Chapter 131

[English text for this chapter is available]

śrīdevyuvāca |
yadetadbhavatā proktaṃ nāleśvaramiti śrutam |
dhruveśvareti talliṃgaṃ kathaṃ vai saṃbabhūva ha || 1 ||
[Analyze grammar]

īśvara uvāca |
śṛṇu devi pravakṣyāmi dhruveśvaramahodayam |
yacchrutvā mānavo devi mucyate bhavabaṃdhanāt || 2 ||
[Analyze grammar]

uttānapādanṛpateḥ putro'bhūddhruvasaṃjñitaḥ |
mahātmā jñānasaṃpannaḥ sarvajñaḥ priyadarśanaḥ || 3 ||
[Analyze grammar]

sa kadācitsamāsādya prabhāsaṃ kṣetramuttamam |
tatāpa vipulaṃ devi tapaḥ paramadāruṇam || 4 ||
[Analyze grammar]

divyaṃ varṣasahasraṃ tu pratiṣṭhāpya maheśvaram |
saṃpūjayati sadbhaktyā stauti stotraiḥ pṛthagvidhaiḥ || 5 ||
[Analyze grammar]

tatstotraṃ te pravakṣyāmi yenāhaṃ tuṣṭimāgataḥ || 6 ||
[Analyze grammar]

dhruva uvāca |
kailāsatuṃgaśikharaṃ pravikampyamānaṃ kailāsaśṛṃgasadṛśena daśānanena |
yaḥ pādapadmaparipīḍanayā dadhāra taṃ śaṃkaraṃ śaraṇadaṃ śaraṇaṃ vrajāmi || 7 ||
[Analyze grammar]

yenāsurāścāpi danośca putrā vidyādharoragagaṇaiśca vṛtāḥ samagrāḥ |
saṃyojitā na tu phalaṃ phalamūlamuktāstaṃ śaṃkaraṃ śaraṇadaṃ śaraṇaṃ vrajāmi || 8 ||
[Analyze grammar]

yasyākhilaṃ jagadidaṃ vaśavarti nityaṃ yo'ṣṭābhireva tanubhirbhuvanāni bhuṃkte |
yatkāraṇaṃ paramakāraṇakāraṇānāṃ taṃ śaṃkaraṃ śaraṇadaṃ śaraṇaṃ vrajāmi || 9 ||
[Analyze grammar]

yaḥ savyapāṇikamalāgranakhena devastatpaṃcamaṃ ca sahasaiva purātiruṣṭaḥ |
brāhmaṃ śirastaruṇapadmanibhaṃ cakarta taṃ śaṃkaraṃ śaraṇadaṃ śaraṇaṃ vrajāmi || 10 ||
[Analyze grammar]

yasya praṇamya caraṇau varadasya bhaktyā śrutvā ca vāgbhiramalābhirataṃdritābhiḥ |
dīptastamāṃsi nudati svakarairvivasvāṃstaṃ śaṃkaraṃ śaraṇadaṃ śaraṇaṃ vrajāmi || 11 ||
[Analyze grammar]

yaḥ paṭhetstavamidaṃ rucirārthaṃ mānavo dhruvakṛtaṃ niyatātmā |
viprasaṃsadi sadā śucisiddhaḥ sa prayāti śivalokamanādim || 12 ||
[Analyze grammar]

tasyaivaṃ stuvato devi tuṣṭo'haṃ bhāvitātmanaḥ |
pūrṇe varṣasahasrāṃte dhruvasyāha mahātmanaḥ || 13 ||
[Analyze grammar]

putra tuṣṭo'smi bhadraṃ te jātastvaṃ nirmalo'dhunā |
divyaṃ dadāmi te cakṣuḥ paśya māṃ vigatajvaraḥ || 14 ||
[Analyze grammar]

yacca te manasā kiñcitkāṃkṣitaṃ phalamuttamam |
tatsarvaṃ te pradāsyāmi brūhi śīghraṃ mamāgrataḥ || 15 ||
[Analyze grammar]

brāhmyaṃ vā vaiṣṇavaṃ śākraṃ padamanyatsudurlabham |
dadāmi nātra saṃdeho bhaktyā saṃprīṇitastava || 16 ||
[Analyze grammar]

dhruva uvāca |
brāhmyaṃ vaiṣṇavaṃ māhendraṃ padamāvṛttilakṣaṇam |
viditaṃ mama tatsarvaṃ manasā'pi na kāmaye || 17 ||
[Analyze grammar]

yadi tuṣṭo'si me deva bhaktiṃ dehi sunirmalām |
asmiṃlliṃge sadā vāsaṃ kuru deva vṛṣadhvaja || 18 ||
[Analyze grammar]

īśvara uvāca |
iti yatprārthitaṃ sarvaṃ taddattaṃ sarvameva hi |
sthānaṃ ca tasya taddhrauvyaṃ tadviṣṇoḥ paramaṃ padam || 19 ||
[Analyze grammar]

śrāvaṇasya tvamāvāsyāṃ yastalliṃgaṃ prapūjayet |
āśvayukpaurṇamāsyāṃ vā so'śvamedhaphalaṃ labhet || 20 ||
[Analyze grammar]

aputro labhate putraṃ dhanārthī labhate dhanam |
rūpavānsubhago bhogī sarvaśāstraviśāradaḥ |
haṃsayuktavimānena rudraloke mahīyate || 21 ||
[Analyze grammar]

asurasuragaṇānāṃ pūjitasya dhruvasya kathayati kamanīyāṃ kīrtimetāṃ śṛṇoti |
sakalasukhanidhānarudralokaṃ suśāṃtaḥ suragaṇadanunāthairarcitaṃ yātyanaṃtam || 22 ||
[Analyze grammar]

iti śrīskāṃde mahāpurāṇa ekā śītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye dhruveśvaramāhātmyavarṇanaṃnāmaikatriṃśaduttaraśatatamo 'dhyāyaḥ || 131 ||
[Analyze grammar]