Chapter 270

[English text for this chapter is available]

īśvara uvāca |
tato gacchenmahādevi yatra prācī sarasvatī |
tatra sthāne sthitaṃ liṃgaṃ maṃkīśvaramiti śrutam || 1 ||
[Analyze grammar]

tasyotpattiṃ pravakṣyāmi sarvapātakanāśinīm |
śṛṇu devi mahābhāge hyāścaryaṃ yadabhūtpurā || 2 ||
[Analyze grammar]

ṛṣirmaṃkaṇako nāma sa tepe paramaṃ tapaḥ |
prācīmetya yatāhāro nityaṃ svādhyāyatatparaḥ || 3 ||
[Analyze grammar]

bahuvarṣasahasrāṇi tasyātītāni bhāmini |
kasyacittvatha kālasya viddhādasya varānane || 4 ||
[Analyze grammar]

karācchākaraso jātaḥ kuśāgreṇeti naḥ śrutam |
sa taṃ dṛṣṭvā mahāścaryaṃ vismayaṃ paramaṃ gataḥ || 5 ||
[Analyze grammar]

mene siddhiṃ parāṃ prāpto harṣānnṛtyamathākarot |
tasminsaṃnṛtyamāne ca jagatsthāvarajaṃgamam || 6 ||
[Analyze grammar]

anarttata varārohe prabhāvāttasya vai muneḥ |
tato devā maheṃdrādyā brahmaviṣṇupurassarāḥ |
ūcustripurahaṃtāraṃ nāyaṃ nṛtyettathā kuru || 7 ||
[Analyze grammar]

calitāḥ parvatāḥ sthānātkṣubhito makarālayaḥ |
dharaṇī khaṇḍaśo deva vṛkṣāśca nidhanaṃ gatāḥ || 8 ||
[Analyze grammar]

utpathāśca mahānadyo grahā unmārgasaṃsthitāḥ |
trailokyaṃ vyākulībhūtaṃ yāvatprāpnoti saṃkṣayam || 9 ||
[Analyze grammar]

tāvannivārayasvainaṃ nānyaḥ śakto nivāraṇe || 10 ||
[Analyze grammar]

sa tatheti pratijñāya gatvā tasya samīpataḥ |
dvijarūpaṃ samāsthāya tamṛṣiṃ vākyamabravīt || 11 ||
[Analyze grammar]

ko harṣaviṣayaḥ kasmāttvayaitannṛtyate dvija |
tasmātkāryaṃ vadāśu tvaṃ paraṃ kautūhalaṃ dvijaḥ || 12 ||
[Analyze grammar]

ṛṣiruvāca |
kiṃ na paśyasi me brahmankarācchākara saṃ cyutam |
ata eva hi me nṛtyaṃ siddho'haṃ nātra saṃśayaḥ || 13 ||
[Analyze grammar]

īśvara uvāca |
tasya tadvacanaṃ śrutvā bhagavāṃstripurāṃtakaḥ |
aṃguṣṭhaṃ tāḍayāmāsa aṃgulyagreṇa bhāmini || 14 ||
[Analyze grammar]

tato vinirgataṃ bhasma tatkṣaṇāddhimapāṃḍuram |
athābravītprahasyainaṃ bhagavānbhūtabhāvanaḥ || 15 ||
[Analyze grammar]

paśya meṃ'guṣṭhato brahmanbhūri bhasma vinirgatam |
na nṛtye'haṃ na me harṣastathāpi munisattama || 16 ||
[Analyze grammar]

taddṛṣṭvā sumahāścaryaṃ vismayaṃ paramaṃ gataḥ |
abravītprāṃjalirbhūtvā harṣagadgadayā girā || 17 ||
[Analyze grammar]

nānyaṃ devamahaṃ manye tvāṃ muktvā vṛṣabhadhvajam |
nānyasya vidyate śaktirīdṛśī dharaṇītale || 18 ||
[Analyze grammar]

bhagavānuvāca |
jñāto'smi muniśārdūla tvayā vedavidāṃ vara |
varaṃ varaya bhadraṃ te nityaṃ yanmanasepsitam || 19 ||
[Analyze grammar]

ṛṣiruvāca |
prasādāddevadevasya nṛtyena mahatā vibho |
yathā na syāttapohānistathā nītirvidhīyatām || 20 ||
[Analyze grammar]

śaṃbhuruvāca |
tapaste varddhatāṃ vipra matprasādātsahasradhā |
prācīmanviha vatsyāmi tvayā sārddhamahaṃ sadā || 21 ||
[Analyze grammar]

sarasvatī mahāpuṇyā kṣetre cāsminviśeṣataḥ |
sarasvatyuttare tīre yastyajedātmanastanum || 22 ||
[Analyze grammar]

prācīne hyṛṣiśārdūla na cehāgacchate punaḥ |
āpluto vājimedhasya phalaṃ prāpnoti puṣkalam || 23 ||
[Analyze grammar]

niyamaiścopa vāsaiśca śoṣayandehamātmanaḥ |
jalāhārā vāyubhakṣāḥ parṇāhārāśca tāpasāḥ |
tathā ca sthaṃḍilaśayā ye cānye niyatāḥ pṛthak || 24 ||
[Analyze grammar]

ye snānamācariṣyaṃti tīrthe'sminniyamānvitāḥ |
te yāṃti paramāṃ siddhiṃ brahmaṇaḥ paramaṃ padam || 25 ||
[Analyze grammar]

asmiṃstīrthe tu yo dānaṃ truṭimātraṃ ca kāṃcanam |
dadāti dvijamukhyāya merutulyaṃ bhavetphalam || 26 ||
[Analyze grammar]

asmiṃstīrthe tu ye śrāddhaṃ kariṣyaṃtīha mānavāḥ |
ekaviṃśatkulopetāḥ svargaṃ yāsyaṃti te dhruvam || 27 ||
[Analyze grammar]

pitṝṇāṃ vallabhaṃ tīrthaṃ piṃḍenaikena tarpitāḥ |
brahmalokaṃ gamiṣyaṃti suputreṇeha tāritāḥ || 28 ||
[Analyze grammar]

bhūyaścānnaṃ prayacchaṃti mokṣamārgaṃ vrajaṃti te || 29 ||
[Analyze grammar]

atra ye śubha karmāṇaḥ prabhāsasthāṃ sarasvatīm |
paśyaṃti tepi yāsyaṃti svargalokaṃ dvijottamāḥ || 30 ||
[Analyze grammar]

ye punastatra bhāvena narāḥ snānaparāyaṇāḥ |
brahmalokaṃ samāsādya te ramiṣyaṃti sarvadā || 31 ||
[Analyze grammar]

dadhi pradadyādyo'pīha brāhmaṇāya manoramam |
so'pyagnilokamāsādya bhuṃkte bhogānsuśobhanān || 32 ||
[Analyze grammar]

ūrṇāprāvaraṇaṃ yo'pi bhaktyā dadyāddvijottame |
so'pi yāti parāṃ siddhiṃ martyairanyaiḥ sudurlabhām || 33 ||
[Analyze grammar]

ye cātra malanāśāya viśeyurmānavā jalam |
gopradānaphalaṃ teṣāṃ sukhena phalamādiśet || 34 ||
[Analyze grammar]

bhāvena hi naraḥ kaścittatra snānaṃ samācaret |
sarvapāpavinirmukto viṣṇuloke mahīyate || 35 ||
[Analyze grammar]

tarpaṇātpiṃḍadānācca narakeṣvapi saṃsthitāḥ |
svargaṃ prayāṃti pitaraḥ suputreṇeha tāritāḥ || 36 ||
[Analyze grammar]

te labhaṃte'kṣayāṃllokā nbrahmaviṣṇvīśaśabditān |
bhūyastvannaṃ prayacchanti mokṣamārgaṃ labhaṃti te || 37 ||
[Analyze grammar]

svarganiśreṇisaṃbhūtā prabhāse tu sarasvatī |
nāpuṇyavadbhiḥ saṃprāptuṃ puṃbhiḥ śakyā mahānadī || 38 ||
[Analyze grammar]

prācī sarasvatī caiva anyatraiva tu durlabhā |
viśeṣeṇa kurukṣetre prabhāse puṣkare tathā || 39 ||
[Analyze grammar]

prācīṃ sarasvatīṃ prāpya yonyattīrthaṃ hi mārgate |
sa karasthaṃ samutsṛjya kūrpareṇa samācaret || 40 ||
[Analyze grammar]

kṛṣṇapakṣe caturdaśyāṃ snānaṃ ca vihitaṃ sadā |
piṇyākeṃgudakenāpi piṃḍaṃ tatra dadāti yaḥ |
pitṝṇāmakṣayaṃ bhūyātpitṛlokaṃ sa gacchati || 41 ||
[Analyze grammar]

sarasvatīvāsasamā kuto ratiḥ sarasvatīvāsasamāḥ kuto guṇāḥ |
sarasvatīṃ prāpya gatā divaṃ narāḥ punaḥ smariṣyaṃti nadīṃ sarasvatīm || 42 ||
[Analyze grammar]

īśvara uvāca |
uktvaivaṃ bhagavāndevastatraivāṃtaradhīyata |
sāṃnidhyamakarottatra tataḥprabhṛti śaṃkaraḥ || 43 ||
[Analyze grammar]

atra gāthā purā gītā viṣṇunā prabhaviṣṇunā |
snehārdreṇa ca cittena dharmaputraṃ prati priye || 44 ||
[Analyze grammar]

mā gaṃgāṃ vraja kauṃteya mā prayāgaṃ ca puṣkaram |
tatra gaccha kuruśreṣṭha yatra prācī sarasvatī || 45 ||
[Analyze grammar]

etatte sarvamākhyātaṃ yanmāṃ tvaṃ paripṛcchasi |
māhātmyaṃ ca sarasvatyā bhūyaḥ kiṃ śrotumicchasi || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye prācīsarasvatīmaṃkīśvaramāhātmyavarṇanaṃnāma saptatyuttaradviśatatamo'dhyāyaḥ || 270 ||
[Analyze grammar]