Chapter 31

janamejaya uvāca kimarthaṃ bhagavānviṣṇurdevadevo janārdanaḥ || 1 ||
[Analyze grammar]

gataḥ kailāsaśikharamālayaṃ śaṃkarasya ha || 2 ||
[Analyze grammar]

nāradād yaistapo vṛddhairmunibhistattvadarśibhiḥ || 3 ||
[Analyze grammar]

tatra dṛṣṭo mahādevaḥ śaṃkaro nīlalohitaḥ || 4 ||
[Analyze grammar]

keśavena purā vipra kurvatā tapa uttamam || 5 ||
[Analyze grammar]

arcitastena devena śaṃkaraśceti viśrutam || 6 ||
[Analyze grammar]

devāstatra jagannāthaṃ dṛṣṭavantaḥ purātanam || 7 ||
[Analyze grammar]

arcayāṃ cakrire sākṣācchakrādyāstaṃ hariṃ haram || 8 ||
[Analyze grammar]

tau tu devau mahādevāvekībhūtau dvidhā kṛtau || 9 ||
[Analyze grammar]

ekātmānau jagadyonī sṛṣṭisaṃhārakārakau || 10 ||
[Analyze grammar]

parasparasamāveśājjagataḥ pālane sthitau || 11 ||
[Analyze grammar]

tayostatra yathāvṛttaṃ kailāse parvatottame || 12 ||
[Analyze grammar]

ṛṣayaḥ kimaceṣṭanta dṛṣṭvā tau puruṣottamau || 13 ||
[Analyze grammar]

etatsarvamaśeṣeṇa vaktumarhasi sattama || 14 ||
[Analyze grammar]

yathāgato harirviṣṇuḥ kṛṣṇo jiṣṇuḥ purātanaḥ || 15 ||
[Analyze grammar]

yathā ca śaṃkaraḥ sākṣātkṛtavānnāgabhūṣaṇaḥ || 16 ||
[Analyze grammar]

etatsarvaṃ vipravarya brūhi tattvena yatnataḥ || 17 ||
[Analyze grammar]

vaiśaṃpāyana uvāca śṛṇuṣvāvahito rājanyathā kṛṣṇo gato nagam || 18 ||
[Analyze grammar]

yathā ca dṛṣṭo deveśaḥ śaṃkaro vṛṣavāhanaḥ || 19 ||
[Analyze grammar]

yathā cacāra ca tapo yathā te munayo gatāḥ || 20 ||
[Analyze grammar]

ekatvaṃ ca tayoryadvattathā śṛṇu nṛpottama || 21 ||
[Analyze grammar]

dvaipāyano'tha bhagavānyathā provāca māṃ tathā || 22 ||
[Analyze grammar]

namas kṛtvā pravakṣyāmi keśavaṃ khagavāhanam || 23 ||
[Analyze grammar]

yathāśakti yathāprajñaṃ śṛṇu yatnena suvrata || 24 ||
[Analyze grammar]

na hyaśuśrūṣave vācyaṃ nṛśaṃsāyātapasvine || 25 ||
[Analyze grammar]

nānadhītāya vaktavyaṃ puṇyaṃ puṇyavatāṃ sadā || 26 ||
[Analyze grammar]

svargyaṃ yaśasyaṃ dhanyaṃ ca buddhiśuddhikaraṃ sadā || 27 ||
[Analyze grammar]

dhyeyaṃ puṇyātmanā nityamidaṃ vedārthaniścitam || 28 ||
[Analyze grammar]

anekāraṇyasaṃyuktaṃ sevante nityamīdṛṣam || 29 ||
[Analyze grammar]

munayo vedaniratā nāradādyāstapodhanāḥ || 30 ||
[Analyze grammar]

atyadbhutaṃ mahāpuṇyaṃ vṛttaṃ kailāsaparvate || 31 ||
[Analyze grammar]

śivayordevayostatra hareścaiva bhavasya ha || 32 ||
[Analyze grammar]

hateṣvasurasaṃgheṣu narakādiṣu bhūmipa || 33 ||
[Analyze grammar]

hateṣvatha nṛpeṣveva kiṃcicchiṣṭeṣu śatruṣu || 34 ||
[Analyze grammar]

śāsati sma tadā viṣṇuḥ pṛthivīṃ puruṣottamaḥ || 35 ||
[Analyze grammar]

dvāravatyāṃ jagannātho vasanvṛṣṇibhirīśvaraḥ || 36 ||
[Analyze grammar]

rukmiṇīsaṃgato devo vasaṃstatra pure hariḥ || 37 ||
[Analyze grammar]

kadācicca tayā sārdhaṃ śete rātrau jagatpatiḥ || 38 ||
[Analyze grammar]

viharaṃśca yathāyogaṃ prītaḥ prītiyujā tayā || 39 ||
[Analyze grammar]

athovāca tadā devī rukmiṇī rukmabhūṣaṇā || 40 ||
[Analyze grammar]

putramicchāmi deveśa tvatto devakinandana || 41 ||
[Analyze grammar]

balinaṃ rūpasaṃpannaṃ tvayaiva sadṛṣaṃ prabho || 42 ||
[Analyze grammar]

vṛṣṇīnāmapi netāraṃ vīryayuktaṃ taponvitam || 43 ||
[Analyze grammar]

sarvaśāstrārthakuśalaṃ rājavidyāpuraskṛtam || 44 ||
[Analyze grammar]

evamādiguṇairyuktaṃ dātumarhasi sattama || 45 ||
[Analyze grammar]

tvayi sarvasya dātṛtvaṃ nityameva pratiṣṭhitam || 46 ||
[Analyze grammar]

tvaṃ hi sarvasya kartā ca dātā bhoktā jagatpate || 47 ||
[Analyze grammar]

viśeṣatastu bhṛtyānāṃ śuśrūṣāniyatātmanām || 48 ||
[Analyze grammar]

vaktavyaṃ kimu deveśa yadi bhaktāsmi keśava || 49 ||
[Analyze grammar]

anugraho yadi syānme devadeva jagatpate || 50 ||
[Analyze grammar]

dātumarhasi putraṃ tvaṃ vīryavantaṃ janārdana || 51 ||
[Analyze grammar]

vaiśaṃpāyana uvāca ityukto devadeveśaḥ priyayā prīyamāṇayā || 52 ||
[Analyze grammar]

tayā mahiṣyā rukmiṇyā rukmiśatruryadūdvahaḥ || 53 ||
[Analyze grammar]

provāca vacanaṃ kāle rukmiṇīṃ yādaveśvaraḥ || 54 ||
[Analyze grammar]

dātāsmi tādṛśaṃ putraṃ yaṃ tvamicchasi bhāmini || 55 ||
[Analyze grammar]

nityabhaktāsi me devi nātra kāryā vicāraṇā || 56 ||
[Analyze grammar]

avaśyaṃ tava dāsyāmi putraṃ śatrunibarhaṇam || 57 ||
[Analyze grammar]

putreṇa lokāñjayati satāṃ kāmadughā hi ye || 58 ||
[Analyze grammar]

puditi narakasyākhyā duḥkaṃ ca narakaṃ viduḥ || 59 ||
[Analyze grammar]

pudastrāṇāttataḥ putramihecchanti paratra ca || 60 ||
[Analyze grammar]

anantāḥ putriṇo lokāḥ puruṣasya priye śubhāḥ || 61 ||
[Analyze grammar]

patirjāyāṃ praviśati garbho bhūtvā sa mātaram || 62 ||
[Analyze grammar]

tasyāṃ punarnavo bhūtvā daśame māsi jāyate || 63 ||
[Analyze grammar]

tajjāyā jāyā bhavati yadasyāṃ jāyate punaḥ || 63 ||
[Analyze grammar]

putravatāṃ bibhetīndraḥ kiṃ nu te nājitaṃ bhavet || 64 ||
[Analyze grammar]

nāputro vindate lokān kuputrādvandhyatā varā || 65 ||
[Analyze grammar]

kuputro narako yasmātsuputrātsvarga eva hi || 66 ||
[Analyze grammar]

tasmādvinītaṃ satputraṃ śrutavantaṃ dayāparam || 67 ||
[Analyze grammar]

vidyā hi vinatiryasmādvidyāyuktaṃ sudhārmikam || 68 ||
[Analyze grammar]

icchetputraṃ sadā putrī puruṣo yatnavānbudhaḥ || 69 ||
[Analyze grammar]

tasmāddāsyāmi te putraṃ vidyāvantaṃ sudhārmikam || 70 ||
[Analyze grammar]

eṣa gacchāmi putrārthaṃ kailāsaṃ parvatottamam || 71 ||
[Analyze grammar]

tatropāsya mahādevaṃ śaṃkaraṃ nīlalohitam || 72 ||
[Analyze grammar]

tato labdhāsmi putraṃ te bhavādbhūtahite ratāt || 73 ||
[Analyze grammar]

tapasā brahmacaryeṇa bhavaṃ śaṃkaramavyayam || 74 ||
[Analyze grammar]

toṣayitvā virūpākṣamādidevamajaṃ vibhum || 75 ||
[Analyze grammar]

gamiṣyāmyahamadyaiva draṣṭuṃ śaṃkaramavyayam || 76 ||
[Analyze grammar]

sa ca me dāsyate putraṃ toṣitastapasā mayā || 77 ||
[Analyze grammar]

tatra gatvā mahādevaṃ namaskṛtya sahomayā || 78 ||
[Analyze grammar]

praviśya badarīṃ puṇyāmṛṣijuṣṭāṃ tapomayīm || 79 ||
[Analyze grammar]

agnihotrākulāṃ divyāṃ gaṅgāmbuplāvitāṃ sadā || 80 ||
[Analyze grammar]

mṛgapakṣisamāyuktāṃ siṃhadvīpiśatākulām || 81 ||
[Analyze grammar]

badarīphalasaṃpūrṇāṃ vānarakṣobhitadrumām || 82 ||
[Analyze grammar]

vetrārūḍhamahāvṛkṣāṃ kadalīkhaṇḍamaṇḍitām || 83 ||
[Analyze grammar]

munibhirvedatattvārtha vicāranipuṇaiḥ sadā || 84 ||
[Analyze grammar]

tarkaniścitatattvārthaiḥ pramāṇakuśalairyutām || 85 ||
[Analyze grammar]

idamekamidaṃ tattvamiti niścitamānasaiḥ || 86 ||
[Analyze grammar]

upāsamānāmanyatra siddhaiḥ siddhārthatatparaiḥ || 87 ||
[Analyze grammar]

śrutismṛtipurāṇajñaiḥ sevyamānaṃ maharṣibhiḥ || 88 ||
[Analyze grammar]

gacchadbhiḥ svarganilayaṃ parityajya kalevaram || 89 ||
[Analyze grammar]

prasiddhāṃ mahatīṃ devi yāsyāmi sukṛtālayām || 90 ||
[Analyze grammar]

ityuktvā virarāmaiva devadevo janārdanaḥ || 91 ||
[Analyze grammar]

vaiśaṃpāyana uvāca prabhātāyāṃ tu śarvaryāṃ gantumicchañjanārdanaḥ || 92 ||
[Analyze grammar]

hutāgniḥ kṛtakalyāṇaḥ samāptavaradakṣiṇaḥ || 93 ||
[Analyze grammar]

gāśca dattvātha viprebhyo namaskṛtya dvijottamān || 94 ||
[Analyze grammar]

āsthānamaṇḍapaṃ kṛṣṇaḥ praviveśa jagatpatiḥ || 95 ||
[Analyze grammar]

āsanaṃ mahadāsthāya vṛṣṇīnāhūya sarvaśaḥ || 96 ||
[Analyze grammar]

balabhadraṃ śineḥ putraṃ hārdikyaṃ śaṭhasāraṇau || 97 ||
[Analyze grammar]

ugrasenaṃ mahābuddhimuddhavaṃ nītimattaram || 98 ||
[Analyze grammar]

yasya nītiṃ samāśritya jīvanti yadavaḥ sukham || 99 ||
[Analyze grammar]

netā ca yaduvṛṣṇīnāṃ sa tu dharmaparaḥ sadā || 100 ||
[Analyze grammar]

yasya bibhyati devāśca nītestasya mahātmanaḥ || 101 ||
[Analyze grammar]

yasya buddhivaśādviṣṇuḥ śaśāsa pṛthivīṃ sadā || 102 ||
[Analyze grammar]

taṃ ca vṛṣṇivaraṃ vīramuddhavaṃ devasaprabham || 103 ||
[Analyze grammar]

anyānapi yadūn sarvānuvāca bhagavān hariḥ || 104 ||
[Analyze grammar]

śṛṇvantu mama vākyāni yādavāḥ sarva eva hi || 105 ||
[Analyze grammar]

śṛṇu cāpi vaco mahyaṃ pitaruddhava me sakhe || 106 ||
[Analyze grammar]

bālyātprabhṛti yo yatno mama duṣṭanibarhaṇe || 107 ||
[Analyze grammar]

pratyakṣaṃ bhavatā dṛṣṭaṃ pūtanānidhanaṃ nṛpāḥ || 108 ||
[Analyze grammar]

keśī ca nihato bālye mayā bālena yādavāḥ || 109 ||
[Analyze grammar]

govardhano dhṛtaḥ śailo gāvaśca paripālitāḥ || 110 ||
[Analyze grammar]

abhiṣikto'smi śakreṇa devānāmagrataḥ sthitaḥ || 111 ||
[Analyze grammar]

kaṃso'pi nidhanaṃ nīto mayā cāṇūramallakaḥ || 112 ||
[Analyze grammar]

ugraseno'bhiṣiktaśca kṛtā dvāravatī mayā || 113 ||
[Analyze grammar]

anye cāpi nṛpā rājanbalino nihatā mayā || 114 ||
[Analyze grammar]

yo'pi vīro jarāsaṃdho nigṛhīto balānmayā || 115 ||
[Analyze grammar]

bhīmena balinā rājannayena mama yādavāḥ || 116 ||
[Analyze grammar]

sṛgālo nihataḥ saṃkhye gomantādgacchatā mayā || 117 ||
[Analyze grammar]

yo'pi vīro durātmāsau dānavo narako hataḥ || 118 ||
[Analyze grammar]

niṣkaṇṭakamimaṃ lokaṃ kṛtavān rājasattamāḥ || 119 ||
[Analyze grammar]

kiṃ tu vīro nṛpo jajñe sakhā bhaumasya yādavāḥ || 120 ||
[Analyze grammar]

pauṇḍro vīryavatāṃ netā dveṣṭā cāsau sadā mama || 121 ||
[Analyze grammar]

śiṣyo droṇasya rājendro balī brahmāstravitkṛtī || 122 ||
[Analyze grammar]

śāstrajño nītimān sākṣānnetā sainyasya yatnavān || 123 ||
[Analyze grammar]

yoddhā yuddhapriyo rājā jāmadagnya ivāparaḥ || 124 ||
[Analyze grammar]

ekāntaśatrurasmākaṃ chidrānveṣī sadā mama || 125 ||
[Analyze grammar]

bādhiṣyate purīṃ yoddhā chidraṃ yadi labheta saḥ || 126 ||
[Analyze grammar]

na hyalpasādhyo balavānpuṇḍrasyeśo nṛpottamāḥ || 127 ||
[Analyze grammar]

yattā bhavantastiṣṭhantu pragṛhītaśarāsanāḥ || 128 ||
[Analyze grammar]

yathā na bādhate rājā purīṃ yadukulāśrayām || 129 ||
[Analyze grammar]

ahaṃ tu yās ye kailāsaṃ kutaścitkāraṇānnṛpāḥ || 130 ||
[Analyze grammar]

śaṃkaraṃ draṣṭukāmo'smi bhūtabhāvanabhāvanam || 131 ||
[Analyze grammar]

yāvadāgamanaṃ mahyaṃ tāvad yattā bhavantviha || 132 ||
[Analyze grammar]

mayā virahatāṃ cemaṃ yadi jānāti pauṇḍrakaḥ || 133 ||
[Analyze grammar]

āgamiṣyati rājendro rotsyate ca purīmimām || 134 ||
[Analyze grammar]

imāṃ niryādavāṃ kartuṃ śaknotīti ca me matiḥ || 135 ||
[Analyze grammar]

yattā bhavata rājendrāḥ khaḍgaiḥ pāśaiḥ paraśvadhaiḥ || 136 ||
[Analyze grammar]

vaiśaṃpāyanaḥ |
ityuktā vāsudevena vṛṣṇayo yadupuṃgavāḥ || 136 ||
[Analyze grammar]

teṣāṃ madhye mahābāhuruddhavaḥ kṛṣṇamabravīt || 136 ||
[Analyze grammar]

pāṣāṇaiḥ karpaṇasthaiśca saṃnaddhā bhavata svakaiḥ || 137 ||
[Analyze grammar]

pidhāya ca kapāṭāni mahādvārāṇi yatnataḥ || 138 ||
[Analyze grammar]

eka eva mahādvāro gamanāgamane sadā || 139 ||
[Analyze grammar]

mudrayā saha gacchantu rājāno gantumīpsavaḥ || 140 ||
[Analyze grammar]

na cāmudraḥ praveṣṭavyo dvārapālasya rakṣataḥ || 141 ||
[Analyze grammar]

yāvadāgamanaṃ mahyaṃ tāvadevaṃ bhaviṣyati || 142 ||
[Analyze grammar]

mṛgayā nātra kartavyā na ca krīḍā bahiḥ purāt || 143 ||
[Analyze grammar]

jñātavyāśca pare sve ca gamanāgamane sadā || 144 ||
[Analyze grammar]

cakrāṅkitāḥ praveṣṭavyāḥ yāvadāgamanaṃ mama || 144 ||
[Analyze grammar]

nāmudritāḥ praveṣṭavyāḥ yāvadāgamanaṃ mama || 144 ||
[Analyze grammar]

evamādi kriyā kāryā yāvadāgamanaṃ mama || 145 ||
[Analyze grammar]

ityuktvā yādavān sarvān sātyakiṃ punarāha ca || 146 ||
[Analyze grammar]

śrībhagavānuvāca sātyake śṛṇu madvākyaṃ yatto bhava yudhāṃ vara || 147 ||
[Analyze grammar]

tvaṃ tu khaḍgī gadī bhūtvā cāpī bāṇī talatravān || 148 ||
[Analyze grammar]

tiṣṭha yatnena rakṣasva purīṃ bahunṛpāśrayām || 149 ||
[Analyze grammar]

na ca nidrā tvayā kāryā rātrau yaduvṛṣa prabho || 150 ||
[Analyze grammar]

na ca vyākhyā tvayā kāryā śāstrāṇāṃ śāstratatpara || 151 ||
[Analyze grammar]

na ca vādastvayā kāryo vādibhiḥ saha vṛṣṇipa || 152 ||
[Analyze grammar]

tvaṃ hi yoddhā balī jetā dhanurvedasya vedavit || 153 ||
[Analyze grammar]

tathā kuru yathā vīra nopahāsyā bhavemahi || 154 ||
[Analyze grammar]

sātyakiruvāca kariṣyāmi vacastubhyaṃ yathāśakti janārdana || 155 ||
[Analyze grammar]

ājñā tava jagannātha dhāryā yatnena me sadā || 156 ||
[Analyze grammar]

bhṛtyavatpracariṣyāmi kāmapālasya mādhava || 157 ||
[Analyze grammar]

yāvadāgamanaṃ tubhyaṃ tāvatsthāsyāmi yatnataḥ || 158 ||
[Analyze grammar]

prasādastava govinda yadi syānmayi mādhava || 159 ||
[Analyze grammar]

kiṃ nāma mama duḥsādhyaṃ śatrūṇāṃ nigrahe hare || 160 ||
[Analyze grammar]

yadi śakraṃ yamaṃ vāpi kuberamapi pāśinam || 161 ||
[Analyze grammar]

sarvānetānvijeṣyāmi kimu pauṇḍraṃ nṛpottamam || 162 ||
[Analyze grammar]

gaccha kāryaṃ kuruṣvedaṃ yatto'haṃ satataṃ hare || 163 ||
[Analyze grammar]

uddhavaṃ punarāhendaṃ kṛṣṇaḥ padmanibhekṣaṇaḥ || 164 ||
[Analyze grammar]

śṛṇūddhava tvaṃ vākyaṃ me kuryāstvetatprayatnavān || 165 ||
[Analyze grammar]

rakṣyā nayena rājendra purī dvāravatī tvayā || 166 ||
[Analyze grammar]

yatto bhava sadā tāta kuru sāhāyyamatra naḥ || 167 ||
[Analyze grammar]

lajjā mama samutpannā vadatastava sāṃpratam || 168 ||
[Analyze grammar]

tvaṃ hi netā samastasya vidyāpārasya sarvataḥ || 169 ||
[Analyze grammar]

ko nu śakṣyati medhāvī vaktuṃ vidyāvataḥ puraḥ || 170 ||
[Analyze grammar]

yatkāryaṃ tadbhavānvetti hyakāryaṃ cāpi sarvataḥ || 171 ||
[Analyze grammar]

ato'haṃ virame tāta vaktuṃ saṃprati vṛṣṇipa || 172 ||
[Analyze grammar]

uddhava uvāca kimidaṃ tava govinda vartate māṃ prati prabho || 173 ||
[Analyze grammar]

aho prasannatā mahyaṃ kiṃ tu prītiriyaṃ tava || 174 ||
[Analyze grammar]

jānāmyahaṃ jagannātha prasādasyaiṣa vistaraḥ || 175 ||
[Analyze grammar]

yasya prasanno bhavasi tasya kiṃ nāsti keśava || 176 ||
[Analyze grammar]

tvaṃ hi sarvasya jagataḥ kartā hartā pradhānakṛt || 177 ||
[Analyze grammar]

prabhavaḥ sarvakāryāṇāṃ vaktā śrotā pramāṇavit || 178 ||
[Analyze grammar]

dhyātā dhyānamayo dhyeya iti brahmavido viduḥ || 179 ||
[Analyze grammar]

jetā devaripūṇāṃ ca goptā nākasadāṃ bhavān || 180 ||
[Analyze grammar]

tvannāthā vayameveti jīvāmo nihatadviṣaḥ || 181 ||
[Analyze grammar]

iyaṃ nītirahaṃ manye netā nīteryato bhavān || 182 ||
[Analyze grammar]

ko nu nāma na yo veda tvāṃ vinā sāṃprataṃ vada || 183 ||
[Analyze grammar]

nītistvaṃ sarvakāryāṇāmiti me niścitā matiḥ || 184 ||
[Analyze grammar]

durgāḍho nayamārgo'yamityāhustadvido janāḥ || 185 ||
[Analyze grammar]

caturdhā procyate nītiḥ sāmadāne janārdana || 186 ||
[Analyze grammar]

daṇḍo bhedo manuṣyāṇāṃ nigrahāvagrahe sadā || 187 ||
[Analyze grammar]

daṇḍyeṣu daṇḍamicchanti sāmānyaṃ tu naye hare || 188 ||
[Analyze grammar]

balavatsvatha dānaṃ tu trayāṇāṃ cedagocare || 189 ||
[Analyze grammar]

prayoktavyo mahābheda iti nītimatāṃ matam || 190 ||
[Analyze grammar]

teṣu teṣvatha sarveṣu pramāṇaṃ tvāṃ vidurbudhāḥ || 191 ||
[Analyze grammar]

kimatra bahunoktena sarvaṃ tvayi samarpitam || 192 ||
[Analyze grammar]

ityuktvā virarāmaiva uddhavo nītimattaraḥ || 193 ||
[Analyze grammar]

tataḥ sa bhagavānviṣṇurevameva nṛpottama || 194 ||
[Analyze grammar]

kāmapālaṃ mahābāhumuvāca yadusaṃsadi || 195 ||
[Analyze grammar]

ugrasenaṃ nṛpaṃ rājaṃstathā hārdikyameva ca || 196 ||
[Analyze grammar]

kāmapālaṃ punarviṣṇuridaṃ hovāca yattvavit || 197 ||
[Analyze grammar]

na pramādastvayā kāryaḥ sarvadā yatnavānbhava || 198 ||
[Analyze grammar]

sthite tvayi mahābāho ka pīḍā jagato bhavet || 199 ||
[Analyze grammar]

gadī bhava sadā ārya na krīḍā sarvadā bhavet || 200 ||
[Analyze grammar]

rakṣa tvaṃ sarvadā yatnātpurīṃ dvāravatīṃ prabho || 201 ||
[Analyze grammar]

nopahāsyā yathā syāma tathā kuru gadī bhava || 202 ||
[Analyze grammar]

utsāhaḥ sarvathā kāryo nirutsāho na yatnataḥ || 203 ||
[Analyze grammar]

bāḍhamityabravīd rāmaḥ kṛṣṇaṃ vṛṣṇikulodvaham || 204 ||
[Analyze grammar]

vṛṣṇayaḥ sarva evaite svaṃ svaṃ sadma samāyayuḥ || 205 ||
[Analyze grammar]

gantumaicchajjagannāthaḥ kailāsaṃ parvatottamam || 206 ||
[Analyze grammar]

vaiśaṃpāyana uvāca tataḥ sa cintayāmāsa garuḍaṃ pakṣipuṃgavam || 207 ||
[Analyze grammar]

āgaccha tvaritaṃ tārkṣya iti viṣnurjagatpatiḥ || 208 ||
[Analyze grammar]

tataḥ sa bhagavāṃstārkṣyo vedarāśiriti smṛtaḥ || 209 ||
[Analyze grammar]

balavānvikramī yogī śāstranetā kurūdvaha || 210 ||
[Analyze grammar]

yajñamūrtiḥ purāṇātmā sāmamūrdhā ca pāvanaḥ || 211 ||
[Analyze grammar]

ṛgvedapakṣavānpakṣī piṅgalo jaṭilākṛtiḥ || 212 ||
[Analyze grammar]

tāmratuṇḍaḥ somaharaḥ śakrajetā mahāśirāḥ || 213 ||
[Analyze grammar]

pannagāriḥ padmanetraḥ sākṣādindra ivāparaḥ || 214 ||
[Analyze grammar]

vāhanaṃ devadevasya dānavīgarbhakṛntanaḥ || 215 ||
[Analyze grammar]

rākṣasāsurasaṃghānāṃ jetā pakṣabalena yaḥ || 216 ||
[Analyze grammar]

prādurāsīnmahāvīryaḥ keśavasyāgratastadā || 217 ||
[Analyze grammar]

jānubhyāmapatadbhūmau namo viṣṇo jagatpate || 218 ||
[Analyze grammar]

namaste devadeveśa hare svāminniti bruvan || 219 ||
[Analyze grammar]

pasparśa pāṇinā kṛṣṇaḥ svāgataṃ tārkṣyapuṃgava || 220 ||
[Analyze grammar]

ityuvāca tadā tārkṣyaṃ yāsye kailāsaparvatam || 221 ||
[Analyze grammar]

śūlinaṃ draṣṭumicchāmi śaṃkaraṃ śāśvataṃ śivam || 222 ||
[Analyze grammar]

bāḍhamityabravīttārkṣya āruhyainaṃ janārdanaḥ || 223 ||
[Analyze grammar]

tiṣṭhadhvamiti hovāca yādavānpārśvavartinaḥ || 224 ||
[Analyze grammar]

tato yayau jagannātho diśaṃ prāguttarāṃ hariḥ || 225 ||
[Analyze grammar]

raveṇa mahatā tārkṣyastrailokyaṃ samakampayat || 226 ||
[Analyze grammar]

sāgaraṃ kṣobhayāmāsa padbhyāṃ pakṣī vrajaṃstadā || 227 ||
[Analyze grammar]

pakṣeṇa parvatān sarvānvahandevaṃ janārdanam || 228 ||
[Analyze grammar]

tato devāḥ sagandharvā ākāśe'dhiṣṭhitāstadā || 229 ||
[Analyze grammar]

tuṣṭuvuḥ puṇḍarīkākṣaṃ vāgbhiriṣṭābhirīśvaram || 230 ||
[Analyze grammar]

jaya deva jagannātha naya viṣṇo jagatpate || 231 ||
[Analyze grammar]

jayājeya namo deva bhūtabhāvanabhāvana || 232 ||
[Analyze grammar]

namaḥ paramasiṃhāya daityadānavanāśana || 233 ||
[Analyze grammar]

jayājeya hare deva yogidhyeya bhayāpaha || 234 ||
[Analyze grammar]

nārāyaṇa namo deva kṛṣṇa kṛṣṇa hare hare || 235 ||
[Analyze grammar]

ādikartaḥ purāṇātmanbrahmayone sanātana || 236 ||
[Analyze grammar]

namaste sakaleśāya nirguṇāya guṇātmane || 237 ||
[Analyze grammar]

bhaktapriyāya bhaktāya namo dānavanāśana || 238 ||
[Analyze grammar]

acintyamūrtaye tubhyaṃ namaste sakaleśvara || 239 ||
[Analyze grammar]

ityādibhistadā devaṃ vāgbhirīśānamavyayam || 240 ||
[Analyze grammar]

tuṣṭuvurdevagandharvā ṛṣayaḥ siddhacāraṇāḥ || 241 ||
[Analyze grammar]

śṛṇvanneva jagannāthaḥ stutivākyāni tāni ca || 242 ||
[Analyze grammar]

yayau sārdhaṃ suragaṇairmunibhirvedapāragaiḥ || 243 ||
[Analyze grammar]

yatra pūrvaṃ svayaṃ viṣṇustapastepe sudāruṇam || 244 ||
[Analyze grammar]

lokavṛddhikaraḥ śrīmāṃl lokānāṃ hitakāmyayā || 245 ||
[Analyze grammar]

varṣāyutaṃ tapastaptaṃ viṣṇunā prabhaviṣṇunā || 246 ||
[Analyze grammar]

yatra viṣṇurjagannāthastapastaptvā sudāruṇam || 247 ||
[Analyze grammar]

dvidhākarotsvamātmānaṃ naranārāyaṇākhyayā || 248 ||
[Analyze grammar]

gaṅgā yatra saricchreṣṭhā madhye dhāvati pāvanī || 249 ||
[Analyze grammar]

yatra śakraḥ svayaṃ hatvā vṛtraṃ vedārthatattvagam || 250 ||
[Analyze grammar]

brahmahatyā vināśārthaṃ tapo varṣāyutaṃ carat || 251 ||
[Analyze grammar]

yatra siddhāśca siddhāḥ syurdhyātvā devaṃ janārdanam || 252 ||
[Analyze grammar]

yatra hatvā raṇe rāmo rāvaṇaṃ lokarāvaṇam || 253 ||
[Analyze grammar]

etacchāsanamicchaṃśca tapo ghoramatapyata || 254 ||
[Analyze grammar]

devāśca munayaścaiva siddhiṃ yānti śucivratāḥ || 255 ||
[Analyze grammar]

yatra nityaṃ jagannāthaḥ sākṣādvasati keśavaḥ || 256 ||
[Analyze grammar]

yatra yajñāḥ pravartante nityaṃ munigaṇaiḥ saha || 257 ||
[Analyze grammar]

yasyāḥ smaraṇamātreṇa naraḥ svargaṃ gamiṣyati || 258 ||
[Analyze grammar]

svargasopānamicchanti yāṃ puṇyāṃ munisattamāḥ || 259 ||
[Analyze grammar]

śatravo mitratāṃ yānti yatra nityaṃ nṛpottama || 260 ||
[Analyze grammar]

yāmāhuḥ puṇyaśīlānāṃ sthānamuttamadharmiṇām || 261 ||
[Analyze grammar]

yatra viṣṇuṃ samārādhya devāḥ svargaṃ samāyayuḥ || 262 ||
[Analyze grammar]

siddhikṣetramidaṃ prāhurṛṣayo vītamatsarāḥ || 263 ||
[Analyze grammar]

viśālāṃ badarīṃ viṣṇustāṃ draṣṭuṃ sakaleśvaraḥ || 264 ||
[Analyze grammar]

sāyāhne cāmaragaṇairmunibhistattva darśibhiḥ || 265 ||
[Analyze grammar]

praviveśa mahāpuṇyāmṛṣijuṣṭāṃ tapomayīm || 266 ||
[Analyze grammar]

agnihotrākule kāle pakṣivyāhārasaṃkule || 267 ||
[Analyze grammar]

nīḍastheṣu vihaṃgeṣu duhyamānāsu goṣu ca || 268 ||
[Analyze grammar]

bṛsīṣvatha ca tiṣṭhatsu munivīreṣu sarvataḥ || 269 ||
[Analyze grammar]

samādhistheṣu siddheṣu cintayatsu janārdanam || 270 ||
[Analyze grammar]

adhiśriteṣu haviḥṣu jvālyamāneṣu cāgniṣu || 271 ||
[Analyze grammar]

hūyamāneṣu tatraiva pāvakeṣu samantataḥ || 272 ||
[Analyze grammar]

atithau pūjyamāne ca saṃdhyāviṣṭe jaganmaye || 273 ||
[Analyze grammar]

sa tasyāmatha velāyāṃ devaiḥ saha janārdanaḥ || 274 ||
[Analyze grammar]

viveśa badarīṃ viṣṇurmunijuṣṭāṃ tapomayīm || 275 ||
[Analyze grammar]

āśramasyātha madhyaṃ tu praviśya harirīśvaraḥ || 276 ||
[Analyze grammar]

garuḍādavaruhyātha dīpikādīpite tadā || 277 ||
[Analyze grammar]

pradeśe puṇḍarīkākṣaḥ sthitastāvatsahāmaraiḥ || 278 ||
[Analyze grammar]

vaiśaṃpāyana uvāca tato munigaṇā dṛṣṭvā devadevamavasthitam || 279 ||
[Analyze grammar]

samāpya cāgnihotrāṇi saṃpūjyātithisattamān || 280 ||
[Analyze grammar]

munayo dīrghatapasaḥ samādhau kṛtaniścayāḥ || 281 ||
[Analyze grammar]

jaṭino muṇḍinaḥ kecicchirādhamanisaṃtatāḥ || 282 ||
[Analyze grammar]

nirmajjānīrasāḥ kecidvetālā iva kecana || 283 ||
[Analyze grammar]

aśmakuṭṭāśanaparāḥ parṇabhakṣāstathāpare || 284 ||
[Analyze grammar]

vedavidyāvratasnātā nirāhārā mahātapāḥ || 285 ||
[Analyze grammar]

smarantaḥ sarvadā viṣṇuṃ tadbhaktāstatparāyaṇāḥ || 286 ||
[Analyze grammar]

āsannamuktayaḥ kecitkeciddhyānaikatatparāḥ || 287 ||
[Analyze grammar]

dhyānena manasā viṣṇuṃ dṛṣṭavantastapodhanāḥ || 288 ||
[Analyze grammar]

saṃvatsarāśinaḥ kecitkecijjalavicāriṇaḥ || 289 ||
[Analyze grammar]

śakrasya bhayadātāraḥ śrutismṛtiprāyaṇāḥ || 290 ||
[Analyze grammar]

vasiṣṭho vāmadevaśca raibhyo dhūmrastathaiva ca || 291 ||
[Analyze grammar]

jābāliḥ kāśyapaḥ kaṇvo bharadvājo'tha gautamaḥ || 292 ||
[Analyze grammar]

atriraśvaśirā bhadraḥ śaṅkhaḥ śaṇkhanidhiḥ kuṇiḥ || 293 ||
[Analyze grammar]

pārāśaryaḥ pavitrākṣo yājñavalkyo mahāmanāḥ || 294 ||
[Analyze grammar]

kakṣīvānaṅgirāścaiva munirdīrghatamāstathā || 295 ||
[Analyze grammar]

asito devalastāta vālmīkiśca mahātapāḥ || 296 ||
[Analyze grammar]

ete cānye ca munayo draṣṭumīśvaramavyayam || 297 ||
[Analyze grammar]

ādāyārghyaṃ yathāyogamuṭajātsvātsamāyayuḥ || 298 ||
[Analyze grammar]

te ca gatvā hariṃ kṛṣṇaṃ viṣṇumīśaṃ janārdanam || 299 ||
[Analyze grammar]

bhaktinamrāstadā devaṃ praṇemurbhaktavatsalam || 300 ||
[Analyze grammar]

namo'stu kṛṣṇa krṣneti devadeveti keśavam || 301 ||
[Analyze grammar]

praṇavātmañjagannātha natāḥ sma śirasā hare || 302 ||
[Analyze grammar]

viṣṇo jiṣṇo hṛṣīkeśa keśaveti ca sarvadā || 303 ||
[Analyze grammar]

praṇāmapraṇatā viprāḥ prāhuritthaṃ jagatpatim || 304 ||
[Analyze grammar]

idamarghyamidaṃ pādyamidaṃ viṣṭarameva ca || 305 ||
[Analyze grammar]

kṛtārthāḥ sarvathā deva prasanno no jagatpatiḥ || 306 ||
[Analyze grammar]

kiṃ kurmaḥ kiṃ nu naḥ kṛtyaṃ kaściddoṣaḥ prabho hare || 307 ||
[Analyze grammar]

iti prāñjalayaḥ sarve sthitā devasya pārśvataḥ || 308 ||
[Analyze grammar]

kṛṣno'pi tad yathāyogamupayujya sahāmaraiḥ || 309 ||
[Analyze grammar]

kṛtaṃ sarvaṃ munivarā vardhatāṃ tapa uttamam || 310 ||
[Analyze grammar]

iti bruvanpurāṇātmā prītastena garutmatā || 311 ||
[Analyze grammar]

āsanaṃ lambhayāmāsa rātrau devo janārdanaḥ || 312 ||
[Analyze grammar]

kuśalaṃ pṛṣṭavānbhūyo munīnāṃ bhāvitātmanām || 313 ||
[Analyze grammar]

agnihotreṣu tapasi tathā kṛtyeṣu sarvaśaḥ || 314 ||
[Analyze grammar]

evamādi jagannāthaḥ pṛṣṭavānīśvarastadā || 315 ||
[Analyze grammar]

sarvatra kuśalaṃ te tu brūyuḥ kṛṣṇasya tattvataḥ || 316 ||
[Analyze grammar]

ātithyaṃ cakrire te tu nīvāraiḥ phalamūlakaiḥ || 317 ||
[Analyze grammar]

devānāmatha sarveṣāṃ viṣṇoḥ kṛṣṇasya yatnataḥ || 318 ||
[Analyze grammar]

ātithyamupayuñjānastataḥ prīto'bhavaddhariḥ || 319 ||
[Analyze grammar]

vaiśaṃpāyana uvāca tataḥ sa bhagavānviṣṇurdurvijñeyagatiḥ prabhuḥ || 320 ||
[Analyze grammar]

yatra pūrvaṃ tapastaptamātmanā yādaveśvaraḥ || 321 ||
[Analyze grammar]

gaṅgāyāścottare tīre deśaṃ draṣṭumupāgataḥ || 322 ||
[Analyze grammar]

svayameva hariḥ sākṣātpraviveśa tamālayam || 323 ||
[Analyze grammar]

praviśya suciraṃ kālaṃ dadarśa ca manoramam || 324 ||
[Analyze grammar]

niṣasāda tatastasminnāśrame puṇyavardhane || 325 ||
[Analyze grammar]

samādhau yojayāmāsa manaḥ padmanibhekṣaṇaḥ || 326 ||
[Analyze grammar]

kimapyeṣa jagannātho dhyātvā deveśvaraḥ sthitaḥ || 327 ||
[Analyze grammar]

sthite devagurau tatra samādhau dīpavaddharau || 328 ||
[Analyze grammar]

tatra śabdo mahān ghoraḥ prādurāsītsamantataḥ || 329 ||
[Analyze grammar]

khāda khāda namo deva yāta yāta mṛgānimān || 330 ||
[Analyze grammar]

preṣayeha śunaḥ sarvānprasādācchārṅgadhanvanaḥ || 331 ||
[Analyze grammar]

eṣa viṣṇurayaṃ kṛṣṇo harirīśa ito'cyutaḥ || 332 ||
[Analyze grammar]

namo'stu viṣṇo deveśa svāminmādhava keśava || 333 ||
[Analyze grammar]

ityādiśabdaḥ sumahānāvirāsīttadā niśi || 334 ||
[Analyze grammar]

tataśca sumahānādaḥ siṃhānāṃ mṛgavidviṣām || 335 ||
[Analyze grammar]

dhāvatāṃ ca śunāṃ rajanmṛgānanu vinardatām || 336 ||
[Analyze grammar]

mṛgāṇāṃ bhītiyuktānāmṛkṣāṇāṃ dvīpināṃ tathā || 337 ||
[Analyze grammar]

gajānāṃ nardatāṃ rājanbṛṃhitāni tatastataḥ || 338 ||
[Analyze grammar]

mahāvātasamuddhūta kṣubhitasyeva vāridheḥ || 339 ||
[Analyze grammar]

nādastrailokyavitrāsaḥ prādurāsīttadā niśi || 340 ||
[Analyze grammar]

śrutvā taṃ tu harirdevastādṛśaṃ tatra viṣṭhitaḥ || 341 ||
[Analyze grammar]

samādhi kṣobhanipuṇaṃ niḥśvasya ca jagatpatiḥ || 342 ||
[Analyze grammar]

tataḥ sa cintayāmāsa ko'yameṣa mahāsvanaḥ || 343 ||
[Analyze grammar]

kasyāyamīdṛśaḥ śabdaḥ stutiyukto mama tviti || 344 ||
[Analyze grammar]

āhosvinmṛgayā śabdaḥ śunāṃ saṃcaratāṃ vane || 345 ||
[Analyze grammar]

mṛgāṇāmatha sarveṣāṃ nādaśca sumahānayam || 346 ||
[Analyze grammar]

vyāmiśraḥ stutiyuktābhirvāgbhirmama samantataḥ || 347 ||
[Analyze grammar]

iti saṃcintya manasā diśo viprekṣya sarvataḥ || 348 ||
[Analyze grammar]

tata āste haristatra jñātuṃ tasya samudbhavam || 349 ||
[Analyze grammar]

tato mṛgāḥ samāyānti yatra tiṣṭhati keśavaḥ || 350 ||
[Analyze grammar]

tāṃścaivānucaro rājañchvagaṇaḥ samapadyata || 351 ||
[Analyze grammar]

atha vai dīpikā rājañchataśo'tha sahasraśaḥ || 352 ||
[Analyze grammar]

tatastamo'pi vyanaśaddiveva samapadyata || 353 ||
[Analyze grammar]

tato'nu bhūtasaṃghāśca samadṛśyanta tatra ha || 354 ||
[Analyze grammar]

piśācāśca mahāghorā nardanto bahuvisvaram || 355 ||
[Analyze grammar]

bhakṣayanto'tha piśitaṃ pibanto rudhiraṃ bahu || 356 ||
[Analyze grammar]

yatrāsau tiṣṭhate deva tāni tatraiva bhārata || 356 ||
[Analyze grammar]

tato mṛgasahasrāṇi samudīrṇāni bhārata || 356 ||
[Analyze grammar]

prādurāsanmahāghorāḥ piśācā vikṛtānanāḥ || 357 ||
[Analyze grammar]

hanyamānā hatā rājanpatantaḥ patitā mṛgāḥ || 358 ||
[Analyze grammar]

itaścetaśca dhāvanto bāṇairviddhā mṛgadviṣaḥ || 359 ||
[Analyze grammar]

tato mṛgasahasrāṇi samudīrṇāni bhārata || 360 ||
[Analyze grammar]

yatrāsau tiṣṭhate devastatra yātāni bhārata || 361 ||
[Analyze grammar]

antarīkṛtya deveśaṃ sthitānītyanuśuśrumaḥ || 362 ||
[Analyze grammar]

piśācyo vikṛtākārāḥ karālā lomaharṣaṇāḥ || 363 ||
[Analyze grammar]

putravatyaḥ samāpeturyatra tiṣṭhati keśavaḥ || 364 ||
[Analyze grammar]

śvagaṇastatra rājendra caratyeva tatastataḥ || 365 ||
[Analyze grammar]

tataḥ sa bhagavānviṣṇuḥ sarvamālokya viṣṭhitaḥ || 366 ||
[Analyze grammar]

vismayaṃ paramaṃ gatvā paśyannāste sma keśavaḥ || 367 ||
[Analyze grammar]

kasyaiṣa visṛto nādaḥ kasya vāyaṃ janaḥ patan || 368 ||
[Analyze grammar]

ko nu māṃ stauti bhaktyā tu bhaviṣye prītimānaham || 369 ||
[Analyze grammar]

kasya muktiḥ samāyātā prīte mayi sudurlabhā || 370 ||
[Analyze grammar]

iti saṃcintya bhagavānāste prākṛtavaddhariḥ || 371 ||
[Analyze grammar]

vaiśaṃpāyana uvāca teṣāmanu mahāghorau piśācau vikṛtānanau || 372 ||
[Analyze grammar]

prāṃśū piṅgalalomānau dīrghajihvau mahāhanū || 373 ||
[Analyze grammar]

lambakeśau virūpākṣau hīhīhāhetivādinau || 374 ||
[Analyze grammar]

khādantau māṃsapiṭakaṃ pibantau śoṇitaṃ bahu || 375 ||
[Analyze grammar]

āntraveṣṭitasarvāṅgau dīrghau kṛśakṛśodarau || 376 ||
[Analyze grammar]

lambamānamahāpretau śūlaprotaśirodharau || 377 ||
[Analyze grammar]

karṣantau śavayūthāni bāhubhyāṃ tatra tatra ha || 378 ||
[Analyze grammar]

hasantau vividhaṃ hāsaṃ svajātisadṛśaṃ nṛpa || 379 ||
[Analyze grammar]

vadantau bahurūpāṇi vacāṃsi prākṛtāni ca || 380 ||
[Analyze grammar]

kampayantau mahāvṛkṣāv ūrupādapraghaṭṭanaiḥ || 381 ||
[Analyze grammar]

sṛkkiṇī lelihantau ca dantān kaṭakaṭāyinau || 382 ||
[Analyze grammar]

asthisnāyusamākīrṇau dhamanīrajjusaṃtatau || 383 ||
[Analyze grammar]

vadantau kṛṣṇa kṛṣṇeti mādhaveti ca saṃtatam || 384 ||
[Analyze grammar]

kadā nu drakṣyate viṣṇuḥ sa idānīṃ kva tiṣṭhati || 385 ||
[Analyze grammar]

svāmī naḥ kutra vasati kuto draṣṭuṃ yatāmahe || 386 ||
[Analyze grammar]

atra vā kutra deveśaḥ kuto nu sthāsyate hariḥ || 387 ||
[Analyze grammar]

kutaḥ padmapalāśākṣaḥ sākṣādindrānujo hariḥ || 388 ||
[Analyze grammar]

yamāhuḥ puṇḍarīkākṣaṃ brahma brahmavido janāḥ || 389 ||
[Analyze grammar]

tamajaṃ puruṣaṃ viṣṇuṃ draṣṭumabhyudyatā vayam || 390 ||
[Analyze grammar]

antakāle jagannāthaṃ praviveśa jagattrayam || 391 ||
[Analyze grammar]

tamajaṃ viśvakartāraṃ kuto drakṣyāma sāṃpratam || 392 ||
[Analyze grammar]

yasya vistāra evaiṣa lokaḥ prāṇinivāsitaḥ || 393 ||
[Analyze grammar]

taṃ devaṃ draṣṭumīśānaṃ yatāmaḥ sāṃprataṃ harim || 394 ||
[Analyze grammar]

daśā ghoratamā loke vidviṣṭā sarvajantubhiḥ || 395 ||
[Analyze grammar]

paiśācīyaṃ samutpannā kathaṃ nau prāviśadbalāt || 396 ||
[Analyze grammar]

naramāṃsāsthikalilā sarvabhītipradāyinī || 397 ||
[Analyze grammar]

aho nau duṣkṛtaṃ karma prāktane janmasaṃcaye || 398 ||
[Analyze grammar]

atraiva mahatī prītirvartate sarvadā tadā || 399 ||
[Analyze grammar]

yāvanno duṣkṛtaṃ karma tāvatsthāsyati tādṛśī || 400 ||
[Analyze grammar]

daśā sā sarvavidviṣṭā prāṇipīḍanakāriṇī || 401 ||
[Analyze grammar]

sarvathā duṣkṛtaṃ karma bahubhirjanmasaṃcayaiḥ || 402 ||
[Analyze grammar]

tathā hi tatphalaṃ ghoramadyāpi na nivartate || 403 ||
[Analyze grammar]

yattāḥ smaḥ prāṇino hantuṃ śvagaṇaiḥ saha sāṃpratam || 404 ||
[Analyze grammar]

tathā hi prāṇino loke bālyamādau samāsthitāḥ || 405 ||
[Analyze grammar]

ajñānāvṛtacittāśca kṛtyākṛtyaṃ na jānate || 406 ||
[Analyze grammar]

tathā yauvanino mattā viṣayairbahulīkṛtāḥ || 407 ||
[Analyze grammar]

yatante śreyase naiva tato viṣayasaṃsthitāḥ || 408 ||
[Analyze grammar]

viṣayākṛṣṭacittā hi manuṣyā vijānate || 409 ||
[Analyze grammar]

tathā ca vṛddhabhāve tu vyādhibhirbahubhirvṛtāḥ || 410 ||
[Analyze grammar]

jarādibhirmahāghorairnānāduḥkhavidhāyibhiḥ || 411 ||
[Analyze grammar]

yatante na hi vai śreyo vinaṣṭendriyagocarāḥ || 412 ||
[Analyze grammar]

tato mṛtā garbhavāse vasanti satataṃ narāḥ || 413 ||
[Analyze grammar]

viṇmūtrakalile ghore duḥkhairbahubhirācitāḥ || 414 ||
[Analyze grammar]

cyavante tu tato ghorādgarbhātsaṃsāramaṇḍale || 415 ||
[Analyze grammar]

parasparaṃ vihiṃsantaḥ kurvantaḥ karmasaṃcayam || 416 ||
[Analyze grammar]

mahatyevaṃ sadā ghore saṃsāre duḥkhasaṃkule || 417 ||
[Analyze grammar]

pāpāni bahurūpāṇi kurvate'jñānataḥ sadā || 418 ||
[Analyze grammar]

saṃsārasyaiṣa mahimā visṛtaḥ sarvajantuṣu || 419 ||
[Analyze grammar]

acchedyaḥ śastrasaṃpātairupāyairbahubhiḥ sadā || 420 ||
[Analyze grammar]

etasmānna nivartante martyāḥ prākṛtabuddhayaḥ || 421 ||
[Analyze grammar]

imaṃ hatvā manuṣyendramidamasmāddharāmyaham || 422 ||
[Analyze grammar]

corayitvā dhanamidaṃ hariṣyāmyadya yāmyaham || 423 ||
[Analyze grammar]

nirbhartsyainamidaṃ śāntaṃ hariṣyāmi dhanaṃ balī || 424 ||
[Analyze grammar]

ityādi vyākulā mūrkhā yatante prāṇipīḍanam || 425 ||
[Analyze grammar]

asyaiva duḥkhamūlasya saṃsārasya sadā hariḥ || 426 ||
[Analyze grammar]

bheṣajaṃ sarvathā devaḥ śaṅkhacakragadādharaḥ || 427 ||
[Analyze grammar]

ādidevaḥ purāṇātmā ātmā brahmavidāṃ sadā || 428 ||
[Analyze grammar]

taṃ vayaṃ sarvayatnena drakṣyāmaḥ sarvathā harim || 429 ||
[Analyze grammar]

itthaṃ piśācau bhāṣantau prādurāstāṃ hareḥ puraḥ || 430 ||
[Analyze grammar]

vaiśaṃpāyana uvāca tataḥ sa bhagavānviṣṇuḥ piśācau māṃsabhakṣakau || 431 ||
[Analyze grammar]

dadarśātha mahāghorau dīpikāsthakarau hariḥ || 432 ||
[Analyze grammar]

vilokayāṃ cakratustau piśācau devakīsutam || 433 ||
[Analyze grammar]

sthitaṃ sukhāsane viṣṇuṃ dṛṣṭvā lokeśvaraṃ harim || 434 ||
[Analyze grammar]

tau ca gatvā samuddeśaṃ piśācau keśavasya ha || 435 ||
[Analyze grammar]

tatastāv ūcaturviṣṇumantarīkṛtya keśavam || 436 ||
[Analyze grammar]

ko bhavān kasya vā martya kutaścāgamyate tvayā || 437 ||
[Analyze grammar]

kimarthamiha saṃprāpto vane ghoramṛgākule || 438 ||
[Analyze grammar]

nirmanuṣye dvīpivṛte piśācagaṇasevite || 439 ||
[Analyze grammar]

śvāpadaiḥ sevyamāne ca vipine vyāghrasaṃkule || 440 ||
[Analyze grammar]

sa kumāro'navadyāṅgaḥ sākṣādviṣṇurivāparaḥ || 441 ||
[Analyze grammar]

padmapatrekṣaṇaḥ śyāmaḥ padmābhaḥ śrīpatiḥ svayam || 442 ||
[Analyze grammar]

asmatprītikaraḥ sākṣātprāpto viṣṇurivāparaḥ || 443 ||
[Analyze grammar]

devo vā yadi vā yakṣo gandharvaḥ kiṃnaro'pi vā || 444 ||
[Analyze grammar]

indro vā dhanado vāpi yamo'tha varuṇo'pi vā || 445 ||
[Analyze grammar]

ekākī vipine ghore dhyānārpitamanā iva || 446 ||
[Analyze grammar]

brūhi martya yathātattvaṃ jñātumicchāmi mānada || 447 ||
[Analyze grammar]

evaṃ pṛṣṭaḥ piśācābhyāmāha viṣṇururukramaḥ || 448 ||
[Analyze grammar]

kṣatriyo'smīti māṃ prāhurmanuṣyāḥ prakṛtisthitāḥ || 449 ||
[Analyze grammar]

yaduvaṃśe samutpannaḥ kṣātraṃ vṛttamanuṣṭhitaḥ || 450 ||
[Analyze grammar]

lokānāmatha pātāsmi śāstā duṣṭasya sarvadā || 451 ||
[Analyze grammar]

kailāsaṃ gantukāmo'smi draṣṭuṃ devamupāpatim || 452 ||
[Analyze grammar]

ityevaṃ mama vṛttāntaḥ kathyatāṃ kau yuvāmiti || 453 ||
[Analyze grammar]

yuvāmiha samāyātau kiṃarthaṃ brāhmaṇāśramam || 454 ||
[Analyze grammar]

eṣā hi badarī puṇyā nānāvipraniṣevitā || 455 ||
[Analyze grammar]

badarīyaṃ samākhyātā na kṣudrairāśritā kvacit || 456 ||
[Analyze grammar]

tapasvibhistapoyuktairjuṣṭā siddhaniṣevitā || 457 ||
[Analyze grammar]

śvagaṇā nātra dṛśyante piśācā māṃsabhojanāḥ || 458 ||
[Analyze grammar]

na hantavyā mṛgāścātra mṛgayā nātra vartate || 459 ||
[Analyze grammar]

na tu kṣudraiḥ praveṣṭavyā na kṛtaghnairna nāstikaiḥ || 460 ||
[Analyze grammar]

ahamasya tu deśasya rakṣitā nātra saṃśayaḥ || 461 ||
[Analyze grammar]

vyatikramo yadi bhavettasya śāstāsmi yatnataḥ || 462 ||
[Analyze grammar]

kau bhavantau kva nu yuvāṃ kasyeyaṃ mahatī camūḥ || 463 ||
[Analyze grammar]

nātaḥ paraṃ praveṣṭavyamṛṣayastatra saṃsthitāḥ || 464 ||
[Analyze grammar]

vighnastatra pravarteta tapaḥsu ca tapasvinām || 465 ||
[Analyze grammar]

ihaiva sthīyatāṃ tāvadvaktavyaṃ ca tataḥ sukham || 466 ||
[Analyze grammar]

anyathāhaṃ niṣeddhā syāṃ balādbāhvostathaiva ca || 467 ||
[Analyze grammar]

evaṃ pṛṣṭau piśācau tu vaktumevaṃ pracakratuḥ || 468 ||
[Analyze grammar]

tayoreko mahāghoraḥ piśāco dīrghabāhukaḥ || 469 ||
[Analyze grammar]

uvāca vacanaṃ tatra yathā hṛdi samarpitam || 470 ||
[Analyze grammar]

śrūyatāmabhidhāsyāmi samāhitamanā bhava || 471 ||
[Analyze grammar]

namaskṛtya jagannāthaṃ hariṃ kṛṣṇaṃ jagatpatim || 472 ||
[Analyze grammar]

ādidevamajaṃ viṣṇuṃ vareṇyamanaghaṃ śucim || 473 ||
[Analyze grammar]

vakṣyāmi sakalaṃ yadvattathā śṛṇu yadīcchasi || 474 ||
[Analyze grammar]

ghaṇṭākarṇo'smi nāmnāhaṃ piśāco ghoradarśanaḥ || 475 ||
[Analyze grammar]

māṃsādo vikṛto ghoraḥ sākṣānmṛtyurivāparaḥ || 476 ||
[Analyze grammar]

dhanadasyānugantāhaṃ sākṣād rudrasakhasya ca || 477 ||
[Analyze grammar]

mamāyamanujaḥ sākṣādantakasyāntako hyayam || 478 ||
[Analyze grammar]

mṛgayāyāṃ samāyātā viṣṇoḥ pūjārthamityuta || 479 ||
[Analyze grammar]

mameyaṃ vartate senā śvagaṇo'pi mamaiva tu || 480 ||
[Analyze grammar]

āgato'yaṃ mahāśailātkailāsādbhūtasevitāt || 481 ||
[Analyze grammar]

ahaṃ piśācaveṣeṇa saṃviṣṭaḥ pāpakarmakṛt || 482 ||
[Analyze grammar]

satataṃ dūṣayanviṣṇuṃ ghaṇṭāmābadhya karṇayoḥ || 483 ||
[Analyze grammar]

mama na praviśennāma viṣṇoriti vicintayan || 484 ||
[Analyze grammar]

ahaṃ kailāsanilayamāsādya vṛṣabhadhvajam || 485 ||
[Analyze grammar]

ārādhya taṃ mahādevamastuvaṃ satataṃ śivam || 486 ||
[Analyze grammar]

tataḥ prasanno māmāha vṛṇīṣveti varaṃ haraḥ || 487 ||
[Analyze grammar]

tato muktirmayā tatra prārthitā devasaṃnidhau || 488 ||
[Analyze grammar]

muktiṃ prārthayamānaṃ māṃ punarāha trilocanaḥ || 489 ||
[Analyze grammar]

muktipradātā sarveṣāṃ viṣṇureva na saṃśayaḥ || 490 ||
[Analyze grammar]

tasmādgatvā ca badarīṃ tatrārādhya janārdanam || 491 ||
[Analyze grammar]

muktiṃ prāpnuhi govindānnaranārāyaṇāśrame || 492 ||
[Analyze grammar]

ityukto devadevena śūlinā jñātavānaham || 493 ||
[Analyze grammar]

tameva paramaṃ matvā govindaṃ garuḍadhvajam || 494 ||
[Analyze grammar]

tasmātprārthayamānaḥ sanmuktideśamimaṃ gataḥ || 495 ||
[Analyze grammar]

anyacca śṛṇu me kāryaṃ yadi kautūhalaṃ tava || 496 ||
[Analyze grammar]

purī dvāravatī nāma paścimasyodadhestaṭe || 497 ||
[Analyze grammar]

yaduvṛṣṇisamākīrṇā sāgarormisamākulā || 498 ||
[Analyze grammar]

adhyuvāsa harirviṣṇustāṃ purīṃ puruṣottamaḥ || 499 ||
[Analyze grammar]

draṣṭuṃ lokahitārthāya vasantaṃ dvārakāpure || 500 ||
[Analyze grammar]

nirgatāḥ sāṃprataṃ martya vayametaiḥ sahānugaiḥ || 501 ||
[Analyze grammar]

viṣṇuḥ sarveśvaraḥ sākṣāddraṣṭavyo'smābhiradya hi || 502 ||
[Analyze grammar]

lokānāṃ prabhavaḥ pātā kartā hartā jagatpatiḥ || 503 ||
[Analyze grammar]

āderādiḥ samastasya prabhavaṃ kāraṇaṃ hariḥ || 504 ||
[Analyze grammar]

kartā samastasya hariḥ purātanaḥ || 505 ||
[Analyze grammar]

prabhuḥ prabhūṇāmapi yaḥ sadātmakaḥ || 506 ||
[Analyze grammar]

tamādidevaṃ varadaṃ vareṇyaṃ || 507 ||
[Analyze grammar]

draṣṭuṃ hariṃ saṃprati saṃyatāḥ smaḥ || 508 ||
[Analyze grammar]

yasya prasādājjagadevamāsīt || 509 ||
[Analyze grammar]

saprāṇigandharvamahoragaugham || 510 ||
[Analyze grammar]

devaṃ jagadyonimajaṃ janārdanaṃ || 511 ||
[Analyze grammar]

draṣṭuṃ hariṃ saṃprati saṃyatāḥ smaḥ || 512 ||
[Analyze grammar]

yasyodarādviśvamidaṃ prabhūtaṃ || 513 ||
[Analyze grammar]

layaṃ ca yasmin samupaiti kalpe || 514 ||
[Analyze grammar]

yasyaiva sākṣādvaśavarti viśvaṃ || 515 ||
[Analyze grammar]

drakṣyāma devaṃ puruṣottamaṃ harim || 516 ||
[Analyze grammar]

sraṣṭā ca yo'sau sakalasya devaḥ || 517 ||
[Analyze grammar]

pātā ca hartā ca hariḥ sa eva || 518 ||
[Analyze grammar]

drakṣyāma nityaṃ bhuvaneśvaraṃ hariṃ || 519 ||
[Analyze grammar]

purāṇamādyaṃ prabhaviṣṇumavyayam || 520 ||
[Analyze grammar]

draṣṭuṃ hariṃ saṃprati saṃyatāḥ sma || 520 ||
[Analyze grammar]

ajasya kartā bhuvanasya goptā || 521 ||
[Analyze grammar]

bhuvaśca kartā harireka eva || 522 ||
[Analyze grammar]

taṃ yoginaṃ yogaviśuddhabuddiṃ || 523 ||
[Analyze grammar]

labhema keneti matiḥ samākulā || 524 ||
[Analyze grammar]

nigīrya viśvaṃ sakalaṃ jagatpatiḥ || 525 ||
[Analyze grammar]

śete śiśutvaṃ samavāpya sākṣāt || 526 ||
[Analyze grammar]

vaṭasya patre jagatāṃ nivāsaḥ || 527 ||
[Analyze grammar]

pādau ca vikṣipya karau ca dhūnvan || 528 ||
[Analyze grammar]

yasyodare devamuniḥ purātano || 529 ||
[Analyze grammar]

dadarśa lokānakhilān svamāyayā || 530 ||
[Analyze grammar]

praviśya viśvaṃ sakalaṃ yathāvad || 531 ||
[Analyze grammar]

bahiryathābhūtamabhūdidaṃ mahat || 532 ||
[Analyze grammar]

nigīrya viśvaṃ jagadādikāle || 533 ||
[Analyze grammar]

śete mahāhau jaladherjalaughe || 534 ||
[Analyze grammar]

devyā śriyā cāmaralolahastayā || 535 ||
[Analyze grammar]

niṣevyamāṇaḥ puruṣottamastadā || 536 ||
[Analyze grammar]

nābheśca yasyāvirabhūtsapatraṃ || 537 ||
[Analyze grammar]

padmaṃ mahatkāñcanasaprabhaṃ prabho || 538 ||
[Analyze grammar]

janmāspadaṃ lokaguroryadāsīd || 539 ||
[Analyze grammar]

vistāri padmaṃ jagadādisṛṣṭau || 540 ||
[Analyze grammar]

dadhāra yo bhūtapatirmahānmahīṃ || 541 ||
[Analyze grammar]

daṃṣṭrāgrasaṃsthāpitarūḍhamūlām || 542 ||
[Analyze grammar]

nadanmahāmegha ivādikāle || 543 ||
[Analyze grammar]

kurvanvarāho munigītakīrtiḥ || 544 ||
[Analyze grammar]

hariḥ purāṇaḥ puruṣottamaḥ prabhuḥ || 545 ||
[Analyze grammar]

kartā samastasya samastasākṣī || 546 ||
[Analyze grammar]

yajñātmako yajñapatirjagatpatir || 547 ||
[Analyze grammar]

draṣṭuṃ tamīśaṃ vayamudyatāḥ smaḥ || 548 ||
[Analyze grammar]

kecidbahutvena vadanti devam || 549 ||
[Analyze grammar]

ekātmanā kecidimaṃ purātanāḥ || 550 ||
[Analyze grammar]

vedāntasaṃsthāpitasattvayuktaṃ || 551 ||
[Analyze grammar]

draṣṭuṃ tamīśaṃ vayamudyatāḥ smaḥ || 552 ||
[Analyze grammar]

anekamekaṃ bahudhā vadanti || 553 ||
[Analyze grammar]

śrutismṛtinyāyaniviṣṭacittāḥ || 554 ||
[Analyze grammar]

āhuryamātmānamajaṃ purāvido || 555 ||
[Analyze grammar]

draṣṭuṃ tamīśaṃ vayamudyatāḥ smaḥ || 556 ||
[Analyze grammar]

yaṃ prāhurīḍyaṃ varadaṃ vareṇyam || 557 ||
[Analyze grammar]

ekāntatattvaṃ munayaḥ purātanāḥ || 558 ||
[Analyze grammar]

yaṃ sarvagaṃ devamajaṃ janārdanaṃ || 559 ||
[Analyze grammar]

draṣṭuṃ hariṃ saṃprati saṃyatāḥ smaḥ || 560 ||
[Analyze grammar]

yasmin sarvamidaṃ protamādikāle jagatpatau || 561 ||
[Analyze grammar]

taṃ draṣṭumadya saṃvṛttāḥ kiṃ nu vakṣyāma sāṃpratam || 562 ||
[Analyze grammar]

gacchāmo vayamanyatra gaccha tvaṃ kāmamanyataḥ || 563 ||
[Analyze grammar]

niyamo'pyasti no martya yatheṣṭaṃ gaccha sāṃpratam || 564 ||
[Analyze grammar]

rātrimadhyamanuprāptaṃ nātra kāryā vicāraṇā || 565 ||
[Analyze grammar]

ityuktvā ghorarūpo'sau piśāco vikṛtānanaḥ || 566 ||
[Analyze grammar]

tasminneva same deśe pītvā ca rudhiraṃ bahu || 567 ||
[Analyze grammar]

bhakṣayitvā yathākāmaṃ māṃsarāśiṃ vicakṣaṇaḥ || 568 ||
[Analyze grammar]

apaḥ samspṛśya tatraiva pārśve saṃsthāpya sādhanam || 569 ||
[Analyze grammar]

āntrapāśaṃ mahāghoraṃ saṃsthāpya vipulaṃ mahat || 570 ||
[Analyze grammar]

āsanaṃ kuśasaṃyuktaṃ kṛtvā cābhyukṣya vāriṇā || 571 ||
[Analyze grammar]

utsārya śvagaṇān sarvānyatnena mahatā tadā || 572 ||
[Analyze grammar]

sukhāsanaṃ samāsthāya samādhau yatate śvapaḥ || 573 ||
[Analyze grammar]

ekacittastadā bhūtvā namaskṛtya ca keśavam || 574 ||
[Analyze grammar]

imaṃ mantraṃ paṭhan ghoraḥ piśāco bhaktavatsalam || 575 ||
[Analyze grammar]

namo bhagavate tasmai vāsudevāya cakriṇe || 576 ||
[Analyze grammar]

namaste gadine tubhyaṃ vāsudevāya dhīmate || 577 ||
[Analyze grammar]

oṃ namo nārāyaṇāya viṣṇave prabhaviṣṇave || 578 ||
[Analyze grammar]

mama bhūyānmanaḥśuddhiḥ kīrtanāttava keśava || 579 ||
[Analyze grammar]

janmedamīdṛśaṃ ghoraṃ mā bhūnmama durāsadam || 580 ||
[Analyze grammar]

devabhūto bhaviṣyāmi smaraṇāttava gopate || 581 ||
[Analyze grammar]

atra pūto bhaviṣyāmi smaraṇāttava keśava || 581 ||
[Analyze grammar]

tava cakraprahāreṇa kāyo naśyatu māmakaḥ || 582 ||
[Analyze grammar]

mama bhūyo bhavo mā bhūdeṣā me prārthanā tava || 583 ||
[Analyze grammar]

arthināṃ kalpavṛkṣo'si dātā sarvasya sarvadā || 584 ||
[Analyze grammar]

yatra yatra bhavejjanma tatra tatra bhavān hṛdi || 585 ||
[Analyze grammar]

vartatāṃ mama deveśa prārthanaiṣā mamāparā || 586 ||
[Analyze grammar]

namastubhyaṃ namastubhyaṃ bhavatvevaṃ sadā mama || 587 ||
[Analyze grammar]

nirvighnā prārthanā deva namaste'stu sadā mama || 588 ||
[Analyze grammar]

yadā me maraṇaṃ bhūyāttadā mā bhūtsmṛtibhramaḥ || 589 ||
[Analyze grammar]

dine dine kṣaṇaṃ cittaṃ tvayi saṃsthaṃ bhavatviti || 590 ||
[Analyze grammar]

evaṃ preraya māṃ deva mā bhūtte cittamīdṛśam || 591 ||
[Analyze grammar]

nṛśaṃso'yaṃ piśāco'yaṃ dayā kāsminbhavediti || 592 ||
[Analyze grammar]

evaṃ cintaya māṃ deva bhṛtyo mahyamiti prabho || 593 ||
[Analyze grammar]

parapīḍā na matto'stu namaste bhagavanprabho || 594 ||
[Analyze grammar]

indriyāṇīndriyārtheṣu mā bhūvan sāṃpratam hi me || 595 ||
[Analyze grammar]

antakāle mamāpyevaṃ prasādāttava keśava || 596 ||
[Analyze grammar]

pṛthivī pātu me ghrāṇam rasanā pātu me payaḥ || 597 ||
[Analyze grammar]

sūryaśca pātu me cakṣuḥ sparśaṃ pātu ca mārutaḥ || 598 ||
[Analyze grammar]

śrotramākāśamapyetu manaḥ prāṇaṃ ca gacchatu || 599 ||
[Analyze grammar]

jalaṃ māṃ rakṣatānnityam pṛthivī rakṣatāṃ hare || 600 ||
[Analyze grammar]

sūryo māṃ rakṣatāṃ viṣṇo namaste sūryatejase || 601 ||
[Analyze grammar]

vāyurmāṃ rakṣatāṃ duḥkādākāśaṃ ca janārdana || 602 ||
[Analyze grammar]

na manaḥ sarvagaṃ deva rakṣatāṃ viṣayāddhare || 603 ||
[Analyze grammar]

manoviparyayaṃ ghoraṃ puruṣān hanti nityaśaḥ || 604 ||
[Analyze grammar]

pāpeṣu yojayetpuṃsaḥ parapīḍādikeṣu ca || 605 ||
[Analyze grammar]

manastad rakṣatāṃ deva bhūyo bhūyo janārdana || 606 ||
[Analyze grammar]

mā bhūnmanasi kāluṣyaṃ mano me nirmalaṃ bhavet || 607 ||
[Analyze grammar]

kaluṣaṃ yasya taccittaṃ narake pātayatyamum || 608 ||
[Analyze grammar]

bāhyāni nirmalānyevamindriyāṇi bhavanti cet || 609 ||
[Analyze grammar]

na tāni kāryavantīha manaścetkaluṣaṃ bhavet || 610 ||
[Analyze grammar]

tathā hi muṣṭināmedhyaṃ gṛhītvā yo vyavasthitaḥ || 611 ||
[Analyze grammar]

bahiḥ prakṣālanaṃ kurvan kiṃ bhavettasya keśava || 612 ||
[Analyze grammar]

vyartho hi kevalaṃ tasya pragraho bāhyagocaraḥ || 613 ||
[Analyze grammar]

tasmātsarvaprayatnena cittaṃ rakṣa janārdana || 614 ||
[Analyze grammar]

balavānindriyagrāmo vārayainaṃ janārdana || 615 ||
[Analyze grammar]

parivādājjagannātha vācaṃ rakṣa durudvahām || 616 ||
[Analyze grammar]

paradravyānmano rakṣa paradārājjanārdana || 617 ||
[Analyze grammar]

sarvatra me dayā bhūyātprasādāttava keśava || 618 ||
[Analyze grammar]

tvayyeva bhaktiracalā bhūyādbhūteṣu me dayā || 619 ||
[Analyze grammar]

bahunātra kimuktena śṛṇuṣvedaṃ vaco mama || 620 ||
[Analyze grammar]

sukhe duḥkhe ca rāge ca bhojane gamane tathā || 621 ||
[Analyze grammar]

jāgratsvapneṣu sarvatra tvayyeva ramatāṃ manaḥ || 622 ||
[Analyze grammar]

māmakaṃ devadeveśa namaste'stu janārdana || 623 ||
[Analyze grammar]

iti bruvan ghoratamo jātyā hīno na cittatah || 624 ||
[Analyze grammar]

piśāco bhagavadbhaktaḥ samādhiṃ samapadyata || 625 ||
[Analyze grammar]

dṛḍhaṃ badhvātmanaḥ kāyamāntrapāśena māṃsapaḥ || 626 ||
[Analyze grammar]

niścalenaiva manasā sukhamāste sa māṃsapaḥ || 627 ||
[Analyze grammar]

dhyāyan hariṃ jagadyoniṃ viṣṇuṃ pītāmbaraṃ śivam || 628 ||
[Analyze grammar]

kundābhamādipuruṣamekākāramanāmayam || 629 ||
[Analyze grammar]

nityaṃ śuddhaṃ jñānagamyaṃ kāraṇaṃ sarvadehinām || 630 ||
[Analyze grammar]

nāsikāgraṃ samālokya paṭhanbrahma sanātanam || 631 ||
[Analyze grammar]

nivātastho yathā dīpaḥ proccaranpraṇavaṃ sadā || 632 ||
[Analyze grammar]

praṇavaṃ vācakaṃ matvā vācyaṃ brahmeti niścitaḥ || 633 ||
[Analyze grammar]

ekāgraṃ satataṃ kṛtvā cittaṃ viṣṇau samarpitam || 634 ||
[Analyze grammar]

vikalparahitaṃ cittaṃ hṛdi madhye nyaveśayat || 635 ||
[Analyze grammar]

puṇḍarīke śubhadale samāveśya jagatpatim || 636 ||
[Analyze grammar]

āste sukhaṃ mahāyogī piśitāśastadā mahān || 637 ||
[Analyze grammar]

tridhāmānaṃ japaṃstatra smaranviṣṇuṃ sanātanam || 638 ||
[Analyze grammar]

vaiśaṃpāyana uvāca tataḥ sa bhagvānviṣṇuḥ piśācaṃ dṛṣṭavāṃstadā || 639 ||
[Analyze grammar]

cintayantaṃ svamātmānaṃ śuddhaṃ buddhisamanvitam || 640 ||
[Analyze grammar]

ātmanyeva sthitaṃ sākṣātpaṭhantaṃ praṇavaṃ sakṛt || 641 ||
[Analyze grammar]

prārthayantaṃ svamātmānamekānte niyataṃ hariḥ || 642 ||
[Analyze grammar]

acintayajjagannāthaḥ kāraṇaṃ puṇyasaṃcaye || 643 ||
[Analyze grammar]

dhyātvā tu suciraṃ viṣṇuḥ kāraṇaṃ puṇyakarmaṇaḥ || 644 ||
[Analyze grammar]

dhanadasyopadeśena paṭhan subahuśaḥ kṣitau || 645 ||
[Analyze grammar]

vāsudeveti kṛṣṇeti mādhaveti ca māṃ sadā || 646 ||
[Analyze grammar]

janārdana hare viṣṇo bhūtabhāvanabhāvana || 647 ||
[Analyze grammar]

narakāre jagannātha nārāyaṇa parāyaṇa || 648 ||
[Analyze grammar]

iti māṃ nāmabhirnityaṃ paṭhatyeṣa divāniśam || 649 ||
[Analyze grammar]

svapañjāgrattathā tiṣṭhanbhuñjan gacchaṃstathā vadan || 650 ||
[Analyze grammar]

bhakṣayanmāṃsapiṭakaṃ pibañchoṇitameva ca || 651 ||
[Analyze grammar]

bādhamānaṃ ca suciraṃ hatvāpi ca mṛgānbahūn || 652 ||
[Analyze grammar]

hanane bhojane caiva jāgratsvapne tathaiva ca || 653 ||
[Analyze grammar]

sarveṣvapi ca kāryeṣu kartāhamiti manyate || 654 ||
[Analyze grammar]

etasya karmaṇaḥ pāka eṣa ghorasya sarvataḥ || 655 ||
[Analyze grammar]

niścityaivaṃ jagannāthaḥ prītastasya babhūva ha || 656 ||
[Analyze grammar]

adarśayatsvamātmānamananyasya jagatpatiḥ || 657 ||
[Analyze grammar]

śuddhe'ntaḥkaraṇe tasya piśācasyātha bhūmipa || 658 ||
[Analyze grammar]

sa ca ghoraḥ piśāco'pi dadarśātmani keśavam || 659 ||
[Analyze grammar]

pītakauśeyavasanaṃ padmākṣaṃ śyāmalaṃ harim || 660 ||
[Analyze grammar]

śaṅkhinaṃ cakriṇaṃ viṣṇuṃ sragviṇaṃ gadinaṃ vibhum || 661 ||
[Analyze grammar]

kirīṭinaṃ kaustubhinaṃ śrīvatsācchāditorasam || 662 ||
[Analyze grammar]

nīlameghanibhaṃ kāntaṃ garuḍasthaṃ prabhañjanam || 663 ||
[Analyze grammar]

caturbhujaṃ śubhagiraṃ niścalaṃ sarvagaṃ śubham || 664 ||
[Analyze grammar]

anādimajaraṃ nityaṃ māyāvinamamāyinam || 665 ||
[Analyze grammar]

satyayuktaṃ sadā śuddhaṃ buddhigamyaṃ sadāmalam || 666 ||
[Analyze grammar]

manasaiva jagannāthaṃ dṛṣṭvā viṣṇumanekadhā || 667 ||
[Analyze grammar]

animīlyaiva nayane kṛtārtho'smītyamanyata || 668 ||
[Analyze grammar]

adya dṛṣṭo harirviṣṇuḥ sākṣātsarvatragaḥ śubhaḥ || 669 ||
[Analyze grammar]

prasanno hi harirmahyaṃ tenāhaṃ dṛṣṭavān harim || 670 ||
[Analyze grammar]

siddhaṃ me janmanaḥ kṛtyaṃ kimataḥ kṛtyamasti me || 671 ||
[Analyze grammar]

granthayo mama nirbhinnā vaśyānyevendriyāṇi me || 672 ||
[Analyze grammar]

prāyeṇa jitamityeva mano manye smṛte harau || 673 ||
[Analyze grammar]

eṣaṇāśca nirastā me prasanno'haṃ tathābhavam || 674 ||
[Analyze grammar]

ebhyo'thāpi piśācebhyo nirmuktaḥ sāṃprataṃ tathā || 675 ||
[Analyze grammar]

yo'sau mamānujaḥ sākṣātsa ca bhaktastathā harau || 676 ||
[Analyze grammar]

kālena caiva nirmukto viṣṇoḥ sāyujyamāpnuyāt || 677 ||
[Analyze grammar]

ityevaṃ cintayitvā sa āntrapāśaṃ vibhidya ca || 678 ||
[Analyze grammar]

krameṇa prāṇamunmucya vilokya ca diśastathā || 679 ||
[Analyze grammar]

śarīraṃ susamaṃ kṛtvā prātiṣṭhatsa sukhena ha || 680 ||
[Analyze grammar]

vaiśaṃpāyana uvāca piśitāśo jagannāthaṃ dadarśa jagatāṃ patim || 681 ||
[Analyze grammar]

samādhau ca yathā dṛṣṭaṃ bhūmau caiva jagatpatim || 682 ||
[Analyze grammar]

ayaṃ viṣṇurayaṃ viṣṇurityūce piśitāśanaḥ || 683 ||
[Analyze grammar]

samādhau ca yathā dṛṣṭaḥ so'yamatrāpi dṛśyate || 684 ||
[Analyze grammar]

ityuvāca punarbrūte nṛtyanniva hasanniva || 685 ||
[Analyze grammar]

ayaṃ sa cakrī śaraśārṅgadhanvā || 686 ||
[Analyze grammar]

gadī rathī sadhvajatūṇapāṇiḥ || 687 ||
[Analyze grammar]

sahasramūrdhā sakalāmareśo || 688 ||
[Analyze grammar]

jagatprasūtirjagatāṃ nivāsaḥ || 689 ||
[Analyze grammar]

viṣṇurjiṣṇurjagannāthaḥ purāṇaḥ puruṣottamaḥ || 690 ||
[Analyze grammar]

viśvātmā viśvakartā yaḥ so'yameṣa sanātanaḥ || 691 ||
[Analyze grammar]

asyaiva devasya hareḥ stanāntare || 692 ||
[Analyze grammar]

virājate kaustubharatnadīpaḥ || 693 ||
[Analyze grammar]

yasya prasādājjagadetadādau || 694 ||
[Analyze grammar]

virājate candramas eva rātriḥ || 695 ||
[Analyze grammar]

yo'sau pṛthvīṃ dadhārāśu daṃṣṭrayā jalasaṃcayāt || 696 ||
[Analyze grammar]

yo'yameṣa hariḥ sākṣādvārāhaṃ vapurāsthitaḥ || 697 ||
[Analyze grammar]

badhvā tathā dānavamugrapauruṣam || 698 ||
[Analyze grammar]

dattvā ca śakrāya tato'nu rājyam || 699 ||
[Analyze grammar]

baliṃ balādeṣa hariḥ sa vāmanaḥ || 700 ||
[Analyze grammar]

stutaśca bhaktyā munibhiḥ purātanaiḥ || 701 ||
[Analyze grammar]

daṃṣṭrākarālaḥ sumahān hatvā yo dānavaṃ raṇe || 702 ||
[Analyze grammar]

niḥśokaṃ nikhilaṃ lokaṃ cakārāsau janārdanaḥ || 703 ||
[Analyze grammar]

ādau dadhāraikabhujena mandaraṃ || 704 ||
[Analyze grammar]

nirjitya sarvānasurānmahārṇave || 705 ||
[Analyze grammar]

dadau ca śakrāya sudhāmayaṃ mahat || 706 ||
[Analyze grammar]

sa eṣa sākṣādiha māmavasthitaḥ || 707 ||
[Analyze grammar]

yaḥ śete jaladhau nāge devyā lakṣmyā sukhāvahe || 708 ||
[Analyze grammar]

hatvā tau dānavau ghorau madhukaiṭabhasaṃjñitau || 709 ||
[Analyze grammar]

yamāhurādyaṃ vibudhā jagatpatiṃ || 710 ||
[Analyze grammar]

sarvasya dhātāramajaṃ janitram || 711 ||
[Analyze grammar]

aṇoraṇīyāṃsamatipramāṇaṃ || 712 ||
[Analyze grammar]

sthūlātsthaviṣṭhaṃ harimeva viṣṇum || 713 ||
[Analyze grammar]

yatra sthitamidaṃ sarvaṃ prāpte lokasya nāśane || 714 ||
[Analyze grammar]

ādau yasmātsamutpannaṃ so'yaṃ viṣṇuriha sthitaḥ || 715 ||
[Analyze grammar]

yasyecchayā sarvamidaṃ pravartate || 716 ||
[Analyze grammar]

nivartate cāpi janārdanasya || 717 ||
[Analyze grammar]

ayaṃ sa viṣṇuḥ puruṣottamaḥ śivaḥ || 718 ||
[Analyze grammar]

prapadyate māmiha yādaveśvaraḥ || 719 ||
[Analyze grammar]

bhṛgorvaṃśe samutpanno jāmadagnya iti śrutaḥ || 720 ||
[Analyze grammar]

śiṣyatvaṃ samavāpyaiva mṛgavyādhasya yaḥ sthitaḥ || 721 ||
[Analyze grammar]

jaghāna vīryādbalinaṃ mahāraṇe || 722 ||
[Analyze grammar]

kuṭhāraśastreṇa girīśaśiṣyaḥ || 723 ||
[Analyze grammar]

sahasrabāhuṃ kṛtavīryasaṃbhavaṃ || 724 ||
[Analyze grammar]

hayaiśca nāgaiśca rathaiśca nirgatam || 725 ||
[Analyze grammar]

kurukṣetraṃ samāsādya yaścakāra pitṛkriyām || 726 ||
[Analyze grammar]

niḥkṣatriyamimaṃ lokaṃ kṛtavānekaviṃśatim || 727 ||
[Analyze grammar]

raghoratha kule jāto rāmo nāma janārdanaḥ || 728 ||
[Analyze grammar]

sītayā ca śriyā yukto lakṣmaṇānucaraḥ kṛtī || 729 ||
[Analyze grammar]

kṛtvā ca setuṃ jaladhau janārdano || 730 ||
[Analyze grammar]

hatvā ca rakṣaḥpatimāśugaiḥ śaraiḥ || 731 ||
[Analyze grammar]

dattvā ca rājyaṃ sa vibhīṣaṇāya || 732 ||
[Analyze grammar]

daśāśvamedhānayajacca yo'sau || 733 ||
[Analyze grammar]

vasudevakule jāto vāsudeveti śabditaḥ || 734 ||
[Analyze grammar]

gokule krīḍate yo'sau saṃkarṣaṇasahāyavān || 735 ||
[Analyze grammar]

uttānaśāyī śiśurūpadhārī || 736 ||
[Analyze grammar]

pītvā stanaṃ pūtanikāpradattam || 737 ||
[Analyze grammar]

vyasuṃ cakārāśu janārdanastadā || 738 ||
[Analyze grammar]

danoḥ sutāṃ tāmavasatsukhaṃ hariḥ || 739 ||
[Analyze grammar]

payaḥpānaṃ tathā kurvanbhakṣayandadhipiṇḍakam || 740 ||
[Analyze grammar]

dāmnā baddhodaro viṣṇurmātrā ruṣitayā dṛḍham || 741 ||
[Analyze grammar]

tataśca dāmnā sudṛḍhena baddho || 742 ||
[Analyze grammar]

jaghāna yo'sau yamalārjunau ca || 743 ||
[Analyze grammar]

krīḍan hariṛ gokulavāsavāsī || 744 ||
[Analyze grammar]

gopībhirāsvādya mukhaṃ stanaṃ ca || 745 ||
[Analyze grammar]

vṛndāvane vasanviṣṇurgopairgokulavāsibhiḥ || 746 ||
[Analyze grammar]

tatra hatvā hayaṃ ghoraṃ virarājāṃśumāniva || 747 ||
[Analyze grammar]

yaḥ krīḍate nāgaphaṇe janārdano || 748 ||
[Analyze grammar]

niṣevyamāṇaḥ sa ha gopadārakaiḥ || 749 ||
[Analyze grammar]

mahāhrade nāgapatiṃ jagatpatir || 750 ||
[Analyze grammar]

mamarda vīryātiśayaṃ pradarśayan || 751 ||
[Analyze grammar]

yo dhenukaṃ tālavane tatphalaiḥ samamacchinat || 752 ||
[Analyze grammar]

hatvā dānavamugraṃ taṃ gopānvismāpayanniva || 753 ||
[Analyze grammar]

dadhāra yo godharamugrapauruṣo || 754 ||
[Analyze grammar]

mahāmatirmeghasamāgame sati || 755 ||
[Analyze grammar]

viḍambayañchakrabalaṃ pramodayan || 756 ||
[Analyze grammar]

gopāṃśca gopīśca sagokulaṃ hariḥ || 757 ||
[Analyze grammar]

gopīnāṃ stanamadhye tu krīḍate kāmamīśvaraḥ || 758 ||
[Analyze grammar]

yo'sau pibaṃstadadharaṃ māyāmānuṣadehavān || 759 ||
[Analyze grammar]

gopībhirāsvādya mukhaṃ vivikte || 760 ||
[Analyze grammar]

śete sma rātrau sukhameva keśavaḥ || 761 ||
[Analyze grammar]

stanāntareṣveva tadā ca tāsāṃ || 762 ||
[Analyze grammar]

kāmīva kantādharapallavaṃ piban || 763 ||
[Analyze grammar]

akrūreṇa samāhūtastena gacchan hi yāmune || 764 ||
[Analyze grammar]

jale yo'bhyarcitastena nāgaloke sa eva hi || 765 ||
[Analyze grammar]

tataśca gacchanbalavāñjanārdano || 766 ||
[Analyze grammar]

hatvā tamugraṃ rajakaṃ balātpathi || 767 ||
[Analyze grammar]

hṛtvā ca vastrāṇi yatheṣṭamīśvaro || 768 ||
[Analyze grammar]

yayau sarāmo mathurāṃ purīṃ hariḥ || 769 ||
[Analyze grammar]

labdhvā ca dāmāni bahūni kāmado || 770 ||
[Analyze grammar]

dattvā varaṃ mālyakṛte mahāntam || 771 ||
[Analyze grammar]

labdhvānulepaṃ surabhiṃ ca yādavaḥ || 772 ||
[Analyze grammar]

kubjāṃ cakārāśu mahārharūpām || 773 ||
[Analyze grammar]

yo'sau cāpaṃ samādāya madhye chittvā mahaddhanuḥ || 774 ||
[Analyze grammar]

siṃhanādaṃ mahaccakre kalpānte jalado yathā || 775 ||
[Analyze grammar]

hatvā gajaṃ ghoramudaghrarūpaṃ || 776 ||
[Analyze grammar]

viṣāṇamādāya tato'nu keśavaḥ || 777 ||
[Analyze grammar]

nanarta raṅge bahurūpamīśvaraḥ || 778 ||
[Analyze grammar]

kaṃsasya dattvā bhayamugravīryaḥ || 779 ||
[Analyze grammar]

yo'sau hatvā mahāmallaṃ cāṇūraṃ nihatadviṣam || 780 ||
[Analyze grammar]

yādavebhyo dadau prītiṃ kaṃsasyaiva tu paśyataḥ || 781 ||
[Analyze grammar]

jaghāna kaṃsaṃ ripupakṣaghātinaṃ || 782 ||
[Analyze grammar]

pitṛdviṣaṃ yādavanāmadheyam || 783 ||
[Analyze grammar]

saṃsthāpya rājye harirugrasenaṃ || 784 ||
[Analyze grammar]

sāṃdīpaniṃ kāśyamupāgamadyaḥ || 785 ||
[Analyze grammar]

vidyāmavāpya sakalāṃ dattvā putraṃ mahāmuneḥ || 786 ||
[Analyze grammar]

sāgrajo'tha jagāmāśu mathurāṃ yādavīṃ purīm || 787 ||
[Analyze grammar]

hatvā niśumbhaṃ narakaṃ mahāmatiḥ || 788 ||
[Analyze grammar]

kṛtvā sughoraṃ kadanaṃ janārdanaḥ || 789 ||
[Analyze grammar]

rarakṣa viprānmunivīrasaṃghān || 790 ||
[Analyze grammar]

devāṃśca sarvāñjagato jagatpatiḥ || 791 ||
[Analyze grammar]

sa eṣa bhagavānviṣṇuradya dṛṣṭo janārdanaḥ || 792 ||
[Analyze grammar]

kṛtakṛtyo'smi saṃjātaḥ sāyujyaṃ prāpnuyāmaham || 793 ||
[Analyze grammar]

yena dṛṣṭo hariḥ sākṣāttasya muktiḥ karasthitā || 794 ||
[Analyze grammar]

so'yameṣa hariḥ sākṣātpratyakṣamiha vartate || 795 ||
[Analyze grammar]

ko nu janmāntare pūrvaṃ dharmaḥ saṃcita eva me || 796 ||
[Analyze grammar]

yasya pākaḥ samutpanno yenāsau dṛśyate mayā || 797 ||
[Analyze grammar]

sarvathā puṇyavānasmi naṣṭasaṃsārabandhanaḥ || 798 ||
[Analyze grammar]

kimasmai dīyate vastu kiṃ tu vakṣyāmi sāṃpratam || 799 ||
[Analyze grammar]

kariṣye kimahaṃ viṣṇo vadasvādya yathepsitam || 800 ||
[Analyze grammar]

ityuktvā visvaraṃ nādaṃ nanāda bahuśastadā || 801 ||
[Analyze grammar]

jahāsa vikṛtaṃ bhūyo nanarta piśitāśanaḥ || 802 ||
[Analyze grammar]

namo namo hare kṛṣṇa yādaveśvara keśava || 803 ||
[Analyze grammar]

pratyakṣaṃ ca harestatra nanarta vividhaṃ nṛpa || 804 ||
[Analyze grammar]

vaiśaṃpāyana uvāca vihasya vikṛtaṃ bhūyaḥ pranṛtya ca yathābalam || 805 ||
[Analyze grammar]

brāhmaṇasya hatasyātha śavamādāya satvaram || 806 ||
[Analyze grammar]

dvidhākṛtya mahāghoraṃ piśitaṃ keśaśāḍvalam || 807 ||
[Analyze grammar]

tataḥ khaṇḍaṃ samādāya adbhirabhyukṣya yatnataḥ || 808 ||
[Analyze grammar]

nidhāya pātre suśubhe namaskṛtya janārdanam || 809 ||
[Analyze grammar]

idaṃ provāca deveśaṃ prāñjaliḥ praṇataḥ sthitaḥ || 810 ||
[Analyze grammar]

gṛhāṇedaṃ jagannātha bhakṣyaṃ yogyaṃ tava prabho || 811 ||
[Analyze grammar]

bhavādṛśairjagannātha grāhyaṃ sarvātmanā hare || 812 ||
[Analyze grammar]

bhaktinamrā vayaṃ viṣṇo nātra kāryā vicāraṇā || 813 ||
[Analyze grammar]

dattaṃ yadbhaktinamreṇa grāhyaṃ tatsvāminā hare || 814 ||
[Analyze grammar]

navaṃ susaṃskṛtaṃ bhakṣyaṃ brāhmaṇaṃ śavamuttamam || 815 ||
[Analyze grammar]

sarveṣāmeva varṇānāṃ śavaṃ brāhmaṇamuttamam || 815 ||
[Analyze grammar]

asmākaṃ piśitāśānāṃ śāstre niyatameva hi || 816 ||
[Analyze grammar]

tato gṛhāṇa bhagavanyadi doṣo na vidyate || 817 ||
[Analyze grammar]

ityuktvā vikṛtaṃ bhūyo vihasya sa tu kāmataḥ || 818 ||
[Analyze grammar]

dātumaicchattadā khaṇḍamaspṛśyasya śavasya ha || 819 ||
[Analyze grammar]

tataḥ prīto haristasmai manasāpūjayacca tam || 820 ||
[Analyze grammar]

aho'sya snehakāruṇyaṃ mayi sarvatra vartate || 821 ||
[Analyze grammar]

iti saṃcintya manasā provāca yadupuṃgavaḥ || 822 ||
[Analyze grammar]

alametena sarvatra piśāca piśitānana || 823 ||
[Analyze grammar]

aspṛśyaṃ mādṛśairetadbrāhmaṇaṃ śavamuttamam || 824 ||
[Analyze grammar]

brāhmaṇaḥ sarvathā pūjyo jantubhirdharmakāṅkṣibhiḥ || 825 ||
[Analyze grammar]

piṣācā ghorakaṛmāṇo yatante brahmahiṃsane || 826 ||
[Analyze grammar]

na hantavyāḥ sadā viprāstaddhiṃsā narakāvahā || 827 ||
[Analyze grammar]

tasmādaspṛśyamasmābhirnātra kāryā vicāraṇā || 828 ||
[Analyze grammar]

tasmātprīto'smi bhadraṃ te manonirmalatā yathā || 829 ||
[Analyze grammar]

manaḥ śuddhiṃ yadāpannaṃ tataḥ prīto'smi māṃsapa || 830 ||
[Analyze grammar]

asmatsaṃkīrtanācchaśvacchuddaṃ hi karaṇaṃ tava || 831 ||
[Analyze grammar]

atīva manasā prīta ityuktvā bhagavān hariḥ || 832 ||
[Analyze grammar]

paspaṛśāṇgaṃ tadā viṣṇuḥ piśācasyātha sarvataḥ || 833 ||
[Analyze grammar]

kareṇa mṛdunā devaḥ pāpānnirmocayaddhariḥ || 834 ||
[Analyze grammar]

tatastasya babhau rūpaṃ kāmarūpasamaprabham || 835 ||
[Analyze grammar]

dīrghakuñcitakeśāḍhyo dīrghabāhuḥ sulocanaḥ || 836 ||
[Analyze grammar]

samāṅguliḥ samanakhaḥ samavaktraḥ samunnasaḥ || 837 ||
[Analyze grammar]

padmākṣaḥ padmavarṇābhaḥ padmakesarabhūṣaṇaḥ || 838 ||
[Analyze grammar]

keyūrī cāṅgadī caiva kauśeyavasanastadā || 839 ||
[Analyze grammar]

jñānavān sattvasaṃpannaḥ sākṣādindra ivāparaḥ || 840 ||
[Analyze grammar]

gandharva iva gāyaṃstu siddhaḥ siddha iva svayam || 841 ||
[Analyze grammar]

sākṣātspṛṣṭaṃ tadā viṣṇoḥ kareṇa mṛdupūrvakam || 842 ||
[Analyze grammar]

na nūnaṃ tādṛśaṃ rūpamāsītkalpāntareṣvapi || 843 ||
[Analyze grammar]

adyāpi naiva munayo labhante tādṛśaṃ vapuḥ || 844 ||
[Analyze grammar]

kṛtvā subahuśo ghoraṃ tapaḥ paramaduścaram || 845 ||
[Analyze grammar]

yacca labdhaṃ tadā tena piśācena nṛpottama || 846 ||
[Analyze grammar]

ko nu nāma jagannāthamāśritaḥ sīdate nṛpa || 847 ||
[Analyze grammar]

na hi sarvatra kalyāṇo yo hi nityaṃ janārdanam || 848 ||
[Analyze grammar]

dhyāyanpaṭhañjapanvāpi tasya kiṃ nāsti bhūpate || 849 ||
[Analyze grammar]

tataḥ provāca bhagavān sthitaṃ kāmamivāparam || 850 ||
[Analyze grammar]

akṣayaḥ svargavāsaste yāvadindro bhaviṣyati || 851 ||
[Analyze grammar]

tāvatsvargī bhavānastu śāsanānmama nānyataḥ || 852 ||
[Analyze grammar]

naṣṭe śakre tataḥ svargātsāyujyaṃ mama gaccatu || 853 ||
[Analyze grammar]

yo'yaṃ bhrātā tava svargī yāvadindro bhavettadā || 854 ||
[Analyze grammar]

varaṃ varaya bhadraṃ te yatte manasi vartate || 855 ||
[Analyze grammar]

dātāsmi sarvataḥ sarvaṃ nātra kāryā vicāraṇā || 856 ||
[Analyze grammar]

ghaṇṭākarṇa uvāca yaścemaṃ saṃgamaṃ deva saṃsmarenniyatātmavān || 857 ||
[Analyze grammar]

bhaktistasyācalā deva tvayi bhūyājjanārdana || 858 ||
[Analyze grammar]

manaḥśuddhirbhavettasya mā bhūtkaluṣatā hare || 859 ||
[Analyze grammar]

kāluṣyaṃ manasastasya mā bhūdeṣa varo mama || 860 ||
[Analyze grammar]

evamastviti deveśaḥ svargaṃ gaccheti keśavaḥ || 861 ||
[Analyze grammar]

indrātithirbhavānastu tvāṃ pratīkṣya hariḥ sthitaḥ || 862 ||
[Analyze grammar]

ityuktvā bhagavānviṣṇustato deśādapāgamat || 863 ||
[Analyze grammar]

tena stuto jagannāthaḥ pūjayitvā ca taṃ dvijam || 863 ||
[Analyze grammar]

tato visṛjya govindastasmāddeśādupāgamat || 863 ||
[Analyze grammar]

yatra te munayaḥ siddhā agnihotramupāsate || 864 ||
[Analyze grammar]

sa ca svargī tataḥ svargamājñayā keśavasya ha || 865 ||
[Analyze grammar]

tasmātpaṭha sadā rājanmanaḥśuddhiṃ yadīcchasi || 866 ||
[Analyze grammar]

manaśca śuddhaṃ bhavati paṭhataste jagatpate || 867 ||
[Analyze grammar]

vaiśaṃpāyana uvāca tataḥ sa bhagavānviṣṇurmunibhyastattvamāditaḥ || 868 ||
[Analyze grammar]

kathayāmāsa yadvṛttaṃ piśācasya mahātmanaḥ || 869 ||
[Analyze grammar]

tacchrutvā munayaḥ sarve vismayaṃ paramaṃ gatāḥ || 870 ||
[Analyze grammar]

aho'sya karmaṇaḥ pākastava saṃdarśanāditi || 871 ||
[Analyze grammar]

arcito munibhiḥ sarvaiḥ prītaḥ prītimatāṃ priyaḥ || 872 ||
[Analyze grammar]

tataḥ prabhāte vimale sūrye cābhyudite sati || 873 ||
[Analyze grammar]

āruhya garuḍaṃ viṣṇuryayau kailāsamuttamam || 874 ||
[Analyze grammar]

bhavadbhistatra gantavyamityuktvā munisattamān || 875 ||
[Analyze grammar]

yatra viśveśvarāḥ siddhāstapasyanti yatavratāḥ || 876 ||
[Analyze grammar]

yatra vaiśravaṇaḥ sākṣādupāste śaṃkaraṃ sadā || 877 ||
[Analyze grammar]

yatra tanmānasaṃ nāma saro haṃsālayaṃ mahat || 878 ||
[Analyze grammar]

yatra bhṛṅgī riṭirdevamupāste śaṃkaraṃ śivam || 879 ||
[Analyze grammar]

gāṇapatyamavāpyātha nityaṃ pārśvacaro hare || 880 ||
[Analyze grammar]

yatra siṃhā varāhāśca dvipadvīpimṛgaiḥ saha || 881 ||
[Analyze grammar]

krīḍanti vanyaratayaḥ parasparahite ratāḥ || 882 ||
[Analyze grammar]

yatra nadyaḥ samutpannā gaṅgādyāḥ sāgaraṃgamāḥ || 883 ||
[Analyze grammar]

yatra viśveśvaraḥ śaṃbhuracchinadbrahmaṇaḥ śiraḥ || 884 ||
[Analyze grammar]

yatrotpannā mahāvetrā bhūtānāṃ daṇḍatāṃ yayuḥ || 885 ||
[Analyze grammar]

umayā yatra sahitaḥ śaṃkaro nīlalohitaḥ || 886 ||
[Analyze grammar]

ṛṣibhiḥ prārthitaḥ pūrvaṃ dadau yatra nagaḥ sutām || 887 ||
[Analyze grammar]

śaṃkarāya jagaddhātre śivāya pṛthivīpate || 888 ||
[Analyze grammar]

yatra lebhe hariścakramupāsya bahubhirdinaiḥ || 889 ||
[Analyze grammar]

puṣkaraiḥ śatapatraiśca netreṇa ca jagatpatim || 890 ||
[Analyze grammar]

guhāṃ yatra samāśritya krīḍante siddhakiṃnarāḥ || 891 ||
[Analyze grammar]

priyābhiḥ saha modante pibante madhu cottamam || 892 ||
[Analyze grammar]

yamuddhṛtya bhujaiḥ sarvaiḥ paulastyo virarāma ha || 893 ||
[Analyze grammar]

tamāruhya mahāśailaṃ devakīnandano hariḥ || 894 ||
[Analyze grammar]

mānasasyottaraṃ tīraṃ jagāma yadunandanaḥ || 895 ||
[Analyze grammar]

tapaścartuṃ kila harirviṣṇuḥ sarveśvaraḥ śivaḥ || 896 ||
[Analyze grammar]

jaṭī cīrī jagannātho mānuṣaṃ vapurāsthitaḥ || 897 ||
[Analyze grammar]

tapase dhṛtacittastu śucau bhūmāv upāviśat || 898 ||
[Analyze grammar]

avaruhya tato yānādgaruḍādvedasaṃmitāt || 899 ||
[Analyze grammar]

dvādaśābdaṃ tapaścartuṃ mano dadhre jagatpatiḥ || 900 ||
[Analyze grammar]

phālgunena tu māsena samārebhe janārdanaḥ || 901 ||
[Analyze grammar]

śākabhakṣaḥ kṛtajapo vedādhyayanatatparaḥ || 902 ||
[Analyze grammar]

kimuddiśya jagannāthastapaścarati mānadaḥ || 903 ||
[Analyze grammar]

tanna vidmo yathākāmaṃ durjñeyeśvaracintanā || 904 ||
[Analyze grammar]

tapasyati tadā viṣṇau parvate bhūtasevite || 905 ||
[Analyze grammar]

garuḍastārkṣyatanaya indhanāni samācinot || 906 ||
[Analyze grammar]

homārthaṃ vāsudevasya caratastapa uttamam || 907 ||
[Analyze grammar]

cakrarājo'tha puṣpāṇi saṃcinoti tadā hareḥ || 908 ||
[Analyze grammar]

dikṣu sarvāsu sarvatra rarakṣa jalajastadā || 909 ||
[Analyze grammar]

khaḍga āhṛtya yatnena kuśān subahuśastadā || 910 ||
[Analyze grammar]

gadā kaumodakī caiva paricaryāṃ cakāra ha || 911 ||
[Analyze grammar]

dhanuḥpravaramatyugraṃ śārṅgaṃ dānavabhīṣaṇam || 912 ||
[Analyze grammar]

sthitaṃ hi puratastasya yatheṣṭaṃ bhṛtyavatsvayam || 913 ||
[Analyze grammar]

juhoti bhagavānviṣṇuredhobhirbahubhiḥ sadā || 914 ||
[Analyze grammar]

ājyādibhistadā havyairagniṃ saṃpūjya mādhavaḥ || 915 ||
[Analyze grammar]

saptārciṣaḥ samāptiṃ ca samastavyastataḥ kṛtī || 916 ||
[Analyze grammar]

ekasminnekadā māse bhuñjāno niyatātmavān || 917 ||
[Analyze grammar]

dvitīye tvatha paryāye bhuñjannekena kenacit || 918 ||
[Analyze grammar]

ekasminvatsare bhuñjaṃstathaivaikena kenacit || 919 ||
[Analyze grammar]

samāpya vatsaraṃ sarvamevameva jagatpatiḥ || 920 ||
[Analyze grammar]

dvādaśābde tathā pūrṇe ūnamāse jagatpatiḥ || 921 ||
[Analyze grammar]

juhvannagniṃ samādhyāyanpaṭhanmantrāñjanārdanaḥ || 922 ||
[Analyze grammar]

āraṇyakaṃ paṭhanviṣṇuḥ sākṣātsarveśvaro hariḥ || 923 ||
[Analyze grammar]

āste dhyānaparastatra paṭhanpraṇavamuttamam || 924 ||
[Analyze grammar]

vaiśaṃpāyana uvāca tata indraḥ svayaṃ tatra āruhya gajamuttamam || 925 ||
[Analyze grammar]

draṣṭuṃ sarveśvaraṃ viṣṇuṃ tapasyantaṃ samāyayau || 926 ||
[Analyze grammar]

tato yamastu bhagavānāruhya mahiṣaṃ varam || 927 ||
[Analyze grammar]

kiṃ karaiśca svayaṃ sākṣādāyayau nagamuttamam || 928 ||
[Analyze grammar]

pracetā haṃsamāruhya vāruṇaiśca samanvitaḥ || 929 ||
[Analyze grammar]

śvetacchatrasamāyuktaḥ śvetavyajanavījitaḥ || 930 ||
[Analyze grammar]

yayau kailāsaśikharaṃ draṣṭuṃ keśavamañjasā || 931 ||
[Analyze grammar]

anye'pi ca tathā devā ādityā vasavastathā || 932 ||
[Analyze grammar]

rudrāścaiva tathā rājandraṣṭuṃ keśavamāyayuḥ || 933 ||
[Analyze grammar]

siddhāśca munayaścaiva gandharvā yakṣakiṃnarāḥ || 934 ||
[Analyze grammar]

sarvāścāpsaraso rājannṛttagītaviśāradāḥ || 935 ||
[Analyze grammar]

tato devagaṇaḥ sarvaḥ kailāsaṃ samapadyata || 936 ||
[Analyze grammar]

parvato nāradaścaiva tathānye munisattamāḥ || 937 ||
[Analyze grammar]

vismayasthitalolākṣāḥ sarve devagaṇāstathā || 938 ||
[Analyze grammar]

ko nvatra vismayo bhūyāditi te menire gaṇāḥ || 938 ||
[Analyze grammar]

āścaryaṃ khalu paśyadhvaṃ na bhūtaṃ na bhaviṣyati || 939 ||
[Analyze grammar]

yogidhyeyaḥ svayaṃ kṛṣṇo yattapyati guruḥ svayam || 940 ||
[Analyze grammar]

ko nvatra samayo bhūyāditi te menire gaṇāḥ || 941 ||
[Analyze grammar]

tatah samāpte sakale jagatpater || 942 ||
[Analyze grammar]

vrate samūle sakaleśvaraḥ śivaḥ || 943 ||
[Analyze grammar]

draṣṭuṃ hariḥ lokahitaiṣiṇaṃ prabhuṃ || 944 ||
[Analyze grammar]

yayau bhavānyā saha bhūtasaṃghaiḥ || 945 ||
[Analyze grammar]

sārdhaṃ kubereṇa saguhyakena || 946 ||
[Analyze grammar]

priyeṇa sakhyā prabhurīśvaraḥ śivaḥ || 947 ||
[Analyze grammar]

svayaṃ jaṭī bhūtapiśācasaṃvṛtaḥ || 948 ||
[Analyze grammar]

śarī ca khaḍgī śaśiśekharaḥ śivaḥ || 949 ||
[Analyze grammar]

kareṇa bibhratsaha darbhakuṇḍikāṃ || 950 ||
[Analyze grammar]

kareṇa sākṣādapareṇa dīpikām || 951 ||
[Analyze grammar]

anyena bibhranmahatīṃ saḍiṇḍimāṃ || 952 ||
[Analyze grammar]

śūlaṃ ca bibhrannapareṇa bāhunā || 953 ||
[Analyze grammar]

guṇān sarudrākṣakṛtān samudvahañ || 954 ||
[Analyze grammar]

jaṭābhirāpiṅgalatāmramūrtibhiḥ || 955 ||
[Analyze grammar]

virājamānaḥ prabhurinduśekharo || 956 ||
[Analyze grammar]

vṛṣeṇa yuktaḥ susitena śaṃkaraḥ || 957 ||
[Analyze grammar]

umāstanadvaṃdvasamarpitānanas || 958 ||
[Analyze grammar]

tayā samāśliṣya nipīḍitādharaḥ || 959 ||
[Analyze grammar]

gaṅgāmbuvikṣālitacandraśekharas || 960 ||
[Analyze grammar]

tāṃ cāpi vīkṣanbahuśastadā śivaḥ || 961 ||
[Analyze grammar]

bhasmāṅgarāgairanulepitānano || 962 ||
[Analyze grammar]

mahoragairbaddhajaṭaḥ sanātanaḥ || 963 ||
[Analyze grammar]

śiraḥkapālaiḥ pariśobhitastadā || 964 ||
[Analyze grammar]

draṣṭuṃ hariṃ keśavamabhyayācchivaḥ || 965 ||
[Analyze grammar]

yamāhuragryaṃ puruṣaṃ mahāntaṃ || 966 ||
[Analyze grammar]

purātanaṃ sāṃkhyanibaddhadṛṣṭayaḥ || 967 ||
[Analyze grammar]

yasyāpi devasya guṇān samagrāṃs || 968 ||
[Analyze grammar]

tattvāṃścaturviṃśatimāhureke || 969 ||
[Analyze grammar]

yamāhurekaṃ puruṣaṃ purātanaṃ || 970 ||
[Analyze grammar]

kaṇādanāmānamajaṃ maheśvaram || 971 ||
[Analyze grammar]

dakṣasya jajñaṃ vinihatya yo vai || 972 ||
[Analyze grammar]

vināśya devāṃśca purā purātanaḥ || 973 ||
[Analyze grammar]

yaṃ vidurbhūtatattvajñaṃ bhūtaṃ bhuteśabhāvanam || 974 ||
[Analyze grammar]

vāmadevaṃ virūpākṣamāhustattvavido janāḥ || 975 ||
[Analyze grammar]

mahādevaṃ sahasrākṣaṃ kālamurtiṃ caturbhujam || 976 ||
[Analyze grammar]

rudraṃ rodananāmānamāhurviśveśvaraṃ śivam || 977 ||
[Analyze grammar]

aprameyamanādhāramāhurmāheśvarā janāḥ || 978 ||
[Analyze grammar]

nagnaṃ nagnaparītaṃ tu nāginaṃ nagnavarcasam || 979 ||
[Analyze grammar]

āhurviśveśvaraṃ śāntaṃ śivamādiṃ sanātanam || 980 ||
[Analyze grammar]

tasya mūrtirimāḥ sarvā dharādyāḥ sakalā nṛpa || 981 ||
[Analyze grammar]

bhūmirāpo'nalo vāyuḥ khaṃ sūryaśca tathā śaśī || 982 ||
[Analyze grammar]

agniśca yajamānaśca prakṛtiścaivamaṣṭadhā || 983 ||
[Analyze grammar]

mahādevo mahāyogī girīśo nīlalohitaḥ || 984 ||
[Analyze grammar]

ādikartā mahībhartā śūlapāṇirumāpatiḥ || 985 ||
[Analyze grammar]

draṣṭuṃ viśveśvaraṃ viṣṇuṃ bhūtasaṃghaiḥ samāyayau || 986 ||
[Analyze grammar]

vaiśaṃpāyana uvāca tasyāgre samapadyanta bhūtasaṃghāḥ sahasraśaḥ || 987 ||
[Analyze grammar]

ghaṇṭākarṇo virūpākṣaḥ kuṇḍabhānuḥ kumudvahaḥ || 988 ||
[Analyze grammar]

dīrghalomā dīrghaśikho dīrghabāhurnirañjanaḥ || 989 ||
[Analyze grammar]

uruvaktraḥ śatamukhaḥ śatagrīvaḥ śatodaraḥ || 990 ||
[Analyze grammar]

kuṇḍodaro mahāgrīvaḥ sthūlajihvo dvibāhukaḥ || 991 ||
[Analyze grammar]

pārśvavaktraḥ siṃhamukha unnatāṃso mahāhanuḥ || 992 ||
[Analyze grammar]

tribāhuḥ pañcabāhuśca vyāghravaktraḥ sitānanaḥ || 993 ||
[Analyze grammar]

ete cānye ca bahavo dīrghāsyā dīrghalocanāḥ || 994 ||
[Analyze grammar]

nṛtyantaḥ prahasantaśca sphoṭayantaḥ parasparam || 995 ||
[Analyze grammar]

tathānye ghorarūpāśca tathānye vikṛtānanāḥ || 996 ||
[Analyze grammar]

pretabhakṣāḥ pretavahā māṃsaśoṇitabhojanāḥ || 997 ||
[Analyze grammar]

śavāni subahūnyāśu bhakṣayantastatastataḥ || 998 ||
[Analyze grammar]

pibanto rudhiraṃ ghoraṃ khaṇḍayantaḥ śavaṃ bahu || 999 ||
[Analyze grammar]

karālā vitatā dīrghā dhamanisnāyusaṃtatāḥ || 1000 ||
[Analyze grammar]

nagnāścaiva sacīrāśca śūlāgraprotamānuṣāḥ || 1001 ||
[Analyze grammar]

śiromālāvṛtāḥ kecidāntrapāśāvapāśitāḥ || 1002 ||
[Analyze grammar]

ḍiṇḍibhairaṭṭahāsaiśca nādayanto vasuṃdharām || 1003 ||
[Analyze grammar]

kapālino bhairavāśca jaṭilā muṇḍinastathā || 1004 ||
[Analyze grammar]

evaṃ bahuvidhā ghorāḥ piśācā vikṛtānanāḥ || 1005 ||
[Analyze grammar]

tathānye munivīrāśca dhyāyantaḥ parameśvaram || 1006 ||
[Analyze grammar]

paṭhanto vedaśāstrāṇi sāṅgāni vividhāni ca || 1007 ||
[Analyze grammar]

kuṇḍikāsthakarāḥ kecitkecitkapiśacīriṇaḥ || 1008 ||
[Analyze grammar]

kecitkaupīnavasanāḥ kecitkarpaṭasaṃvṛtāḥ || 1009 ||
[Analyze grammar]

stuvantaḥ śaṃkaraṃ bhaktyā stotrairmāheśvaraistatha || 1010 ||
[Analyze grammar]

ekatra te munigaṇā aparatra gaṇāstathā || 1011 ||
[Analyze grammar]

anyatra siddhagandharvāḥ priyābhiḥ saha saṃgatāḥ || 1012 ||
[Analyze grammar]

nṛtyanti nṛtyakuśalā gāyanti sma ca kanyakāḥ || 1013 ||
[Analyze grammar]

vidyādharāstathānyatra stuvantaḥ śaṃkaraṃ śivam || 1014 ||
[Analyze grammar]

nanṛtustasya purato gacchanto'psarasāṃ gaṇāḥ || 1015 ||
[Analyze grammar]

evametairmahāghoraiḥ piśācairbhūtakiṃnaraiḥ || 1016 ||
[Analyze grammar]

munibhiścāpsarobhiśca samaṃ śarvaḥ samāyayau || 1017 ||
[Analyze grammar]

yatra viśveśvaro viṣṇustapastepe sudāruṇam || 1018 ||
[Analyze grammar]

yatra te lokapālāśca tiṣṭhanti sma didṛkṣayā || 1019 ||
[Analyze grammar]

umayā lokabhāvinyā gaṅgayā candraśekharaḥ || 1020 ||
[Analyze grammar]

sa sarvalokaprabhavo hariḥ śivo || 1021 ||
[Analyze grammar]

jaṭī ca sākṣātpraṇavātmakaḥ kṛtī || 1022 ||
[Analyze grammar]

draṣṭuṃ hariṃ viṣṇumudāravikramo || 1023 ||
[Analyze grammar]

yayau yatheṣṭaṃ piśitāśanairvṛtaḥ || 1024 ||
[Analyze grammar]

vaiśaṃpāyana uvāca evaṃ bahuvidhairbhūtaiḥ piśācairuragaiḥ saha || 1025 ||
[Analyze grammar]

āgatya bhagavān rudraḥ śaṃkaro vṛṣavāhanaḥ || 1026 ||
[Analyze grammar]

dadarśa viṣṇuṃ deveśaṃ tapantaṃ tapa uttamam || 1027 ||
[Analyze grammar]

juhvānamagniṃ vidhivaddhavyairmedhyairjagatpatim || 1028 ||
[Analyze grammar]

garuḍāhṛtakāṣṭhaṃ tu jaṭilaṃ cīravāsasam || 1029 ||
[Analyze grammar]

cakreṇānītakusumaṃ khaḍgānītakuśaṃ tathā || 1030 ||
[Analyze grammar]

gadākṛtasamācāraṃ devadevaṃ janārdanam || 1031 ||
[Analyze grammar]

indrādyairdevasaṃghaiśca vṛtaṃ munigaṇaiḥ saha || 1032 ||
[Analyze grammar]

acintyaṃ sarvabhūtānāṃ dhyāyantaṃ kimapi prabhum || 1033 ||
[Analyze grammar]

avaruhya vṛṣāccharvo bhagavānbhūtabhāvanaḥ || 1034 ||
[Analyze grammar]

tataḥ prītaḥ prasannātmā lalāṭākṣa umāpatiḥ || 1035 ||
[Analyze grammar]

tato bhūtapiśācāśca rākṣasā guhyakāstathā || 1036 ||
[Analyze grammar]

munayo vipravaryāśca jayaśabdaṃ pracakrire || 1037 ||
[Analyze grammar]

jaya deva jagannātha jaya rudra janārdana || 1038 ||
[Analyze grammar]

jaya viṣṇo hṛṣīkeśa nārāyaṇa parāyaṇa || 1039 ||
[Analyze grammar]

jaya rudra purāṇātmañjaya deva hareśvara || 1040 ||
[Analyze grammar]

ādideva jagannātha jaya śaṃkara bhāvana || 1041 ||
[Analyze grammar]

jaya kaustubhadīptāṅga jaya bhasmavirājita || 1042 ||
[Analyze grammar]

jaya cakragadāpāṇe jaya śūliṃstrilocana || 1043 ||
[Analyze grammar]

jaya mauktikadīptāṅga jaya nāgavibhūṣaṇa || 1044 ||
[Analyze grammar]

iti te munayaḥ sarve praṇāmaṃ cakrire harim || 1045 ||
[Analyze grammar]

tata utthāya bhagavāndṛṣṭvā devamavasthitam || 1046 ||
[Analyze grammar]

vṛṣadhvajaṃ virūpākṣaṃ śaṃkaraṃ nīlalohitam || 1047 ||
[Analyze grammar]

tato hṛṣṭamanā viśṇustuṣṭāva haramīśvaram || 1048 ||
[Analyze grammar]

bhagavānuvāca namaste śitikaṇṭhāya nīlagrīvāya vedhase || 1049 ||
[Analyze grammar]

namaste astu śociṣe namaste upavāsine || 1050 ||
[Analyze grammar]

namaste astu mīḍhuṣe namste gadine hara || 1051 ||
[Analyze grammar]

namaste viśvamūrtaye vṛṣāya vṛṣarūpiṇe || 1052 ||
[Analyze grammar]

upaniryāya ca namo vṛṣāya vṛṣrūpiṇe || 1052 ||
[Analyze grammar]

amūrtāya ca devāya namaste'stu pinākine || 1053 ||
[Analyze grammar]

namo ghorāya ghorāya ghoraghorapriyāya ca || 1053 ||
[Analyze grammar]

nāmaḥ kubjāya kūpāya śivāya śivarūpiṇe || 1054 ||
[Analyze grammar]

namastuṇḍāya tuṣṭāya namastuṭituṭāya ca || 1055 ||
[Analyze grammar]

namaḥ śivāya śāntāya giriśāya ca te namaḥ || 1056 ||
[Analyze grammar]

namo harāya hiprāya namo hariharāya ca || 1057 ||
[Analyze grammar]

namo'ghorāya ghorāya ghoraghorapriyāya ca || 1058 ||
[Analyze grammar]

namo'ghaṇṭāya ghaṇṭāya namo ghaṭighaṭāya ca || 1059 ||
[Analyze grammar]

namaḥ śarvāya śāntāya bhūtādhipataye namaḥ || 1060 ||
[Analyze grammar]

namo namo virūpāya purāya purahāriṇe || 1061 ||
[Analyze grammar]

nama ādyāya bījāya śucaye bhasmarūpiṇe || 1062 ||
[Analyze grammar]

namaḥ pinākahastāya namaḥ śūlāsidhāriṇe || 1063 ||
[Analyze grammar]

namaste khaṭvahastāya namaste kṛttivāsase || 1064 ||
[Analyze grammar]

namaste vāmadevāya nama ākāśamūrtaye || 1065 ||
[Analyze grammar]

harāya harirūpāya namaste tigmatejase || 1066 ||
[Analyze grammar]

bhaktapriyāya bhaktāya bhaktānāṃ varadāyine || 1067 ||
[Analyze grammar]

namo'bhramūrtaye deva jalamūrtidharāya ca || 1068 ||
[Analyze grammar]

namaścandrāya devāya sūryāya ca namo namaḥ || 1069 ||
[Analyze grammar]

namaḥ pradhānadevāya bhūtānāṃ pataye namaḥ || 1070 ||
[Analyze grammar]

namaḥ karālamuṇḍāya vikṛtāya kapardine || 1071 ||
[Analyze grammar]

ajāya ca namastubhyaṃ bhūtabhāvana bhāvana || 1072 ||
[Analyze grammar]

namo'stu harikeśāya piṅgalāya namo namaḥ || 1073 ||
[Analyze grammar]

namaste'bhīśuhastāya bhīrubhīruharāya ca || 1074 ||
[Analyze grammar]

harāya bhītirūpāya ghorāṇāṃ bhītidāyine || 1075 ||
[Analyze grammar]

namo dakṣamakhaghnāya bhaganetrāpahāriṇe || 1076 ||
[Analyze grammar]

umāpate namastubhyaṃ kailāsanilayāya ca || 1077 ||
[Analyze grammar]

ādidevāya devāya bhavāya bhavarūpiṇe || 1078 ||
[Analyze grammar]

namaḥ kapālahastāya namo'jamathanāya ca || 1079 ||
[Analyze grammar]

tryambakāya namastubhyaṃ tryakṣāya ca śivāya ca || 1080 ||
[Analyze grammar]

varadāya vareṇyāya namaste candraśekhara || 1081 ||
[Analyze grammar]

nama idhmāya haviṣe dhruvāya ca kuśāya ca || 1082 ||
[Analyze grammar]

namaste śatudyumnāya nāgapāśapriyāya ca || 1083 ||
[Analyze grammar]

virūpāya surūpāya bhadrapānapriyāya ca || 1084 ||
[Analyze grammar]

śmaśānarataye nityaṃ jayaśabdapriyāya ca || 1085 ||
[Analyze grammar]

kharapriyāya kharvāya kharāya khararūpiṇe || 1086 ||
[Analyze grammar]

bhadrapriyāya bhadrāya bhadrarūpadharāya ca || 1087 ||
[Analyze grammar]

virūpāya surūpāya mahāghorāya te namaḥ || 1088 ||
[Analyze grammar]

ghaṇṭāya ghaṇṭanādāya ghaṇṭabhūṣaṇabhūṣiṇe || 1089 ||
[Analyze grammar]

tīvrāya tīvrarūpāya tīvrarūpapriyāya ca || 1090 ||
[Analyze grammar]

nagnāya nagnarūpāya nagnarūpapriyāya ca || 1091 ||
[Analyze grammar]

bhūtāvāsa namastubhyaṃ sarvāvāsa namo namaḥ || 1092 ||
[Analyze grammar]

namaḥ sarvātmane tubhyaṃ namaste bhūtidāyine || 1093 ||
[Analyze grammar]

namste vāmadevāya mahādevāya te namaḥ || 1094 ||
[Analyze grammar]

kā nu vākstutirūpā te ko nu stotuṃ praśaknuyāt || 1095 ||
[Analyze grammar]

kasya vā sphurate jihvā stutau stutimatāṃ vara || 1096 ||
[Analyze grammar]

kṣamasva bhagavandeva bhakto'haṃ dhyāhi māṃ hara || 1097 ||
[Analyze grammar]

sarvātman sarvabhūteśa dhyāhi māṃ satataṃ hara || 1098 ||
[Analyze grammar]

rakṣa deva jagannātha lokān sarvātmanā hara || 1099 ||
[Analyze grammar]

dhyāhi bhaktān sadā deva bhaktapriya sadā hara || 1100 ||
[Analyze grammar]

vaiśaṃpāyana uvāca tato vṛṣadhvajo devaḥ śūlī sākṣādumāpatiḥ || 1101 ||
[Analyze grammar]

karaṃ kareṇa saṃspṛśya viṣṇoścakradharasya ha || 1102 ||
[Analyze grammar]

provāca bhagavān rudraḥ keśavaṃ garuḍadhvajam || 1103 ||
[Analyze grammar]

śṛṇvatāṃ sarvadevānāṃ munīnāṃ bhāvitātmanām || 1104 ||
[Analyze grammar]

kimidaṃ devadeveśa cakrapāṇe janārdana || 1105 ||
[Analyze grammar]

tapaścaryā kimarthaṃ te prārthanā tava kā vibho || 1106 ||
[Analyze grammar]

svayaṃ viṣṇurbhavānnityastapastvaṃ tapasāṃ hare || 1107 ||
[Analyze grammar]

putrārthaṃ yadi te deva tapaścaryā janārdana || 1108 ||
[Analyze grammar]

putro datto mayā deva pūrvameva jagatpate || 1109 ||
[Analyze grammar]

śṛṇu tatrāpi bhagavan kāraṇaṃ kāraṇātmaka || 1110 ||
[Analyze grammar]

tapaścartuṃ pravṛtto'haṃ kutaścitkāraṇāddhare || 1111 ||
[Analyze grammar]

varṣāyutaṃ mahāghoram purā kṛtayuge tadā || 1112 ||
[Analyze grammar]

bhavānī tatra me deva paricartuṃ tadābhavat || 1113 ||
[Analyze grammar]

pitrā niyuktā deveśa umaiṣā varavarṇinī || 1114 ||
[Analyze grammar]

bhīta indrastadā deva māraṃ māṃ praiṣayattadā || 1115 ||
[Analyze grammar]

madhunā saha saṃyukto māro māmāgatastadā || 1116 ||
[Analyze grammar]

lakṣyaṃ māmakarottatra bāṇasya preṣitasya ha || 1117 ||
[Analyze grammar]

eṣā māṃ sevate tatra dānātpuṣpādinā hare || 1118 ||
[Analyze grammar]

tataḥ kruddho'hamabhavaṃ dṛṣṭvā māraṃ tathāvidham || 1119 ||
[Analyze grammar]

krudhyato mama deveśa netrādagniḥ papāta ha || 1120 ||
[Analyze grammar]

so'yamagnistadā māraṃ bhasmasātkṛtavāṃstadā || 1121 ||
[Analyze grammar]

acintayaṃ tadā viṣṇo śakrasyaitaccikīrṣitam || 1122 ||
[Analyze grammar]

tataḥprabhṛti deveśa dayā taṃ prati vartate || 1123 ||
[Analyze grammar]

brahmaṇā ca niyukto'smi prītastatra janārdana || 1124 ||
[Analyze grammar]

niyuktaḥ putrarūpeṇa sa te deva jagatpate || 1125 ||
[Analyze grammar]

jyeṣṭhastava suto deva pradyumnetyabhiviśrutaḥ || 1126 ||
[Analyze grammar]

smaraṃ taṃ viddhi deveśa nātra kāryā vicāraṇā || 1127 ||
[Analyze grammar]

ityuktvā punarāhedaṃ yāthātmyaṃ darśayanniva || 1128 ||
[Analyze grammar]

munīnāṃ śrotukāmānāṃ yāthātmyaṃ tatra sattama || 1129 ||
[Analyze grammar]

añjaliṃ saṃpuṭaṃ kṛtvā viṣṇumuddiśya śaṃkaraḥ || 1130 ||
[Analyze grammar]

umayā sārdhamīśāno yāthātmyaṃ vaktumaihata || 1131 ||
[Analyze grammar]

hare kurvati tatraivamañjaliṃ kurusattama || 1132 ||
[Analyze grammar]

munayo devagandharvāḥ siddhāśca sahakiṃnarāḥ || 1133 ||
[Analyze grammar]

añjaliṃ cakrire viṣṇau devadeveśvare harau || 1134 ||
[Analyze grammar]

maheśvara uvāca yattatkāraṇamāhustatsāṃkhyāḥ prakṛtisaṃjñitam || 1135 ||
[Analyze grammar]

tridhābhūtaṃ jagadyoniṃ pradhānaṃ kāraṇātmakam || 1136 ||
[Analyze grammar]

sattvaṃ rajastamo viṣṇo jagadaṇḍaṃ janārdana || 1137 ||
[Analyze grammar]

tasya kāraṇamāhustvāṃ sāṃkhyāstattvavido hare || 1138 ||
[Analyze grammar]

tadrūpeṇa bhavānviṣṇo pariṇamyādhitiṣṭhati || 1139 ||
[Analyze grammar]

tato mahān samutpannaḥ prakṛtiryasya kāraṇam || 1140 ||
[Analyze grammar]

tasmāttu mahato ghorādahaṃkāro mahānabhūt || 1141 ||
[Analyze grammar]

sa tvamādau jagannātha pariṇāmastathā hi saḥ || 1142 ||
[Analyze grammar]

ahaṃkārātprabho deva kāraṇāni mahānti ca || 1143 ||
[Analyze grammar]

tanmātrāṇi tathā pañca bhūtāni prabhavantyuta || 1144 ||
[Analyze grammar]

tāni tvāmāhurīśānaṃ bhūtānīti jagatpate || 1145 ||
[Analyze grammar]

pṛthivī vāyurākāśamāpo jyotiśca pañcamam || 1146 ||
[Analyze grammar]

cakṣurghrāṇaṃ tathā sparṣo rasanā śrotrameva ca || 1147 ||
[Analyze grammar]

manaḥ ṣaṣṭhaṃ tathā deva prerakaṃ tatra tatra ha || 1148 ||
[Analyze grammar]

karmendriyāṇi cāpyāhuḥ pādādīni janārdana || 1149 ||
[Analyze grammar]

tvameva tāni sarvāṇi karoṣi niyatātmavān || 1150 ||
[Analyze grammar]

sveṣu sveṣu jagannātha viṣayeṣu tathā hare || 1151 ||
[Analyze grammar]

niveśayasi deveśa yogyāmindriyapaddhatim || 1152 ||
[Analyze grammar]

yadā tvaṃ rajasā yuktastadā bhūtāni sṛṣṭavān || 1153 ||
[Analyze grammar]

yadā ca sattvayukto'si tadā pātā jagattrayam || 1154 ||
[Analyze grammar]

yadā te tama utkṛṣṭaṃ tadā saṃharase jagat || 1155 ||
[Analyze grammar]

tribhireva guṇairyuktaḥ sṛṣṭirakṣāvināśane || 1156 ||
[Analyze grammar]

vartase vividhāṃ bhūtimādāya niyatātmavān || 1157 ||
[Analyze grammar]

indriyāṇīndriyārtheṣu niyojayasi mādhava || 1158 ||
[Analyze grammar]

prāṇināmupabhogārthamantaḥ sthitvā jagadguro || 1159 ||
[Analyze grammar]

tasmātsarvatra bhūteṣu vartase sarvago bhavān || 1160 ||
[Analyze grammar]

brahmā tvaṃ sṛṣṭikāle tu sthitau viṣṇurasi prabho || 1161 ||
[Analyze grammar]

saṃhāre rudranāmāsi tridhāmā tvamiti prabho || 1162 ||
[Analyze grammar]

bhūmirāpo'nalo vāyuḥ khaṃ mano buddhireva ca || 1163 ||
[Analyze grammar]

etāḥ prakṛtayo deva bhinnāḥ sarvatra te hare || 1164 ||
[Analyze grammar]

sahasraśīrṣā puruṣaḥ sahasrākṣaḥ sahasrapāt || 1165 ||
[Analyze grammar]

sahasrodarasāhasrī sahasrātmā divaspatiḥ || 1166 ||
[Analyze grammar]

bhūmiṃ sarvāmimāṃ prāpya saptadvīpāṃ sasāgarām || 1167 ||
[Analyze grammar]

aṇuḥ sarvatrago bhūtvā atyatiṣṭhaddaśāṅgulam || 1168 ||
[Analyze grammar]

tvamevedaṃ jagatsarvaṃ yadbhūtaṃ yadbhaviṣyati || 1169 ||
[Analyze grammar]

tvatto virāṭ prādurabhūtsamrāṭ caiva janārdana || 1170 ||
[Analyze grammar]

tava vaktrājjagannātha brāhmaṇo lokarakṣakaḥ || 1171 ||
[Analyze grammar]

prādurāsītpurāṇātman ṣaṭkarmanirataḥ sadā || 1172 ||
[Analyze grammar]

rājanyastu tathā bāhvorāsītsaṃrakṣaṇe rataḥ || 1173 ||
[Analyze grammar]

ūrvorvaiśyastathā viṣṇo pādācchūdra udāhṛtaḥ || 1174 ||
[Analyze grammar]

evaṃ varṇā jagannātha tava dehātsanātanāt || 1175 ||
[Analyze grammar]

manasastava deveśa candramāḥ samapadyata || 1176 ||
[Analyze grammar]

sukhakṛtsarvabhūtānāṃ śītāṃśuramṛtaprabhaḥ || 1177 ||
[Analyze grammar]

akṣṇoḥ sūryaḥ samutpannaḥ sarvaprāṇivilocanaḥ || 1178 ||
[Analyze grammar]

yasya bhāsā jagatsarvaṃ bhāsate bhānumānasau || 1179 ||
[Analyze grammar]

mukhādindraścāgniśca prāṇādvāyurajāyata || 1180 ||
[Analyze grammar]

nābherantarikṣamutpannaṃ tava deva janārdana || 1181 ||
[Analyze grammar]

dyaurāsīttu mahāghorā śirasastava gopate || 1182 ||
[Analyze grammar]

padbhyāṃ bhūmiḥ samutpannā diśaḥ śrotrājjagatpate || 1183 ||
[Analyze grammar]

evaṃ sṛṣṭvā jagatsarvaṃ vyāpya sarvaṃ vyavasthitaḥ || 1184 ||
[Analyze grammar]

vyāpya sarvānimāṃl lokān sthitaḥ sarvatra keśava || 1185 ||
[Analyze grammar]

tataśca viṣṇunāmāsi dhātorvyāpteśca darśanāt || 1186 ||
[Analyze grammar]

nārā āpaḥ samākhyātāstāsāmayanamāditaḥ || 1187 ||
[Analyze grammar]

yatastvaṃ bhūtabhavyeśa tannārāyaṇaśabditaḥ || 1188 ||
[Analyze grammar]

vasanāddevanāddeva vāsudeveti śabditaḥ || 1189 ||
[Analyze grammar]

harasi prāṇino deva tato haririti smṛtaḥ || 1190 ||
[Analyze grammar]

śaṃ karoṣi sadā deva tataḥ śaṃkaranāmavān || 1191 ||
[Analyze grammar]

bṛhattvādbṛṃhaṇatvācca tasmādbrahmeti śabditaḥ || 1192 ||
[Analyze grammar]

madhurindriyanāmeti tato madhuniṣūdanaḥ || 1193 ||
[Analyze grammar]

hṛṣīkāṇīndriyāṇyāhusteṣāmīśo yato bhavān || 1194 ||
[Analyze grammar]

hṛṣīkeśastato viṣṇo khyāto vedeṣu paṭhyate || 1195 ||
[Analyze grammar]

ko brahmeti samākhyāta īśo'haṃ sarvadehiṣu || 1196 ||
[Analyze grammar]

āvāṃ tavāṅge saṃbhūtau tataḥ keśavanāmavān || 1197 ||
[Analyze grammar]

mā vidyā ca hare proktā tasyā īśo yato bhavān || 1198 ||
[Analyze grammar]

tasmānmādhavanāmāsi dhavaḥ svāmīti śabditaḥ || 1199 ||
[Analyze grammar]

gaureṣā tu yato vāṇī tāṃ ca veda yato bhavān || 1200 ||
[Analyze grammar]

govindastu tato deva munibhiḥ kathyate bhavān || 1201 ||
[Analyze grammar]

trirityeva trayo vedāḥ kīrtitā munisattamaiḥ || 1202 ||
[Analyze grammar]

kramate tāṃstathā sarvāṃstrivikrama iti smṛtaḥ || 1203 ||
[Analyze grammar]

aṇurvāmananāmāsi yatasvaṃ vāmanākhyayā || 1204 ||
[Analyze grammar]

mananānmunirevāsi yamanād yatirucyase || 1205 ||
[Analyze grammar]

apaścarasi yasmāttvaṃ tapasvīti ca śabditaḥ || 1206 ||
[Analyze grammar]

vasanti tvayi bhūtāni bhūtāvāsastato hare || 1207 ||
[Analyze grammar]

īśastvaṃ sarvabhūtānāmīśvaro'si tato hare || 1208 ||
[Analyze grammar]

praṇavaḥ sarvavedānāṃ gāyatrī chandasāṃ prabho || 1209 ||
[Analyze grammar]

akṣarāṇāmakārastvaṃ sphoṭastvaṃ varṇasaṃśrayaḥ || 1210 ||
[Analyze grammar]

rudrāṇāmahamevāsmi vasūnāṃ pāvako bhavān || 1211 ||
[Analyze grammar]

ādityānāṃ bhavānviṣṇurindro deveśvaro bhavān || 1212 ||
[Analyze grammar]

aśvattho vṛkṣajātīnāṃ brahmā lokagururbhavān || 1213 ||
[Analyze grammar]

merustvaṃ parvatendrāṇāṃ devarṣīṇāṃ ca nāradaḥ || 1214 ||
[Analyze grammar]

dānavānāṃ bhavāndaityaḥ prahrādo bhaktavatsala || 1215 ||
[Analyze grammar]

sarpāṇāmeva sarveṣāṃ bhavānvāsukisaṃjñakaḥ || 1216 ||
[Analyze grammar]

guhyakānāṃ ca sarveṣāṃ bhavāndhanada eva ca || 1217 ||
[Analyze grammar]

varuṇo yādasāṃ rājā gaṅgā tripathagā bhavān || 1218 ||
[Analyze grammar]

ādistvaṃ sarvabhūtānāṃ madhyamantastathā bhavān || 1219 ||
[Analyze grammar]

tvattaḥ samabhavadviśvaṃ tvayi sarvaṃ pralīyate || 1220 ||
[Analyze grammar]

ahaṃ tvaṃ sarvago deva tvamevāhaṃ janārdana || 1221 ||
[Analyze grammar]

āvayorantaraṃ nāsti śabdairarthairjagatpate || 1222 ||
[Analyze grammar]

nāmāni tava govinda yāni loke mahānti ca || 1223 ||
[Analyze grammar]

tānyeva mama nāmāni nātra kāryā vicāraṇā || 1224 ||
[Analyze grammar]

tvadupāsā jagannātha saivāstu mama gopate || 1225 ||
[Analyze grammar]

yaśca tvāṃ dveṣṭi deveśa sa māṃ dveṣṭi na saṃśayaḥ || 1226 ||
[Analyze grammar]

tvadvistāro yato deva ahaṃ bhūtapatistataḥ || 1227 ||
[Analyze grammar]

na tadasti vinā deva yatte virahitaṃ hare || 1228 ||
[Analyze grammar]

yadāsīdvartate yacca yacca bhāvi jagatpate || 1229 ||
[Analyze grammar]

sarvaṃ tvameva deveśa vinā kiṃcittvayā na hi || 1230 ||
[Analyze grammar]

stuvanti devāḥ satataṃ bhavantaṃ svairguṇaiḥ prabho || 1231 ||
[Analyze grammar]

ṛkca tvaṃ yajurevāsi sāmāsi satataṃ vibho || 1232 ||
[Analyze grammar]

kiṃ ucyate mayā deva sarvaṃ tvaṃ bhūtabhāvanaḥ || 1233 ||
[Analyze grammar]

namaḥ sarvātmane deva munīnāha punaḥ śivaḥ || 1233 ||
[Analyze grammar]

evaṃ jānīta he viprā ye bhaktā draṣṭumāgatāḥ || 1233 ||
[Analyze grammar]

etadeva paraṃ vastu naitasmātparamasti vaḥ || 1233 ||
[Analyze grammar]

namaḥ sarvātmane deva viṣṇo mādhava keśava || 1234 ||
[Analyze grammar]

namas karomi sarvātmannamaste'stu sadā hare || 1235 ||
[Analyze grammar]

namaḥ puṣkaranābhāya vande tvāmahamīśvara || 1236 ||
[Analyze grammar]

vaiśaṃpāyana uvāca ityuktvā devadeveśaṃ munīnāha punaḥ śivaḥ || 1237 ||
[Analyze grammar]

evaṃ jānīta he viprā ye bhaktā draṣṭumāgatāḥ || 1238 ||
[Analyze grammar]

etadeva paraṃ vastu naitasmātparamasti vaḥ || 1239 ||
[Analyze grammar]

etadeva vijānīdhvametadvaḥ paramaṃ tapaḥ || 1240 ||
[Analyze grammar]

etadeva sadā viprā dhyeyaṃ prathatamānasaiḥ || 1241 ||
[Analyze grammar]

etadvaḥ paramaṃ śreya etadvaḥ paramaṃ tapaḥ || 1242 ||
[Analyze grammar]

etadvo janmanaḥ kṛtyametadvastapasaḥ phalam || 1243 ||
[Analyze grammar]

eṣa vaḥ puṇyanicaya eṣa dharmaḥ sanātanaḥ || 1244 ||
[Analyze grammar]

eṣa vo mokṣavaśaga eṣa mārga udāhṛtaḥ || 1245 ||
[Analyze grammar]

eṣa puṇyapradaḥ sākṣādetadvaḥ karmaṇāṃ phalam || 1246 ||
[Analyze grammar]

etadeva praśaṃsanti vidvāṃso brahmavādinaḥ || 1247 ||
[Analyze grammar]

eṣā trayīgatirviprāḥ prārthyā brahmavidāṃ sadā || 1248 ||
[Analyze grammar]

etadeva praśaṃsanti sāṃkhyayogasamāśritāḥ || 1249 ||
[Analyze grammar]

eṣa brahmavidāṃ mārgaḥ kathito vedavādibhiḥ || 1250 ||
[Analyze grammar]

evameva vijānīta nātra kāryā vicāraṇā || 1251 ||
[Analyze grammar]

harirekaḥ sadā dhyeyo bhavadbhiḥ sattvasaṃsthitaiḥ || 1252 ||
[Analyze grammar]

nānyo jagati devo'sti viṣṇornārāyaṇātparaḥ || 1252 ||
[Analyze grammar]

omityevaṃ sadā viprāḥ paṭhadhvaṃ dhyāta keśavam || 1253 ||
[Analyze grammar]

tato niḥśreyasaprāptirbhaviṣyati na saṃśayaḥ || 1254 ||
[Analyze grammar]

evaṃ dhyāto hariḥ sākṣātprasanno vo bhaviṣyati || 1255 ||
[Analyze grammar]

bhavanāśamayaṃ devaḥ kariṣyati na saṃśayaḥ || 1256 ||
[Analyze grammar]

sadā dhyāta hariṃ viprā yadīcchā prāptumīśvaram || 1257 ||
[Analyze grammar]

eṣa saṃsāravibhavaṃ vinaṅkṣyati jagadguruḥ || 1258 ||
[Analyze grammar]

smaradhvaṃ sarvadā viṣṇuṃ paṭhadhvaṃ triśarīriṇam || 1259 ||
[Analyze grammar]

manaḥsaṃyamanaṃ viprāḥ kurudhvaṃ yatnataḥ sadā || 1260 ||
[Analyze grammar]

śuddhe'ntaḥkaraṇe viṣṇuḥ prasīdati tapodhanāḥ || 1261 ||
[Analyze grammar]

dhyātvā māṃ sarvayatnena tato jānīta keśavam || 1262 ||
[Analyze grammar]

upāsyo'yaṃ sadā viprā upāyo'smi hare smṛtau || 1263 ||
[Analyze grammar]

upāyo'yaṃ mayā prokto nātra saṃdeha ityapi || 1264 ||
[Analyze grammar]

ayaṃ māyī sadā viprā yatadhvaṃ māyanāśane || 1265 ||
[Analyze grammar]

yathā vo buddhirakhilā śuddhā bhavati yatnataḥ || 1266 ||
[Analyze grammar]

tathā kuruta viprendrā yathā devaḥ prasīdati || 1267 ||
[Analyze grammar]

evamuktāstataḥ sarve yatayaḥ puṇyaśālinaḥ || 1268 ||
[Analyze grammar]

yathāvadupagṛhṇānā nirastāḥ saṃśayānnṛpa || 1269 ||
[Analyze grammar]

evameveti te viprāḥ prāhuḥ prāñjalayo haram || 1270 ||
[Analyze grammar]

chinno naḥ saṃśayaḥ sarvo gṛhīto'rthaḥ sa tādṛśaḥ || 1271 ||
[Analyze grammar]

etadarthaṃ samāyātā vayamadya tavālayam || 1272 ||
[Analyze grammar]

saṃgamād yuvayoḥ sarvo naṣṭo moho mahāniha || 1273 ||
[Analyze grammar]

yathā vadasi deveśa tathā naḥ śreyase param || 1274 ||
[Analyze grammar]

yathāha bhagavān rudro yatāmaḥ satataṃ harau || 1275 ||
[Analyze grammar]

iti te munayaḥ prītāḥ praṇemuḥ keśavaṃ harim || 1276 ||
[Analyze grammar]

vaiśaṃpāyana uvāca tataḥ sa bhagavān rudraḥ sarvānvismāpayanniva || 1277 ||
[Analyze grammar]

stutyā pracakrame stotuṃ viṣṇuṃ viśveśvaraṃ harim || 1278 ||
[Analyze grammar]

arthyābhiḥ śrutiyuktābhirmunīnāṃ śṛṇvatāṃ tadā || 1279 ||
[Analyze grammar]

namo bhagavate tubhyaṃ vāsudevāya dhīmate || 1280 ||
[Analyze grammar]

yasya bhāsā jagatsarvaṃ bhāsate nityamacyuta || 1281 ||
[Analyze grammar]

namo bhagavate deva nityaṃ sūryātmane namaḥ || 1282 ||
[Analyze grammar]

yaḥ śītayati śītāṃśurlokān sarvānimānprabhuḥ || 1283 ||
[Analyze grammar]

namaste viṣṇave deva tubhyaṃ somātmane namaḥ || 1284 ||
[Analyze grammar]

yaḥ prajāḥ prāṇayatyeko viśvātmā bhūtabhāvanaḥ || 1285 ||
[Analyze grammar]

namaḥ sarvātmane deva namo vāyvātmane hare || 1286 ||
[Analyze grammar]

yo dadhāra kareṇāsau kuśacīrādi yatsadā || 1287 ||
[Analyze grammar]

dadhāra vedān sarvāṃśca tubhyaṃ brahmātmane namaḥ || 1288 ||
[Analyze grammar]

sarvān saṃharate yastu saṃhāre viśvadṛksadā || 1289 ||
[Analyze grammar]

krodhātmā viśvarūpo'si tubhyaṃ rudrātmane namaḥ || 1290 ||
[Analyze grammar]

sṛṣṭau sraṣṭā samastānāṃ prāṇināṃ prāṇadāyine || 1291 ||
[Analyze grammar]

ajāya viṣṇave tubhyaṃ sraṣṭre viśvasṛje namaḥ || 1292 ||
[Analyze grammar]

ādau prakṛtimūlāya bhūtānāṃ prabhavāya ca || 1293 ||
[Analyze grammar]

namaste devadeveśa pradhānāya namo namaḥ || 1294 ||
[Analyze grammar]

pṛthivyāṃ gandharūpeṇa saṃsthitaḥ prāṇināṃ hare || 1295 ||
[Analyze grammar]

dṛḍhāya dṛḍharūpāya tubhyaṃ gandhātmane namaḥ || 1296 ||
[Analyze grammar]

apāṃ rasāya sarvatra prāṇināṃ sukhahetave || 1297 ||
[Analyze grammar]

namaste viśvarūpāya rasāya ca namo namaḥ || 1298 ||
[Analyze grammar]

tejasā bhāsvaro yastu guṇo jantuhitaḥ sadā || 1299 ||
[Analyze grammar]

tasmai deva jagannātha namo bhāsvararūpiṇe || 1300 ||
[Analyze grammar]

vāyoḥ sparśo guṇo yatra śītoṣṇasukhaduḥkhadaḥ || 1301 ||
[Analyze grammar]

namaste vāyurūpāya namaḥ sparśātmane hare || 1302 ||
[Analyze grammar]

ākāśe'vasthitaḥ śabdaḥ sarvaśrotraniveśanaḥ || 1303 ||
[Analyze grammar]

namaste bhagavanviṣṇo tubhyaṃ śabdātmane namaḥ || 1304 ||
[Analyze grammar]

yo dadhāra jagatsarvaṃ māyāmānuṣadehavān || 1305 ||
[Analyze grammar]

namastubhyaṃ jagannātha māyine'māyadāyine || 1306 ||
[Analyze grammar]

nama ādyāya bījāya nirguṇāya guṇātmane || 1307 ||
[Analyze grammar]

acintyāya sucintyāya tasmai cintyātmane namaḥ || 1308 ||
[Analyze grammar]

harāya harirūpāya brahmaṇe brahmavādine || 1309 ||
[Analyze grammar]

namo brahmavide tubhyaṃ brahmabrahmātmane namaḥ || 1310 ||
[Analyze grammar]

namaḥ sahasraśirase sahasracaraṇāya ca || 1311 ||
[Analyze grammar]

namaḥ sahasravaktrāya sahasranayanāya ca || 1312 ||
[Analyze grammar]

viśvāya viśvarūpāya viśvakartre namo namaḥ || 1313 ||
[Analyze grammar]

viśvahartre namo nityaṃ bhūtāvāsa namo namaḥ || 1314 ||
[Analyze grammar]

indriyāyendrarūpāya viṣayāya sadā hare || 1315 ||
[Analyze grammar]

namo'śvaśirase tubhyaṃ vedāharaṇarūpiṇe || 1316 ||
[Analyze grammar]

agnaye'gnipate tubhyaṃ jyotiṣāṃ pataye namaḥ || 1317 ||
[Analyze grammar]

namaḥ sūryāya bhadrāya tejasāṃ pataye namaḥ || 1318 ||
[Analyze grammar]

namaḥ somāya saumyāya namaḥ śītātmane hare || 1319 ||
[Analyze grammar]

rudrāya rudrarūpāya viṣayāya sadā hare || 1319 ||
[Analyze grammar]

namo vaṣaṭkṛte tubhyaṃ svadhāsvāhāsvarūpiṇe || 1320 ||
[Analyze grammar]

namo yajñāya ījyāya haviṣe havyasaṃskṛte || 1321 ||
[Analyze grammar]

namaḥ sruvāya pātrāya yajñāṅgāya parāya ca || 1322 ||
[Analyze grammar]

namaḥ praṇavadehāya kṣarāyāpyakṣarāya ca || 1323 ||
[Analyze grammar]

vedāya vedarūpāya akṣayyāya kṣayāya ca || 1323 ||
[Analyze grammar]

vedāya vedarūpāya śastriṇe śastrarūpiṇe || 1324 ||
[Analyze grammar]

gadine khaḍgine tubhyaṃ śaṅkhine cakriṇe namaḥ || 1325 ||
[Analyze grammar]

śūline carmiṇe nityaṃ varadāya namo namaḥ || 1326 ||
[Analyze grammar]

buddhapriyāya buddhāya prabuddhāya sukhāya ca || 1327 ||
[Analyze grammar]

haraye viṣṇave tubhyaṃ namaḥ sarvātmane guro || 1328 ||
[Analyze grammar]

namaste sarvalokeśa sarvakartre namo namaḥ || 1329 ||
[Analyze grammar]

namaḥ svabhāvaśuddhāya namaste yajñasūkara || 1330 ||
[Analyze grammar]

namo viṣṇo namo viṣṇo namo viṣṇo namo hare || 1331 ||
[Analyze grammar]

namaste vāsudevāya vāsudevāya dhīmate || 1332 ||
[Analyze grammar]

namaḥ kṛṣṇāya kṛṣṇāya sarvāvāsa namo namaḥ || 1333 ||
[Analyze grammar]

namo bhūyo namaste'stu pāhi lokāñjanārdana || 1334 ||
[Analyze grammar]

iti stutvā jagannāthamuvāca munisattamān || 1335 ||
[Analyze grammar]

idaṃ stotramadhīyānā nityaṃ vrajata keśavam || 1336 ||
[Analyze grammar]

śaraṇyaṃ sarvabhūtānāṃ tatra śreyo vidhāsyati || 1337 ||
[Analyze grammar]

ye cemaṃ dhārayiṣyanti stavaṃ pāpavimocanam || 1338 ||
[Analyze grammar]

teṣāṃ prītaḥ prasannātmā paṭhatāṃ śṛṇvatāṃ hariḥ || 1339 ||
[Analyze grammar]

śreyo dāsyati sarvātmā nātra kāryā vicāraṇā || 1340 ||
[Analyze grammar]

avaśyaṃ manasā dhyāta keśavaṃ bhaktavatsalam || 1341 ||
[Analyze grammar]

śreyaḥ prāptuṃ yadīcchanti bhavantaḥ saṃśitavratāḥ || 1342 ||
[Analyze grammar]

ityuktvā bhagavān rudrastatraivāntaradhīyata || 1343 ||
[Analyze grammar]

sagaṇaḥ śaṃkaraḥ sākṣādumayā bhūtabhāvanaḥ || 1344 ||
[Analyze grammar]

tataste munayaḥ sarve parāṃ nirvṛtimāpnuyuḥ || 1345 ||
[Analyze grammar]

tameva paramaṃ tattvaṃ matvā nārāyaṇaṃ harim || 1345 ||
[Analyze grammar]

vismayaṃ paramaṃ gatvā menire svakṛtārthatām || 1346 ||
[Analyze grammar]

lokapālāstadā viṣṇuṃ namaskṛtya hariṃ tadā || 1347 ||
[Analyze grammar]

jagmuḥ svānyatha veśmāni gaṇaiḥ sarvairnṛpottama || 1348 ||
[Analyze grammar]

āruhya bhagavānviṣṇurgaruḍaṃ pakṣipuṃgavam || 1349 ||
[Analyze grammar]

śaṅkhī cakrī gadī khaḍgī śārṅgī tūṇītalatravān || 1350 ||
[Analyze grammar]

yathāgataṃ jagannātho yayau badarikāmanu || 1351 ||
[Analyze grammar]

sāyāhne puṇḍarīkākṣo nityaṃ muniniṣevitām || 1352 ||
[Analyze grammar]

tatra gatvā yathāyogaṃ viśramya harirīśvaraḥ || 1353 ||
[Analyze grammar]

arcito munibhiḥ sarvairniṣasāda sukhāsane || 1354 ||
[Analyze grammar]

vaiśaṃpāyana uvāca etasminneva kāle tu pauṇḍro nṛpavaro nṛpa || 1355 ||
[Analyze grammar]

balavān sattvasaṃpanno yoddhā vipulavikramaḥ || 1356 ||
[Analyze grammar]

vṛṣṇiśatrustadā rājā kṛṣṇadveṣṭā balāttadā || 1357 ||
[Analyze grammar]

nṛpān sarvān samāhūya provāca nṛpasaṃsadi || 1358 ||
[Analyze grammar]

jitā ca pṛthivī sarvā jitāśca nṛpasattamāḥ || 1359 ||
[Analyze grammar]

vṛṣṇayaste balonmattāḥ kṛṣṇamāśritya garvitāḥ || 1360 ||
[Analyze grammar]

na dāsyanti karaṃ sarve mama te kṛṣṇasaṃśrayāt || 1361 ||
[Analyze grammar]

sa tu kṛṣṇaśca balavānmāmavajñāya tiṣṭhati || 1362 ||
[Analyze grammar]

ahaṃ cakrīti garvo'bhūttasya gopasya sarvadā || 1363 ||
[Analyze grammar]

śaṅkhī cakrī gadī śārṅgī tūṇīśarasahāyavān || 1364 ||
[Analyze grammar]

evamādirmahāgarvastasya saṃprati vartate || 1365 ||
[Analyze grammar]

loke ca mama yannāma vāsudeveti nityaśaḥ || 1366 ||
[Analyze grammar]

agṛhṇānmama tannāma gopo madabalānvitaḥ || 1367 ||
[Analyze grammar]

tasya cakrasya yaccakraṃ mamāpi niśitaṃ mahat || 1368 ||
[Analyze grammar]

garvahantṛ sadā tasya bali nāmnā sudarśanam || 1369 ||
[Analyze grammar]

sahasrāraṃ mahāghoraṃ tasya cakrasya nāśanam || 1370 ||
[Analyze grammar]

anena mahatā cakraṃ gopakasya nṛpottamāḥ || 1371 ||
[Analyze grammar]

mamāpyetaddhanurdivyaṃ śārṅgaṃ nāma mahāvaram || 1372 ||
[Analyze grammar]

nāśayāmi na saṃdehaścakraṃ tasya yadadbhutam || 1373 ||
[Analyze grammar]

pāñcajanyo mahāśaṅkho mahānādaḥ sadā babhau || 1374 ||
[Analyze grammar]

tasya śaṅkhasya jetāsau paśyadhvaṃ nṛpasattamāḥ || 1375 ||
[Analyze grammar]

gadā kaumodakī nāma mameyaṃ mahatī dṛḍhā || 1376 ||
[Analyze grammar]

kālāyasasahasrasya bhāreṇa sukṛtā mayā || 1377 ||
[Analyze grammar]

khaḍgo nandakanāmāsau mamāyaṃ vipulo dṛḍhaḥ || 1378 ||
[Analyze grammar]

antakasyāntako ghorastasya khaḍgasya nāśakaḥ || 1379 ||
[Analyze grammar]

tataścāhaṃ gadī khaḍgī śārṅgī cakrī talatravān || 1380 ||
[Analyze grammar]

yudhi jetāsmi kṛṣṇasya nātra kāryā vicāraṇā || 1381 ||
[Analyze grammar]

māṃ ca brūta nṛpāścaivaṃ gadinaṃ cakriṇaṃ tathā || 1382 ||
[Analyze grammar]

śaṅkhinaṃ śārṅgiṇaṃ vīraṃ brūta nityaṃ nṛpottamāḥ || 1383 ||
[Analyze grammar]

vāsudeveti māṃ brūta na tu gopaṃ yadūttamam || 1384 ||
[Analyze grammar]

eko'haṃ vāsudevo hi hatvā taṃ gopadārakam || 1385 ||
[Analyze grammar]

sakhyurmama nihantāraṃ narakasya mahātmanaḥ || 1386 ||
[Analyze grammar]

māṃ tathā yadi na brūta daṇḍyā bhāraṃ śataṃ śatam || 1387 ||
[Analyze grammar]

suvarṇasya ca niṣkasya dhānyānāṃ bahuśastathā || 1388 ||
[Analyze grammar]

tathā bruvati rājendre manasā duḥsahaṃ tadā || 1389 ||
[Analyze grammar]

kecil lajjāsamāyuktā āsate vīryavattarāḥ || 1390 ||
[Analyze grammar]

rasajñā balavīryasya keśavasya sadā nṛpāḥ || 1391 ||
[Analyze grammar]

apare tu nṛpā rājannevameveti cukruśuḥ || 1392 ||
[Analyze grammar]

anye balamadotsiktā jeṣyāmaḥ keśavaṃ raṇe || 1393 ||
[Analyze grammar]

vaiśaṃpāyana uvāca tataḥ kailāsaśikharānnirgato munisattamaḥ || 1394 ||
[Analyze grammar]

nāradaḥ sarvalokajñaḥ pauṇḍrasya nagaraṃ prati || 1395 ||
[Analyze grammar]

avatīrya nabhomārgātpratyāgamya nṛpottamam || 1396 ||
[Analyze grammar]

dvāḥsthena ca samājñaptaḥ praviveśa gṛhottamam || 1397 ||
[Analyze grammar]

arghyādisamudācāraṃ nṛpāl labdhvā mahāmuniḥ || 1398 ||
[Analyze grammar]

niṣasādāsane śubhre svāstṛte śubhravāsasā || 1399 ||
[Analyze grammar]

kuśalaṃ pṛṣṭavānbhūyo nṛpasya munisattamaḥ || 1400 ||
[Analyze grammar]

uvāca nāradaṃ bhūyaḥ pauṇḍrako balagarvitaḥ || 1401 ||
[Analyze grammar]

bhavān sarvatra kuśalaḥ sarvakāryeṣu paṇḍitaḥ || 1402 ||
[Analyze grammar]

prathito devasiddheṣu gandharveṣu mahātmasu || 1403 ||
[Analyze grammar]

sarvatrago nirābādho gantā sarvatra sarvadā || 1404 ||
[Analyze grammar]

agamyaṃ tava viprendra brahmāṇḍe'tra na kiṃcana || 1405 ||
[Analyze grammar]

nāradaivaṃ vada tvaṃ hi yatra yatra gataḥ sadā || 1406 ||
[Analyze grammar]

tatra tatra tapaḥsiddho loke prathitavīryavān || 1407 ||
[Analyze grammar]

pauṇḍra eva balī khyāto vāsudeveti śabditaḥ || 1408 ||
[Analyze grammar]

śaṅkhī cakrī gadī śārṅgī khaḍgī tūṇītalatravān || 1409 ||
[Analyze grammar]

vijetā rājasiṃhānāṃ dātā dānasya sarvadā || 1410 ||
[Analyze grammar]

bhoktā rājyasya sarvasya śāstā rājñāṃ balādbalī || 1411 ||
[Analyze grammar]

ajeyaḥ śatrusainyānāṃ rakṣitā svajanasya ha || 1412 ||
[Analyze grammar]

yo'nyo gopakanāmāsau vāsudeveti śabditaḥ || 1413 ||
[Analyze grammar]

tasya vīryabale na sto nāmnaśca mama dhāraṇe || 1414 ||
[Analyze grammar]

sa hi gopo vṛthā bālyāddhārayatyeva nāma me || 1415 ||
[Analyze grammar]

idaṃ niścinu viprendra eka eva bhavāmyaham || 1416 ||
[Analyze grammar]

vāsudevo jagatyasminnirjitya balinaṃ yadum || 1417 ||
[Analyze grammar]

vṛṣṇīn sarvānbalājjitvā nirdahiṣye ca tāṃ purīṃ || 1418 ||
[Analyze grammar]

dvārakāṃ vṛṣṇinilayāṃ yoddhā cāhaṃ mahāmate || 1419 ||
[Analyze grammar]

ete ca balinaḥ sarve nṛpā mama samāgatāḥ || 1420 ||
[Analyze grammar]

aśvāśca veginaḥ santi rathā vāyujavā mama || 1421 ||
[Analyze grammar]

nāgā mattāḥ sahasraṃ ca śataṃ niyutameva ca || 1422 ||
[Analyze grammar]

etenaiva balenājau haniṣye keśavaṃ raṇe || 1423 ||
[Analyze grammar]

tasmādevaṃ sadā vipra vada brahmanpure mama || 1424 ||
[Analyze grammar]

indrasyāpi sadā vipra vada nārada sāṃpratam || 1425 ||
[Analyze grammar]

prārthanaiṣā mama vibho namasye tvāṃ tapodhana || 1426 ||
[Analyze grammar]

nārada uvāca sarvatragaḥ sadā cāsmi yāvadbrahmāṇḍasaṃsthitiḥ || 1427 ||
[Analyze grammar]

avāryaḥ sarvalokeṣu gamane kenacinnṛpa || 1428 ||
[Analyze grammar]

kiṃ tu vaktuṃ tathā rājannotsahe nṛpasattama || 1429 ||
[Analyze grammar]

mahīṃ śāsati deveśe cakrapāṇau janārdane || 1430 ||
[Analyze grammar]

viṣṇau sarvatrage deve duṣṭān hatvā sabāndhavān || 1431 ||
[Analyze grammar]

vāsudeveti ko nāma tiṣṭhatyasmin harāviti || 1432 ||
[Analyze grammar]

ko nāma vaktumevaṃ hi kṛṣṇe śāsati gopatau || 1433 ||
[Analyze grammar]

ajñānādvaktumevaṃ cetsamarthaḥ prākṛto janaḥ || 1434 ||
[Analyze grammar]

hariḥ sarvatrago viṣṇurdarpaṃ te vyaneṣyati || 1435 ||
[Analyze grammar]

acintyavibhavo viṣṇuḥ śārṅgadhanvā gadādharaḥ || 1436 ||
[Analyze grammar]

ādidevaḥ purāṇātmā darpaṃ te vyapaneṣyati || 1437 ||
[Analyze grammar]

hāsyametanmahārājanyaccakraṃ tava saṃsthitam || 1438 ||
[Analyze grammar]

śārṅgaṃ śaṅkhaṃ tathā rājan gadā ghoratarā hi te || 1439 ||
[Analyze grammar]

atīva hāsakālo'yaṃ tava saṃprati vartate || 1440 ||
[Analyze grammar]

vaiśaṃpāyana uvāca tataḥ kruddho mahārāja pauṇḍro balamadānvitaḥ || 1441 ||
[Analyze grammar]

nāradaṃ vipravaryaṃ taṃ provāca nṛpasaṃsadi || 1442 ||
[Analyze grammar]

mā maivaṃ vada devarṣe rājāhaṃ vijayī sadā || 1443 ||
[Analyze grammar]

gaccha tvaṃ kāmamadyaiva muniḥ śāpapradaḥ sadā || 1444 ||
[Analyze grammar]

bhītastvatto mahābuddhe gaccha tvaṃ kāmamatra ha || 1445 ||
[Analyze grammar]

ityukto nṛpavīryeṇa tūṣṇīmeva sa nāradaḥ || 1446 ||
[Analyze grammar]

jagāmākāśagamano yatra tiṣṭhati keśavaḥ || 1447 ||
[Analyze grammar]

sa gatvā viṣṇusakāśaṃ viṣṇoḥ sarvaṃ śaśaṃsa ha || 1448 ||
[Analyze grammar]

tacchrutvā bhagavānviṣṇuryatheṣṭaṃ vadatāmiti || 1449 ||
[Analyze grammar]

garvaṃ tasyāpaneṣyāmi śvobhūte munisattama || 1450 ||
[Analyze grammar]

ityuktvā virarāmaiva tasminbadarikāśrame || 1451 ||
[Analyze grammar]

tataḥ pauṇḍro mahāvīryo balairbahubhirīśvaraḥ || 1452 ||
[Analyze grammar]

aśvairanekasāhasrairgajairbahubhiranvitaḥ || 1453 ||
[Analyze grammar]

saptakoṭirathairyukta īśvaraḥ satyasaṃgaraḥ || 1454 ||
[Analyze grammar]

anekaśatasāhasraiḥ pattibhiśca samanvitaḥ || 1455 ||
[Analyze grammar]

ekalavyaprabhṛtibhī rājabhiśca samanvitaḥ || 1456 ||
[Analyze grammar]

aṣṭau hayasahasrāṇi nāgānāṃ niyutaṃ tathā || 1457 ||
[Analyze grammar]

prayutaṃ pattisāhasraṃ tadbalaṃ samapadyata || 1458 ||
[Analyze grammar]

etena tu balenājau prasphurannṛpasattama || 1459 ||
[Analyze grammar]

virarāja mahārāja udayastho yathā raviḥ || 1460 ||
[Analyze grammar]

yayau madhyamarātreṇa nagarīṃ dvārakāmanu || 1461 ||
[Analyze grammar]

pattayo dīpikāhastā rātrau mahati dāruṇe || 1462 ||
[Analyze grammar]

yayurvividhaśastraughāḥ saṃpatanto mahābalāḥ || 1463 ||
[Analyze grammar]

dvārakāṃ vīryasaṃpannāṃ mahāghorāṃ nṛpottamāḥ || 1464 ||
[Analyze grammar]

rathaṃ mahāntamāruhya śastraughaiśca samanvitam || 1465 ||
[Analyze grammar]

paṭṭasāsisamākīrṇaṃ gadāparighasaṃkulam || 1466 ||
[Analyze grammar]

śaktitomarasaṃkīṛnaṃ dhvajamālāsamācitam || 1467 ||
[Analyze grammar]

kiṃkiṇījālasaṃyuktaṃ śarāsiprāsaśobhitam || 1468 ||
[Analyze grammar]

mahāghoraṃ mahāraudraṃ yugāntajaladopamam || 1469 ||
[Analyze grammar]

dhanurgadāsamākīrṇaṃ mahāvātajavopamam || 1470 ||
[Analyze grammar]

agnyarkasadṛśākāraṃ yayau dvāravatīmanu || 1471 ||
[Analyze grammar]

gṛhītadīpiko rājā vīryavānbalavānnṛpa || 1472 ||
[Analyze grammar]

hantumaicchajjagannāthaṃ vṛṣṇīṃścaiva samantataḥ || 1473 ||
[Analyze grammar]

ākarṣanbalamukhyāṃstān rājñaḥ sarvānmahādyutiḥ || 1474 ||
[Analyze grammar]

pūrvadvāraṃ samāgamya balaṃ saṃsthāpya yatnataḥ || 1475 ||
[Analyze grammar]

idaṃ provāca rājā tu nṛpān sarvānavasthitān || 1476 ||
[Analyze grammar]

tāḍyatāmatra bherī tu nāma viśrāvya māmakam || 1477 ||
[Analyze grammar]

yudhyatāṃ yudhyatāmatra deyaṃ vā pratidīyatām || 1478 ||
[Analyze grammar]

āgataḥ pauṇḍrarājo'yaṃ yuddhārthī vīryavattaraḥ || 1479 ||
[Analyze grammar]

hantukāmaḥ samagrānvaḥ kṛṣṇabāhubalāśrayān || 1480 ||
[Analyze grammar]

iti te preṣitāḥ sarve samāghnaṃstūryakānbahūn || 1481 ||
[Analyze grammar]

dīpikāśca pradīpyante bahvyaḥ śatasahasraśaḥ || 1482 ||
[Analyze grammar]

itaścetaśca rājāno vartante yuddhalālasāḥ || 1483 ||
[Analyze grammar]

purīṃ te paritastasthuḥ kṣatriyāḥ śastriṇastathā || 1484 ||
[Analyze grammar]

siṃhanādaṃ prakurvantaḥ śastradhārāsamākulāḥ || 1485 ||
[Analyze grammar]

kuto nu vṛṣṇipravaraḥ kuto rājā jagatpatiḥ || 1486 ||
[Analyze grammar]

kutaśca sātyakirvīraḥ kuto hārdikya eva ca || 1487 ||
[Analyze grammar]

kuto nu balabhadraśca sarvayādavasattamaḥ || 1488 ||
[Analyze grammar]

ityevaṃ kathayanto vai rājānaḥ sarva eva tu || 1489 ||
[Analyze grammar]

ādāya śastrāṇi bahūni sarvataḥ || 1490 ||
[Analyze grammar]

śarāṃśca cāpāni mahānti sarve || 1491 ||
[Analyze grammar]

yuddhāya saṃnāhanibaddhadṛṣṭayo || 1492 ||
[Analyze grammar]

yayuḥ purīṃ dvāravatīṃ nṛpottamāḥ || 1493 ||
[Analyze grammar]

vaiśaṃpāyana uvāca tataśca yādavāḥ sarve dṛṣṭvā sainikasaṃcayam || 1494 ||
[Analyze grammar]

rātrau ca samanuprāptaṃ mahāśastrasamākulam || 1495 ||
[Analyze grammar]

mahāvātasamuddhūtaṃ kalpānte sāgaropamam || 1496 ||
[Analyze grammar]

acintyaṃ sarvabhūtānāṃ kālāntakayamopamam || 1497 ||
[Analyze grammar]

saṃnaddhāḥ samapadyanta śastriṇo yuddhalālasāḥ || 1498 ||
[Analyze grammar]

gṛhītadīpikāḥ sarve yādavāḥ śastrayodhinaḥ || 1499 ||
[Analyze grammar]

sātyakirbalabhadraśca hārdikyo niśaṭhastathā || 1500 ||
[Analyze grammar]

uddhavo'tha mahābuddhirugraseno mahābalaḥ || 1501 ||
[Analyze grammar]

anye ca yādavāḥ sarve kavacapragrahe ratāḥ || 1502 ||
[Analyze grammar]

sāmantā yuddhakuśalā rātrau saṃnāhayodhinaḥ || 1503 ||
[Analyze grammar]

khaḍginaḥ śastriṇaścaiva sarve śastrasamākulāḥ || 1504 ||
[Analyze grammar]

yuddhāya samapadyanta bahavo bāhuśālinaḥ || 1505 ||
[Analyze grammar]

rathino gajinaścaiva sādinaḥ sāyudhāstathā || 1506 ||
[Analyze grammar]

nityayuktā mahātmāno dhanvinaḥ puruṣottamāḥ || 1507 ||
[Analyze grammar]

niryayurnagarāttūrṇaṃ dīpikābhiḥ samantataḥ || 1508 ||
[Analyze grammar]

kutaḥ pauṇḍraka ityeva bruvantaḥ sarvasātvatāḥ || 1509 ||
[Analyze grammar]

dīpikādīpito deśo nistamāḥ samapadyata || 1510 ||
[Analyze grammar]

tato vitimiro deśaḥ samantātpratyapadyata || 1511 ||
[Analyze grammar]

yuddhaṃ samabhavadghoraṃ vṛṣṇīnāṃ kṣatriyaiḥ saha || 1512 ||
[Analyze grammar]

tato mahān samabhavatsaṃnādo lomaharṣaṇaḥ || 1513 ||
[Analyze grammar]

hayā hayaiḥ samāyuktāḥ gajāśca rathayūthapaiḥ || 1514 ||
[Analyze grammar]

rathā rathaiḥ samāyuktāḥ sādinaḥ sādibhistathā || 1515 ||
[Analyze grammar]

khaḍgibhiḥ khaḍgino rājan gadibhirgadinastathā || 1516 ||
[Analyze grammar]

parasparavyatikaro raṇa āsītsudāruṇaḥ || 1517 ||
[Analyze grammar]

mahāpralayasaṃkṣobhaḥ śabdasteṣāṃ mahātmanām || 1518 ||
[Analyze grammar]

ādhāvata praharata drutaṃ viparidhāvata || 1519 ||
[Analyze grammar]

nighnataitānityavocanvṛṣṇayaḥ sarvato nṛpān || 1520 ||
[Analyze grammar]

ayameṣa mahābāhuḥ khaḍgī patati vīryavān || 1521 ||
[Analyze grammar]

ayameṣa śarī ghoro vartate naḥ sudāruṇaḥ || 1522 ||
[Analyze grammar]

gadī cāyaṃ mahāvīryaḥ sarvānno bādhate nṛpaḥ || 1523 ||
[Analyze grammar]

ayaṃ rathī śarī cāpī gadī tūṇīravānprabho || 1524 ||
[Analyze grammar]

paṭṭasī sarvato yāti kuntapāṇirayaṃ balī || 1525 ||
[Analyze grammar]

ayamatra mahāśūlī saṃsthitaḥ sarvatodiśam || 1526 ||
[Analyze grammar]

gajo'yaṃ suviṣāṇāgro vartate sarvataḥ pathi || 1527 ||
[Analyze grammar]

aśvī sarvatragaḥ śūro vegavānvātasaṃnibhaḥ || 1528 ||
[Analyze grammar]

śarāñcharaiḥ samāhanti daṇḍāndaṇḍairjagatpate || 1529 ||
[Analyze grammar]

kuntān kuntaiḥ samājaghnurgadābhiśca gadāstathā || 1530 ||
[Analyze grammar]

parighānparighaiścaiva śūlāñchūlaiḥ samantataḥ || 1531 ||
[Analyze grammar]

evaṃ teṣāṃ mahārāja kurvatāṃ raṇamuttamam || 1532 ||
[Analyze grammar]

saṃgrāmaḥ sumahānāsīcchabdaḥ samabhavanmahān || 1533 ||
[Analyze grammar]

tūryāṇi subahūnyājau śabdavanti mahānti ca || 1534 ||
[Analyze grammar]

prādurāsan sahasrāṇi śaṅkhānāṃ caiva nisvanāḥ || 1535 ||
[Analyze grammar]

rātrau prādurabhūcchabdaḥ saṃgrāme lomaharṣaṇaḥ || 1536 ||
[Analyze grammar]

vartamāne mahāyuddhe vṛṣṇīnāṃ caiva taiḥ saha || 1537 ||
[Analyze grammar]

keciddhatāḥ samāpetuḥ pṛthivyāṃ pṛthivīkṣitaḥ || 1538 ||
[Analyze grammar]

kecinmathitamastiṣkā viprakīrṇaśirodharāḥ || 1539 ||
[Analyze grammar]

petururvyāṃ mahāvīryā rājānaḥ śastrapāṇayaḥ || 1540 ||
[Analyze grammar]

kecittu bhinnavarmāṇaḥ samāpetustatastataḥ || 1541 ||
[Analyze grammar]

parasparaṃ samāhatya parasparavadhaiṣiṇaḥ || 1542 ||
[Analyze grammar]

nyastaśastrā mahātmānaḥ samāṃsāraktavigrahāḥ || 1543 ||
[Analyze grammar]

peturgatāsavaḥ kecid yamarāṣṭravivardhanāḥ || 1544 ||
[Analyze grammar]

evaṃ te nihatā rājan rājānaḥ sarva eva tu || 1545 ||
[Analyze grammar]

etasminnantare śūra ekalavyo niṣādapaḥ || 1546 ||
[Analyze grammar]

dhanurgṛhya mahāghoraṃ kālāntakayamopamam || 1547 ||
[Analyze grammar]

śarairanekasāhasrairardayāmāsa yādavān || 1548 ||
[Analyze grammar]

paraḥśataiḥ śarāṇāṃ tu niśitairmarmabhedibhiḥ || 1549 ||
[Analyze grammar]

vṛṣṇivīrabalaṃ sarvaṃ pothayāmāsa sarvataḥ || 1550 ||
[Analyze grammar]

yudhyataḥ śastrapāṇīṃśca kṣatriyānvīryavattamān || 1551 ||
[Analyze grammar]

niśaṭhaṃ pañcaviṃśatyā śarāṇāṃ nataparvaṇām || 1552 ||
[Analyze grammar]

sāraṇaṃ daśabhirvidhvā hārdikyaṃ pañcabhiḥ śaraiḥ || 1553 ||
[Analyze grammar]

ugrasenaṃ navāśītyā vasudevaṃ ca saptabhiḥ || 1554 ||
[Analyze grammar]

uddhavaṃ daśabhiścaiva akrūraṃ pañcabhiḥ śaraiḥ || 1555 ||
[Analyze grammar]

evamekaikaśaḥ sarvānnihatya niśitaiḥ śaraiḥ || 1556 ||
[Analyze grammar]

vidrāvya yādavīṃ senāṃ nāma viśrāvya vīryavān || 1557 ||
[Analyze grammar]

ekalavyo yadūnāha vīryavānbalavānaham || 1558 ||
[Analyze grammar]

idānīṃ sātyakirvīraḥ kva yāsyati mahābalaḥ || 1559 ||
[Analyze grammar]

madamatto halī sākṣātkva yātīha gadādharaḥ || 1560 ||
[Analyze grammar]

ityāha siṃhanādena sarvānvismāpayanniva || 1561 ||
[Analyze grammar]

vaiśaṃpāyana uvāca vidruteṣu ca sainyeṣu vṛṣṇivīreṣu caiva hi || 1562 ||
[Analyze grammar]

bhīteṣvatha mahārāja hateṣu yudhi sarvataḥ || 1563 ||
[Analyze grammar]

dīpikāsu praśāntāsu niḥśabde sati sarvataḥ || 1564 ||
[Analyze grammar]

jitamityeva tanmatvā vṛṣṇīnāṃ balamuttamam || 1565 ||
[Analyze grammar]

tataḥ pauṇḍro mahāvīryo babhāṣe sainikān svakān || 1566 ||
[Analyze grammar]

śīghraṃ gacchata rājendrāṣṭaṅkaiḥ kuntaiḥ purīmimām || 1567 ||
[Analyze grammar]

kuṭhāraiḥ kuntalaiścaiva pāṣāṇaiḥ sarvatodiśam || 1568 ||
[Analyze grammar]

karpaṇasthaiśca pāṣāṇaiḥ sarvato yāta bhūmipāḥ || 1569 ||
[Analyze grammar]

bhidyantāṃ prākāracayāḥ prāsādāśca samantataḥ || 1570 ||
[Analyze grammar]

yoṣito vāramukhyāśca nāgāścaiva samantataḥ || 1570 ||
[Analyze grammar]

gṛhyantāmaśvamukhyāśca dhanāni subahūni ca || 1571 ||
[Analyze grammar]

gṛhyantāṃ kanyakāḥ sarvā dāsyaścaiva samantataḥ || 1572 ||
[Analyze grammar]

gṛhyantāmaśvamukhyāśca dhanāni subahūnyatha || 1573 ||
[Analyze grammar]

tatheti te mahātmāno rājānaḥ sarva eva tu || 1574 ||
[Analyze grammar]

kuṭhāraiḥ sarvataścaiva cicchiduḥ pauṇḍrakājñayā || 1575 ||
[Analyze grammar]

prākārāṃścaiva sarvatra prāsādān ratnasaṃcayān || 1576 ||
[Analyze grammar]

atha tatra mahāśabdaḥ prādurāsītsamantataḥ || 1577 ||
[Analyze grammar]

ṭaṅkeṣu pātyamāneṣu prākāreṣu mahābalaiḥ || 1578 ||
[Analyze grammar]

pūrvadvāre mahārāja bhinnāḥ prākārasaṃcayāḥ || 1579 ||
[Analyze grammar]

śrutvā śabdaṃ mahāghoraṃ sātyakiḥ krodhamūrchitaḥ || 1580 ||
[Analyze grammar]

mayi sarvaṃ samāropya keśavo yādaveśvaraḥ || 1581 ||
[Analyze grammar]

gataḥ kailāsaśikharaṃ draṣṭumīśvaramavyayam || 1582 ||
[Analyze grammar]

avaśyaṃ sarvathā rakṣyā purī dvāravatī mayā || 1583 ||
[Analyze grammar]

iti saṃcintya manasā dhanurādāya satvaram || 1584 ||
[Analyze grammar]

rathaṃ mahāntamāruhya dārukasya mahātmanaḥ || 1585 ||
[Analyze grammar]

putreṇa saṃskṛtaṃ ghoraṃ yantā ca svayameva ha || 1586 ||
[Analyze grammar]

dhanurmahattamādāya śarāṃścāśīviṣopamān || 1587 ||
[Analyze grammar]

āmucya kavacaṃ ghoraṃ śastrasaṃpātaduḥsaham || 1588 ||
[Analyze grammar]

aṅgadī kuṇḍalī tūṇī śarī cāpī gadāsimān || 1589 ||
[Analyze grammar]

yayau yuddhāya vegena saṃsmaran kaiśavaṃ vacaḥ || 1590 ||
[Analyze grammar]

dīpikādīpite deśe yayau sātyakiruttamaḥ || 1591 ||
[Analyze grammar]

tathā ca baladevo'pi rathamāruhya bhāsvaram || 1592 ||
[Analyze grammar]

gadī śarāsimānvīraḥ prāyād raṇacikīrṣayā || 1593 ||
[Analyze grammar]

siṃhanādaṃ prakurvaṃstu vimuñcanbhairavaṃ ravam || 1594 ||
[Analyze grammar]

uddhavo'pi balī sākṣādgajamāruhya satvaram || 1595 ||
[Analyze grammar]

mattaṃ mahāravaṃ ghoraṃ saṃgrāmaṃ nītimattaraḥ || 1596 ||
[Analyze grammar]

yayau nītiṃ vicinvānaḥ parāṃ prītiṃ mahābalaḥ || 1597 ||
[Analyze grammar]

anye'pi vṛṣṇayaḥ sarve yayuḥ saṃgrāmalālasāḥ || 1598 ||
[Analyze grammar]

rathān gajān samāruhya hārdikyapramukhāstadā || 1599 ||
[Analyze grammar]

dīpikābhiśca sarvatra purovṛttābhirīśvarāḥ || 1600 ||
[Analyze grammar]

siṃhanādaṃ prakurvantaḥ smarantaḥ kaiśavaṃ vacaḥ || 1601 ||
[Analyze grammar]

pūrvadvāri samāgamya vṛṣṇayo yuddhalālasāḥ || 1602 ||
[Analyze grammar]

te sametya yathāyogaṃ sthitāstatra mahābalāḥ || 1603 ||
[Analyze grammar]

sthite sainye mahāghore dīpikādīpite pathi || 1604 ||
[Analyze grammar]

śinirvīraḥ śarī cāpī gadī tūṇīrapāṇimān || 1605 ||
[Analyze grammar]

vāyavyāstraṃ samādāya yojayitvā mahāśaram || 1606 ||
[Analyze grammar]

ākarṇapūrṇamākṛṣya dhanuḥ pravaramuttamam || 1607 ||
[Analyze grammar]

mumoca parasainyeṣu śinivīraḥ pratāpavān || 1608 ||
[Analyze grammar]

vāyavyāstreṇa te sarve tatrasthā nṛpasattamāḥ || 1609 ||
[Analyze grammar]

vidrutā hyastravīryeṇa yatra tiṣṭhati pauṇḍrakaḥ || 1610 ||
[Analyze grammar]

tatra gatvā sthitāḥ sarve nirdhūtā vātaraṃhasā || 1611 ||
[Analyze grammar]

yatra pūrvaṃ sthitāḥ sarve vidrutā rājasattamāḥ || 1612 ||
[Analyze grammar]

tatra sthitvā sa śaineyaḥ śaramādāya satvaram || 1613 ||
[Analyze grammar]

niśitaṃ sarpabhogābhaṃ babhāṣe sātyakistadā || 1614 ||
[Analyze grammar]

kvedānīṃ sa mahābāhuḥ pauṇḍrako rājasaṃjñakaḥ || 1615 ||
[Analyze grammar]

sthito'smi vyavasāyena śarī cāpī mahābalaḥ || 1616 ||
[Analyze grammar]

yadi draṣṭā durātmānaṃ tato hantā nṛpādhamam || 1617 ||
[Analyze grammar]

bhṛtyo'smi keśavasyāhaṃ jighāṃsuḥ pauṇḍrakaṃ sthitaḥ || 1618 ||
[Analyze grammar]

chittvā śirastu tasyāhaṃ sarvakṣatrasya paśyataḥ || 1619 ||
[Analyze grammar]

dāsyāmi vaḷagṛdhrebhyaḥ śvabhyaścaiva durātmanaḥ || 1620 ||
[Analyze grammar]

ko nu nāmedṛśaṃ karma coravacca samācaret || 1621 ||
[Analyze grammar]

supteṣu niśi sarvatra yādaveṣu mahātmasu || 1622 ||
[Analyze grammar]

coro'yaṃ sarvathā rājā na hi rājā balānvitaḥ || 1623 ||
[Analyze grammar]

yadi śakto na kuryācca cauryametannṛpādhamaḥ || 1624 ||
[Analyze grammar]

aho'sya bālatā rājñaścorakāryaṃ prakurvataḥ || 1625 ||
[Analyze grammar]

sarvathā gamanaṃ tasya na hi paśyāmi sāṃpratam || 1626 ||
[Analyze grammar]

ityuccaiḥ sātyakirvīraḥ prajahāsa mahāsvanam || 1627 ||
[Analyze grammar]

visphārya sudṛḍhaṃ cāpaṃ saṃdadhe kārmuke śaram || 1628 ||
[Analyze grammar]

ākarṇya vacanaṃ vīraḥ sātyakestasya dhīmataḥ || 1629 ||
[Analyze grammar]

vāsudevo mahāvīryaḥ pauṇḍrako nṛpasattamaḥ || 1630 ||
[Analyze grammar]

ādāya niśitaṃ bāṇamāgatya purato yadoḥ || 1631 ||
[Analyze grammar]

babhāṣe vāsudevastu hasanbahuvidhaṃ nṛpaḥ || 1632 ||
[Analyze grammar]

sātyake śṛṇu me vākyaṃ yadi yoddhuṃ vyavasthitaḥ || 1633 ||
[Analyze grammar]

kva nu kṛṣṇaḥ kva gopālaḥ kutaḥ sa iha vartate || 1634 ||
[Analyze grammar]

strīhantā paśuhantā ca kva ca svāmīti śabdyate || 1635 ||
[Analyze grammar]

sa idānīṃ kva varteta gṛhītvā mama nāma tat || 1636 ||
[Analyze grammar]

hantā sakhyurmahāvīryo narakasya mahātmanaḥ || 1637 ||
[Analyze grammar]

mamaiva nāma tadbhūyāddhate tasmindurātmani || 1638 ||
[Analyze grammar]

gaccha tvaṃ kāmato vīra yoddhuṃ na kṣamate bhavān || 1639 ||
[Analyze grammar]

atha vā tiṣṭha kiṃcittu tato draṣṭāsi me balam || 1640 ||
[Analyze grammar]

śiraste pātayiṣyāmi śarairghorairdurāsadaiḥ || 1641 ||
[Analyze grammar]

hatasya tava vīrasya bhūmiḥ pāsyati śoṇitam || 1642 ||
[Analyze grammar]

śroṣyate sa tathā gopo hataḥ sātyakirityapi || 1643 ||
[Analyze grammar]

yo garvastasya gopasya sarvadā vartate mahān || 1644 ||
[Analyze grammar]

vinaṅkṣyati sa tu kṣipraṃ hate tvayi yadūttama || 1645 ||
[Analyze grammar]

tvayi rakṣāṃ samādiśya gopaḥ kailāsaparvatam || 1646 ||
[Analyze grammar]

gata ityevamasmābhiḥ śrutaṃ pūrvaṃ mahāmate || 1647 ||
[Analyze grammar]

śaraṃ gṛhāṇa niśitaṃ yadi śaknoṣi matpuraḥ || 1648 ||
[Analyze grammar]

ityuktvā bāṇaṃ ādāya yoddhuṃ vyavasitaḥ kila || 1649 ||
[Analyze grammar]

vaiśaṃpāyana uvāca tataḥ kruddho mahārāja sātyakirvṛṣṇipuṃgavaḥ || 1650 ||
[Analyze grammar]

uvāca vacanaṃ rājanvāsudevaṃ smayanniva || 1651 ||
[Analyze grammar]

mā voca īdṛśaṃ vākyaṃ vāsudevaṃ nṛpādhama || 1652 ||
[Analyze grammar]

ko nāma jagatāṃ nāthamitthaṃ brūyājjijīviṣuḥ || 1653 ||
[Analyze grammar]

mṛtyustvāṃ sarvathā yāti vadantaṃ tādṛśaṃ vacaḥ || 1654 ||
[Analyze grammar]

jihvā te śatadhā dīryādvadatastādṛśaṃ vacaḥ || 1655 ||
[Analyze grammar]

eṣa te pātayiṣyāmi śiraḥ kāyācca pauṇḍraka || 1656 ||
[Analyze grammar]

yannāma vāsudeveti tava saṃprati vartate || 1657 ||
[Analyze grammar]

yāvatpatati kāyāttu śirastāvattu vartatām || 1658 ||
[Analyze grammar]

sa eva śvo hi bhagavānvāsudevo bhaviṣyati || 1659 ||
[Analyze grammar]

eka eva jagannāthaḥ kartā sarvasya sarvagaḥ || 1660 ||
[Analyze grammar]

durātman sarvathā devo bhaviṣyati na saṃśayaḥ || 1661 ||
[Analyze grammar]

eṣa te svaśiraḥ kāyātpātayiṣyāmi rājaka || 1662 ||
[Analyze grammar]

yadyasau bhagavānviṣṇurnāgamiṣyati sāṃpratam || 1663 ||
[Analyze grammar]

astraṃ vīryaṃ balaṃ caiva sarvaṃ darśaya sāṃpratam || 1664 ||
[Analyze grammar]

nātaḥ paraṃ balaṃ rājanvīryaṃ tava ca vartate || 1665 ||
[Analyze grammar]

sarvaṃ darśaya yatnena sthito'smi vyavasāyavān || 1666 ||
[Analyze grammar]

śarī cāpī gadī khaḍgī sarvathāhamupasthitaḥ || 1667 ||
[Analyze grammar]

neto nagaramāyāsi satyenaitadbravīmyaham || 1668 ||
[Analyze grammar]

sarvathā kṛtakṛtyo'smi dṛṣṭvā tvāṃ vāsudevaka || 1669 ||
[Analyze grammar]

tavāṅgaṃ tilaśaḥ kṛtvā śvabhyo dāsyāmi rājaka || 1670 ||
[Analyze grammar]

ityuktvā bāṇamādāya vāsudevaṃ mahābalam || 1671 ||
[Analyze grammar]

ākarṇapūrṇamākṛṣya vivyādha niśitaṃ śaram || 1672 ||
[Analyze grammar]

sa tena viddho yadunā vāsudevaḥ pratāpavān || 1673 ||
[Analyze grammar]

vamañchoṇitamatyuṣṇamaṅgānnetrānnṛpottama || 1674 ||
[Analyze grammar]

tataścukrodha sa nṛpo vāsudevaḥ pratāpavān || 1675 ||
[Analyze grammar]

navabhirdaśabhiścaiva śaraiḥ saṃnataparvabhiḥ || 1676 ||
[Analyze grammar]

vivyādha sātyakiṃ rājā nadaṃśca bahudhā kila || 1677 ||
[Analyze grammar]

tato nārācamādāya niśitaṃ yamasaṃnibham || 1678 ||
[Analyze grammar]

dhanurākṛṣya balavānvāsudevo nṛpottamaḥ || 1679 ||
[Analyze grammar]

vivyādha sātyakiṃ bhūyo niśi prahlādayan svakān || 1680 ||
[Analyze grammar]

nārācena samāviddhaḥ sātyakiḥ satyasaṃgaraḥ || 1681 ||
[Analyze grammar]

lalāṭe sudṛḍhaṃ vīro vṛṣṇīnāmagraṇīstadā || 1682 ||
[Analyze grammar]

niṣasāda rathopasthe niśceṣṭa iva sattama || 1683 ||
[Analyze grammar]

tatastattatkṣaṇenaiva gatamohaḥ pratāpavān || 1683 ||
[Analyze grammar]

saṃkruddhaḥ śinivīro'sau prahasannidamabravīt || 1683 ||
[Analyze grammar]

pātayiṣyāmi te vīryamityuktvā bāṇamādade || 1683 ||
[Analyze grammar]

tataḥ sa pauṇḍrako rājā vidhvā daśabhirāśugaiḥ || 1684 ||
[Analyze grammar]

sārathiṃ pañcaviṃśatyā hayāṃśca caturo dṛḍham || 1685 ||
[Analyze grammar]

te hayā rudhirāktāṅgāḥ sārathiśca samantataḥ || 1686 ||
[Analyze grammar]

vihvalāḥ samapadyanta vāsudevasya paśyataḥ || 1687 ||
[Analyze grammar]

vāsudevo rathī cāpī siṃhanādaṃ samādade || 1688 ||
[Analyze grammar]

tena nādena tatrābhūdvibuddhaḥ sātyakistadā || 1689 ||
[Analyze grammar]

viddhān hayāṃstathā dṛṣṭvā sārathiṃ ca tathāgatam || 1690 ||
[Analyze grammar]

śaineyo'tha mahāvīryo ruṣito nṛpasattama || 1691 ||
[Analyze grammar]

are drakṣyāmi te vīryamityuktvā bāṇamādade || 1692 ||
[Analyze grammar]

vivyādha tena bāṇena vakṣasyenaṃ mahābalam || 1693 ||
[Analyze grammar]

tataścacāla tenājau vāsudevaḥ śareṇa ha || 1694 ||
[Analyze grammar]

susruve rudhiraṃ ghoramatyuṣṇaṃ vakṣaso nṛpa || 1695 ||
[Analyze grammar]

rathopasthe papātāśu niḥśvasanbahuśo nṛpa || 1696 ||
[Analyze grammar]

kṛtyaṃ cāpi na jānāti kevalaṃ niṣasāda ha || 1697 ||
[Analyze grammar]

sātyakistu rathaṃ vidhvā daśabhiḥ sāyakaistadā || 1698 ||
[Analyze grammar]

dhvajaṃ ciccheda bhallena vāsudevasya vṛṣṇipaḥ || 1699 ||
[Analyze grammar]

hayāṃśca caturo hatvā bāṇaiḥ sārathimeva ca || 1700 ||
[Analyze grammar]

yuyudhāno'tha rājendra bhallena niśitena ha || 1701 ||
[Analyze grammar]

sāratheśca śiraḥ kāyādaharatsātyakistadā || 1702 ||
[Analyze grammar]

rathagranthiṃ ca ciccheda hayāśca vyasavo'bhavan || 1703 ||
[Analyze grammar]

aśvāṃśca caturo hatvā caturbhiḥ patribhistadā || 1704 ||
[Analyze grammar]

cakraṃ ca tilaśaḥ kṛtvā bāṇairdaśabhirañjasā || 1705 ||
[Analyze grammar]

jahāsa vipulaṃ rājanvāsudevo mahābalaḥ || 1706 ||
[Analyze grammar]

sātyakiśca tadā rājan rathādāplutya satvaram || 1707 ||
[Analyze grammar]

dhanurādāya vipulaṃ tasthau bhūmau yadūttamaḥ || 1708 ||
[Analyze grammar]

tato bhallena tīkṣṇena jyāṃ ca ciccheda satvaram || 1709 ||
[Analyze grammar]

nimeṣādiva vīrastu sātyakiḥ satyavikramaḥ || 1710 ||
[Analyze grammar]

dhanuściccheda bhallena sarvānvismāpayanniva || 1711 ||
[Analyze grammar]

tatastyaktvā mahācāpamanyadghoraṃ mahāmṛdhe || 1712 ||
[Analyze grammar]

anyatkārmukamādāya vivyādha niśitaiḥ śaraiḥ || 1713 ||
[Analyze grammar]

vāsudevo'pi niḥśvasya dhanurādāya satvaram || 1714 ||
[Analyze grammar]

śarāṃśca katicid rājan gadāṃ khaḍgaṃ ca yatnataḥ || 1715 ||
[Analyze grammar]

yāvadbalaṃ samādāya tato bhūmau vyatiṣṭhata || 1716 ||
[Analyze grammar]

bhūmiṣṭho vāsudevastu sātyakiṃ satyavikramam || 1717 ||
[Analyze grammar]

śarairanekasāhasraiḥ ardayāmāsa satvaram || 1718 ||
[Analyze grammar]

sātyakerdhvajavaṃśaṃ tu ciccheda raṇamūrdhani || 1719 ||
[Analyze grammar]

rathaṃ jaghāna niśitaiḥ śarairdaśabhirāśugaiḥ || 1720 ||
[Analyze grammar]

sātyakiḥ krūrakarmāṇamindro vṛtravadhe yathā || 1721 ||
[Analyze grammar]

tataśca yuyudhānastu vāsudevaṃ nṛpottama || 1722 ||
[Analyze grammar]

daśabhirdaśabhiścaiva pañcabhiḥ pañcabhistathā || 1723 ||
[Analyze grammar]

ṣaḍbhiḥ ṣaḍbhistathāṣṭābhirbibheda raṇamūrdhani || 1724 ||
[Analyze grammar]

yathā devāsure yuddhe baliṃ baliripurnṛpa || 1725 ||
[Analyze grammar]

sa ca cāpaṃ mahāghoraṃ pauṇḍro yaduvṛṣasya ha || 1726 ||
[Analyze grammar]

muṣṭideśe dvidhā kṛtvā bāṇairdaśabhirañjasā || 1727 ||
[Analyze grammar]

jahāsa vipulaṃ rājanvāsudevo mahābalaḥ || 1728 ||
[Analyze grammar]

tato'paraṃ mahaccāpaṃ sātyakirvṛṣṇipuṅgavaḥ || 1729 ||
[Analyze grammar]

sajyaṃ kṛtvā balī sākṣātsarvakṣatrasya paśyataḥ || 1730 ||
[Analyze grammar]

śaraiḥ saptatisāhasraiḥ ardayāmāsa satvaram || 1731 ||
[Analyze grammar]

te śarāḥ śalabhākārā nipetuḥ sarvatastadā || 1732 ||
[Analyze grammar]

śirastaḥ pārśvataścaiva pṛṣṭhataḥ puratastathā || 1733 ||
[Analyze grammar]

āsye caiva mahārāja jaṅghayorjaghane tathā || 1734 ||
[Analyze grammar]

vyathāṃ ca daduratyantaṃ vāsudevasya marmagāḥ || 1735 ||
[Analyze grammar]

saṃbhrāntaḥ parvatākāro niścalaḥ samapadyata || 1736 ||
[Analyze grammar]

kevalaṃ dhairyanicayastṛṣārtaḥ śaravānyathā || 1737 ||
[Analyze grammar]

yathā manasvī riktaśca tathā tiṣṭhati pauṇḍrakaḥ || 1738 ||
[Analyze grammar]

tataścukrodha balavānvāsudevaḥ pratāpavān || 1739 ||
[Analyze grammar]

ardhacandraṃ samādāya vivyādha yudhi sātyakim || 1740 ||
[Analyze grammar]

vidhvā saptabhirāyāntaṃ krodhena prasphuranniva || 1741 ||
[Analyze grammar]

viddho'tha sātyakistena śaraiḥ pañcabhirāśugaiḥ || 1742 ||
[Analyze grammar]

cāpaṃ ciccheda pauṇḍrasya siṃhanādaṃ vyanīnadat || 1743 ||
[Analyze grammar]

vāsudevo gadāṃ gṛhya bhrāmayitvā padātpadam || 1744 ||
[Analyze grammar]

tvaritaṃ pātayāmāsa sātyakervakṣasi prabho || 1745 ||
[Analyze grammar]

savyena tāṃ samākṛṣya kareṇa yadunandanaḥ || 1746 ||
[Analyze grammar]

śaraṃ pragṛhya vivyādha sātyakiryudhi pauṇḍrakam || 1747 ||
[Analyze grammar]

tamantare gṛhītvāśu vāsudevaḥ pratāpavān || 1748 ||
[Analyze grammar]

śaktibhirdaśabhiścaiva sātyakiṃ nijaghāna ha || 1749 ||
[Analyze grammar]

tābhirviddho raṇe vīraḥ sātyakiḥ satyasaṃgaraḥ || 1750 ||
[Analyze grammar]

vāsudevaṃ jagannāthaṃ nyahanatsatyasaṃgaraḥ || 1750 ||
[Analyze grammar]

apāsya dhanuratnaṃ tadgadāmādāya satvaram || 1751 ||
[Analyze grammar]

ājaghāna tadā vīro vṛṣṇīnāmagraṇīrnṛpa || 1752 ||
[Analyze grammar]

vaiśaṃpāyana uvāca tataḥ kruddho gadāpāṇiḥ sātyakirvṛṣṇinandanaḥ || 1753 ||
[Analyze grammar]

vāsudevaṃ jaghānāśu gadayā tīkṣṇayā nṛpa || 1754 ||
[Analyze grammar]

sātyakiṃ vāsudevastu gadayābhyahanadbalī || 1755 ||
[Analyze grammar]

tāv udyatagadau vīrau śuśubhāte tadā raṇe || 1756 ||
[Analyze grammar]

dṛptau yathā vane siṃhau parasparavadhaiṣiṇau || 1757 ||
[Analyze grammar]

tataḥ sa sātyakiḥ kruddhaḥ savyaṃ maṇḍalamāgamat || 1758 ||
[Analyze grammar]

jaghnatustau tadā yuddhe gadābhyāṃ gadinau nṛpa || 1759 ||
[Analyze grammar]

stanayoḥ pārśvayoḥ pṛṣṭhe tāḍitau gadadhāriṇau || 1760 ||
[Analyze grammar]

ubhau tau rudhirāktāṅgau puṣpitāviva kiṃśukau || 1761 ||
[Analyze grammar]

siṃhanādaṃ prakurvantau prāvṛṣīva mahāghanau || 1762 ||
[Analyze grammar]

tiṣṭha tiṣṭheti bhāṣantau parasparavadhaiṣiṇau || 1763 ||
[Analyze grammar]

dakṣiṇaṃ vāsudevastu taṃ jaghāna stanāntare || 1764 ||
[Analyze grammar]

yuyudhāno'tha vīrastu bāhvormadhyamatāḍayat || 1765 ||
[Analyze grammar]

dṛḍhaṃ sa tāḍito vīro jānubhyāmapatadbhuvi || 1766 ||
[Analyze grammar]

tata utthāya bhūyastu lalāṭe'bhyahanad yadum || 1767 ||
[Analyze grammar]

viṣaṇṇaḥ kiṃcidāyastastata utthāya satvaram || 1768 ||
[Analyze grammar]

gadayābhyahanadvīraḥ sātyakiḥ pauṇḍrasattamam || 1769 ||
[Analyze grammar]

vāsudevo balī vīraḥ sākṣānmṛtyurivāparaḥ || 1770 ||
[Analyze grammar]

jaghāna gadayā vṛṣṇiṃ nirdahanniva cakṣuṣā || 1771 ||
[Analyze grammar]

sa tayā tāḍito vṛṣṇirgadayā bāhumuktayā || 1772 ||
[Analyze grammar]

ālambya bhūmiṃ sahasā mṛtyoraṅkagato yathā || 1773 ||
[Analyze grammar]

saṃjñāṃ punaḥ samālambya pāṇibhyāṃ dṛḍhameva ca || 1774 ||
[Analyze grammar]

gadāṃ tasya mahārāja gṛhītvā pragraheṇa ha || 1775 ||
[Analyze grammar]

dvidhā kṛtvā mahāgurvīṃ gadāṃ kālāyasīṃ śubhām || 1776 ||
[Analyze grammar]

utsṛjya sahasā vīraḥ siṃhanādaṃ vyanīnadat || 1777 ||
[Analyze grammar]

tata utplutya rājā tu vāsudevo mahābalaḥ || 1778 ||
[Analyze grammar]

savyena sātyakiṃ gṛhya dakṣiṇena kareṇa ha || 1779 ||
[Analyze grammar]

muṣṭiṃ kṛtvā mahāghorāṃ vāsudevaḥ pratāpavān || 1780 ||
[Analyze grammar]

tāḍayāmāsa madhye tu stanayoḥ sātyakiṃ nṛpa || 1781 ||
[Analyze grammar]

śaineyo vṛṣṇivīrastu gadāmutsṛjya satvaram || 1782 ||
[Analyze grammar]

talenābhyahanadvīro vāsudevaṃ raṇājire || 1783 ||
[Analyze grammar]

talena vāsudevo'pi sātyakiṃ satyasaṃgaram || 1784 ||
[Analyze grammar]

tayorevaṃ mahāghoraṃ talayuddhamavartata || 1785 ||
[Analyze grammar]

jānubhyāṃ muṣṭibhiścaiva bāhubhyāṃ śirasā tathā || 1786 ||
[Analyze grammar]

urasoraḥ samāhatya jānubhyāṃ śirasā tathā || 1787 ||
[Analyze grammar]

karābhyāṃ karamāhatya tau yuddhaṃ saṃpracakratuḥ || 1788 ||
[Analyze grammar]

tālayostatra rājendra vṛkṣayoḥ saṃnikṛṣṭayoḥ || 1789 ||
[Analyze grammar]

vane yathāgnirutpannastathaivāsītsudāruṇaḥ || 1790 ||
[Analyze grammar]

tāvājau prathitau vīrāv ubhau pauṇḍrakasātyakī || 1791 ||
[Analyze grammar]

niśi stimitamūkāyāṃ śastraṃ tyaktvā mahābalau || 1792 ||
[Analyze grammar]

yuyudhāte mahāraṅge mallau dvāviva viśrutau || 1793 ||
[Analyze grammar]

ubhe sene mahārāja saṃśayaṃ jagmatustadā || 1794 ||
[Analyze grammar]

kiṃ nu syātsātyakirvīro hato'nena durātmanā || 1795 ||
[Analyze grammar]

āhosvidvāsudevastu hato'nena bhaviṣyati || 1796 ||
[Analyze grammar]

atha vaitau mahāvīrau parasparavadhaiṣiṇau || 1797 ||
[Analyze grammar]

hatvā parasparaṃ vīrau vīrasvargaṃ gamiṣyataḥ || 1798 ||
[Analyze grammar]

anyathā noparamyetāṃ yuddhādvīrau suviśrutau || 1799 ||
[Analyze grammar]

aho vīryamaho dhairyametayorbalaśālinoḥ || 1800 ||
[Analyze grammar]

etau mahābhaṭau loke naitau prākṛtasaṃmatau || 1801 ||
[Analyze grammar]

naivaṃ yuddhaṃ mahāghoramāsīddevāsureṣvapi || 1802 ||
[Analyze grammar]

na śruto na ca vā dṛṣṭaḥ saṃgrāmo'yaṃ kadācana || 1803 ||
[Analyze grammar]

evaṃ te sainikā brūyuḥ senayorubhayorapi || 1804 ||
[Analyze grammar]

rātrau niśātame ghore dṛṣṭvā yuddhaṃ sudāruṇam || 1805 ||
[Analyze grammar]

atha tau bāhubhirghoraiḥ saṃnipetaturojasā || 1806 ||
[Analyze grammar]

daśabhirmuṣṭibhirjaghne sātyakiḥ pauṇḍranandanam || 1807 ||
[Analyze grammar]

pañcabhiḥ sātyakiṃ pauṇḍraḥ samājaghne mahābalaḥ || 1808 ||
[Analyze grammar]

tayoścaṭacaṭāśabdo brahmāṇḍakṣobhaṇo mahān || 1809 ||
[Analyze grammar]

prādurāsīttu sarvatra sarvānvismāpayanniva || 1810 ||
[Analyze grammar]

vaiśaṃpāyana uvāca etasminnantare kruddha ekalavyo niṣādapaḥ || 1811 ||
[Analyze grammar]

balabhadramabhiprekṣya dhanurādāya satvaram || 1812 ||
[Analyze grammar]

āruhya sa rathaṃ vīro yayau yatra halī sthitaḥ || 1813 ||
[Analyze grammar]

dṛṣṭvāyāntaṃ niṣādeśamekalavyaṃ halī tadā || 1814 ||
[Analyze grammar]

rathī gadī śarī bhūtvā tasthau tasyāgrato balī || 1815 ||
[Analyze grammar]

baladevaṃ ca viṃśatyā jaghāna śaramālayā || 1816 ||
[Analyze grammar]

rathaṃ daśabhirāhatya sūtaṃ daśabhirāśugaiḥ || 1817 ||
[Analyze grammar]

siṃhanādaṃ prakurvāṇo daśabhistvatha sīriṇam || 1818 ||
[Analyze grammar]

dhanurjyāṃ daśabhiśchittvā siṃhanādaṃ vyanīnadat || 1819 ||
[Analyze grammar]

sajyaṃ ca kārmukaṃ kṛtvā baladevo niṣādapam || 1820 ||
[Analyze grammar]

nārācairdaśabhirvidhvā bāṇaiśca daśabhiḥ śitaiḥ || 1821 ||
[Analyze grammar]

ciccheda dhanurardhaṃ tatsarvakṣatrasya paśyataḥ || 1822 ||
[Analyze grammar]

sūtaṃ daśabhirāhatya rathaṃ triṃśadbhireva ca || 1823 ||
[Analyze grammar]

dhvajaṃ ciccheda bhallena niṣādasya jagatpate || 1824 ||
[Analyze grammar]

tato'paraṃ mahaccāpaṃ niṣādo vīryavattamaḥ || 1825 ||
[Analyze grammar]

dṛḍhamaurvīsamāyuktaṃ daśatālapramāṇataḥ || 1826 ||
[Analyze grammar]

kāmapālaṃ śareṇāśu jaghāna stanadeśataḥ || 1827 ||
[Analyze grammar]

baladevo mahāvīryaḥ śeṣaḥ sarpa iva śvasan || 1828 ||
[Analyze grammar]

daśabhistaddhanurdivyaṃ śaraiḥ sarvasahairbalī || 1829 ||
[Analyze grammar]

ciccheda muṣṭideśe tu mādhavo mādhavāgrajaḥ || 1830 ||
[Analyze grammar]

ekalavyo niṣādeśaḥ khaḍgamādāya satvaram || 1831 ||
[Analyze grammar]

prāhiṇodbaladevāya niśitaṃ ghoravigraham || 1832 ||
[Analyze grammar]

tamantare yaduvṛṣo vṛṣṇivīraḥ pratāpavān || 1833 ||
[Analyze grammar]

tilaśaḥ pañcabhirbāṇaiścakāra yadunandanaḥ || 1834 ||
[Analyze grammar]

tato'paraṃ mahākhaḍgaṃ sarvakālāyasaṃ śubham || 1835 ||
[Analyze grammar]

prāhiṇotsāratheḥ kāyamālokyātha niṣādapaḥ || 1836 ||
[Analyze grammar]

taṃ cāpi daśabhirvīro mādhavo yadupuṃgavaḥ || 1837 ||
[Analyze grammar]

bāṇairnimeṣamātreṇa nirbibheda mahāraṇe || 1838 ||
[Analyze grammar]

tataḥ śaktiṃ samādāya ghaṇṭāmālākulāṃ nṛpa || 1839 ||
[Analyze grammar]

niṣādo baladevāya preṣayitvā mahābalaḥ || 1840 ||
[Analyze grammar]

siṃhanādaṃ mahāghoraṃ akarotsa niṣādarāṭ || 1841 ||
[Analyze grammar]

sā śaktiḥ sarvakalyāṇī baladevamupāgamat || 1842 ||
[Analyze grammar]

utplutya tāṃ mahāghorāṃ balabhadraḥ pratāpavān || 1843 ||
[Analyze grammar]

ādāyātha niṣādeśaṃ sarvānvismāpayanniva || 1844 ||
[Analyze grammar]

tayaiva taṃ jaghānāśu vakṣodeśe sa mādhavaḥ || 1845 ||
[Analyze grammar]

sa tayā tāḍito vīraḥ svaśaktyātha niṣādapaḥ || 1846 ||
[Analyze grammar]

vihvalaḥ sarvagātreṣu nipapāta mahītale || 1847 ||
[Analyze grammar]

prāṇasaṃśayamāpanno niṣādo rāmatāḍitaḥ || 1848 ||
[Analyze grammar]

niṣādāstasya rājendra śataśo'tha sahasraśaḥ || 1849 ||
[Analyze grammar]

aṣṭāśītisahasrāṇi niṣādāḥ śastrayodhinaḥ || 1850 ||
[Analyze grammar]

gadinaḥ sādinaścaiva maheṣvāsā mahābalāḥ || 1851 ||
[Analyze grammar]

śarairanekasāhasraiḥ śaktibhiśca paraśvadhaiḥ || 1852 ||
[Analyze grammar]

gadābhiḥ paṭṭasaiḥ śūlaiḥ parighaiḥ prāsatomaraiḥ || 1853 ||
[Analyze grammar]

kuntairatha kuṭhāraiśca vyadravan rāmamojasā || 1854 ||
[Analyze grammar]

śalabhā iva rājendra dīpyamānaṃ hutāśanam || 1855 ||
[Analyze grammar]

te śaraiḥ pātayāṃ cakrū rāmaṃ rāmamivāparam || 1856 ||
[Analyze grammar]

kecitkuṭhārairājaghnuḥ kecitkuntaiḥ paraśvadhaiḥ || 1857 ||
[Analyze grammar]

gadābhiḥ kecidāyānti śaktibhiśca tathāpare || 1858 ||
[Analyze grammar]

nijaghnuḥ sahasā rāmaṃ sphurantaṃ pāvakaṃ yathā || 1859 ||
[Analyze grammar]

tataḥ kruddho halī sākṣāddhalamudyamya satvaram || 1860 ||
[Analyze grammar]

sarvāṃstān karṣayāmāsa musalena vyapothayat || 1861 ||
[Analyze grammar]

te hanyamānā rāmeṇa niṣādāḥ parvatāśrayāḥ || 1862 ||
[Analyze grammar]

nipeturdharaṇīpṛṣṭhe śataśo'tha sahasraśaḥ || 1863 ||
[Analyze grammar]

kṣaṇena tānmahārāja hatvā sarvānmahābalān || 1864 ||
[Analyze grammar]

siṃhavadvinadaṃstatra tasthau rāmo mahābalaḥ || 1865 ||
[Analyze grammar]

tato rātrau mahāghorāḥ piśācāḥ piśitāśanāḥ || 1866 ||
[Analyze grammar]

ākṛṣya māṃsayūthāni bhakṣayantaḥ samāsate || 1867 ||
[Analyze grammar]

pibantaḥ śoṇitaṃ koṣṇaṃ saṃkṛṣya ca śavaṃ bahu || 1868 ||
[Analyze grammar]

vaiśaṃpāyana uvāca kravyādāḥ sarva evāśu bhakṣayantastadā śavam || 1869 ||
[Analyze grammar]

hasanto vividhaṃ ghoraṃ nādayanto vasuṃdharām || 1870 ||
[Analyze grammar]

rākṣasāḥ piśitāśāśca pibanto rudhiraṃ bahu || 1871 ||
[Analyze grammar]

āśiṣaṃ yuñjate rājañchavasya piśitāśanāḥ || 1872 ||
[Analyze grammar]

nṛtyanti sma tadā rājannagaryāṃ raṇatoṣiṇaḥ || 1873 ||
[Analyze grammar]

kākā baḷāśca gṛdhrāśca śyenā gomāyukāstathā || 1874 ||
[Analyze grammar]

bhakṣayantaḥ pradhāvantastataścetaśca dāruṇam || 1875 ||
[Analyze grammar]

etasminnantare vīro niṣādo labdhasaṃjñakaḥ || 1876 ||
[Analyze grammar]

hatān sarvān samālokya niṣādānatha sīriṇā || 1877 ||
[Analyze grammar]

gadāmādāya kupito rāmameva jagāma ha || 1878 ||
[Analyze grammar]

jaghāna gadayā rājañjatrudeśe niṣādapaḥ || 1879 ||
[Analyze grammar]

tato rāmo gadī rājanniṣādaṃ bāhuśālinam || 1880 ||
[Analyze grammar]

ājaghne gadayā krūraṃ madamatto halāyudhaḥ || 1881 ||
[Analyze grammar]

tayośca tumulaṃ yuddhaṃ gadābhyāṃ samavartata || 1882 ||
[Analyze grammar]

ākāśe śabda āsīttu tayoryuddhe mahāravaḥ || 1883 ||
[Analyze grammar]

samudrāṇāṃ yathā ghoṣaḥ sarveṣāṃ saṃnigacchatām || 1884 ||
[Analyze grammar]

kalpakṣaye mahārāja śabdaḥ sa tumulo'bhavat || 1885 ||
[Analyze grammar]

kṣubhito nāgalokaśca nāgāḥ kṣobhaṃ samāyayuḥ || 1886 ||
[Analyze grammar]

pṛthivī cāntarikṣaṃ ca sarvaṃ śabdamayaṃ babhau || 1887 ||
[Analyze grammar]

tataḥ sa pauṇḍrako rājā sātyakiṃ vṛṣṇinandanam || 1888 ||
[Analyze grammar]

gadayaiva jaghānāśu satvaraṃ raṇakovidaḥ || 1889 ||
[Analyze grammar]

yuyudhāno balī rājanvāsudevaṃ jaghāna ha || 1890 ||
[Analyze grammar]

tayośca tumulaḥ śabdaḥ prādurāsīnmahāraṇe || 1891 ||
[Analyze grammar]

caturṇāṃ yudhyatāṃ rājanparasparavadhaiṣiṇām || 1892 ||
[Analyze grammar]

brahmāṇḍakṣobhaṇo rājañchabda āsītsubhairavaḥ || 1893 ||
[Analyze grammar]

tato rajaḥ prādurabhūttasmin saṃgrāmamūrdhani || 1894 ||
[Analyze grammar]

tārakā niṣprabhā āsaṃstamasyevaṃ kṣayaṃ gate || 1895 ||
[Analyze grammar]

uṣasi pratibuddhāyāṃ tamo niḥśeṣatāṃ yayau || 1896 ||
[Analyze grammar]

udito bhagavān sūryaścandraśca kṣayamāyayau || 1897 ||
[Analyze grammar]

tato yuddhaṃ prādurabhūccaturṇāṃ bāhuśālinām || 1898 ||
[Analyze grammar]

devāsurasamaṃ rājannudite bhāskare mahat || 1899 ||
[Analyze grammar]

vaiśaṃpāyana uvāca tataḥ prabhāte vimale bhagavāndevakīsutaḥ || 1900 ||
[Analyze grammar]

gantumaicchajjagannāthaḥ purīṃ badarikāśramāt || 1901 ||
[Analyze grammar]

namaskṛtya munīn sarvānyayau dvāravatīṃ prabhuḥ || 1902 ||
[Analyze grammar]

āruhya garuḍaṃ viṣṇurvegena mahatā prabhuḥ || 1903 ||
[Analyze grammar]

sumahāñchuśruve śabdasteṣāṃ yuddhaṃ prakurvatām || 1904 ||
[Analyze grammar]

gacchatā devadevena purīṃ dvāravatīṃ nṛpa || 1905 ||
[Analyze grammar]

acintayajjagannāthaḥ ko nvayaṃ śabda utthitaḥ || 1906 ||
[Analyze grammar]

saṃgrāmasaṃbhavo ghora āryaśaineyasaṃyutaḥ || 1907 ||
[Analyze grammar]

vyaktamāgatavānpauṇḍro nagarīṃ dvārakāmanu || 1908 ||
[Analyze grammar]

tena yuddhaṃ samabhavatpauṇḍrakeṇa durātmanā || 1909 ||
[Analyze grammar]

yadūnāṃ vṛṣṇivīrāṇāṃ yudhyatāmitaretaram || 1910 ||
[Analyze grammar]

śabdo'yaṃ sumahānvṛtto nātra kāryā vicāraṇā || 1911 ||
[Analyze grammar]

ityevaṃ cintayitvā tu dadhmau śaṅkhaṃ mahāravam || 1912 ||
[Analyze grammar]

pāñcajanyaṃ hariḥ sākṣātprīṇayanvṛṣṇipuṃgavān || 1913 ||
[Analyze grammar]

rodasī pūrayāmāsa tena śabdena keśavaḥ || 1914 ||
[Analyze grammar]

yādavā vṛṣṇayaścaiva śrutvā śaṅkhasya taṃ ravam || 1915 ||
[Analyze grammar]

vyaktamāyāti bhagavānpāñcajanyaravo hyayam || 1916 ||
[Analyze grammar]

iti te menire rājanvṛṣṇayo yādavāstathā || 1917 ||
[Analyze grammar]

nirbhayāḥ samapadyanta vṛṣṇayo yādavā nṛpa || 1918 ||
[Analyze grammar]

tasminneva kṣaṇe dṛṣṭastārkṣyaśca patatāṃ varaḥ || 1919 ||
[Analyze grammar]

tataśca devakīsūnurdṛṣṭastairyādaveśvaraiḥ || 1920 ||
[Analyze grammar]

sūtāśca māgadhāścaiva puro yānti jagatpateḥ || 1921 ||
[Analyze grammar]

stutyā stotuṃ hariṃ viṣṇumīśvaraṃ kamalekṣaṇam || 1922 ||
[Analyze grammar]

tataśca yādavāḥ sarve parivavrurjanārdanam || 1923 ||
[Analyze grammar]

kṛṣṇastu garuḍaṃ bhūyo gaccha tvaṃ merumuttamam || 1924 ||
[Analyze grammar]

ityuktvā garuḍaṃ viṣṇurvisṛjya yadupuṃgavaḥ || 1925 ||
[Analyze grammar]

dārukaṃ punarāhedaṃ rathamānaya me prabho || 1926 ||
[Analyze grammar]

sa tatheti pratijñāya rathamānīya satvaram || 1927 ||
[Analyze grammar]

ratho'yaṃ bhagavandeva kimataḥ kṛtyamasti me || 1928 ||
[Analyze grammar]

ityuktvā rathamādāya praṇamyāgre sthito hareḥ || 1929 ||
[Analyze grammar]

gate'tha garuḍe viṣṇū rathamāruhya satvaram || 1930 ||
[Analyze grammar]

yatra yuddhaṃ samabhavattatra yāti sma keśavaḥ || 1931 ||
[Analyze grammar]

tatra gatvā mahāraṅge yudhyatāṃ ca mahātmanām || 1932 ||
[Analyze grammar]

pāñcajanyaṃ mahāśaṅkhaṃ dadhmau yaduvṛṣottamaḥ || 1933 ||
[Analyze grammar]

pauṇḍro'tha vāsudevastu kṛṣṇaṃ dṛṣṭvā raṇotsukam || 1934 ||
[Analyze grammar]

sātyakiṃ pṛṣṭhataḥ kṛtvā vāsudevamupāgamat || 1935 ||
[Analyze grammar]

kruddho'tha sātyakī rājanvārayāmāsa pauṇḍrakam || 1936 ||
[Analyze grammar]

na gantavyamito rājanneṣa dharmaḥ sanātanaḥ || 1937 ||
[Analyze grammar]

jitvā māṃ gaccha rājendra paraṃ yoddhuṃ mahāraṇe || 1938 ||
[Analyze grammar]

kṣatriyo'si mahāvīra sthite mayi raṇotsuke || 1939 ||
[Analyze grammar]

eṣa te garvamakhilaṃ nāśayiṣyāmi saṃyuge || 1940 ||
[Analyze grammar]

ityuktvā cāgratastasthau gacchato yādaveśvaraḥ || 1941 ||
[Analyze grammar]

pauṇḍrasya śininaptā tu paśyataḥ keśavasya ha || 1942 ||
[Analyze grammar]

avajñāya śineḥ pautraṃ kṛṣṇameva jagāma ha || 1943 ||
[Analyze grammar]

nirbhartsya sahasā bhūyaḥ sātyakiḥ krodhamūrchitaḥ || 1944 ||
[Analyze grammar]

gadayā prāharatpauṇḍraṃ vāsudevasya paśyataḥ || 1945 ||
[Analyze grammar]

yathāśakti yathāyogaṃ sātyakiḥ satyavikramaḥ || 1946 ||
[Analyze grammar]

dṛṣṭvātha bhagavānevaṃ sātyakiṃ praśaśaṃsa ha || 1947 ||
[Analyze grammar]

nivārya sātyakiṃ kṛṣṇo yatheṣṭaṃ kriyatāmasau || 1948 ||
[Analyze grammar]

upāramad yathāyogaṃ sātyakiḥ kṛṣṇavāritaḥ || 1949 ||
[Analyze grammar]

tataḥ sa pauṇḍrako rājā vāsudevamuvāca ha || 1950 ||
[Analyze grammar]

bho bho yādavagopāla idānīṃ kva gato bhavān || 1951 ||
[Analyze grammar]

tvāṃ draṣṭumadya saṃprāpto vāsudevo'smi sāṃpratam || 1952 ||
[Analyze grammar]

hatvā tvāṃ sabalaṃ kṛṣṇa balairbahubhiranvitaḥ || 1953 ||
[Analyze grammar]

gate'tha yamalokaṃ tu tvayi keśava bandhubhiḥ || 1954 ||
[Analyze grammar]

ahameko bhaviṣyāmi vāsudevo jagatpatiḥ || 1955 ||
[Analyze grammar]

yaccakraṃ tava govinda prathitaṃ suprabhaṃ mahat || 1956 ||
[Analyze grammar]

anena mama cakreṇa pāṭito'smi ca tad raṇe || 1957 ||
[Analyze grammar]

cakramastīti yadvīryaṃ tava mādhava sāṃpratam || 1958 ||
[Analyze grammar]

nāśayiṣyāmi tatsarvaṃ sarvakṣatrasya paśyataḥ || 1959 ||
[Analyze grammar]

śārṅgīti māṃ vijānīhi na tvaṃ śārṅgīti śabdyase || 1960 ||
[Analyze grammar]

śaṅkhī cāhaṃ gadī cāhaṃ cakrīti ca janārdana || 1961 ||
[Analyze grammar]

māmeva hi sadā brūyū rājāno vīryaśālinaḥ || 1962 ||
[Analyze grammar]

ādau tvaṃ ballavairvṛddho hatvā strībālakānbahūn || 1963 ||
[Analyze grammar]

gāśca hatvā mahāgarvastava saṃprati vartate || 1964 ||
[Analyze grammar]

tatte'haṃ vyapaneṣyāmi yadi tiṣṭhasi matpuraḥ || 1965 ||
[Analyze grammar]

śastraṃ gṛhāṇa govinda yadi yoddhuṃ vyavasthitaḥ || 1966 ||
[Analyze grammar]

ityuktvā bāṇamādāya tasthau pārśve jagatpateḥ || 1967 ||
[Analyze grammar]

etadvacanamākarṇya vāsudevasya bhāṣitam || 1968 ||
[Analyze grammar]

smitaṃ kṛtvā hariḥ kṛṣṇo babhāṣe pauṇḍrakaṃ nṛpam || 1969 ||
[Analyze grammar]

kāmaṃ vada nṛpa tvaṃ hi pātakyasmi sadā nṛpa || 1970 ||
[Analyze grammar]

goghātī bālaghātī ca strīhantā sarvathā nṛpa || 1971 ||
[Analyze grammar]

cakrī bhava gadī rājañchārṅgī ca satataṃ bhava || 1972 ||
[Analyze grammar]

nāmāsīd yadvṛthā mahyaṃ vāsudeveti ca prabho || 1973 ||
[Analyze grammar]

śārṅgī cakrī gadī śaṅkhītyevamādi vṛthā mama || 1974 ||
[Analyze grammar]

kiṃ tu vakṣyāmi kiṃcittu śṛṇuṣva yadi manyase || 1975 ||
[Analyze grammar]

kṣatriyā balino ye tu sthite mayi jagatpatau || 1976 ||
[Analyze grammar]

tathā nu bruvate tvāṃ hi jīvatyeva mayi prabho || 1977 ||
[Analyze grammar]

yatte cakraṃ mahāghoraṃ sarvakālāyasaṃ mahat || 1978 ||
[Analyze grammar]

tattulyaṃ mama cakrasya vṛttato na tu vīryataḥ || 1979 ||
[Analyze grammar]

āyudheṣvatha sarvatra śabdasādṛśyamasti te || 1980 ||
[Analyze grammar]

gopo'haṃ sarvadā rājanprāṇināṃ prāṇadaḥ sadā || 1981 ||
[Analyze grammar]

goptā sarveṣu lokeṣu śāstā duṣṭasya sarvaśaḥ || 1982 ||
[Analyze grammar]

katthanaṃ sarvadā kāryaṃ jitvā śatrūn raṇe nṛpa || 1983 ||
[Analyze grammar]

ajitvā kiṃ bhavānbrūte sthite mayi ca śastriṇi || 1984 ||
[Analyze grammar]

hatvā māṃ brūhi rājendra yadi śaknoṣi pauṇḍraka || 1985 ||
[Analyze grammar]

sthito'haṃ cakramāśritya rathī cāpī gadāsimān || 1986 ||
[Analyze grammar]

rathamāruhya yuddhāya saṃnaddho bhava mānada || 1987 ||
[Analyze grammar]

ityuktvā bhagavānviṣṇuḥ siṃhanādaṃ vyanīnadat || 1988 ||
[Analyze grammar]

vaiśaṃpāyana uvāca tataḥ śaraṃ samādāya vāsudevaḥ pratāpavān || 1989 ||
[Analyze grammar]

pauṇḍraṃ jaghāna sahasā niśitena śareṇa ha || 1990 ||
[Analyze grammar]

pauṇḍro'tha vāsudevastu śarairdaśabhirāśugaiḥ || 1991 ||
[Analyze grammar]

vāsudevaṃ jaghānāśu vārṣṇeyaṃ vṛṣṇinandanam || 1992 ||
[Analyze grammar]

dārukaṃ pañcaviṃśatyā hayāndaśabhireva ca || 1993 ||
[Analyze grammar]

saptatyā vāsudevaṃ tu yādavaṃ vāsudevakaḥ || 1994 ||
[Analyze grammar]

tataḥ prahasya suciraṃ keśavaḥ keśisūdanaḥ || 1995 ||
[Analyze grammar]

dhṛṣṭo'sītīha manasā saṃpūjya yadunandanaḥ || 1996 ||
[Analyze grammar]

ākṛṣṛa śārṅgaṃ balavān saṃdhāya ripumardanaḥ || 1997 ||
[Analyze grammar]

nārācena sutīkṣṇena dhvajaṃ ciccheda keśavaḥ || 1998 ||
[Analyze grammar]

sāratheśca śiraḥ kāyādāhṛtya yadupuṃgavaḥ || 1999 ||
[Analyze grammar]

aśvāṃśca caturo hatvā caturbhiḥ sāyakottamaiḥ || 2000 ||
[Analyze grammar]

ratharajjūḥ samāhatya tathobhau pārṣṇisārathī || 2001 ||
[Analyze grammar]

cakraṃ ca tilaśaḥ kṛtvā hasan kiṃcidavasthitaḥ || 2002 ||
[Analyze grammar]

pauṇḍrako vāsudevastu rathādāplutya satvaram || 2003 ||
[Analyze grammar]

ādāya niśitaṃ khaḍgaṃ prāhiṇotkeśavāya ha || 2004 ||
[Analyze grammar]

sa khaḍgaṃ śatadhā kṛtvā śarairdaśabhireva ca || 2005 ||
[Analyze grammar]

bālavatkeśavo'tiṣṭhannimīlya nayane hariḥ || 2006 ||
[Analyze grammar]

tataḥ śaktiṃ samādāya niśitāṃ ghoravigrahām || 2007 ||
[Analyze grammar]

prāhiṇodvṛṣṇivīrāya siṃhanādaṃ samādade || 2008 ||
[Analyze grammar]

tāṃ cāpi tilaśaḥ kṛtvā tūṣṇīmāsītsa keśavaḥ || 2009 ||
[Analyze grammar]

tato'paraṃ mahāghoraṃ parighaṃ kālasaṃnibham || 2010 ||
[Analyze grammar]

gṛhītvā vāsudevāya vāsudevaḥ pratāpavān || 2011 ||
[Analyze grammar]

prāhiṇodvṛṣṇivīrāya sarvakṣatrasya paśyataḥ || 2012 ||
[Analyze grammar]

taddvidhā jagatāṃ nāthaścakāra yadunandanaḥ || 2013 ||
[Analyze grammar]

tataścakraṃ mahāghoraṃ sahasrāraṃ mahāprabham || 2014 ||
[Analyze grammar]

triṃśadbhārasamāyuktamayasā nirmitaṃ mahat || 2015 ||
[Analyze grammar]

ādāyātha mahārāja keśavaṃ vākyamabravīt || 2016 ||
[Analyze grammar]

paśyedaṃ niśitaṃ ghoraṃ tava cakravināśanam || 2017 ||
[Analyze grammar]

anena tava govinda darpaṃ darpavatāṃ vara || 2018 ||
[Analyze grammar]

apaneṣyāmi vārṣṇeya sarvakṣatrasya paśyataḥ || 2019 ||
[Analyze grammar]

tvāmuddiśya mahāghoraṃ kṛtaṃ mama durāsadam || 2020 ||
[Analyze grammar]

yadi śakto hare kṛṣṇa dārayainaṃ mahāspadam || 2021 ||
[Analyze grammar]

ityuktvā tacchataguṇaṃ bhrāmayitvā mahābalaḥ || 2022 ||
[Analyze grammar]

cikṣepātha mahāvīryaḥ pauṇḍrako nṛpasattama || 2023 ||
[Analyze grammar]

harimuddiśya sahasā vinadadbhairavaṃ ravam || 2024 ||
[Analyze grammar]

tataḥ prahasya bhagavānāpatantaṃ mahāyudham || 2025 ||
[Analyze grammar]

gṛhītvā balavadghoraṃ tenaiva prāhiṇoddhariḥ || 2026 ||
[Analyze grammar]

dṛṣṭvā taṃ mahadāyāntaṃ pauṇḍrako nṛpasattamaḥ || 2027 ||
[Analyze grammar]

avaplutya tato deśāttadutsṛjya mahābalaḥ || 2028 ||
[Analyze grammar]

siṃhanādaṃ mahāghoraṃ vyanadadvīryavāṃstadā || 2029 ||
[Analyze grammar]

tato vismayamāpanno bhagavāndevakīsutaḥ || 2030 ||
[Analyze grammar]

aho vīryamaho dhairyamasya pauṇḍrasya duḥsaham || 2031 ||
[Analyze grammar]

iti matvā jagannāthaḥ sthita eva rathottame || 2032 ||
[Analyze grammar]

tataḥ śilāḥ samādāya preṣayāmāsa keśave || 2033 ||
[Analyze grammar]

tāḥ śilāḥ praṣayāmāsa tasmai yādavanandanaḥ || 2034 ||
[Analyze grammar]

pauṇḍreṇa suciraṃ kālaṃ vikrīḍya bhagavān hariḥ || 2035 ||
[Analyze grammar]

tataścakraṃ samādāya niśitaṃ raktabhojanam || 2036 ||
[Analyze grammar]

daityamāṃsapradigdhāṅgaṃ nārīgarbhavimocanam || 2037 ||
[Analyze grammar]

śātakumbhanibhaṃ ghoraṃ daityadānavanāśanam || 2038 ||
[Analyze grammar]

sahasrāraṃ śatāratnimadbhutaṃ daityabhīṣaṇam || 2039 ||
[Analyze grammar]

vaiṣṇavaṃ paramaṃ cakraṃ nityaṃ suragaṇārcitam || 2040 ||
[Analyze grammar]

viṣṇuḥ kṛṣṇo rathī śārṅgī nityayuktaḥ sadā hariḥ || 2041 ||
[Analyze grammar]

jaghāna tena govindaḥ pauṇḍrakaṃ nṛpasattamam || 2042 ||
[Analyze grammar]

tasya dehaṃ vidāryāśu cakraṃ piśitabhojanam || 2043 ||
[Analyze grammar]

kṛṣṇasyātha karaṃ bhūyaḥ prāpa sarveśvarasya ha || 2044 ||
[Analyze grammar]

tataḥ sa pauṇḍrako rājā gatāsuḥ prāpatadbhuvi || 2045 ||
[Analyze grammar]

nihatya bhagavānviṣṇurdurvijñeyagatiḥ prabhuḥ || 2046 ||
[Analyze grammar]

pratipede sudharmāṃ tu yādavaiḥ pūjito hariḥ || 2047 ||
[Analyze grammar]

vaiśaṃpāyana uvāca niṣādeśaṃ tato rāmaḥ śaktyā vīryavatāṃ varaḥ || 2048 ||
[Analyze grammar]

ājaghāna stanadvaṃdve siṃhanādaṃ vyanīnadat || 2049 ||
[Analyze grammar]

tataḥ kruddho niṣādeśo rāmaṃ mattaṃ mahābalam || 2050 ||
[Analyze grammar]

gadayā lokavikhyāto jaghāna stanavakṣasi || 2051 ||
[Analyze grammar]

āhataḥ sa tu tenāśu balabhadro mahābalaḥ || 2052 ||
[Analyze grammar]

ubhābhyāṃ caiva rāmastu karābhyāṃ vṛṣṇipuṅgavaḥ || 2053 ||
[Analyze grammar]

gadāṃ gṛhya mahāghorāṃ niṣādāya samādade || 2054 ||
[Analyze grammar]

tāṃ dṛṣṭvā mahatīṃ ghorāmāyāntīṃ prāṇahāriṇīm || 2055 ||
[Analyze grammar]

dudrāvātha niṣādeśaḥ samudraṃ makarālayam || 2056 ||
[Analyze grammar]

anvadhāvattato rāmo dhāvantaṃ makarālayam || 2057 ||
[Analyze grammar]

dhāvatyevaṃ tadā rājannekalavye niṣādape || 2058 ||
[Analyze grammar]

dhāvatyeva ca rāmo'pi yatra yāto niṣādapaḥ || 2059 ||
[Analyze grammar]

sāgaraṃ sa praviśyāśu gatvā yojanapañcakam || 2060 ||
[Analyze grammar]

bhīta eva tadā rājannekalavyo niṣādapaḥ || 2061 ||
[Analyze grammar]

kaṃciddvīpāntaraṃ rājanpraviśya jaḍavatsthitaḥ || 2062 ||
[Analyze grammar]

tato rāmo niṣādeśaṃ jitvā yādavanandanaḥ || 2063 ||
[Analyze grammar]

tāṃ sabhāṃ maṇiratnāḍhyāṃ praviveśa halāyudhaḥ || 2064 ||
[Analyze grammar]

sātyakiryuddhasaṃraktastāṃ sabhāṃ praviveśa ha || 2065 ||
[Analyze grammar]

anye ca yādavā rājanyathāyogamupasthitāḥ || 2066 ||
[Analyze grammar]

āsīneṣu ca sarveṣu vṛṣṇivīreṣu sarvataḥ || 2067 ||
[Analyze grammar]

abhivādya yathāyogaṃ vṛddhān sarvān sa keśavaḥ || 2068 ||
[Analyze grammar]

uvāca vacanaṃ kāle bhagavāndevakīsutaḥ || 2069 ||
[Analyze grammar]

dṛṣṭaḥ kailāsaśikhare śaṃkaro nīlalohitaḥ || 2070 ||
[Analyze grammar]

sa tu mahyaṃ yaduvarāḥ prītimāṃśca dadau varam || 2071 ||
[Analyze grammar]

tatra devāḥ samāyātā munayaśca tapodhanāḥ || 2072 ||
[Analyze grammar]

dṛṣṭvā māṃ śaṃkaraṃ caiva prītāstuṣṭāḥ samāyayuḥ || 2073 ||
[Analyze grammar]

atyadbhutaṃ mayā dṛṣṭaṃ rātrau yādavasattamāḥ || 2074 ||
[Analyze grammar]

piśācau dvau mahāghorau vadantau māmikāṃ kathām || 2075 ||
[Analyze grammar]

mṛgayāṃ cakratustau tu cintayantau tu māṃ sadā || 2076 ||
[Analyze grammar]

dṛṣṭvā māṃ tau tu rājendrāḥ prītimantau tapasvinau || 2077 ||
[Analyze grammar]

bhaktinamrau mahātmānau praṇāmaṃ cakratustadā || 2078 ||
[Analyze grammar]

tato'haṃ sarvathā prītastau dṛṣṭvā svargamuttamam || 2079 ||
[Analyze grammar]

toṣayitvā mahādevamahnā cāhaṃ tato gataḥ || 2080 ||
[Analyze grammar]

tataste vṛṣṇayaḥ sarve devadevaṃ praśaṃsire || 2081 ||
[Analyze grammar]

sarvathā kṛtakṛtyāste vṛṣṇayaḥ keśavāśrayāḥ || 2082 ||
[Analyze grammar]

yādavāḥ sarva evātra svaṃ svaṃ jagmuryathālayam || 2083 ||
[Analyze grammar]

abhyantaraṃ jagannāthaḥ praviśya harirīśvaraḥ || 2084 ||
[Analyze grammar]

rukmiṇīsatyabhāmābhyāmācacakṣe yathābhavat || 2085 ||
[Analyze grammar]

te prīte prītiyuktena keśavena samanvite || 2086 ||
[Analyze grammar]

etatte sarvamākhyātaṃ keśavasya ca ceṣṭitam || 2087 ||
[Analyze grammar]

śaśāsa pṛthivīṃ kṛtsnāṃ duṣṭān hatvā mahābalaḥ || 2088 ||
[Analyze grammar]

narakaṃ ghorakarmāṇaṃ pauṇḍraṃ ca nṛpasattamam || 2089 ||
[Analyze grammar]

hayagrīvaṃ niśumbhaṃ ca tathā sundopasundakau || 2090 ||
[Analyze grammar]

rarakṣa viprāndeveśo munīnmunivarārcitaḥ || 2091 ||
[Analyze grammar]

viprebhyaśca dadau vittaṃ gāśca ratnāni keśavaḥ || 2092 ||
[Analyze grammar]

agnihotraṃ prayuñjāno brāhmaṇāṃśca sutarpayan || 2093 ||
[Analyze grammar]

munīṃśca brahmacaryeṇa devānyajñena keśavaḥ || 2094 ||
[Analyze grammar]

svadhayā ca pitṝn sarvānprīṇayatyeva sarvadā || 2095 ||
[Analyze grammar]

tasmiñchāsati deveśe rājyaṃ niṣkaṇṭakaṃ babhau || 2096 ||
[Analyze grammar]

sukhameva prajāḥ sarvā jīvanti brāhmaṇottarāḥ || 2097 ||
[Analyze grammar]

janamejaya uvāca bhūya eva dvijaśreṣṭha śaṅkhacakragadābhṛtaḥ || 2098 ||
[Analyze grammar]

caritaṃ śrotumicchāmi vistareṇa tapodhana || 2099 ||
[Analyze grammar]

na hi me tṛptirastīha śṛṇvataḥ kaiśavīṃ kathām || 2100 ||
[Analyze grammar]

ko nu nāma harerviṣṇordevadevasya cakriṇaḥ || 2101 ||
[Analyze grammar]

śṛṇvan kathāṃ smaranvāpi tṛptiṃ yāti divāniśam || 2102 ||
[Analyze grammar]

puruṣārtho'yamevaiko yatkathāśravanaṃ hareḥ || 2103 ||
[Analyze grammar]

kathamāsījjagaddhetorhaṃsasya ḍibhakasya ca || 2104 ||
[Analyze grammar]

samitiḥ sarvabhūtānāṃ sadā vismayadāyinī || 2105 ||
[Analyze grammar]

vicakrasya kathaṃ yuddhaṃ dānavasya mahātmanaḥ || 2106 ||
[Analyze grammar]

sa tayormitratāṃ yāta ityevamanuśuśrumaḥ || 2107 ||
[Analyze grammar]

tau nṛpau vīryasaṃpannau śiṣyau bhṛgusutasya ha || 2108 ||
[Analyze grammar]

sarvāstrakuśalau vīrau harāl labdhavarau kila || 2109 ||
[Analyze grammar]

saṃgrāmaḥ sumahānāsīdityuktaṃ bhavatā purā || 2110 ||
[Analyze grammar]

tayośca nṛpayorvipra keśavasya jagatpateḥ || 2111 ||
[Analyze grammar]

kasya putrau samutpannau kiṃvīryau kiṃparākramau || 2112 ||
[Analyze grammar]

sarvametaddvijaśreṣṭha vaktumarhasi suvrata || 2113 ||
[Analyze grammar]

vaiśaṃpāyana uvāca śṛṇu rājanmahābāho kathāṃ pāpapraṇāśinīm || 2114 ||
[Analyze grammar]

yathā saṃgrāma āsīttu tayoścakradharasya ca || 2115 ||
[Analyze grammar]

yathā ca tau samutpannau yathābhūdvigraho mahān || 2116 ||
[Analyze grammar]

aṣṭāśītisahasrāṇi dānavānāṃ mahātmanām || 2117 ||
[Analyze grammar]

balānyatha vicakrasya śitaśūladharāṇi ca || 2118 ||
[Analyze grammar]

āsanyuddhe mahārāja dānavasya mahātmanaḥ || 2119 ||
[Analyze grammar]

yadūnāmantaraṃ prepsurvicakro yuddhakāṅkṣayā || 2120 ||
[Analyze grammar]

devāsure mahāyuddhe devānajayadambare || 2121 ||
[Analyze grammar]

tadvadārthaṃ sadā yatnamakaroccaiva keśavaḥ || 2122 ||
[Analyze grammar]

vaiśaṃpāyana uvāca āsītsālveṣu rājendra brahmadatto nṛpottamaḥ || 2123 ||
[Analyze grammar]

nāmnā rājan sa bhūtātmā sarvabhūtadayāparaḥ || 2124 ||
[Analyze grammar]

pañcayajñaparo nityaṃ jitāmitro jitendriyaḥ || 2125 ||
[Analyze grammar]

brahmavidvedaviccaiva sadā yajñaparaḥ śivaḥ || 2126 ||
[Analyze grammar]

tasya bhārye mahīpāla rūpaudāryaguṇānvite || 2127 ||
[Analyze grammar]

babhūvatuḥ susaṃpanne anapatye nṛpottama || 2128 ||
[Analyze grammar]

sa tābhyāṃ mumude rājā śacyā śakra ivāmbare || 2129 ||
[Analyze grammar]

nāmnā mitrasaho nāma sakhā cāsīddvijottamaḥ || 2130 ||
[Analyze grammar]

tasya rājño mahāyogī vedavedāṅgapāragaḥ || 2131 ||
[Analyze grammar]

anapatyaḥ sa viprendro yathā rājā babhūva ha || 2132 ||
[Analyze grammar]

sa rājā sahitastābhyāmarcayāmāsa śaṃkaram || 2133 ||
[Analyze grammar]

putrārthaṃ śūlinaṃ śarvaṃ daśa varṣāṇyananyadhīḥ || 2134 ||
[Analyze grammar]

sa vipro vaiṣṇavaṃ satraṃ putrārthaṃ samayojayat || 2135 ||
[Analyze grammar]

arcitastena rājendra śaṃkaro nīlalohitaḥ || 2136 ||
[Analyze grammar]

ātmānaṃ darśayāmāsa svapne rājānamabravīt || 2137 ||
[Analyze grammar]

prīto'smi tava bhadraṃ te varaṃ varaya suvrata || 2138 ||
[Analyze grammar]

atha rājā jagannāthamuvācedaṃ svapannapi || 2139 ||
[Analyze grammar]

putrau mama bhavetāṃ hi tathetyuktvā vṛṣadhvajaḥ || 2140 ||
[Analyze grammar]

antardhānaṃ gataḥ śaṃbhuḥ sa ca prīto'bhavannṛpaḥ || 2141 ||
[Analyze grammar]

so'pi mitrasaho vidvāndevaṃ keśavamavyayam || 2142 ||
[Analyze grammar]

pañcavarṣaṃ jagannāthamarcayāmāsa bhaktitaḥ || 2143 ||
[Analyze grammar]

arcitastena vipreṇa devadevo janārdanaḥ || 2144 ||
[Analyze grammar]

putramekaṃ dadau tasmai svātmanā sadṛśaṃ hariḥ || 2145 ||
[Analyze grammar]

te bhārye garbhamādhattāṃ tejasā śaṃkarasya ha || 2146 ||
[Analyze grammar]

viprabhāryā mahārāja vaiṣṇavaṃ teja ādadhāt || 2147 ||
[Analyze grammar]

mahiṣyau te mahāvīryau putrau śaṃkarasaṃmitau || 2148 ||
[Analyze grammar]

asūyetāṃ mahīpāla krameṇaiva nṛpasya ha || 2149 ||
[Analyze grammar]

sa tayośca mahārāja jātakarmādikāḥ kriyāḥ || 2150 ||
[Analyze grammar]

cakāra vidhivatsarvā viprasācca mahaddhanam || 2151 ||
[Analyze grammar]

sa ca vipro vinītātmā putramekaṃ prajajñivān || 2152 ||
[Analyze grammar]

sākṣādiva jagannāthaṃ sthitaṃ putrātmanā nṛpa || 2153 ||
[Analyze grammar]

jātakarmādikaṃ sarvaṃ karaṇaṃ sa cakāra ha || 2154 ||
[Analyze grammar]

tau kumārāvayaṃ caiva trayaḥ savayaso'bhavan || 2155 ||
[Analyze grammar]

vedānadhītya te sarvāñchrutvā cānvīkṣikīṃ tathā || 2156 ||
[Analyze grammar]

dhanurvedaṃ tathāstre ca nipuṇāste'bhavaṃstadā || 2157 ||
[Analyze grammar]

haṃso jyeṣṭho nṛpasuto ḍibhako'nantaro'bhavat || 2158 ||
[Analyze grammar]

sa ca viprasuto rājañjanārdana iti smṛtaḥ || 2159 ||
[Analyze grammar]

anyonyaṃ mitratāṃ yātāḥ sarve caiva kumārakāḥ || 2160 ||
[Analyze grammar]

vaiśaṃpāyana uvāca haṃsaśca ḍibhakaścaiva tapaścartuṃ mahāmatī || 2161 ||
[Analyze grammar]

manaścakraturātmāṃśau śaṃkarasya nṛpottama || 2162 ||
[Analyze grammar]

gatvā tu himavatpārśvaṃ tapaścakraturañjasā || 2163 ||
[Analyze grammar]

uddiśya śaṃkaraṃ śarvaṃ nīlagrīvamumāpatim || 2164 ||
[Analyze grammar]

vīryāstre caiva nau syātāmityādhāya tu mānase || 2165 ||
[Analyze grammar]

ekāgrau prayatau bhūtvā vāyvambuprāśinau nṛpa || 2166 ||
[Analyze grammar]

namaste devadeveśa śaṃkareti divāniśam || 2167 ||
[Analyze grammar]

hara śarva śivānanda nīlagrīva umāpate || 2168 ||
[Analyze grammar]

vṛṣadhvaja virūpākṣa haryakṣa jagatāṃ pate || 2169 ||
[Analyze grammar]

bhaktapriya girīśeśa vāmadeva śivācyuta || 2170 ||
[Analyze grammar]

sadyojāta mahādeva devadeva guhāśaya || 2171 ||
[Analyze grammar]

bhūtabhāvana bhūteśa praṇavātman sadāśiva || 2172 ||
[Analyze grammar]

ityādināmabhirnityaṃ stuvantau śaṃkaraṃ bhavam || 2173 ||
[Analyze grammar]

hṛdi kṛtvā virūpākṣaṃ tapastepaturañjasā || 2174 ||
[Analyze grammar]

nirmamau nirahaṃkārau maunavratasamāsthitau || 2175 ||
[Analyze grammar]

varṣāṇīha tadā rājanpañca cakraturojasā || 2176 ||
[Analyze grammar]

tataḥ prīto'bhavaccharvastābhyāṃ saṃyamanena ca || 2177 ||
[Analyze grammar]

sa dadau darśanaṃ naijaṃ vyāghracarmāmbaro haraḥ || 2178 ||
[Analyze grammar]

triyakṣaḥ śaṃkaraḥ śarvaḥ śūlapāṇirumāpatiḥ || 2179 ||
[Analyze grammar]

agrataḥ saṃsthitaṃ śarvaṃ candrārdhakṛtaśekharam || 2180 ||
[Analyze grammar]

tau dṛṣṭvā prītamanasau namaścakraturañjasā || 2181 ||
[Analyze grammar]

bhagavānuvāca varaṃ varayatāṃ bhadrau yathecchā vāṃ tathāstu vai || 2182 ||
[Analyze grammar]

tāv ūcatustadā rājanprītastvaṃ bhagavanyadi || 2183 ||
[Analyze grammar]

devāsuracamūmukhyai rakṣogandharvadānavaiḥ || 2184 ||
[Analyze grammar]

āvāmajeyau sarvātmanneṣa nau prathamo varaḥ || 2185 ||
[Analyze grammar]

dvitīyo nau virūpākṣa raudrāstrāṇāṃ ca saṃgrahaḥ || 2186 ||
[Analyze grammar]

māheśvaraṃ tathā raudramastraṃ brahmaśiro mahat || 2187 ||
[Analyze grammar]

abhedyaṃ kavacaṃ divyaṃ acchedyaṃ cāpi kārmukam || 2188 ||
[Analyze grammar]

paraśuṃ ca tathā śarva sadā rakṣārthameva ca || 2189 ||
[Analyze grammar]

sahāyau dvau mahādeva bhūtau yuddhe hi gacchatoḥ || 2190 ||
[Analyze grammar]

evamastviti deveśa āha bhṛṅgiriṭī haraḥ || 2191 ||
[Analyze grammar]

kuṇḍodaraṃ virūpākṣaṃ sarvaprāṇihite ratam || 2192 ||
[Analyze grammar]

yuvāmatha ca bhūteśau sahāyau satataṃ raṇe || 2193 ||
[Analyze grammar]

saṃgrāmaṃ gacchatāṃ ghorametayorbalaśālinoḥ || 2194 ||
[Analyze grammar]

ityuktvā bhagavāñcharvastatraivāntaradhīyata || 2195 ||
[Analyze grammar]

tatastau vīryasaṃpannau haṃso ḍibhaka eva ca || 2196 ||
[Analyze grammar]

kṛtāstrau śastrasaṃpannau cāpinau vīryavattarau || 2197 ||
[Analyze grammar]

āmuktakavacau vīrāvajeyau devadānavaiḥ || 2198 ||
[Analyze grammar]

atyantabhaktau deveśe śaṃkare nīlalohite || 2199 ||
[Analyze grammar]

nityotsavakarau deve bhasmoddhūlanaśobhinau || 2200 ||
[Analyze grammar]

kṛtatripuṇḍrakau nityaṃ jaṭāyuktaśirodharau || 2201 ||
[Analyze grammar]

rudrākṣārpitasarvāṅgau vyāghracarmāmbarāvṛtau || 2202 ||
[Analyze grammar]

namaḥ śivāya śāntāya mahādevāya dhīmate || 2203 ||
[Analyze grammar]

ityādibhiḥ sadā devaṃ stuvantau nāmabhiḥ śivam || 2204 ||
[Analyze grammar]

sākṣādiva mahādevau rejatuḥ śūladhāriṇau || 2205 ||
[Analyze grammar]

tataḥ svabhavanaṃ gatvā pituḥ pādāvagṛhṇatām || 2206 ||
[Analyze grammar]

pituśca sakhyurbalinau mātuśca caraṇau tadā || 2207 ||
[Analyze grammar]

janārdano'pi dharmātmā kālena mahatā nṛpa || 2208 ||
[Analyze grammar]

vidyāpāraṃ mahābuddhiryatnenāsāv upeyivān || 2209 ||
[Analyze grammar]

sa ca viṣṇuṃ hṛṣīkeśaṃ pītakauśeyavāsasam || 2210 ||
[Analyze grammar]

brahmatattvaparo nityamupāste vijitendriyaḥ || 2211 ||
[Analyze grammar]

haṃsaśca ḍibhakaścaiva kṛtadārau babhūvatuḥ || 2212 ||
[Analyze grammar]

janārdanaśca dharmātmā kṛtadāro babhūva ha || 2213 ||
[Analyze grammar]

sarve te yajñaparamāḥ pañcayajñaparāstathā || 2214 ||
[Analyze grammar]

svadāraniratāḥ sarve guruśuśrūṣaṇe ratāḥ || 2215 ||
[Analyze grammar]

dharma eva paraṃ śreya iti te menire nṛpa || 2216 ||
[Analyze grammar]

vaiśaṃpāyana uvāca tataḥ kadācittau vīrau mṛgayāṃ cakratuḥ kila || 2217 ||
[Analyze grammar]

janārdanena sahitau rathairaśvairgajairapi || 2218 ||
[Analyze grammar]

vanaṃ gatvā tu tau vīrau siṃhavyāghrāṃśca jaghnatuḥ || 2219 ||
[Analyze grammar]

śitairbāṇairmahārāja varāhānatha sarvaśaḥ || 2220 ||
[Analyze grammar]

vyālānanyānmṛgān hiṃsrāñchvabhiśca sahitau nṛpa || 2221 ||
[Analyze grammar]

eṣa āyāti vipulo varāho dīrghalocanaḥ || 2222 ||
[Analyze grammar]

enaṃ bāṇena saṃchindhi yāti cāyaṃ mṛgādhipaḥ || 2223 ||
[Analyze grammar]

ayamanyo'tha mahiṣaḥ śṛṅgaprotasarīsṛpaḥ || 2224 ||
[Analyze grammar]

ete khalu mṛgāḥ sārdhaṃ śāvairdhāvanti sarvataḥ || 2225 ||
[Analyze grammar]

etadbhramati sarvatra bhītaṃ śaśakulaṃ mahat || 2226 ||
[Analyze grammar]

śāvaistadanvayaiḥ sārdhaṃ na hantavyamidaṃ śubham || 2227 ||
[Analyze grammar]

grahītavyamidaṃ sarvaṃ nirudhya śvagaṇairiha || 2228 ||
[Analyze grammar]

ityādiśabdaḥ sumahānmṛgayāṃ kurvatāṃ nṛpa || 2229 ||
[Analyze grammar]

kṣatriyāṇāṃ nṛpaśreṣṭha vyādhānāṃ caiva dhāvatām || 2230 ||
[Analyze grammar]

hatvā mṛgān subahuśo vyāghrān siṃhānnṛpottamau || 2231 ||
[Analyze grammar]

śramaṃ ca jagmaturvīrau madhyaṃ gacchati bhāskare || 2232 ||
[Analyze grammar]

alaṃ hi mṛgayāsmākaṃ śramaḥ samupajāyate || 2233 ||
[Analyze grammar]

ityūcaturmahārāja puṣkaraṃ jagmatuḥ saraḥ || 2234 ||
[Analyze grammar]

saraḥsamīpamāgamya munisiddhaniṣevitam || 2235 ||
[Analyze grammar]

vījanmārutasānūpaṃ śramāttatra sukhaṃ sthitau || 2236 ||
[Analyze grammar]

tato janāḥ saraḥ sarve vigāhya śramakarśitāḥ || 2237 ||
[Analyze grammar]

bisānpravālānpadmānāṃ bhakṣayāmāsurārtavat || 2238 ||
[Analyze grammar]

janārdanena sahitau haṃso ḍibhaka eva ca || 2239 ||
[Analyze grammar]

saraḥ kvacitsamāśritya śramaṃ saṃtyajya tiṣṭhataḥ || 2240 ||
[Analyze grammar]

vigāhyaḥ tatsaraḥ svādu śītaṃ pītvā jalaṃ ca tau || 2240 ||
[Analyze grammar]

viśramya sarasastīre tadāsāte sukhaṃ nṛpau || 2241 ||
[Analyze grammar]

aśṛṇvatāṃ paraṃ brahma munimukhyaiḥ samīritam || 2242 ||
[Analyze grammar]

mādhyaṃdinaṃ tathā sarvaiḥ savanaṃ sasvaraṃ nṛpau || 2243 ||
[Analyze grammar]

tataḥ prītau nṛpau bhūtvā śrutvā vedadhvaniṃ tadā || 2244 ||
[Analyze grammar]

aicchetāṃ tau tadā draṣṭuṃ yajñaṃ munikṛtaṃ tadā || 2245 ||
[Analyze grammar]

sthāpayitvā tataḥ senāṃ sarvāṃ mṛgasamanvitām || 2246 ||
[Analyze grammar]

ādāya ca mahācāpe śarān katicideva ca || 2247 ||
[Analyze grammar]

janārdanastadā vīro haṃso ḍibhaka eva ca || 2248 ||
[Analyze grammar]

padātinau mahārāja jagmatuścāśramaṃ kila || 2249 ||
[Analyze grammar]

maharṣeḥ kāśyapasyātha satraṃ vaiṣṇavasaṃjñitam || 2250 ||
[Analyze grammar]

yajato munibhiḥ sārdhaṃ japahomaparāyaṇaiḥ || 2251 ||
[Analyze grammar]

vaiśaṃpāyana uvāca janārdanaśca dharmātmā haṃso ḍibhaka eva ca || 2252 ||
[Analyze grammar]

sadaḥ praviśya satrasya namaścakrurmunīṃstataḥ || 2253 ||
[Analyze grammar]

tānāgatānmahātmāno munayaḥ śiṣyasaṃyutāḥ || 2254 ||
[Analyze grammar]

arghyapādyāsanādīni cakruḥ pūjāṃ ca yatnataḥ || 2255 ||
[Analyze grammar]

tau nṛpau sa ca viprendraḥ saparyāṃ pratigṛhya ca || 2256 ||
[Analyze grammar]

prītātmānau mahātmānau āsate susukhaṃ nṛpa || 2257 ||
[Analyze grammar]

tato haṃso babhāṣe tānmunīn saṃyatavāṅ nṛpa || 2258 ||
[Analyze grammar]

pitā hi nau muniśreṣṭhā yaṣṭumaicchatsasādhanaḥ || 2259 ||
[Analyze grammar]

gantavyaṃ tatra yuṣmābhiḥ satrānte munisattamāḥ || 2260 ||
[Analyze grammar]

rājasūyena yajñena kṛtvā digvijayaṃ vayam || 2261 ||
[Analyze grammar]

yājayiṣyāmahe viprāḥ pitaraṃ dhārmikaṃ nṛpam || 2262 ||
[Analyze grammar]

āyāntu tatra viprendrāḥ saśiṣyāḥ saparicchadāḥ || 2263 ||
[Analyze grammar]

vayamadyaiva sahitā diśo jeṣyāmahe dhruvam || 2264 ||
[Analyze grammar]

śaktā hi vayamevaitatkartuṃ sainikasaṃcayaiḥ || 2265 ||
[Analyze grammar]

āvayoḥ purataḥ sthātuṃ na śaktā devadānavāḥ || 2266 ||
[Analyze grammar]

kailāsanilayāddevādvaraṃ labdhāḥ sma yatnataḥ || 2267 ||
[Analyze grammar]

ajeyāḥ śatrusaṃghānāmastrāṇi vividhāni ca || 2268 ||
[Analyze grammar]

ityuktvā virarāmaiva haṃso balamadānvitaḥ || 2269 ||
[Analyze grammar]

munaya ūcuḥ yadi syāttatra gacchāmo vayaṃ śiṣyairnṛpottama || 2270 ||
[Analyze grammar]

āsmahe cānyathā rājannityūcuḥ kila tāpasāḥ || 2271 ||
[Analyze grammar]

vaiśaṃpāyana uvāca tato deśānmahārāja gantuṃ niścitamānasau || 2272 ||
[Analyze grammar]

puṣkarasyottaraṃ tīraṃ durvāsā yatra tiṣṭhati || 2273 ||
[Analyze grammar]

yatayo yatayo bhūtvā yatra brahmaniṣeviṇaḥ || 2274 ||
[Analyze grammar]

brahmasūtrapade saktāstadarthālokatatparāḥ || 2275 ||
[Analyze grammar]

nirmamā nirahaṃkārāḥ kaupīnavasanāvṛtāḥ || 2276 ||
[Analyze grammar]

tamātmānaṃ jagadyoniṃ viṣṇuṃ viśveśvaraṃ śivam || 2277 ||
[Analyze grammar]

brahmarūpaṃ śivaṃ śāntamakṣaraṃ sarvatomukham || 2278 ||
[Analyze grammar]

vedāntamūrtimavyaktamanantaṃ śāśvataṃ śivam || 2279 ||
[Analyze grammar]

nityayuktaṃ virūpākṣaṃ bhūtādhāramanāmayam || 2280 ||
[Analyze grammar]

dhyāyantaṃ sarvadā devaṃ manasā sarvatomukham || 2281 ||
[Analyze grammar]

durvāsasaṃ sadopāsyaṃ vedāntaikarasaṃ gurum || 2282 ||
[Analyze grammar]

tarkaniścitatattvārtha jñānanirmalacetasaḥ || 2283 ||
[Analyze grammar]

haṃsāḥ paramahaṃsāśca śiṣyā durvāsasaḥ prabho || 2284 ||
[Analyze grammar]

gatvā tatra mahātmānau dṛṣṭvā tānūrdhvaretasaḥ || 2285 ||
[Analyze grammar]

durvāsasaṃ mahābuddhiṃ vicinvānaṃ paraṃ padam || 2286 ||
[Analyze grammar]

kruddho yadi sa durvāsā dagdhuṃ lokānimān kṣamaḥ || 2287 ||
[Analyze grammar]

devā api ca yaṃ draṣṭuṃ kruddhaṃ cenna kṣamāḥ sadā || 2288 ||
[Analyze grammar]

roṣamūrtiḥ sadā yastu viśvātmā viśvarūpadhṛk || 2289 ||
[Analyze grammar]

raktakaupīnavasano haṃsaḥ parama eva ca || 2290 ||
[Analyze grammar]

dṛṣṭvenaṃ ca tayorevaṃ buddhirāsīnmahāmate || 2291 ||
[Analyze grammar]

ko nāmāsau mahābhūtaḥ kāṣāyī varṇavittamaḥ || 2292 ||
[Analyze grammar]

kaścāyamāśramo nāma vihāya ca gṛhāśramam || 2293 ||
[Analyze grammar]

gṛhastha eva dharmātmā gṛhastho dharmavittamaḥ || 2294 ||
[Analyze grammar]

gṛhastho dharmarūpastu gṛhasthaḥ svarga eva ca || 2295 ||
[Analyze grammar]

gṛhasthaśca sadā mātā prāṇināṃ jīvanaṃ sadā || 2296 ||
[Analyze grammar]

taṃ vinānyena rūpeṇa vartate yo hi mūrkhavat || 2297 ||
[Analyze grammar]

unmatto'yaṃ virūpo'yamatha vā mūrkha eva ca || 2298 ||
[Analyze grammar]

dhyāyanniva sadā cāyamāste vañcayitāpi vā || 2299 ||
[Analyze grammar]

kimete prākṛtajñānā dhyāyanta iva kiṃcana || 2300 ||
[Analyze grammar]

vayametāndurārohānāśramāntarakalpitān || 2301 ||
[Analyze grammar]

sthāpayiṣyāmahe sarvānmandabuddhīnimān gṛhe || 2302 ||
[Analyze grammar]

balādeva dvijānetānmūḍhavijñānatatparān || 2303 ||
[Analyze grammar]

asadgrāhagṛhītāṃśca bāliśāndurmatīnimān || 2304 ||
[Analyze grammar]

eṣāṃ śāstā ca ko mūḍho na vidmo vayamatra ha || 2305 ||
[Analyze grammar]

dharmye vartmani saṃsthāpya punaryāsyāva nirvṛtau || 2306 ||
[Analyze grammar]

iti saṃcintya tau vīrau vipreṇa sahitau nṛpa || 2307 ||
[Analyze grammar]

janārdanena rājānau mohādbhāgyakṣayānnṛpa || 2308 ||
[Analyze grammar]

samīpaṃ tasya rājendra yateḥ saṃśitacetasaḥ || 2309 ||
[Analyze grammar]

gatvā ca procaturubhau durvāsasamatīndriyam || 2310 ||
[Analyze grammar]

yatīṃśca niyatān kruddhau rājānau rājasattama || 2311 ||
[Analyze grammar]

haṃsaḍibhakāv ūcatuḥ jñānaleśādvihīnātman kiṃ te vyavasitaṃ dvija || 2312 ||
[Analyze grammar]

kaścāyamāśramo vipra bhavatā yaḥ samāśritaḥ || 2313 ||
[Analyze grammar]

gṛhamedhaṃ parityajya kiṃ tvayā sādhitaṃ padam || 2314 ||
[Analyze grammar]

dambha eva bhavānvyaktaṃ śaṅke nāstyatra kāraṇam || 2315 ||
[Analyze grammar]

lokāṃścemān sadā mūḍha nāśayiṣyasi nirvṛtaḥ || 2316 ||
[Analyze grammar]

etān sarvānvinetāsi narake pātayiṣyasi || 2317 ||
[Analyze grammar]

svayaṃ naṣṭaḥ parānmūrkha nāśayiṣyasi yatnataḥ || 2318 ||
[Analyze grammar]

aho śāstā kathaṃ nāsti tava mandamate dvija || 2319 ||
[Analyze grammar]

sarvathā tvadvinetā ca pāpaṃ nāstyatra saṃśayaḥ || 2320 ||
[Analyze grammar]

tyaktvemamāśramaṃ vipra gṛhī bhava yatātmavān || 2321 ||
[Analyze grammar]

pañca yajñān sadā vipra kuru yatnaparo bhava || 2322 ||
[Analyze grammar]

tataḥ svargaṃ paraṃ gantā svarge hi sumahatsukham || 2323 ||
[Analyze grammar]

eṣa śreyaḥpatho vipra jīvate cetspṛhā tava || 2324 ||
[Analyze grammar]

ityuktavantau dharmātmā śrutvā vipro janārdanaḥ || 2325 ||
[Analyze grammar]

uvāca ca yatiṃ dṛṣṭvā praṇamyāsau subhītavat || 2326 ||
[Analyze grammar]

mā brūtāmīdṛśaṃ vākyaṃ rājānau mandacetasau || 2327 ||
[Analyze grammar]

aśrāvyamīdṛśaṃ ghoraṃ lokayorubhayorapi || 2328 ||
[Analyze grammar]

ko vaktumīśo mandātmā yadi jīvetsabāndhavaḥ || 2329 ||
[Analyze grammar]

sarvathā kāla evāyaṃ yuvayormandacetasoḥ || 2330 ||
[Analyze grammar]

samāpta āyuṣaḥ śeṣo brahmadaṇḍahatau yuvām || 2331 ||
[Analyze grammar]

ete hi yatayaḥ śuddhā jñānadīpitacetasaḥ || 2332 ||
[Analyze grammar]

jñānāgnidagdhakarmāṇaḥ prāṇānprāṇeṣu juhvati || 2333 ||
[Analyze grammar]

ṛte vāmīdṛśaṃ vākyaṃ kaḥ samartho hyanubruvan || 2334 ||
[Analyze grammar]

sarvathā jñātamasmābhiḥ samāptamiha jīvitam || 2335 ||
[Analyze grammar]

catvāra āśramāḥ pūrvamṛṣibhirvihitā nṛpau || 2336 ||
[Analyze grammar]

brahmacārī gṛhasthaśca vānaprasthaśca bhikṣukaḥ || 2337 ||
[Analyze grammar]

teṣāmagraścaturtho'yamāśramo bhikṣukaḥ smṛtaḥ || 2338 ||
[Analyze grammar]

āste tasminmahābuddhiḥ sa hi puṇyatamaḥ smṛtaḥ || 2339 ||
[Analyze grammar]

nopāsitā bhavadbhyāṃ ca vṛddhāḥ samyagvinītavat || 2340 ||
[Analyze grammar]

jñānaṃ nāptaṃ tatastebhyastathā caivaṃ vadeta kaḥ || 2341 ||
[Analyze grammar]

aśrāvyamīdṛśaṃ ghoraṃ mayā prāṇabhṛtā nṛpa || 2342 ||
[Analyze grammar]

kiṃ kariṣyāmi mandātmanmitratvādbhavatornṛpau || 2343 ||
[Analyze grammar]

jñānaṃ yadāptaṃ bhavatā gurubhyas || 2344 ||
[Analyze grammar]

tadatra duḥkhāya hi kevalaṃ naḥ || 2345 ||
[Analyze grammar]

jñānaṃ hi dharmaprabhavaṃ yatheṣṭaṃ || 2346 ||
[Analyze grammar]

balāddhi pāpasya vidhātṛrūpam || 2347 ||
[Analyze grammar]

yuvāṃ vihāya yāsye vā pateyaṃ vā śilātale || 2348 ||
[Analyze grammar]

pibeyaṃ vā viṣaṃ ghoraṃ pateyaṃ vā mahormiṣu || 2349 ||
[Analyze grammar]

ātmānaṃ vātra saṃtyakṣye śṛṇvatāṃ paśyatāṃ nṛpau || 2350 ||
[Analyze grammar]

ityuktvā vilalāpaivaṃ mā brūteti sadā vadan || 2351 ||
[Analyze grammar]

vaiśaṃpāyana uvāca tataḥ kruddho'tha durvāsā dhakṣyanniva tayorasūn || 2352 ||
[Analyze grammar]

ekenākṣṇātha durvāsā raudreṇāgniyujā sadā || 2353 ||
[Analyze grammar]

paśyaṃstau ca durātmānau roṣavyākulitendriyaḥ || 2354 ||
[Analyze grammar]

kurvanniva tadā lokānbhasmabhūtānimānnṛpa || 2355 ||
[Analyze grammar]

brāhmaṇaṃ cakṣuṣā paśyan saumyenānyena kevalam || 2356 ||
[Analyze grammar]

uvāca vacanaṃ rājandhvaṃsata dhvaṃsateti ha || 2357 ||
[Analyze grammar]

ito gacchata rājānau kiṃ vilambatha māciram || 2358 ||
[Analyze grammar]

na vāṃ vacanasaṃbhūtaṃ roṣaṃ dhārayituṃ kṣamaḥ || 2359 ||
[Analyze grammar]

anyathā vo mahīpālān sarvāndagdhumahaṃ kṣamaḥ || 2360 ||
[Analyze grammar]

kimataḥ sāhasaṃ vaktuṃ kaśca śaknoti matpuraḥ || 2361 ||
[Analyze grammar]

darpaṃ vāṃ lokavikhyātaḥ śaṅkhacakragadādharaḥ || 2362 ||
[Analyze grammar]

vyapaneṣyati mandajñau kiṃ vā vakṣyāmi sāṃpratam || 2363 ||
[Analyze grammar]

tata utthāya dharmātmā gantumaicchad yatīśvaraḥ || 2364 ||
[Analyze grammar]

tato niṣeddhuṃ haṃsastaṃ yatate sma yatīśvaram || 2365 ||
[Analyze grammar]

tasya bāhuṃ samādāya haṃso nṛpavarottamaḥ || 2366 ||
[Analyze grammar]

kaupīnaṃ cicchide krūraḥ kṛtānta iva sattama || 2367 ||
[Analyze grammar]

yatayo'nye palāyanti diśo daśa vicetasaḥ || 2368 ||
[Analyze grammar]

kaṣṭaṃ heti vadanvipro mitrabhāvājjanārdanaḥ || 2369 ||
[Analyze grammar]

nyavārayad yathāśakti kimidaṃ sāhasaṃ tviti || 2370 ||
[Analyze grammar]

durvāsāḥ satyadharmastu hantumīśo'pi taṃ tataḥ || 2371 ||
[Analyze grammar]

mandaṃ mandamuvācedaṃ haṃsaṃ ḍibhakameva ca || 2372 ||
[Analyze grammar]

śāpenāhaṃ samartho'pi hantuṃ rājakulādhamau || 2373 ||
[Analyze grammar]

tathāpi na karomyevaṃ yatayo hyatra te vayam || 2374 ||
[Analyze grammar]

yo hi devo jagannāthaḥ keśavo yādaveśvaraḥ || 2375 ||
[Analyze grammar]

śaṅkhacakragadāpāṇirgarvaṃ vāṃ vyapaneṣyati || 2376 ||
[Analyze grammar]

loke tasminyaduśreṣṭhe rakṣatyeva jagatpatau || 2377 ||
[Analyze grammar]

yuvayoḥ sarvathā jīvaḥ sujīva iti me matiḥ || 2378 ||
[Analyze grammar]

jarāsaṃdho'pi vāṃ bandhuḥ sa ca vaktuṃ na cecchati || 2379 ||
[Analyze grammar]

īdṛśaṃ lokavidviṣṭaṃ sa hi dharmapathe sadā || 2380 ||
[Analyze grammar]

etāvatā sa vāṃ bandhurna sa bhūyo bhaviṣyati || 2381 ||
[Analyze grammar]

vidveṣo hyastu vāṃ tasya māgadhasya mahīpateḥ || 2382 ||
[Analyze grammar]

śrutvedaṃ ghorarūpaṃ tu sa hi bandhuḥ saheta cet || 2383 ||
[Analyze grammar]

dharmanāśo bhavettasya nātra kāryā vicāraṇā || 2384 ||
[Analyze grammar]

ityuktvā gaccha gaccheti haṃsaṃ prāha punaḥ punaḥ || 2385 ||
[Analyze grammar]

janārdanamuvācedaṃ durvāsā yatisattamaḥ || 2386 ||
[Analyze grammar]

svastyastu tava viprendra bhaktirastu janārdane || 2387 ||
[Analyze grammar]

saṃgatistava tasyāstu śaṅkhacakragadābhṛtaḥ || 2388 ||
[Analyze grammar]

adya śvo vā paraśvo vā sādhureva sadā bhavān || 2389 ||
[Analyze grammar]

na hi sādhorvināśo'sti lokayorubhayorapi || 2390 ||
[Analyze grammar]

gaccha sarvaṃ piturbrūhi jñātvā vṛttaṃ yathākhilam || 2391 ||
[Analyze grammar]

vaiśaṃpāyana uvāca tatastau haṃsaḍibhakau kruddhau kālena coditau || 2392 ||
[Analyze grammar]

śikyaṃ kamaṇḍaluṃ caiva vidalaṃ dārumeva ca || 2393 ||
[Analyze grammar]

daṇḍānpātraviśeṣāṃśca chittvā mittvā ca sarvaśaḥ || 2394 ||
[Analyze grammar]

tasmindeśe mahārāja vyādhairmāṃsānyadīdahan || 2395 ||
[Analyze grammar]

bhakṣayitvā tato deśātsvapuraṃ tau prajagmatuḥ || 2396 ||
[Analyze grammar]

janārdanaśca dharmātmā snehādanuyayau tayoḥ || 2397 ||
[Analyze grammar]

naṣṭāvimāviti tadā sa mene duḥkhitaḥ param || 2398 ||
[Analyze grammar]

gateṣu teṣu sarveṣu durvāsā yatisattamaḥ || 2399 ||
[Analyze grammar]

palāyanaparān sarvānidamāha yatīśvarān || 2400 ||
[Analyze grammar]

ito deśādvinirgatya puṣkarātpuṇyasaṃyutāt || 2401 ||
[Analyze grammar]

mandaṃ mandaṃ samāśvasya viśramya ca tatastataḥ || 2402 ||
[Analyze grammar]

praviśya dvārakāṃ devaṃ śaṅkhacakragadādharam || 2403 ||
[Analyze grammar]

dṛṣṭvā ca tasmai prabhave vakṣyāmo yatisattamāḥ || 2404 ||
[Analyze grammar]

sa hi rakṣañjagadidaṃ dharmavartmani saṃsthitaḥ || 2405 ||
[Analyze grammar]

ādyo lokagururviṣṇuryatātmā tattvavitpriyaḥ || 2406 ||
[Analyze grammar]

uddhṛtya kaṇṭakān sarvāñchaśāsa pṛthivīmimām || 2407 ||
[Analyze grammar]

sa ca pāpānmahāghorān sarvānpāpakṛtānprabhuḥ || 2408 ||
[Analyze grammar]

rakṣennaḥ sakalān sarvāñjñāneṣu niyatātmanaḥ || 2409 ||
[Analyze grammar]

idamadya kṣamaṃ viprā yānamadya vidhīyatāṃ || 2410 ||
[Analyze grammar]

sāhasaṃ yatkṛtaṃ tābhyāṃ pātrabhedādi sattamāḥ || 2411 ||
[Analyze grammar]

etatsarvamaśeṣeṇa darśayāma janārdanam || 2412 ||
[Analyze grammar]

tatheti te pratijñāya yatayo jñānacakṣuṣaḥ || 2413 ||
[Analyze grammar]

chinnāṃstābhyāṃ samādāya śikyaṃ dārumayaṃ tathā || 2414 ||
[Analyze grammar]

dvidalaṃ karpaṭaṃ caiva kaupīnamatha valkalam || 2415 ||
[Analyze grammar]

kamaṇḍaluṃ tathā rājannardhaprotakapālakam || 2416 ||
[Analyze grammar]

etānanyān samādāya draṣṭuṃ keśavamāyayuḥ || 2417 ||
[Analyze grammar]

pañca caiva sahasrāṇi puraskṛtya mahāmunim || 2418 ||
[Analyze grammar]

durvāsasaṃ tapoyonimīśvarasyātmasaṃbhavam || 2419 ||
[Analyze grammar]

ahorātreṇa te sarve dvārakāṃ kṛṣṇapālitām || 2420 ||
[Analyze grammar]

yayurdāntā mahātmāno lomaśāḥ keśavarjitāḥ || 2421 ||
[Analyze grammar]

prātaḥ praviśya rājendra vāpikāyāṃ yatīśvarāḥ || 2422 ||
[Analyze grammar]

snātvopaspṛśya śucayo yatnena mahatā tadā || 2423 ||
[Analyze grammar]

draṣṭumabhyudyatā viṣṇuṃ kaṇṭakoddhṛtitatparam || 2424 ||
[Analyze grammar]

ekarūpaṃ samāsthāya sudharmādvāramāyayuḥ || 2425 ||
[Analyze grammar]

vaiśaṃpāyana uvāca atha sarveśvaro viṣṇuḥ padmakiñjalkalocanaḥ || 2426 ||
[Analyze grammar]

śyāmaḥ pītāmbaraḥ śrīmānpralambāmbarabhūṣaṇaḥ || 2427 ||
[Analyze grammar]

kirīṭī śrīpatiḥ kṛṣṇo nīlakuñcitamūrdhajaḥ || 2428 ||
[Analyze grammar]

avyaktaḥ śāśvato devaḥ sakalo niṣkalaḥ śivaḥ || 2429 ||
[Analyze grammar]

krīḍāvihāropagataḥ kadācidabhavaddhariḥ || 2430 ||
[Analyze grammar]

kumārairaparaiḥ sārdhaṃ sātyakipramukhairnṛpa || 2431 ||
[Analyze grammar]

golakrīḍāṃ sudharmāyāṃ madhye yādavasattamaḥ || 2432 ||
[Analyze grammar]

cakāra priyakṛtkṛṣṇo yuyudhānena keśavaḥ || 2433 ||
[Analyze grammar]

mamāyaṃ prathamo golastava paścādbhaviṣyati || 2434 ||
[Analyze grammar]

iti bruvaṃstadā viṣṇuḥ sātyakiṃ kamalekṣaṇaḥ || 2435 ||
[Analyze grammar]

pārśvasthā yādavāstasya vasudevapurogamāḥ || 2436 ||
[Analyze grammar]

uddhavapramukhā rājannāseduḥ kvacidatra vai || 2437 ||
[Analyze grammar]

anyavyāpārarahito bhūtātmā bhūtabhāvanaḥ || 2438 ||
[Analyze grammar]

vijahāra yathā rāmaḥ sugrīveṇa purā nṛpa || 2439 ||
[Analyze grammar]

madhyaṃdine mahāviṣṇuḥ śaineyena sahācyutaḥ || 2440 ||
[Analyze grammar]

vikrīḍya suciraṃ kṛṣna upāraṃsītsayādavaḥ || 2441 ||
[Analyze grammar]

dvāḥsthena vāritāḥ pūrvaṃ dvāryeva ca samāsthitāḥ || 2442 ||
[Analyze grammar]

idamantaramityeva viviśustāṃ sabhāṃ nṛpa || 2443 ||
[Analyze grammar]

yatayo dīrghatapasaḥ puraskṛtya tapodhanam || 2444 ||
[Analyze grammar]

durvāsasaṃ sumanaso dadṛśuryādaveśvaram || 2445 ||
[Analyze grammar]

golakrīḍāsamāyuktaṃ karasaṃsthitagolakam || 2446 ||
[Analyze grammar]

vikṣipantaṃ jagannāthaṃ pādāṅguṣṭhena golakam || 2447 ||
[Analyze grammar]

padmapatraviśālākṣaṃ vīkṣantaṃ sātyakiṃ harim || 2448 ||
[Analyze grammar]

ekenākṣṇā hlādayantaṃ pareṇālokya golakam || 2449 ||
[Analyze grammar]

yatayaśca mahārāja pratyadṛśyanta tatpuraḥ || 2450 ||
[Analyze grammar]

vṛṣṇayaḥ puṇḍarīkākṣaḥ sātyakirbalabhadrakaḥ || 2451 ||
[Analyze grammar]

vasudevastathākrūra ugrasenastathā nṛpaḥ || 2452 ||
[Analyze grammar]

anye ca yādavāḥ sarve saṃbhramaṃ pratipedire || 2453 ||
[Analyze grammar]

idaṃ kimidamityevaṃ vyāsaktamanaso'bhavan || 2454 ||
[Analyze grammar]

pṛṣṭhato'pyanugacchantaṃ didhakṣantaṃ jagattrayam || 2455 ||
[Analyze grammar]

ardhakaupīnavasanaṃ smarantaṃ kamapi dvijam || 2456 ||
[Analyze grammar]

antastāpasamāyuktaṃ chinnadaṇḍadharaṃ yatim || 2457 ||
[Analyze grammar]

atijvalantaṃ roṣeṇa haṃsāsāditakalmaṣam || 2458 ||
[Analyze grammar]

netrotthitamahāvahniṃ prekṣantaṃ yādaveśvaram || 2459 ||
[Analyze grammar]

durvāsasaṃ te dadṛśurbhītā yādavasattamāḥ || 2460 ||
[Analyze grammar]

kiṃ kariṣyatyasau kruddhaḥ kiṃ vā vakṣyati naḥ prabhuḥ || 2461 ||
[Analyze grammar]

iti prāñjalayaḥ sarve yādavāḥ saṃprapedire || 2462 ||
[Analyze grammar]

idamāsanamityevaṃ kiṃcidūcuśca vṛṣṇayaḥ || 2463 ||
[Analyze grammar]

tataḥ kṛṣṇo hṛṣīkeśaḥ kiṃcidutplutya tatpuraḥ || 2464 ||
[Analyze grammar]

idamāsanamityevaṃ sthīyatāmiha nirvṛtaḥ || 2465 ||
[Analyze grammar]

ahamatra sthito vipra kiṃ karomīti cābravīt || 2466 ||
[Analyze grammar]

tataḥ kiṃcidivāsīna āsane yativigrahaḥ || 2467 ||
[Analyze grammar]

āsane saṃsthite tasminyatayo vītamatsarāḥ || 2468 ||
[Analyze grammar]

āsanāni yathāyogaṃ bhejire nirvṛtāḥ kila || 2469 ||
[Analyze grammar]

arghyādisamudācāraṃ cakre kṛṣṇaḥ kirīṭabhṛt || 2470 ||
[Analyze grammar]

āha bhūyo hṛṣīkeśo yatiṃ durvāsasaṃ prabhum || 2471 ||
[Analyze grammar]

kimarthaṃ brūhi viprendra asminpratyāgamo hi vaḥ || 2472 ||
[Analyze grammar]

dṛṣṭaṃ vāpyatha vā kiṃcitkāraṇaṃ vo'sti vā mahat || 2473 ||
[Analyze grammar]

saṃnyāsino dvijaśreṣṭhā yūyaṃ vigatakalmaṣāḥ || 2474 ||
[Analyze grammar]

niḥspṛhāśca sadā yūyamasmatto dvijapuṅgavāḥ || 2475 ||
[Analyze grammar]

prārthyaṃ nāma na caivāsti spṛhā naivāsti vo yataḥ || 2476 ||
[Analyze grammar]

spṛhāpreritakarmāṇaḥ kṣatriyānyānti suvratāḥ || 2477 ||
[Analyze grammar]

nirūpyamāṇamasmābhirvipra kiṃcinna dṛśyate || 2478 ||
[Analyze grammar]

na jāne kāraṇaṃ brahmanyuṣmadāgamanaṃ prati || 2479 ||
[Analyze grammar]

etāvatā cānumeyaṃ kiṃcitkāraṇamasti hi || 2480 ||
[Analyze grammar]

tadbrūhi yadi vidyeta tvatto jñāsyāmahe vayam || 2481 ||
[Analyze grammar]

ityuktavati deveśe cakrapāṇau janārdane || 2482 ||
[Analyze grammar]

tasyāpi rājanviprasya bhūyaḥ kopo mahānabhūt || 2483 ||
[Analyze grammar]

tasmādabhyadhikaḥ pūrvātkopaḥ saṃjāyate mahān || 2484 ||
[Analyze grammar]

didhakṣanniva lokāṃstrīnbhakṣayanniva paśyataḥ || 2485 ||
[Analyze grammar]

roṣaraktekṣaṇaḥ kruddho hasanniva dahanniva || 2486 ||
[Analyze grammar]

uvāca vacanaṃ viṣṇuṃ durvāsāḥ krodhamūrchitaḥ || 2487 ||
[Analyze grammar]

na jāna iti kasmāttvaṃ brūṣe no yādaveśvara || 2488 ||
[Analyze grammar]

jānāmi tvāmahaṃ deva vañcayanniva bhāṣase || 2489 ||
[Analyze grammar]

purātanā vayaṃ viṣṇo pūrvavṛttāntavedinaḥ || 2490 ||
[Analyze grammar]

tathā hi devadevo'si māyāmānuṣadehavān || 2491 ||
[Analyze grammar]

nigūhase prabhurataḥ kasmānno jagatīpate || 2492 ||
[Analyze grammar]

so'si brahmavidāṃ mūrtistadetatparamaṃ padam || 2493 ||
[Analyze grammar]

yadavyaktaṃ paraṃ brahma yacca jñātā vayaṃ purā || 2494 ||
[Analyze grammar]

yato viśvamidaṃ bhūtaṃ tadetatparamaṃ padaṃ || 2495 ||
[Analyze grammar]

yacca sthūlaṃ vijānanti purā tattvena cetasā || 2496 ||
[Analyze grammar]

purāvido'tha viśveśa tadetatparamaṃ vapuḥ || 2497 ||
[Analyze grammar]

karmaṇā prāpyate yattu yatsmṛtvā nirvṛtā vayam || 2498 ||
[Analyze grammar]

pratyakṣamapi yad rūpaṃ naiva jānanti māṇuṣāḥ || 2499 ||
[Analyze grammar]

na hi mūḍhadhiyo deva na vayaṃ tādṛśā hare || 2500 ||
[Analyze grammar]

na jāna iti kasmāttvaṃ kimataḥ sāhasaṃ vacaḥ || 2501 ||
[Analyze grammar]

ye hi mūlaṃ vijānanti teṣāṃ patravivecanam || 2502 ||
[Analyze grammar]

kurvataḥ kiṃ phalaṃ deva tava keśiniṣūdana || 2503 ||
[Analyze grammar]

vedānte prathitaṃ tejastava cedaṃ vibhāvyate || 2504 ||
[Analyze grammar]

yacca vijñānatṛptāstu yogino vītakalmaṣāḥ || 2505 ||
[Analyze grammar]

paśyanti hṛtsaroje hi tadevedaṃ vapuḥ prabho || 2506 ||
[Analyze grammar]

vedairyadgīyate tejo brahmeti pravibhajyate || 2507 ||
[Analyze grammar]

tadevedaṃ vijāne'haṃ rūpamaiśvaramīśvara || 2508 ||
[Analyze grammar]

vaiṣṇavaṃ paramaṃ teja iti vedeṣu paṭhyate || 2509 ||
[Analyze grammar]

avagacchāmyahaṃ viṣṇo tadevedaṃ vapustava || 2510 ||
[Analyze grammar]

ya omityucyate śabdo yasya vāgiti gīyate || 2511 ||
[Analyze grammar]

sa evāsi prabho viṣṇo na jāna iti mā vada || 2512 ||
[Analyze grammar]

parokṣaṃ yadi kiṃcitsyāttava vaktuṃ prayujyate || 2513 ||
[Analyze grammar]

na jāna iti govinda mā vadīḥ sāhasaṃ hare || 2514 ||
[Analyze grammar]

viśvaṃ yataḥ prādurāsīd yasmiṃl līnaṃ kṣaye sati || 2515 ||
[Analyze grammar]

idaṃ tadaiśvaraṃ tejastvavagacchāmi keśava || 2516 ||
[Analyze grammar]

kartā tvaṃ bhūtabhavyeśa pratibhāsi sadā hṛdi || 2517 ||
[Analyze grammar]

yad yad rūpaṃ smarennityaṃ tattadevāsi me hṛdi || 2518 ||
[Analyze grammar]

vāyureva sadā viṣṇuriti me dhīyate matiḥ || 2519 ||
[Analyze grammar]

tadā tad rūpamevāsi hṛnmadhye saṃsthito vibho || 2520 ||
[Analyze grammar]

ākāśo viṣṇurityeva kadāciddhīyate matiḥ || 2521 ||
[Analyze grammar]

tadā tad rūpamevāsi hṛnmadhye saṃsthito vibho || 2522 ||
[Analyze grammar]

pṛthivī viṣṇurityetatkadāciddhīyate matiḥ || 2523 ||
[Analyze grammar]

tadā pārthivarūpo'si pratibhāsi sadā mama || 2524 ||
[Analyze grammar]

raso'yaṃ deva ityeva kadāciccintyate mayā || 2525 ||
[Analyze grammar]

tadā rasātmanā viṣṇo hṛnmadhye saṃsthito vibho || 2526 ||
[Analyze grammar]

yadā tvaṃ teja ityeva smartā syāṃ puruṣottama || 2527 ||
[Analyze grammar]

yadā tadrūpasaṃpannaḥ pratibhāsi sadā hṛdi || 2528 ||
[Analyze grammar]

candramā harirityeva tadā cāndramasaṃ vapuḥ || 2529 ||
[Analyze grammar]

nirīkṣaṃścakṣuṣā deva tataḥ prīto'smi keśava || 2530 ||
[Analyze grammar]

yadā sauraṃ vapuriti smartā syāṃ jagatīpate || 2531 ||
[Analyze grammar]

tadā tadbhāvanāyogātsūrya eva virājase || 2532 ||
[Analyze grammar]

tasmātsarvaṃ tvamevāsi niścitā matirīdṛśī || 2533 ||
[Analyze grammar]

ato na jāne'hamiti vaktuṃ neśo janārdana || 2534 ||
[Analyze grammar]

ityarthe saṃsthito viṣṇo pīḍāṃ no naiva cintyase || 2535 ||
[Analyze grammar]

atyantaduḥkhitā viṣṇo vayaṃ tvāmanu saṃsthitāḥ || 2536 ||
[Analyze grammar]

īdṛśīyamavasthā no naināṃ smartāsi keśava || 2537 ||
[Analyze grammar]

tatpunarbhāgadheyaṃ no naṣṭamityeva cintaye || 2538 ||
[Analyze grammar]

mandabhāgyā vayaṃ viṣṇo yato no na smareḥ prabho || 2539 ||
[Analyze grammar]

kaucitkṣatriyadāyādau girīśavaragarvitau || 2540 ||
[Analyze grammar]

nāmnā ca haṃsaḍibhakau bādhete no janārdana || 2541 ||
[Analyze grammar]

gārhasthyaṃ hi sadā śreyo vadantāviti keśava || 2542 ||
[Analyze grammar]

itaścetaśca dhāvantau vadantau bahu kilbiṣam || 2543 ||
[Analyze grammar]

ayuktaṃ bahu bhāṣantau dharṣayantau ca naḥ sadā || 2544 ||
[Analyze grammar]

idamanyatkṛtaṃ deva asahyaṃ pāpamucyate || 2545 ||
[Analyze grammar]

paśyedaṃ bahudhā deva bhinnaṃ bhinnaṃ sahasraśaḥ || 2546 ||
[Analyze grammar]

śikyaṃ ca dāravaṃ pātraṃ dvidalānveṇukānbahūn || 2547 ||
[Analyze grammar]

idamapyaparaṃ paśya tayoḥ sāhasaceṣṭitam || 2548 ||
[Analyze grammar]

kaupīnaṃ bahudhā chinnaṃ tadasmākaṃ mahaddhanam || 2549 ||
[Analyze grammar]

kṛtaṃ kapālamātreṇa kamaṇḍalu jagadguro || 2550 ||
[Analyze grammar]

tvaṃ tu no rakṣase nityaṃ kṣātravṛttaṃ samāśritaḥ || 2551 ||
[Analyze grammar]

citraṃ citramidaṃ deva rakṣasyeva divāniśam || 2552 ||
[Analyze grammar]

kiṃ kariṣyāmi mandātmā mandabhāgyā vayaṃ vibho || 2553 ||
[Analyze grammar]

kiṃ naḥ śaraṇamadyaiva tadbrūhi jagatīpate || 2554 ||
[Analyze grammar]

jīvantau tau yadi syātāṃ naṣṭā lokā ime trayaḥ || 2555 ||
[Analyze grammar]

na viprā na ca rājāno na vaiśyā na ca pādajāḥ || 2556 ||
[Analyze grammar]

atyantabalinau mattau tīkṣṇadaṇḍadharau nṛpau || 2557 ||
[Analyze grammar]

na tayoḥ purataḥ sthātuṃ śaktā devāḥ savāsavāḥ || 2558 ||
[Analyze grammar]

na ca bhīṣmo na vā rājā bāhlīko bhīmavikramaḥ || 2559 ||
[Analyze grammar]

yo hi vīro jarāsaṃdhaḥ kṣatriyāṇāṃ bhayaṃkaraḥ || 2560 ||
[Analyze grammar]

naiva ca prāyaśaḥ sthātuṃ girīśavaradarpiṇoḥ || 2561 ||
[Analyze grammar]

tayoḥ śakto hare kṛṣṇa nityamapratisaṅginoḥ || 2562 ||
[Analyze grammar]

tasmāttvaṃ jahi tau vīrau rakṣa lokānimānprabho || 2563 ||
[Analyze grammar]

anyathā rakṣasītyevaṃ śabdo vyartho'tra jāyate || 2564 ||
[Analyze grammar]

bahunātra kimuktena rakṣa rakṣa jagattrayam || 2565 ||
[Analyze grammar]

ityuktvā virarāmaiva durvāsāḥ krodhamūrchitaḥ || 2566 ||
[Analyze grammar]

vaiśaṃpāyana uvāca yatervacanamākarṇya mandamucchvasya keśavaḥ || 2567 ||
[Analyze grammar]

durvāsasaṃ samālokya babhāṣe yādaveśvaraḥ || 2568 ||
[Analyze grammar]

kṣantavyaṃ bhavatā pūrvaṃ doṣa eṣa mamaiva hi || 2569 ||
[Analyze grammar]

śṛṇu vākyaṃ mamaitattu śrutvā kṣamaparo bhava || 2570 ||
[Analyze grammar]

jeṣyāmi tau raṇe vipra haṃsaṃ ḍibhakameva ca || 2571 ||
[Analyze grammar]

girīśo vā varaṃ dadyācchakro vā dhanado'pi vā || 2572 ||
[Analyze grammar]

yamo vā varuṇo vāpi brahmā vātha caturmukhaḥ || 2573 ||
[Analyze grammar]

sabalau sānugau hatvā punardāsyāmi vo ratim || 2574 ||
[Analyze grammar]

satyenaiva śapāmyadya mā roṣavaśamanvagāḥ || 2575 ||
[Analyze grammar]

rakṣāṃ vo'haṃ kariṣyāmi hatvā tau ca nṛpādhamau || 2576 ||
[Analyze grammar]

jānāmi tau durātmānau yuṣmaddoṣakarau hi tau || 2577 ||
[Analyze grammar]

śrutaṃ ca pūrvamasmābhistīkṣṇadaṇḍadharāviti || 2578 ||
[Analyze grammar]

atyantabalinau mattau girīśavaradarpitau || 2579 ||
[Analyze grammar]

nālpaprayatnasaṃsādhyau jarāsaṃdhahitaiṣiṇau || 2580 ||
[Analyze grammar]

prāṇānapi tayo rājā dāsyatyeva na saṃśayaḥ || 2581 ||
[Analyze grammar]

jarāsaṃdho mahīpālo vinānena yatemahi || 2582 ||
[Analyze grammar]

jaye tayorvipravarya tatra śreyo bhaveta naḥ || 2583 ||
[Analyze grammar]

yatra yatra ca tau gatvā sthitāvityanuśuśruma || 2584 ||
[Analyze grammar]

tatra tatra ca hantāhaṃ nātra kāryā vicāraṇā || 2585 ||
[Analyze grammar]

gacchadhvaṃ yatayaḥ svairaṃ nijakāryaparāyaṇāḥ || 2586 ||
[Analyze grammar]

acireṇaiva kālena jeṣyāmi raṇapuṅgavau || 2587 ||
[Analyze grammar]

tataḥ prītaḥ prasannātmā yādaveśvaramāha saḥ || 2588 ||
[Analyze grammar]

svastyastu bhavate kṛṣṇa jagatāṃ svasti sarvadā || 2589 ||
[Analyze grammar]

kiṃ nu nāma jagannātha duḥsādhyaṃ tava keśava || 2590 ||
[Analyze grammar]

trilokeśa tridhāmāsi sargasaṃhārakārakaḥ || 2591 ||
[Analyze grammar]

devānāmapi deveśa sarvatra samadarśanaḥ || 2592 ||
[Analyze grammar]

viṣṇo deva hare kṛṣṇa namaste cakrapāṇaye || 2593 ||
[Analyze grammar]

namaḥ svabhāvaśuddhāya śuddhāya niyatāya ca || 2594 ||
[Analyze grammar]

śabdāgocara deveśa namaste bhaktavatsala || 2595 ||
[Analyze grammar]

ajñānādatha vā jñānād yanmayoktaṃ kṣamasva tat || 2596 ||
[Analyze grammar]

tvamevāhaṃ jagannātha nāvayorantaraṃ pṛthak || 2597 ||
[Analyze grammar]

ataḥ kṣamasva bhagavan kṣamāsārā hi sādhavaḥ || 2598 ||
[Analyze grammar]

bhagavānuvāca kṣantavyaṃ bhavatā vipra kṣamāsārā vayaṃ sadā || 2599 ||
[Analyze grammar]

saṃnyāsinaḥ kṣamāsārāḥ kṣamā teṣāṃ paraṃ balam || 2600 ||
[Analyze grammar]

kṣamā mokṣakarī nityaṃ tattvajñānamiva dvija || 2601 ||
[Analyze grammar]

kṣamā dharmaḥ kṣamā satyaṃ kṣamā dānaṃ kṣamā yaśaḥ || 2602 ||
[Analyze grammar]

kṣamā svargasya sopānamiti vedavido viduḥ || 2603 ||
[Analyze grammar]

tasmātsarvaprayatnena kṣamāṃ pālayata svakām || 2604 ||
[Analyze grammar]

pratyakṣajñānasaṃyuktā yūyaṃ sarve yatīśvarāḥ || 2605 ||
[Analyze grammar]

ete te yatayo viprāḥ pūjanīyā mayādya vai || 2606 ||
[Analyze grammar]

bhoktavyā yatayo viprā bhikṣukāḥ sarva eva hi || 2607 ||
[Analyze grammar]

tatheti te pratijñāya bhoktumaicchan harergṛhe || 2608 ||
[Analyze grammar]

tataḥ svabhavanaṃ viṣṇuḥ praviśya harirīśvaraḥ || 2609 ||
[Analyze grammar]

caturvidhaṃ tadāhāraṃ kārayitvā yathāvidhi || 2610 ||
[Analyze grammar]

bhojayāmāsa tān sarvānyatīnyativarārcitaḥ || 2611 ||
[Analyze grammar]

chittvā chittvā ca deveśo dukūlāni mṛdūni saḥ || 2612 ||
[Analyze grammar]

dadau tebhyastadā viṣṇuḥ sarvebhyo janamejaya || 2613 ||
[Analyze grammar]

te ca prītā yathāyogaṃ yataḥ pūrvaṃ tato gatāḥ || 2614 ||
[Analyze grammar]

vaiśaṃpāyana uvāca durvāsāstvatha tatraiva nāradena sahāyavān || 2615 ||
[Analyze grammar]

cintayanbrahmaṇastattvaṃ vijahāra yathāsukham || 2616 ||
[Analyze grammar]

bhagavānapi govindastayorvadhamamanyata || 2617 ||
[Analyze grammar]

tatastau haṃsaḍibhakau tasmin kāle mahīpate || 2618 ||
[Analyze grammar]

brahmadattaṃ mahīpālaṃ pitaraṃ vīryaśālinam || 2619 ||
[Analyze grammar]

prāvocatāmidaṃ vākyaṃ sāmantajanasaṃsadi || 2620 ||
[Analyze grammar]

rājasūyaṃ mahāyajñaṃ pitaḥ kuru suyantritaḥ || 2621 ||
[Analyze grammar]

asminmāsi nṛpaśreṣṭha yatāmo yajñasiddhaye || 2622 ||
[Analyze grammar]

āvāṃ te'dya mahārāja diśāṃ vijayatatparau || 2623 ||
[Analyze grammar]

yatiṣyāvo balaiḥ sārdhaṃ rathairaśvairgajairapi || 2624 ||
[Analyze grammar]

saṃbhārā yajñasiddhyarthamānetavyā nṛpottama || 2625 ||
[Analyze grammar]

tatheti sa mahārājo brahmadatto'bravīttadā || 2626 ||
[Analyze grammar]

janārdanastu viprendro dṛṣṭvā sāhasatatparau || 2627 ||
[Analyze grammar]

aśakyamiti manvāno vayasyaṃ haṃsamabravīt || 2628 ||
[Analyze grammar]

śṛṇu haṃsa vaco mahyaṃ śrutvā niścitya vīryavān || 2629 ||
[Analyze grammar]

āyuṣman sāhasaṃ kartuṃ niścito'si nṛpottama || 2630 ||
[Analyze grammar]

sthite bhīṣme jarāsaṃdhe bāhlīke ca nṛpottame || 2631 ||
[Analyze grammar]

kiṃ ca vīreṣu sarveṣu yādaveṣu nṛpottama || 2632 ||
[Analyze grammar]

bhīṣmo hi balavānvṛddhaḥ satyasaṃdho jitendriyaḥ || 2633 ||
[Analyze grammar]

triḥsaptakṛtvaḥ pṛthivīṃ yo jigāya bhṛgūttamaḥ || 2634 ||
[Analyze grammar]

taṃ yuddhe jitavānbhīṣmaḥ sarvakṣatrasya paśyataḥ || 2635 ||
[Analyze grammar]

jarāsaṃdhasya yadvīryaṃ tadbhavānvetti saṃyuge || 2636 ||
[Analyze grammar]

vṛṣṇivīrāstu te sarve kṛtāstrā yuddhadurmadāḥ || 2637 ||
[Analyze grammar]

tatra kṛṣṇo hṛṣīkeśo jitaśatruḥ kṛtī sadā || 2638 ||
[Analyze grammar]

jarāsaṃdhena sahitaḥ sadā yuddhe jitaśramaḥ || 2639 ||
[Analyze grammar]

pramukhe tasya na sthātuṃ śakto jīvannṛpottama || 2640 ||
[Analyze grammar]

balabhadrastathā mattaḥ kruddho yadi bhavedbalī || 2641 ||
[Analyze grammar]

lokānimān samāhartuṃ śaknotīti matirmama || 2642 ||
[Analyze grammar]

tathā ca sātyakirvīraḥ śakto jetuṃ raṇe ripūn || 2643 ||
[Analyze grammar]

tathānye yādavāḥ sarve kṛṣṇamāśritya daṃśitāḥ || 2644 ||
[Analyze grammar]

asmābhiśca kṛtaḥ pūrvaṃ virodho yatibhiḥ saha || 2645 ||
[Analyze grammar]

durvāsā yatibhiḥ sārdhaṃ gato draṣṭuṃ sa keśavam || 2646 ||
[Analyze grammar]

iti śrutaṃ nṛpaśreṣṭha brāhmaṇādbhoktumāgatāt || 2647 ||
[Analyze grammar]

tathā sati yathā sidhyettathā cintyaṃ ca mantribhiḥ || 2648 ||
[Analyze grammar]

tataḥ paścādvidhāsyāmo rājasūyaṃ mahākratum || 2649 ||
[Analyze grammar]

haṃsa uvāca ko nāma bhīṣmo mandātmā vṛddho hīnabalaḥ sadā || 2650 ||
[Analyze grammar]

āvayoḥ purataḥ sthātuṃ śaktaḥ kila sa vṛddhakaḥ || 2651 ||
[Analyze grammar]

yādavā iti citraṃ naḥ śaktāḥ sthātuṃ raṇe dvija || 2652 ||
[Analyze grammar]

kaśca kṛṣṇaḥ puraḥ sthātuṃ baladevaśca mattakaḥ || 2653 ||
[Analyze grammar]

śaineyaścāpi viprendra sthātuṃ nālaṃ vicitratā || 2654 ||
[Analyze grammar]

jarāsaṃdhastu dharmātmā bandhureva sadā mama || 2655 ||
[Analyze grammar]

gaccha vipra yaduśreṣṭhaṃ brūhi madvacanāttvaran || 2656 ||
[Analyze grammar]

dīyatāṃ karasarvasvaṃ yajñārthaṃ lavaṇaṃ bahu || 2657 ||
[Analyze grammar]

lavaṇāni bahūnyāśu gṛhya keśava māciram || 2658 ||
[Analyze grammar]

āgaccha tvaritaṃ kṛṣṇa na te kāryaṃ vilambanam || 2659 ||
[Analyze grammar]

iti brūhi yaduśreṣṭhaṃ yāhi tvaritavikramaḥ || 2660 ||
[Analyze grammar]

na brūyāścottaraṃ vipra śapeyaṃ tvāṃ priyo'si me || 2661 ||
[Analyze grammar]

mitrabhāvādidaṃ brūhi śapāmi tvāṃ punaḥ punaḥ || 2662 ||
[Analyze grammar]

iti saṃcodito vipro nottaraṃ pratyabhāṣata || 2663 ||
[Analyze grammar]

mitrabhāvāttathā rājan snehācca janamejaya || 2664 ||
[Analyze grammar]

janārdanastu dharmātmā nityaṃ gantuṃ samudyataḥ || 2665 ||
[Analyze grammar]

adya śvo vā paraśvo vā gacchāmīti yateta saḥ || 2666 ||
[Analyze grammar]

devaṃ draṣṭuṃ jagadyoniṃ śaṅkhacakragadādharam || 2667 ||
[Analyze grammar]

eka eva ca dharmātmā hayamāruhya satvaram || 2668 ||
[Analyze grammar]

prātareva jagāmāśu draṣṭuṃ dvāravatīṃ dvijaḥ || 2669 ||
[Analyze grammar]

hariṃ kṛṣṇaṃ hṛṣīkeśaṃ manasā saṃsmarandvijaḥ || 2670 ||
[Analyze grammar]

prabhuṃ kṛṣṇaṃ hṛṣīkeśaṃ manasā saṃsmaran harim || 2670 ||
[Analyze grammar]

vaiśaṃpāyana uvāca tataḥ prāyāddhariṃ draṣṭuṃ brāhmaṇo brahmavittamaḥ || 2671 ||
[Analyze grammar]

hayenaikena rājendra tvaritaṃ sa yayau nṛpa || 2672 ||
[Analyze grammar]

yathā nidāghasamaye sūryāṃśuparipīḍitaḥ || 2673 ||
[Analyze grammar]

pāntho yāti jalaṃ dṛṣṭvā tvaritaṃ tatpipāsayā || 2674 ||
[Analyze grammar]

dhāvatyeva tathā vipro hariṃ draṣṭuṃ janārdanam || 2675 ||
[Analyze grammar]

gacchan sa cintayāmāsa codayan hayamuttamam || 2676 ||
[Analyze grammar]

haṃsa eva yathā nityaṃ kuryātpriyahitaṃ mama || 2677 ||
[Analyze grammar]

tathā hi preṣitastena hariṃ paśyetyahaṃ prabhum || 2678 ||
[Analyze grammar]

ahameva sadā dhanyo matto hyabhyadhiko na ca || 2679 ||
[Analyze grammar]

yato drakṣyāmyahaṃ viṣṇuṃ vasantaṃ dvārakāpure || 2680 ||
[Analyze grammar]

sā hi me jananī dhanyā hariṃ dṛṣṭvā punargatam || 2681 ||
[Analyze grammar]

kṛtārthaṃ sarvathā putraṃ drakṣyatyeṣā manasvinī || 2682 ||
[Analyze grammar]

mukhamunnidrahemābja kiñjalkasadṛśaprabham || 2683 ||
[Analyze grammar]

drakṣyāmi devadevasya cakriṇaḥ śārṅgadhanvanaḥ || 2684 ||
[Analyze grammar]

vapurdrakṣyāmyahaṃ viṣṇornīlotpaladalacchavi || 2685 ||
[Analyze grammar]

śaṅkhacakragadāśārṅga vanamālāvibhūṣitam || 2686 ||
[Analyze grammar]

netre te devadevasya padmakiñjalkasaprabhe || 2687 ||
[Analyze grammar]

paśyāmyahamadīnātmā naṣṭaduḥkho'smi nirvṛtaḥ || 2688 ||
[Analyze grammar]

api drakṣyati yogātmā saumyenaiva svacakṣuṣā || 2689 ||
[Analyze grammar]

api vā matpriyaṃ brūyātsvasti ceti ca vā vadet || 2690 ||
[Analyze grammar]

drakṣyāmi cakriṇo varṣma antastrailokyasaṃyutam || 2691 ||
[Analyze grammar]

pādābjaṃ cakriṇo draṣṭuṃ tvarayatyeva māṃ manaḥ || 2692 ||
[Analyze grammar]

vakṣaḥsthalaṃ sadā viṣṇoḥ sphurad ratnaprabhāyutam || 2693 ||
[Analyze grammar]

paśyanniva ca gacchāmi smarannaniśamīśvaram || 2694 ||
[Analyze grammar]

pītakauśeyavasanaṃ lambahāravibhūṣitam || 2695 ||
[Analyze grammar]

īṣatsmitādharaṃ viṣṇuṃ paśyāmi ca punaḥ punaḥ || 2696 ||
[Analyze grammar]

smarataśca hare rūpaṃ lomaharṣo'yamīdṛśaḥ || 2697 ||
[Analyze grammar]

gacchataśca puro bhāti śaṅkhacakragadāsimān || 2698 ||
[Analyze grammar]

yātīva ca puro bhāti mahyaṃ devo jagadguruḥ || 2699 ||
[Analyze grammar]

eṣo'yamiti me vaktuṃ jihvā prasphuratīva tam || 2700 ||
[Analyze grammar]

idaṃ duḥkhataraṃ manye karaṃ dehīti yadvacaḥ || 2701 ||
[Analyze grammar]

idaṃ tatsāhasaṃ manye yadvacastasya bhūpateḥ || 2702 ||
[Analyze grammar]

haṃsasya karado viṣṇustadājñāparicārakaḥ || 2703 ||
[Analyze grammar]

tasya sarvaṃ puro gatvā vaktāhaṃ kila nirdayaḥ || 2704 ||
[Analyze grammar]

mūḍhānāmagraṇīrasmi nirlajjaśca tathā vadan || 2705 ||
[Analyze grammar]

karaṃ dehi hare viṣṇo haṃsasya yadupuṃgava || 2706 ||
[Analyze grammar]

lavaṇāni bahūnyāśu dātavyāni karātmanā || 2707 ||
[Analyze grammar]

iti vaktuṃ na me yuktaṃ puratastasya śārṅgiṇaḥ || 2708 ||
[Analyze grammar]

tathāpi mitrabhāvāttu vaktavyaṃ ghoramīdṛśam || 2709 ||
[Analyze grammar]

kaṣṭo hyayaṃ mitrabhāvo manuṣyāṇāṃ kṛtātmanām || 2710 ||
[Analyze grammar]

atha vā sarvavidviṣṇuḥ sarvasya hṛdi saṃsthitam || 2711 ||
[Analyze grammar]

jānātyeva sadā bhāvaṃ prāṇināṃ śobhane rataḥ || 2712 ||
[Analyze grammar]

tathā sati na me doṣo mitrabhāvo yato hyayam || 2713 ||
[Analyze grammar]

sarvathā rakṣatāṃ viṣṇurghoraṃ vaktuṃ yatasya me || 2714 ||
[Analyze grammar]

drakṣyāmyahaṃ jagannāthaṃ nīlakuñcitamūrdhajam || 2715 ||
[Analyze grammar]

kambugrīvādharaṃ viṣṇuṃ śrīvatsācchāditorasam || 2716 ||
[Analyze grammar]

sphuratpadmamahābāhuṃ ratnacchāyāvirājitam || 2717 ||
[Analyze grammar]

drakṣyāmi cakriṇaṃ viṣṇuṃ keśavaṃ yādaveśvaram || 2718 ||
[Analyze grammar]

acintyavibhavaṃ devaṃ bhūtabhavyabhavatprabhum || 2719 ||
[Analyze grammar]

ātmamāyaṃ jaganmāyaṃ drakṣyāmi jalaśāyinam || 2720 ||
[Analyze grammar]

kṛtārthaḥ sarvathā cāhaṃ bhavāmi vigatajvaraḥ || 2721 ||
[Analyze grammar]

adya me saphalaṃ janma sākṣātkṛtavato hariṃ || 2722 ||
[Analyze grammar]

adya me saphalā yajñāḥ sākṣātkṛtavato harim || 2723 ||
[Analyze grammar]

netre me saphale viṣṇuṃ paśyataśca jaganmayam || 2724 ||
[Analyze grammar]

prītimānastu me viṣṇurvakturghorasya karmaṇaḥ || 2725 ||
[Analyze grammar]

unmiṣannetrayugmena drakṣyāmyasakṛdīśvaram || 2726 ||
[Analyze grammar]

āmūlamastakaṃ viṣṇuṃ paśyāmi ca punaḥ punaḥ || 2727 ||
[Analyze grammar]

pibāmi netrayugmena vapuḥ kṛṣṇasya kevalam || 2728 ||
[Analyze grammar]

dhārayiṣyāmyahaṃ pāṃśuṃ tatpādaprabhavaṃ śivam || 2729 ||
[Analyze grammar]

tataḥ kṛtārthatāṃ yāsye svargamārgo hi tadrajaḥ || 2730 ||
[Analyze grammar]

meghagambhīranirghoṣaṃ śroṣyāmi ca hareḥ svaram || 2731 ||
[Analyze grammar]

pādābjaṃ cakriṇo viṣṇoḥ paśyāmi ca jagatpateḥ || 2732 ||
[Analyze grammar]

paśyāmīva harervaktraṃ pūrṇendusadṛśaprabham || 2733 ||
[Analyze grammar]

hareridaṃ jagadrūpaṃ paśyāmīva ca sarvataḥ || 2734 ||
[Analyze grammar]

prasīdatu sadā viṣṇurayuktaṃ vaktumicchataḥ || 2735 ||
[Analyze grammar]

ālolakuṇḍalayugaṃ haricandanacarcitam || 2736 ||
[Analyze grammar]

sphuratkeyūraratnārcirbāhudvayavirājitam || 2737 ||
[Analyze grammar]

savyoddhṛtamahāśaṅkhaṃ raśmijālavirājitam || 2738 ||
[Analyze grammar]

prodyadbhāskaravarṇābhaṃ cakrajvālāvabhāsitam || 2739 ||
[Analyze grammar]

projjvalatkaṅkaṇayutaṃ taptajāmbūnadāṅgadam || 2740 ||
[Analyze grammar]

pītakauśeyavasanaṃ vistīrṇoraskamacyutam || 2741 ||
[Analyze grammar]

kadā drakṣyāmi deveśamidānīmatha vānyadā || 2742 ||
[Analyze grammar]

sarvathā kṛtakṛtyo'haṃ yadvapurdraṣṭumudyataḥ || 2743 ||
[Analyze grammar]

namo mahyaṃ namo mahyaṃ yato draṣṭumahaṃ harim || 2744 ||
[Analyze grammar]

udyato'smi jagannāthaṃ balabhadrakṛtāspadam || 2745 ||
[Analyze grammar]

drakṣyāmyavaśyamadyaiva viṣṇuṃ jiṣṇuṃ jagadgurum || 2746 ||
[Analyze grammar]

śrīhārakaustubharucisphuritoruvakṣaḥ || 2747 ||
[Analyze grammar]

pītāmbaraṃ makarakuṇḍalapaṅkajākṣam || 2748 ||
[Analyze grammar]

kṛṣṇaṃ kirīṭadaracakragadordhvahastaṃ || 2749 ||
[Analyze grammar]

tejomayaṃ mama harervapurastu bhūtyai || 2750 ||
[Analyze grammar]

vedodadhau vividhaśāstramahābhiyoga || 2751 ||
[Analyze grammar]

niṣṇātaśuddhamatimandaramathyamāne || 2752 ||
[Analyze grammar]

uddyotamānamamarairaniśaṃ niṣevyaṃ || 2753 ||
[Analyze grammar]

nārāyaṇākhyamamṛtaṃ prapibāmi cādyam || 2754 ||
[Analyze grammar]

dhyeyaṃ mumukṣubhirameyamanādyanantaṃ || 2755 ||
[Analyze grammar]

sthūlaṃ susūkṣmataramekamanekamādyam || 2756 ||
[Analyze grammar]

jyotistrilokajanakaṃ tridaśaikavandyam || 2757 ||
[Analyze grammar]

akṣṇormamāstu satataṃ hṛdaye'cyutākhyam || 2758 ||
[Analyze grammar]

cintayanniti viprendro yayau dvāravatīṃ purīm || 2759 ||
[Analyze grammar]

matvā kṛtārthamātmānaṃ vāhayan hayamuttamam || 2760 ||
[Analyze grammar]

vaiśaṃpāyana uvāca sa niveditasarvasvo dvāḥsthena hi janārdanaḥ || 2761 ||
[Analyze grammar]

atha praviśya dharmātmā sudharmāṃ vai dvijottamaḥ || 2762 ||
[Analyze grammar]

apaśyaddevadeveśaṃ sudharmākṛtisaṃsthitam || 2763 ||
[Analyze grammar]

balabhadreṇa saṃyuktamadhyāsitamahāsanam || 2764 ||
[Analyze grammar]

agrataḥsthitaśaineyaṃ pārśvataḥsthitanāradam || 2765 ||
[Analyze grammar]

durvāsasā kṛtakathamugrasenapuraḥsaram || 2766 ||
[Analyze grammar]

gāyadgandharvamukhyaiśca nṛtyadapsarasāṃ gaṇaiḥ || 2767 ||
[Analyze grammar]

sevyamānaṃ mahārāja sūtamāgadhabandibhiḥ || 2768 ||
[Analyze grammar]

udgīyamānayaśasaṃ mādhavaṃ madhusūdanam || 2769 ||
[Analyze grammar]

udgīyamānaṃ vipraiśca sāmabhiḥ sāmagairharim || 2770 ||
[Analyze grammar]

dṛṣṭvā prītamanā viṣṇuṃ provāca pulakacchaviḥ || 2771 ||
[Analyze grammar]

nāmnā janārdano'smīti nanāma caraṇau hareḥ || 2772 ||
[Analyze grammar]

balabhadraṃ tato bhūyo vavande śirasā dvijaḥ || 2773 ||
[Analyze grammar]

dūto'smi devadeveśa haṃsasya ḍibhakasya ca || 2774 ||
[Analyze grammar]

iti bruvāṇaṃ viprendramidamāha sa mādhavaḥ || 2775 ||
[Analyze grammar]

āssvedaṃ viṣṭaraṃ pūrvaṃ paścādbūhi prayojanam || 2776 ||
[Analyze grammar]

tatheti cābravīdvipro mahadāsanamāsthitaḥ || 2777 ||
[Analyze grammar]

vācā saṃpūjya viprendramapṛcchatkuśalaṃ hariḥ || 2778 ||
[Analyze grammar]

brahmadattasya rājendra haṃsasya ḍibhakasya ca || 2779 ||
[Analyze grammar]

śrutaṃ cāpi tayorvīryaṃ tataḥ prīto dvijottama || 2780 ||
[Analyze grammar]

api vā kuśalaṃ vipra pitustava janārdana || 2781 ||
[Analyze grammar]

iti śrutvā giraṃ viṣṇostathetyāha janārdanaḥ || 2781 ||
[Analyze grammar]

saṃgatiśca girīśāttu śrutā me vīryatastayoḥ || 2782 ||
[Analyze grammar]

iti śrutvā giraṃ viṣṇostathetyāha janārdanaḥ || 2783 ||
[Analyze grammar]

kuśalaṃ brahmadattasya pituśca mama keśava || 2784 ||
[Analyze grammar]

tayoreva jagannātha haṃsasya ḍibhakasya ca || 2785 ||
[Analyze grammar]

bhagavānuvāca kimāhaturmahīpālau tau haṃsaḍibhakau nṛpau || 2786 ||
[Analyze grammar]

brūhi sarvamaśeṣeṇa nātra śaṅkā dvijottama || 2787 ||
[Analyze grammar]

vācyaṃ vāpyatha vāvācyaṃ kartavyamatha vetaram || 2788 ||
[Analyze grammar]

śrutvā tasya vidhāsyāmo yuktarūpaṃ dvijottama || 2789 ||
[Analyze grammar]

dūtasya sarvathā vipra na vācyāvācyakalpanā || 2790 ||
[Analyze grammar]

yatkarma rājanirdiṣṭaṃ tadvācyaṃ dūtajanmanā || 2791 ||
[Analyze grammar]

nātra śaṅkā tvayā kāryā vaktavyasyetarasya vā || 2792 ||
[Analyze grammar]

ato vada yathāproktaṃ tābhyāṃ mama janārdana || 2793 ||
[Analyze grammar]

keśavenaivamuktastu provācātho janārdanaḥ || 2794 ||
[Analyze grammar]

ajānanniva kiṃ brūṣe sarvaṃ pratyakṣadarśivān || 2795 ||
[Analyze grammar]

na cāsti te parokṣaṃ tu jagadvṛttāntamacyuta || 2796 ||
[Analyze grammar]

sarvaṃ hi manasā paśyan kiṃ tvamāttha vadeti mām || 2797 ||
[Analyze grammar]

vidvadbhirgīyase viṣṇo tvameva jagatīpate || 2798 ||
[Analyze grammar]

icchayā sarvamāpnoṣi dṛṣṭādṛṣṭavivecanam || 2799 ||
[Analyze grammar]

tvamevedaṃ jagatsarvaṃ jagacca tvayi tiṣṭhati || 2800 ||
[Analyze grammar]

na tvayā rahito hyekaḥ padārthaḥ sacarācaraḥ || 2801 ||
[Analyze grammar]

nāsti kiṃcidavedyaṃ te sarvago'si jagatpate || 2802 ||
[Analyze grammar]

tvamindraḥ sarvabhūtānāṃ rudraḥ saṃhārakarmakṛt || 2803 ||
[Analyze grammar]

rakṣitāsi sadā viṣṇo sarvalokasya mādhava || 2804 ||
[Analyze grammar]

saṃsārasya bhavān sraṣṭā kiṃ tvamāttha vadeti mām || 2805 ||
[Analyze grammar]

vidvadbhirgīyase viṣṇo jñānātmeti ca mādhava || 2806 ||
[Analyze grammar]

prāṇaṃ prāṇavidaḥ prāhustvāmeva puruṣottama || 2807 ||
[Analyze grammar]

śabdaṃ śabdavidaḥ prāhustvāmeva puruṣottama || 2808 ||
[Analyze grammar]

tathā sati hṛṣīkeśa kiṃ tvamāttha vadeti mām || 2809 ||
[Analyze grammar]

tathāpi śṛṇu deveśa codito'si yatastvayā || 2810 ||
[Analyze grammar]

vadetyasakṛdevaitattasmādvakṣyāmi mādhava || 2811 ||
[Analyze grammar]

rājasūyena yāgena brahmadatto'dya yakṣyati || 2812 ||
[Analyze grammar]

tadarthaṃ preṣitastābhyāṃ haṃsena ḍibhakena ca || 2813 ||
[Analyze grammar]

karārthaṃ yadumukhyebhyastava cāmantraṇāya ca || 2814 ||
[Analyze grammar]

lavaṇaṃ bahu deyaṃ te yajñārthaṃ tasya keśava || 2815 ||
[Analyze grammar]

ityarthaṃ preṣitastābhyāṃ karaṃ dehi tadājñayā || 2816 ||
[Analyze grammar]

idamapyaparaṃ tābhyāṃ uktaṃ śṛṇu jagatpate || 2817 ||
[Analyze grammar]

lavaṇāni bahūnyāśu pragṛhya tvarito bhavān || 2818 ||
[Analyze grammar]

āgacchatu tayo rājñoḥ seyaṃ keśava vāgvibho || 2819 ||
[Analyze grammar]

ityuktavati viprendre dūte tatra tayornṛpa || 2820 ||
[Analyze grammar]

prahasya suciraṃ kṛṣṇo babhāṣe dūtamīśvaraḥ || 2821 ||
[Analyze grammar]

śṛṇu dūta vaco mahyaṃ yuktamuktaṃ dvijottama || 2822 ||
[Analyze grammar]

karaṃ dadāmi tābhyāṃ tu karado'smi yato nṛpa || 2823 ||
[Analyze grammar]

dhārṣṭyaṃ etattayorvipra matto yattu karagrahaḥ || 2824 ||
[Analyze grammar]

aho dhārṣṭyamaho dhārṣṭyaṃ tayoḥ kṣatriyabījayoḥ || 2825 ||
[Analyze grammar]

idamaśrutapūrvaṃ me matto yastu karagrahaḥ || 2826 ||
[Analyze grammar]

ityuktvā keśavo dūtamidamāha sma yādavān || 2827 ||
[Analyze grammar]

hāsyametad yaduśreṣṭhā matto yattu karagrahaḥ || 2828 ||
[Analyze grammar]

yaṣṭāsau rājasūyasya brahmadatto mahīpatiḥ || 2829 ||
[Analyze grammar]

tau taṃ yājayitārau ca haṃso ḍibhaka eva ca || 2830 ||
[Analyze grammar]

voḍhā kila yaduśreṣṭhā lavaṇasya durātmanoḥ || 2831 ||
[Analyze grammar]

karado vāsudevo'haṃ jīvāmi yadusattamāḥ || 2832 ||
[Analyze grammar]

hāsyaṃ hāsyamidaṃ hāsyaṃ śṛṇudhvaṃ yādavā vacaḥ || 2833 ||
[Analyze grammar]

ityuktavati dāśārhe balabhadrapurogamāḥ || 2834 ||
[Analyze grammar]

yādavāḥ sarva evaite hāsāya samavasthitāḥ || 2835 ||
[Analyze grammar]

karadaḥ kṛṣṇa ityevaṃ bruvantaḥ sarvasātvatāḥ || 2836 ||
[Analyze grammar]

hāsaṃ mumucuratyarthaṃ talaṃ dattvā parasparam || 2837 ||
[Analyze grammar]

talaśabdo hāsyaśabdo rodasī paryapūrayat || 2838 ||
[Analyze grammar]

sa ca vipro nṛpaśreṣṭha nindayanmaitramātmanaḥ || 2839 ||
[Analyze grammar]

aho kaṣṭamaho kaṣṭaṃ dautyaṃ yatkṛtavānaham || 2840 ||
[Analyze grammar]

iti lajjāsamāviṣṭastūṣṇīmāsīdavāṅmukhaḥ || 2841 ||
[Analyze grammar]

vaiśaṃpāyana uvāca hāsaṃ kurvatsu teṣvevaṃ keśavaḥ keśisūdanaḥ || 2842 ||
[Analyze grammar]

uvāca vacanaṃ dūtaṃ gaccha madvacanāddvija || 2843 ||
[Analyze grammar]

tāvitthaṃ haṃsaḍibhakau brūhi tvaritavikrama || 2844 ||
[Analyze grammar]

bāṇairdāsyāmi niśitaiḥ śārṅgamuktaiḥ śilāśitaiḥ || 2845 ||
[Analyze grammar]

navanītāttakusumaiḥ kaṅkapatraiḥ suvājitaiḥ || 2846 ||
[Analyze grammar]

asinā vātha dāsyāmi niśitena mahātmanoḥ || 2847 ||
[Analyze grammar]

śiro vaśchetsyate cakraṃ matkaraprahitaṃ bali || 2848 ||
[Analyze grammar]

yo varaṃ dattavāñcharvo yuvayordhārṣṭyakāraṇam || 2849 ||
[Analyze grammar]

sa eva rakṣitā vāṃ syāttaṃ jitvā vā nihanmyaham || 2850 ||
[Analyze grammar]

deśo'yaṃ saṃvidhātavyo yatra naḥ saṃgatirbhavet || 2851 ||
[Analyze grammar]

tatra gantā tathā cāsmi sabalaḥ sahasainikaḥ || 2852 ||
[Analyze grammar]

bhavantau nirbhayau bhūtvā gacchetāṃ sabalau nṛpau || 2853 ||
[Analyze grammar]

puṣkare vā prayāge vā mathurāyāmathāpi vā || 2854 ||
[Analyze grammar]

tatrāhaṃ sabalo yātā nātra kāryā vicāraṇā || 2855 ||
[Analyze grammar]

atha vā mitrabhāvācca vaktumevaṃ tvamakṣamaḥ || 2856 ||
[Analyze grammar]

na śakyaṃ yattvayā vaktuṃ tattu vakṣyati sātyakiḥ || 2857 ||
[Analyze grammar]

tvayā saha tato gatvā sākṣibhūto bhava dvija || 2858 ||
[Analyze grammar]

idaṃ ca jāne viprendra sneho mama sadā tvayi || 2859 ||
[Analyze grammar]

tena tvaṃ vijayī bhūyāḥ saṃsāre duḥkhasaṃkule || 2860 ||
[Analyze grammar]

matkathāparamo nityaṃ sadā bhava janārdana || 2861 ||
[Analyze grammar]

vaiśaṃpāyana uvāca ityuktvā brāhmaṇaṃ kṛṣṇaḥ sātyakiṃ punarāha ca || 2862 ||
[Analyze grammar]

gaccha śaineya vipreṇa brūhi madvacanāttayoḥ || 2863 ||
[Analyze grammar]

yanmayoktamaśeṣeṇa vada gatvā tayoryado || 2864 ||
[Analyze grammar]

yathā naḥ saṃgatiryuddhe tathā vada balād yado || 2865 ||
[Analyze grammar]

dhanurādāya gaccha tvaṃ baddhagodhāṅgulitravān || 2866 ||
[Analyze grammar]

ekenāśvena gaccha tvamasahāyo yadūttama || 2867 ||
[Analyze grammar]

sātyakistaṃ tathetyuktvā hayamāruhya śīghragam || 2868 ||
[Analyze grammar]

gantumaicchattato rājannasahāyaḥ sa sātyakiḥ || 2869 ||
[Analyze grammar]

janārdanaṃ visṛjyāśu dūtaṃ taṃ yādaveśvaraḥ || 2870 ||
[Analyze grammar]

aho dhārṣṭyamaho dārṣṭyamityuvāca janārdanaḥ || 2871 ||
[Analyze grammar]

namaskṛtya tato dūto mādhavaṃ yādaveśvaram || 2872 ||
[Analyze grammar]

sa yayau sālvanagaraṃ śaineyena saha dvijaḥ || 2873 ||
[Analyze grammar]

tataḥ praviśya dharmātmā brāhmaṇo brahmavittamaḥ || 2874 ||
[Analyze grammar]

āsanaṃ mahadāsthāya visṛjya yadave punaḥ || 2875 ||
[Analyze grammar]

āste yathāsukhaṃ vipraḥ śaineyena samanvitaḥ || 2876 ||
[Analyze grammar]

atha taṃ haṃsaḍibhayordarśayāmāsa sātyakim || 2877 ||
[Analyze grammar]

dūto'yaṃ sātyakiḥ prāptaḥ savyo bāhurayaṃ hareḥ || 2878 ||
[Analyze grammar]

tasya tadvacanaṃ śrutvā haṃsaḥ prāha vacastadā || 2879 ||
[Analyze grammar]

śrutyā samāgataḥ pūrvamadya dṛṣṭo mayā tvasau || 2880 ||
[Analyze grammar]

dhanurvede ca vede ca śastraśāstre tathaiva ca || 2881 ||
[Analyze grammar]

nipuṇo'yaṃ sadā śūra ityevamanuśuśrumaḥ || 2882 ||
[Analyze grammar]

adya dṛṣṭipathaṃ prāptaḥ prītiṃ me vidadhātyasau || 2883 ||
[Analyze grammar]

kuśalaṃ vāsudevasya baladevasya cāpi vā || 2884 ||
[Analyze grammar]

kuśalāḥ sātvatāḥ sarve ugrasenapurogamāḥ || 2885 ||
[Analyze grammar]

tatheti sātyakiḥ prāha mandamunmiṣitānanaḥ || 2886 ||
[Analyze grammar]

tato janārdanaṃ prāha haṃso vākyaviśāradaḥ || 2887 ||
[Analyze grammar]

api dṛṣṭastvayā cakrī siddhaṃ naḥ kāryamīhitam || 2888 ||
[Analyze grammar]

vada sarvamaśeṣeṇa mā vṛthā kālamatyagāḥ || 2889 ||
[Analyze grammar]

vaiśaṃpāyana uvāca ityuktavati haṃse ca dharmātmātha janārdanaḥ || 2890 ||
[Analyze grammar]

uvāca prasahanvīraḥ stuvannārāyaṇaṃ tadā || 2891 ||
[Analyze grammar]

adrākṣamadrākṣamahaṃ janārdanaṃ || 2892 ||
[Analyze grammar]

karasthacakraṃ varaśaṅkhadhāriṇam || 2893 ||
[Analyze grammar]

ātaptajāmbūnadabhūṣitāṅgaṃ || 2894 ||
[Analyze grammar]

sphuratprabhādyotitaratnadhāriṇam || 2895 ||
[Analyze grammar]

adrākṣamenaṃ yadubhiḥ purātanair || 2895 ||
[Analyze grammar]

vivicya vedyaṃ vidhivatsahāmaraiḥ || 2895 ||
[Analyze grammar]

praphullanīlotphalaśobhitaśriyaṃ || 2895 ||
[Analyze grammar]

vinidrahemābjavirājitodaram || 2895 ||
[Analyze grammar]

adrākṣamenaṃ yadubhiḥ purogataṃ || 2896 ||
[Analyze grammar]

saṃsevyamānaṃ munivṛndamukhyaiḥ || 2897 ||
[Analyze grammar]

saṃstūyamānaṃ prabhubandimāgadhaiḥ || 2898 ||
[Analyze grammar]

smitapravālāruṇapallavādharam || 2899 ||
[Analyze grammar]

adrākṣamenaṃ kavibhiḥ purātanair || 2900 ||
[Analyze grammar]

vivicya vedyaṃ vidhivatsahāmaraiḥ || 2901 ||
[Analyze grammar]

praphullanīlotpalaśobhitaśriyaṃ || 2902 ||
[Analyze grammar]

vinidrahemābjavirājitodaram || 2903 ||
[Analyze grammar]

bhūyo'hamadrākṣamajaṃ jagadguruṃ || 2904 ||
[Analyze grammar]

prasādayantaṃ vacanena yādavān || 2905 ||
[Analyze grammar]

nirūpayantaṃ vidhivanmunīśvaraiḥ || 2906 ||
[Analyze grammar]

pravṛddhavedārthavidhiṃ purātanaiḥ || 2907 ||
[Analyze grammar]

adrākṣamadrākṣamahaṃ punaḥ punaḥ || 2908 ||
[Analyze grammar]

samastalokaikahitaṃ prabhuṃ harim || 2909 ||
[Analyze grammar]

vasantamasmiñjagato hitāya || 2910 ||
[Analyze grammar]

jaganmayaṃ taṃ paribhūya śatrūn || 2911 ||
[Analyze grammar]

bhūyo'pyapaśyaṃ saha yādaveśvarair || 2912 ||
[Analyze grammar]

vikrīḍya vikrīḍya vihārakāle || 2913 ||
[Analyze grammar]

ramantamīḍyaṃ ramayantamīśvarān || 2914 ||
[Analyze grammar]

yadūttamānyādavamukhyamīśvaram || 2915 ||
[Analyze grammar]

bhūyo'pyapaśyaṃ sarasīruhekṣaṇaṃ || 2916 ||
[Analyze grammar]

sārdhaṃ tayā bhīṣmatanūjayā harim || 2917 ||
[Analyze grammar]

vasantamambhonidhiśāyinaṃ vibhuṃ || 2918 ||
[Analyze grammar]

bhaktapriyaṃ bhaktajanāspadaṃ harim || 2919 ||
[Analyze grammar]

adrākṣamadrākṣamahaṃ sunirvṛtaḥ || 2920 ||
[Analyze grammar]

pibanpibaṃstasya vapuḥ punaḥ punaḥ || 2921 ||
[Analyze grammar]

netreṇa mīladvivareṇa kevalaṃ || 2922 ||
[Analyze grammar]

dhanyo'hameveti tadā vyacintayam || 2923 ||
[Analyze grammar]

adrākṣamambhojayugaṃ dadhānaṃ || 2924 ||
[Analyze grammar]

prabhuṃ vibhuṃ bhūtabhavaprabhāvanam || 2925 ||
[Analyze grammar]

ādyaṃ kakudmānamuruṃ vibhāvasuṃ || 2926 ||
[Analyze grammar]

saṃsmṛtya saṃsmṛtya tameva nirvṛtaḥ || 2927 ||
[Analyze grammar]

adrākṣaṃ jagatāmīśaṃ vakṣorājitakaustubham || 2928 ||
[Analyze grammar]

vījyamānaṃ hariṃ kṛṣṇaṃ cāmarāṇāṃ śataiḥ sadā || 2929 ||
[Analyze grammar]

yuvāṃ vidveṣayuktena cetasā yādaveśvaram || 2930 ||
[Analyze grammar]

smarantaṃ sarvadā viṣṇuṃ kva vā tau kva ca veti vā || 2931 ||
[Analyze grammar]

kuto drakṣyāmi tau mandau kuto vā matpurogatau || 2932 ||
[Analyze grammar]

dhyāyantamitthaṃ deveśaṃ karasaṃśravaṇāttadā || 2933 ||
[Analyze grammar]

hasantamevamadrākṣaṃ karaṃ dehītyataḥ param || 2934 ||
[Analyze grammar]

vadantaṃ nārade vācaṃ durvāsasi yatīśvare || 2935 ||
[Analyze grammar]

brahmasūtrapadāṃ vāṇīṃ dāpayantaṃ munīśvarān || 2936 ||
[Analyze grammar]

dṛṣṭvā dṛṣṭvā hariṃ devaṃ punaḥ punaracintayam || 2937 ||
[Analyze grammar]

asādhyamidamārabdhaṃ tābhyāmiti nṛpottama || 2938 ||
[Analyze grammar]

nārabdhavyamidaṃ kāryamitaḥprabhṛti bhūmipa || 2939 ||
[Analyze grammar]

nivṛttā sā kathā haṃsa yatkaragrahaṇaṃ tava || 2940 ||
[Analyze grammar]

eṣa te'śeṣamakhilaṃ vakṣyatyeva hi sātyakiḥ || 2941 ||
[Analyze grammar]

etadvacanaṃ ākarṇya haṃsaḥ kruddho'bravīdvacaḥ || 2942 ||
[Analyze grammar]

are brāhmaṇadāyāda kā nāma tava vāgiyam || 2943 ||
[Analyze grammar]

āvayoḥ purato vaktuṃ trailokyaṃ jetumicchatoḥ || 2944 ||
[Analyze grammar]

māyayā tvāṃ bhramatyeṣa kṛṣṇo līlāvidhānavit || 2945 ||
[Analyze grammar]

taṃ dṛṣṭvā bhrama evaiṣa tava saṃjāyate mahān || 2946 ||
[Analyze grammar]

śaṅkhacakragadāśārṅga vanamālāvibhūṣitam || 2947 ||
[Analyze grammar]

vṛṣṇivīrasamāveśa samuddhṛtayaśodharam || 2948 ||
[Analyze grammar]

sūtamāgadhasaṃstāva prakaṭadvīrabāhukam || 2949 ||
[Analyze grammar]

atyadbhutayaśorāśi vilasallokamaṇḍalam || 2950 ||
[Analyze grammar]

caturbhujabalākrānta vṛṣṇiyādavasaṃsadam || 2951 ||
[Analyze grammar]

aho'dya bhrama evaiṣa darśanāttasya cakriṇaḥ || 2952 ||
[Analyze grammar]

idānīṃ ca mahātmāsau bhrāmayatyeva keśavaḥ || 2953 ||
[Analyze grammar]

tvāmeva vipra mandātmannindrajālakṛtā hi sā || 2954 ||
[Analyze grammar]

cāpalyamidamevaitattava vipra samudbhavam || 2955 ||
[Analyze grammar]

aho nu khalu sādṛśyaṃ kartavyaṃ bhavatā mama || 2956 ||
[Analyze grammar]

ahametattvayā vipra marṣaye'troditaṃ vacaḥ || 2957 ||
[Analyze grammar]

sakhibhāvāddvijaśreṣṭha anyathā kaḥ sahedidam || 2958 ||
[Analyze grammar]

gaccha mandamate vipra yatheṣṭaṃ sāṃprataṃ tvitaḥ || 2959 ||
[Analyze grammar]

gaccha gaccha yatheṣṭaṃ tvaṃ pṛthivīṃ pṛthivīṃ tava || 2960 ||
[Analyze grammar]

jitvā gopāladāyādaṃ hatvā yādavakānbahūn || 2961 ||
[Analyze grammar]

eṣa naḥ prathamaḥ kalpo jeṣyāma iti yādavān || 2962 ||
[Analyze grammar]

gaccha necchāmi vipra tvāṃ draṣṭuṃ paruṣavādinam || 2963 ||
[Analyze grammar]

śatrupakṣastutiparaṃ saha bhuktvā sadā mayā || 2964 ||
[Analyze grammar]

na me vipravadhaḥ kāryaḥ kaṣṭāyāmapi cāpadi || 2965 ||
[Analyze grammar]

ityuktvā brāhmaṇaṃ haṃso bhūyaḥ sātyakimabravīt || 2966 ||
[Analyze grammar]

are yādavadāyāda kimarthaṃ prāptavāniha || 2967 ||
[Analyze grammar]

kimabravīnnandasutaḥ kiṃ vā me nādiśatkaram || 2968 ||
[Analyze grammar]

sātyakiruvāca idaṃ tasya vaco haṃsa śaṅkhacakragadābhṛtaḥ || 2969 ||
[Analyze grammar]

śanairniśitadhārāgraiḥ śārṅgamuktaiḥ śilāśitaiḥ || 2970 ||
[Analyze grammar]

dāsyāmi karasarvasvamasinā vā śitena ca || 2971 ||
[Analyze grammar]

śiraśchetsyāmi te haṃsa karadānasya saṃgraham || 2972 ||
[Analyze grammar]

dhārṣṭyaṃ hi tava mandātman kimato'pi nṛpādhama || 2973 ||
[Analyze grammar]

devadevājjagannāthātkaramicchati yo nṛpaḥ || 2974 ||
[Analyze grammar]

tasyaiṣa karasaṃkṣepo jihvācchedo narādhama || 2975 ||
[Analyze grammar]

tasya śārṅgaravaṃ śrutvā śaṅkhasya ca hareḥ punaḥ || 2976 ||
[Analyze grammar]

ko nāma jīvitaṃ kāṅkṣaṃstiṣṭhedānīṃ tvamadya vai || 2977 ||
[Analyze grammar]

girīśavaradarpeṇa brūyādasadṛśaṃ vacaḥ || 2978 ||
[Analyze grammar]

sahāyā vayamevaite balabhadrapurogamāḥ || 2979 ||
[Analyze grammar]

prathamo balabhadro'sau dvitīyo'haṃ sa sātyakiḥ || 2980 ||
[Analyze grammar]

kṛtavarmā tṛtīyastu caturtho niśaṭho balī || 2981 ||
[Analyze grammar]

pañcamo'tha ca babhrustu ṣaṣṭhaścaivotkalaḥ smṛtaḥ || 2982 ||
[Analyze grammar]

saptamaḥ sāraṇo dhīmānastraśastraviśāradaḥ || 2983 ||
[Analyze grammar]

aṣṭamastvatha sāraṅgo navamo vipṛthustathā || 2984 ||
[Analyze grammar]

daśamaścoddhavo dhīmānvayamete balānvitāḥ || 2985 ||
[Analyze grammar]

tasyaite purato goptuḥ śaṅkhacakragadābhṛtaḥ || 2986 ||
[Analyze grammar]

devadevasya yuddheṣu tiṣṭhantyeva divāniśam || 2987 ||
[Analyze grammar]

yau hi vīrau sutau tasya svātmanā sadṛśau bale || 2988 ||
[Analyze grammar]

tāveva vāṃ kṣamau yuddhe hantuṃ balamadānvitau || 2989 ||
[Analyze grammar]

yo girīśo girāveva varaṃ dattvā sa tiṣṭhati || 2990 ||
[Analyze grammar]

yuvāṃ hi kevalau yuddhe tiṣṭhathaḥ saśaraṃ dhanuḥ || 2991 ||
[Analyze grammar]

gṛhītvā śatrubhiḥ sārdhaṃ yuddhaṃ kartuṃ samudyatau || 2992 ||
[Analyze grammar]

īdṛśeṣvatha bhṛtyeṣu yuddhaṃ kurvatsu śatrubhiḥ || 2993 ||
[Analyze grammar]

trailokyaṃ rakṣatastasmātkaramicchanvrajeta kaḥ || 2994 ||
[Analyze grammar]

haniṣyatyeṣa vāṃ yuddhe trailokyaṃ yo'dya rakṣati || 2995 ||
[Analyze grammar]

śareṇa niśitenājau śārṅgamuktena kevalam || 2996 ||
[Analyze grammar]

kva naḥ saṃgrāma ityevaṃ punarāha jagatpatiḥ || 2997 ||
[Analyze grammar]

puṣkare puṇyade nityamuta govardhane girau || 2998 ||
[Analyze grammar]

mathurāyāṃ prayāge vā darśayetāṃ balāni me || 2999 ||
[Analyze grammar]

śaṅkhacakradhare deve jagatpālanatatpare || 3000 ||
[Analyze grammar]

rājasūyaṃ mahāyajñaṃ yaṣṭumicchati kaḥ svayam || 3001 ||
[Analyze grammar]

vadanvā svastimānmartyastvāṃ vinā ko vrajetsukham || 3002 ||
[Analyze grammar]

idaṃ jāḍyamidaṃ mauḍhyamidamatyadbhutaṃ vacaḥ || 3003 ||
[Analyze grammar]

idamicchasi cenmūḍha hāsyatāṃ yāsi bhūtale || 3004 ||
[Analyze grammar]

ityuktvā sātyakirvīro hasanniva vibho sthitaḥ || 3005 ||
[Analyze grammar]

vaiśaṃpāyana uvāca tataḥ kruddho mahārāja haṃso ḍibhaka eva ca || 3006 ||
[Analyze grammar]

idaṃ prāvocatāṃ vākyaṃ roṣavyākulitekṣaṇau || 3007 ||
[Analyze grammar]

didhakṣantau diśaḥ sarvāḥ sarvānvīkṣya nṛpottamān || 3008 ||
[Analyze grammar]

karaṃ kareṇa niṣpīḍya smarantau tadvaco mahat || 3009 ||
[Analyze grammar]

kva nu kva vā nandasūnuḥ kva vā rāmo balotkaṭaḥ || 3010 ||
[Analyze grammar]

iti bruvāṇau sākṣepau sātyakiṃ satyasaṃgaram || 3011 ||
[Analyze grammar]

are yādavadāyāda kiṃ brūṣe naḥ purogataḥ || 3012 ||
[Analyze grammar]

ito nirgaccha mandātmandūtastvamasi sāṃpratam || 3013 ||
[Analyze grammar]

anyathā vadhya eva tvaṃ pralapanparuṣaṃ vacaḥ || 3014 ||
[Analyze grammar]

satyaṃ nirlajja evāsi yadbrūyā īdṛśaṃ vacaḥ || 3015 ||
[Analyze grammar]

āvāmidaṃ jagatsarvaṃ śāsituṃ saṃyatau nṛpau || 3016 ||
[Analyze grammar]

ko nāma mānuṣe loke karado naiva jīvati || 3017 ||
[Analyze grammar]

hatvā gopālakaṃ saṃkhye badhvā yādavakānbahūn || 3018 ||
[Analyze grammar]

gṛhṇīmaḥ karasarvasvaṃ tato gaccha narādhama || 3019 ||
[Analyze grammar]

avadhyo dūtatāṃ prāpto bahvabaddhaṃ prabhāṣase || 3020 ||
[Analyze grammar]

īśvaro nau varaṃ dātā hyastrāṇāmapi ca prabhuḥ || 3021 ||
[Analyze grammar]

rakṣitārau mahābhūtau saṃgrāmaṃ gacchatośca nau || 3022 ||
[Analyze grammar]

pitaraṃ yājayiṣyāvo hatvā gopālakān raṇe || 3023 ||
[Analyze grammar]

ete proktā bhṛśaṃ yuddhe kātarāḥ sarva eva te || 3024 ||
[Analyze grammar]

hatvā tān sabalānyuddhe punarjeṣyāva keśavam || 3025 ||
[Analyze grammar]

saṃskartavyā mahāsenā pragṛhītaśarāsanā || 3026 ||
[Analyze grammar]

gṛhītaprāsamusalā gṛhītakavacā sadā || 3027 ||
[Analyze grammar]

ārūḍharathasāhasra gadāparighasaṃkulā || 3028 ||
[Analyze grammar]

suprabhūtendhanavatī prabhūtayavasākulā || 3029 ||
[Analyze grammar]

prabhūtabalasaṃyuktā sakuṭīkā satomarā || 3030 ||
[Analyze grammar]

sacchatrā sadhvajā caiva sabhaṭā sādhu sāmbarā || 3031 ||
[Analyze grammar]

kalpyatāṃ vāhinī ghorā balādhyakṣāḥ samantataḥ || 3032 ||
[Analyze grammar]

avadhya eva gaccha tvaṃ na te maraṇato bhayam || 3033 ||
[Analyze grammar]

saṃgrāmaḥ puṣkare'smākaṃ śvaḥ paraśvo'pi vā nṛpa || 3034 ||
[Analyze grammar]

tato jñāsyāvahe vīryaṃ keśavasya balasya ca || 3035 ||
[Analyze grammar]

ye tvayoktā nṛpāḥ saṃkhye teṣāmapi ca yadbalam || 3036 ||
[Analyze grammar]

sātyakiruvāca eṣa gacchāmi vāṃ hantuṃ śvaḥ paraśvo'pi vā nṛpau || 3037 ||
[Analyze grammar]

adyaiva hi mayā vadhyau na ceddūto bhavāmyaham || 3038 ||
[Analyze grammar]

na hi śvo vā paraśvo vā yuvāṃ kaṭukabhāṣiṇau || 3039 ||
[Analyze grammar]

dautyaṃ hi duḥkhamakhilaṃ bhavatyeva sadā nṛṇām || 3040 ||
[Analyze grammar]

anyathāhaṃ yuvāṃ hatvā tato yāsyāmi nirvṛtim || 3041 ||
[Analyze grammar]

svavīryaṃ bāhudarpaṃ ca darśayaṃśca nṛpādhamau || 3042 ||
[Analyze grammar]

śaṅkhacakragadāpāṇiḥ sārṅgadhanvā kirīṭabhṛt || 3043 ||
[Analyze grammar]

nīlakuñcitakeśāḍhyo lambabāhuḥ śriyā vṛtaḥ || 3044 ||
[Analyze grammar]

sa sarvalokaprabhavo viśvarūpaḥ surūpavān || 3045 ||
[Analyze grammar]

daityadānavahantāsau yogidhyeyaḥ purātanaḥ || 3046 ||
[Analyze grammar]

padmakiñjalkavadanaḥ śyāmalaḥ satyavikramaḥ || 3047 ||
[Analyze grammar]

sṛṣṭisthitilayasyaikaḥ kartā trijagatāṃ patiḥ || 3048 ||
[Analyze grammar]

śareṇa niśitenājau darpaṃ vāṃ vyapaneśyati || 3049 ||
[Analyze grammar]

ityuktvā rathamāruhya pratasthe sātyakiḥ kila || 3050 ||
[Analyze grammar]

vaiśaṃpāyana uvāca sa praviśya puraṃ viṣṇoḥ sātyakiḥ śinipuṃgavaḥ || 3051 ||
[Analyze grammar]

ācacakṣe'tha kṛṣṇāya yathā vṛttaṃ tayostadā || 3052 ||
[Analyze grammar]

tataḥ prabhāte vimale keśavaḥ keśisūdanaḥ || 3053 ||
[Analyze grammar]

balādhyakṣānuvācedaṃ kṛtamaṅgalatatparaḥ || 3054 ||
[Analyze grammar]

saṃnahyantāṃ balaṃ sarvaṃ rathakuñjaravājimat || 3055 ||
[Analyze grammar]

anekabherīpaṇava prāsāsiparighākulam || 3056 ||
[Analyze grammar]

sadhvajaṃ sapatākaṃ ca sālaṃkāraparicchadam || 3057 ||
[Analyze grammar]

tatheti te pratiśrutya sarvaṃ cakruranīkapāḥ || 3058 ||
[Analyze grammar]

ādāya sudṛḍhaṃ cāpaṃ rathamāruhya daṃśitāḥ || 3059 ||
[Analyze grammar]

agrato jagmuratyarthaṃ senāyāḥ puruṣottamāḥ || 3060 ||
[Analyze grammar]

vanamālī halī rāmo nīlavāsāḥ sitaprabhaḥ || 3061 ||
[Analyze grammar]

babhau sainyāgrato rājañjagāmendrasamaprabhaḥ || 3062 ||
[Analyze grammar]

sātyakiśca tathā rājanpragṛhītaśarāsanaḥ || 3063 ||
[Analyze grammar]

babhau krodhasamāyukto jagāmāgre mahābalaḥ || 3064 ||
[Analyze grammar]

anye ca yādavāḥ śūrāḥ pragṛhītamahāyudhāḥ || 3065 ||
[Analyze grammar]

siṃhanādaṃ prakurvanto jagmuratyarthamuttamāḥ || 3066 ||
[Analyze grammar]

haristu rathamāruhya saṃnaddhaṃ dārukeṇa ha || 3067 ||
[Analyze grammar]

śārṅgaṃ bhārasahaṃ ghoraṃ gṛhītvā saśaraṃ dhanuḥ || 3068 ||
[Analyze grammar]

cakrapāṇistadā śaṅkhī gadāśūlaśarāsimān || 3069 ||
[Analyze grammar]

baddhagodhāṅgulitrāṇaḥ pītavāsā janārdanaḥ || 3070 ||
[Analyze grammar]

padmamālākṛtorasko nīlakuñcitamūrdhajaḥ || 3071 ||
[Analyze grammar]

yayau rathagato vipraiḥ stūyamāno mudānvitaiḥ || 3072 ||
[Analyze grammar]

sūtairmāgadhaputraiśca stūyamānastatastataḥ || 3073 ||
[Analyze grammar]

ānīya senāṃ sakalāṃ yayau kāṣṭhāmathottarām || 3074 ||
[Analyze grammar]

pāñcajanyaṃ mukhe nyasya sarvaprāṇena keśavaḥ || 3075 ||
[Analyze grammar]

dadhmau mahāravaṃ kurvañchatrūṇāṃ bhayavardhanam || 3076 ||
[Analyze grammar]

ādhmātastena hariṇā sa cakre śaṅkharāṭ svanam || 3077 ||
[Analyze grammar]

ravaḥ sa rodasī rājanpūrayāmāsa śaṅkhataḥ || 3078 ||
[Analyze grammar]

tasmiñchaṅkhe tathādhmāte neduḥ śaṅkhāḥ sahasraśaḥ || 3079 ||
[Analyze grammar]

bheryaścāpi samādhmātā mṛdaṅgā bahuśo nṛpa || 3080 ||
[Analyze grammar]

neduratyarthamatulaṃ gharmānte jaladā yathā || 3081 ||
[Analyze grammar]

atho yayurmahārāja puṣkaraṃ puṇyavardhanam || 3082 ||
[Analyze grammar]

sarasastasya rājendra puṣkarasya nṛpottamāḥ || 3083 ||
[Analyze grammar]

pratīkṣya haṃsaḍibhakau yuddhāya samupasthitāḥ || 3084 ||
[Analyze grammar]

niveśaṃ kārayāmāsuryādavāḥ sarva eva hi || 3085 ||
[Analyze grammar]

svaṃ svaṃ yathāsukhaṃ rājanpragṛhītakuṭīmaṭham || 3086 ||
[Analyze grammar]

bhagavānapi govindaḥ saro dṛṣṭvā suśobhanam || 3087 ||
[Analyze grammar]

upaspṛśya jale tasminpraṇamya yatipuṅgavān || 3088 ||
[Analyze grammar]

tayorāgamanaṃ lipsurāste tīre yathāsukham || 3089 ||
[Analyze grammar]

śṛṇvanvedadhvaniṃ viṣṇurbrāhmaṇānāṃ samantataḥ || 3090 ||
[Analyze grammar]

vaiśaṃpāyana uvāca atha tau haṃsaḍibhakau jagmatuḥ puṣkaraṃ prati || 3091 ||
[Analyze grammar]

pragṛhītamahācāpau sarathau sadhvajau nṛpa || 3092 ||
[Analyze grammar]

puraḥsaramahābhūtau saṃharantāvivolbaṇau || 3093 ||
[Analyze grammar]

prakurvantāv ururavaṃ bhasmanā pariveṣṭitau || 3094 ||
[Analyze grammar]

tripuṇḍrakalalāṭāntau rudrākṣapariśobhitau || 3095 ||
[Analyze grammar]

anyau dvāviva rudrau tau lokasaṃhārakārakau || 3096 ||
[Analyze grammar]

tato'nujagmuḥ śataśaḥ sainyāni nṛpasattama || 3097 ||
[Analyze grammar]

akṣauhiṇyo daśaivāsaṃstayoratha samāgatāḥ || 3098 ||
[Analyze grammar]

vicakrastu mahārāja dānavo nagasaṃnibhaḥ || 3099 ||
[Analyze grammar]

tayoreva sakhā pūrvamāsīcca balaśālinoḥ || 3100 ||
[Analyze grammar]

śakro'pi yasya purataḥ sthātuṃ śakto na vajrabhṛt || 3101 ||
[Analyze grammar]

yo hi vīro mahārāja devadaitya samāgame || 3102 ||
[Analyze grammar]

devānnighnaṃstadā yuddhe devendramajayanmahān || 3103 ||
[Analyze grammar]

akarocca purā yuddhaṃ viṣṇunā prabhaviṣṇunā || 3104 ||
[Analyze grammar]

yo hi dvāravatīṃ prāpya babādhe yadupuṅgavān || 3105 ||
[Analyze grammar]

sa tadānīṃ mahārāja śrutvā yuddhamupasthitaḥ || 3106 ||
[Analyze grammar]

anekaśatasāhasrairdānavaiḥ parighāyudhaiḥ || 3107 ||
[Analyze grammar]

vṛtaḥ samabhavaddaityo vṛṣṇidveṣānnṛpottama || 3108 ||
[Analyze grammar]

haṃsasya ḍibhakasyātha sāhāyyaṃ kartumudyataḥ || 3109 ||
[Analyze grammar]

vicakrasyātha daityasya hiḍimbo rākṣaseśvaraḥ || 3110 ||
[Analyze grammar]

atīva mitratāṃ yāto dadyātprāṇāṃśca saṃyati || 3111 ||
[Analyze grammar]

rākṣasairaparaiḥ sārdhaṃ śilāśūlāsipāṇibhiḥ || 3112 ||
[Analyze grammar]

yayau tasya sahāyārthaṃ hiḍimbaḥ puruṣādakaḥ || 3113 ||
[Analyze grammar]

aṣṭāśītisahasrāṇi rākṣasāstasya cābhavan || 3114 ||
[Analyze grammar]

anuyātā mahārāja śilāparighapāṇayaḥ || 3115 ||
[Analyze grammar]

tayostatra mahāsainyaṃ gacchatoḥ keśavaṃ prati || 3116 ||
[Analyze grammar]

miśritaṃ daityasaṃghaiśca rākṣasaiśca samantataḥ || 3117 ||
[Analyze grammar]

atyadbhutaṃ mahāraudraṃ trailokyabhayadāyi ca || 3118 ||
[Analyze grammar]

daityena tena sahitau jagmatuḥ puṣkaraṃ prati || 3119 ||
[Analyze grammar]

tāvetau haṃsaḍibhakau hantuṃ keśavamañjasā || 3120 ||
[Analyze grammar]

tataḥ śrutvā jarāsaṃdho vigrahaṃ yadupuṅgavaiḥ || 3121 ||
[Analyze grammar]

nākaronnṛpa sāhāyyaṃ śāpo me bhaviteti ha || 3122 ||
[Analyze grammar]

gacchatoḥ saṃyugaṃ rājan haṃsasya ḍibhakasya ca || 3123 ||
[Analyze grammar]

atitvaritavikrāntāste yayuḥ puṣkaraṃ nṛpa || 3124 ||
[Analyze grammar]

siṃhanādaṃ vimuñcantaḥ kathayantaḥ parasparam || 3125 ||
[Analyze grammar]

ahameva nṛpā yuddhaṃ karomi prathamaṃ hareḥ || 3126 ||
[Analyze grammar]

ityabruvannṛpā rājan gacchantaḥ keśavaṃ prati || 3127 ||
[Analyze grammar]

saṃprāptāste nṛpaśreṣṭhāḥ puṣkaraṃ puṇyavardhanam || 3128 ||
[Analyze grammar]

munijuṣṭaṃ tapovṛddhairṛṣibhiśca niṣevitam || 3129 ||
[Analyze grammar]

atyantabhadraṃ lokeṣu puṣkaraṃ prathamaṃ nṛpa || 3130 ||
[Analyze grammar]

puṣkaraṃ puṇḍarīkākṣo dvāveva jagatīpate || 3131 ||
[Analyze grammar]

darśanātsparśanāccāpi kilbiṣacchedinau nṛpa || 3132 ||
[Analyze grammar]

puṣkaraṃ puṇḍarīkākṣo dvāveva nṛpasattama || 3133 ||
[Analyze grammar]

sevyamānau muniśreṣṭhaiḥ sāmaraughairmahātmabhiḥ || 3134 ||
[Analyze grammar]

dvāveva hi naraśreṣṭha kilbiṣaughasya nāśakau || 3135 ||
[Analyze grammar]

tāv ubhau yatra sahitau tatra te saṃsthitā nṛpāḥ || 3136 ||
[Analyze grammar]

dṛṣṭavantau hariṃ viṣṇuṃ viṣṭaraśravasaṃ param || 3137 ||
[Analyze grammar]

puṣkaraṃ puṇyanilayaṃ tīrthaṃ brahmarṣisevitam || 3138 ||
[Analyze grammar]

tebhyaḥ kuru namaskāraṃ manasā nṛpasattama || 3139 ||
[Analyze grammar]

aghaṃ niḥśeṣamabhavattava bhūpa na saṃśayaḥ || 3140 ||
[Analyze grammar]

sainyaṃ tatra ca saṃprāptaṃ daityarakṣaḥsamākulam || 3141 ||
[Analyze grammar]

anekabherīpaṇava jharjharīḍiṇḍimākulam || 3142 ||
[Analyze grammar]

tālasaṃmiśrapaṇavaṃ rakṣonādasamākulam || 3143 ||
[Analyze grammar]

praviśya sarasastīraṃ puṣkarasya viśāṃ pate || 3144 ||
[Analyze grammar]

adarśayattatra devaṃ yuddhāya samupasthitam || 3145 ||
[Analyze grammar]

dve sene saṃgate rājan sadhvaje saparicchade || 3146 ||
[Analyze grammar]

mahāparighasaṃkīrṇe gadāśaktisamākule || 3147 ||
[Analyze grammar]

bherījharjharasaṃpūrṇe ḍiṇḍimārāvasaṃkule || 3148 ||
[Analyze grammar]

pragṛhītamahāśastre śūlāsivarakārmuke || 3149 ||
[Analyze grammar]

parasparakṛtotsāhe cakrāte yuddhamuttamam || 3150 ||
[Analyze grammar]

te śarāḥ kārmukotsṛṣṭā nirbhidyātha śarīriṇām || 3151 ||
[Analyze grammar]

śarīrāṇi mahārāja jagmurdūraṃ sahasraśaḥ || 3152 ||
[Analyze grammar]

bhaṭabāhuvinirmuktāḥ khaḍgā nirbhidya vakṣasi || 3153 ||
[Analyze grammar]

sphuṭitāśca tadā rājañchirāṃsyāhatya saṃyayuḥ || 3154 ||
[Analyze grammar]

parighāśca tadā rājñāṃ bāhubhiḥ paricoditāḥ || 3155 ||
[Analyze grammar]

tilaśaścakruratulāḥ śarīraṃ nṛparakṣasām || 3156 ||
[Analyze grammar]

daityānāṃ kurvatāṃ nādamanyonyavadhakāṅkṣiṇām || 3157 ||
[Analyze grammar]

daityā rakṣāṃsi rājendra rājānaśca samantataḥ || 3158 ||
[Analyze grammar]

anyonyaṃ parighairjaghnuścāpamuktairmahāśaraiḥ || 3159 ||
[Analyze grammar]

śaraiśca bhogibhogābhaistīkṣṇamanye mahābalāḥ || 3160 ||
[Analyze grammar]

rākṣasā dānavāścānye mattamātaṅgavikramāḥ || 3161 ||
[Analyze grammar]

anyonyaṃ jaghnire rājaṃścāpamuktairmahāśaraiḥ || 3161 ||
[Analyze grammar]

nāgā nāgairmahārāja hayāścāśvaiḥ samantataḥ || 3162 ||
[Analyze grammar]

rathā rathaiḥ samājaghnuḥ sādinaḥ sādibhistathā || 3163 ||
[Analyze grammar]

paṭṭasāsiśaravrātaiḥ kuntaiḥ sāyakakarpaṇaiḥ || 3164 ||
[Analyze grammar]

saśaktiparighaprāsa paraśvadhasamākulaiḥ || 3165 ||
[Analyze grammar]

bhiṇḍipālairmahāraudrairjaghnuranyonyamāhave || 3166 ||
[Analyze grammar]

rākṣasā dānavā rājan kṣatriyāśca samantataḥ || 3167 ||
[Analyze grammar]

itaścetaśca dhāvantaḥ kurvanto visvaraṃ ravam || 3168 ||
[Analyze grammar]

hatāḥ kecinmahārāja petururvyāṃ mahāsibhiḥ || 3169 ||
[Analyze grammar]

kecinmathitamastiṣkā gadābhirvīryavattamāḥ || 3170 ||
[Analyze grammar]

bhagnagrīvā mahārāja parighaiḥ parighāyudhaiḥ || 3171 ||
[Analyze grammar]

yamarāṣṭraṃ gatāḥ kecitkecitsvargaṃ samāyayuḥ || 3172 ||
[Analyze grammar]

apsarobhiḥ samāseduḥ paśyantaḥ svakalevaram || 3173 ||
[Analyze grammar]

kecitsvāṃśca parāṃścaiva hatvā bhrāntā ivābhavan || 3174 ||
[Analyze grammar]

etasminnantare rājañchaṅkhā bheryaḥ sahasraśaḥ || 3175 ||
[Analyze grammar]

sasvanuḥ sarvataḥ sainye mṛdaṅgā bahavastathā || 3176 ||
[Analyze grammar]

madhyaṃdinagate sūrye tāpaṃ dadhati ghoravat || 3177 ||
[Analyze grammar]

tataḥ piśācā vikṛtāḥ karālā nirṇatodarāḥ || 3178 ||
[Analyze grammar]

rākṣasāśca mahāghorāḥ piśitaṃ keśaśāḍvalam || 3179 ||
[Analyze grammar]

muditā bhakṣayāmāsuḥ pibantaḥ śoṇitaṃ bahu || 3180 ||
[Analyze grammar]

saṃcitāni śavānyāsan kabandhāḥ khaḍgapāṇayaḥ || 3181 ||
[Analyze grammar]

vibhajya deśaṃ bahuśo yuddhabhūmau śavārthinaḥ || 3182 ||
[Analyze grammar]

atha śyenā balāścaiva kaṅkā gṛdhrāstathāpare || 3183 ||
[Analyze grammar]

tuṇḍaiḥ śavāni niṣkṛṣya bhakṣayanti tatastataḥ || 3184 ||
[Analyze grammar]

saptāśītisahasrāṇi hatā nāgā nṛpottama || 3185 ||
[Analyze grammar]

triṃśatsahasramayutaṃ nihatā hayasattamāḥ || 3186 ||
[Analyze grammar]

hataṃ lakṣaṃ mahārāja rathānāṃ rathibhiḥ saha || 3187 ||
[Analyze grammar]

triṃśatkoṭyo hatāstatra sādinaḥ sāyudhā bhṛśam || 3188 ||
[Analyze grammar]

madhyaṃdinagate sūrye hatāḥ kecana nirgatāḥ || 3189 ||
[Analyze grammar]

kecicca nihatā rājanpuṣkaraṃ prāviśan saraḥ || 3190 ||
[Analyze grammar]

kecidbhūmiṃ samālambya bhītā ityabruvan raṇe || 3191 ||
[Analyze grammar]

muktakeśāḥ patanti sma rathaṃ saṃtyajya kecana || 3192 ||
[Analyze grammar]

saṃdaṣṭauṣṭhapuṭāḥ kecitsvāminaḥ purato hatāḥ || 3193 ||
[Analyze grammar]

atyadbhutaṃ mahāyuddhamāsītpuṣkaratīrthake || 3194 ||
[Analyze grammar]

yathā devāsuraṃ yuddhaṃ pūrvamāsīnnṛpottama || 3195 ||
[Analyze grammar]

vaiśaṃpāyana uvāca etasminnantare rājandvaṃdvayuddhamavartata || 3196 ||
[Analyze grammar]

vicakraṃ yodhayāmāsa śārṅgadhanvā gadādharaḥ || 3197 ||
[Analyze grammar]

balabhadro'tha haṃsena ḍibhakena ca sātyakiḥ || 3198 ||
[Analyze grammar]

vāsudevograsenābhyāṃ hiḍimbaḥ puruṣādakaḥ || 3199 ||
[Analyze grammar]

śeṣāśca śeṣai rājendra cakruryuddhamadīnagāḥ || 3200 ||
[Analyze grammar]

vāsudevastrisaptatyā daityaṃ vakṣasyatāḍayat || 3201 ||
[Analyze grammar]

śarairniśitadhārāgrairvismayaṃ darśayan raṇe || 3202 ||
[Analyze grammar]

dānavo devadeveśaṃ dṛḍhena niśitena ca || 3203 ||
[Analyze grammar]

śareṇākarṇamākṛṣya dhanuḥpravaramīśvaram || 3204 ||
[Analyze grammar]

jaghāna stanayormadhye paśyatastu śacīpateḥ || 3205 ||
[Analyze grammar]

tena viddho'tha bhagavānvakṣodeśe janārdanaḥ || 3206 ||
[Analyze grammar]

avamacchonitaṃ viṣṇurādikāle yathā prajāḥ || 3207 ||
[Analyze grammar]

tataḥ kruddho hṛṣīkeśaḥ kṣurapreṇāharaddhvajam || 3208 ||
[Analyze grammar]

aśvāṃśca caturo hatvā sārathiṃ ca śaraistribhiḥ || 3209 ||
[Analyze grammar]

tato dadhmau śaṅkhavaraṃ yathā tārāmaye raṇe || 3210 ||
[Analyze grammar]

rathādutplutya sahasā dānavaḥ krodhamūrchitaḥ || 3211 ||
[Analyze grammar]

gadāṃ gṛhya mahāghorāṃ duḥsahāṃ vīryaśālinīm || 3212 ||
[Analyze grammar]

tayā jaghāna daityendraḥ kirīṭe keśavasya ha || 3213 ||
[Analyze grammar]

lalāṭe ca punarviṣṇuṃ siṃhanādamanīnadat || 3214 ||
[Analyze grammar]

tataḥ śilāṃ ca mahatīṃ pragṛhya danujaḥ kila || 3215 ||
[Analyze grammar]

bhrāmayitvā śataguṇaṃ prāharatkeśavorasi || 3216 ||
[Analyze grammar]

tāmāpatantīṃ saṃprekṣya hastenādāya keśavaḥ || 3217 ||
[Analyze grammar]

jaghāna ca tadā daityaṃ tāḍitaḥ sa tayā kṣitau || 3218 ||
[Analyze grammar]

gatāsuriva saṃjajñe śvasanniva papāta ha || 3219 ||
[Analyze grammar]

prāpya saṃjñāṃ tato daityaḥ krodhāddviguṇamābabhau || 3220 ||
[Analyze grammar]

ādāya parighaṃ ghoramidamāha janārdanam || 3221 ||
[Analyze grammar]

anena tava govinda darpaṃ jātaṃ nihanmyaham || 3222 ||
[Analyze grammar]

vikramajñaḥ sadā cāsi mama devāsure raṇe || 3223 ||
[Analyze grammar]

tāveva vipulau bāhū sa evāsmi janārdana || 3224 ||
[Analyze grammar]

tathāpi yudhyase vīra jñātvā vai māmakaṃ balam || 3225 ||
[Analyze grammar]

vārayainaṃ mahābāho parighaṃ bāhuniḥsṛtam || 3226 ||
[Analyze grammar]

ityuktvā devadeveśaṃ śaṅkhacakragadādharam || 3227 ||
[Analyze grammar]

cikṣepa daityo lokeśaṃ sarvalokasya paśyataḥ || 3228 ||
[Analyze grammar]

taṃ gṛhya bāhunā kṛṣṇo duṣṭo'sīti vadan hariḥ || 3229 ||
[Analyze grammar]

khaṇḍaśaḥ kārayāmāsa khaḍgena niśitena ca || 3230 ||
[Analyze grammar]

utpāṭya vṛkṣaṃ daityendraḥ śataśākhaṃ mahāśikham || 3231 ||
[Analyze grammar]

tena taṃ pothayāmāsa viṣṭaraśravasaṃ vibhum || 3232 ||
[Analyze grammar]

gṛhya taṃ cāpi khaḍgena tilaśaśca cakāra ha || 3233 ||
[Analyze grammar]

vikrīḍya suciraṃ kṛṣṇastena daityena mādhavaḥ || 3234 ||
[Analyze grammar]

hantumaicchattadā daityamādāya niśitaṃ śaram || 3235 ||
[Analyze grammar]

āgneyāstreṇa saṃyojya jaghānainaṃ sa tena ha || 3236 ||
[Analyze grammar]

pradahya sa śaro daityaṃ sarvalokasya paśyataḥ || 3237 ||
[Analyze grammar]

yathāpūrvaṃ jagāmāśu karaṃ bhagavataḥ punaḥ || 3238 ||
[Analyze grammar]

hataśiṣṭāstadā daityāḥ palāyanta diśo daśa || 3239 ||
[Analyze grammar]

adyāpi na nivartante gacchanto vai mahodadhim || 3240 ||
[Analyze grammar]

vaiśaṃpāyana uvāca baladevastu dharmātmā dhanurādāya satvaram || 3241 ||
[Analyze grammar]

jaghāna haṃsaṃ daśabhirbāṇairbāṇabhṛtāṃ varaḥ || 3242 ||
[Analyze grammar]

taṃ pratyavidhyannārācairhaṃsaḥ pañcabhirāśugaiḥ || 3243 ||
[Analyze grammar]

tānantare halī chittvā nārācairdaśabhiḥ punaḥ || 3244 ||
[Analyze grammar]

nārācenāśu vivyādha lalāṭe haṃsamojasā || 3245 ||
[Analyze grammar]

dṛḍhaṃ patan sa nārācastasya saṃjñāṃ samādade || 3246 ||
[Analyze grammar]

rathopasthe ciraṃ sthitvā sthūṇākarṇaṃ samādade || 3247 ||
[Analyze grammar]

labdhvā haṃsaḥ sa saṃjñāṃ tu vidhvā tena yadūttamam || 3248 ||
[Analyze grammar]

siṃhavadvyanadaddhaṃso devānvismāpayan raṇe || 3249 ||
[Analyze grammar]

tataḥ kruddho halī viddhastena bāṇena mādhavaḥ || 3250 ||
[Analyze grammar]

vamañchoṇitamatyarthaṃ niśaśvāsa raṇājire || 3251 ||
[Analyze grammar]

lohitāviṣṭagātrastu kuṅkumārdra ivābhavat || 3252 ||
[Analyze grammar]

nārācaiḥ saptasāhasrairardayāmāsa yādavaḥ || 3253 ||
[Analyze grammar]

haṃsaṃ haṃsagatiṃ vīraṃ nīlavāsā halāyudhaḥ || 3254 ||
[Analyze grammar]

te muktā niśitā ghorā nārācāśca suvājinaḥ || 3255 ||
[Analyze grammar]

rathe dhvaje tathā cāpe cakre tūṇīdvaye nṛpa || 3256 ||
[Analyze grammar]

patitāḥ sarvato rājanvyathāṃ caiva tathā dadhuḥ || 3257 ||
[Analyze grammar]

tataḥ kruddho mahārāja haṃso vīryabalānvitaḥ || 3258 ||
[Analyze grammar]

śareṇa halinaṃ vidhvā dhvajaṃ ciccheda kenacit || 3259 ||
[Analyze grammar]

śaraiścaturbhiraśvāṃśca sūtaṃ pretādhipe dadau || 3260 ||
[Analyze grammar]

tataḥ kruddho halī tasmādgadāṃ gṛhya mahāraṇe || 3261 ||
[Analyze grammar]

āpapāta mahābāhurhaṃsaṃ śeṣa iva śvasan || 3262 ||
[Analyze grammar]

tayā dhvajaṃ rathaṃ cakramīṣāṃ sūtaṃ halāyudhaḥ || 3263 ||
[Analyze grammar]

babhañja tilaśaḥ sarvaṃ nanāda ca punaḥ punaḥ || 3264 ||
[Analyze grammar]

bhūyaśca gadayā haṃsaṃ cikṣepa ca halī kila || 3265 ||
[Analyze grammar]

so'pi haṃso gadāṃ gṛhya rathāttasmādavāpatat || 3266 ||
[Analyze grammar]

tatastau haṃsahalinau yuyudhāte mahāraṇe || 3267 ||
[Analyze grammar]

mahārathau mahābāhū loke prathitatejasau || 3268 ||
[Analyze grammar]

atyadbhutau suvikrāntau parasparavadhaiṣiṇau || 3269 ||
[Analyze grammar]

kṛtaśramau mahāyuddhe siṃhavikrāntagāminau || 3270 ||
[Analyze grammar]

yathā devāsure yuddhe śakravṛtrau purāmbare || 3271 ||
[Analyze grammar]

ubhau saṃsiktasarvāṅgau śoṇitena mahāraṇe || 3272 ||
[Analyze grammar]

atyantakheditau yuddhe parasparabalena ha || 3273 ||
[Analyze grammar]

tataśca dakṣiṇaṃ mārgaṃ balabhadro'nvagṛhṇata || 3274 ||
[Analyze grammar]

savyaṃ tu haṃso rājendra vyagṛhṇātsatyasaṃgaraḥ || 3275 ||
[Analyze grammar]

pothayāṃ cakraturyuddhe gadābhyāṃ gajavikramau || 3276 ||
[Analyze grammar]

yathāprāṇaṃ mahābāhū jaghnaturmaraṇāya vai || 3277 ||
[Analyze grammar]

atipravṛddhaṃ saṃgrāmaṃ devāsuraraṇopamam || 3278 ||
[Analyze grammar]

vidadhāte mahāraṅge paśyatāṃ tridivaukasām || 3279 ||
[Analyze grammar]

devāśca munayaścaiva vismayaṃ parijagmire || 3280 ||
[Analyze grammar]

aho khalvīdṛśaṃ yuddhaṃ dṛṣṭaṃ pūrvaṃ na ca śrutam || 3281 ||
[Analyze grammar]

ityūcurvismayavaśāddevagandharvakiṃnarāḥ || 3282 ||
[Analyze grammar]

parasparakṛtotsāhau cakraturyuddhamadbhutam || 3283 ||
[Analyze grammar]

atha haṃso mahāraṅge dakṣiṇaṃ dakṣiṇottamaḥ || 3284 ||
[Analyze grammar]

vyacaranmārgamatyarthaṃ savyaṃ tu balavānbalī || 3285 ||
[Analyze grammar]

vikuñcya jānunī pūrvaṃ cakraturgadayā bhṛśam || 3286 ||
[Analyze grammar]

raṇaṃ raṇavidāṃ śreṣṭhau paśyatāṃ tridivaukasām || 3287 ||
[Analyze grammar]

vaiśaṃpāyana uvāca yuddhaṃ cakraturatyarthaṃ tato ḍibhakasātyakī || 3288 ||
[Analyze grammar]

tāv ubhau balinau vīrau prakhyātau kṣatriyeṣu vai || 3289 ||
[Analyze grammar]

kṛtaśramau mahāyuddhe satataṃ vṛddhasevinau || 3290 ||
[Analyze grammar]

sātyakirdaśabhirvīro ḍibhakaṃ satyavikramam || 3291 ||
[Analyze grammar]

avidhyanniśitairbāṇaiḥ stanamadhye tathorasi || 3292 ||
[Analyze grammar]

sa tena viddho balinā ḍibhakaḥ kṣatriyottamaḥ || 3293 ||
[Analyze grammar]

nārācaiḥ pañcasāhasrairvivyādha yudhi garvitaḥ || 3294 ||
[Analyze grammar]

tānantare vṛṣṇivīro niṣedhya vyanadad raṇe || 3295 ||
[Analyze grammar]

atha kruddho nṛpavaro vidhvā saptabhirāśugaiḥ || 3296 ||
[Analyze grammar]

punaḥ śatasahasreṇa pratyavidhyatsa sātyakim || 3297 ||
[Analyze grammar]

sātyakistvatha vikrānto dhanuściccheda tasya tat || 3298 ||
[Analyze grammar]

ardhacandreṇa tīkṣṇena ḍibhakasya sa yādavaḥ || 3299 ||
[Analyze grammar]

athānyaddhanurādāya ḍibhakaḥ śatrukarśanaḥ || 3299 ||
[Analyze grammar]

ājaghne ḍibhako rājanyuyudhānaṃ yudhāṃ varam || 3300 ||
[Analyze grammar]

kṣurapreṇātha raudreṇa tailadhautena vikramī || 3301 ||
[Analyze grammar]

sa tena viddho bāṇena vamañchoṇitakaṃ nṛpa || 3302 ||
[Analyze grammar]

atīva śuśubhe rājanvasante kiṃśuko yathā || 3303 ||
[Analyze grammar]

dhanuściccheda bhūyastu yadgṛhītaṃ punarmahat || 3304 ||
[Analyze grammar]

tato'nyaddhanurādāya ḍibhako yādaveśvaram || 3305 ||
[Analyze grammar]

jaghāna niśitairbānaiḥ sarvakṣatrasya paśyataḥ || 3306 ||
[Analyze grammar]

sa dhanuḥ punaratyugraṃ ciccheda yudhi sātyakiḥ || 3307 ||
[Analyze grammar]

śareṇa tīkṣṇapuṅkhena ḍibhakasya durātmanaḥ || 3308 ||
[Analyze grammar]

tato'nyaddhanurādāya satvaraṃ sa nṛpottamaḥ || 3309 ||
[Analyze grammar]

dhanuṣā tena rājendra sātyakiṃ vivyadhe punaḥ || 3310 ||
[Analyze grammar]

evaṃ dhanūṃṣi rājendra śataṃ pañca ca pañca ca || 3311 ||
[Analyze grammar]

chittvā nanāda śaineyaḥ sarvakṣatrasya paśyataḥ || 3312 ||
[Analyze grammar]

dhanūṃṣi tau samutsṛjya vīrau ḍibhakasātyakī || 3313 ||
[Analyze grammar]

khaḍgau pragṛhya cātyugrau yuddhāya samupasthitau || 3314 ||
[Analyze grammar]

tau hi khaḍgavidāṃ śreṣṭhau vīrau ḍibhakasātyakī || 3315 ||
[Analyze grammar]

dauḥśāsanirmahārāja saumadattistathaiva ca || 3316 ||
[Analyze grammar]

abhimanyuśca vikrānto nakulaśca tathaiva ca || 3317 ||
[Analyze grammar]

ete khaḍgavidāṃ śreṣṭhāḥ kīrtitā yudhi sattamāḥ || 3318 ||
[Analyze grammar]

eṣvetau hi nṛpaśreṣṭhau khaḍge hi nṛpasattamau || 3319 ||
[Analyze grammar]

tāvetāvasinā yuddhaṃ cakraturyuddhalālasau || 3320 ||
[Analyze grammar]

bhrāntamudbhrāntamāviddhaṃ praviddhaṃ bāhuniḥsṛtam || 3321 ||
[Analyze grammar]

ākaraṃ vikaraṃ bhinnaṃ nirmaryādamamānuṣam || 3322 ||
[Analyze grammar]

saṃkocitaṃ vikucitaṃ savyajānu vijānu ca || 3323 ||
[Analyze grammar]

āhitaṃ citrakaṃ kṣiptaṃ kuḍumbaṃ lambanaṃ dhṛtam || 3324 ||
[Analyze grammar]

savyabāhu vinirbāhu savyetaramathottaram || 3325 ||
[Analyze grammar]

tribāhutuṅgabāhū ca savyonnatamudāsi ca || 3326 ||
[Analyze grammar]

pṛṣṭhataḥpraharaṃ caiva yaudhikaṃ prathitaṃ tathā || 3327 ||
[Analyze grammar]

iti pracārāndvātriṃśaccakratuḥ khaḍgayodhinau || 3328 ||
[Analyze grammar]

punaśca praharantau tau na ca śramamupeyatuḥ || 3329 ||
[Analyze grammar]

puṣkarasthau mahārāja yuddhāya kṛtaniścayau || 3330 ||
[Analyze grammar]

tato devāḥ sagandharvāḥ siddhāśca paramarṣayaḥ || 3331 ||
[Analyze grammar]

tuṣṭuvustau mahārāja jaye dhṛtakṛtaśramau || 3332 ||
[Analyze grammar]

aho vīryamaho vīryametayorbalaśālinoḥ || 3333 ||
[Analyze grammar]

etāveva raṇe śaktau khaḍge dhanuṣi pāragau || 3334 ||
[Analyze grammar]

ekaḥ śiṣyo girīśasya droṇasyānyo hi dhīmataḥ || 3335 ||
[Analyze grammar]

arjunaḥ sātyakiścaiva vāsudevo jagatpatiḥ || 3336 ||
[Analyze grammar]

traya ete mahārāja prathitāḥ saṃgare sadā || 3337 ||
[Analyze grammar]

ḍibhakaḥ śaktibhṛccharvastraya ete mahārathāḥ || 3338 ||
[Analyze grammar]

prasiddhāḥ sarva evaite vīryeṣu ca baleṣu ca || 3339 ||
[Analyze grammar]

iti te devagandharvāḥ siddhā yakṣā mahoragāḥ || 3340 ||
[Analyze grammar]

divi sthitāḥ samaṃ brūyuryuddhadarśanalālasāḥ || 3341 ||
[Analyze grammar]

vaiśaṃpāyana uvāca vasudevograsenau ca vṛddhau yuddheṣu nirvṛtau || 3342 ||
[Analyze grammar]

jarājaritasarvāṅgau palitāṅgaśirodharau || 3343 ||
[Analyze grammar]

jñānavijñānasaṃpannau rājamārgaviśāradau || 3344 ||
[Analyze grammar]

yuyudhāte mahāraṅge rākṣasena durātmanā || 3345 ||
[Analyze grammar]

śarairanekasāhasrairardayāmāsatū raṇe || 3346 ||
[Analyze grammar]

rākṣasendraṃ durātmānaṃ hiḍimbaṃ puruṣādakam || 3347 ||
[Analyze grammar]

hiḍimbo rākṣasendrastu bhakṣayan sarvato narān || 3348 ||
[Analyze grammar]

atipravṛddho duṣṭātmā lambabāhurmahāhanuḥ || 3349 ||
[Analyze grammar]

lambodaro virūpākṣaḥ piṅgakeśavilocanaḥ || 3350 ||
[Analyze grammar]

śyenanāso mahāraudra ūrdhvaromā mahābhujaḥ || 3351 ||
[Analyze grammar]

parvatākāragātraśca dīrghadaṃṣṭraḥ śaśānanaḥ || 3352 ||
[Analyze grammar]

lambodaro dīrghadanto jagadgrāsakaraḥ sadā || 3353 ||
[Analyze grammar]

uttuṅgāsyo mahorasko dīrghagrīvo gajopamaḥ || 3354 ||
[Analyze grammar]

bhakṣayanmāṃsapiṭakaṃ pibañchoṇitasaṃcayam || 3355 ||
[Analyze grammar]

gajān gajaiḥ samāghnāno hayairaśvānnṛpottama || 3356 ||
[Analyze grammar]

rathān rathaiḥ samāhatya sādinaḥ sādibhistathā || 3357 ||
[Analyze grammar]

manuṣyān svapuro dṛṣṭvā nāsyagrāsaṃ cakāra saḥ || 3358 ||
[Analyze grammar]

kāṃściddhatvā mahārāja vṛṣṇipālān samantataḥ || 3359 ||
[Analyze grammar]

bhakṣayāmāsa sahasā hiḍimbaḥ puruṣādakaḥ || 3360 ||
[Analyze grammar]

yānpaśyati puro rakṣastāñjaghāna virūpadhṛk || 3361 ||
[Analyze grammar]

bhakṣayannaparānvṛṣṇīnpādātān rākṣasādhipaḥ || 3362 ||
[Analyze grammar]

cikṣepa sahasā kāṃściddhiḍimbaḥ puruṣādakaḥ || 3363 ||
[Analyze grammar]

antakāle yathā kruddho rudraḥ prāṇabhṛto nṛpa || 3364 ||
[Analyze grammar]

kṣaṇenaikena sarvāṃstānbhakṣayāmāsa rākṣasaḥ || 3365 ||
[Analyze grammar]

kecidbhītā diśaḥ prāpurvṛṣṇayo vīryaśālinaḥ || 3366 ||
[Analyze grammar]

kecittu bhakṣitāstena rakṣasā vṛṣṇipuṅgavāḥ || 3367 ||
[Analyze grammar]

kumbhakarṇo yathā rājanbhakṣayāmāsa vānarān || 3368 ||
[Analyze grammar]

niḥśeṣaṃ vṛṣṇisainyaṃ tu cakāra puruṣādakaḥ || 3369 ||
[Analyze grammar]

niśceṣṭaṃ vṛṣṇisainyaṃ tu sthitaṃ citrapaṭe yathā || 3370 ||
[Analyze grammar]

etasminnantare kruddhau vṛddhau yādavapuṅgavau || 3371 ||
[Analyze grammar]

dhanurgṛhya mahāghoraṃ rākṣasasya puraḥ sthitau || 3372 ||
[Analyze grammar]

yathā kruddhasya siṃhasya meṣau kruddhatamāviva || 3373 ||
[Analyze grammar]

vyādāyāsyaṃ mahad rakṣastau dṛṣṭvāthābhyadhāvata || 3374 ||
[Analyze grammar]

cikhādiṣurvirūpākṣaḥ pātālatalasaṃnibhaḥ || 3375 ||
[Analyze grammar]

paryadhāvattato rakṣaḥ khādatkhādatkalevaram || 3376 ||
[Analyze grammar]

pūrayāmāsaturvīrau śarairyaduvṛṣau nṛpa || 3377 ||
[Analyze grammar]

hiḍimbāsyaṃ mahāghoraṃ vyāditāsyamivāntakam || 3378 ||
[Analyze grammar]

sarvāṃstān khādayāmāsa devaśatrurvirūpadhṛk || 3379 ||
[Analyze grammar]

dhāvati sma tato rakṣo vyāditāsyaṃ bhayānakam || 3380 ||
[Analyze grammar]

tayorgṛhītvā dhanuṣī babhañja yudhi satvaram || 3381 ||
[Analyze grammar]

bāhū prasārya duṣṭātmā rākṣaso vikṛtānanaḥ || 3382 ||
[Analyze grammar]

vasudevaṃ mahīpālaṃ rājānaṃ vṛddhasevinam || 3383 ||
[Analyze grammar]

grahītuṃ rākṣasaśreṣṭho yatate nṛpasaṃsadi || 3384 ||
[Analyze grammar]

hiḍimba uvāca eṣa vāṃ bhakṣayiṣyāmi vasudeva nṛpādhama || 3385 ||
[Analyze grammar]

ugrasena kimarthaṃ tvaṃ tiṣṭhase matpuro'dhama || 3386 ||
[Analyze grammar]

āgaccha praviśāsyaṃ me grāsabhūtau yuvāṃ mama || 3387 ||
[Analyze grammar]

vidhinā nirmitau vṛddhau vasudeva hareḥ pitaḥ || 3388 ||
[Analyze grammar]

bubhukṣitaḥ śramārtaśca yuddhe tvaritavikramaḥ || 3389 ||
[Analyze grammar]

manmukhānnaiva gacchetaṃ praviśantau tvarānvitau || 3390 ||
[Analyze grammar]

yuvayoḥ śoṇitaṃ pītvā tṛptiṃ yāsyāmi nirvṛtaḥ || 3391 ||
[Analyze grammar]

khādāmi ca punarmāṃsaṃ vṛddhayoryuvayoḥ sukham || 3392 ||
[Analyze grammar]

iti bruvaṃstadā kruddho vyāditāsyo mahāhanuḥ || 3393 ||
[Analyze grammar]

dhāvati sma tadā kṣipraṃ hiḍimbo rākṣaseśvaraḥ || 3394 ||
[Analyze grammar]

vasudevograsenau ca bhītau viprekṣya sarvataḥ || 3395 ||
[Analyze grammar]

diśo'bhyabhajatāṃ rājanniḥśastrau vṛṣṇipuṃgavau || 3396 ||
[Analyze grammar]

etasminnantare dṛṣṭvā balabhadraḥ pratāpavān || 3397 ||
[Analyze grammar]

dṛṣṭvā ca tau tathābhūtau vasudevograsenakau || 3398 ||
[Analyze grammar]

vāsudevaṃ samādiśya haṃsaṃ yudhyantamīśvaram || 3399 ||
[Analyze grammar]

nirgatya cāntaraṃ tasya rākṣasasya durātmanaḥ || 3400 ||
[Analyze grammar]

mā kṛthāḥ sāhasaṃ rakṣo muñcaitau rājasattamau || 3401 ||
[Analyze grammar]

sthito'smi yudhyatāṃ rakṣo mayā śatrūñjighāṃsatā || 3402 ||
[Analyze grammar]

ahameva haniṣye tvāṃ kā ceyaṃ tava bhīṣikā || 3403 ||
[Analyze grammar]

iti bruvāṇaṃ halinaṃ visṛjyaitau mahāraṇe || 3404 ||
[Analyze grammar]

mahānayamasau puṣṭo bhakṣayāmyenamagrataḥ || 3405 ||
[Analyze grammar]

vidārya pūrvavadvaktraṃ balabhadramupādravat || 3406 ||
[Analyze grammar]

visṛjya saśaraṃ cāpaṃ rākṣasasya puraḥ sthitaḥ || 3407 ||
[Analyze grammar]

muṣṭiṃ pragṛhya balavān sphoṭayanbāhumuttamam || 3408 ||
[Analyze grammar]

hiḍimbastvatha duṣṭātmā muṣṭiṃ kṛtvā mahāravam || 3409 ||
[Analyze grammar]

jaghāna vakṣo rāmasya vyāditāsya ivāntakaḥ || 3410 ||
[Analyze grammar]

kruddho'tha balabhadrastu muṣṭinā tena tāḍitaḥ || 3411 ||
[Analyze grammar]

jaghāna muṣṭinā rāmo rākṣasendramaninditaḥ || 3412 ||
[Analyze grammar]

muṣṭiyuddhaṃ samabhavannararākṣasavīrayoḥ || 3413 ||
[Analyze grammar]

yudhyatoryuddharaṅgeṣu nararākṣasasiṃhayoḥ || 3414 ||
[Analyze grammar]

tayoścaṭacaṭāśabdaḥ prādurāsīdbhayānakaḥ || 3415 ||
[Analyze grammar]

atha rākṣasarājastu muṣṭinā rāmamāhave || 3416 ||
[Analyze grammar]

jaghāna vakṣodeśe tu vajreṇeva puraṃdaraḥ || 3417 ||
[Analyze grammar]

atha rāmo balī sākṣānmuṣṭiṃ saṃvartya yatnataḥ || 3418 ||
[Analyze grammar]

hiḍimbaṃ tāḍayāmāsa vakṣasyamaravidviṣam || 3419 ||
[Analyze grammar]

talābhyāmatha rāmastu jaghne vaktre sa rākṣasam || 3420 ||
[Analyze grammar]

āhatastalaghātena hiḍimbo rākṣaseśvaraḥ || 3421 ||
[Analyze grammar]

jānubhyāmapatadbhūmau gatāsuriva rākṣasaḥ || 3422 ||
[Analyze grammar]

tata utpatya rāmastu dorbhyāṃ saṃgṛhya rākṣasam || 3423 ||
[Analyze grammar]

ādāya bāhuvegena bhrāmayitvā padātpadam || 3424 ||
[Analyze grammar]

vyāvidhya suciraṃ rāmo darśayannātmano balam || 3425 ||
[Analyze grammar]

utkṣipya rākṣasendraṃ taṃ sarvalokasya paśyataḥ || 3426 ||
[Analyze grammar]

gavyūtimātraṃ cikṣepa tato deśāddhalāyudhaḥ || 3427 ||
[Analyze grammar]

gatāsuriva rakṣastu tato deśānnirākramat || 3428 ||
[Analyze grammar]

ye kecid rākṣasāstatra hataśeṣā mahāraṇe || 3429 ||
[Analyze grammar]

balabhadrāttato bhītā jagmuścaiva diśo daśa || 3430 ||
[Analyze grammar]

atha bhagavānapi bhāskaro raviḥ || 3431 ||
[Analyze grammar]

saṃhṛtya tejāṃsi sahasraraśmiḥ || 3432 ||
[Analyze grammar]

astaṃ yayau cakṣurapi prajānām || 3433 ||
[Analyze grammar]

īṣattamaścāpi samāviveśa || 3434 ||
[Analyze grammar]

tasminpraviṣṭe'tha samudratoyaṃ || 3435 ||
[Analyze grammar]

prajāpatau viśvamukhe jagadgurau || 3436 ||
[Analyze grammar]

nakṣatranāthaḥ samupājagāma || 3437 ||
[Analyze grammar]

saṃdhyātamo'pi vyanaśannṛpottama || 3438 ||
[Analyze grammar]

prabhātakāle nṛpasattamā raṇe || 3439 ||
[Analyze grammar]

govardhane kiṃnaragītanādite || 3440 ||
[Analyze grammar]

iti bruvanto nṛpasattamāstadā || 3441 ||
[Analyze grammar]

vyupāramaṃstatra raṇotsavaṃ nṛpa || 3442 ||
[Analyze grammar]

vaiśaṃpāyana uvāca ubhau tau haṃsaḍibhakau rātrāveva mahāgirim || 3443 ||
[Analyze grammar]

jagmatuḥ sahitau rājan govardhanamatho nṛpa || 3444 ||
[Analyze grammar]

atha prabhāte vimale sūrye cābhyudite sati || 3445 ||
[Analyze grammar]

govardhanaṃ jagāmāśu keśavaḥ keśisūdanaḥ || 3446 ||
[Analyze grammar]

śaineyo balabhadraśca yādavāḥ sāraṇādayaḥ || 3447 ||
[Analyze grammar]

gandharvairapsarobhiśca nāditaṃ bahudhā girim || 3448 ||
[Analyze grammar]

jagmatuḥ sahitau rājan govardhanamatho girim || 3448 ||
[Analyze grammar]

godhanairatha sainyaiśca nāditaṃ bahudhā girim || 3448 ||
[Analyze grammar]

tasyottaraṃ nṛpaśreṣṭha pārśvaṃ saṃprāpya yādavāḥ || 3449 ||
[Analyze grammar]

nikaṣā yamunāṃ rājaṃstato yuddhamavartata || 3450 ||
[Analyze grammar]

haṃsena ḍibhakenātha yādavaiśca samantataḥ || 3451 ||
[Analyze grammar]

ugrasenastrisaptatyā śarāṇāṃ nataparvaṇām || 3452 ||
[Analyze grammar]

vivyādha haṃsaḍibhakau vasudevaśca saptabhiḥ || 3453 ||
[Analyze grammar]

sāraṇaḥ pañcaviṃśatyā daśabhiḥ kaṅka eva ca || 3454 ||
[Analyze grammar]

niśaṭhastriṃśatā rājan sātyakiścāpi saptabhiḥ || 3455 ||
[Analyze grammar]

aśītyā vipṛthū rājannuddhavo daśabhiḥ śaraiḥ || 3456 ||
[Analyze grammar]

pradyumnastriṃśatā rājan sāmbaścāpi ca saptabhiḥ || 3457 ||
[Analyze grammar]

anādhṛṣṭistvekaṣaṣṭyā śarāṇāṃ nataparvaṇām || 3458 ||
[Analyze grammar]

evaṃ te sahitā rājaṃścakruryuddhamadīnavat || 3459 ||
[Analyze grammar]

atyadbhutaṃ mahāghoraṃ yādavāḥ sarva eva ca || 3460 ||
[Analyze grammar]

cakrustābhyāṃ mahāyuddhaṃ vāsudevasya paśyataḥ || 3461 ||
[Analyze grammar]

sarvānatha mahārāja yādavānbalavattarān || 3462 ||
[Analyze grammar]

tāv ubhau haṃsaḍibhakau nṛpāṃstānpratyavidhyatām || 3463 ||
[Analyze grammar]

pratyekaṃ daśabhirvidhvā bāṇaiśca kṛtasaṃyataiḥ || 3464 ||
[Analyze grammar]

jaghnatuśca śaraistīkṣṇairatyarthaṃ yādaveśvarān || 3465 ||
[Analyze grammar]

vyathitāḥ sarva evaite vamantaḥ śoṇitaṃ bahu || 3466 ||
[Analyze grammar]

mādhave kiṃśukā rājanpuṣpitā iva te babhuḥ || 3467 ||
[Analyze grammar]

bhītāśca yādavā rājanpalāyanaparāyaṇāḥ || 3468 ||
[Analyze grammar]

etasminnantare rājanvasudevātmajau nṛpa || 3469 ||
[Analyze grammar]

vāsudevo halī yuddhe pramukhe dhanvinau tayoḥ || 3470 ||
[Analyze grammar]

cakraturyuddhamatulaṃ skandaśakrāvivāmbare || 3471 ||
[Analyze grammar]

tato devāḥ sagandharvāḥ siddhā yakṣā maharṣayaḥ || 3472 ||
[Analyze grammar]

vimānasthāśca dadṛśuryuddhaṃ devāsuropamam || 3473 ||
[Analyze grammar]

tataḥ prādurabhūtāṃ tau bhūtau bhūteśvarasya ha || 3474 ||
[Analyze grammar]

śūlinā preṣito yuddhe rakṣārthaṃ balinau tayoḥ || 3475 ||
[Analyze grammar]

haṃso'tha vāsudevaśca yuddhaṃ cakraturīśvarau || 3476 ||
[Analyze grammar]

rāmaśca ḍibhakaścaiva saṃyuktau yuddhakāṅkṣayā || 3477 ||
[Analyze grammar]

vikrāntāḥ sarva evaite śastre hyastre tathā bale || 3478 ||
[Analyze grammar]

śaṅkhāndadhmuḥ pṛthag rājan sve sve sarve rathe sthitāḥ || 3479 ||
[Analyze grammar]

atha kṛṣṇo hṛṣīkeśaḥ pāñcajanyaṃ mahāsvanam || 3480 ||
[Analyze grammar]

dadhmau padmapalāśākṣaḥ sarvānvismāpayanniva || 3481 ||
[Analyze grammar]

atha bhūtau mahāghorau lambodaraśarīriṇau || 3482 ||
[Analyze grammar]

dudruvaturmahārāja śūlamādāya keśavam || 3483 ||
[Analyze grammar]

śūlena pothayāṃ rājaṃścakraturyādaveśvaram || 3484 ||
[Analyze grammar]

tābhyāṃ samāhato viṣṇurdevagandharvasaṃnidhau || 3485 ||
[Analyze grammar]

īṣasmitādharo devaḥ kiṃcidutplutya satvaram || 3486 ||
[Analyze grammar]

rathād rathivaraśreṣṭhastau pragṛhya jagatpatiḥ || 3487 ||
[Analyze grammar]

bhrāmayitvā śataguṇamalātamiva keśavaḥ || 3488 ||
[Analyze grammar]

kailāsaṃ ca samuddiśya pracikṣepa tato hariḥ || 3489 ||
[Analyze grammar]

tāvetya tu gireḥ śṛṅgaṃ kailāsasya mahāmate || 3490 ||
[Analyze grammar]

dṛṣṭvā tatkarma devasya vismayaṃ jagmatuḥ param || 3491 ||
[Analyze grammar]

haṃsaśca dṛṣṭvā tatkarma roṣatāmrāyatekṣaṇaḥ || 3492 ||
[Analyze grammar]

uvāca vacanaṃ viṣṇuṃ paśyatāṃ tridivaukasām || 3493 ||
[Analyze grammar]

kimarthaṃ rājasūyasya vighnaṃ carasi keśava || 3494 ||
[Analyze grammar]

brahmadatto mahīpālo yaṣṭā tasya mahākratoḥ || 3495 ||
[Analyze grammar]

karaṃ diśa yathāyogaṃ yadi prāṇānprakāṅkṣase || 3496 ||
[Analyze grammar]

atha cettvaṃ kṣaṇaṃ tiṣṭha tato jñātvā karaṃ bahu || 3497 ||
[Analyze grammar]

dadāsi nandaputra tvaṃ tato yaṣṭā sa me guruḥ || 3498 ||
[Analyze grammar]

īśvaro'haṃ sadā rājñāṃ devānāmiva śūladhṛk || 3499 ||
[Analyze grammar]

evaṃ te vīryavibhavaṃ nāśayiṣyāmi saṃyuge || 3500 ||
[Analyze grammar]

ityuktvā saśaraṃ cāpaṃ sālatālopamaṃ nṛpa || 3501 ||
[Analyze grammar]

ākṛṣya ca yathāprāṇaṃ nārācena sa keśavam || 3502 ||
[Analyze grammar]

lalāṭe cikṣipe haṃso lalāma iva so'bhavat || 3503 ||
[Analyze grammar]

uvāca sātyakiṃ kṛṣṇo rathaṃ vāhaya me prabho || 3504 ||
[Analyze grammar]

dārukaṃ pṛṣṭavāhaṃ taṃ kṛtvā keśava īśvaraḥ || 3505 ||
[Analyze grammar]

atha tena samādiṣṭaḥ sātyakirvāhayan ratham || 3506 ||
[Analyze grammar]

maṇḍalāni bahūnyājau darśayāmāsa satvaram || 3507 ||
[Analyze grammar]

atha viddho dṛḍhaṃ tena śareṇa harirīśvaraḥ || 3508 ||
[Analyze grammar]

āgneyamastraṃ saṃyojya śare kasmiṃścidīśvaraḥ || 3509 ||
[Analyze grammar]

uvāca haṃsaṃ rājendra sātyakiṃ preṣayan hayān || 3510 ||
[Analyze grammar]

anena tvāṃ dahāmyadya yadi śaknoṣi vāraya || 3511 ||
[Analyze grammar]

alaṃ te bahuyuddhena kṣatriyo'si sadā śaṭha || 3512 ||
[Analyze grammar]

mattaścetkaramicchaṃstvaṃ darśayādya parākramam || 3513 ||
[Analyze grammar]

yatayo bādhitā haṃsa puṣkare saṃsthitāstvayā || 3514 ||
[Analyze grammar]

śāstā tvaṃ khalu viprāṇāṃ sthite mayi narādhama || 3515 ||
[Analyze grammar]

sthite mayi jagannāthe hatvā kṣatriyakaṇṭakān || 3516 ||
[Analyze grammar]

śāstāsmyatho'satāṃ loke duṣṭānāṃ brahmavidviṣām || 3517 ||
[Analyze grammar]

śāpena yatimukhyānāṃ hata eva purādhama || 3518 ||
[Analyze grammar]

mṛtyave tvāṃ nivedyādya rakṣitā brāhmaṇānaham || 3519 ||
[Analyze grammar]

iti bruvaṃstadastraṃ tu mumoca yudhi keśavaḥ || 3520 ||
[Analyze grammar]

tadastraṃ vāruṇenātha haṃso'pi pratyaṣedhayat || 3521 ||
[Analyze grammar]

vāyavyamatha govindo mumoca yudhi haṃsake || 3522 ||
[Analyze grammar]

tadastraṃ vārayāmāsa māhendreṇa nṛpottama || 3523 ||
[Analyze grammar]

atha māheśvaraṃ kṛṣṇo mumocātyugramāhave || 3524 ||
[Analyze grammar]

raudreṇa tattato haṃso vārayāmāsa tatkṣaṇāt || 3525 ||
[Analyze grammar]

gāndharvaṃ rākṣasaṃ caiva paiśācamatha keśavaḥ || 3526 ||
[Analyze grammar]

brahmāstramatha kauberamāsuraṃ yāmyameva ca || 3527 ||
[Analyze grammar]

chittvāsyaitāni haṃsastu mumoca yudhi satvaram || 3528 ||
[Analyze grammar]

vāraṇārthaṃ tadastrāṇāṃ caturṇāṃ mādhavasya ha || 3529 ||
[Analyze grammar]

atha brahmaśiro nāma ghoraṃ śatruvināśanam || 3530 ||
[Analyze grammar]

mumoca haṃsamuddiśya keśavaḥ krodhamūrchitaḥ || 3531 ||
[Analyze grammar]

yojayāmāsa taddhaṃse mahāghoraparākramam || 3531 ||
[Analyze grammar]

atha bhīto mahāraudramastraṃ dṛṣṭvā nṛpottamaḥ || 3531 ||
[Analyze grammar]

haṃso'pi tena rājendra vārayāmāsa taṃ śaram || 3532 ||
[Analyze grammar]

yamunāpa upaspṛśya devadevo janārdanaḥ || 3533 ||
[Analyze grammar]

astraṃ vaiṣṇavamādāya śare suniśite hariḥ || 3534 ||
[Analyze grammar]

yojayāmāsa bhūtātmā bhūtabhāvanabhāvanaḥ || 3535 ||
[Analyze grammar]

yena devā raṇe hatvā rājyamāpuḥ purāsurān || 3536 ||
[Analyze grammar]

tadastraṃ yojayāmāsa vadhārthaṃ tasya bhūpateḥ || 3537 ||
[Analyze grammar]

vaiśaṃpāyana uvāca atha bhīto mahāraudramastraṃ dṛṣṭvā nṛpottama || 3538 ||
[Analyze grammar]

haṃso rājā mahārāja niśceṣṭa iva saṃbabhau || 3539 ||
[Analyze grammar]

utplutya sa rathāttasmād yamunāmabhyadhāvata || 3540 ||
[Analyze grammar]

yatra kṛṣṇo hṛṣīkeśaḥ kāliyaṃ balaśālinam || 3541 ||
[Analyze grammar]

mamarda ca mahāghoraṃ yāvatpātālasaṃsthitiḥ || 3542 ||
[Analyze grammar]

tāvaddīrghaṃ mahānīlaṃ kālāñjananibhaṃ mahat || 3543 ||
[Analyze grammar]

tasmin hrade mahāghore papātātha sa haṃsakaḥ || 3544 ||
[Analyze grammar]

haṃse patati tasmiṃstu mahān rāvo babhūva ha || 3545 ||
[Analyze grammar]

girīṇāṃ pātyamānānāṃ samudra iva vajriṇā || 3546 ||
[Analyze grammar]

rathādutplutya kṛṣṇo'pi tasyopari papāta ha || 3547 ||
[Analyze grammar]

devadevo jagannātho jagadvismāpayanniva || 3548 ||
[Analyze grammar]

prāharattaṃ mahābāhuṃ pādābhyāmatha keśavaḥ || 3549 ||
[Analyze grammar]

pādakṣepaṃ tatastasmāl labdhvā haṃso nṛpottama || 3550 ||
[Analyze grammar]

mamāra ca nṛpaśreṣṭha kecidevaṃ vadanti hi || 3551 ||
[Analyze grammar]

anye pātālamāyāto bhakṣitaḥ pannagairiti || 3552 ||
[Analyze grammar]

adyāpi naiva rājendra dṛṣṭa ityanuśuśrumaḥ || 3553 ||
[Analyze grammar]

yathāpūrvaṃ jagannātho rathaṃ samupajagmivān || 3554 ||
[Analyze grammar]

hate tasminmahārāja dharmaputro yudhiṣṭhiraḥ || 3555 ||
[Analyze grammar]

akarod rājasūyaṃ ca tava pūrvapitāmahaḥ || 3556 ||
[Analyze grammar]

yadi jīvedasau haṃsaḥ ko nu maṃsyati taṃ kratum || 3557 ||
[Analyze grammar]

sa ca sarvāstravinnityaṃ rudrāl labdhavaraḥ prabho || 3558 ||
[Analyze grammar]

kṣaṇādeva mahārāja vārteyaṃ gāmagāhata || 3559 ||
[Analyze grammar]

hato haṃso hato haṃsaḥ kṛṣṇena ripumardinā || 3560 ||
[Analyze grammar]

jagurgandharvapatayo devaloke divāniśam || 3561 ||
[Analyze grammar]

kṛṣṇena lokanāthena viṣṇunā prabhaviṣṇunā || 3562 ||
[Analyze grammar]

yamunāyā hrade ghore kṛṣṇeneti divāniśam || 3563 ||
[Analyze grammar]

vaiśaṃpāyana uvāca śrutvā nihatamatyugraṃ bhrātaraṃ vīryaśālinam || 3564 ||
[Analyze grammar]

baladevaṃ parityajya yudhyamānaṃ mahāraṇe || 3565 ||
[Analyze grammar]

ḍibhako vīryasaṃpanno yamunāmanu jagmivān || 3566 ||
[Analyze grammar]

tamanvadhāvadvegena balabhadro halāyudhaḥ || 3567 ||
[Analyze grammar]

haṃso hi yatra patitastatrāsau nipapāta ha || 3568 ||
[Analyze grammar]

yamunāyāṃ mahārāja viloḍya jalasaṃcayam || 3569 ||
[Analyze grammar]

atikruddho'tha ḍibhako bhrāmayitvā jalaṃ bahu || 3570 ||
[Analyze grammar]

unmajyonmajya sahasā nimajya ca punaḥ punaḥ || 3571 ||
[Analyze grammar]

na dadarśa tadā rājanbhrātaraṃ vīryaśālinam || 3572 ||
[Analyze grammar]

unmajyātha mahābāhurvāsudevaṃ vilokya ca || 3573 ||
[Analyze grammar]

uvāca vacanaṃ rājan ḍibhako vīryavattamaḥ || 3574 ||
[Analyze grammar]

are gopakadāyāda kvāsau haṃsa iti sthitaḥ || 3575 ||
[Analyze grammar]

vāsudevo'pi dharmātmā yamunāṃ pṛccha rājaka || 3576 ||
[Analyze grammar]

ityabravītprasannātmā vāsudevaḥ pratāpavān || 3577 ||
[Analyze grammar]

tacchrutvā yamunāṃ bhūyaḥ praviśya ḍibhakaḥ kila || 3578 ||
[Analyze grammar]

bahuprakāramudvīkṣya bhrātaraṃ bhrātṛvatsalaḥ || 3579 ||
[Analyze grammar]

vilalāpa tato rājā ḍibhako bhrāntamānasaḥ || 3580 ||
[Analyze grammar]

kva nu gacchasi rājendra vihāyaikamabāndhavam || 3581 ||
[Analyze grammar]

kuto bhrātarito gaccheḥ parityajyaiva māmiha || 3582 ||
[Analyze grammar]

vilapyaivaṃ nṛpaśreṣṭha ḍibhako bhrātṛvatsalaḥ || 3583 ||
[Analyze grammar]

ātmatyāge manaḥ kurvanyamunāyā mahāhrade || 3584 ||
[Analyze grammar]

nimajyonmajya sahasā maraṇe kṛtaniścayaḥ || 3585 ||
[Analyze grammar]

hastena jihvāmākṛṣya bhūyo bhūyo vilapya ca || 3586 ||
[Analyze grammar]

tataḥ samūlāmākṛṣya jihvāṃ sāhasakṛtsvayam || 3587 ||
[Analyze grammar]

mamārāntarjale rājan ḍibhako narakāya vai || 3588 ||
[Analyze grammar]

gate narādhame haṃse ḍibhake ca tadā hate || 3589 ||
[Analyze grammar]

agamatpuṇḍarīkākṣo bhūtānvismāpayanniva || 3590 ||
[Analyze grammar]

tataḥ prītaḥ prasannātmā vāsudevaḥ pratāpavān || 3591 ||
[Analyze grammar]

govardhane'tha viśramya balabhadrasahāyavān || 3592 ||
[Analyze grammar]

kaṃcitkālaṃ mahārāja pūrvabhuktamuvāsa ha || 3593 ||
[Analyze grammar]

vaiśaṃpāyana uvāca yaśodā nandagopaśca kṛṣṇadarśanalālasau || 3594 ||
[Analyze grammar]

govardhanagataṃ śrutvā vāsudevaṃ ca sāgrajam || 3595 ||
[Analyze grammar]

navanītaṃ ca dadhi ca pāyasaṃ kṛsaraṃ tathā || 3596 ||
[Analyze grammar]

vanyaṃ puṣpaṃ mahārāja mayūrāṅgadameva ca || 3597 ||
[Analyze grammar]

ballavairaparaiḥ sārdhaṃ gopībhiśca samantataḥ || 3598 ||
[Analyze grammar]

jagmatuḥ sahasā prītau govardhanamatho nṛpa || 3599 ||
[Analyze grammar]

kvacidvṛkṣe samāsaktaṃ kṛṣṇaṃ kṛṣṇamṛgekṣaṇam || 3600 ||
[Analyze grammar]

dadarśaturmahābāhuṃ vāsudevaṃ ca sāgrajam || 3601 ||
[Analyze grammar]

praṇematuḥ susaṃhṛṣṭau tatra dṛṣṭvā mahābalau || 3602 ||
[Analyze grammar]

darśayāmāsaturdevaṃ pāyasāni mahānti ca || 3603 ||
[Analyze grammar]

nandagopaṃ yaśodāṃ ca dṛṣṭvā prīto'bhavaddhariḥ || 3604 ||
[Analyze grammar]

avocacca tato vākyaṃ nandagopaṃ saballavam || 3605 ||
[Analyze grammar]

yaśodāṃ mātaraṃ paścādvāsudevaḥ pratāpavān || 3606 ||
[Analyze grammar]

tāta mātarvraje goṣṭhe kuśalaṃ vā svagodhane || 3607 ||
[Analyze grammar]

api gāvaḥ kṣīravatyo vatsā vatsatarāḥ pitaḥ || 3608 ||
[Analyze grammar]

api vā suśubhaṃ kṣīramapi gāvaḥ suśobhanāḥ || 3609 ||
[Analyze grammar]

api vā dārakā mātarvatsapālāḥ pitardivā || 3610 ||
[Analyze grammar]

bahūni cāpi dāmāni kīlakā api vā bahu || 3611 ||
[Analyze grammar]

tṛṇāni bahurūpāṇi kiṃ vā santi pitaḥ sadā || 3612 ||
[Analyze grammar]

śakaṭāni sugandhīni kiṃ vā santi pitardhruvam || 3613 ||
[Analyze grammar]

api gopyaḥ putravatyo dārakāḥ kimajījanan || 3614 ||
[Analyze grammar]

ghaṭāḥ kiṃ bahavo mātarabhinnāḥ sarvato vraje || 3615 ||
[Analyze grammar]

kiṃ gāvaḥ kṣīramatulaṃ sravanyaharahaḥ pitaḥ || 3616 ||
[Analyze grammar]

haiyaṃgavīnaṃ kṣīrāṇi dadhi vā kimajījanan || 3617 ||
[Analyze grammar]

godhanaṃ sarvamevaitannīrogaṃ saṃprapadyate || 3618 ||
[Analyze grammar]

nanda uvāca sarvametad yaduśreṣṭha nīrogaṃ bahuśaḥ prabho || 3619 ||
[Analyze grammar]

kuśalaṃ godhanasyaivaṃ sarvakāleṣu keśava || 3620 ||
[Analyze grammar]

rakṣaṇāttava deveśa sadā kuśalino vayam || 3621 ||
[Analyze grammar]

sagodhanāḥ savatsāśca nīrogā eva keśava || 3622 ||
[Analyze grammar]

ekameva sadā duḥkhaṃ na tvāṃ drakṣyāma keśava || 3623 ||
[Analyze grammar]

yadetatkevalaṃ duḥkhamiti me dhīyate sadā || 3624 ||
[Analyze grammar]

vaiśaṃpāyana uvāca evamādi vilapyantaṃ gacchetyāha sa keśavaḥ || 3625 ||
[Analyze grammar]

mātaraṃ punarāhedaṃ mātargaccha gṛhaṃ prati || 3626 ||
[Analyze grammar]

ye ca tvāṃ kīrtayiṣyanti te ca svargamavāpnuyuḥ || 3627 ||
[Analyze grammar]

ye kecittvāṃ namasyanti te me priyatarāḥ sadā || 3628 ||
[Analyze grammar]

madbhaktāḥ sarvadā santu gacchetyāha ca tāṃ hariḥ || 3629 ||
[Analyze grammar]

ityuktvā pitarau devo vāsudevaḥ sanātanaḥ || 3629 ||
[Analyze grammar]

gāḍhamāliṅgya tau prītau preṣayāmāsa keśavaḥ || 3629 ||
[Analyze grammar]

iti śrutvā ca tadvākyaṃ kṛṣṇādbhaktipuraḥsaram || 3629 ||
[Analyze grammar]

yaśodā nandagopaśca jagmatuḥ svagṛhaṃ kila || 3630 ||
[Analyze grammar]

tataḥ kṛṣṇo hṛṣīkeśo yādavairvṛṣṇibhiḥ saha || 3631 ||
[Analyze grammar]

gantumaicchattadā viṣṇuḥ purīṃ dvāravatīṃ kila || 3632 ||
[Analyze grammar]

ya etacchṛṇuyānnityaṃ paṭhedvāpi samāhitaḥ || 3632 ||
[Analyze grammar]

putravāndhanavāṃścaiva ante mokṣaṃ ca gacchati || 3632 ||
[Analyze grammar]

vaiśaṃpāyana uvāca gacchannatha mahāviṣṇuḥ puṣkaraṃ prāpya yādavaiḥ || 3633 ||
[Analyze grammar]

apaśyanmunimukhyāṃstu puṣkarasthānnṛpottama || 3634 ||
[Analyze grammar]

te sametya mahādevamṛṣayo vītamatsarāḥ || 3635 ||
[Analyze grammar]

arghyādisamudācāraṃ kṛtvainaṃ yādavottamam || 3636 ||
[Analyze grammar]

procurviśveśvaraṃ viṣṇuṃ bhūtabhavyabhavatprabhum || 3637 ||
[Analyze grammar]

atyadbhutamidaṃ viṣṇo tava vīryaṃ janārdana || 3638 ||
[Analyze grammar]

yena tau nihatau yuddhe haṃso ḍibhaka eva ca || 3639 ||
[Analyze grammar]

yo vicakro durādharṣo devairapi suduḥsahaḥ || 3640 ||
[Analyze grammar]

saṃgare nihato deva duḥsādhya iti no matiḥ || 3641 ||
[Analyze grammar]

kṣemo naḥ sarvakāryeṣu caratāṃ tapa uttamam || 3642 ||
[Analyze grammar]

tvatprasādājjagannātha carāmastapa uttamam || 3643 ||
[Analyze grammar]

niṣkalmaṣā bhaviṣyāmastava saṃsmaraṇāddhare || 3644 ||
[Analyze grammar]

tvaṃ hi sarvasya duḥkhasya hartā tvāṃ dhyāyatāṃ sadā || 3645 ||
[Analyze grammar]

tvadanusmaraṇaṃ jantoḥ sadā puṇyapradaṃ prabho || 3646 ||
[Analyze grammar]

tvaṃ hi naḥ satataṃ dhātā vidhātā tapaso hare || 3647 ||
[Analyze grammar]

tvamoṃkāro vaṣaṭkārastvaṃ yajñastvaṃ pitāmahaḥ || 3648 ||
[Analyze grammar]

tvaṃ jyotirbrahmaṇo mūrtistvaṃ brahmā rudra eva ca || 3649 ||
[Analyze grammar]

prāṇastvaṃ sarvabhūtānāmantarātmeti śabdyase || 3650 ||
[Analyze grammar]

upāsyaḥ sarvabhūtānāṃ yajñairdānairjagatpate || 3651 ||
[Analyze grammar]

namo viśvasṛje deva namaste viśvamūrtaye || 3652 ||
[Analyze grammar]

pāhi lokamimaṃ deva hatvā brahmadviṣaḥ sadā || 3653 ||
[Analyze grammar]

sa tatheti harirviṣṇuryayau dvāravatīṃ purīm || 3654 ||
[Analyze grammar]

avasadvṛṣṇibhiḥ sārdhaṃ stūyamānaḥ sa māgadhaiḥ || 3655 ||
[Analyze grammar]

iyaṃ ca devadevasya ceṣṭā hi janamejaya || 3656 ||
[Analyze grammar]

proktā te pṛcchate rājan kiṃ bhūyaḥ śrotumicchasi || 3657 ||
[Analyze grammar]