Chapter 14

atha caturdaśaḥ paṭalaḥ ||
atha vakṣyāmi saṃkṣepāt pratimālakṣaṇaṃ param |
yonisaṃsthānabhedaṃ ca sādhakānāṃ hitāya vai || 1 ||
[Analyze grammar]

ratnalohaśilādhātumṛtkāṣṭhālekhyabhedataḥ |
pratimā saptadhā jñeyā nirdoṣā ratnalohajā || 2 ||
[Analyze grammar]

bahudoṣā śilā sā tu puṇyaśailodbhaveṣyate |
vāruṇyaindrī tathā'gneyī vāyavī bhūścaturvidhā || 3 ||
[Analyze grammar]

ādyayoryā śilā saiṣā nirdoṣā'pi tu nānyayoḥ |
nimagnā bhuvi yā ramyā snigdhā'rkakiraṇojjhitā || 4 ||
[Analyze grammar]

ekavarṇā suvarṇā ca savarṇā cātiśobhanā |
śvetabjābhā mṛge grāhyā saumyā viprasya sā śilā || 5 ||
[Analyze grammar]

aindrī raktā kulasthābhā jyeṣṭhāyāṃ kṣatriyasya tu |
phalgunyāṃ bhagadevatyā pītā vā haritā viśaḥ || 6 ||
[Analyze grammar]

kṛṣṇā mudganibhā'śvinyāṃ śūdrasyaivāśvidevatā |
viśālā nātibahalā chidravanmadhurasvarā || 7 ||
[Analyze grammar]

rambhādalākṛtiḥ strī syācchītalā ca manoramā |
gambhīraninadā gurvī sadṛḍhā visphuliṅginī || 8 ||
[Analyze grammar]

aśvatthavaṭapatrābhā viśālā bahalā pumān |
napuṃsakaṃ dvayākārā taddhīnā yā saparpaṭā || 9 ||
[Analyze grammar]

nibiḍāvayavā snigdhā dhīraśabdā suśītalā |
sugandharasūrupāḍhyā yuvatiḥ sā suśobhanā || 10 ||
[Analyze grammar]

bālā śastrāsahā mṛdvī picchilā pallavāsthirā |
caṇḍālī śulkinī vā syād yasyāṃ na ramate manaḥ || 11 ||
[Analyze grammar]

sā hi maṇḍūkakhaṇḍā ca vṛddhā rūkṣā'tijharjharā |
bahuvarṇā'tinīlā ca dhūmrā ca sthūlaromikā || 12 ||
[Analyze grammar]

hīnasvanā ca nindyāṅgī soṣṇā caṇḍālikā smṛtā |
valmīkavṛkṣasaṃlagnā vahnivātātapāhatā || 13 ||
[Analyze grammar]

citicaityasamīpasthā bāhyālīḍhā'ntyasevitā |
grahajuṣṭā vivarṇā ca catvarāntarjaloṣitā || 14 ||
[Analyze grammar]

kalpitā'nyatra śiṣṭā ca saṃskṛtā yena kenacit |
sagarbhamaṇḍalacchidrasandhikīlakajālakā || 15 ||
[Analyze grammar]

sphoṭāvartasirāgranthibhedayuktā ca varjitā |
hīnarekhottamā hīnā hīnā rekhottamottamā || 16 ||
[Analyze grammar]

śilāsavarmā rekhāḥ syuḥ suvarṇāścātiśobhanāḥ |
indrāyudhapatākormikalaśābhā manoramā || 17 ||
[Analyze grammar]

sadā vṛddhikarī jñeyā gobrāhmaṇahitāvahā |
śrīvatsaśaṅkhacakrābjanandyāvartapradakṣiṇā || 18 ||
[Analyze grammar]

toraṇacchatravastrokṣakanyāsrakkusumopamā |
prāsādasvastikāśvebhavardhanī śapharopamā || 19 ||
[Analyze grammar]

rathekṣaṇāṅgulīkūrmacāmarāṅkuśakesarī |
ratnābharaṇagovṛkṣapatracandrārkatārakāḥ || 20 ||
[Analyze grammar]

pavitrakuṇḍikādarśamṛgahaṃsādayaḥ śubhāḥ |
ekadvibahuvicchede putreśagṛhiṇīkṣayaḥ || 21 ||
[Analyze grammar]

vakrasthūlakṛśā rūkṣāśchinnāgrāśca na śobhanāḥ |
saṅkīrṇā bahuvarmā ca yasyāṃ neṣṭā ca sā śilā || 22 ||
[Analyze grammar]

a vṛddhikṛdi śatrughnamu saṃvṛtamaśobhanam |
sandhyakṣareṣu vṛddhiḥ syāt kādimānteṣu sampadaḥ || 23 ||
[Analyze grammar]

yā yogavāheṣūccāṭo rādau bhīpuṣṭiśāntayaḥ |
siddhirūṣmasu mokṣo'ntye tiryagrekhāstvaśobhanāḥ || 24 ||
[Analyze grammar]

sagarbhoddhāṭyamānā yā bhidyate śithiladhvaniḥ |
maṇḍalādiyutoṣṇā vā vivarṇā vā'pi tāṃ tyajet || 25 ||
[Analyze grammar]

śilāyāṃ kṣālitāyāṃ tu yadi kiñcinna lakṣyate |
madhyamā sā śilā jñeyā hīnā yuktā śubhāśubhaiḥ || 26 ||
[Analyze grammar]

dhvanirghaṇṭānibho yatra sphuliṅgāśchedane sadā |
dṛśyante tacchirastasyāḥ pṛṣṭhamūrdhvamadhomukham || 27 ||
[Analyze grammar]

dvijo vā śilpinā kanyā yad brūyādadhivāsitā |
tacchiraḥ syāt tato vakraṃ kalpayedavikalpitam || 28 ||
[Analyze grammar]

prākpaścimaśirā grāhyā prākpratyagdvāraveśmanoḥ |
alābhe yāmyasaumyāgrā koṇāgrā tu na śasyate || 29 ||
[Analyze grammar]

sthaṇḍile devamiṣṭvā'dau brāhmaṇaiḥ svasti vācayet |
sudine prāśya dadhyannaṃ rakṣāmaṅgalapūrvakam || 30 ||
[Analyze grammar]

śastrāṇyastreṇa sampūjya śobhanānyabhidhāya ca |
śastrāṇyastreṇa sampūjya prāṅmukho vā'pyudaṅmukhaḥ || 31 ||
[Analyze grammar]

maṅgalāni ca sandṛśya nimittāni parīkṣya ca |
pratimārthaṃ tu nirgacchedācāryaḥ śilpibhiḥ saha || 32 ||
[Analyze grammar]

vidyārājñīṃ sadā dhyāyannagrato'rghyakaraḥ sthitaḥ |
nimittaiḥ śobhanairgacchet kṛtvaivaṃ punaranyathā || 33 ||
[Analyze grammar]

nirgatastu śilāṃ paśyet tadāprabhṛti nityaśaḥ |
pratimāṃ kārayet kartā tatkarmāntaṃ haviṣyabhuk || 34 ||
[Analyze grammar]

someśendreṣu na syāccet tādṛśī śobhanā śilā |
siddhaṃ śilākaraṃ gacchet kṛtvā digyajanaṃ punaḥ || 35 ||
[Analyze grammar]

diśo vilokya cāstreṇa rakṣāmaṅgalapūrvakam |
tatrādhivāsanaṃ kuryādācāryaḥ prayato niśi || 36 ||
[Analyze grammar]

śilāyā maṇḍapaṃ kṛtvā pariśritya samantataḥ |
caturdikṣu patākābhiścaturvarṇābhiranvitam || 37 ||
[Analyze grammar]

iṣṭvā hariṃ ca digdevān bhūtakrūrabaliṃ haret |
devāgre darbhaśayyāyāmupoṣya niyatendriyaḥ || 38 ||
[Analyze grammar]

ācāryaḥ susthito viṣṇuṃ dhyātvā mantramudīrayet |
namaḥ sakalalokāya viṣṇave prabhaviṣṇave || 39 ||
[Analyze grammar]

viśvāya viśvarūpāya svapnādhipataye namaḥ |
tenāṣṭaśatajaptena tataḥ savpnaṃ sa paśyati || 40 ||
[Analyze grammar]

śobhanaṃ syācchubhe svapne kartavyā śāntiranyathā |
śobhanāṃ tu śilāṃ jñātvā varṇaṃ liṅgaṃ śirastathā || 41 ||
[Analyze grammar]

udbudhyasveti mantreṇa lāñchayet tatra tatra tu |
ācāryo'streṇa kṛtvaivaṃ śilpibhirgrāhayet tataḥ || 42 ||
[Analyze grammar]

devamiṣṭvā baliṃ dattvā kṛtvā'tha svastivācanam |
śilāṃ rathe samāropya prayatnādānayet tataḥ || 43 ||
[Analyze grammar]

rathaśilpivikārādau śatamastreṇa homayet |
dhvajādighoṣaiḥ paryetya śālāyāmuttare nyaset || 44 ||
[Analyze grammar]

saṃkalpya pratimāmekāṃ śilāyāṃ vṛkṣa eva vā |
nānyāṃ tu pratimāṃ kuryāt kṛtā bhavati niṣphalā || 45 ||
[Analyze grammar]

svayamutpāditā mukhyā krītā dravyaistu madhyamā |
viditāvayavaiḥ śuddhā yā hradādiṣu sā'dhamā || 46 ||
[Analyze grammar]

śilāyāmiva saṃskāraḥ kartavyo dārukarmaṇi |
dārucandanaśamyākamadhūkāsanabilvakāḥ || 47 ||
[Analyze grammar]

saralaḥ spandanaḥ sālaḥ stabakaḥ stambhakastimiḥ |
varaṇastindukāśokaparṇīpanasaśiṃśapāḥ || 48 ||
[Analyze grammar]

anye'pi yājñikā vṛkṣāḥ sāravantaśca śobhanāḥ |
ṛjuḥ snigdhaḥ samo'śākhaḥ śubhadeśodbhavo ghanaḥ || 49 ||
[Analyze grammar]

agarbhavraṇarandhrādirdṛḍhamūlaḥ śubho mataḥ |
dakṣiṇapravaṇaḥ śuṣko dagdhaḥ pakṣigrahāśrayaḥ || 50 ||
[Analyze grammar]

patitaścaityavalmīkacitādisthaśca neṣyate |
adhobhāgaṃ tu saṃśodhya darbhānāstīrya sarvataḥ || 51 ||
[Analyze grammar]

gāyatrīparipūtena sarvataḥ prokṣya vāriṇā |
hutvā'nenaiva mantreṇa kṣīravṛkṣasamicchatam || 52 ||
[Analyze grammar]

yatparaṃ vaiṣṇavaṃ tattvaṃ yacca bhāgavataṃ punaḥ |
tatsarvamekasaṃlīnamasmin dehe vibudhyatām || 53 ||
[Analyze grammar]

dharmaṃ puṇyaṃ tathā satyaṃ sarvamekatra vartatām |
vṛkṣa lokasya śāntyarthaṃ gaccha devālayaṃ śubham || 54 ||
[Analyze grammar]

devatvaṃ yāsyase tatra dāhacchedavivarjitam |
jalapuṣpapradānena sadhūpairbalibhistathā || 55 ||
[Analyze grammar]

lokāstvāṃ pūjayiṣyanti tato yāsyasi nirvṛtim |
gandhapuṣpaiśca saṃpūjya baliṃ dattvā ca pūrvavat || 56 ||
[Analyze grammar]

svapnaṃ dṛṣṭvā dvijāyoktvā śobhanānyabhidhāya ca |
pūrvottaramukho mantrī japtvedaṃviṣṇurityṛcam || 57 ||
[Analyze grammar]

madhvājyāktakuṭhāreṇa smṛtvā'straṃ chettumārabhet |
divā vārebhiretyevaṃ pātaṃ tasya samuddharet || 58 ||
[Analyze grammar]

somendreśeṣu tatpātaḥ subho'nyatra na śasyate |
bhagne'smin kārayecchāntiṃ mahāvyāhṛtihomataḥ || 59 ||
[Analyze grammar]

agnaāyāhimantreṇa patitaṃ sodhayed drumam |
caturaśraṃ tataḥ kṛtvā rathenāśmavadānayet || 60 ||
[Analyze grammar]

mṛttikā'pyevamāneyā savarṇā doṣavarjitā |
puṇyādāyatanād ramyāduddhṛtāsīti cāhṛtā || 61 ||
[Analyze grammar]

apakvaṃ pārthivaṃ śastaṃ pakvamatra vigarhitam |
kapilājyātasītailakaṣāyaiścūrṇasaṃyutām || 62 ||
[Analyze grammar]

śrīveṣṭakādisaṃyuktāṃ peṣayitvā punaḥ punaḥ |
māsapakṣoṣitāṃ kṛtvā kārayet pratimāṃ tataḥ || 63 ||
[Analyze grammar]

saṃskṛtaṃ pratimāśūlamadhivāsyāgramaṇḍape |
ratnanyāsaṃ purā kṛtvā muhūrte stāpayed guruḥ || 64 ||
[Analyze grammar]

lohe sikthamayīmarcāṃ kārayitvā mṛdāvṛtām |
suvarṇādīni saṃśodhya vidrāvyāṅgāravat punaḥ || 65 ||
[Analyze grammar]

kuśalaiḥ kārayed yatnāt sampūrṇāṃ sarvatoghanām |
puṣṭidā'rcā tu sauvarmī rājatī kirttidā smṛtā || 66 ||
[Analyze grammar]

tāmrajā dhanaputrārthā maṇijā sukhadā bhavet |
dārujā śrīkarī jñeyā mṛnmayī sarvakāmadā || 67 ||
[Analyze grammar]

ekaberaṃ śilāloharatnadhātumayaṃ bhavet |
bahuberaṃ tu mṛddārukṛtamālekhyameva ca || 68 ||
[Analyze grammar]

prāsāda eva tu sthāpyā yā śilādārumṛnmayī |
pratimā'nyā gṛhe pūjyā prāsāde ca yathāvidhi || 69 ||
[Analyze grammar]

aṅguṣṭhādivitastyantaṃ gṛhe saṃsthāpya pūjayet |
prāsāde cordhvamāhastāt paraṃ prāsāda eva tu || 70 ||
[Analyze grammar]

jaṅgamaṃ pūjayennityamāvāhanavisargataḥ |
nāvāhanavisargābhyāmekaberaṃ pratiṣṭhitam || 71 ||
[Analyze grammar]

karmārcāṃ lohajāṃ kṛtvā pādamātrāṃ śubhānanām |
mūlānurūpasaṃsthānāṃ śodhayitvā yathāvidhi || 72 ||
[Analyze grammar]

tasyāmāvāhya sampūjya lepyādau visṛjet punaḥ |
dvārocce'ṣṭāṃśahīne syāt tribhakte'rcā dvibhāgikā || 73 ||
[Analyze grammar]

navāṃśone samaste vā pādonā vā'pi tatsamā |
uttamaṃ pārthive mānaṃ dārave madhyamaṃ bhavet || 74 ||
[Analyze grammar]

maṇije cādhamaṃ jñeyamicchayā'nyatra kalpayet |
uttamā daśatālārcā navatālā tu madhyamā || 75 ||
[Analyze grammar]

aṣṭatālādhamā jñeyā devyaḥ syuścāṣṭatālikāḥ |
daśadhā navadhā ceṣṭaṃ mānaṃ kṛttvaikamaṃśakam || 76 ||
[Analyze grammar]

bhaṅkttvā dvādaśadā jñeyaṃ svāṅgulaṃ yena mīyate |
grīvāhṛnnābhimeḍhrāntaṃ mukhamānena kalpayet || 77 ||
[Analyze grammar]

tad bhaṅkttvā mūrdhni kaṇṭhāṅghrijānudeśe samaṃ nyaset |
jaṅghorū dviguṇau kāryau bāhū cājānulambinau || 78 ||
[Analyze grammar]

kiñcidūnāḥ pramāṇena jñeyāścaivopabāhavaḥ |
kirīṭamadhikaṃ kuryāt padmaṃ nālaṃ ca mānataḥ || 79 ||
[Analyze grammar]

tiryak ṣoḍaśasūtrāṇi saptordhvāni ca kalpayet |
tiryagūrdhvagataiḥ sūtrairmukhe dvādaśadhā kṛte || 80 ||
[Analyze grammar]

keśapañcamasūtrasthaṃ madyaikāntaritaṃ dvayoḥ |
padayorakṣiṇī kārye padamānena vistṛte || 81 ||
[Analyze grammar]

tayormadhye śubhā nāsā kāryākṣidviguṇāyatā |
tāre sṛkvāntasūtrasthe kaṃbīrau puṭasaṃmitau || 82 ||
[Analyze grammar]

kuryād bhrūsūtragau karṇau netre netrāntarāyate |
tārake tatrtribhāgasthe jyotiṣī tatrtribhāgataḥ || 83 ||
[Analyze grammar]

netravannāsikāgroccaṃ nimnaṃ mūlaṃ tadardhataḥ |
niṣpāvābhau nimnapuṭau bhrūmadyaṃ netramadhyavat || 84 ||
[Analyze grammar]

adharastatsamo'nyoṣṭhagojikāmānamardhataḥ |
karṇāyāmastu nāsāvad vistāraśca tadagravat || 85 ||
[Analyze grammar]

tuṭukau netrasūtrasthau tadvistāreṇa sammitau |
lalāṭakaṇṭhavistāro nāsikādviguṇo mataḥ || 86 ||
[Analyze grammar]

cibuko karṇamūlāt tu nāsikā dviguṇāyatā |
stanāntaraṃ mukhaṃ vidyād dviguṇaṃ caiva kakṣayoḥ || 87 ||
[Analyze grammar]

kaṇṭhād dviguṇa eveṣṭo nābhideśe tu vistaraḥ |
kaṭau netrādhikstryaṃśaṃ stanakakṣāntaraṃ viduḥ || 88 ||
[Analyze grammar]

tāvat kakṣāṃsamadhyaṃ ca kārayet skandhamunnatam |
kaṭivat sandhikakṣāntaṃ prakoṣṭhaṃ nāsikādikam || 89 ||
[Analyze grammar]

tatra madhyamayormānaṃ nāsikādharayogataḥ |
kalpayedardhaparvone tathā tarjanyanāmike || 90 ||
[Analyze grammar]

tayorapyardhaparvone tathāṅguṣṭhakaniṣṭhike |
tale netrādhikāyāme madyamāyāmavistare || 91 ||
[Analyze grammar]

tatrāṅguṣṭhapradeśinyornetrasammitamantaram |
antaraṃ madhyamātulyaṃ kaniṣṭhāmaṇibandhayoḥ || 92 ||
[Analyze grammar]

maṇibandhastu nāsāvat tato'ṅguṣṭhāntaraṃ tathā |
dviguṇo bāhuvistāro netronaṃ caiva korpare || 93 ||
[Analyze grammar]

sarvatra triguṇo'nāho bāhū gopucchavacchubhau |
madyamāparvaṇī pūrve same śeṣaṃ tadardhakam || 94 ||
[Analyze grammar]

aṣṭāṃśonāni parvāṇi tato deśinyanāmayoḥ |
pādonāni kanīyasya yoktavyānyanurūpataḥ || 95 ||
[Analyze grammar]

tarjanīmadhyamāparvasame cāṅguṣṭhaparvaṇī |
sarvāṅgulīṣu kāryāḥ syuragraparvārdhato nakhāḥ || 96 ||
[Analyze grammar]

nāho'ṅguṣṭhasya nāsāvadaṣṭāṃśonastato'nyayoḥ |
ttataścaivaṃ kaniṣṭhāyā vṛtte bhujasame sphijau || 97 ||
[Analyze grammar]

ūrū mukhavadakṣyūnaṃ jānu jaṅghā mukhārdhataḥ |
mukhāyatatalau pādau purastājjaṅghayā samau || 98 ||
[Analyze grammar]

kūrmonnatau kramāduccau tatrāṅguṣṭhau tadardhakau |
pradeśinyau ca tattulye hīnāḥ śeṣā nakhānnakham || 99 ||
[Analyze grammar]

anaṅguṣṭhāsriparvāṇo nakhā raktārdhacandravat |
nāho'ṅguṣṭhe'nyamadhyāvat tarjanyaṅguṣṭhadairghyavat || 100 ||
[Analyze grammar]

aṣṭāṃśonāḥ kramādanyāḥ kārayedanurūpataḥ |
karṇapāśau ca keśāśca bhūṣāvastrāyudhāni ca || 101 ||
[Analyze grammar]

sanniveśāśca yoktavyā yathāśebhaṃ vijānatā |
viśāladhavalātāmre pakṣmale caiva locane || 102 ||
[Analyze grammar]

sādhāraṇīva dṛṣṭiḥ syāt paśyatāṃ nādhaūrdhvagā |
paṭe vā lekhayitvaivaṃ taṃ paṭaṃ sādhakaḥ svayam || 103 ||
[Analyze grammar]

ekānte tu pratiṣṭhāpya pūjayennityamādarāt |
bimboccārdhaṃ tu pīṭhoccamāyāmo bimbamānataḥ || 104 ||
[Analyze grammar]

keśāntamukhamāno vā pdamatulyo jalāśrayaḥ |
nādhikaṃ pīṭhamiṣṭaṃ tu jaṅgamasya ṣaḍaṅgulāt || 105 ||
[Analyze grammar]

aṅgulābhyāṃ naca nyūnaṃ lohajasyaikayonikam |
śailamanyatra vijñeyaṃ ratnajānāṃ tu lohajam || 106 ||
[Analyze grammar]