Chapter 12

atha dvādaśaḥ paṭalaḥ ||
atha vakṣyāmi saṃkṣepād yāgabhūmestu lakṣaṇam |
yatreṣṭvā vidhivad devaṃ labhyante sarvasiddhayaḥ || 1 ||
[Analyze grammar]

tridhottamādhamā madhyā caturdhā jātibhedataḥ |
supadmā bhadrikā pūrṇā dhūmretyapi tathaiva bhūḥ || 2 ||
[Analyze grammar]

bahupāṃsuraśuṣkāmbuḥ kṣipraṃ vrīhyādirohaṇā |
pradakṣiṇajalā śreṣṭhā samā śītoṣṇakālayoḥ || 3 ||
[Analyze grammar]

nadī pūrvavahā yatra kṣīrapuṣpaphaladrumāḥ |
ramante yatra gomartyāḥ samā snigdhā ca sottamā || 4 ||
[Analyze grammar]

śaṅkhābhrādisvarā ceṣṭā savarṇā sarvavarṇinām |
alābhe kṛtrimaivaṃ syādadhamā syādato'nyathā || 5 ||
[Analyze grammar]

sarvaplavā ca madhyoktā lakṣaṇaiśca śubhāśubhaiḥ |
caturaśrāṣṭaṣaḍbhāgāpādādhikasamāyatā || 6 ||
[Analyze grammar]

viprādīnāṃ smṛtā bhūmiḥ sarveṣāṃ vottamasya yā |
sitā raktā ca pītā ca kṛṣṇā viprādibhūstathā || 7 ||
[Analyze grammar]

madhurā ra kaṣāyā ca tiktā ca kaṭukā kramāt |
ghṛtāsṛkcaruviḍgandhā bahuvarṇā tu varjitā || 8 ||
[Analyze grammar]

dhānyapūrṇāmakumbhasthavardhamānājyavarttibhiḥ |
sitādibhirniśi jñeyā prajvālyāvṛtya darśanāt || 9 ||
[Analyze grammar]

khāte rātryuṣitaiḥ puṣpaistathā jñeyā sitādibhiḥ |
valmīkaśarkarārandratuṣāṅgārāsthibhasmabhiḥ || 10 ||
[Analyze grammar]

keśakardamakīṭaiśca saṃyuktāṃ varjayenmahīm |
dhūmratāraukṣyadaurgandhyakāṭhinyaiścāśubhā mahī || 11 ||
[Analyze grammar]

adiksthā jalahīnā ca kuṭilā dviguṇāyatā |
vṛttā pañcatriṣaṭkoṇā cārdhacandrā ca śūrpikā || 12 ||
[Analyze grammar]

pīluśelvakṣaveṇvarkasnukpiśācakaṭudrumaiḥ |
śyenagṛdhrarkṣagomāyusūkaradhvāṅkṣavānaraiḥ || 13 ||
[Analyze grammar]

rakṣoyamāgnivātāpyanimnatvena ca ninditā |
madhyanimnā sagarbhā ca pratilomā ca neṣyate || 14 ||
[Analyze grammar]

kuśaiḥ śaraiśca dūrvābhiḥ kāśaiśca brāhmaṇādibhūḥ |
puṣpairdīpaiśca vijñeyā natvā vijñāpya taṃ prabhum || 15 ||
[Analyze grammar]

nimittaṃ brūhi me deva kalproktaṃ dvijādikam |
varṇāryaṃ tu prayukte tu tato varticatuṣṭaye || 16 ||
[Analyze grammar]

muhūrte gamite yasya dīpo jvalati tasya bhūḥ |
vāstu saṃkīrṇamiṣṭaṃ ca sarveṣā sarvabhāsanāt || 17 ||
[Analyze grammar]

nyagrodhodumbarāśvatthaplakṣāḥ pūrvādayaḥ subhāḥ |
ete vyastāḥ samastā vā śastā vāmāstvakāmadāḥ || 18 ||
[Analyze grammar]

nādeyaṃ tu jalaṃ śreṣṭhaṃ dikṣu sarvāsvavasthitam |
kūpamaindraiśasaumyeṣu na caikasalilaṃ śubham || 19 ||
[Analyze grammar]

jalādrivṛkṣagulmāśca pūrvādiṣu śubhāḥ sthitāḥ |
śigrunimbādayaśchedyāstatra hastaśatāntare || 20 ||
[Analyze grammar]

bahiḥsthitā na doṣāya madhye kāryāstu vā śubhāḥ |
dviguṇaṃ gṛhavakṣoccaṃ tyaktvā doṣāya na sthitāḥ || 21 ||
[Analyze grammar]

gṛhoccadviguṇād bāhye phalapuṣpadrumāstathā |
bakulāśokapunnāganāgacandanacampakāḥ || 22 ||
[Analyze grammar]

bilvāmrapanasādyāśca palāśādyāśca śobhanāḥ |
antassāraṃ bahissāraṃ nissāraṃ sarvasārakam || 23 ||
[Analyze grammar]

caturdhā sthāvaraṃ teṣāmasāraṃ na gṛhāgrataḥ |
kadalyādi bahirdhāryaṃ gṛhapṛṣṭhāntapakṣataḥ || 24 ||
[Analyze grammar]

sarvasāraṃ tu sarvatra ciñcādi parikīrttitam |
antassāraṃ tathā vidyād bahissāramasāravat || 25 ||
[Analyze grammar]

api sauvarṇakaṃ vṛkṣamupagehaṃ na dhārayet |
gulmavallyoṣadhīnāṃ tu naikānto vidhirīdṛśaḥ || 26 ||
[Analyze grammar]

candanāgarukarpūrakadambatilakārjunaiḥ |
kramukairnālikeraiśca kuśairdarbhaiḥ samāvṛtā || 27 ||
[Analyze grammar]

padmotpalavanākīrṇā toyāḍhyaindroraplavā |
ketakīkṣusamākīrṇā supadmā śāntidā mahī || 28 ||
[Analyze grammar]

nadīsāgaraparyantatīrthāyatanamāśritā |
kṣīravṛkṣasamākīrṇā phalavṛkṣasamākulā || 29 ||
[Analyze grammar]

udyānopavanopetā phullagulmalatākulā |
paścime yājñikairvṛkṣairvrīhikṣetreṇa dakṣiṇe || 30 ||
[Analyze grammar]

bhadrikā bhūmirākhyātā sukhadā tatra yajvanām |
kiṃśukāśokabakulairaṅkolaiścaiva nimbakaiḥ || 31 ||
[Analyze grammar]

khadirai rohitaiḥ plakṣairmādhavīcampakāsanaiḥ |
kulasthatilaniṣpāvakodravaiśca samākulā || 32 ||
[Analyze grammar]

giripārśvāśritā caiva gireḥ śikharamāśritā |
aprabhūtodakā bhūmiḥ sā pūrṇeti ca puṣṭidā || 33 ||
[Analyze grammar]

pīluveṇuvanākīrṇā snuhiśleṣmātakānvitā |
vibhītakārkasaṅkīrṇā kaṭhinā śarkarānvitā || 34 ||
[Analyze grammar]

śyenagṛdhrarkṣagomāyusūkaradhvāṅkṣasaṅkulā |
soṣarā garbhayuktā ca kṣayadā dhūmrikā bhavet || 35 ||
[Analyze grammar]

evaṃ parīkṣya yatnena gandhavarṇarasādibhiḥ |
gulmādi pariśodhyātra karṣayellāṅgalaiḥ śubhaiḥ || 36 ||
[Analyze grammar]

pañcadhā daśadhā vā'pi sarvadhānyāni vāpayet |
karṣayitvā'tha bhūyo'pi kuryāt puṣphalānvitām || 37 ||
[Analyze grammar]

atyantopahatā yā tu tasyāḥ śuddhirathocyate |
śataśaḥ karṣayitvā tu gokulaṃ tatra vāsayet || 38 ||
[Analyze grammar]

tato varṣoṣite kṛṣṭvā tilādīnyatra vāpayet |
yadā sasyeṣu puṣpāṇi phalāni ca bhavanti hi || 39 ||
[Analyze grammar]

tadā kṛṣṭā punarbhūmiḥ śuddhimṛcchatyasaṃśayam |
bhūtakūrabaliṃ tatra pūrvaṃ dattvā vicakṣaṇaḥ || 40 ||
[Analyze grammar]

yāvat prākāraparyantaṃ tāvat kuryāt parigraham |
bhūtāni rākṣasā vā'pi ye'tra tiṣṭhanti kecana || 41 ||
[Analyze grammar]

te sarve hyapagacchantu sthānaṃ kuryāmahaṃ hareḥ |
ityanujñāpya bhūtādīṃstatastaṃ vidhimācaret || 42 ||
[Analyze grammar]

indrādīśāvasānaṃ tu śaṅkudviguṇaveṣṭanāt |
nimittaiḥ śobhanairmantrī kuryāt sūtraprasāraṇam || 43 ||
[Analyze grammar]

punnāmaikatarūdbhūtā nirghṛṇāḥ śaṅkavo dṛḍhāḥ |
prāṅmukhenāṣṭadhā tāḍyāḥ pūjitā lohamudgaraiḥ || 44 ||
[Analyze grammar]

khātvā puruṣamātraṃ tu jalāśmāntamathāpi vā |
tato nyasya ghaṭaṃ madhye vidhinā pūrṇamarcitam || 45 ||
[Analyze grammar]

saratnaṃ dhānyarāśisthaṃ muhūrtte maṅgalānvite |
sumṛdbhiḥ khātamāpūrya hastapūraṃ tato'śmabhiḥ || 46 ||
[Analyze grammar]

pādonaṃ plāvayitvā'dbhiḥ pālāśāśvatthamudgaraiḥ |
ākoṭya gharṣayitvā ca sudṛḍhaṃ kārayet talam || 47 ||
[Analyze grammar]

dvāradeśe'rcayed devaṃ sthaṇḍile'gniṃ ca tarpayet |
caturaśraṃ samaṃ kṛtvā tatra vāstuṃ ca tarpayet || 48 ||
[Analyze grammar]

sūtrapātaṃ punaḥ kuryādekāśītipadaṃ yathā |
susamaḥ sukhado vāsturviṣamo na sukhāvahaḥ || 49 ||
[Analyze grammar]

dadhyakṣatājyapuṣpāmbuhemaratnaiḥ pradakṣiṇam |
maṅgalārthaṃ likhet pūrvaṃ nāṅgulyādyaiḥ kadācana || 50 ||
[Analyze grammar]

īśamūrdhni nirṛtyaṅghrau tatrottānaśaye sthitān |
kuśapuṣpākṣatānnādbhirgandhapuṣpaiḥ prapūjayet || 51 ||
[Analyze grammar]

brahmā navasu madhye syād dikṣu ṣaṭke dvike'nyataḥ |
dvātriṃśad bahirīśādikramādarcyāstu devatāḥ || 52 ||
[Analyze grammar]

brahmā madhyapade pūjyaḥ tatprācyāmāryakastataḥ |
sāvitraḥ savitā cāgnau tato dvipadagau smṛtau || 53 ||
[Analyze grammar]

vivasvān dakṣiṇe ṣaṭke jayantendrau dvikadvaye |
ṣaṭke tu paścime mitro vāyavyadvikayoḥ punaḥ || 54 ||
[Analyze grammar]

rājayakṣmā ca rudraśca ṣaṭke kṣitibhṛduttare |
āpavatsastathāpaśca dvikayostadbahiḥ śivaḥ || 55 ||
[Analyze grammar]

parjanyaśca jayantendrasūryasatyabhṛśāmbarāḥ |
prācyāmagnyādikān vakṣye pūṣā ca vitathastathā || 56 ||
[Analyze grammar]

gṛhakṣato dharmarājo gandharvo bhṛṅgarājakaḥ |
mṛgaśca nairṛte koṇe pūjayecca pitṝṃstataḥ || 57 ||
[Analyze grammar]

dauvārikaṃ ca sugrīvaṃ puṣpadantaṃ jalādhipam |
asuraṃ taiva śoṣaṃ ca pāpayakṣmāṇameva ca || 58 ||
[Analyze grammar]

vāyuṃ nāgaṃ tathā mukhyaṃ bhallāṭaṃ somameva ca |
aditiṃ ditiṃ kuberaṃ ca bahirīśādiṣu kramāt || 59 ||
[Analyze grammar]

carakīṃ ca vidārīṃ ca pūtanāṃ pāparākṣasīm |
śarvaskandaṃ cāryamaṇaṃ jambhakaṃ pilipiñchakam || 60 ||
[Analyze grammar]

dikṣu teṣāṃ baliṃ dattvā madhyādārabhya sarvataḥ |
bhūtebhyo'pi baliṃ dadyādaṣṭadikṣu yatākramam || 61 ||
[Analyze grammar]

pūjitā vāstudehasthāstripañcāśat tu devatāḥ |
siddhaye syuranarthāya gṛhabhājāmapūjitāḥ || 62 ||
[Analyze grammar]

saṅkalpitopavāsastu susnātaḥ susahāyavān |
suliptāyāṃ samāsīnaḥ kṣitau rātrāvudaṅmukhaḥ || 63 ||
[Analyze grammar]

jpet svapnapradaṃ mantraṃ yāvannidrāvaśaṃgataḥ |
tataḥ paśyatyasau svapnaṃ tadbhūmiphalasūcakam || 64 ||
[Analyze grammar]

susvapne'tra gṛhaṃ kuryāt sugṛharkṣadinodaye |
sumṛdā sthaṇḍilaṃ kṛtvā caturhastaṃ suśobhanam || 65 ||
[Analyze grammar]

pralipta padmamadhyasthamudakumbhaṃ niveśayet |
sarvauṣadiyutaṃ bhadraṃ ratnagarbhaṃ sapallavam || 66 ||
[Analyze grammar]

sitacandanadigdhāṅgaṃ padmamālāvibhūṣitam |
sitavastrayugacchannamavyagraṃ svastikānvitam || 67 ||
[Analyze grammar]

tanmukhe praṇavenādau dhyātvā kamalamujjvalam |
sāṅgulīyakaro mantrī grahāṃstatra prakalpayet || 68 ||
[Analyze grammar]

baddhapadmāsanān hṛṣṭān pūjayecca svanāmabhiḥ |
sūryaṃ raktaṃ sitaṃ somaṃ raktamaṅgārakaṃ punaḥ || 69 ||
[Analyze grammar]

budhaṃ cāmīkaraprakhyaṃ kṛṣṇavarṇaṃ śanaiścaram |
pītaṃ bṛhaspatiṃ śukraṃ śuklameva tu kalpayet || 70 ||
[Analyze grammar]

rāhuṃ cāsitapītābhaṃ kṛṣṇaṃ ketuṃ yatākramam |
svavarṇalakṣitaiḥ puṣpaiḥ sarve'rcyāstu vidhānataḥ || 71 ||
[Analyze grammar]

kuryāddhomaṃ baliṃ cānte gītavāditrasaṃyutam |
stutiṃ kṛtvā grahāṇāṃ tu pavitraṃ stotramīrayet || 72 ||
[Analyze grammar]

śubhāśubhamahārthāni nimittāni grahādhipa |
divyāntarikṣabhaumāni pṛcchato me prakāśaya || 73 ||
[Analyze grammar]

ityuktvoddhṛtya taṃ kumbhaṃ śākunaṃ sūktamuccaran |
parito bhrāmayed yatnājjayaśabdādisaṃyutam || 74 ||
[Analyze grammar]

aniṣṭadarśane'pyevaṃ bhūmau sthāpitapūjitam |
uddhṛtya bhrāmayed bhūyastadā khe dṛśyate'dbhutam || 75 ||
[Analyze grammar]

siddhānāṃ darśanaṃ śabdaḥ sātapā vṛṣṭireva vā |
ratnapuṣpaphalānnānāṃ dhānyamadhvājyavāsasām || 76 ||
[Analyze grammar]

dadhipāṭhīnabhekānāṃ mūtrasya piśitasya ca |
kūrmasya vā mahīpṛṣṭhe prapāto nabhasaḥ śubhaḥ || 77 ||
[Analyze grammar]

nṛpabrāhmaṇakanyānāṃ pūrvakumbhasya darśanam |
hastyaśvaśikhihaṃsābhraśaṅkhaveṇusamāḥ svarāḥ || 78 ||
[Analyze grammar]

ityevamādayo jñeyāḥ karmakāle vicakṣaṇaiḥ |
spaṣṭe ghrāte śrute dṛṣṭe'pyaniṣṭe varjayet kṣitim || 79 ||
[Analyze grammar]

dinamanyat samāsādya prāguktavidhivartmanā |
sunimittaṃ ca vijñāya kartā vai karma kārayet || 80 ||
[Analyze grammar]

tatheṣṭvā'gniṃ kṣametyuktvā brāhmaṇaiḥ svasti vācya ca |
baliṃ dattvā khanet prāgvat tāṃ dharāṃ pūrayet punaḥ || 81 ||
[Analyze grammar]

gṛhamadhye tu medhāvī śubhāṃ pūrvaprakalpitām |
nyaset kūrmaśilāṃ caiva yasyāṃ kūrmo niveśyate || 82 ||
[Analyze grammar]

rājataṃ vinyaset kūrmaṃ sauvarṇaṃ tadvadeva tu |
pūrvavat kalpayet padmaṃ sāṣṭavargāṃ ca mātṛkām || 83 ||
[Analyze grammar]

ādhāraśaktimatreṣṭvā natvā vijñāpayet tataḥ |
tvameva paramā śaktistvamevāsanadhārikā || 84 ||
[Analyze grammar]

santṛptayā tvayā devi sthātavyamiha sarvadā |
kūrmarājamakūpāraṃ tathā viśvasya dhārakam || 85 ||
[Analyze grammar]

dhyātvā pūrvoktapadmasthaṃ svanāmnaiva tu pūjayet |
namaste kūrmarūpāya viṣṇave viśvadhāriṇe || 86 ||
[Analyze grammar]

kariṣyamāṇaṃ prāsādamiha tvaṃ dhartumarhasi |
iti vijñāpya taṃ bhaktyā gaṇeśaṃ cātra pūjayet || 87 ||
[Analyze grammar]

kūrmasya dakṣiṇe pārśve padmaṃ kṛtvā tu pūrvavat |
nāmayuktena bījena gandhapuṣpādibhiḥ kramāt || 88 ||
[Analyze grammar]

kuryād bījasya pañcāṅgaṃ tridīrghaṃ dvādaśāntagaiḥ |
nivedya laḍḍukāpūpapṛthukādi viśeṣataḥ || 89 ||
[Analyze grammar]

dhyāyed gajānanaṃ raktaṃ bṛhatkukṣiṃ caturbhujam |
pāśāṅkuśadharaṃ bhakṣyaṃ dadhānaṃ dantameva ca || 90 ||
[Analyze grammar]

evaṃ sampūjyate nityaṃ gaṇeśo yatra bhaktitaḥ |
vighnāstatra na jāyante vardhante cātra sampadaḥ || 91 ||
[Analyze grammar]