Chapter 267

[English text for this chapter is available]

sūta uvāca |
tasmādeṣā mahārāja śivarātrirvipaścitā || |
kartavyā puruṣeṇātra lokadvayamabhīpsunā || 1 ||
[Analyze grammar]

ānarta uvāca |
maṃkaṇeśvaramāhātmyaṃ mayā vistarataḥ śrutam |
śivarātrisamopetaṃ yattvayā parikīrtitam || 2 ||
[Analyze grammar]

sāṃprataṃ vada me kṛtsnaṃ siddheśvarasamudbhavam |
vistareṇa mahābhāga paraṃ kautūhalaṃ hi me || 3 ||
[Analyze grammar]

bhartṛyajña uvāca |
siddheśvara iti khyāto mahādevo mahīpate |
tasyotpattistvayā pūrvaṃ śrutātra vadato mama || 4 ||
[Analyze grammar]

sāṃprataṃ tatphalaṃ vacmi tasmindṛṣṭe tu dānajam |
yatphalaṃ jāyate nṝṇāṃ cakravartitva saṃbhavam || 5 ||
[Analyze grammar]

tulāpuruṣadānaṃ ca tatra rājanpraśaśyate |
ya iccheccakravartitvaṃ samaste dharaṇītale || 6 ||
[Analyze grammar]

ānarta uvāca |
tulāpuruṣadānasya yo vidhiḥ parikīrtitaḥ |
taṃ me sarvaṃ samācakṣva vistareṇa mahāmune || 7 ||
[Analyze grammar]

bhartṛyajña uvāca |
caṃdrasūryoparāge vā ayane viṣuve tathā |
tīrthe vā puruṣaśreṣṭha tulāpuruṣasaṃbhavam || 8 ||
[Analyze grammar]

praśaṃsaṃti vidhiṃ samyakprāpte vā ceṃdusaṃkṣaye |
brāhmaṇānāṃ sudāṃtānāmanuṣṭhānavatāṃ satām || 9 ||
[Analyze grammar]

vedādhyayanayuktānāṃ nirdoṣāṇāṃ ca pārthiva |
vibhajya sa bhaveddeyo naikasya ca kathaṃcana || 10 ||
[Analyze grammar]

śucau deśe same puṇye pūrvottaraplave śubhe |
maṃḍapaṃ kārayedvidvānramyaṃ ṣa़ोśahastakam |
tanmadhye kārayedvediṃ caturhasta pramāṇataḥ |
yajamānasya hastena hastaikena samucchritām || 12 ||
[Analyze grammar]

caturhastāni kuṇḍāni caturdikṣu prakalpayeta |
ekahastapramāṇāni āyāmavyāsavistarāt |
aiśānyāmaparāṃ vediṃ hastamātrāṃ nyasecchubhām |
ratnimātrotthitāṃ caiva grahāṃstatra prakalpayet || 14 ||
[Analyze grammar]

yugmāṃśca ṛtvijaḥ kāryāścaturdikṣu yathākramam |
bahvṛco'dhvaryaścaiva cchaṃdogātharvaṇāvapi || 15 ||
[Analyze grammar]

tūṣṇīṃ tu devatāhomastaiḥ kāryaḥ susamāhitaiḥ |
talliṃgairnṛpatemaṃtraiḥ svaśaktyā japa eva ca || 16 ||
[Analyze grammar]

ekahastapraviṣṭaṃ tu caturhastocchritaṃ tathā |
staṃbhadvayaṃ tu kartavyaṃ vediyāmyottare sthitam || 17 ||
[Analyze grammar]

tanmadhye suśubhaṃ kāṣṭhaṃ staṃbhajātyaṃ dṛḍhaṃ nyaset |
candanaḥ khadiro vātha bilvovā'śvattha eva vā || 18 ||
[Analyze grammar]

tiṃduko devadārurvā śrīparṇī vā vaṭo'thavā |
aṣṭau vṛkṣāḥ śubhāḥ śastāḥ staṃbhārthaṃ nṛpasattam || 19 ||
[Analyze grammar]

śikyadvaya samopetāṃ tanmadhye vinyasettulām |
snātaḥ śuklāṃbaradharaḥ śuklamālyānulepanaḥ || 20 ||
[Analyze grammar]

pūrayitvā samaṃtācca lokapālānyathākramam |
staṃbhānsaṃpūjayatpaścādgandhamālyānulepanaiḥ || 21 ||
[Analyze grammar]

tulāṃ ca pārthivaśreṣṭha puṇyāhaṃ ca prakīrtayet |
yajamāno nijaiḥ sarvairāyudhaiḥ kāyasaṃsthitaiḥ || 22 ||
[Analyze grammar]

paścimāṃ diśamāsthāya prāṅmukhaḥ śraddhayā'nvitaḥ |
kṛtāṃjalipuṭo bhūtvā imaṃ maṃtramudīrayet || 23 ||
[Analyze grammar]

brahmaṇo duhitā nityaṃ satyaṃ paramamāśritā |
kāśyapī gotrataścaiva nāmato viśrutā tulā || 24 ||
[Analyze grammar]

tvaṃ tule satyanāmāsi svabhīṣṭaṃ cātmanaḥ śubham |
kariṣyāmi prasādaṃ me sāṃnidhyaṃ kuru sāṃpratam || 25 ||
[Analyze grammar]

tatastasyāṃ samāruhya svaśaktyā yatsamāhṛtam |
dānārthaṃ pūrvamāyojyaṃ śikyenyasminnarottama || 26 ||
[Analyze grammar]

suvarṇaṃ rajataṃ vā'tha vastraṃ cānyadabhīpsitam |
yāvatsāmyaṃ bhavedrājannātmano'bhyadhikaṃ ca vā || 27 ||
[Analyze grammar]

tato'bhīṣṭāṃ samāsādya devatāṃ śikyamāśritaḥ |
udakaṃ jalamadhye ca tadarthaṃ prakṣipeddrutam || 28 ||
[Analyze grammar]

satilaṃ sahiraṇyaṃ ca sākṣataṃ vidhipūrvakam |
avatīrya tataḥ sarvaṃ brāhmaṇebhyo nivedayet || 29 ||
[Analyze grammar]

yatphalaṃ prāpyate paścāttadihaikamanāḥ śṛṇu || 30 ||
[Analyze grammar]

ajānatā jānatā vā yatpāpaṃ tu bhavetkṛtam |
tatsarvaṃ nāśayenmartyo dānasyāsya prabhāvataḥ || 31 ||
[Analyze grammar]

yāvanmātraṃ kṛtaṃ pāpamatītaṃ nṛpasattama |
tāvanmātraṃ kṣayaṃ yāti tulāpuruṣadānataḥ || 32 ||
[Analyze grammar]

īśvarāṇāṃ samādiṣṭaṃ kāyakleśabhayātmanām |
puraścaraṇametaddhi dānaṃ taulyasamudbhavam || 33 ||
[Analyze grammar]

etaddattaṃ dilīpena kārtavīryeṇa bhūpate |
pṛthunā purukutsena tathānyairapi pārthivaiḥ || 34 ||
[Analyze grammar]

etatpuṇyaṃ praśasyaṃ ca sarvakāmapradaṃ nṛṇām |
tulāpuruṣadānaṃ ca sarvopadravanāśanam || 35 ||
[Analyze grammar]

ādhayo vyādhayo na syurna vaidhavyaṃ gadodbhavam |
saṃjāyate nṛpaśreṣṭha na viyogaḥ svabandhubhiḥ |
tulāpuruṣadānasya phalametadudāhṛtam || 36 ||
[Analyze grammar]

tulāpuruṣadānasya pradattasya nṛpottama |
na śakyate kathayituṃ phalaṃ yatsyātkalau yuge || 37 ||
[Analyze grammar]

dakṣiṇāmūrtimāsādya siddheśvaravibhoḥ puraḥ |
yaḥ prayacchati bhūpāla sahasraguṇitaṃ phalam || 38 ||
[Analyze grammar]

tasmātsarvaprayatnena prāpya siddheśvaraṃ vibhum |
tulāpuruṣadānaṃ ca kartavyaṃ suvivekinā || 39 ||
[Analyze grammar]

ekatra sarvatīrthāni sarvāṇyāyatanāni ca |
hāṭakeśvaraje kṣetre kathitāni svayaṃbhuvā || 40 ||
[Analyze grammar]

siddheśvaraḥ suraśreṣṭha ekatra samudāhṛtaḥ |
tasmindṛṣṭe tathā spṛṣṭe pūjite nṛpasattama |
sarveṣāṃ labhate martyaḥ phalaṃ yatparikīrtitam || 41 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrīsiddheśvaramāhātmye tulāpuruṣadānamāhātmyavarṇanaṃ nāma saptaṣaṣṭyuttaradviśatatamo'dhyāyaḥ || 267 ||
[Analyze grammar]