Chapter 6 - mūdhenṣṭakāvidhiḥ

athavakṣyeviśeṣeṇa kramaṃmūrdheṣṭakāvidheḥ |
pramukheyāgaśālāñca kṛtvācaivavicakṣaṇa || 1 ||
[Analyze grammar]

madhyevediṃprakalpyaiva sthūpikīlapramāṇataḥ |
sabhyaṃprakalpyacaprācyā māghāraṃvidhivadyajet || 2 ||
[Analyze grammar]

vedimadhyenyasedvidvān susnigdhānirvraṇādṛḍhāḥ |
vaiṣṇavañcajapitvaivacatasraśceṣṭakāḥkramāt || 3 ||
[Analyze grammar]

kiñcidagraṃbhavennimnaṃ mūlevaikiñcidunnatam |
adhobhāgebhavetpṛṣṭa mūrdhvabhāgemukhaṃbhavet || 4 ||
[Analyze grammar]

śālipiṣṭamayenātha lekhayedakṣarāṇitu |
yakāraṃpūrvatolekhya rakārandakṣiṇenyaset || 5 ||
[Analyze grammar]

lakāraṃpaścimelekhyavakāre cottarelikhet |
lohajāndārujāṃvātha sthūpintatranyasedbudhaḥ || 6 ||
[Analyze grammar]

pādāyāmasamandīghaṃnvistāraṃpādasammitam |
agramaṅgulavistāra mānupūrvyātkṛśantathā || 7 ||
[Analyze grammar]

caturaśraṃbhavenmūlaṃ tribhāgai kaṃsamaṃyathā |
vṛttantadūrdhvataḥkuryācchīlīpādamadhonyaset || 8 ||
[Analyze grammar]

vistāratriguṇāyāmaṃ vistārasamavistaraṃ |
taddvayenasamāyojya namaṃśūlaṃsthitaṃyadhā || 9 ||
[Analyze grammar]

pañcagavyaissamabhyukṣya puṇyāhamapivācayet |
vāstujomañcahutvaiva paryagnikaraṇañcaret || 10 ||
[Analyze grammar]

mūrdheṣṭakāvidhānena homaṅkṛtvāvicakṣaṇaḥ |
punaḥprabhātedharmātmā yajamānayutoguruḥ || 11 ||
[Analyze grammar]

śilādīn saṃpragṛhyaiva vimāneropayettadhā |
pāṇibhyāṃsaṃpragṛhyaiva prāṅmukhodaṅmukho'pivā || 12 ||
[Analyze grammar]

caturvedādimantraiśca śilā indrādiṣunyaset |
dhruvasūktañjapitvātu mathyesthūpiṃnyasettadhā || 13 ||
[Analyze grammar]

kāleśilpinamāhūya pūjayitvā viśeṣataḥ |
śilādyuparivinyasya dṛḍhīkaraṇamācaret || 14 ||
[Analyze grammar]

pādabandhegalecaiva vimāne paritaḥkramāt vimānadevāḥ |
prācyāṃ viṣṇuṃ prakurvīta yasya garbhagṛhesthitiḥ || 15 ||
[Analyze grammar]

dakṣiṇesatyamūrtestu paścimecā cyutasya ca |
uttarecāniruddhasya sthitimevaṃ prakalpayet || 16 ||
[Analyze grammar]

galepuruṣamūrtistu dakṣiṇe nārasiṃhakaḥ |
paścime tu varāhaśca hayagrīvastathottare || 17 ||
[Analyze grammar]

sukhasanasamāluktaṃ sarvālaṅkārasaṃyutam |
vyāloddhvakoṇakañcaiva vīśaṃ vātha mṛgeśvaram || 18 ||
[Analyze grammar]

vakratuṇḍaṃ ca durgāṃ cāpyagramaṇḍapabhittiṣu |
sthitamevaṃ susaṃsthāpya yathālābhaṃ samarcayet || 19 ||
[Analyze grammar]

dvāreṣu dvārapālānāṃ sthitimevaṃ prakalpayet |
prāsādalakṣaṇaṃproktaṃ maṇḍapānāmathocyate || 20 ||
[Analyze grammar]

staṃbhaiṣṣoḍaśabhiryuktaṃ maṇḍapaṃ śrīpratiṣṭhitam |
dvādaśastaṃbhasaṃyuktaṃ bījāsanamiti smṛtam || 21 ||
[Analyze grammar]

dvātriṃśadgātrasaṃyuktaṃ jayabhadretikīrtyate |
ṣaṭtriṃśadgātrasaṃyuktaṃ nandyāvartaṃ suśobhanam || 22 ||
[Analyze grammar]

caturbhiṣṣaṣṭibhistsaṃbhairyuktaṃśrībhadrakaṃ smṛtam |
staṃbhānāṃ tu śatairyuktaṃ viśālamiti saṃjñitam || 23 ||
[Analyze grammar]

prāsādavatsamākhyātaṃ prastāraṃ tatpramāṇataḥ |
vājinopari kartavyaṃ dhārakastu kalāstathā || 24 ||
[Analyze grammar]

staṃbhaviṣkaṃbhamutsedhaṃ caturbhāgenavistṛtam |
tulāvistāramānena jayantīsyātsamonnatā || 25 ||
[Analyze grammar]

tato daṇḍārdhabāhulya manumārgaṃ tadūrdhvataḥ |
iṣṭakābhistadūrdhvaṃ tu chādayedgala kānvitam || 26 ||
[Analyze grammar]

pādādhikamadhādhyardhaṃ dviguṇaṃ pādahīnakam |
caturvidhamathāyāmaṃ kartavyaṃ maṇḍapasyatu || 27 ||
[Analyze grammar]

āyāme tu yathāyuktaṃ staṃbhānāṃ vidhirucyate |
dvihastaṃ vātrihastaṃ vā caturhastamathāpivā || 28 ||
[Analyze grammar]

staṃbhāntaraṃ prakartavyaṃ yathāyukti viśeṣataḥ |
evaṅkramātsamākhyātaṃ prākāramadhunocyate || 29 ||
[Analyze grammar]

pākāraṃ paritaḥ kuryātprāsādasya pramāṇataḥ |
prākārasyatuvistāraṃ tasyadaṇḍamihocyate || 30 ||
[Analyze grammar]

antarmaṇḍalamityāhu radhyardhaṃ daṇḍamānataḥ |
antarbhāramitiprostaṃ madhyabhāraṃ dvidaṇḍata || 31 ||
[Analyze grammar]

caturdaṇḍapramāṇena yuktā maryādabhittikā |
mahāmaryādabhittissyātsaptadaṇḍapramāṇataḥ || 32 ||
[Analyze grammar]

adhyardhadviguṇaṃ vāpi triguṇaṃ vā caturguṇam |
mukhāyāmamiti proktaṃ prākārāṇāṃ viśeṣataḥ || 33 ||
[Analyze grammar]

kapotā ntaṃsamutsedhaṃ bhittihastapramāṇataḥ |
kūṭaśālāyutaṃ vāpi kuryātprākārasaṃyutam || 34 ||
[Analyze grammar]

mūlajaṃ tu talotsedhaṃ hastamevaṃ vidhīyate |
yathālābhonnataṃ vāpi pradhamāvaraṇaṃ smṛtam || 35 ||
[Analyze grammar]

ṣaḍaṅgulaṃ kramātkuryānnyūnaprākārakaṃviduḥ |
jalaniryāṇamārgaṃ syātpadānte taṭake'pivā || 36 ||
[Analyze grammar]

pradhamāvaraṇadvāraṃ pramukhekalpayettathā |
dvitīyāvaraṇadvāro vyastaśchennāstidūṣaṇam || 37 ||
[Analyze grammar]

vimānotsedhaturyaṃ vā podonaṃ cārthameva vā |
pṛdhaggopurasaṃyukta mucchritaṃ tu samantuvā || 38 ||
[Analyze grammar]

pañcaprākāramityevaṃ triprākāramathāpivā |
triprākāreṣaḍaṅgulyaṃ tridhādhastalanimnagam || 39 ||
[Analyze grammar]

prākārehucchrayaṃ vindyātkapotāntaṃ taduttamam |
madhyamaṃ cotkarāntena kalaśāntaṃ tathādhamam || 40 ||
[Analyze grammar]

evaṃ prākārasaṃgena tūtsedhaṃ trividhaṃ kramāt |
utsedhātpañcabhāgaikaṃ caturaṃśakameva vā || 41 ||
[Analyze grammar]

ṣaḍbhāgaikena vākuryāttrividhaṃ bhittivistaramatha vā |
prāsādabhittistu tatsamaṃ bhittimeva ca || 42 ||
[Analyze grammar]

garbhe'ṣṭāṃśocchrayaṃ śreṣṭhaṃ saptabhāgedvimadhyamam |
pañcabhāgaikamadhamaṃ balipīṭhaṃ tathābhavet || 43 ||
[Analyze grammar]

garbhapañcatribhāgaikaṃ ... |
navāṃśeṣaṭcaturbhāgaṃ madhyamādhamamuttamam || 44 ||
[Analyze grammar]

tridhā paiśācikaṃ pīṭhāddhastamātraṃ kramādbhavet |
dvihastāntaṃ trihastāntaṃ caturhastāntamucyate || 45 ||
[Analyze grammar]

adhamaṃ madhyamaṃ śreṣṭhaṃ tridhā paiśācapīṭhakam |
saptaviṃśatibhāgaiśca samamevaṃ samunnatam || 46 ||
[Analyze grammar]

dvyaṃśaṃ ca pādukā jñeyaṃ caturaṃśaṃ janiṃ viduḥ |
tṣaṃśaṃ tu kuṃbhamityāhu ścaturthaṅkaṇṭhameva ca || 47 ||
[Analyze grammar]

ṣaḍbhāgaṃ karaṇetyāhurdvyaṃśaṃ valakameva ca |
caturaṃśe kapotāśca aṃśecaivāgrapaṭṭikā || 48 ||
[Analyze grammar]

adhyardhaṃ padmapuṣpantu ekārdhaṃ padmapuṣpakam |
evaṃ samyagviditvātu bhāgebhāge vinirdiśet || 49 ||
[Analyze grammar]