Chapter 32

[English text for this chapter is available]

prahlāda uvāca |
nāradastvagrato gatvā praṇamyātha haripriyām |
uvāca lalitāṃ vācaṃ harṣayandvārakāṃ purīm || 1 ||
[Analyze grammar]

śrīnārada uvāca |
paśyapaśya mahābhāge sarve prāptāḥ suśobhane |
tīrthakṣetrāṇi devāśca ṛṣayaścaiva kṛtsnaśaḥ || 2 ||
[Analyze grammar]

paśyemaṃ purataḥ prāptaṃ prayāgaṃ tīrthakaiḥ saha |
dvārake tava pādābje luṇṭhaṃte śraddhayādbhutam || 3 ||
[Analyze grammar]

idaṃ tu puṣkaraṃ tīrthaṃ namati śraddhayā śubhe |
iyaṃ tu gautamī puṇyā sarvatīrthasamāśrayā || 4 ||
[Analyze grammar]

siṃhasthe ca gurau bhadre saṃprāptā saubhagaṃ mahat |
kintu durjanasaṃsargāddagdhā pāpāgninā bhṛśam || 5 ||
[Analyze grammar]

tatropāyamabhijñāya ṛṣīṇāṃ śṛṇvatāṃ tadā |
śrutvā karṇe mahacchabdaṃ saṃprāpteyaṃ tavāṃtikam || 6 ||
[Analyze grammar]

namaskaroti devi tvāṃ dvārake gautamī śubhā |
paśyapaśya mahāpuṇyā iyaṃ bhāgīrathī śubhā || 7 ||
[Analyze grammar]

namaskaroti te pādau saṃhṛṣṭā ca punaḥpunaḥ |
paśyemāṃ narmadāṃ ramyāṃ praṇatāṃ tava pādayoḥ || 8 ||
[Analyze grammar]

yamunā candrabhāgeyamiyaṃ prācīsarasvatī |
sarayūrgaṃḍakī prāptā gomatī pūrvavāhinī || 9 ||
[Analyze grammar]

śoṇaḥ sindhunadī caitā anyāśca saritāṃ varāḥ |
kṛṣṇā bhīmarathī puṇyā kāveryyādyāḥ saridvarāḥ || 10 ||
[Analyze grammar]

sītācakṣurnadī bhadrā namaṃtyetāḥ padāṃbujam |
dvārake tā mahāpuṇyāḥ saptadvīpodbhavāḥ parāḥ || 11 ||
[Analyze grammar]

mandākinī mahāpuṇyā bhogavatyādisaṃyutā |
paśyāścaryamidaṃ bhadre vārāṇasī vimuktidā || 12 ||
[Analyze grammar]

bhaktyā te ca padāṃbhojaṃ śirasyādhāya vartate |
kurukṣetraṃ mahāpuṇyaṃ namati tvāmaharniśam || 13 ||
[Analyze grammar]

dvārake mathurāṃ paśya praṇatāṃ tava pādayoḥ |
ayodhyā'vaṃtikāmāyāstā namaṃti padāṃbujam || 14 ||
[Analyze grammar]

kāṃcī gayā viśālā ca virajā luṭhati kṣitau |
śāligrāmaṃ mahākṣetraṃ patitaṃ tava pādayoḥ |
virājate prabhāsaṃ ca kṣetraṃ ca puruṣottamam || 15 ||
[Analyze grammar]

bhārgavādīni cānyāni sarvakṣetrāṇi sundari |
dvārake praṇamaṃti tvāṃ bhaktyotthāya punaḥpunaḥ || 16 ||
[Analyze grammar]

paśyemānsāgarānsapta patitastāṃba pādayoḥ |
paśyāraṇyāni sarvāṇi naimiṣaṃ praṇataṃ puraḥ || 17 ||
[Analyze grammar]

dhanuṣkaṃ ca daśāraṇyaṃ daṃḍakāraṇyamarbudam |
nārāyaṇāśramaṃ paśya dvārake praṇataṃ tathā || 18 ||
[Analyze grammar]

ayaṃ meruśca kailāso mandarādyāḥ sahasraśaḥ |
himādrirviṃdhyaśailaśca śrīśailādyāḥ praharṣitāḥ |
ete hyṛṣigaṇāḥ sarve namaṃtisma punaḥpunaḥ || 19 ||
[Analyze grammar]

gaṃgādyāḥ sāgarāḥ śailā nṛtyaṃti puratastava |
ṛṣidevagaṇāḥ sarve sarve garjaṃti nāmabhiḥ || 20 ||
[Analyze grammar]

śrīprahlāda uvāca |
ityevaṃ vadatastasya dvārakā hṛṣṭamānasā |
nṛtyato muditānvīkṣya sarvānpremṇābhinaṃdya ca |
uvāca lalitā vācaṃ gautamīṃ spṛśya pāṇinā || 21 ||
[Analyze grammar]

bhāgīrathīprayāgādīnkṣetrādīnatha sarvaśaḥ |
dvārakā madhurālāpaiḥ sarvānānaṃdayattadā || 22 ||
[Analyze grammar]

athāścaryamabhūttatra sarvānaṃdavivarddhanam |
atha tāvattadā'kāśe gītavādyajayasvanāḥ || 23 ||
[Analyze grammar]

garjanāni supuṇyāni hariśabdaiḥ pṛthakpṛthak |
apaśyanvai tadā sarve brahmādyā devanāyakāḥ || 24 ||
[Analyze grammar]

maheśaḥ svagaṇaiḥ sārddhaṃ bhavānyā samadṛśyata |
indrastu tridaśaiḥ sārddhaṃ yakṣagandharvakinnaraiḥ || 25 ||
[Analyze grammar]

marudbhirlokapālaiścā nṛtyamānāḥ praharṣitāḥ |
siddhavidyādharāḥ sarve vasvādityāśca sagrahāḥ || 26 ||
[Analyze grammar]

bhṛgvādyāḥ sanakādyāśca nṛtyamānāḥ praharṣitāḥ |
brahmāṇaṃ ca namaskṛtya saptasvargasthitāḥ surāḥ || 27 ||
[Analyze grammar]

ūcuste dvārakāṃ dṛṣṭvā brahmeśānādayastadā |
harṣavihvalitātmāno vīkṣyā'nyonyaṃ ca vismitāḥ || 28 ||
[Analyze grammar]

devā ūcuḥ |
seyaṃ vai dvārakā devī vahate yatra gomatī |
yatrā'ste bhagavānkṛṣṇaḥ seyaṃ puṇyā virājate || 29 ||
[Analyze grammar]

sarvakṣetrottamā yā ca sarvatīrthottamottamā |
svargādapyadhikā bhūmau dvārakeyaṃ prakāśate || 30 ||
[Analyze grammar]

etadvai cakratīrthaṃ ca yacchilā cakra cihnitā |
muktidā pāpināṃ loke mlecchadeśe'pi pūjitā || 31 ||
[Analyze grammar]

prahlāda uvāca |
brahmādīnāgatāndṛṣṭvā vismitā nāradādayaḥ |
kṣetrāṇi tīrthamukhyāni vismitāni saridvarāḥ |
praṇemuryugapatsarve sarvāḥ sarvāṇi sarvaśaḥ || 32 ||
[Analyze grammar]

brahmādīnāṃ ca tīrthānāṃ dṛṣṭvā yātrāṃ manoharām |
dvārakāṃ prati viprendrā vismitā dvārakaukasaḥ || 33 ||
[Analyze grammar]

dṛṣṭvā devagaṇāḥ sarve dvārakāṃ prati maṃdire |
gītavādyādi nirghoṣairnṛtyamānāḥ praharṣitāḥ || 34 ||
[Analyze grammar]

vadanto jayaśabdāṃśca seyaṃ kṛṣṇapriyeti ca |
dṛṣṭvā brahmamaheśānau dvārakāṃ prītamānasau || 35 ||
[Analyze grammar]

tyaktvā ca vāhane śreṣṭhe daṇḍavatpatitau bhuvi |
ūcatuśca tadā devau dvārakāṃ prati harṣitau || 36 ||
[Analyze grammar]

śreṣṭhā tvamamba sarvebhyo'smadādibhyo'pi sarvataḥ |
yatastvāṃ na tyajetsākṣādbhagavānviṣṇuravyayaḥ || 37 ||
[Analyze grammar]

ato darśaya deveśaṃ kṛṣṇaṃ kaṃsavināśanam |
yaddarśanānmahāsiddhiḥ sarveṣāṃ ca bhaviṣyati || 38 ||
[Analyze grammar]

prahlāda uvāca |
ityuktvā prayayau devī tīrthakṣetrādisaṃyutā |
brahmeśānau puraskṛtya hṛṣṭau dṛṣṭvā mahotsavān || 39 ||
[Analyze grammar]

gītavādyapatākaiśca divyopāyanapāṇibhiḥ |
prāpyovāca tato devāndvārakā harṣavihvalā || 40 ||
[Analyze grammar]

paśyatāṃ paśyatāṃ devāḥ so'yaṃ vai dvārakeśvaraḥ |
prāpya saṃdarśanaṃ yasya muktānāṃ yatphalaṃ bhavet |
na vidyate sahasreṣu brahmāṃḍeṣu ca yatphalam || 41 ||
[Analyze grammar]

tato devagaṇāḥ sarve kṣetratīrthādisaṃyutāḥ |
paścimābhimukhaṃ dṛṣṭvā kṛṣṇaṃ kleśavināśanam |
praṇemuryugapatsarve prahṛṣṭāḥ samupāgatāḥ || 42 ||
[Analyze grammar]

gītavādyapraghoṣaiśca nṛtyamānāḥ samaṃtataḥ |
jayaśabdaṃ namaḥśabdaṃ garjaṃto harināmabhiḥ || 43 ||
[Analyze grammar]

brahmā bhavo bhavānī ca sendrā devagaṇā bhuvi |
dṛṣṭvā kṛṣṇaṃ praṇemuste bhaktyotthāya punaḥpunaḥ || 44 ||
[Analyze grammar]

prayāgādīni tīrthāni gaṃgādyāḥ sarito'malāḥ |
ṛṣayo devagaṃdharvāḥ śukādyāḥ sanakādayaḥ |
vīkṣya vaktraṃ mahāviṣṇoḥ praṇemuśca muhurmuhuḥ || 45 ||
[Analyze grammar]

kṛṣṇakṛṣṇeti kṛṣṇeti jaya kṛṣṇeti vādinaḥ |
snātvā tu gomatīnīre tīre caiva mahodadheḥ |
kamalāsanaḥ saṃhṛṣṭaḥ śrīmatkṛṣṇamapūjayat || 46 ||
[Analyze grammar]

svardhenupayasā snāpya divyaiścā mṛtapaṃcakaiḥ |
bhavaścātha bhavānī ca pūjayāmāsa bhaktitaḥ || 47 ||
[Analyze grammar]

indro devagaṇāḥ sarve yoginaḥ sanakādayaḥ |
ṛṣayo nāradādyāśca gaṃgādyāśca saridvarāḥ || 48 ||
[Analyze grammar]

amūlyābharaṇairbhaktyā mahāratnavinirmitaiḥ |
divyairmālyairanekaiśca nandanādisamudbhavaiḥ || 49 ||
[Analyze grammar]

priyayā śrītulasyā vai śrīmatkṛṣṇamapūjayan |
dhūpairnīrājanairdivyaiḥ karpūraiśca pṛthakpṛthak || 50 ||
[Analyze grammar]

naivedyairvividhaiḥ puṣpairdivyaiḥ karpūravāsitaiḥ |
sakarpūraiśca tāṃbūlaiḥ priyaiścopāyanaistathā || 51 ||
[Analyze grammar]

mahāmāṃgalikaiḥ sarvaiḥ sudivyairmaṃgalā'rtikaiḥ |
saṃpūjyaivaṃ mahāviṣṇuṃ kṛṣṇaṃ kleśavināśanam |
prahṛṣṭā nanṛtuḥ sarve gītavādyapraharṣitāḥ || 52 ||
[Analyze grammar]

purataḥ kṛṣṇadevasya hyapsarobhiḥ samanvitāḥ |
brahmā ca brahmaputrāśca tataḥ sendrā marudgaṇāḥ || 53 ||
[Analyze grammar]

brahmādīnnṛtyataḥ prekṣya bhagavānkamalekṣaṇaḥ |
vārayāmāsa hastena prītaḥ prāha surānvibhuḥ || 54 ||
[Analyze grammar]

śrībhagavānuvāca |
bhobho brahmanmaheśāna he bhavāni maheśvari |
kṣetrāṇi sarvatīrthāni nāradaḥ sanakādayaḥ |
prīto'haṃ bhavatā samyaksarvānkāmānavāpsyatha || 55 ||
[Analyze grammar]

prahlāda uvāca |
tadābhilaṣitāṃllabdhvā sa rvānkāmavarānatha |
bhaktyā paramayā śrīmatkṛṣṇaṃ procuḥ praharṣitāḥ || 56 ||
[Analyze grammar]

devā ūcuḥ |
prāptaḥ kāmavaro'smābhiḥ sarvataḥ kṛpayā vibho |
sapremā tvatpadāṃbhoje bhaktirbhavyā'napāyinī || 57 ||
[Analyze grammar]

prahlāda uvāca |
tathaiva pūjayāmāsū rukmiṇīṃ kṛṣṇavallabhām |
atha brahmamaheśānau sarveṣāṃ śṛṇva tāmidam || 58 ||
[Analyze grammar]

śraddhayā parayā yuktau dvārakāṃ pratyavocatuḥ |
tvaṃ devi sarvatīrthānāṃ kṣetrāṇāmuttamottamā || 59 ||
[Analyze grammar]

parvatānāṃ yathā meruḥ sindhūnāṃ sāgaro yathā |
prāṇo yathā śarīrāṇāmindriyāṇāṃ tu vai manaḥ || 60 ||
[Analyze grammar]

tejasvināṃ yathā vahnistattvānāṃ caittya ījyate |
yathā graharkṣatārāṇāṃ somo vai jyotiṣāṃ dhuvam |
eṣāṃ prakāśapuṃjānāṃ yathā sūryyaḥ prakāśate || 61 ||
[Analyze grammar]

yathā naḥ sarvadevānāṃ mahāviṣṇurayaṃ mahān |
tathaiva sarvatīrthānāṃ pūjyeyaṃ dvārakā śubhā || 62 ||
[Analyze grammar]

prahlāda uvāca |
ityuktvā sarvadevānāṃ kṣetrādīnāṃ ca sattamāḥ |
ādhipatye sureśānau dvārakāmabhiṣecatuḥ || 63 ||
[Analyze grammar]

brahmeśānau tathā devāḥ prajeśā ṛṣayo'malāḥ |
tīrthānāṃ kṣetrarājānāṃ mahārājatvakāraṇam || 64 ||
[Analyze grammar]

cakrurmahābhiṣekaṃ tu dvārakāyāḥ praharṣitāḥ |
vādayanto vicitrāṇi vāditrāṇi mahotsave || 65 ||
[Analyze grammar]

divyaiḥ pañcāmṛtaistoyaiḥ sarvatīrthasamudbhavaiḥ |
puṇyaiścākāśagaṃgāyā diggajānāṃ karoddhṛtaiḥ || 66 ||
[Analyze grammar]

atha vāsāṃsi divyāni dattvā cā'camanaṃ tathā |
carcitāṃ candanairdivyairdivyābharaṇabhūṣitām || 67 ||
[Analyze grammar]

pūjāṃ ca cakrire puṣpaiścaṃdanādisamudbhavaiḥ |
tadā jātā mahādivyā puruṣāḥ pārṣadā hareḥ || 68 ||
[Analyze grammar]

viṣvaksenasunaṃdādyā dyotayanto diśo daśa |
jayaśabdaṃ namaḥśabdaṃ vadaṃtaḥ puṣpavarṣiṇaḥ || 69 ||
[Analyze grammar]

gītavāditraghoṣeṇa nṛtyamānāḥ praharṣitāḥ |
kirīṭakuṇḍalairhārairvaijayaṃtyā vibhūṣitāḥ || 70 ||
[Analyze grammar]

śyāmāścaturbhujāḥ pītavastramālyairvibhūṣitāḥ |
svaprabhā dīpyamānau te dṛṣṭvā brahmamaheśvarau || 71 ||
[Analyze grammar]

nāradaṃ sanakādīṃśca mahābhāgavatānṛṣīn |
te'pi tānapi saṃhṛṣṭāḥ praharṣāgatasaṃbhramāḥ || 72 ||
[Analyze grammar]

vavaṃdire tato 'nyo'nyaṃ hṛṣṭā āliṃganādibhiḥ |
ṛṣayo'nye ca devāśca praṇemurviṣṇupārṣadān || 73 ||
[Analyze grammar]

atha te samupāgamya dvārakāṃ viṣṇupārṣadāḥ |
natvā'tha dvārakānāthaṃ dvārakāṃ vai tathaiva ca || 74 ||
[Analyze grammar]

saṃpūjya śraddhayā bhaktyā niḥśreyasavanodbhavaiḥ |
kusumairvividhairdivyaistulasyā tadvanotthayā || 75 ||
[Analyze grammar]

tadutpannaiḥ phalairdivyairdhūpairnīrājanaiḥ prabhum |
vividhaiścānnatāṃbūlairdattvā kṛṣṇamatoṣayan || 76 ||
[Analyze grammar]

kṣetratīrthādirājānāṃ mahārājastvamīśvari |
iti sarve vadantastu dvārakāṃ ca vavaṃdire || 77 ||
[Analyze grammar]

etasminnaṃtare viprā devadundubhinisvanāḥ |
aśrūyaṃta mahāśabdā abhavanpuṣpavṛṣṭayaḥ || 78 ||
[Analyze grammar]

athā'sīnmahadāścaryyaṃ śṛṇvantu ṛṣisattamāḥ |
kurukṣetraṃ prayāgaṃ ca savyadakṣiṇapārśvayoḥ || 79 ||
[Analyze grammar]

sthitvā jagṛhaturddivye śvetacchatre manohare |
dvārakāyastathā śubhre cāmaravyajane śubhe || 80 ||
[Analyze grammar]

ayodhyā mathurā māyā vārāṇasī jayasvanaiḥ |
stuvaṃtyanyāstathānyāni sarvakṣetrāṇi sarvaśaḥ || 81 ||
[Analyze grammar]

tīrthāni saritaḥ sarvā dvārakāyā mukhāṃbujam |
paśyataḥ paramānaṃdaṃ lebhire devamānavāḥ || 82 ||
[Analyze grammar]

āhuśca pārṣadā viṣṇordhanyānyetāni sarvaśaḥ |
dṛṣṭvā tu dvārakāṃ puṇyāṃ sarvalokaikamaṇḍanām || 83 ||
[Analyze grammar]

vedayajñatapojāpyaiḥ samyagārādhito hariḥ |
prasīdedyasya tasya syāddvārakāgamane matiḥ || 84 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye viṣṇupārṣadavarṇitadvārakāmāhātmyavarṇanaṃnāma dvātriṃśattamo'dhyāyaḥ || 32 ||
[Analyze grammar]