Chapter 5

atha pañcamaḥ paṭalaḥ ||
atha vakṣyāmi saṃkṣopānmantroddhāravidhiṃ param |
yasmin samyakkṛte mantrā vīryavantaḥ syuriṣṭadāḥ || 1 ||
[Analyze grammar]

vivikte susame deśe śucau snigdhe manorame |
puṣpaprakarasaṃkīrṇe mantroddhāraṃ samācaret || 2 ||
[Analyze grammar]

srātvā'cāntaḥ kṛtanyāso gandhapuṣpādyalaṅkṛtaḥ |
sānugaḥ prayato mantrī sūtrapātaṃ prakalpayet || 3 ||
[Analyze grammar]

catuṣṣaṣṭipadaṃ kṛtvā candanena sugandhinā |
ādihāntāṃ samālikhya mātṛkāmaṣṭavirgiṇīm || 4 ||
[Analyze grammar]

ādipaṅkau dviśo vargaṃ vargaśo'nyatra cāntataḥ |
nādāt sarvagatādaṣṭavargotpattimanusmaret || 5 ||
[Analyze grammar]

nādo'kāraḥ svayaṃ jāto vāsudevātmakastataḥ |
saṃkarṣaṇākhyayā'kāra ikāraśca śivākhyayā || 6 ||
[Analyze grammar]

īkāraśca tato jātastau ca saṃkarṣaṇātmako |
brahmokāro'ta ūkāraḥ pradyumanākhyau ca tau smṛtau || 7 ||
[Analyze grammar]

haṃsākhyo'smādṛkāro'ta ṛkāraścāniruddhakaḥ |
lṛkāro mahadākhyo'ja lṝkāraśca tato'jani || 8 ||
[Analyze grammar]

tato rudrākhya ekāra aikāraścāpyanantaraḥ |
prajāpatyākhya okāra aukāraśca tadātmakaḥ || 9 ||
[Analyze grammar]

bindustasmāddharīśātmā visargo'smācca te svarāḥ |
tasmāddharīśād brāhmyādimātṛbhedena saptadhā || 10 ||
[Analyze grammar]

kādivargā yaśādī ca nyastavyāste'nyapaṅktiṣu |
evaṃ sarasvatīṃ devīmaṣṭavargātmikāṃ subhām || 11 ||
[Analyze grammar]

gandhapūṣpairyajed varṇadevatānāmabhiḥ kramāt |
tato gāruḍamaśvibhyāmuddhṛtaṃ varṇahārakam || 12 ||
[Analyze grammar]

yamākhyamodvayaṃ ceṣṭvā tena mantrān samuddharet |
praṇavāṣṭākṣaroddhāre vāsudevaḥ svayaṃ bhavet || 13 ||
[Analyze grammar]

ṣaṭke saṃkarṣaṇo brahmā gāyatryāṃ cākrike haraḥ |
pradyumnastvajitoddhāre nārasiṃhe'niruddhakaḥ || 14 ||
[Analyze grammar]

vāsudevādibhiḥ sve sve bījamantrāśca hetayaḥ |
ādityenaiva tūddhāryāḥ pañcopaniṣadādayaḥ || 15 ||
[Analyze grammar]

ādyādimuddharet pūrvaṃ punastatraiva pañcamam |
ṣaṣṭhāntaṃ cādivargonaṃ trayamekatra yojayet || 16 ||
[Analyze grammar]

etat tat paramaṃ tattvamakṣaraṃ paramaṃ padam |
anenaivārcanaṃ viṣṇorjapo homaśca mokṣadaḥ || 17 ||
[Analyze grammar]

tridevaguṇavedāgnisandhyālokadaśāsvayam |
vedādirakṣaravyāptyā sarvamantrāditāṃ gataḥ || 18 ||
[Analyze grammar]

pañcamāntaṃ paraṃ tārāt ṣaṣṭhāntaṃ satrayodaśam |
devanāma caturthyantamityetanmantralakṣaṇam || 19 ||
[Analyze grammar]

evaṃ ṣaḍakṣaro mantro nirbījo'ṣṭākṣarastathā |
dviṣaṭke bhagavacchabdo namaskārāt paro bhavet || 20 ||
[Analyze grammar]

bījaṃ tārādinatyantaṃ sarvatrākhyā na cet parā |
yatrā'khyā tu caturthyantā namaskārastadā'ntataḥ || 21 ||
[Analyze grammar]

caturthamaṣṭame bījamādiṣaṣṭhāntabindukam |
hṛdayaṃ tadabījasya viṣṇubījaṃ ca yad viduḥ || 22 ||
[Analyze grammar]

dvitīyādyaṃ śiraścāsya bindvantamupakalpayet |
aṣṭamādyaṃ śikhābījaṃ tṛtīyasvarabheditam || 23 ||
[Analyze grammar]

caturthaṃ kavacaṃ cāntye pañcamasvarabindumat |
tadevāstraṃ bhavet tasya ṣoḍaśasvarasaṃyutam || 24 ||
[Analyze grammar]

etat pañcāṅgamuddiṣṭaṃ nirbījasya ṣaḍātmanaḥ |
yadākhyājātibhiryuktaṃ sarvakāmapradaṃ viduḥ || 25 ||
[Analyze grammar]

hṛdbījaṃ mūlamaṅgāni dvicatuṣṣaṣṭhayogataḥ |
netrāntāni ṣaḍapyāhurdvādaśāntyacaturdaśaiḥ || 26 ||
[Analyze grammar]

namontāni nirākhyāni sākhyāni tu sabījake |
praṇavānantaraṃ bījamanante cennamonvitam || 27 ||
[Analyze grammar]

sabījasyedamuddiṣṭaṃ mūlamantrasya lakṣaṇam |
tārāt sabindukairvarṇaiḥ svarabheditabījakaiḥ || 28 ||
[Analyze grammar]

namontākhyaiḥ ṣaḍaṅgāni netrāntaṃ tat prakalpayet |
hṛdayaṃ kundasaṅkāśaṃ śiro bhinnāñjanaprabham || 29 ||
[Analyze grammar]

śikhā tu piṅgalā jñeyā kavacaṃ hemasannibham |
vidyudākāramastraṃ syānnetraṃ jvalanasannibham || 30 ||
[Analyze grammar]

jñānasantoṣanityatvasvātantryāvighnavaibhavaiḥ |
hṛdayādiguṇairyuktaḥ sakalo'nugrahādikṛt || 31 ||
[Analyze grammar]

svāhākāravaṣaṭkārau home śāntikapauṣṭike |
namaskāro japārcādāvaiśvarye praṇavo'ntataḥ || 32 ||
[Analyze grammar]

ādau tāranamomadhye bindvantāḥ ṣoyarāvalāḥ |
parāya bhagavatsthāne pañcopaniṣadādiṣu || 33 ||
[Analyze grammar]

prathamaḥ parameṣṭhyātmā puruṣātmā tathāparaḥ |
viśvātmā'tha nivṛttyātmā sarvātmā pañca te smṛtāḥ || 34 ||
[Analyze grammar]

āvāhane visarge ca yojyāḥ pañca kramotkramāt |
prokṣaṇe śāntihome ca dravyaśuddhau ca kīrtitāḥ || 35 ||
[Analyze grammar]

puruṣaḥ prakṛtiścobhau jīvaprāṇasamāhvayau |
buddhyahaṃkārasaṅkalpāstanmātrāṇīndriyāṇi ca || 36 ||
[Analyze grammar]

bhūtāni ceti bindvantairmādikāntairanukramāt |
pañcaviṃśatitattvāni vijñātavyāni deśikaiḥ || 37 ||
[Analyze grammar]

aṣṭamāntyaṃ svarāntyābhyāṃ kāladiṅmantrayoḥ kramāt |
khakāro vainateyasya vighneśasya tataḥ param || 38 ||
[Analyze grammar]

kālabījamanantasya dīrghairaṅgāni tasya ṣaṭ |
akṣabījaṃ tu varṇāntyaṃ cakramaṇḍalakalpane || 39 ||
[Analyze grammar]

padmasya praṇavo'syāṃśāḥ patrakesarakarṇikāḥ |
hrasvākṣarāṇi bījāni nābhisthe savanatraye || 40 ||
[Analyze grammar]

asaṃvṛtasvaraiḥ kālamaramāseṣu yojayet |
avisargaiḥ svarairādyairvāmadakṣiṇapārśvayoḥ || 41 ||
[Analyze grammar]

rāśīnāṃ tairvisargādyairapyūhyāstithayo dvidhā |
aśvayukprabhṛtīnyeṣu nakṣatrāṇi yathākramam || 42 ||
[Analyze grammar]

bindvantairādikāntaistu hādimāntairnava grahāḥ |
arkādayaḥ svarāśisthā rāhuketū ca yadgatau || 43 ||
[Analyze grammar]

sakāraśca ṣakāraśca nemyorantarbahiṣṭhayoḥ |
prakṛtyādīni tattvāni yojyānīha pṛthak kramāt || 44 ||
[Analyze grammar]

dvādaśākṣarabījaistu yojyā viṣṇvādayo'ragāḥ |
ṛtavo mūlabījaistu vasantādya yathākramam || 45 ||
[Analyze grammar]

cakramaṇḍalayāge tu viśeṣo'yamihoditaḥ |
bhadrakasthaṇḍilārcāsu na mantrāḥ kālasaṃśrayāḥ || 46 ||
[Analyze grammar]

nāmāṣṭakadviṣaṭkasthaṃ vidmahedhīmahenvitam |
krameṇa kalpayet tanno viṣṇurante pracodayāt || 47 ||
[Analyze grammar]

gāyatrī vaiṣṇavī jñeyā sarvapāpaharā tviyam |
yad dattamanayā sarvaṃ pratigṛhṇāti devarāṭ || 48 ||
[Analyze grammar]

upacāre ca yoktavyā pakve pūrṇāhutau ca sā |
sahasrāreti saṃkīrtya huṃkāraṃ phaṭ ca yojayet || 49 ||
[Analyze grammar]

ṣaḍakṣaramidaṃ jñeyaṃ sudarśanamakhaṇḍitam |
kṣudrabhūtapiśācādivāraṇaṃ roganāśanam || 50 ||
[Analyze grammar]

sacaturdaśabindvantyaṃ nārasiṃhaṃ ca tādṛśam |
vilomāṣṭamavargārṇaistārapūrvairabindubhiḥ || 51 ||
[Analyze grammar]

vāsudevādayo yojyā namontā dikṣu mūrtayaḥ |
dīrghaistaireva koṇeṣu śāntiḥ śrīśca sarasvatī || 52 ||
[Analyze grammar]

ratiśceti kramād yojyāścatasro mūrtiśaktayaḥ |
aṣṭamasyādibījaṃ tu dvisaptāntena saṃyutam || 53 ||
[Analyze grammar]

saptamasya dvitīyaṃ ca tṛtīyaṃ ca tathā bhavet |
dvitīyasya tṛtīyaṃ ca tṛtīyāvaraṇe kramāt || 54 ||
[Analyze grammar]

dīrgho'ntyādistu bindvanto dvitīyasya dvitīyakaḥ |
bindvekādaśasaṃyuktaḥ so'ntyādiśca sabindukaḥ || 55 ||
[Analyze grammar]

dikkoṇeṣu kramādaṣṭau bījāni kathitāni ca |
vargādibhiḥ kramād bījairindrādyāḥ paritaḥ smṛtāḥ || 56 ||
[Analyze grammar]

vajrādayo'stramantrāśca tadvitīyaiḥ sabindubhiḥ |
viṣvakseno'ntavauṃkāro namontaḥ parikīrtitaḥ || 57 ||
[Analyze grammar]

sarvāsāṃ devatānāṃ tu guṇaśaktisamanvayāt |
bījāni kalpayed vidvān pañcarātraviśāradaḥ || 58 ||
[Analyze grammar]

akṣarāṇi tu vāk proktā na sā prakṣīyate kila |
tasmād varṇe gṛhīte'pi na śūnyaṃ puṭamucyate || 59 ||
[Analyze grammar]

vyañjanāni svarānatra gṛhṇīyācca pṛthak pṛthak |
tad gṛhītaṃ gṛhītaṃ ca sandhayitvānyaduddharet || 60 ||
[Analyze grammar]

sakalīkaraṇaṃ nāma mantrasaṃskāra uttamaḥ |
tasmāduddharaṇaṃ kāryamiṣṭvā koṣṭheṣu mātṛkām || 61 ||
[Analyze grammar]

anakṣareṣu koṣṭheṣu pūjayenmantramuddhṛtam |
evaṃ samuddhṛtā mantraḥ praṇavoddīpitākṣarāḥ || 62 ||
[Analyze grammar]

vīryavanto bhaviṣyanti bhuktimuktiphalapradāḥ |
gatvaikānte śucau deśe srātācānto jitendriyaḥ || 63 ||
[Analyze grammar]

maṇḍale devamārādhya sāṅgaṃ sāvaraṇaṃ kramāt |
japet ṣaḍviṃśatiṃ lakṣān vratastho'nanyamānasaḥ || 64 ||
[Analyze grammar]

tilānāṃ ghṛtamiśrāṇāṃ sahasraṃ caiva homayet |
tatastu sidhyate mantro varadaścāpi jāyate || 65 ||
[Analyze grammar]

saptalokyaṃ yadiṣṭaṃ syādātmanaḥ sukhasādhanam |
tadbhogyatvamanenāśu yāti dhyānaprayogataḥ || 66 ||
[Analyze grammar]

devaśaktiramoghaiṣā na kvacit pratihanyate |
devadānavayakṣeṣu kimpunarmānuṣe jane || 67 ||
[Analyze grammar]

yakṣiṇī kinnarī cātha divyayoṣā ca mānuṣī |
tasya ṣaṭpañcasaptaikamāsataḥ kiṃkarī bhavet || 68 ||
[Analyze grammar]

nāma saṃkīrtya sādhyāyā bījānte vaśametviti |
bījamante ca yoktavyaṃ jvaladvahnisphuliṅgamuk || 69 ||
[Analyze grammar]

kruddhaṃ plutaprayogeṇa sādhayedacirād balāt |
evamevābhicāreṣu phaṭkārāntaṃ prayojayet || 70 ||
[Analyze grammar]

nāmānte nāśamāyātu viśeṣo'yaṃ ca vidyate |
nāmānte nāma ityuktvā tato bījaṃ vicintayet || 71 ||
[Analyze grammar]

ākarṣe ca vaśīkāre viśeṣo'yamihoditaḥ |
visaṃjñaṃ vihvalaṃ sādhyamāyāntaṃ cintayedalam || 72 ||
[Analyze grammar]

kalaśo hemaratnāḍhyastaddhṛto'viratāṃ vahan |
dhyeyaḥ svapurato dhārāṃ dhanasyāparimāṇataḥ || 73 ||
[Analyze grammar]

bhūtikāmasya yogo'yaṃ nāmnā vaiśravaṇasya hi |
prayacchatviti nāmānte vasunāma sanāmakam || 74 ||
[Analyze grammar]

vaśīkāre parāṃ kanyāmāpnoti ciramabhyasan |
labhyatāmiti nāmānte tasyāḥ saṃparikīrtayet || 75 ||
[Analyze grammar]

uccāṭe gacchatu jñeyamāyātvānayane'bhyaset |
prītāvāvahatu prītiṃ vidveṣe dveṣamṛcchatu || 76 ||
[Analyze grammar]

yat sisādhayiṣurvidvānidaṃ siddhaṃ punarjapet |
tasya sidhyatitat kṣipraṃ kintu śraddhābiyogataḥ || 77 ||
[Analyze grammar]

hṛdbījaṃ tu plutaṃ cintyaṃ jvaladaṣṭatanau sthitam |
anenaivātmanaḥ kṛtvā sakalīkaraṇaṃ tanau || 78 ||
[Analyze grammar]

yena yena svareṇaitad yuktaṃ yatra niyujyate |
tadetat sādhayatyāśu na moghamiti dāraṇā || 79 ||
[Analyze grammar]