Chapter 129

[English text for this chapter is available]

īśvara uvāca |
tato gacchenmahādevi akṣamāleśvaraṃ param |
sāgarārkādīśakoṇe paṃcāśaddhanuṣāntare || 1 ||
[Analyze grammar]

saṃsthitaṃ pāpaśamanaṃ yugaliṃgaṃ mahāprabham |
akṣamāleśvaraṃnāma purā tasya prakīrtitam |
ugraseneśvaraṃ nāma khyātaṃ tasyaiva sāmpratam || 2 ||
[Analyze grammar]

devyuvāca |
akṣamāleśvaraṃ nāma yatpūrvaṃ samudāhṛtam |
kathaṃ tadabhavaddeva kathayasva prasādataḥ || 3 ||
[Analyze grammar]

īśvara uvāca |
āsītpurā mahādevi satī cādha mayonijā |
akṣamāleti vai nāmnā satīdharmaparāyaṇā || 4 ||
[Analyze grammar]

kadācitsamanuprāpte durbhikṣe kālaparyayāt |
ṛṣayaśca mahādevi kṣudhākrāntā vicetasaḥ || 5 ||
[Analyze grammar]

sarve cānnaṃ parīpsaṃto gatāścaṇḍālaveśmani |
jñātvānnasaṃgrahaṃ tasya prārthayāñcakrurantyajam || 6 ||
[Analyze grammar]

bhobho'ntyaja mahābuddhe rakṣāsmānannadānataḥ |
prāṇasaṃdehamāpannānkṛśāṃgānkṣutprapīḍitān || 7 ||
[Analyze grammar]

aho dhanyo'si pūjyo'si na tvamantyaja ucyase |
yadasminpralaye yāte sthitaṃ dhānyaṃ gṛhe tava || 8 ||
[Analyze grammar]

anāvṛṣṭihate deśe sasye ca pralayaṃ gate |
ekaṃ yo bhojayedvipraṃ koṭirbhavati bhojitā || 9 ||
[Analyze grammar]

antyaja uvāca |
aho āścaryamatulaṃ yadetaddṛśyate'dhunā |
yadetanmadgṛhaṃ prāptā ṛṣayaścānnakāṃkṣiṇaḥ || 10 ||
[Analyze grammar]

śūdrānnamapi nādeyaṃ brāhmaṇaiḥ kimutāntyajāt || 11 ||
[Analyze grammar]

āmaṃ vā yadi vā pakvaṃ śūdrānnaṃ yastu bhakṣati |
sa bhavecchūkaro grāmyastasya vā jāyate kule || 12 ||
[Analyze grammar]

amṛtaṃ bāhmaṇasyānnaṃ kṣatriyānnaṃ payaḥ smṛtam |
vaiśyānnamannamityāhuḥ śūdrānnaṃ rudhiraṃ smṛtam || 13 ||
[Analyze grammar]

śūdrānnaṃ śūdrasaṃparkaṃ śūdreṇa ca sahāsanam |
śūdrādannāgamaścaiva jvalaṃtamapi pātayet || 14 ||
[Analyze grammar]

agnihotrī tu yo vipraḥ śūdrānnānna nivartate |
ete tasya praṇaśyaṃti ātmā brahma trayo'gnayaḥ || 15 ||
[Analyze grammar]

śūdrānnenodarasthena brāhmaṇo mriyate yadi |
ṣaṇmāsābhyantare vipraḥ piśācaḥ so'bhijāyate || 16 ||
[Analyze grammar]

śūdrānnena dvijo yastu agnihotraṃ juhoti ca |
caṇḍālo jāyate pretya śūdrāccaiveha daivataḥ || 17 ||
[Analyze grammar]

yastu bhuñjati śūdrānnaṃ māsamekaṃ nirantaram |
iha janmani śūdratvaṃ mṛtaḥ śūdro'bhijāyate || 18 ||
[Analyze grammar]

rājānnaṃ teja ādatte śūdrānnaṃ brahmavarcasam |
āyuḥ suvarṇakārānnaṃ yaśaścarmāvakartinaḥ || 19 ||
[Analyze grammar]

kārukānnaṃ prajā hanti balaṃ nirṇejakasya ca |
gaṇānnaṃ gaṇikānnaṃ ca lokebhyaḥ parikṛntati || 20 ||
[Analyze grammar]

pūyaṃ cikitsakasyānnaṃ puṃścalyāścānnamindriyam |
viṣṭhā vārdhuṣikasyānnaṃ śastravikrayiṇo malam || 21 ||
[Analyze grammar]

sahasrakṛtvastveteṣāmanne yadbhakṣite bhavet |
tadekavāraṃ bhuktena kanyāvikrayiṇo bhavet || 22 ||
[Analyze grammar]

sahasrakṛtvastasyaiva bhukte'nne yatphalaṃ bhavet |
tadantyajānāmannena sakṛdbhuktena vai bhavet || 23 ||
[Analyze grammar]

tatkathaṃ mama viprendrāścaṃḍālasyādhamātmanaḥ |
dharmamevaṃ vijānanto nūnamannaṃ jihīrṣatha || 24 ||
[Analyze grammar]

ṛṣaya ūcuḥ |
jīvitātyayamāpanno yo'nnamādriyate tataḥ |
ākāśa iva paṃkena na sa pāpena lipyate || 25 ||
[Analyze grammar]

ajīgartaḥ sutaṃ haṃtumupasarpanbubhukṣitaḥ |
na cālipyata pāpena kṣutpratīghātamācaran || 26 ||
[Analyze grammar]

bhāradvājaḥ kṣudhārtastu saputro vijane vane |
bahvīrgā upajagrāha bṛhajjyotirmahāmanāḥ || 27 ||
[Analyze grammar]

kṣudhārto gītamabhyāgādviśvāmitraḥ śvajāghanīm |
caṇḍālahastādādāya dharmādharmavicakṣaṇaḥ || 28 ||
[Analyze grammar]

śvamāṃsamicchannartau tu dharmānna cyayate sma saḥ |
prāṇānāṃ parirakṣārthaṃ vāmadevo na liptavān || 29 ||
[Analyze grammar]

evaṃ jñātvā dharmabuddhe sāṃprataṃ mā vicāraya |
dadasvānnaṃ dadasvānnamasmākamiha yācatām || 30 ||
[Analyze grammar]

caṃḍāla uvāca |
yadyevaṃ bhavatāṃ kāryamidamaṃgīkṛtaṃ dhuvam |
tadiyaṃ matsutā kanyā bhavadbhiḥ parigṛhyatām || 31 ||
[Analyze grammar]

bhavatāṃ yograṇīrjyeṣṭhaḥ sa cemāmudvaheddhruvam |
dāsye varṣāśanaṃ paścādīpsitaṃ bhavatāṃ dvijāḥ || 32 ||
[Analyze grammar]

īśvara uvāca |
ityuktā ṛṣayo devi lajjayā'natakandharāḥ |
pratyālocya yathānyāyaṃ vasiṣṭhaṃ samanūdvahan || 33 ||
[Analyze grammar]

vasiṣṭho'pi samākhyāya āpaddharmaṃ mahāmanāḥ |
kālasyānantaraprekṣī prodvavāhā'ntyajāṅganām |
akṣamāleti vai nāmnīṃ prasiddhā bhuvanatraye || 34 ||
[Analyze grammar]

yadā svakīyatejobhirarkabiṃbamarundhata |
aruṃdhatī tadā jātā devadānava vaṃditā || 35 ||
[Analyze grammar]

yādṛśena tu bhartrā strī saṃyujyeta yathāvidhi |
sā tādṛgeva bhavati samudreṇeva nimnagā || 36 ||
[Analyze grammar]

akṣamālā vasiṣṭhena saṃyuktā'dhama yonijā |
śārṅgīva mandapālena jagāma hyarhaṇīyatām || 37 ||
[Analyze grammar]

evaṃ kālakrameṇaiva prabhāsaṃ kṣetramāgatāḥ |
saptarṣayo mahātmāno hyaruṃdhatyā samanvitāḥ || 38 ||
[Analyze grammar]

tīrthāni preṣayāmāsuḥ sarvasiddhipradāni tām || 39 ||
[Analyze grammar]

eṣāmanveṣamāṇānāṃ tava devī hyaruṃdhatī |
apaśyalliṃgamekaṃ tu vṛkṣajālāṃtare sthitam || 40 ||
[Analyze grammar]

taṃ dṛṣṭvā devadeveśamevaṃ jātismarā'bhavat |
pūrvasmiñjanmani mayā rajobhāvāṃtarasthayā || 41 ||
[Analyze grammar]

ajñānabhāvāddeveśo nūnaṃ cātrārcitaḥ |śivaḥ |
tasmātkarmaphalaṃ prāptamantyajatvaṃ dvijanmanā || 42 ||
[Analyze grammar]

kastena sadṛśo devaḥ śaṃbhunā bhuvanatraye |
rājyaṃ niyamināmevaṃ yo ruṣṭo'pi prayacchati || 43 ||
[Analyze grammar]

iti saṃciṃtya manasā tatraiva niratā'bhavat |
pūjayāmāsa talliṃgaṃ divyābdānāṃ śataṃ priye || 44 ||
[Analyze grammar]

evaṃ tasya prabhāvena dṛśyate gaganāṃtare |
aruṃdhatī satī hyeṣā dṛṣṭā duṣkṛtanāśinī || 45 ||
[Analyze grammar]

akṣamāleśvarastvevaṃ yathāvatkathitastava |
tatastu dvāparasyānte kalau saṃdhyāṃśake gate || 46 ||
[Analyze grammar]

aṃdhāsurasutaścāsīdugrasena iti śrutaḥ |
sa prabhāsaṃ samāsādya putrārthaṃ liṃgameyivān || 47 ||
[Analyze grammar]

akṣamāleśvaraṃ nāma jñātvā māhātmyamadbhutam |
samārādhya mahādevaṃ nava varṣāṇi paṃca ca |
saṃprāptavāṃstadā putraṃ kaṃsāsuramiti śrutam || 48 ||
[Analyze grammar]

tatkālāntaramārabhya ugraseneśvaro'bhavat |
pāpaghnaṃ sarvajaṃtūnāṃ darśanātsparśanādapi || 49 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
mahānti pātakānyāhurnaśyaṃti tasya darśanāt || 50 ||
[Analyze grammar]

tatraiva ṛṣipañcamyāṃ prāpte bhādrapade śubhe |
akṣamāleśvaraṃ pūjya mucyate nārakādbhayāt || 51 ||
[Analyze grammar]

gopradānaṃ praśaṃsaṃti tatrānnamudakaṃ tathā |
sarvapāpavināśāya pretyānaṃtasukhāya ca || 52 ||
[Analyze grammar]

iti te kathitaṃ devi hyakṣamāleśvarodbhavam |
māhātmyaṃ pāpaśamanaṃ śrutaṃ duḥkhanibarhaṇam || 53 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ugraseneśvaramāhātmyavarṇanaṃnāmaikonatriṃśaduttaraśatatamo'dhyāyaḥ || 129 ||
[Analyze grammar]