Chapter 30

[English text for this chapter is available]

śrīprahlāda uvāca |
tadā teṣāṃ sutīrthānāṃ kṣetrāṇāmabhavanmudaḥ |
gantuṃ dvāravatīṃ puṇyāṃ sarveṣāmapi sarvaśaḥ || 1 ||
[Analyze grammar]

dvārakāgamane dṛṣṭvā tathā nāradagautamau |
mahotsavo mahāṃstatra bhaviṣyati manoharaḥ || 2 ||
[Analyze grammar]

tīrthānāṃ kṛṣṇayātrāyāṃ gantavyamityavo catuḥ |
atha te hyṛṣayo devāḥ sarvatīrthasamanvitāḥ || 3 ||
[Analyze grammar]

gautamīṃ tu puraskṛtya yayurdvāravatīṃ mudā |
tadā sarvāṇi tīrthāni kṣetrāraṇyāni kṛtsnaśaḥ |
dvārakāgamanaṃ cakruḥ sānandā ṛṣayaḥ surāḥ || 4 ||
[Analyze grammar]

śraddhayā parayā bhaktyā kṛṣṇadarśanalālasāḥ |
vīṇāninādatattvajñaṃ nāradaṃ pathi te' bruvan || 5 ||
[Analyze grammar]

ṛṣaya ūcuḥ |
rāśayaḥ puṇyapuñjānāṃ kṛtā vai tapasāṃ tathā |
yajñadānavratānāṃ ca tīrthānāṃ mahatāṃ bhuvi || 6 ||
[Analyze grammar]

saṃprāptastatprasādo'yaṃ yaddrakṣyāmaḥ kuśasthalīm |
pṛcchāmahe'dhunā tvāṃ vai yogināṃ paramaṃ gurum || 7 ||
[Analyze grammar]

dvārakāyāstu yātrāyāṃ ko vidhiḥ saṃprakīrtitaḥ |
niyamaḥ ko'tra karttavyo varjanīyaṃ ca kiṃ mune || 8 ||
[Analyze grammar]

śrotavyaṃ kīrtitavyaṃ ca smartavyaṃ kiṃ ca vai pathi |
utsavāścātra ke proktā dvārakāyāśca tatpathi || |
ekaikaśca mahābhāga bhaktānandavivarddhanam |
etatsarvaṃ mahābhāga kṛpayā saṃprakīrtyatām || 10 ||
[Analyze grammar]

śrīnārada uvāca |
kṛtābhyaṃgastu pūrvedyuḥ saṃpūjya śraddhayā harim |
bhojayedvaiṣṇavānviprānsvaśaktyā saṃpraharṣitaḥ || 11 ||
[Analyze grammar]

anujñāto mahāviṣṇoḥ prasādamupayujya vai |
śayīta bhuvi suprīto dvārakāṃ kṛṣṇamānasaḥ || 12 ||
[Analyze grammar]

śvobhūte tu śuciḥ snātaḥ saṃpūjya jagadīśvaram |
pradakṣiṇaṃ namaskṛtya mahāviṣṇoranujñayā |
pṛṣṭvā kulavṛddhāṃśca brāhmaṇānvaiṣṇavānpriyān || 12 ||
[Analyze grammar]

tatastu tadanujñāto gītavāditrasaṃstavaiḥ |
yātrāraṃbhaṃ prakurvīta dvārakāyāṃ praharṣitaḥ || 14 ||
[Analyze grammar]

dvārakāṃ gacchamānastu śānto dāṃtaḥ śuciḥ sadā |
brahmacaryamadhaḥ śayyāṃ kurvīta niyatendriyaḥ || 15 ||
[Analyze grammar]

sahasranāmapaṭhanaṃ purāṇapaṭhanaṃ tathā |
karttavyaṃ sakṛpaṃ cittaṃ satāṃ śuśrūṣaṇaṃ tathā || 16 ||
[Analyze grammar]

annadānādikaṃ sarvaṃ vibhave sati mānavaḥ |
api svalpaṃ svaśaktyā vai kṛtaṃ koṭiguṇaṃ bhavet || 17 ||
[Analyze grammar]

pathi kṛṣṇasya yo bhaktyā grāsamekaṃ prayacchati |
dvīpāṃtā tena dattā bhūḥ puṇyasyānto na vidyate || 18 ||
[Analyze grammar]

kiṃ punardvārakākṣetre kṛṣṇasya ca samīpataḥ |
kalāvekekasikthe ca rājasūyāyutaṃ phalam || 19 ||
[Analyze grammar]

gayāśrāddhasahasrāṇi kṛtāni śatasaṃkhyayā |
annadānaṃ kṛtaṃ yaistu dvārakāpathi mānavaiḥ || 20 ||
[Analyze grammar]

auṣadhaṃ cānnapānīyaṃ pāduke kaṃbalaṃ tathā |
vāsāṃsyupānahau caiva vittaṃ ca vibhave sati |
varjayetsaṃkaraṃ vidvānyūthālāpāṃstathaiva ca || 21 ||
[Analyze grammar]

paranindāṃ ca paiśunyaṃ parasya parivañcanam |
parānnaṃ parapākaṃ ca sati vitte tyajedbudhaḥ || 22 ||
[Analyze grammar]

na doṣo hīnavittasya tāvanmātraparigrahe |
śrotavyā satkathā viṣṇornāmasaṃkīrttanāmṛtam || 23 ||
[Analyze grammar]

dvārakāpathigacchadbhiranyonyaṃ bhaktivarddhanam |
japtavyaṃ vaidikaṃ jāpyaṃ stotramāgamikaṃ tathā || 24 ||
[Analyze grammar]

yātrāyāṃ yatphalaṃ proktaṃ śrīkṛṣṇasya ca vai kalau |
na śakyate mayā vaktuṃ vadanairyugasaṃkhyayā || 25 ||
[Analyze grammar]

ityetatkathitaṃ sarvaṃ yatpṛṣṭaṃ tu dvijottamāḥ |
yatadhvaṃ tatprayatnena viṣṇuprāptau ca satvaram || 26 ||
[Analyze grammar]

śrīprahlāda uvāca |
evaṃ te nāradenoktā munayo hṛṣṭamānasāḥ |
cakruste sahitāḥ sarve kṛṣṇadevasya tatpathi || 27 ||
[Analyze grammar]

kecicchṛṇvanti tā viṣṇoḥ satkathā lokaviśrutāḥ |
yāsāṃ saṃśravaṇādeva bhagavānviśate hṛdi || 28 ||
[Analyze grammar]

kīrtyamānāni nāmāni mahāpuṇyapradāni vai |
pāvanāni sadā loke kalau viprā viśeṣataḥ || 29 ||
[Analyze grammar]

purāṇasaṃhitā divyā munibhiḥ parikīrtitāḥ |
prakāśayaṃti yā viṣṇormahimānaṃ sumaṃgalam || 30 ||
[Analyze grammar]

sadguṇāḥ karmavīryyāṇi kṛtāni viṣṇunā purā |
līlāvatārarūpaistu śṛṇvanti parayā mudā || 31 ||
[Analyze grammar]

apare vāsudevasya caritāni sumaṃgalāḥ |
vadaṃti parayā bhaktyā sānandāḥ sāśrulocanāḥ || 32 ||
[Analyze grammar]

anye smaraṃti deveśamanādinidhanaṃ vibhum |
kecijjapaṃti munayaḥ stotrāṇi parayā mudā || 33 ||
[Analyze grammar]

kecittu śatanāmāni japanti munayaḥ pathi |
anye sahasranāmāni lakṣanāma tathā'pare || 34 ||
[Analyze grammar]

kecillaukikagītāni harināmāni harṣitāḥ |
utsavaiśca vrajaṃtyanye patākādivibhūṣitāḥ || 35 ||
[Analyze grammar]

gītavāditraghoṣeṇa karatālasvanena ca |
nāsti dhanyatamastasmāttriṣu lokeṣu kaścana || 36 ||
[Analyze grammar]

darśanaṃ yasya saṃjātaṃ vaiṣṇavānāmanuttamam |
tathaiva jāhnavī puṇyā yamunā ca sarasvatī || 37 ||
[Analyze grammar]

revādyāḥ saritaḥ sarvāḥ pracakrurgītanarttanam |
prayāgādīni tīrthāni sāgarāḥ parvatottamāḥ || 38 ||
[Analyze grammar]

vārāṇasī kurukṣetraṃ puṇyānyanyāni kṛtsnaśaḥ |
trailokye yāni tīrthāni kṣetrāṇi devanāyakāḥ |
cakrurgītaṃ ca nṛtyaṃ ca dvārakāyāśca satpathi || 39 ||
[Analyze grammar]

ekaikasminpade datte dvārakāpathi gacchatām |
puṇyaṃ kratusahasrāṇāṃ tatpādarajasaṃkhyayā || 40 ||
[Analyze grammar]

atha te munayaḥ sarve tīrthakṣetrādisaṃyutāḥ |
śrīmatkṛṣṇālayaṃ dūrāddadṛśurnāradādayaḥ || 41 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye dvārakāṃ prati godāvaryāditīrthakṣetradeva maharṣigamanotsavayātrāvarṇanaṃnāma triṃśattamo'dhyāyaḥ || 30 ||
[Analyze grammar]