Chapter 13

atha trayodaśaḥ paṭalaḥ ||
atha vakṣyāmi saṃkṣepāt prāsādavidhimuttamam |
yatkriyāvyavasāyo'pi sadyaḥ sarvāghanāśanaḥ || 1 ||
[Analyze grammar]

aṣṭeṣṭakānidhāne'pi phalaṃ vaktuṃ na śakyate |
anumeyaṃ hi tenaiva phalaṃ prāsādavistare || 2 ||
[Analyze grammar]

sarvayajñatapodānatīrthavedeṣu yat phalam |
tat sarvaṃ koṭiguṇitaṃ yajamānasya jāyate || 3 ||
[Analyze grammar]

dravyasaṃsthānabhedācca phalaṃ bhūyo'sya vardhate |
hitaṃ nātaḥ paraṃ tasmācchaktaiḥ kāryaṃ tu sarvathā || 4 ||
[Analyze grammar]

vṛṣābhyāṃ kapilābhyāṃ tu samābhyāṃ prāṅmukho guruḥ |
kṛṣṭvā'sanamayaireva yaṣṭīyugahalairbhuvam || 5 ||
[Analyze grammar]

dvādaśākṣaramantreṇa navavastrādyalaṃkṛtaḥ |
śamyāsamīkṛte gobhiḥ sasyamutpādya khādayet || 6 ||
[Analyze grammar]

punaḥ kṛṣṭveṣṭakādhānaṃ kuryād dvāre tu kalpite |
dvārasya dakṣiṇe bhāge kartavyā prathameṣṭakā || 7 ||
[Analyze grammar]

ullekhādyājyabhāgāntaṃ kṛtvodaksthaṇḍile kramāt |
pakvaṃ ca viṣṇugāyatryā hutvā'thājyāhutīḥ kramāt || 8 ||
[Analyze grammar]

vyastauraṣṭākṣarairaṣṭau vyāhṛtīndrādibhistataḥ |
agnaye caiva somāya grahebhyo'pi yathākramam || 9 ||
[Analyze grammar]

nakṣatrebhyaśca bhūtebhyo nāgebhya iti caiva hi |
devatābhyaśca sarvābhyo viśvebhyaśceti deśikaḥ || 10 ||
[Analyze grammar]

viṣṇave ceti hutvā'nte vyāhṛtīrjuhuyāt tataḥ |
samidājyacarūn hutvā gāyatryā'ṣṭottaraṃ śatam || 11 ||
[Analyze grammar]

tataḥ sviṣṭakṛtaṃ hutvā homaśeṣaṃ samāpya ca |
iṣṭakāsu ca mūlena sampātājyaṃ samarpayet || 12 ||
[Analyze grammar]

aśvatthaśaṅkunā rekhāḥ pūrvāgrāścottarāgrakāḥ |
tāreṇāṣṭau samālikhya prāṅmukhaḥ susamāhitaḥ || 13 ||
[Analyze grammar]

caturaśre catuṣkoṣṭhe nyasyāgnyanilakoṣṭhayoḥ |
pūrvāgrasūtre saumyāgre tathaiva nirṛtīśayoḥ || 14 ||
[Analyze grammar]

sthitvā kṛtāñjaliḥ paścād dhyātvā devamadhokṣajam |
mūlamaṣṭaśataṃ japtvā dvādaśākṣarameva ca || 15 ||
[Analyze grammar]

tataḥ svākṣarasaṅkhayāto japedaṣṭākṣaraṃ budhaḥ |
prabhuṃ taṃ praṇato dhyātvā koṣṭheṣvaṣṭabhirakṣaraiḥ || 16 ||
[Analyze grammar]

agnyādīndrāntamaṣṭau tā iṣṭakā vinyaset kramāt |
upānaḍvat prayuñjīta varjayennimnamunnatam || 17 ||
[Analyze grammar]

iṣṭakāstu nidhāyaivaṃ śvabhraṃ sampūrya vāribhiḥ |
sampātaratnagandhāḍhyairvimalaistu sugandhibhiḥ || 18 ||
[Analyze grammar]

kalaśaiḥ pūritaiḥ pūrvamarcitairmantrasaṃskṛtaiḥ |
śuklapuṣpākṣatān nyasya tāreṇāvartamīkṣayet || 19 ||
[Analyze grammar]

śubhāśubhāvihāvartau jñātavyau dakṣiṇottarau |
śālyādikṣetramṛtsābhirgartaṃ pracchādayet tataḥ || 20 ||
[Analyze grammar]

visṛjya śilpino'trāpi kalpayet svapnadarśanam |
śubhe lābho'śubhe mokṣaḥ śāntiḥ kāryā tvadarśane || 21 ||
[Analyze grammar]

garbhādhānaṃ tataḥ kuryānnāgarbhe dhāmni sampadaḥ |
mṛttikā daśa saṅgrāhyā mūlāni jalajāni ca || 22 ||
[Analyze grammar]

dhātavo ratnabījāni lohādi ca yadiṣyate |
aṣṭāṅgulaṃ tadardhoccaṃ pādahīnottaracchadam || 23 ||
[Analyze grammar]

sāndraṃ tāmramayaṃ ślakṣṇaṃ garbhapātraṃ ca śobhanam |
suguptaṃ tadyathā bhittau bhittimānena vā bhavet || 24 ||
[Analyze grammar]

pādukopari viprasya bhuvi rājño'nyayoradhaḥ |
dvārasya dakṣiṇe bhāge tṛtīyāṃśe dviśeṣite || 25 ||
[Analyze grammar]

gomūtreṇāplute nyasyed dvāramūlasya pārśvataḥ |
kṣālite pañcagavyena pātre'smin pariśodhite || 26 ||
[Analyze grammar]

dhāraṇābhiryathānyāyaṃ dhyātvā pīṭhe'kṣarāmbujam |
bhūmaṇḍalamanantasthaṃ saśailāmbhodhidiggajam || 27 ||
[Analyze grammar]

prādakṣiṇyena kṛtvā'ntaḥ pūrvaṃ sāgaramṛdvṛtim |
digvidikṣu ca madhye ca gāyatryā vinyasenmṛdaḥ || 28 ||
[Analyze grammar]

giritīrthanadībhyaśca hradāt karkaṭakālayāt |
valmīkakhaladantyukṣaśṛṅgebhyaścāhṛtāḥ kramāt || 29 ||
[Analyze grammar]

paṅkajotpalayormūle kumudasya ca deśikaḥ |
dikṣu lohitakasyāpi catvāryevaṃ kramānnyaset || 30 ||
[Analyze grammar]

manaśśilāṃ harītālamañjanaṃ śyāmasīsake |
saurāṣṭrīṃ rocanāṃ caiva gaurikaṃ pārataṃ tathā || 31 ||
[Analyze grammar]

vajramauktiktikavaiḍūryaśaṅkhaspaṭikapuṣyakān |
candrakāntaṃ mahānīlaṃ padmarāgaṃ tathā punaḥ || 32 ||
[Analyze grammar]

śālinīvārakau caiva kaṅkumāṣakulusthakān |
niṣpāvatilamudgāṃśca pākapūrṇān sasarṣapān || 33 ||
[Analyze grammar]

dikṣu kāñcanarūpyāyastrapuṇyatha hiraṇmayam |
suparṇaṃ kūrmarūpaṃ ca śaṅkhaṃ cakraṃ ca koṇataḥ || 34 ||
[Analyze grammar]

dhanurgadāmbujaṃ madhye pratyekaṃ ca hiraṇmayam |
etat sarvaṃ samānīya nyastavyaṃ garbhabhājane || 35 ||
[Analyze grammar]

kṛtvaivaṃ pañcagavyena prokṣya dvādaśavidyayā |
agnerdakṣiṇataḥ kṛtvā juhuyāt pūrvavat kramāt || 36 ||
[Analyze grammar]

ghṛtaṃ dvādaśabhirvarṇairdikpairnārāyaṇena ca |
tārādinā hutāntena vakṣyamāṇaiśca nāmabhiḥ || 37 ||
[Analyze grammar]

bījāni sarvadhātūni sarvalokāśca parvatāḥ |
samudrāḥ sarvatīrthāni nadyaścātha hradāstathā || 38 ||
[Analyze grammar]

pātālāścātha nāgāśca diggajā vṛṣabhāstathā |
vyāhṛtyantaṃ tato hutvā sampātavidhinaiva tu || 39 ||
[Analyze grammar]

ājyaṃ samarpya tat pātraṃ vidhāyāgrakarasthitam |
japtvā mantraṃ bhuvaṃ dhyātvā prāṅmukho niśi deśikaḥ || 40 ||
[Analyze grammar]

sumuhūrtte dvijānujñāṃ prāpya tūryādinisvanaiḥ |
śaktiṃ dhyātvā'rcayitvā'syāṃ garbhabhūtamidaṃ smaran || 41 ||
[Analyze grammar]

brahmāṇḍaṃ pārthivaṃ śubhraṃ gṛhamūrttiprasūtaye |
dhyātvā'smin pūrvavaccorvī śanairmantramudīrayet || 42 ||
[Analyze grammar]

sarvabhūtadhare kānte parvatastanamaṇḍite |
samudraparidhāne tvaṃ devi garbhaṃ samāśraya || 43 ||
[Analyze grammar]

evaṃ nyaste tu garbhe'smin sarvatra ca sukhaṃ bhavet |
hiraṇyaṃ dakṣiṇāṃ dattvā prāsādaṃ kārayet tataḥ || 44 ||
[Analyze grammar]

dvārsthāpanādadhaḥ prāgvadiṣṭvā vāstuṃ yathākramam |
kṛtvā homaṃ ca saṃspṛśya śaktyā ratnādi vinyaset || 45 ||
[Analyze grammar]

dvāramācchādya vastrābhyāṃ gavyādikṣālitaṃ śubham |
gandhādibhiḥ samabhyarcya śāntihomādisaṃyutam || 46 ||
[Analyze grammar]

muhūrte sthāpayed vidvān madhyānmadhyaṃ vimucya tu |
ātmatattvamadho nyasya vidyātattvaṃ ca śākhayoḥ || 47 ||
[Analyze grammar]

paratattvaṃ ca madhye tat suśirassaṃvyavasthitam |
sthāpayet praṇavenātha pūjayecca punaḥ kramāt || 48 ||
[Analyze grammar]

sthirāprameyavyāpitvabodhanityāvināśitāḥ |
tṛptiśca sapta hotavyāḥ kramādāhutisaptakaiḥ || 49 ||
[Analyze grammar]

pratīhārādayo devā ye tasmin saṃvyavasthitāḥ |
nāmabhiste'tra hotavyāstato deyaśca tadbaliḥ || 50 ||
[Analyze grammar]

bhittistambhādivinyāse sirāmarmādipīḍanam |
sarvathā parihartavyaṃ vāstukopo'nyathā bhavet || 51 ||
[Analyze grammar]

kiñciduttarato nītvā pūrvato vā sirādivit |
stambhādīn vinyasedevaṃ vedhadoṣo na jāyate || 52 ||
[Analyze grammar]

prāgdvāramṛṣabhasthaṃ syād dhvajasthaṃ paścimāmukham |
anyathā sarvanāśaḥ syādāyadoṣānna saṃśayaḥ || 53 ||
[Analyze grammar]

prāgdvāraṃ grāmamadhye syāt paścime cottare tathā |
dakṣiṇendrāgniṣu prāyaḥ paścimadvāramiṣyate || 54 ||
[Analyze grammar]

triṃśadantaṃ trihastādi saptāntaikādibhūmikam |
vṛttaṃ vā caturaśraṃ vā darśanīyaṃ tu kārayet || 55 ||
[Analyze grammar]

bhūvṛddhyā vāyuvahnīndravaruṇārkenduviṣṇavaḥ |
gṛhāṇāṃ devatā jñeyā bhūmīnāṃ mūrtayo'parāḥ || 56 ||
[Analyze grammar]

śayānāsīnatiṣṭhanto gacchan pūrve ca yoginaḥ |
bhūmīnāṃ devatā jñeyā dikkoṇasthāstato'parāḥ || 57 ||
[Analyze grammar]

varāho nārasiṃhaśca śrīdharaśva hayānanaḥ |
jāmadagnyaśca rāmaśca vāmanaḥ kṛṣṇa eva ca || 58 ||
[Analyze grammar]

tata ūrdhvaṃ caturdikṣu vainateyaṃ prakalpayet |
madhye brahmā śivo'nte syāt kalaśe tu svayaṃ hariḥ || 59 ||
[Analyze grammar]

kalaśānte mahāviṣṇuḥ sadāviṣṇustadagrataḥ |
jñātavyā gṛhagarbhārcāḥ sthūlasūkṣmaparātmikāḥ || 60 ||
[Analyze grammar]

anantaṃ pādukaṃ vidyādātmatattveśvaraṃ prabhum |
vidyātattvamadhiṣṭhānamita ūrdhvaṃ paraṃ tathā || 61 ||
[Analyze grammar]

vedyāmindrādayo diksthā viṣvaksenaḥ praṇālake |
pādukādyaṅghridaṅghoru paṭṭikāntaṃ pratiḥ kaṭiḥ || 62 ||
[Analyze grammar]

mekhalā raśanā kukṣirgarbhaḥ stambhāśca bāhavaḥ |
madhyaṃ nābhiśca hṛt pīṭhamapānaṃ jalanirgamaḥ || 63 ||
[Analyze grammar]

pādādhārastvahaṃkāraḥ piṇḍikā buddhirucyate |
tadante prakṛtiḥ padmaṃ pratimā puruṣaḥ smṛtaḥ || 64 ||
[Analyze grammar]

ghaṇṭā jihvā mano dīpo dāru snāyuḥ śilā'sthi ca |
tvak sudhā lepanaṃ māṃsaṃ rudhiraṃ tatra yo rasaḥ || 65 ||
[Analyze grammar]

cakṣuḥ śikharapārśve tu dhvajāgraṃ ca śikhā bhavet |
talakumbho bhavet pāṇirdvāraṃ prajananaṃ smṛtam || 66 ||
[Analyze grammar]

śukanāsaiva nāsoktā gavākṣaṃ śravaṇaṃ viduḥ |
kapotāliṃ tathā skandhaṃ kaṇṭhaṃ cāmalasārakam || 67 ||
[Analyze grammar]

ghaṭaṃ śiro ghṛtaṃ majjā vāṅ mantraḥ secana payaḥ |
nāmaśaityādivarṇānnadhūpeṣu viṣayāḥ sthitāḥ || 68 ||
[Analyze grammar]

randhre vātāyane dhāmni lepe sthairya ca khādayaḥ |
parvāṇi sandhayo jñeyā lohabandhāstathā nakhāḥ || 69 ||
[Analyze grammar]

keśaromāṇi caivāsya vijñeyā dugdhakūrcakāḥ |
prāsādapādamātroccaḥ prākāraḥ parito bhavet || 70 ||
[Analyze grammar]

gopuraṃ pādahīnoccaṃ tatsamaṃ maṇḍapaṃ viduḥ |
pīṭhadviguṇavistāro garuḍasyaṭa ca maṇḍapaḥ || 71 ||
[Analyze grammar]

tāvanto lokapālānāṃ viṣvaksenasya cālayāḥ |
pṛṣṭhe'nantasya cāgneyyāṃ haviśśālā ca tāvatī || 72 ||
[Analyze grammar]

mātṝṇāmālayāḥ kāryā dakṣiṇe cottare tathā |
indrāgnīśagatāḥ kāryāḥ sarve pratyaṅmukhā gṛhāḥ || 73 ||
[Analyze grammar]

rakṣovaruṇavāyavyagatāśca prāṅmukhāstathā |
dakṣiṇottarayoḥ kāryāḥ prāsādābhimukhā yathā || 74 ||
[Analyze grammar]

tuṣahīnairanuttānairaṣṭabhirmadhyamairyavaiḥ |
uttamaṃ saptabhirmadhyamadhamaṃ ṣaḍbhiraṅgulam || 75 ||
[Analyze grammar]

gāyatryakṣarasaṃkhyātairaṅgulaireva sādhitaḥ |
yo hastastena mātavyaṃ sarvaṃ trividhamiṣyate || 76 ||
[Analyze grammar]

śilābhiriṣṭakābhirvā kāṣṭhairvā mṛdbhireva vā |
kuryāt prāsādavistāraṃ sadoṣaṃ tu vivarjayet || 77 ||
[Analyze grammar]

vṛddhāṃ bālāṃ ca caṇḍālīṃ garbhiṇīṃ duṣṭabhūmijām |
śilāṃ tyaktvā śubhāmanyāṃ gṛhṇīyād varṇayogataḥ || 78 ||
[Analyze grammar]

pulliṅge pratimā proktā srīliṅge pīṭhikā smṛtā |
ratnanyāsādadhastāttu napuṃsakaśileṣyate || 79 ||
[Analyze grammar]

kāryā gṛhānurūpā'rcā gṛhaṃ vā'rcānurūpataḥ |
nyāyo'yaṃ pīṭhikādīnāmapi jñeyo vicakṣaṇaiḥ || 80 ||
[Analyze grammar]

na jīrṇairupayuktairvā śilādyairvaiṣṇavaṃ gṛham |
kārayet pīṭhikāṃ vā'rcāmābhicāro'nyathā bhavet || 81 ||
[Analyze grammar]

purātanyo vivarṇāḥ syurapakvāścātra neṣṭakāḥ |
garbhavantaḥ svayaṃ śuṣkāḥ patitā vā'gnidūṣitāḥ || 82 ||
[Analyze grammar]

asārā duṣṭadeśasthā dūṣitāścāpi na drumāḥ |
kaṭukaṇṭakipaiśācakṣudracaityādayastathā || 83 ||
[Analyze grammar]

śūlasūcidhvajastambhacakrayaṣṭikṛtāni ca |
na yuñjyācchāstravid gehe nottamaṃ yojayedadhaḥ || 84 ||
[Analyze grammar]

ghaṭīyantrādidārūṇi na kapitthākṣajāni ca |
vāhayenmūlamagreṇa nottamaṃ sandhayennave || 85 ||
[Analyze grammar]

nādhomukhaṃ niyuñjīta na tathā dakṣiṇāmukham |
anuyāge nāvanyeva dravyāṇi śubhadāni tu || 86 ||
[Analyze grammar]

prāsāde'dhaḥ śilādīni śubhānyanyāni vecchayā |
yadārcotpāṭitā sthāpyā tadā pūrvaiva pīṭhikā || 87 ||
[Analyze grammar]