Chapter 31

[English text for this chapter is available]

prahlāda uvāca ||||
divyasvaprabhayā dhvāṃtaṃ bhūtānāṃ nāśayansadā |
janayanparamānaṃdaṃ bhaktānāṃ ca bhayāpahaḥ || 1 ||
[Analyze grammar]

patākābhirdhvajasthābhirdvārakājayavarddhanaḥ |
divyapuṇyaprakāśena rājate girirāḍiva || 2 ||
[Analyze grammar]

dṛṣṭvā'layaṃ tadā viṣṇostadāyudhavibhūṣitam |
vihāya pāduke cchatraṃ daṇḍavatpatitā bhuvi || 3 ||
[Analyze grammar]

bhūmisaṃluṭhanaṃ teṣāṃ tīrthānāmadbhutaṃ mahat |
abhavadvipra śārdūlāḥ kṣetrādīnāṃ ca sarvaśaḥ || 4 ||
[Analyze grammar]

vārāṇasī kurukṣetraṃ prayāgo jāhnavī tathā |
yamunā narmadā puṇyā puṇyā prācī sarasvatī || 5 ||
[Analyze grammar]

godāvarī mahāpuṇyā gayā tisrastu maṃgalāḥ |
śāligrāmaṃ mahākṣetraṃ puṇyā cakranadī śubhā || 6 ||
[Analyze grammar]

payoṣṇī tapatī kṛṣṇā kāveryyādyāḥ supuṇyadāḥ |
puṣkarādīni tīrthāni sāgarāḥ parvatottamāḥ || 7 ||
[Analyze grammar]

ayodhyā mathurā māyā avaṃtyādyāśca muktidāḥ |
śrīraṃgākhyamanaṃtaṃ ca prabhāsaṃ ca viśeṣataḥ || 8 ||
[Analyze grammar]

puruṣottamaṃ mahākṣetramaraṇyānyādayaḥ śubhāḥ |
trailokye varttamānāni sarvatīrthāni sarvaśaḥ || 9 ||
[Analyze grammar]

dṛṣṭvā kṛṣṇālayaṃ puṇyaṃ muhurmuhuḥ praharṣitāḥ |
jaya śabdairnamaḥśabdairgarjaṃto harināmabhiḥ || 10 ||
[Analyze grammar]

ānaṃdāśrūṇi muṃcaṃtaḥ premṇā gadgadayā girā |
stuvaṃti munayaḥ sarve tīrthādīni ca sarvaśaḥ || 11 ||
[Analyze grammar]

atha saṃstuvatāṃ teṣāmanyonyaṃ muditātmanām |
vīkṣya vaktrāṇi sarveṣāṃ maharṣirnārado'bravīt || 12 ||
[Analyze grammar]

śrīnārada uvāca |
rāśayaḥ puṇya puṃjānāṃ kṛtā yuṣmābhiruttamāḥ |
tajjanmanā sahasraistu yaddṛṣṭaṃ kṛṣṇamaṃdiram || 13 ||
[Analyze grammar]

darśanaṃ kṛṣṇadevasya dvārakāgamane matiḥ |
dṛḍhabhaktirmahāviṣṇornālpasya tapasaḥ phalam || 14 ||
[Analyze grammar]

dhanyā vai pūrvajāsteṣāṃ vaṃśajāḥ kṛṣṇadarśanaṃ |
sotsavā dvārakāṃ yāṃti paśyaṃti ca haripriyām || 19 ||
[Analyze grammar]

dhanyeyaṃ gautamī gaṃgā gautamo'yaṃ mahātapāḥ |
yatprasādena sarveṣāṃ kalyāṇaṃ samupasthitam || 16 ||
[Analyze grammar]

yajñādhyayanadānānāṃ tapovratasamādhinām |
saṃprāptaphalamasmābhiryuṣmābhiḥ sarvatīrthakāḥ || 17 ||
[Analyze grammar]

yūyaṃ sarvāṇi tīrthāni kṣetrāṇi caiva kṛtsnaśaḥ |
kṛṣṇājñayā sarvakālaṃ tiṣṭhadhvaṃ sarvadaivataiḥ || 18 ||
[Analyze grammar]

vasaṃti ye'tra te dhanyā ekāhamapi pāvanāḥ |
paśyaṃtu sumahābhāgā godāvaryyatra jāhnavī || 19 ||
[Analyze grammar]

iyaṃ ca śobhate puṇyā dvārakā kṛṣṇa vallabhā |
prapaśyaṃtu mahābhāgāstathā vārāṇasīṃ śubhām || 20 ||
[Analyze grammar]

kṣetrāṇi kurumukhyāni paśyaṃtu dvārakāṃ prabhoḥ |
tādṛśī mathurā kāśī māyā'dhyodhyā ca rājate || 21 ||
[Analyze grammar]

avantī na ca kāṃcī ca kṣetraṃ ca puruṣottamam |
sūryoparāgakāle'pi kurukṣetraṃ na rājate || 22 ||
[Analyze grammar]

īdṛśaṃ na gayātīrthaṃ yādṛgetatprakāśate || 23 ||
[Analyze grammar]

grahanakṣatratārāṇāṃ yathā sūryyo virājate |
sakṣetratīrtharājānāṃ dvārakārko virājate || 24 ||
[Analyze grammar]

prahlāda uvāca |
niśamya nāradenoktaṃ prahṛṣṭāśca tathā dvijāḥ |
kṣetrāṇi sarvatīrthāni puraskṛtya ca gautamam || 25 ||
[Analyze grammar]

vihāya gautamīṃ tatra prayayurhyagratogrataḥ |
prahṛṣṭā gautamī tatra praṇamya tvaritā yayau || 26 ||
[Analyze grammar]

gītavādyaiśca nṛtyaiśca patākābhiḥ samaṃtataḥ |
prayayuḥ stotrapāṭhaiśca sarve te dvārakāśraye || 27 ||
[Analyze grammar]

sa tīrthānyagrataḥ kṛtvā madhye kṛtvā tu śobhanam |
prayāgaṃ tīrtharājaṃ ca prahṛṣṭaṃ kṣetradarśanāt || 28 ||
[Analyze grammar]

tataḥ paścātsaritsnānaṃ cakāra ṛṣisattamaḥ |
jāhnavī gautamī revā yamunāprāksarasvatī || 29 ||
[Analyze grammar]

sarayūrgaṃḍakī tāpī payoṣṇī yamunā tathā |
kṛṣṇā bhīmarathī gaṃgā kāverī cāghanāśinī || 30 ||
[Analyze grammar]

maṃdākinī mahāpuṇyā puṇyā bhogavatī nadī |
vrajaṃti yugapatsarvāḥ paśyaṃtyo dvārakāṃ purīm || 31 ||
[Analyze grammar]

tataste sāgarāḥ sapta svaiḥsvaistīrthaiḥ samanvitāḥ |
tataḥ paścādaraṇyānyāśramaiḥ puṇyaiyutāni ca || 32 ||
[Analyze grammar]

tatastu parvatā ramyā mervādyāstu suśobhanāḥ |
nṛtyaṃto gāyamānāśca stavādyaistu maharṣibhiḥ || 33 ||
[Analyze grammar]

tataśca ṛṣayo devāḥ samaṃtāddhṛṣṭamānasāḥ |
gāyaṃto nṛtyamānāśca garjaṃto harināmabhiḥ || 34 ||
[Analyze grammar]

vāditraninadairuccairjayaśabdaiḥ praharṣitāḥ |
prāptāste gomatītīraṃ sarvayajñasamanvitāḥ |
vavaṃdire mahāpuṇyāḥ sarve te hṛṣṭamānasāḥ || 35 ||
[Analyze grammar]

śrīnārada uvāca |
he bhāgīrathi he reve yamune śṛṇu gautami |
śreṣṭhā śrīgomatīdevī vikhyātā bhuvanatraye || 36 ||
[Analyze grammar]

yasyāḥ sakṛjjalasnānaṃ sparddhate brahmavidyayā |
tena vai gomatī seyaṃ sarvatīrthottamottamā |
brahmajñānena mucyaṃte prayāgamaraṇena vā |
snānamātreṇa gomatyāṃ mucyate pūrvajaiḥ saha || 37 ||
[Analyze grammar]

prahlāda uvāca |
niśamya tāni tīrthāni māhātmyaṃ mahadadbhutam |
gomatyāḥ śraddhayā snātvā utsavairagrato yayuḥ || 38 ||
[Analyze grammar]

tataḥ kṣetrāṇi tīrthāni saritaḥ sāgarādayaḥ |
dadṛśurdvārakāṃ ramyāmāgatā dvāramaṇḍape || 39 ||
[Analyze grammar]

sthitāṃ siṃhāsane divye maṇikāṃcanabhūṣite |
sundarāṃ śukla varṇāṃ ca rudrādityasamaprabhām || 40 ||
[Analyze grammar]

divyavastrāṃ sugaṃdhāḍhyāṃ ratnābharaṇabhūṣitām |
kirīṭakuṇḍalairdivyaiḥ śobhitāṃ kaṃkaṇādibhiḥ || 41 ||
[Analyze grammar]

varadābhayahastāṃ ca śaṃkhacakragadāyudhām |
śvetātapatraśobhāḍhyāṃ cāmaravyajanādibhiḥ || 42 ||
[Analyze grammar]

saṃstavaiḥ stūyamānāṃ ca gītavādyādiharṣitām |
mahāsiṃhāsanasthāṃ tu dṛṣṭvā dvāravatīṃ purīm |
praṇemuryugapatsarve sarvāṇi ca subhaktitaḥ || 43 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye mūrtimatīdvāravatīdarśanavarṇanaṃnāmaikatriṃśattamo'dhyāyaḥ || 31 ||
[Analyze grammar]