Chapter 28 - sadyovarṣaṇādhyāyaḥ [sadyovarṣaṇa-adhyāya]

[English text for this chapter is available]

varṣāpraśne salilanilayaṃ rāśimāśritya candro lagnaṃ yāto bhavati yadi vā kendragaḥ śuklapakṣe |
saumyairdṛṣṭaḥ pracuramudakaṃ pāpadṛṣṭo'lpamambhaḥ prāvṛṭkāle sṛjati na cirāccandravadbhārgavo'pi || 1 ||
[Analyze grammar]

ārdraṃ dravyaṃ spṛśati yadi vā vāri tatsaṃjñakaṃ vā toyāsanno bhavati yadi vā toyakāryonmukho vā |
praṣṭā vācyaḥ salilamacirādasti niḥsaṃśayena pṛcchākāle salilamiti vā śrūyate yatra śabdaḥ || 2 ||
[Analyze grammar]

udayaśikharisaṃstho durnirīkṣyo'tidīptyā drutakanakanikāśaḥ snigdhavaidūryakāntiḥ |
tadahani kurute'mbhastoyakāle vivasvānpratapati yadi coccaiḥ khaṃ gato'tīva tīkṣṇam || 3 ||
[Analyze grammar]

virasamudakaṃ gonetrābhaṃ viyadvimalā diśo lavaṇavikṛtiḥ kākāṇḍābhaṃ yadā ca bhavetnabhaḥ |
pavanavigamaḥ poplūyante jhaṣāḥ sthalagāmino rasanamasakṛtmaṇḍūkānāṃ jalāgamahetavaḥ || 4 ||
[Analyze grammar]

mārjārā bhṛśamavaniṃ nakhairlikhanto lohānāṃ malanicayaḥ savisragandhaḥ |
rathyāyāṃ śiśuracitāśca setubandhāḥ samprāptaṃ jalamacirātnivedayanti || 5 ||
[likhante | śiśunicitāś]
[Analyze grammar]

girayo'ñjanacūrṇasannibhā yadi vā bāṣpaniruddhakandarāḥ |
kṛkavākuvilocanopamāḥ pariveṣāḥ śaśinaśca vṛṣṭidāḥ || 6 ||
[añjanapuñjasannibhā]
[Analyze grammar]

vinopaghātena pipīlikānāmaṇḍopasaṃkrāntirahivyavāyaḥ |
drumāvarohaśca bhujaṅgamānāṃ vṛṣṭernimittāni gavāṃ plutaṃ ca || 7 ||
[drumādhirohaś]
[Analyze grammar]

taruśikharopagatāḥ kṛkalāsā gaganatalasthitadṛṣṭinipātāḥ |
yadi ca gavāṃ ravivīkṣaṇamūrdhvaṃ nipatati vāri tadā na cireṇa || 8 ||
[Analyze grammar]

necchanti vinirgamaṃ gṛhāddhunvanti śravaṇān khurānapi |
paśavaḥ paśuvacca kukkurā yadyambhaḥ patatīti nirdiśet || 9 ||
[kurkurā]
[Analyze grammar]

yadā sthitā gṛhapaṭaleṣu kukkurā rudanti vā yadi vitataṃ viyatmukhāḥ |
divā taḍid yadi ca pinākidigbhavā tadā kṣamā bhavati samaiva vāriṇā || 10 ||
[kurkurā | bhavanti | divonmukhāḥ | ātovāroṃā]
[Analyze grammar]

śukakapotavilocanasannibho madhunibhaśca yadā himadīdhitiḥ |
pratiśaśī ca yadā divi rājate patati vāri tadā na cireṇa ca || 11 ||
[cirāddivaḥ]
[Analyze grammar]

stanitaṃ niśi vidyuto divā rudhiranibhā yadi daṇḍavatsthitāḥ |
pavanaḥ purataśca śītalo yadi salilasya tadāgamo bhavet || 12 ||
[Analyze grammar]

vallīnāṃ gaganatalonmukhāḥ pravālāḥ |
snāyante yadi jalapāṃśubhirvihaṅgāḥ |
sevante yadi ca sarīsṛpāstṛṇāgrāṇy |
āsanno bhavati tadā jalasya pātaḥ |
mayūraśukacāṣacātakasamānavarṇā yadā |
japākusumapaṅkajadyutimuṣaśca sandhyāghanāḥ |
jalorminaganakrakacchapavarāhamīnopamāḥ |
prabhūtapuṭasaṃcayā na tu cireṇa yacchantyapaḥ || 14 ||
[Analyze grammar]

paryanteṣu sudhāśaśāṅkadhavalā madhye'ñjanālitviṣaḥ snigdhā naikapuṭāḥ kṣarajjalakaṇāḥ sopānavicchedinaḥ |
māhendrīprabhavāḥ prayāntyaparataḥ prāgvā ambupāśodbhavā ye te vārimucastyajanti na cirādambhaḥ prabhūtaṃ bhuvi || 15 ||
[Analyze grammar]

śakracāpaparighapratisūryā rohito'tha taḍitaḥ pariveṣaḥ |
udgamāstamaye yadi bhānorādiśetpracuramambu tadāśu || 16 ||
[Analyze grammar]

yadi tittirapatranibhaṃ gaganaṃ muditāḥ pravadanti ca pakṣigaṇāḥ |
udayāstamaye saviturdyuniśaṃ visṛjanti ghanā na cireṇa jalam || 17 ||
[Analyze grammar]

yadyamoghakiraṇāḥ sahasragorastabhūdharakarā ivocchritāḥ |
bhūsamaṃ ca rasate yadāmbudastanmahadbhavati vṛṣṭilakṣaṇaṃ || 18 ||
[Analyze grammar]

prāvṛṣi śītakaro bhṛguputrātsaptamarāśigataḥ śubhadṛṣṭaḥ |
sūryasutānnavapañcamago vā saptamagaśca jalāgamanāya || 19 ||
[Analyze grammar]

prāyo grahāṇāmudayāstakāle samāgame maṇḍalasaṃkrame ca |
pakṣakṣaye tīkṣṇakarāyanānte vṛṣṭirgate'rke niyamena cārdrām || 20 ||
[Analyze grammar]

samāgame patati jalaṃ jñaśukrayorjñajīvayorgurusitayośca saṅgame |
yamārayoḥ pavanahutāśajaṃ bhayaṃ hyadṛṣṭayorasahitayośca sadgrahaiḥ || 21 ||
[Analyze grammar]

agrataḥ pṛṣṭhato vāpi grahāḥ sūryāvalambinaḥ |
yadā tadā prakurvanti mahīmekārṇavāmiva || 22 ||
[Analyze grammar]

praviśati yadi khadyoto jaladasamīpeṣu rajanīṣu |
kedārapūramadhikaṃ varṣati devastadā na cirāt || 23 ||
[Analyze grammar]

varṣatyapi raṭati yadā gomāyuśca pradoṣavelāyām |
saptāhaṃ durdinamapi tadā payo nātra sandehaḥ || 24 ||
[Analyze grammar]