![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 14.12
lobhaḥ pravṛttirārambhaḥ karmaṇāmaśamaḥ spṛhā |
rajasyetāni jāyante vivṛddhe bharatarṣabha ||12||
The Subodhinī commentary by Śrīdhara
kiṃ ca lobha iti | lobho dhanādyāgame jāyamāne'pi punaḥ punarvardhamāno'bhilāṣaḥ | pravṛttirnityaṃ kurvadrūpatā | karmaṇāmārambho mahāgṛhādinirmāṇodyamaḥ | aśama idaṃ kṛtvā idaṃ kariṣyāmi ityādi saṅkalpavikalpānuparamaḥ | spṛhā uccāvaceṣu dṛṣṭamātreṣu vastuṣu itastato jighṛkṣā | rajasi vivṛddhe satyetāni liṅgāni jāyante | etaistamaso vivṛddhirjāānīyādityarthaḥ ||12||
The Gūḍhārthadīpikā commentary by Madhusūdana
mahati dhanāgame jāyamāne'pyanukṣaṇaṃ vardhamānastadabhilāṣo lobhaḥ svaviṣayaprāpsyanivartya icchāviśeṣa iti yāvat | pravṛttirnirantaraṃ prayatamānasā | ārambhaḥ karmaṇāṃ bahuvittavyayāyāsakarāṇāṃ kāmyaniṣiddhalaukikamahāgṛhādiviṣayāṇāṃ vyāpārāṇāmudyamaḥ | aśama idaṃ kṛtvedaṃ kariṣyāmīti saṅkalpapravāhānuparamaḥ | spṛhoccāvaceṣu paradhaneṣu dṛṣṭamātreṣu yena kenāpyupāyenopāditsā | rajasi rāgātmake vivṛddha etāni rāgātmakāni liṅgāni jāyante | he bharatarṣabha ! etairliṅgairvivṛddhaṃ
rajo jānīyādityarthaḥ ||12||
The Sārārthavarṣiṇī commentary by Viśvanātha
pravṛttirnānā prayatnaparatā karmaṇāmārambho gṛhādinirmāṇodyamaḥ | aśamo viṣayabhogānuparatiḥ ||12||
The Gītābhūṣaṇa commentary by Baladeva
lobhaḥ svadravyātyāgaparatā | pravṛttistadvṛddhiyatnaaparatā | karmaṇāṃ gṛhanirmāṇādīnāmārambhaḥ | aśamo viṣayabhogādindriyāṇāmanuparatiḥ | spṛhā viṣayalipsā | etairliṅgai rajo vivṛddhaṃ vidyāt ||12||
__________________________________________________________