Chapter 24

dīpaṃkarasya ottareṇa maṅgalo nāma nāyako |
tamaṃ loke nihatvāna dharmolkām abhijvālayet || 1 ||
[Analyze grammar]

atulā āsi prabhā tasya jinehi anyehi uttarā |
koṭisūryaprabhāṃ hatvā sahasrāraiḥ virocate || 2 ||
[Analyze grammar]

so ca buddho prakāśeti catvāri satyā uttamāṃ |
te taṃ satyarasaṃ pītvā vinodensu mahātamaṃ || 3 ||
[Analyze grammar]

bodhiṃ buddhvā atulāṃ devā prathame dharmadeśane |
koṭiśatasahasrāṇāṃ prathamābhisamayo abhūt || 4 ||
[Analyze grammar]

yadā + + + + + + + + + + + + + + + + + + |
tadā āhani saṃbuddho dharmabherīṃ varam uttamāṃ || 5 ||
[Analyze grammar]

punar api devasamaye yadā satyāṃ prakāśayet |
dvitīye navati koṭī dvitīyābhisamayo abhūt || 6 ||
[Analyze grammar]

yadā sunando cakravartī buddhadharmam upāgami |
tadā āhani saṃbuddho dharmabherīṃ varam uttamāṃ || 7 ||
[Analyze grammar]

sunandānucarā janatā navatiṃ āsi koṭiyo |
sarve te niravaśeṣā abhūd buddhasya śrāvakā || 8 ||
[Analyze grammar]

punar api devasamaye yadā satyāṃ prakāśayet |
aśītiṃ tṛtīye koṭī tṛtīyābhisamayo abhūt || 9 ||
[Analyze grammar]

yadā uttaro gṛhapati buddhadarśanam upāgami |
tadā āhani saṃbuddho dharmabherīṃ varam uttamāṃ || 10 ||
[Analyze grammar]

uttarānucarā janatā aśītiṃ āsi koṭiyo |
sarve te niravaśeṣā abhūt buddhasya śrāvakāḥ || 11 ||
[Analyze grammar]

sannipātāḥ trayo āsi maṅgalasya maharṣiṇo |
kṣīṇāśravāṇāṃ virajānāṃ śāntacittānutāpitāṃ || 12 ||
[Analyze grammar]

koṭīśatasahasrāṇāṃ prathamo āsi samāgamo |
dvitīyo navatiṃ koṭī aśītiṃ tṛtīyo abhūt || 13 ||
[Analyze grammar]

ahaṃ tena samayena nāgarājā maharddhiko |
atulo nāma nāmena utsadakuśalasaṃcayo || 14 ||
[Analyze grammar]

nāgānāṃ divyehi tūryehi maṅgalasya maharṣiṇo |
arcaye duṣyāṇi dattvāna śaraṇaṃ tam upāgami || 15 ||
[Analyze grammar]

so me buddho viyākārṣīt maṅgalo lokanāyako |
aparimeye ito kalpe buddho loke bhaviṣyasi |
śākyānāṃ nagare ramye sphīte kapilavasāhvaye || 16 ||
[Analyze grammar]

tasya te jananī mātā māyā nāmena bheṣyati |
pitā śuddhodano nāma tava bhaviṣyati gautamaḥ || 17 ||
[Analyze grammar]

kolito upatiṣyo ca agrā bheṣyanti śrāvakāḥ |
kṣemā utpalavarṇā ca agrā bheṣyanti śrāvikā || 18 ||
[Analyze grammar]

ānando nāma nāmena upasthāyako bhaviṣyati |
bodhi bhaviṣyati tuhyaṃ aśvattho varapādapaḥ || 19 ||
[Analyze grammar]

tasya vyākaraṇaṃ śrutvā maṅgalasya maharṣiṇaḥ |
viriyaṃ pragrahetvāna dṛḍhaṃ kṛtvāna mānasaṃ |
caranto bodhicaryāṇi nāhaṃ kaṃcit parityaje || 20 ||
[Analyze grammar]

uttaraṃ nāma nagaraṃ sundaro nāma kṣatriyo |
śirikā nāma janikā maṅgalasya maharṣiṇo || 21 ||
[Analyze grammar]

sudevo dharmadevo ca abhunsuḥ agraśrāvakāḥ |
śīvālī ca aśokā ca bhunsu agraśrāvikā || 22 ||
[Analyze grammar]

pālito nāma upasthāko maṃgalasya maharṣiṇo |
bodhi tasya nāgavṛkṣo bodhivṛkṣaṃ supuṣpitaṃ || 23 ||
[Analyze grammar]

koṭīśatasahasrāṇāṃ saṃgho āsi maharṣiṇo |
tiṣṭhamāno mahāvīro tāresi janatāṃ bahuṃ || 24 ||
[Analyze grammar]

tārayi bahujanatāṃ vaistārikaṃ kṛtva śāsanaṃ |
jvalito agniskandho vā suriyo vā samudgato || 25 ||
[Analyze grammar]

yathā sāgarasya ūrmiyo na śakiyaṃ gaṇayituṃ |
tathaiva bhagavato putrā na śakiyaṃ gaṇayituṃ || 26 ||
[Analyze grammar]

so ca buddho mahābhāgo saddharmo ca gaṇottamo |
sarve samanantara atītā anuriktā eva saṃskārāḥ || 27 ||
[Analyze grammar]