Chapter 54

vaiśaṃpāyana uvāca |
tau tu vṛndāvanaṃ prāptau vasudevasutāv ubhau |
ceraturvatsayūthāni cārayantau sunirvṛttau || 1 ||
[Analyze grammar]

pūrṇastu gharmasamayastayostatra vane sukham |
krīḍatoḥ saha gopālairyamunāṃ cāvagāhatoḥ || 2 ||
[Analyze grammar]

gate tasminmahāgharme rajaḥpūraistirohitaiḥ || 2 ||
[Analyze grammar]

tataḥ prāvṛdanuprāptā manasaḥ kāmadīpanī |
pravavarṣurmahāghorāḥ śakracāpāṅktitodarāḥ |
babhūvādarśanaḥ sūryo bhūmiścādarśayattṛṇam || 3 ||
[Analyze grammar]

patatā meghavātena navatoyānukarṣiṇā |
saṃmārjitatalā bhūmiryauvanastheva lakṣyate || 4 ||
[Analyze grammar]

navavarṣāvasiktāni śakragopakulāni ca |
naṣṭadāvāgnidhūmāni vavāni pracakāśire || 5 ||
[Analyze grammar]

nṛttavyāpārakālaśca mayūrāṇāṃ kalāpinām |
madaraktāḥ pravṛttāśca kekāḥ paṭuravāḥ kṛtāḥ || 6 ||
[Analyze grammar]

navaprāvṛṣi kāntānāṃ ṣaṭpadāhāradāyinām |
yauvanasthaṃ kadambānāṃ navābhrairbhrājate vapuḥ || 7 ||
[Analyze grammar]

hāsitaṃ kuṭajaiḥ phullaiḥ kadambairvāsitaṃ vanam |
trāsitaṃ jaladairuṣṇaṃ toṣitā vasudhā jalaiḥ || 8 ||
[Analyze grammar]

saṃtaptā bhāskarajalairabhitaptā devāgnibhiḥ |
jalairbalāhakotsṛṣṭairucchvasantīva parvatāḥ || 9 ||
[Analyze grammar]

mahāvātasamuddhūtaṃ mahāmeghagaṇārpitam |
mahīmahārajaḥpūraistulyamāpadyate nabhaḥ || 10 ||
[Analyze grammar]

kvacitkadambahāsāḍhyaṃ silindhrābharaṇaṃ kvacit |
saṃpradīptaṃ ivābhāti phullanīpadrumaṃ vanam || 11 ||
[Analyze grammar]

aindreṇa payasā siktaṃ mārutena navīkṛtam |
pārthivaṃ gandhamāghrāya lokaḥ kṣubhitamānasaḥ || 12 ||
[Analyze grammar]

dṛptasāraṅganinadairdarduravyāhṛtena ca |
navaiśca śikhivikruṣṭairekavarṇā vasuṃdharā || 13 ||
[Analyze grammar]

bhramattūrṇamahāvegā varṣaprāptamahārayāḥ |
haryantastīrajānvṛksānvistarāṃ yānti nimnagāḥ || 14 ||
[Analyze grammar]

saṃtatāsāraniryatnāḥ klinnapatrottaracchadāḥ |
na tyajantyagamāgrāṇi śrāntā iva patatriṇaḥ || 15 ||
[Analyze grammar]

toyagambhīralambeṣu prasravatsu nadatsu ca |
udareṣu navābhrāṇāṃ majjatīva divākaraḥ || 16 ||
[Analyze grammar]

tanūruhairutpatitaiḥ salilotpīḍasaṃkulā |
anveṣyamārgā vasudhā bhāti śāḍvalamālinī || 17 ||
[Analyze grammar]

vajreṇevāvarugnānāṃ nagānāṃ nagaśālinām |
srotobhiḥ parikṛttāni patanti śikharāṇi ca || 18 ||
[Analyze grammar]

patatā meghavarṣeṇa yathānimnānusāriṇā |
palvalodgīrṇaraktena pūryante vanarājayaḥ || 19 ||
[Analyze grammar]

hastocchritamukhā vanyā meghanādānusāriṇaḥ |
bhāntyātivṛṣṭyā mātaṅgā gāṃ gatā iva toyadāḥ || 20 ||
[Analyze grammar]

prāvṛṭpravṛttiṃ saṃdṛśya dṛṣṭvā cāmbudharān ghanān |
rauhiṇeyo mithaḥ kāle kṛṣṇaṃ vacanamabravīt || 21 ||
[Analyze grammar]

paśya kṛṣṇa ghanān kṛṣṇānbalākotpātabhūṣaṇān |
gagane tava gātrāṇāṃ varṇacorān samutthitān || 22 ||
[Analyze grammar]

kāmināṃ hṛdayasyāśu nighnatastān samantataḥ || 22 ||
[Analyze grammar]

tava nidrākaraḥ kālastava gātropamaṃ nabhaḥ |
tvamivājñātavasatiṃ candro vasati vārṣikīm || 23 ||
[Analyze grammar]

etannīlotpalaśyāmaṃ nīlotpaladalaprabham |
nīlotpaladale kāle bhāti vṛndāvanaṃ vanam |
saṃprāpte durdine kāle durdinaṃ bhāti vai nabhaḥ || 24 ||
[Analyze grammar]

paśya kṛṣṇa jalodagraiḥ kṛṣṇairudgrathitairghanaiḥ |
govardhano yathā ramyo bhāti govardhano giriḥ || 25 ||
[Analyze grammar]

patitenāmbhasā hyete samantānmadatarpitāḥ |
bhrājante kṛṣṇasāraṅgāḥ kānaneṣu mudānvitāḥ || 26 ||
[Analyze grammar]

etānyambuprahṛṣṭāni haritāni mṛdūni ca |
tṛṇāni śatapatrākṣa patrairgūhanti medinīm || 27 ||
[Analyze grammar]

kṣarajjalānāṃ śailānāṃ vanānāṃ ca jalāgame |
sasasyānāṃ ca sīmānāṃ na lakṣmīrvyatiricyate || 28 ||
[Analyze grammar]

śīghravātasamuddhūtāḥ proṣitautsukyakāriṇaḥ |
dāmodaroddāmaravāḥ prāgalbhyaṃ yānti toyadāḥ || 29 ||
[Analyze grammar]

hare haryaśvacāpena trivarṇena trivikrama |
vibāṇajyena dhanuṣā tavedaṃ madhyamaṃ padam || 30 ||
[Analyze grammar]

nabhasya ca nabhaścakṣurna bhātyeṣa nabhaścaraḥ |
meghaiḥ śītātapakaro viraśmiriva raśmimān || 31 ||
[Analyze grammar]

dyāvāpṛthivyoḥ saṃsargaḥ satataṃ vitataiḥ kṛtaḥ |
avyavacchinnadhāraughaiḥ samudraughanibhairghanaiḥ || 32 ||
[Analyze grammar]

nīpārjunakadambānāṃ pṛthivyāṃ cābhivṛṣtayaḥ |
gandhaiḥ kolāhalā vānti vātā madanadīpanāḥ || 33 ||
[Analyze grammar]

saṃpravṛttamahāvarṣaṃ lambamānamahāmbudam |
bhātyagādhamaparyantaṃ sasāgaramivāmbaram || 34 ||
[Analyze grammar]

dhārānirmalanārācaṃ vidyutkavacanirmalam |
śakracāpāyudhadharaṃ yuddhasajjamivāmbaram || 35 ||
[Analyze grammar]

śailānāṃ ca vanānāṃ ca drumāṇāṃ ca varānana |
praticchannāni bhāsante śikharāṇi ghanairghanaiḥ || 36 ||
[Analyze grammar]

gajānīkairivākīrṇaṃ salilodgāribhirghanaiḥ |
varṇasārūpyatāṃ yāti gaganaṃ sāgarasya vai || 37 ||
[Analyze grammar]

samudroddhūtajanitā lolaśāḍvalakampinaḥ |
śītāh sapṛṣatodgārāḥ karkaśā vānti mārutāḥ || 38 ||
[Analyze grammar]

niśāsu suptacandrāsu muktatoyāsu toyadaiḥ |
magnasūryasya nabhaso nābhibhānti diśo daśa || 39 ||
[Analyze grammar]

cetanaṃ puṣkaraṃ kośaiḥ kṣudhādhmātaiḥ samantataḥ || 39 ||
[Analyze grammar]

na ghṛṇīnāṃ na ramyāṇāṃ vivekaṃ yānti kṛṣṭayaḥ || 39 ||
[Analyze grammar]

saṃhatānāṃ dvirephānāṃ niveśaṃ yānti paṅkayaḥ || 39 ||
[Analyze grammar]

gharmadoṣaparityaktaṃ meghatoyavibhūṣitam |
paśya vṛndāvanaṃ kṛṣṇa vanaṃ caitrarathaṃ yathā || 40 ||
[Analyze grammar]

evaṃ prāvṛṅgunān sarvāñchrīmān kṛṣṇasya pūrvajaḥ |
kathayanneva balavānvrajameva jagāma ha || 41 ||
[Analyze grammar]

tau rāmayantāvanyonyaṃ kṛṣṇasaṃkarṣaṇāv ubhau |
tatkālaṃ jñātibhiḥ sārdhaṃ ceratustau mahadvanam || 42 ||
[Analyze grammar]