Chapter 105

[English text for this chapter is available]

īśvara uvāca |
athānyatsaṃpravakṣyāmi rahasyaṃ sthānamuttamam |
sarvapāpaharaṃ nṛṇāṃ vistarātkatha yāmi te || 1 ||
[Analyze grammar]

pradhānadevamāhātmyaṃ māhātmyaṃ kalpavāsinām |
someśo daityahaṃtā ca vālarūpī pitāmahaḥ || 2 ||
[Analyze grammar]

arkasthalastathādityaḥ prabhāsaḥ śaśibhūṣaṇaḥ |
ete ṣaṭpravarā devāḥ kṣetre prābhāsike sthitāḥ || 3 ||
[Analyze grammar]

teṣāṃ darśanamātreṇa kṛtakṛtyaḥ prajāyate |
mucyate pātakairghorairājanmajanitairdhru vam || 4 ||
[Analyze grammar]

devyuvāca |
pūrveṣāmuktadevānāṃ māhātmyaṃ kathitaṃ tvayā |
prabhāse bālarūpīti yatproktaṃ tatkathaṃ vacaḥ || 5 ||
[Analyze grammar]

anyeṣu sarva sthāneṣu vṛddharūpī pitāmahaḥ |
kathaṃ ca samanuprāpto māhātmyaṃ tasya kiṃ smṛtam || 6 ||
[Analyze grammar]

kathaṃ sa pūjyo deveśa yātrā kāryā kathaṃ nṛbhiḥ |
etadvistarato brūhi prasanno yadi me prabho || 7 ||
[Analyze grammar]

īśvara uvāca |
śṛṇu devi pravakṣyāmi māhātmyaṃ brahmasambhavam |
yasya śravaṇamātreṇa mucyate sarvapātakaiḥ || 8 ||
[Analyze grammar]

nāsti brahmasamo devo nāsti brahmasamo guruḥ |
nāsti brahmasamaṃ jñānaṃ nāsti brahmasamaṃ tapaḥ || 9 ||
[Analyze grammar]

tāvaddhamaṃti saṃsāre duḥkha śokabhayaplutāḥ |
na bhavaṃti surajyeṣṭhe yāvadbhaktāḥ pitāmahe || 10 ||
[Analyze grammar]

samāsaktaṃ yathā cittaṃ jantorviṣayagocare |
yadyevaṃ brahmaṇi nyastaṃ ko na mucyeta baṃdhanāt || 11 ||
[Analyze grammar]

devyuvāca |
evaṃ māhātmyasaṃyukto yadi brahmā jagadguruḥ |
prābhāsike mahātīrthe kasminsthāne tu saṃsthitaḥ || 12 ||
[Analyze grammar]

kimarthamāgatastatra kasminkāle surottamaḥ |
kathaṃ sa pūjyo vipreṃdraistithau kasyāṃ kramādvada || 13 ||
[Analyze grammar]

īśvara uvāca |
somanāthasya aiśānyāṃ sāṃbādityāgnigocare |
brahmaṇaḥ paramaṃ sthānaṃ brahmaloka ivāparaḥ || 14 ||
[Analyze grammar]

tiṣṭhate kalpasaṃsthā vai tatra kalpāṃtavāsinaḥ |
tatra sthāne sthito devi bālarūpī pitāmahaḥ || 15 ||
[Analyze grammar]

jagatprabhurlokakartā sattvamūrtirmahāprabhaḥ |
āgataścāṣṭavarṣastu kṣetre prābhāsike śubhe || 16 ||
[Analyze grammar]

tatrā'karottapo ghoraṃ divyābdānāṃ sahasrakam |
saṃsthāpya tu mahāliṃgaṃ sisṛkṣurvividhāḥ prajāḥ || 17 ||
[Analyze grammar]

tataḥ kālāṃtaretīte somena prārthito vibhuḥ |
kṣayarogavimuktena samyakchraddhānvitena vai || 18 ||
[Analyze grammar]

liṃgapratiṣṭhāhetorvai kṣetre prābhāsike śubhe |
koṭibrahmarṣibhiḥ sārddhaṃ sahito viśvakarmaṇā |
kārayāmāsa vidhivatpratiṣṭhāṃ liṃgamuttamam || 19 ||
[Analyze grammar]

pratiṣṭhāpya tato liṃgaṃ somanāthaṃ varānane |
dāpayāmāsa viprebhyo bhūriśo yajñadakṣiṇām || 20 ||
[Analyze grammar]

evaṃ pratiṣṭhitaṃ liṃgaṃ brahmaṇā lokakartṛṇā |
varṣāṇi cātra jātāni prabhāse bālarūpiṇaḥ || 21 ||
[Analyze grammar]

catvāriṃśadvayaṃ caiva kṣetramadhyanivāsinaḥ |
evaṃ parārddhamagamatprabhāsakṣetravāsinaḥ || 22 ||
[Analyze grammar]

devyuvāca |
brahmaṇo dinamānaṃ tu māsavarṣasahasrakam |
tatsarvaṃ vistarādbrūhi yathāyurbrahmaṇaḥ smṛta m || 23 ||
[Analyze grammar]

īśvara uvāca |
paramāyuḥ smṛto brahmā parārddhaṃ tasya vai gatam |
prabhāsakṣetrasaṃsthasya dvitīyaṃ bhavate'dhunā || 24 ||
[Analyze grammar]

yadā prābhāsike kṣetre brahmā lokapitāmahaḥ |
āgataścāṣṭavarṣastu bālarūpī tadocyate || 25 ||
[Analyze grammar]

anyeṣu sarvatīrtheṣu vṛddharūpī pitāmahaḥ |
muktvā prābhāsikaṃ kṣetraṃ sadaiva vibudhapriye || 26 ||
[Analyze grammar]

brahmāṃḍe yāni tīrthāni brahmāṇasteṣu ye smṛtāḥ |
teṣāmādyo mahātejāḥ prabhāse yo vyavasthitaḥ || 27 ||
[Analyze grammar]

kalpekalpe tu nāmāni śṛṇu tvaṃ tāni vai priye |
svayaṃbhūḥ prathame kalpe dvitīye padmabhūḥ sthitaḥ || 28 ||
[Analyze grammar]

tṛtīye viśvakarteti bālarūpī caturthake |
etāni mukhyanāmāni kathitāni svayaṃbhuvaḥ || 29 ||
[Analyze grammar]

nityaṃ saṃsmarate yastu sa dīrghāyurnaro bhavet || 30 ||
[Analyze grammar]

candrasūryagrahāḥ sarve sadevāsuramānuṣāḥ |
trailokyaṃ naśyate sarvaṃ brahmarātri samāgame || 31 ||
[Analyze grammar]

punardine tu saṃjāte prabuddhaḥ sanpitāmahaḥ |
tathā sṛṣṭiṃ prakurute yathāpūrvamabhūtpriye || 32 ||
[Analyze grammar]

dinamānaṃ pravakṣyāmi brahmaṇo lokakartṛṇaḥ |
netrabhāgāccaturbhāgastruṭiḥ kālo nigadyate || 33 ||
[Analyze grammar]

tasmācca dviguṇaṃ jñeyaṃ nimiṣāṃtaṃ varānane |
nimiṣaiḥ pañcadaśabhiḥ kāṣṭhā ityucyate budhaiḥ |
triṃśadbhiścaiva kāṣṭhābhiḥ kalā proktā manīṣibhiḥ || 34 ||
[Analyze grammar]

triṃśatkalo muhūrtaḥ syāddinaṃ paṃcadaśaistu taiḥ |
dinamānā niśā jñeyā ahorātraṃ tayorbhavet || 35 ||
[Analyze grammar]

taiḥ paṃcadaśabhiḥ pakṣaḥ pakṣābhyāṃ māsa ucyate |
māsaiścaivāyanaṃ ṣaṅbhirabdaṃ syādayanadvayāt || 36 ||
[Analyze grammar]

catvāriṃśaddhi lakṣāṇi lakṣāṇāṃ tritayaṃ punaḥ |
viṃśatiśca sahasrāṇi jñeyaṃ sauraṃ caturyugam || 37 ||
[Analyze grammar]

caturyugaikasaptatyā manvaṃtaramudāhṛtam |
aindrametadbhavedāyuḥ samāsāttava kīrtitam || 38 ||
[Analyze grammar]

svāyaṃbhuvo manuḥ pūrvaṃ manuḥ svārociṣastataḥ |
auttamastāmasaścaiva raivataścākṣuṣastataḥ || 39 ||
[Analyze grammar]

vaivasvato'rkasāvarṇirbrahmasā varṇireva ca |
dharmasāvarṇināmā ca raucyo bhūtyastathaiva ca || 40 ||
[Analyze grammar]

caturdaśaite manavaḥ saṃkhyātāste yathākramam |
bhūtānbhaviṣyāniṃdrāṃśca sarvā nvakṣye tava kramāt || 41 ||
[Analyze grammar]

viśvabhukca vipaścicca sukīrtiḥ śibireva ca |
vibhurmanobhuvaścaiva tathaujasvī balirbalī || 42 ||
[Analyze grammar]

adbhutaśca tathā śāṃtī ramyo devavaro vṛṣā |
ṛtadhāmā divaḥsvāmī śuciḥ śakrāścaturdaśa || 43 ||
[Analyze grammar]

ete sarve vinaśyaṃti brahmaṇo divase priye |
rātristu tāvatī jñeyā kalpamānamidaṃ smṛtam || 44 ||
[Analyze grammar]

prathamaṃ śvetakalpastu dvitīyo nīlalohitaḥ |
vāmadevastṛtīyastu tato rāthaṃtaro'paraḥ || 45 ||
[Analyze grammar]

rauravaḥ paṃcamaḥ proktaḥ ṣaṣṭhaḥ prāṇa iti smṛtaḥ |
saptamo'tha bṛhatkalpaḥ kandarpo'ṣṭama ucyate || 46 ||
[Analyze grammar]

sadyo'tha navamaḥ proktaḥ īśāno daśamaḥ smṛtaḥ |
dhyāna ekādaśaḥ proktastathā sārasvato'paraḥ || 47 ||
[Analyze grammar]

trayodaśa udānastu garuḍo'tha caturdaśaḥ |
kaurmaḥ paṃcadaśo jñeyaḥ paurṇamāsī prajāpateḥ || 48 ||
[Analyze grammar]

ṣoḍaśo nārasiṃhastu samādhistu tataḥ paraḥ |
āgneyo'ṣṭādaśaḥ proktaḥ somakalpastato'paraḥ || 49 ||
[Analyze grammar]

bhāvano viṃśatiḥ proktaḥ suptamālīti cāparaḥ |
vaikuṇṭhaścārciṣo rudro lakṣmīkalpastathāpareḥ || 50 ||
[Analyze grammar]

saptaviṃśo'tha vairājo gaurīkalpastathoṃ'dhakaḥ |
māheśvarastathā proktastripuro yatra ghātitaḥ || 51 ||
[Analyze grammar]

pitṛkalpastathāṃte ca yā kuhūrbrahmaṇaḥ smṛtā |
triṃśatkalpāḥ samākhyātā brahmaṇo māsi vai priye || 52 ||
[Analyze grammar]

atītāḥ kathitāḥ sarve vārāho varttate'dhunā |
pratipadbrahmaṇo yatra vārāheṇoddhṛtā mahī || 53 ||
[Analyze grammar]

triṃśatkalpaiḥ smṛto māso varṣaṃ dvādaśabhistu taiḥ |
anena varṣamānena tadā brahmā'ṣṭavārṣikaḥ |
ānītaḥ somarājena somanāthaḥ pratiṣṭhitaḥ || 54 ||
[Analyze grammar]

evaṃ kṣetre nivasataḥ prabhāse bālarūpiṇaḥ |
parārddhamekamagamaddvitīyaṃ vartate' dhunā || 55 ||
[Analyze grammar]

evaṃ mahāprabhāvo'sau prabhāsakṣetramadhyagaḥ |
brahmā svayaṃbhūrbhagavānbālatvātkṣetramāśritaḥ || 56 ||
[Analyze grammar]

sa vai pūjyo namaskāryo vaṃdanīyo manīṣibhiḥ |
ādau sa eva pūjyaḥ syātsamyagyātrāphalepsubhiḥ || 57 ||
[Analyze grammar]

yastaṃ pūjayate bhaktyā sa māṃ pūjayate bhuvam |
yastaṃ dveṣṭi sa māṃ dveṣṭi yosya pūjyo mamaiva saḥ || 58 ||
[Analyze grammar]

brahmaṇā pūjyamānena ahaṃ viṣṇuśca pūjitaḥ |
viṣṇunā pūjyamānena ahaṃ brahmā ca pūjitaḥ || 59 ||
[Analyze grammar]

mayā pūjita mātreṇa brahmaviṣṇū ca pūjitau |
sattvaṃ brahmā rajo viṣṇustamo'haṃ saṃprakīrtitaḥ || 60 ||
[Analyze grammar]

vāyurbrahmā'nalo rudro viṣṇurāpaḥ prakīrtitaḥ |
rātrirviṣṇuraho rudro yā saṃdhyā sa pitāmahaḥ || 61 ||
[Analyze grammar]

sāmavedo hyahaṃ devi brahmā ṛgveda ucyate |
yajurvedo bhavedviṣṇuḥ kulādhāro hyatharvaṇaḥ || 62 ||
[Analyze grammar]

uṣṇakālo hyahaṃ devi varṣākālaḥ pitāmahaḥ |
śītakālo bhavedviṣṇurevaṃ kālatrayaṃ hi saḥ || 63 ||
[Analyze grammar]

dakṣiṇāgnirahaṃ jñeyo gārhapatyo hariḥ smṛtaḥ |
brahmā cāhavanīyastu evaṃ sarvaṃ tridaivatam || 64 ||
[Analyze grammar]

ahaṃ liṃgasvarūpastho bhago viṣṇuḥ prakīrtitaḥ |
bījasaṃstho bhavedbrahmā viṣṇurāpaḥ prakīrtitaḥ || 65 ||
[Analyze grammar]

ahamākāśarūpastha evaṃ tattvamayaṃ prabhuḥ |
ākāśātsravate yacca tadbījaṃ brahmasaṃsthitam |
svarūpaṃ brāhmamāśritya brahmā bījaprarohakaḥ || 66 ||
[Analyze grammar]

nābhimadhye sthito brahmā viṣṇuśca hṛdayāṃtare |
vaktramadhye ahaṃ devi ādhāraḥ sarvadehinām || 67 ||
[Analyze grammar]

yaścāhaṃ sa svayaṃ brahmā yo brahmā sa hutāśanaḥ |
yā devī sa svayaṃ viṣṇuryo viṣṇuḥ sa ca candramāḥ || 68 ||
[Analyze grammar]

yaḥ kālaḥ sa svayaṃ brahmā yo rudraḥ sa ca bhāskaraḥ |
evaṃ śaktiviśeṣeṇa paraṃ brahma sthitaṃ priye || 69 ||
[Analyze grammar]

oṃkārastatparaṃ brahma gāyatrī prakṛtiḥ parā |
ubhāvetau naro jñātvā na vicyavati mucyate || 7 ||
[Analyze grammar]

evaṃ yo veda deveśi advaitaṃ paramākṣaram |
sa sarvaṃ veda naivānyo bhedakarttā narādhamaḥ || 71 ||
[Analyze grammar]

ekarūpaṃ paraṃ brahma kāryabhāvātpṛthaksthitaḥ |
yastaṃ dveṣṭi varārohe brahmadveṣṭā sa ucyate || 72 ||
[Analyze grammar]

dakṣiṇāṃge sthito brahmā vāmāṃge mama keśavaḥ |
yastayordveṣamādhatte sa dveṣṭā mama bhāmini || 73 ||
[Analyze grammar]

evaṃ jñātvā varārohe hyabhinnenāntarātmanā |
brahmāṇaṃ keśavaṃ rudramekarūpeṇa pūja yet || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye madhyayātrāyāṃ brahma māhātmyavarṇanaṃnāma pañcādhikaśatatamo'dhyāyaḥ || 105 ||
[Analyze grammar]