Chapter 42

vaiśaṃpāyana uvāca |
bāḍhamityeva saha tairdurdināmbhodanisvanaḥ |
pratasthe durdinākāraḥ sadurdina ivācalaḥ || 1 ||
[Analyze grammar]

samuktāmaṇividyotaṃ sacandrāmbhodavarcasam |
sa jatāmaṇḍalaṃ kṛṣṇaṃ bibhratkṛṣṇavapurhariḥ || 2 ||
[Analyze grammar]

sa cāsyorasi vistīrṇe romāñcodgatarājimān |
śrīvatso rājate śrīmān stanadvayamukhāñcitaḥ || 3 ||
[Analyze grammar]

pīte vasāno vasane lokānāṃ gururavyayaḥ |
hariḥ so'bhavadālakṣyaḥ sasaṃdhyābhra ivācalaḥ || 4 ||
[Analyze grammar]

taṃ vrajantaṃ suparṇena padmayonigatānugam |
anujagmuḥ surāḥ sarve tadgatāsaktacakṣuṣaḥ || 5 ||
[Analyze grammar]

nātidīrgheṇa kālena te gatā ratnaparvatam |
dadṛśurdevatāstatra svāṃ sabhāṃ kāmarūpiṇīm || 6 ||
[Analyze grammar]

meroḥ śikharavinyastāṃ saṃsaktāṃ sūryavarcasā |
kāñcanastambhacaraṇāṃ vajrasaṃghātatoraṇām || 7 ||
[Analyze grammar]

manonirmāṇacitrāḍhyāṃ vimānākulamālinīm |
ratnajālāntaravatīṃ kāmagāṃ ratnabhūṣitām || 8 ||
[Analyze grammar]

kḷptaratnasamākīrṇāṃ sarvartukusumotkaṭām |
maṇipravālasopānāṃ vaidūryamaṇiśobhitām |
muktājālasamākīrṇāṃ kiṃkiṇīśataśobhitām |
devamāyādharāṃ divyāṃ nirmitāṃ viśvakarmaṇā || 9 ||
[Analyze grammar]

tāṃ hṛṣṭamanasaḥ sarve yathāsthānaṃ yathāvayaḥ |
yathānideśaṃ tridaśā viviśuste sabhāṃ śubhām || 10 ||
[Analyze grammar]

te niṣeduryathokteṣu vimāneṣvāsaneṣu ca |
bhadrāsaneṣu pīṭheṣu kuthāsvāstaraṇeṣu ca || 11 ||
[Analyze grammar]

tataḥ prabhañjano vāyurbrahmaṇā sādhu coditaḥ |
mā śabda iti sarvatra pracakrāma sabhāṃ śubhām || 12 ||
[Analyze grammar]

niḥśabde stimite tasmin samāje tridivaukasām |
babhāṣe dharaṇī vākyaṃ svedātkaruṇabhāṣiṇī || 13 ||
[Analyze grammar]

dharaṇyuvāca |
tvayā dhāryā tvahaṃ deva tvayā vai dhāryate jagat || 13 ||
[Analyze grammar]

tvaṃ dhārayasi bhūtāni bhuvanaṃ tvaṃ bibharṣi ca || 13 ||
[Analyze grammar]

yattvayā dhāryate kiṃcittejasā ca balena ca || 13 ||
[Analyze grammar]

tatastava prasādena mayā paścāttu dhāryate || 13 ||
[Analyze grammar]

tvayā dhṛtaṃ dhārayāmi nādhṛtaṃ dhārayāmyaham || 13 ||
[Analyze grammar]

na hi tadvidyate bhūtaṃ yattvayā nānudhāryate || 13 ||
[Analyze grammar]

tvameva kuruṣe deva nārāyaṇa yuge yuge || 13 ||
[Analyze grammar]

mahābhārāvataraṇaṃ jagato hitakāmyayā || 13 ||
[Analyze grammar]

tavaiva tejasā krāntāṃ rasātalatalaṃ gatām || 13 ||
[Analyze grammar]

trāyasva māṃ suraśreṣṭha tavaiva śaraṇaṃ gatām || 13 ||
[Analyze grammar]

dānavaiḥ pīḍyamānāhaṃ rākṣasaiśca durātmabhiḥ || 13 ||
[Analyze grammar]

tvāmeva śaraṇaṃ nityamupayāsye sanātanam || 13 ||
[Analyze grammar]

tāvanme'sti bhayaṃ bhūyo yāvanna tvāṃ kakudminam || 13 ||
[Analyze grammar]

śaraṇaṃ yāmi manasā śataśo hyupalakṣaye || 13 ||
[Analyze grammar]

ahamādau purānena saṃkṣiptā padmayoninā |
māṃ ca badhvā kṛtau pūrvaṃ mṛṅmayau dvau mahāsurau || 14 ||
[Analyze grammar]

karṇasrotodbhavau tau hi viṣṇorasya mahātmanaḥ |
mahārṇave prasvapataḥ kāṣṭhakuḍyasamau sthitau || 15 ||
[Analyze grammar]

tau viveśa svayaṃ vāyurbrahmaṇā sādhu coditaḥ |
tau divaṃ chādayantau tu vavṛdhāte mahāsurau || 16 ||
[Analyze grammar]

vāyuprāṇau tu tau gṛhya brahmā parimṛśyañchanaiḥ |
ekaṃ mṛdutaraṃ mene kaṭhinaṃ veda cāparam || 17 ||
[Analyze grammar]

nāmanī tu tayoścakre sa vibhuḥ salilodbhavaḥ |
mṛdustvayaṃ madhurnāma kaṭhinaḥ kaiṭabho'bhavat || 18 ||
[Analyze grammar]

tau daityau kṛtanāmānau ceraturbaladarpitau |
sarvamekārṇavaṃ lokaṃ yoddhukāmau sunirbhayau || 19 ||
[Analyze grammar]

tāvāgatau samālokya brahmā lokapitāmahaḥ |
ekārṇavāmbunicaye tatraivānataradhīyata || 20 ||
[Analyze grammar]

sa padme padmanābhasya nābhimadhyād samutthite |
rocayāmāsa vasatiṃ guhyāṃ brahmā caturmukhaḥ || 21 ||
[Analyze grammar]

tāv ubhau jalagarbhasthau nārāyaṇapitāmahau |
bahūnvarṣagaṇānapsu śayānau na cakampatuḥ || 22 ||
[Analyze grammar]

atha dīrghasya kālasya tāv ubhau madhukaiṭabhau |
ājagmatustamuddeśaṃ yatra brahmā vyavasthitaḥ || 23 ||
[Analyze grammar]

dṛṣṭvā tāvasurau ghorau mahāntau yuddhadurmadau |
brahmaṇā tāḍito viṣṇuḥ padmanālena vai purā |
utpapātāśu śayanātpadmanābho mahādyutiḥ || 24 ||
[Analyze grammar]

tad yuddhamabhavadghoraṃ tayostasya ca vai tadā |
ekārṇave tadā loke trailokye jalatāṃ gate || 25 ||
[Analyze grammar]

tadabhūttumulaṃ yuddhaṃ varṣasaṃkhyāḥ sahasraśaḥ |
na ca tāvasurau yuddhe tadā śramamavāpatuḥ || 26 ||
[Analyze grammar]

atha dīrghasya kālasya tau daityau yuddhadurmadau |
ūcatuḥ prītamanasau devaṃ nārāyaṇaṃ hariṃ || 27 ||
[Analyze grammar]

prītau svastava yuddhena ślāghyastvaṃ mṛtyurāhave |
āvāṃ jahi na yatrorvī jalena samabhiplutā || 28 ||
[Analyze grammar]

hatau ca tava putratvaṃ prāpnuyāvaḥ surottama |
so hyāvāṃ yudhi nirjetā tasyāvāṃ vihitau sutau || 29 ||
[Analyze grammar]

sa hi gṛhya mṛdhe daityau dorbhyāṃ tau samapīḍayat |
janmaturnidhanaṃ cāpi tāv ubhau madhukaiṭabhau || 30 ||
[Analyze grammar]

tāv ubhāvāplutau toye vapurbhyāmekatāṃ gatau |
medo mumucaturdaityau mathyamānau jalormibhiḥ || 31 ||
[Analyze grammar]

medasā tajjalaṃ vyāptaṃ tābhyāṃ antardadhe tadā |
nārāyaṇaśca bhagavānasṛjatsa punaḥ prajāḥ || 32 ||
[Analyze grammar]

daityayormedasā channā medinīti tataḥ smṛtā |
prabhāvātpadmanābhasya śāśvatī ca nṛṇāṃ kṛtā || 33 ||
[Analyze grammar]

varāheṇa punarbhūtvā mārkaṇḍeyasya paśyataḥ |
viṣāṇenāhamekena toyamadhyātsamuddhṛtā || 34 ||
[Analyze grammar]

hṛtāhaṃ kramatā bhūyastadā yuṣmākamagrataḥ |
baleḥ sakāśāddaityasya viṣṇunā prabhaviṣṇunā || 35 ||
[Analyze grammar]

sāṃprataṃ khidyamānāhamenameva gadādharam |
anāthā jagato nāthaṃ śaraṇyaṃ śaraṇaṃ gatā || 36 ||
[Analyze grammar]

agniḥ suvarṇasya gururgavāṃ sūryo guruḥ smṛtaḥ |
akṣatrāṇāṃ guruḥ somo mama nārāyaṇo guruḥ || 37 ||
[Analyze grammar]

yadahaṃ dhārayāmyekā jagatsthāvarajaṃgamam |
mayā dhṛtaṃ dhārayate sarvametadgadādharaḥ || 38 ||
[Analyze grammar]

jāmadagnyena rāmeṇa bhārāvataraṇepsayā |
roṣāttriḥsaptakṛtvo'haṃ kṣatriyairviprayojitā || 39 ||
[Analyze grammar]

sāsmi vedyāṃ samāropya tarpitā nṛpaśoṇitaiḥ |
bhārgaveṇa pituḥ śrāddhe kaśyapāya niveditā || 40 ||
[Analyze grammar]

māṃsamedosthidurgandhā digdhā kṣatriyaśoṇitaiḥ |
rajasvaleva yuvatiḥ kaśyapaṃ samupasthitā || 41 ||
[Analyze grammar]

sa māṃ brahmarṣirapyāha kimurvi tvamavāṅmukhī |
vīrapatnīvratamidaṃ vīrapatni niṣevase || 42 ||
[Analyze grammar]

sāhaṃ vijñāpitavatī kaśyapaṃ lokabhāvanam |
patayo me hatā brahmanbhārgaveṇa mahātmanā || 43 ||
[Analyze grammar]

sāhaṃ vihīnā vikrāntaiḥ kṣatriyaiḥ śastravṛttibhiḥ |
vidhavā śūnyanagarā na dhārayitumutsahe || 44 ||
[Analyze grammar]

tanmahyaṃ dīyatāṃ bhartā bhagavaṃstvatsamo nṛpaḥ |
rakṣetsagrāmanagarāṃ yo māṃ sāgaramālinīm || 45 ||
[Analyze grammar]

sa śrutvā bhagavānvākyaṃ bāḍhamityabravītprabhuḥ |
tato māṃ mānavendrāya manave saṃprayacchata || 46 ||
[Analyze grammar]

sā manuprabhavaṃ puṇyaṃ prāpyekṣvākukulaṃ mahat |
vipulenāsmi kālena pārthivātpārthivaṃ gatā || 47 ||
[Analyze grammar]

evaṃ dattāsmi manave mānavendrāya dhīmate |
bhuktā rājakulaiścāpi maharṣikulasaṃmitaiḥ || 48 ||
[Analyze grammar]

bahavaḥ kṣatriyāḥ śūrā māṃ jitvā divamāśritāḥ |
te sma kālavaśaṃ prāpya mayyeva pralayaṃ gatāḥ || 49 ||
[Analyze grammar]

matkṛte vigrahā loke vṛtte vartanta eva ca |
kṣatriyāṇāṃ balavatāṃ saṃgrāmeṣvanivartinām || 50 ||
[Analyze grammar]

etad yuṣmatpravṛttena daivena pariṇāmitā |
jagaddhitārthaṃ kuruta rājñāṃ hetuṃ raṇakṣaye || 51 ||
[Analyze grammar]

yadyasti mayi kāruṇyaṃ bhāraśaithilyakāraṇāt |
ekaścakradharaḥ śrīmānabhayaṃ me prayacchatu || 52 ||
[Analyze grammar]

yamahaṃ bhārasaṃtaptā saṃprāptā śaraṇaiṣiṇī |
bhāro yadyavaroptavyo viṣṇureṣa bravītu mām || 53 ||
[Analyze grammar]

viṣṇuruvāca |
mā bhairdharaṇi kalyāṇi śāntiṃ vraja samāhite || 53 ||
[Analyze grammar]

eṣa tvāmucitaṃ sthānaṃ sthāpayāmi vasiṃdhare || 53 ||
[Analyze grammar]

etasyāhaṃ prasādena śramaṃ tyakṣyāmi devatāḥ || 53 ||
[Analyze grammar]