Skanda Purana [sanskrit]
876,996 words | ISBN-10: 8170800978 | ISBN-13: 9788170800972
This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.
Chapter 37
[English text for this chapter is available]
śrīprahlāda uvāca |
kṛṣṇakṛṣṇeti kṛṣṇeti śvapaco jāgaranniśi |
japedapi kalau nityaṃ kṛṣṇarūpī bhaveddhi saḥ || 1 ||
[Analyze grammar]
kṛṣṇakṛṣṇeti kṛṣṇeti kalau vadatyaharniśam |
nityaṃ yajñāyutaṃ puṇyaṃ tīrthakoṭisamudbhavam || 2 ||
[Analyze grammar]
saṃpūrṇaikādaśī bhūtvā dvādaśyāṃ varddhate yadi |
unmīlinīti vikhyātā tithīnāmuttamā tithiḥ || 3 ||
[Analyze grammar]
vaṃjulīvāsare ye vai rātrau kurvaṃti jāgaram |
yajñāyutāyutaṃ puṇyaṃ muhūrtārddhena jāyate || 4 ||
[Analyze grammar]
saṃpūrṇā dvādaśī bhūtvā varddhate cāpare dine |
trayodaśyāṃ muniśreṣṭhā vaṃjulī durllabhā kalau || 5 ||
[Analyze grammar]
unmīlinīmanuprāpya ye prakurvaṃti jāgaram |
nimiṣārddhena tatpuṇyaṃ gavāṃ koṭiphalapradam || 6 ||
[Analyze grammar]
saṃpūrṇaikādaśī bhūtvā pratya'haṃ varddhate yadi |
darśaśca paurṇamāsī ca pakṣavṛddhistathocyate || 7 ||
[Analyze grammar]
pakṣavṛddhikarīṃ prāpya ye prakurvaṃti jāgaram |
nimiṣārddhārddhamātreṇa gavāṃ koṭiphalapradam || 8 ||
[Analyze grammar]
śrīprahlāda uvāca |
cakratīrthe naraḥ snātvā mucyate sarva kilbiṣaiḥ |
sa yāti paramaṃ sthānaṃ dāhapralayavarjitam || 9 ||
[Analyze grammar]
cakraṃ prakṣālitaṃ yatra kṛṣṇena svayameva hi |
tena vai cakratīrthaṃ hi puṇyaṃ ca paramaṃ hareḥ |
bhavaṃti tatra pāṣāṇāścakrāṃkā muktidāyakāḥ || 10 ||
[Analyze grammar]
tatraiva yadi labhyaṃte cakrairdvādaśabhiḥ saha |
dvādaśātmā sa vijñeyo mokṣadaḥ parikīrtitaḥ || 11 ||
[Analyze grammar]
ekacakreṇa pāṣāṇo dvāravatyāṃ suśobhanaḥ |
sudarśanābhidheyosau mokṣaikaphaladāyakaḥ || 12 ||
[Analyze grammar]
lakṣmīnārāyaṇau dvau tau bhuktimuktiphalapradau |
tribhiścaivācyutaṃ devaṃ sadendrapadadāyakam || 13 ||
[Analyze grammar]
bhūtido vighnahaṃtā ca catuścakro janārddanaḥ |
pañcabhirvāsudevastu janmamṛtyubhayāpahaḥ || 14 ||
[Analyze grammar]
pradyumnaḥ ṣaḍbhirevāsau lakṣmīṃ kāṃtiṃ dadāti ca |
saptabhirbaladevastu gotrakīrtivivarddhanaḥ || 15 ||
[Analyze grammar]
vāṃchitaṃ cāṣṭabhirbhaktyā dadāti puruṣottamaḥ |
sarvaṃ dadyānnavavyūho durllabho yaḥ surottamaiḥ || 16 ||
[Analyze grammar]
rājyaprado daśabhistu daśāvatāra eva ca |
ekādaśabhiraiśvaryyamaniruddhaḥ prayacchati || 17 ||
[Analyze grammar]
nirvāṇaṃ dvādaśātmā tu cakrairdvādaśabhiḥ smṛtam |
ata ūrdhvamanaṃto'sau saukhyamokṣapradāyakaḥ || 18 ||
[Analyze grammar]
ye kecittatra pāṣāṇāḥ kṛṣṇacakreṇa mudritāḥ |
teṣāṃ sparśanamātreṇa mucyate sarvakilbiṣaiḥ || 19 ||
[Analyze grammar]
brahmahatyādikaṃ pāpaṃ manovākkāyakarmajam |
tatsarvaṃ vilayaṃ yāti cakrāṃkitaprapūjanāt || 20 ||
[Analyze grammar]
mlecchadeśe śubhe vā'pi cakrāṃko yatra tiṣṭhati |
yojanāni daśa dve ca mama kṣetraṃ ca sundari || 21 ||
[Analyze grammar]
mṛtyukāle ca saṃprāpte hṛdaye yastu dhārayet |
cakrākaṃ pāpadalanaṃ sa yāti paramāṃ gatim || 22 ||
[Analyze grammar]
gomatīsaṃgame snātvā bhṛgutīrthe tathaiva ca |
na māturvasate kukṣau yadyapi syātsa pātakī || 23 ||
[Analyze grammar]
tāmasaṃ rājasaṃ vāpi yatkṛtaṃ viṣṇupūjanam |
tatsāttvikatvamabhyeti nimnagāṃbho yathārṇave || 24 ||
[Analyze grammar]
iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvārakākṣetrasthasudarśanapramukhānantāntacakracihnāṃkita pāṣāṇamāhātmyavarṇanapūrvakatatpūjanaphalādikathanaṃnāma saptatriṃśattamo'dhyāyaḥ || 37 ||
[Analyze grammar]
Other editions:
Also see the following editions of the Sanskrit text or (alternative) English translations of the Skandapurana Chapter 37
The Skanda-Purana
by G. V. Tagare (2007)
(23 Volumes) - Motilal Banarsidass Publishers Pvt. Ltd.
Buy now!
Skanda Purana (Hindi Translation)
by S. N. Khandelwal (2016)
(Set of 10 Books) - Chowkhamba Sanskrit Series Office
Buy now!
Skanda Purana in Bengali
by Navabharat Publishers, Kolkata (0)
স্কন্ধ পুরাণম: - (Set of 7 Volumes)
Buy now!
Skanda Purana in Kannada
by Vandana Book House, Bangalore (0)
ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)
Buy now!
Skanda Mahapurana (Gujarati)
by Sahitya Sangam, Ahemdabad (2017)
સ્કંદ મહાપુરાણ: (Condensed/Summary)
Buy now!
Shri Skanda purana (Malayalam)
by M.P. Pillai kaniyanthara (2015)
(Condensed/Summary) - Devi Book Stall, Kodungallur
Buy now!