Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 4.20
nanu mā bhūdbuddheḥ svayaṃ grahaṇaṃ buddhyantareṇa bhaviṣyatītyāśaṅkyāha —
cittāntaradṛśye buddhibuddheratiprasaṅgaḥ smṛtisaṅkaraśca || kaivalya 20 ||
vṛttiḥ — yadi hi buddhirbuddhyantareṇa vedyate sā'pi buddhiḥ svayamabuddhā buddhyantaraṃ prakāśayitumasamartheti tasyā grāhakaṃ [ pā0 bodhakam ] buddhyantaraṃ kalpanīyaṃ tasyā'pyanyadityanavasthānāt puruṣāntareṇārthapratītirna syāt | na hi pratītavapratītāyāmarthaḥ pratīto bhavati | smṛtisaṃkaraśca prāpnoti — rūpe rase vā samutpannāyāṃ buddhau tadgrāhikāṇāmanantānāṃ buddhīnāṃ samutpatterbuddhijanitaiḥ saṃskārairyadā yugapadbahvayaḥ smṛtayaḥ kriyante tadā buddheraparyavasānādbuddhismṛtīnāṃ ca bahvīnāṃ yugapadutpatteḥ kasminnarthe smṛtiriyamutpanneti jñātumaśkyatvāt smṛtīnāṃ saṃkaraḥ syāt | iyaṃ rūpe smṛtiriyaṃ rase smṛtiriti na jñāyeta || 20 ||