Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 104

< Previous

Next >

[English text for this chapter is available]

īśvara uvāca |
tato gacchenmahādevi koṭīśvaramanuttamam |
tasmāduttarato devi koṭīśamiti viśrutam || 1 ||
[Analyze grammar]

pāpaghnaṃ sarvajaṃtūnāṃ paśupāśavimokṣadam |
purā pāśupatā devi kapāleśvarasaṃnidhau || 2 ||
[Analyze grammar]

tapaḥ kurvaṃti vipulaṃ bhasmoddhūlitavigrahāḥ |
jaṭāmukuṭasaṃyuktā muṃjamekhaladhāriṇaḥ || 3 ||
[Analyze grammar]

śāṃtāḥ sarve jitakrodhā brāhmaṇāḥ śivayoginaḥ |
tapaḥ kurvaṃti tatrasthā vyāpya kṣetraṃ caturddiśam || 4 ||
[Analyze grammar]

koṭisaṃkhyā mahādevi mantrajāpyaparāyaṇāḥ |
samyaksaṃsthāpya te liṃgaṃ kapāleśasamīpagam || 5 ||
[Analyze grammar]

tataste pūjayāṃcakrustalliṃgaṃ bhaktisaṃyutāḥ |
tatastuṣṭo mahādevo muktiṃ teṣāṃ dadau haraḥ || 6 ||
[Analyze grammar]

ṛṣayaḥ koṭisaṃkhyātāstasminsiddhā yataḥ priye |
tena koṭīśvaraṃ liṃgaṃ nāmnā khyātaṃ dharātale || 7 ||
[Analyze grammar]

yastaṃ pūjayate bhaktyā koṭīśvaramanāmayam |
sa koṭimantrajāpyasya phalaṃ prāpsyati mānavaḥ || 8 ||
[Analyze grammar]

hiraṇyaṃ tatra dātavyaṃ brāhmaṇe vedapārage |
koṭihomaphalaṃ tasya samyagyātrāphalaṃ bhavet || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye koṭīśvaramāhātmyavarṇanaṃnāma caturadhika śatatamo'dhyāyaḥ || 104 ||
[Analyze grammar]