Chapter 130

[English text for this chapter is available]

īśvara uvāca |
tato gacchenmahādevi devaṃ pāśupateśvaram |
ugraseneśvarāddevi pūrvabhāge vyavasthitam || 1 ||
[Analyze grammar]

gopādityāttathāgneyyāṃ dhruveśāddakṣiṇāṃ śritam |
sarvapāpaharaṃ devi pūrvabhāge vyavasthitam || 2 ||
[Analyze grammar]

gopādityāttathā liṃgaṃ darśanātsarvakāmadam |
asminyuge samākhyātaṃ saṃtoṣeśvarasaṃjñitam || 3 ||
[Analyze grammar]

saṃtuṣṭo bhagavānyasmātteṣāṃ tatra tapasvinām |
tena saṃtoṣanāmnā tu prakhyātaṃ dharaṇītale || 4 ||
[Analyze grammar]

yugaliṃgaṃ mahādevi siddhisthānaṃ mahāprabham |
sthānaṃ pāśupatānāṃ ca bheṣajaṃ pāparogiṇām || 5 ||
[Analyze grammar]

catvāro munayaḥ siddhāstasmiṃlliṃge yaśasvini |
vāmadevastu sāvarṇiraghoraḥ kapilastathā |
tasmiṃlliṃge tu saṃsiddhā anādīśe niraṃjane || 6 ||
[Analyze grammar]

tasya devasya sāmīpye vane śrīmukhasaṃjñitam |
lakṣmīsthānaṃ mahādevi siddhayogaistu sevitam || 7 ||
[Analyze grammar]

tatra pāśupatāḥ śreṣṭhā mama liṃgārcane ratāḥ |
teṣāṃ caiva nivāsārthaṃ taddevyā nirmitaṃ vanam || 8 ||
[Analyze grammar]

tasya madhye tu suśroṇi liṃgaṃ pūrvamukhaṃ sthitam |
tasminpāśupatāḥ siddhā aghorādyā maharṣayaḥ |
anenaiva śarīreṇa gatāste śivamandiram || 9 ||
[Analyze grammar]

tatra prābhāsike kṣetre surasiddhaniṣevite |
rocate me sadā vāsastasminnāyatane śubhe |
sarveṣāmeva sthānānāmatiramyamatipriyam || 10 ||
[Analyze grammar]

tatra pāśupatā devi mama dhyānaparāyaṇāḥ |
mama putrāstu te sarve brahmacaryeṇa saṃyutāḥ || 11 ||
[Analyze grammar]

dāntāḥ śāṃtā jitakrodhā brāhmaṇāste tapasvinaḥ |
talliṃgasya prabhāvena siddhiṃ te paramāṃ gatāḥ || 12 ||
[Analyze grammar]

tasmāttaṃ pūjayennityaṃ kṣetravāsī dvijottamaḥ || 13 ||
[Analyze grammar]

devyuvāca |
bhagavandevadeveśa saṃsārārṇavatāraka |
prabhāse tu mahākṣetre tvadīyavratacāriṇām || 14 ||
[Analyze grammar]

sthānaṃ teṣāṃ mahatpuṇyaṃ yogaṃ pāśupataṃ tathā |
kathayasva prasādena liṃgamāhātmyamuttamam || 15 ||
[Analyze grammar]

kimādināma devasya kathaṃ pūjyo narottamaiḥ |
kathaṃ pāśupatāstatra sadehāḥ svargamāgatāḥ || 16 ||
[Analyze grammar]

etatkathaya deveśa dayāṃ kṛtvā mama prabho || 17 ||
[Analyze grammar]

īśvara uvāca |
yastvayā pṛchyate bhadre yogaḥ pāśupato mahān |
teṣāṃ caiva prabhāvo yastathā liṃgasya suvrate || 18 ||
[Analyze grammar]

anādīśasya devasya ādināma mahāprabhe |
tasmiṃlliṃge tu ye devi madīyavratamāśritāḥ || 19 ||
[Analyze grammar]

ciraṃ niyogaṃ suśroṇi vrataṃ pāśupataṃ mahat |
dhārayaṃti yathoktaṃ tu mama vismayakārakam |
teṣāmanugrahārthāya mama cittaṃ pradhāvati || 20 ||
[Analyze grammar]

sūta uvāca |
harasya vacanaṃ śrutvā devī vismayamāgatā |
uvāca vacanaṃ viprāḥ sarvalokapatiṃ patim || 21 ||
[Analyze grammar]

mamāpi kautukaṃ deva kimakārṣīttato bhavān |
tadbrūhi me mahādeva yadyahaṃ tava vallabhā || 22 ||
[Analyze grammar]

tasyāstadvacanaṃ śrutvā mahādevo jagāda tām |
śṛṇu devi pravakṣyāmi mama bhaktaviceṣṭitam || 23 ||
[Analyze grammar]

dṛṣṭvā caiva taponiṣṭhāṃ teṣāmādyaḥ sureśvaraḥ |
uvāca vacanaṃ devaḥ praṇatānpārśvataḥ sthitān || 24 ||
[Analyze grammar]

īśvara uvāca |
gaccha śīghraṃ nandikeśa yatra te mama putrakāḥ |
caraṃti ca vrataṃ ghoraṃ madīyaṃ cātiduṣkaram || 25 ||
[Analyze grammar]

tatkṣetrasya prabhāvena bhaktyā ca mama nityaśaḥ |
tena te munayaḥ siddhāḥ svaśarīreṇa suvratāḥ || 26 ||
[Analyze grammar]

tasmānmadvacanānnandingaccha prābhāsikaṃ śubham |
āmantraya tvaṃ tānsarvānkailāsaṃ śīghramānaya || 27 ||
[Analyze grammar]

idaṃ padmaṃ gṛhāṇa tvaṃ sanālaṃ kalikojjvalam |
liṃgasya mūrdhni dattvedaṃ padmanālamihānaya || 28 ||
[Analyze grammar]

muktastadā sa vai nandī devadevena śaṃbhunā |
kailāsanilayāttasmātprabhāsaṃ kṣetramāgataḥ || 29 ||
[Analyze grammar]

dṛṣṭvā caiva punarliṅgaṃ devadevasya śūlinaḥ |
dṛṣṭvā tāṃścaiva yogīndrānparaṃ vismayamāgataḥ || 30 ||
[Analyze grammar]

keciddhyānaratāstatra kecidyogaṃ samāśritāḥ |
kecidvyākhyāṃ prakurvanti vicāramapi cāpare || 31 ||
[Analyze grammar]

kurvantyanye liṃgapūjāṃ praṇāmaṃ ca tathā'pare |
pradakṣiṇaṃ prakurvanti sāṣṭāṃgaṃ praṇamanti ca || 32 ||
[Analyze grammar]

kecitstutiṃ prakurvanti bhāvayajñaistathā pare |
kecitpūjāṃ ca kurvanti ahiṃsākusumaiḥ śubhaiḥ || 33 ||
[Analyze grammar]

bhasmasnānaṃ prakurvaṃti gaṇḍukaiḥ snāpayanti ca |
evaṃ vyākulatāṃ yātaṃ tapasvigaṇamaṇḍalam || 34 ||
[Analyze grammar]

tattādṛśamathālokya nandī vismayamāgataḥ |
cintayāmāsa manasā sarvaṃ teṣāṃ nirīkṣya ca || 35 ||
[Analyze grammar]

āgato'hamimaṃ deśaṃ na kaścinmāṃ nirīkṣate |
na kenacidahaṃ pṛṣṭo'bhyāgataḥ kutra kasya ca || 36 ||
[Analyze grammar]

ahaṃkārāvṛtāḥ sarve na vadanti ca māṃ kvacit |
evaṃ manasi saṃdhāya liṃgapārśvamupāgataḥ || 37 ||
[Analyze grammar]

dattaṃ liṃgasya tatpadmanālaṃ chittvā tu nandinā |
arcayitvā tu tannandī liṃgaṃ pāśupateśvaram |
nālaṃ gṛhītvā yatnena ṛṣīnvacanamabravīt || 38 ||
[Analyze grammar]

nandikeśvara uvāca |
śāsanāddevadevasya bhavatāṃ pārśvamāgataḥ |
ājñāpayati deveśastapasvigaṇamaṇḍalam || 39 ||
[Analyze grammar]

yuṣmābhistatra gantavyaṃ yatra devaḥ sanātanaḥ |
yuṣmānsarvānsamādāya gamiṣyāmi bhavālayam || 40 ||
[Analyze grammar]

uttiṣṭhatāśu gacchāmaḥ kailāsaṃ parvatottamam |
tūṣṇīṃbhūtāstataḥ sarve procuste saṃjñayā dvijāḥ |
gamyatāmagrato nandinpaścādeṣyāmahe vayam || 41 ||
[Analyze grammar]

evamuktastu munibhirnandī śīghrataraṃ gataḥ |
kathayāmāsa tatsarvaṃ kupitenāntarātmanā || 42 ||
[Analyze grammar]

nandikeśvara uvāca |
deva tatra gato'haṃ vai yatra te yoginaḥ sthitāḥ |
santoṣito na caivāhaṃ kenacittatra saṃsthitaḥ || 43 ||
[Analyze grammar]

na māṃ deva nirīkṣante nālapaṃti kathaṃcana |
padmaṃ tatra mayā deva sthāpitaṃ liṃga mūrdhani || 44 ||
[Analyze grammar]

uktaṃ deva mayā teṣāṃ yogīndrāṇāṃ maheśvara |
ājñaptā devadevena ihāgacchata mā ciram || 45 ||
[Analyze grammar]

etacchrutvā vacaḥ svāminsarve tatra maharṣayaḥ |
āgamiṣyāma iti vai pṛṣṭhato gaccha mā ciram || 46 ||
[Analyze grammar]

ityukte taistathā deva ahaṃ śīghramihāgataḥ |
śṛṇu cemaṃ gṛhāṇa tvaṃ yatheṣṭaṃ kuru me prabho || 47 ||
[Analyze grammar]

ekaṃ me saṃśayaṃ deva cchettumarhasi sāṃpratam |
mayā vinā mahādeva āgamiṣyaṃti te katham |
saṃśayo me mahādeva kathayasva maheśvara || 48 ||
[Analyze grammar]

īśvara uvāca |
śṛṇu naṃdinyathāścaryaṃ teṣāṃ vai bhāvitātmanām |
na dṛśyanta ime siddhā māṃ muktvā'nyaiḥ surairapi || 49 ||
[Analyze grammar]

madbhāvabhāvitāste vai yogaṃ viṃdaṃti śāṃkaram |
paśyaitatkautukaṃ naṃdindarśayāmi tavādhunā || 50 ||
[Analyze grammar]

ānītaṃ yattvayā nālaṃ tasminnāle tu sūkṣmavat |
praviśya cāgatāḥ sarve yogaiśvaryabalena ca || 51 ||
[Analyze grammar]

evamuktastadā naṃdī vismayotphullalocanaḥ |
apaśyannālamadhyasthānmaharṣīnparamāṇuvat || 52 ||
[Analyze grammar]

yathārkaraśmimadhyasthā dṛśyante paramāṇavaḥ |
evaṃ tannālamadhyasthā dṛśyaṃta ṛṣayaḥ pṛthak || 53 ||
[Analyze grammar]

evaṃ dṛṣṭvā tadā naṃdī vismayotphullalocanaḥ |
āścaryaṃ paramaṃ gatvā kiñcinnevābravītpunaḥ || 54 ||
[Analyze grammar]

evaṃ tatkautukaṃ dṛṣṭvā devī vacanamabravīt |
kiṃ dṛśyate mahādeva hṛṣṭaḥ kasmānmaheśvara || 55 ||
[Analyze grammar]

ityukte vacane devyā provācedaṃ maheśvaraḥ || 56 ||
[Analyze grammar]

īśvara uvāca |
yogayuktā mahātmāno yoge pāśupate sthitāḥ |
ete māṃ ca samārādhya prabhāsakṣetravāsinam |
īdṛśīṃ siddhimāpannāḥ svacchaṃdagaticāriṇaḥ || 57 ||
[Analyze grammar]

ityuktavati deveśa ṛṣayaste mahāprabhāḥ |
padmanālādviniḥsṛtya sarve vai yogamāyayā |
pradakṣiṇāṃ prakurvaṃti devaṃ devyā bahiṣkṛtam || 58 ||
[Analyze grammar]

devyuvāca |
kimarthaṃ māṃ na paśyaṃti durācārā ime dvijāḥ |
vismayo'yaṃ mahādeva kathayasva prasādataḥ || 59 ||
[Analyze grammar]

īśvara uvāca |
prakṛtitvānna paśyaṃti siddhā hyete mahātapāḥ |
evamuktā tu girijā devedevena śūlinā || 60 ||
[Analyze grammar]

cukopa teṣāṃ suśroṇī śaśāpa krodhitānanā |
strīlaulyena durācārā nāśameṣyatha garviṇaḥ || 61 ||
[Analyze grammar]

rājapratigrahāsaktā vṛttyā devārcane ratāḥ |
bhaviṣyatha kalau prāpte liṃgadravyopajīvinaḥ || 62 ||
[Analyze grammar]

veśyāsaktāśca saṃbhrāṃtā sarvalokabahiṣkṛtāḥ |
devadravyavināśāya bhaviṣyatha kalau yuge || 63 ||
[Analyze grammar]

iti datte tadā śāpa ṛṣīṇāṃ ca mahātmanām |
gaurīṃ prasādayāmāsuste ca sarve sureśvarāḥ || 64 ||
[Analyze grammar]

devadevasya vacanātprasannā sā'bhavatpunaḥ |
nālaṃ devo'pi saṃgṛhya dakṣiṇāśāṃ samākṣipat || 65 ||
[Analyze grammar]

patitaṃ tacca vai nālaṃ prabhāsakṣetramadhyataḥ |
tadeva liṃgaṃ saṃjātaṃ mahānāleti viśrutam || 66 ||
[Analyze grammar]

kalau yuge ca saṃprāpte taddhruveśvarasaṃjñitam |
saṃsthitaṃ cottareśāne tasmātpāśupateśvarāt || 67 ||
[Analyze grammar]

purā'nādīśanāmeti paścātpāśupateśvaraḥ |
prabhāse tu mahākṣetre sthitaḥ pātakanāśanaḥ || 68 ||
[Analyze grammar]

idaṃ sthānaṃ paraṃ śreṣṭhaṃ mama vrataniṣevaṇam |
idaṃ liṃgaṃ paraṃ brahma anādīśeti saṃjñitam || 69 ||
[Analyze grammar]

atra siddhiśca muktiśca brāhmaṇānāṃ na saṃśayaḥ |
anenaiva śarīreṇa ṣaḍbhirmāsastu siddhyati || 70 ||
[Analyze grammar]

saṃsārasya vimokṣārthamidaṃ liṃgaṃ tu dṛśyatām |
durlabhaṃ sarvalokānāmidaṃ mokṣapradaṃ param |
idaṃ pāśupataṃ jñānamasmiṃlliṃge pratiṣṭhitam || 71 ||
[Analyze grammar]

yaścainaṃ pūjayedbhaktyā māghe māsi niraṃtaram |
sarveṣāṃ vai kratūnāṃ ca dānānāṃ labhate phalam || 72 ||
[Analyze grammar]

hiraṇyaṃ tatra dātavyaṃ samyagyātrāphalepsubhiḥ || 73 ||
[Analyze grammar]

ityetatkathitaṃ devi māhātmyaṃ pāpanāśanam |
paśupāśavimokṣārthaṃ samyakpāśupateśvaram || 74 ||
[Analyze grammar]

caturṇāmapi varṇānāṃ pūjyo brāhmaṇa ucyate |
tasya caivādhikāro'sti cāsminpāśupateśvare || 75 ||
[Analyze grammar]

yaddevatānāṃ prathamaṃ pavitraṃ viśvavrataṃ pāśupataṃ babhūva |
ayaṃ panthā naiṣṭhiko vai mayokto yena devā yāṃti bhuvanāni viśvā || 76 ||
[Analyze grammar]

surāṃ pītvā gurudārāṃśca gatvā steyaṃ kṛtvā brāhmaṇaṃ cāpi hatvā |
bhasmacchanno bhasmaśayyāśayāno rudrādhyāyī mucyate pātakebhyaḥ || 77 ||
[Analyze grammar]

agnirityādinā bhasma gṛhītvāṃgāni saṃspṛśet |
gṛhṇīyātsaṃyate cāgnau bhasma tadgṛhavāsinām || 78 ||
[Analyze grammar]

agniriti bhasma vāyuriti bhasma jalamiti bhasma sthalamiti bhasma sarvaṃ ha vā idaṃ bhasmābhavat |
etāni cakṣūṃṣi nādīkṣitaḥ saṃspṛśet || 79 ||
[Analyze grammar]

brāhmaṇaiśca samādeyaṃ na tu śūdraiḥ kadācana |
nādhikāro'sti śūdrasya vrate pāśupate sadā || 80 ||
[Analyze grammar]

brāhmaṇeṣvadhikāro'sti vrate pāśupate śubhe |
brāhmaṇīṃ tanumāsthāya saṃbhavāmi yugeyuge || 81 ||
[Analyze grammar]

caṇḍālaveśmanyatha vā smaśāne rājñaśca mārgeśvatha vartmamadhye |
karīṣamadhye niḥsṛtā narādhamāḥ śaivaṃ padaṃ yāṃti na saṃśayo'tra || 82 ||
[Analyze grammar]

iti śrīskāṃde mahāpurāṇa ekāśī tisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye pāśupateśvaramāhātmyavarṇanaṃnāma triṃśaduttaraśatatamodhyāyaḥ || 130 ||
[Analyze grammar]