Chapter 39

[English text for this chapter is available]

śrīprahlāda uvāca |
jayā ca vijayā caiva jayaṃtī pāpanāśinī |
unmīlinī vaṃjulī ca trispṛśā pakṣavarddhinī || 1 ||
[Analyze grammar]

puṇyaṃ sarvapurāṇānāṃ te labhaṃte dinedine |
pakvānnaṃ ye prakurvaṃti havirddhānyasamudbhavam || 2 ||
[Analyze grammar]

jāgare padmanābhasya ghṛtenaiva supācitam |
vartidvayasamāyuktaṃ dīpaṃ ghṛtasamanvitam || 3 ||
[Analyze grammar]

yaḥ kuryyājjāgare viṣṇoḥ śāligrāmaśilāgrataḥ |
śālagrāmaśilāgre tu ye prakurvaṃti jāgaram || 4 ||
[Analyze grammar]

kurvaṃti nṛtyavādye ca lokānāṃ raṃjanāya ca |
saṃchādayaṃti kusumaiḥ śāligrāmaśilāṃ ca ye || 5 ||
[Analyze grammar]

cakrāṃkitāṃ viśeṣeṇa pratimāṃ vaiṣṇavīṃ dvijāḥ |
caṃdanaṃ ca sakarpūraṃ kṛṣṇāgurusamanvitam || 6 ||
[Analyze grammar]

yuktaṃ mṛgamadenāpi yaḥ karoti vilepanam |
dvādaśyāṃ devadevasya rātrau jāgaraṇe sadā || 7 ||
[Analyze grammar]

tasya puṇyaṃ pravakṣyāmi saṃkṣepeṇa ca vo'grataḥ |
tatphalaṃ koṭitīrthe tu ujjayinyāṃ mahālaye || 8 ||
[Analyze grammar]

vārāṇasyāṃ kurukṣetre mathurāyāṃ tripuṣkare |
ayodhyāyāṃ prayāge ca tīrthe sāgarasaṃgame || 9 ||
[Analyze grammar]

sarvapuṇyeṣu tīrtheṣu devatāyataneṣu ca |
kṛtairyajñāyutaistatra vratadānaiśca puṣkalaiḥ || 10 ||
[Analyze grammar]

vedairadhītairyatpuṇyaṃ purāṇaiścāvagāhitaiḥ |
tapobhiścaritaiḥ puṇyaṃ samyagāśrama pālanaiḥ || 11 ||
[Analyze grammar]

yatphalaṃ munibhiḥ proktaṃ vedavyāsena putraka |
tatphalaṃ jāgare viṣṇoḥ pakṣayoḥ śuklakṛṣṇayoḥ || 12 ||
[Analyze grammar]

haimavatyai purā proktaṃ kailāse śūlapāṇinā |
nāradāya purā proktaṃ brahmaṇā matsamīpataḥ || 13 ||
[Analyze grammar]

aruṇena vajrahastāya kathitaṃ pṛcchate purā |
dvādaśījāgarasyoktaṃ phalaṃ viprā mayā ca vaḥ |
tatkurudhvaṃ dvijā yūyaṃ jāgaraṃ viṣṇuvāsare || 14 ||
[Analyze grammar]

sūta uvāca |
ityuktvā brāhmaṇānprāha baliṃ pautraṃ svakaṃ tataḥ |
tvamapi śraddhayā pautra kuru jāgaraṇaṃ hareḥ || 15 ||
[Analyze grammar]

dvārakā manasā dhyātā pāpaṃ varṣaśatānvitam |
kīrtanācchatajanmotthaṃ dahate nātra saṃśayaḥ || 16 ||
[Analyze grammar]

pāpaṃ janmasahasrotthaṃ padamātreṇa gacchatām |
dvārakā harate nūnaṃ muktiḥ kṛṣṇasya darśanāt || 17 ||
[Analyze grammar]

na śaknoti yadā gaṃtuṃ dvārakāṃ caiva mānavaḥ |
māhātmyaṃ paṭhanīyaṃ tu dvārakāsaṃbhavaṃ gṛhe || 18 ||
[Analyze grammar]

dātavyaṃ vaiṣṇavānāṃ tu śrotavyaṃ bhaktibhāvataḥ |
dvādaśyāṃ ca viśeṣeṇa paṭhanīyaṃ tu jāgare || 19 ||
[Analyze grammar]

dvārakā saṃbhavaṃ puṇyaṃ sa saṃprāpnoti mānavaḥ |
prasādādvāsudevasya satyaṃsatyaṃ ca bhāṣitam || 20 ||
[Analyze grammar]

gṛhe saṃtiṣṭhate nityaṃ mathurā dvārakā tathā |
avaṃtī ca tathā māyā prayāgaṃ kurujāṃgalam || 21 ||
[Analyze grammar]

tripuṣkaraṃ naimiṣaṃ ca gaṃgādvāraṃ ca saukaram |
caṃdreśaṃ caiva kedāraṃ tathā rudramahālayam || 22 ||
[Analyze grammar]

vastrāpathaṃ mahādevaṃ mahākālaṃ tathaiva ca |
bhūteśvaraṃ bhasmagātraṃ somanāthamumāpatim || 23 ||
[Analyze grammar]

koṭiliṃgaṃ trinetraṃ ca devaṃ bhṛguvanecaram |
dīpeśvaraṃ mahānādaṃ devaṃ caivācaleśvaram || 24 ||
[Analyze grammar]

brahmādayaḥ suragaṇā gṛhe tiṣṭhaṃti sarvadā |
pitaro nāgagaṃdharvā munayaḥ siddhacāraṇāḥ || 25 ||
[Analyze grammar]

tīrthāni yāni kāni syuraśvamedhādayo makhāḥ |
kṛṣṇajanmāṣṭamīṃ pautra yaḥ karoti viśeṣataḥ || 26 ||
[Analyze grammar]

yathā bhāgavataṃ śāstraṃ tathā bhāgavato naraḥ |
ubhayoraṃtaraṃ nāsti haraharyostathaiva ca || 27 ||
[Analyze grammar]

nīlīkṣetraṃ tu yo yāti mūlakaṃ bhakṣayettu yaḥ |
naivāsti narakoddhāraṃ kalpakoṭiśatairapi || 28 ||
[Analyze grammar]

nīlīkarma tu yaḥ kuryyādbrāhmaṇo lobhamohitaḥ |
nāpnoti sukṛtaṃ kiṃcitkuryyādvā rasavikrayam || 29 ||
[Analyze grammar]

prasīdati na viśvātmā vaiṣṇave cāpamānite |
aśvatthaṃ chedayedyo vai ekaikasmiṃśca parvaṇi || 30 ||
[Analyze grammar]

manvaṃtarāṇi tāvaṃti raurave vasatirbhavet |
ariṣṭakāṣṭhairdaityeṃdra kāryyaṃ yaḥ kurute kvacit |
na pūjāmarghadānaṃ ca tasya gṛhṇāti bhāskaraḥ || 31 ||
[Analyze grammar]

chedāpakasya cārke tu cchedakasya ca daityaja |
śataṃ janmāni dāridyaṃ jāyate ca sarogatā || 32 ||
[Analyze grammar]

ropayetpālayedyo vai sūryyavṛkṣaṃ narottamaḥ |
saptakalpaṃ vasetso'tra samīpe bhāskarasya hi || 33 ||
[Analyze grammar]

ropitairdevavṛkṣaistu yatphalaṃ lakṣakoṭibhiḥ |
nyagrodhavṛkṣeṇaikena ropitena phalaṃ hi tat || 34 ||
[Analyze grammar]

dhātrīdrume'pyevameva phalaṃ bhavati ropite |
tulasīropaṇe caiva adhikaṃ cāpi suvrata |
amaratvaṃ ca te yāṃti nātra kāryyā vicāraṇā || 35 ||
[Analyze grammar]

dvārakāṃ kalikāle tu prātarutthāya kīrtayet |
sa sarvapāpanirmuktaḥ svargaṃ yāti na saṃśayaḥ || 36 ||
[Analyze grammar]

rohiṇīsahitā ye na dvādaśī samupoṣitā |
mahāpātakasaṃyuktaḥ kalpāṃte nākamāpnuyāt || 37 ||
[Analyze grammar]

vāsaraḥ ko vinā sūryyaṃ vinā somena kā niśā |
vinā vṛkṣeṇa ko grāmo dvādaśī kiṃ vrataṃ vinā || 38 ||
[Analyze grammar]

gṛhaṃ ca narakaṃ tasya yamadaṇḍaṃ dvitīyakam |
na yatra paṭhate nityaṃ viṣṇornāmasahasrakam || 39 ||
[Analyze grammar]

narakaṃ ca bhavettasya dvitīyaṃ yamaśāsanam |
naiva bhāgavataṃ yatra purāṇaṃ gīyate kalau |
andhakūpeṣu kṣipyaṃte jvaliteṣu hutāśane || 40 ||
[Analyze grammar]

dviṣaṃti ye bhāgavataṃ na kurvaṃti dinaṃ hareḥ |
yamadūtaiśca nīyante tathā bhūmau bhavaṃti te || 41 ||
[Analyze grammar]

vācyamānaṃ na śṛṇvaṃti hareścaritamuttamam |
karapatraiśca pīḍyaṃte sutīvrairyama śāsanāt || 42 ||
[Analyze grammar]

nindāṃ kurvaṃti ye pāpā vaiṣṇavānāṃ mahātmanām |
teṣāṃ nirayapātastu yāvadābhūtasaṃplavam || 43 ||
[Analyze grammar]

gokoṭitīrthādadhikaṃ snānaṃ tatrādhikaṃ bhavet |
ye paśyaṃti mahāpuṇyā gopīcaṃdanamṛttikām |
gaṃgāsnānaphalaṃ teṣāṃ jāyate nātra saṃśayaḥ || 44 ||
[Analyze grammar]

vaiṣṇavānāṃ prayacchaṃti gopīcaṃ danamṛttikām |
yeṣāṃ lalāṭe tilakaḥ gopīcaṃdanasaṃbhavam || 45 ||
[Analyze grammar]

gopīcaṃdanapuṃḍreṇa dvādaśyāṃ jāgare kṛte |
viṣṇornāmasahasrasya pāṭhena muktimāpnuyāt || 46 ||
[Analyze grammar]

ye nityaṃ prātarutthāya vaiṣṇavānāṃ tu kīrtanam |
gomatīsmaraṇaṃ kuryuḥ kṛṣṇatulyā na saṃśayaḥ || 47 ||
[Analyze grammar]

ye nityaṃ prātarutthāya dvāraketi vadaṃti ca |
tīrthakoṭibhavaṃ puṇyaṃ labhaṃte ca dinedine || 48 ||
[Analyze grammar]

iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe caturthe dvārakāmāhātmye dvādaśīvratādimāhātmyavarṇanaṃnāmaikonacatvāriṃśattamo'dhyāyaḥ || 39 ||
[Analyze grammar]