Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter LVIII

< Previous

Next >

śrīvasiṣṭha uvāca |
atraiva vastunyuditā śrṛṇu rāghava pūrvajāḥ |
kacena gāthā yā gītā bārhaspatyena pāvanāḥ || 1 ||
[Analyze grammar]

kasmiṃścinmerugahane'tiṣṭhansuraguroḥ sutaḥ |
kadācidabhyāsavaśādviśrāntiṃ prāpa cātmani || 2 ||
[Analyze grammar]

samyagjñānāmṛtāpūrṇā matirnāramatāsya sā |
pañcabhūtamaye'mānye dṛśye'sminpelavātmani || 3 ||
[Analyze grammar]

sa tena nirviṇṇa iva sadātmatvādṛte padam |
apaśyansamuvācedameko gadgadayā girā || 4 ||
[Analyze grammar]

kiṃ karomi kva gacchāmi kiṃ gṛhṇāmi tyajāmi kim |
ātmanā pūritaṃ viśvaṃ mahākalpāmbunā yathā || 5 ||
[Analyze grammar]

duḥkhamātmā sukhaṃ caiva khamāśāsumahattayā |
sarvamātmamayaṃ jñātaṃ naṣṭakaṣṭo'hamātmanā || 6 ||
[Analyze grammar]

sabāhyābhyantare dehe adhaścordhvaṃ ca dikṣu ca |
ita ātmā tataścātmā nāstyanātmamayaṃ kvacit || 7 ||
[Analyze grammar]

sarvatraiva sthito hyātmā sarvamātmamayaṃ sthitam |
sarvamevedamātmaivamātmanyeva bhavāmyaham || 8 ||
[Analyze grammar]

yannāma nāma tatkiṃcitsarvamevāhamāntaraḥ |
āpūritāpāranabhāḥ sarvatra sanmayaḥ sthitaḥ || 9 ||
[Analyze grammar]

pūrṇastiṣṭhāmi modātmā sukhamekārṇavopamaḥ |
ityevaṃ bhāvayaṃstatra kanakācalakuñjake || 10 ||
[Analyze grammar]

uccārayannoṅkāraṃ ca ghaṇṭāsvanamiva kramāt |
oṃkārasya kalāmātraṃ pāścātyaṃ vālakomalam |
nāntarastho na bāhyastho bhāvayanparame hṛdi || 11 ||
[Analyze grammar]

vyapagatakalanākalaṅkaśuddho hṛdayanirantaralīnavātavṛttiḥ |
gataghanaśaradāśayopamānaḥ sthita iti rāma kacaḥ sa gāyamānaḥ || 12 ||
[Analyze grammar]