Chapter 34

[English text for this chapter is available]

īśvara uvāca |
sarasvatī varaṃ prāpya variṣṭhaṃ vaḍavānalāt |
punastaṃ sāgare kṣeptumudyatā sā manasvinī || 1 ||
[Analyze grammar]

devādeśātprabhāsasya purataḥ saṃsthitā tadā |
samudramāhūya tadā vāḍavārpaṇakāṃkṣiṇī || 2 ||
[Analyze grammar]

tvamādiḥ sarvadevānāṃ tvaṃ prāṇaḥ prāṇināṃ sadā |
devādeśādgṛhāṇa tvamāgatyārṇava vāḍavam || 3 ||
[Analyze grammar]

evaṃ saṃciṃtito devyā yadāsāvaṃbhasāṃpatiḥ |
tathā jalātsamuttīrya samāyāto mahādyutiḥ || 4 ||
[Analyze grammar]

taṃ dṛṣṭvā vismitā devī divyaṃ viṣṇumivāparam |
śyāmaṃ kamalapatrākṣaṃ sāgaraṃ sumanoramam || 5 ||
[Analyze grammar]

vicitramālyābharaṇaṃ citravastrānulepanam |
āpagābhiḥ sarūpābhiḥ strīrūpābhiḥ samāvṛtam || 6 ||
[Analyze grammar]

evaṃvidhaṃ samālokya sā devī brahmaṇaḥ sutā |
sarasvatī jalanidhimuvācedaṃ śucismitā || 7 ||
[Analyze grammar]

tvamagrajaḥ sarvabhavodbhavānāṃ tvaṃ jīvitaṃ janmavatāṃ narāṇām |
tasmātsurāṇāṃ kuru kāryamiṣṭaṃ vahniṃ gṛhāṇa tvamihopanītam || 8 ||
[Analyze grammar]

atrāṃtare so'pi vimṛśya sarvaṃ kāryaṃ svabuddhyā kimihopapannam |
kṛtvā'nalasya grahaṇaṃ mayedaṃ kāryaṃ surāṇāṃ vihitaṃ bhavecca || 9 ||
[Analyze grammar]

evaṃ ciṃtayatastasya grahaṇaṃ rucitaṃ tataḥ |
vāḍavāgneḥ samudrasya surapīḍākṛte yadā || 10 ||
[Analyze grammar]

tadā tena puraḥsthena devī sābhihitā bhṛśam |
vāḍavaṃ saṃprayacchainaṃ suraśatruṃ sarasvati || 11 ||
[Analyze grammar]

tatastayā praṇamyāśu pitāmahapuraḥsarān |
cāraṇāṃścārucitrāṃgyā sarasvatyā divi sthitān || 12 ||
[Analyze grammar]

punaśca karasaṃstho'sau vāḍavo'bhihitastayā |
tvamapo bhakṣayasveti surairukta imā iti || 13 ||
[Analyze grammar]

evamuktvā samudrasya tadā devyā samarppitaḥ |
vāḍavo'gniḥ sarasvatyā surādeśānmahābalaḥ || 14 ||
[Analyze grammar]

taṃ samarpya tatastasmi nnadī bhūtvā sarasvatī |
praviṣṭā sāgaraṃ devī nāradeśvaramārgataḥ || 15 ||
[Analyze grammar]

daityasūdanasāṃnidhye dattvārghyaṃ lavaṇāṃbhasi |
arghyeśvaraṃ pratiṣṭhāpya daityasūdana paścime || 16 ||
[Analyze grammar]

tato'bdhiṃ saṃpraviṣṭā sā paṃcasrotā mahānadī |
svarūpeṇaiva sā puṇyā punaḥ puṇyatamā'bhavat || 17 ||
[Analyze grammar]

prabhāsakṣetrasaṃparkātsamudrasya ca saṃgamāt |
sāgaro'pi samāsādya sarasvatyāstu vāḍavam |
nirdhano vai dhanaṃ prāpyācintayatkva kṣipāmyaham || 18 ||
[Analyze grammar]

sa tenaiva karasthena dīpya mānena sāgaraḥ |
vahninā śikharasthena bhāti merurivāparaḥ || 19 ||
[Analyze grammar]

taṃ tathāvidhamālokya tatra ye jalacāriṇaḥ |
yādogaṇāste mumucurdāhabhītā mahāsvanam || 20 ||
[Analyze grammar]

taṃ śrutvā bhairavaṃ śabdamāyāto daityasūdanaḥ |
āha yādogaṇānsarvānmā bhaiṣṭa sumahābalāḥ || 21 ||
[Analyze grammar]

yasmādanena prathamā āpo bhakṣyā na tatragāḥ |
prāṇinastanna bhetavyaṃ bhavadbhistu mamājñayā || 22 ||
[Analyze grammar]

evamuktastu kṛṣṇena tūṣṇīṃbhūtā jalecarāḥ || 23 ||
[Analyze grammar]

tūṣṇīṃbhūteṣu sarveṣu jalajeṣu jaleśvaram |
prāhācyutaḥ prakṣipa tvamapāṃ madhye tu vāḍavam || 24 ||
[Analyze grammar]

agādhembhasi tenāsau nikṣipto vāḍavo'nalaḥ |
varuṇena pibannāste tajjalaṃ sumahābalaḥ || 25 ||
[Analyze grammar]

tasyocchvāsāniloddhūtaṃ tattoyaṃ sāgarādbahiḥ |
nirmaryādeva yuvatiritaścetaścadhāvati || 26 ||
[Analyze grammar]

atha kāle gate devi śuṣyatyaṃbu śanaiḥśanaiḥ |
viditvā kṣīyamāṇāstā apo jalanidhistataḥ || 27 ||
[Analyze grammar]

āhaivaṃ puṃḍarīkākṣamapaḥ kuru tvamakṣayāḥ |
anyathā sarvanāśena jalānāṃ māmihāgrataḥ |
bhakṣayiṣyatyasau vahnirvāḍavo hi janārddana || 28 ||
[Analyze grammar]

etacchrutvā vacastasya samudrasya tu bhīṣaṇam |
kṛtaṃ tadakṣayaṃ toyamā tmano bhayanāśanam || 29 ||
[Analyze grammar]

jñātvā surāḥ sarvamidaṃ viceṣṭitaṃ kṛtyānalasyāsya nibaṃdhanaṃ tathā |
pralobhanaṃ toyapuraḥsarā dviṣaḥ pupūjire keśavamatra cāriṇam || 30 ||
[Analyze grammar]

evaṃ sarasvatī prāptā prabhāsaṃ kṣetramuttamam |
brahmalokānmahādevi sarvapāpapraṇāśinī || 31 ||
[Analyze grammar]

someśāddakṣiṇāgneye sāgarasya samī pataḥ |
saṃsthitā tu mahādevī vaḍavānaladhāriṇī || 32 ||
[Analyze grammar]

snātvā'gnitīrthe pūrvaṃ tāṃ pūjayedvidhinā naraḥ |
daṃpatyorbhojanaṃ tatra paridhānaṃ sakañcu kam || 33 ||
[Analyze grammar]

dattvā tato mahādevaṃ pūjayecca kaparddinam |
iti vṛttaṃ purā devi cākṣuṣasyāṃtare'bhavat || 34 ||
[Analyze grammar]

dadhīcyanvayajātasya vāḍavasya mahā tmanaḥ |
asminpunarmahādevi prāpte vaivasvateṃ'tare |
aurvastu bhārgave vaṃśe samutpanno mahādvijaḥ || 35 ||
[Analyze grammar]

saṃkṣipto'sau sarasvatyā devamātrā mahāprabhaḥ |
tāvatsthāsyatyapāṃ garbhe yāvanmanvatarāvadhiḥ || 36 ||
[Analyze grammar]

iti te kathitaṃ devi sarasvatyāḥ samudbhavam |
śrutaṃ pāpaharaṃ nṛṇāṃ kīrttidaṃ puṇyavarddhanam || 37 ||
[Analyze grammar]