Chapter 25

rājagṛhe mandirapure viharati varakamalagarbhasukumāro |
sarvā kalikalahāni praśamayitāni jitakleśena || 1 ||
[Analyze grammar]

sopadravaṃ kāñcananibho yaṃ prāpto grāmanigama nagaraṃ vā |
śāmayati tatra ītayo rajam iva balavāṃ salilavṛṣṭiḥ || 2 ||
[Analyze grammar]

pāṇḍaravarṇaṃ kāñcananibhaṃ dinakaraparipūrṇacārumukhaṃ |
varasurabhiśīlagandhaṃ ānetha śāmyati tu vyādhi || 3 ||
[Analyze grammar]

upoṣadhe paṃcadaśīviśuddhaye upāsituṃ te ṛṣayo samāgatā |
śakro ca devo tridaśāna indro puraskṛto teṣu asahyasāhi || 4 ||
[Analyze grammar]

virocamāno bhāṣasi uttamaṃ padaṃ dharmeṇa tarpesi bahuṃ imāṃ prajāṃ |
mahāṃ va meghaḥ salilena medinīṃ te tuhya śrutvā madhurām imāṃ girāṃ || 5 ||
[Analyze grammar]

anelikāṃ dhārayato mahāmune namaskṛtvā aṃjaliṃ vandamānā |
śaraṇaṃ te gacchāma asahyasāhi teṣāṃ sulabdhaṃ ca su-āgataṃ ca || 6 ||
[Analyze grammar]

sa tomarāṇām aham antike bhavaṃ ye te prasannā śaraṇaṃ upenti |
atha apramattā sugatasya śāsane kāhinti jātīmaraṇasya antaṃ || 7 ||
[Analyze grammar]

manasā devānāṃ vacasā pārthivānāṃ |
nacireṇāḍhyānāṃ karmaṇā daridrāṇām iti || 8 ||
[Analyze grammar]

nīlāśvā nīlarathā nīlā raśmipratoda-m-uṣṇīṣā |
nīlā ca paṃca kakudā nīlā vastrā alaṃkārā || 9 ||
[Analyze grammar]

pītāśvā pītarathā pītā raśmipratoda-m-uṣṇīṣā |
pītā ca paṃca kakudā pītā vastrā alaṃkārā || 10 ||
[Analyze grammar]

maṃjiṣṭhā aśvarathā mañjiṣṭha raśmipratodayaṣṭī ca |
maṃjiṣṭha paṃca kakudā mamjiṣṭha vastra-alaṃkārāḥ || 11 ||
[Analyze grammar]

lohitā aśvā rathā ca lohita raśmipratodayaṣṭī ca |
lohita ca paṃca kakudā lohita vastrā alaṃkārāḥ || 12 ||
[Analyze grammar]

śvetāśvā śveta rathā śveta raśmipratodayaṣṭī ca |
śvetā ca paṃca kakudā śvetā vastrā alaṃkārāḥ || 13 ||
[Analyze grammar]

haritāśvā harita rathā haritā raśmipratodayaṣṭī ca |
haritā ca paṃca kakudā haritā vastrā alaṃkārāḥ || 14 ||
[Analyze grammar]

vyāyuktā aśvarathā vyāyukta raśmipratodayaṣṭī ca |
vyāyukta paṃca kakudā vyāyukta vastra-alaṃkārāḥ || 15 ||
[Analyze grammar]

sphītāni rājyāni praśāmyamānā samyak rājyāni karonti jñātayo |
tathā ime lecchavimadhye santo devehi śāstā upamām akāsi || 16 ||
[Analyze grammar]

trāyastriṃśā ye hi na dṛṣṭapūrvā udyānabhūmiṃ abhiniṣkramantā |
etādṛśī samiti abhūṣi teṣāṃ yathā iyaṃ samṛddhi lecchavīnāṃ || 17 ||
[Analyze grammar]

suvarṇacchatrehi ca kuṃjarehi śivikāhi sauvarṇamayīhi cānye |
rathehi sauvarṇamayehi cānye pratyudgamaṃ lecchavino karonti || 18 ||
[Analyze grammar]

sarve sametvā saha jñātibandhavo daharā ca madhyā ca mahallakā ca |
alaṃkṛtā laktakaraktavastrā pratyudgatā te ca vicitracārī || 19 ||
[Analyze grammar]