuñjāne śayane caiva candramadhye sadā sthitaḥ || 77 ||
[Analyze grammar]

candrārūḍhena satataṃ sthātavyaṃ varavarṇini |
nāghorasadṛśo mantro mantrā yasmādvinirgatāḥ || 78 ||
[Analyze grammar]

guruvaktrāttu vijñeyo madhye oṃkāramadhyagam |
sa eva nādasaṃlīno yāvadbrahmabilaṃ gataḥ || 79 ||
[Analyze grammar]

dhāraṇāddhāritaṃ kṛtvā tribhiḥ prāṇairalaṅkṛtam |
svacchandasahitaṃ devaṃ varṇāntapariveṣṭitam || 80 ||
[Analyze grammar]

mukhe'naṅgāṃ tato dugdhvā dhenavīṃ cāmbarāṃ priye |
grāhyagrāhavimardaśca triśūlaṃ vaḍavāmukham || 81 ||
[Analyze grammar]

kuñcikā ghaṇṭikā caiva rājadantāmṛtāgamam |
āyuṣo jñānamutkrāntiraghorasya vaśe sthitaḥ || 82 ||
[Analyze grammar]

nāghorasadṛśo mantro mantrakoṭiśatairapi |
satyaṃ satyaṃ punaḥ satyaṃ bhūyaḥ satyaṃ punaḥ punaḥ || 83 ||
[Analyze grammar]

sarvajñaṃ paramaṃ mantraṃ muktidaṃ vyādhināśanam |
jarāmṛtyuharaṃ devi vidyārājeti kīrtitam || 84 ||
[Analyze grammar]

viṣuvaṃ ca sadā tatra yatra sarvaṃ pratiṣṭhitam |
utpattisthitikartāraṃ yatra sarve layaṃ gatāḥ || 85 ||
[Analyze grammar]

kiṃ na sevyati deveśi bahurūpaṃ kujeśvari |
devādhidevaṃ paramaṃ yattatkāraṇamavyayam || 86 ||
[Analyze grammar]

tattvavyāpīti paramaṃ vyomavyāpīti kathyate |
brahmaviṣṇusurādīnāmutpattipralayāntikam || 87 ||
[Analyze grammar]

aghoraṃ ghorarūpeti aghorīśa iti smṛtaḥ || 88 ||
[Analyze grammar]

Other editions:

Also see the following editions of the Sanskrit text or (alternative) English translations of the Kubjikamatatantra Chapter 9

Cover of edition (2004)

A Journey in the World of the Tantras
by Mark S.G. Dyczkowski (2004)

[Indica Books, Varanasi]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: