Chapter 208

[English text for this chapter is available]

devyuvāca |
idaṃ deyamidaṃ deyamiti proktaṃ tu yacchrutau |
dānādānaviśeṣāṃstu śrotumicchāmi tattvataḥ || 1 ||
[Analyze grammar]

kāni dānāni śastāni kasmai deyāni kānyapi |
kālaṃ deśaṃ ca pātraṃ ca sarvamācakṣva me vibho || 2 ||
[Analyze grammar]

īśvara uvāca |
vṛthā janmāni catvāri vṛthā dānāni ṣoḍaśa |
sujanmāni ca catvāri mahādānāni ṣoḍaśa || 3 ||
[Analyze grammar]

devyuvāca |
etadvistarato brūhi devadevajagatpate || 4 ||
[Analyze grammar]

īśvara uvāca |
vṛthā janmāni catvāri yāni tāni nibodha me |
kuputrāṇāṃ vṛthā janma ye ca dharmabahiṣkṛtāḥ |
pravāsaṃ ye ca gacchaṃti paradāraratāḥ sadā || 5 ||
[Analyze grammar]

parapākaṃ ca ye'śnaṃti para dāraratāśca ye |
apratyākhyaṃ vṛthā dānaṃ sadoṣaṃ ca tathā priye || 6 ||
[Analyze grammar]

ārūḍhapatite caiva anyāyopārjitaṃ dhanam |
vṛthā brahmahane dānaṃ patite taskare tathā || 7 ||
[Analyze grammar]

guroścāprītijanane kṛtaghne grāmayājake |
brahmabandhau ca yaddattaṃ yaddattaṃ vṛṣalīpatau || 8 ||
[Analyze grammar]

vedavikrayiṇe caiva yasya copapatirgṛhe |
strīnirjite ca yaddattaṃ vṛthādānāni ṣoḍaśa || 9 ||
[Analyze grammar]

sujanma ca suputrāṇāṃ ye ca dharme ratā narāḥ |
pravāsaṃ na ca gacchaṃti paradāraparāṅmukhāḥ || 10 ||
[Analyze grammar]

gāvaḥ suvarṇaṃ rajataṃ ratnāni ca sarasvatī |
tilāḥ kanyā gajośvaśca śayyā vastraṃ tathā mahī || 11 ||
[Analyze grammar]

dhānyaṃ payaśca cchatraṃ ca gṛhaṃ copaskarānvitam |
etānyeva mahādevi mahādānāni ṣoḍaśa || 12 ||
[Analyze grammar]

garvāvṛtastu yo dadyādbhayātkrodhāttathaiva ca |
bhuṃkte dānaphalaṃ taddhi garbhastho nātra saṃśaya || 13 ||
[Analyze grammar]

bālatve'pi ca so'śnāti yaddattaṃ daṃbhakāraṇāt |
manyunā maṃtunā caiva tathaivārthasya kāraṇāt || 14 ||
[Analyze grammar]

deśe kāle ca pātre ca śuddhena manasā tathā |
nyāyārjitaṃ ca yo dadyādyauvane sa tadaśnute || 15 ||
[Analyze grammar]

anyāyenārjitaṃ dravyamapātre pratipāditam |
kliṣṭaṃ ca vidhihīnaṃ ca vṛddhabhāve tadaśnute || 16 ||
[Analyze grammar]

tasmāddeśe ca kāle ca supātre vidhinā naraḥ |
śubhārjitaṃ prayuñjīta śraddhayā śāṭhyavarjitaḥ || 17 ||
[Analyze grammar]

svādhyāyāḍhyaṃ yogavaṃtaṃ praśāṃtaṃ purāṇajñaṃ pāpabhīruṃ vadānyam |
strīṣu kṣāntaṃ dhārmikaṃ gośaraṇyaṃ vrataiḥ krāntaṃ tādṛśaṃ pātramāhuḥ || 18 ||
[Analyze grammar]

satyaṃ damastapaḥ śaucaṃ santoṣo'nairṣyamārjavam |
jñānaṃ śamo dayā dānametatpātrasya lakṣaṇam || 19 ||
[Analyze grammar]

evaṃvidhe tu yatpātre gāmekāṃ tu prayacchati |
samānavatsāṃ kapilāṃ dhenuṃ sarvaguṇānvitām || 20 ||
[Analyze grammar]

raupyapādāṃ svarṇaśṛṅgīṃ rudraloke mahīyate |
ekāṃ gāṃ daśagurdadyādgośatī ca tathā daśa || 21 ||
[Analyze grammar]

śataṃ sahasragurdadyātsarve samaphalāḥ smṛtāḥ |
suśīlā somasaṃpannā taruṇī ca payasvinī |
savatsā nyāyalabdhā ca pradeyā brāhmaṇāya gauḥ || 22 ||
[Analyze grammar]

vaṃdhyā sarogā hīnāṃgī duṣṭā vṛddhā mṛtaprajā |
anyāyalabdhā dūrasthā nedṛśī gāṃ pradāpayet || 23 ||
[Analyze grammar]

yo hīdṛśīṃ gāṃ dadāti devoddeśena mānavaḥ |
pratyutādhogatiṃ yāti kliśyate ca maheśvari || 24 ||
[Analyze grammar]

ruṣṭā kliṣṭā durbalā vyādhitā ca na dātavyā yā ca mūlyairadattaiḥ |
leśo viprebhyo yayā jāyate vai tasyā dātuścāphalāḥ sarvalokāḥ || 25 ||
[Analyze grammar]

atithaye praśāntāya sīdate cāhitāgnaye |
śrotriyāya tathaikāpi dattā bahuguṇā bhavet || 26 ||
[Analyze grammar]

gāṃ vikrīṇāti ceddevi brāhmaṇo jñānadurbalaḥ |
nāsau praśasyate pātraṃ brāhmaṇo naiva sa smṛtaḥ || 27 ||
[Analyze grammar]

bahubhyo na pradeyāni gaurgṛhaṃ śayanaṃ striyaḥ |
vibhaktā dakṣiṇā hyeṣā dātāraṃ nopatiṣṭhati || 28 ||
[Analyze grammar]

prāsādā yatra sauvarṇāḥ śayyā ravrojjvalāstathā |
varāścāpsaraso yatra tatra gacchaṃti gopradāḥ || 29 ||
[Analyze grammar]

nāsti bhūmisamaṃ dānaṃ nāsti gaṃgāsamā sarit |
nāsti satyātparo dharmo nānyo devo maheśvarāt || 30 ||
[Analyze grammar]

uccaiḥ pāṣāṇayuktā ca na samā naiva coṣarā |
na nadīkūlavikaṭā bhūmirdeyā kadācana || 31 ||
[Analyze grammar]

ṣaṣṭivarṣasahasrāṇi svarge vasati bhūmidaḥ |
ācchettā cānumaṃtā ca tānyeva narakaṃ vrajet || 32 ||
[Analyze grammar]

kurute puruṣaḥ pāpaṃ yatkiñcidvṛttikarśitaḥ |
api gocarmamātreṇa bhūmidānena śuddhyati || 33 ||
[Analyze grammar]

chatraṃ śayyāsanaṃ śaṃkho gajāśvāścāmarāḥ striyaḥ |
bhūmiścaiṣāṃ pradānasya śivalokaḥ phalaṃ smṛtam || 34 ||
[Analyze grammar]

āditye'hani saṃkrāṃtau grahaṇe candra sūryayoḥ |
pāraṇaiścaiva godāne nopoṣyaḥ pautravāngṛhī || 35 ||
[Analyze grammar]

indukṣaye tu saṃkrāntyāmekādaśyāṃ śate kṛte |
upavāsaṃ na kurvīta yadīcchetsaṃtatiṃ dhruvam || 36 ||
[Analyze grammar]

yathā śuklā tathā kṛṣṇā na viśeṣo'sti kaścana |
tathāpi vardhate dharmaḥ śuklāyāmeva sarvadā || 37 ||
[Analyze grammar]

daśamyekādaśīviddhā dvādaśī ca kṣayaṃ gatā |
naktaṃ tatra prakurvīta nopavāso vidhīyate || 38 ||
[Analyze grammar]

upoṣyaikādaśīṃ yastu trayodaśyāṃ tu pāraṇam |
karoti tasya naśyettu dvādaśa dadvādaśīphalam || 39 ||
[Analyze grammar]

upavāse tathā śrāddhe na khādeddantadhāvanam |
dantānāṃ kāṣṭhasaṃgācca hanti saptakulāni vai || 40 ||
[Analyze grammar]

darśaṃ ca paurṇamāsaṃ ca pituḥ sāṃvatsaraṃ dinam |
pūrvaviddhamakurvāṇo narakaṃ pratipadyate || 41 ||
[Analyze grammar]

hāniśca saṃtateḥ proktā daurbhāgyaṃ samavāpnuyāt |
dravyābhāvetha śrāddhasya vidhiṃ vakṣyāmi tattvataḥ || 42 ||
[Analyze grammar]

ekenāpi hi vipreṇa ṣaṭpiṇḍaṃ śrāddhamācaret |
ṣaḍarghyānpārayettatra tebhyo dadyādyathāvidhi || 43 ||
[Analyze grammar]

pitā bhuṃkte dvija kare mukhe bhuṃkte pitāmahaḥ |
prapitāmahastālusthaḥ kaṇṭhe mātāmahaḥ smṛtaḥ || 44 ||
[Analyze grammar]

pramātāmahastu hṛdaye vṛddho nābhau tu saṃsthitaḥ |
alābhe brāhmaṇasyaiva kuśaḥ kāryo dvijaḥ priye |
idaṃ sarvapurāṇebhyaḥ sāramuddhatya cocyate || 45 ||
[Analyze grammar]

na caitannāstike deyaṃ piśune vedanindake |
prātaḥprātaridaṃ śrāvyaṃ pūjayitvā maheśvaram || 46 ||
[Analyze grammar]

kulīnaṃ sarvaśāstrajñaṃ yathā devaṃ maheśvaram |
asya dharmasya vaktāraṃ chatraṃ dadyātprapūjayet || 47 ||
[Analyze grammar]

apūjyādvācakādyastu ślokamekaṃ śṛṇoti ca |
nāsau puṇyamavāpnoti śāstracauraḥ smṛto hi saḥ || 48 ||
[Analyze grammar]

tasmātsarvaprayatnena pūjayedvācakaṃ budhaḥ |
anyathā niṣphalaṃ tasya pustakaśravaṇaṃ bhavet || 49 ||
[Analyze grammar]

yasyaiva tiṣṭhate gehe śāstrametatsadurlabham |
tasya devi gṛhe tīrthaiḥ saha tiṣṭhecchivaḥ svayam || 50 ||
[Analyze grammar]

bahunātra kimuktena bhavenmokṣasya bhājanam |
na caitatpiśune deyaṃ nāstike daṃbhasaṃyute || 51 ||
[Analyze grammar]

idaṃ śāntāya dāntāya deyaṃ śaivadvijanmane || 52 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śrāddhakalpe dānapātrabrāhmaṇamāhātmyavarṇanaṃnāmāṣṭottaradviśatatamo 'dhyāyaḥ || 208 ||
[Analyze grammar]