Chapter 38

[English text for this chapter is available]

śrīprahlāda uvāca |
dvārakāyāśca māhātmyaṃ śṛṇu pautra mayoditam |
śṛṇvato gadataścāpi muktiḥ kṛṣṇādbhaveddhruvam || 1 ||
[Analyze grammar]

putreṇa lokāñjayati pautreṇānantyamaśnute |
atha putrasya pautreṇa nākamevādhirohati || 2 ||
[Analyze grammar]

yasya putraḥ śucirdakṣaḥ pūrve vayasi dhārmikaḥ |
viṣṇubhaktiṃ ca kurute taṃ putraṃ kavayo viduḥ || 3 ||
[Analyze grammar]

hemaśṛṃgaṃ raupyakhuraṃ savatsaṃ kāṃsyadohanam |
savastraṃ kapilānāṃ tu sahasraṃ ca dinedine || 4 ||
[Analyze grammar]

dattvā yatphalamāpnoti brāhmaṇe vedapārage |
tatphalaṃ snānamātreṇa gomatyāṃ madhubhiddine || 5 ||
[Analyze grammar]

yastvekaṃ bhojayedvipraṃ dvārakāyāṃ ca saṃsthitam |
subhikṣe bho dvijaśreṣṭhāḥ phalaṃ lakṣaguṇaṃ bhavet || 6 ||
[Analyze grammar]

phalaṃ lakṣaguṇaṃ proktaṃ durbhikṣe kṛṣṇasannidhau |
evaṃ dharmānusāreṇa dayādbhikṣāṃ tu bhikṣuke || 7 ||
[Analyze grammar]

api naḥ sa kule kaścidbhaviṣyati narottamaḥ |
yo yatīno kalau prāpte pitṝnuddiśya dāsyati || 8 ||
[Analyze grammar]

dvārakāyāṃ viśe ṣeṇa satkṛtya kṛṣṇasannidhau |
annadānaṃ yatīnāṃ tu kaupīnācchādanāni ca || 9 ||
[Analyze grammar]

nātmanaḥ kratubhiḥ sviṣṭairnāsti tīrthaiḥ prayojanam |
yatra vā tatra vā kāryyaṃ yatīnāṃ prīṇanaṃ sadā || 10 ||
[Analyze grammar]

śvapacādayo'pi te dhanyā ye gatā dvārakāṃ purīm |
prāpya bhāgavatānye vai pitṝnuddiśya putrakāḥ || 11 ||
[Analyze grammar]

bhaktyā saṃpūjayiṣyaṃti vastrairdānaiśca bhūribhiḥ || 12 ||
[Analyze grammar]

gayāpiṃḍena nāsmākaṃ tṛptirbhavati tādṛśī |
yādṛśī viṣṇubhaktānāṃ satkāreṇopa jāyate || 13 ||
[Analyze grammar]

vaiśākhe ye kariṣyaṃti dvādaśīṃ kṛṣṇasannidhau |
kṛṣṇaṃ saṃpūjayantaśca rātrau kurvaṃti jāgaram || 14 ||
[Analyze grammar]

māhātmyaṃ paṭhanīyaṃ tu dvārakāsaṃbhavaṃ śubham |
kṛṣṇasya bālacaritaṃ bālakṛṣṇādidarśanam || 15 ||
[Analyze grammar]

krīḍanaṃ gokulasyaiva krīḍā gopījanasya ca |
kṛṣṇāvatārakarmāṇi śrotavyāni punaḥpunaḥ || 16 ||
[Analyze grammar]

rukmaśṛṃgīṃ raupyakhurīṃ muktālāṃgūlabhūṣitām |
savatsāṃ brāhmaṇe dattvā homārthaṃ cāhitāgnaye || 17 ||
[Analyze grammar]

nimiṣasparśanāṃśena phalaṃ kṛṣṇasya jāgare |
yatkiṃcitkurute pāpaṃ koṭijanmasu mānavaḥ |
kṛṣṇasya jāgare rātrau dahate nātra saṃśayaḥ || 18 ||
[Analyze grammar]

paṭhedbhāgavataṃ rātrau purāṇaṃ dayitaṃ hareḥ |
yāvatsūryyakṛtā'loko yāvaccandrakṛtā niśā || 19 ||
[Analyze grammar]

yāvatsasāgarā pṛthvī yāvacca kulaparvatāḥ |
tāvatkālaṃ vasetsvarge nānyathā mama bhāṣitam || 20 ||
[Analyze grammar]

āsphoṭayaṃti pitaraḥ praharṣaṃti pitāmahāḥ |
evaṃ taṃ svasutaṃ dṛṣṭvā śṛṇvānaṃ kṛṣṇasaṃbhavam || 21 ||
[Analyze grammar]

dvārakāyāśca māhātmyaṃ yatra no jāgare paṭhet |
tanmlecchasadṛśaṃ sthānamapavitraṃ parityajet || 22 ||
[Analyze grammar]

śāligrāmaśilā naiva yatra bhāgavatā na hi |
tyajettīrthaṃ mahāpuṇyaṃ puṇyamāyatanaṃ tyajet || 23 ||
[Analyze grammar]

tyajedguhyaṃ tathā'raṇyaṃ yatra na dvādaśīvratam || 24 ||
[Analyze grammar]

sudeśo'pi bhavenniṃdyo yatra no vaiṣṇavā vratam |
kudeśo'pi bhavetpuṇyo yatra bhāgavatāḥ kalau || 25 ||
[Analyze grammar]

saṃkīrṇayonayaḥ pūtā ye bhaktā madhusūdane |
mlecchatulyāḥ kulīnāste ye na bhaktā janārdane || 26 ||
[Analyze grammar]

rathārūḍhaṃ prakurvaṃti ye kṛṣṇaṃ madhumādhave |
muktiṃ prayāṃti te sarve kulakoṭisamanvitāḥ || 27 ||
[Analyze grammar]

devakīnandanasyārthe rathaṃ kārāpayanti ye |
kalpāṃtaṃ viṣṇuloke te vasanti pitṛbhiḥ saha || 28 ||
[Analyze grammar]

dvārakāyāstu māhātmyaṃ śrāvayedyaḥ kalau nṛṇām |
bhāvamutpādayedyo vai labhetkratuśataṃphalam || 29 ||
[Analyze grammar]

yo nārcayati pāpiṣṭho devamanyatra gacchati |
koṭijanmārjitaṃ puṇyaṃ harate rukmiṇīpatiḥ || 30 ||
[Analyze grammar]

śaṃkhoddhārasamudbhūtāṃ nityaṃ dehe bibhartti hi |
mṛttikāṃ daityarājendra śṛṇu vakṣyāmi yatphalam || 31 ||
[Analyze grammar]

yo dadāti yatīnāṃ ca vaiṣṇavānāṃ prayacchati |
svarṇabhāraśataṃ puṇḍraṃ nityaṃ prāpnoti mānavaḥ || 32 ||
[Analyze grammar]

gṛhe yasya sadā tiṣṭhecchaṃkhoddhārasya mṛttikā |
nitya kriyākṛtaṃpuṇyaṃ labhetkoṭiguṇaṃ bale || 33 ||
[Analyze grammar]

yasya puṇḍraṃ lalāṭe tu gopīcaṃdanasaṃjñakam |
na jahāti gṛhaṃ tasya lakṣmīḥ kṛṣṇapriyā dvijāḥ || 34 ||
[Analyze grammar]

na graho bādhate tasya norago na ca rākṣasaḥ |
piśācā na ca kūṣmāṃḍā na ca pretā na jaṃbhakāḥ || 35 ||
[Analyze grammar]

nāgnicaurabhayaṃ tasya darīṇāṃ caiva bandhanam |
vidyudulkābhayaṃ caiva na cotpātasamudbhavam || 36 ||
[Analyze grammar]

nāriṣṭaṃ nāpaśakunaṃ durnimittādikaṃ ca yat |
satkṛte viṣṇubhakte ca śāligrāmaśilārcane || 37 ||
[Analyze grammar]

pīte pādodake viprā naivedyasyāpi bhakṣaṇe |
tulasīsannidhau viṣṇorvilayāvasare kṛte || 38 ||
[Analyze grammar]

purā devena kathitaṃ śṛṇu pātraṃ vadāmyaham |
priyā bhāgavatā yeṣāṃ teṣāṃ dāso'smyahaṃ sadā || 39 ||
[Analyze grammar]

vihāya mathurāṃ kāśīmavantīṃ sarvapāpahām |
māyāṃ kāṃcīmayodhyāṃ ca saṃprāpte ca kalau yuge || 40 ||
[Analyze grammar]

vasāmyahaṃ dvārakāyāṃ sarvasenāsamāvṛtaḥ |
tīrthavratairyajñadānai rudrādyairmunicāraṇaiḥ || 41 ||
[Analyze grammar]

śraddhātyāgena bhaktyā vā yastoṣayitumicchati |
gatvā dvāravatīṃ ramyāṃ draṣṭavyo'haṃ kalau yuge || 42 ||
[Analyze grammar]

trailokye yāni tīrthāni mayā śuddhāni bhūriśaḥ || |
vinyastāni ca gomatyāṃ cakratīrthe'tipāvane || 43 ||
[Analyze grammar]

dinenaikena gomatyāṃ cakratīrthe kalau yuge |
trailokyasaṃbhavaistīrthaiḥ snāto bhavati mānavaḥ || 44 ||
[Analyze grammar]

koṭipāpavinirmukto matsamaṃ vasate naraḥ |
mama loke na saṃdehaḥ kulakoṭisamanvitaḥ || 45 ||
[Analyze grammar]

nāparādhakṛtaiḥ pāpairliptaḥ syādu tkaṭaiḥ kṛtaiḥ |
śatajanmāyutānīha lakṣmīrna cyavate gṛhāt || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye gomatītīragata dvārakācakratīrthayorjāgarādimāhātmyavarṇanaṃnāmāṣṭātriṃśattamo'dhyāyaḥ || 38 ||
[Analyze grammar]