Chapter 268

[English text for this chapter is available]

ānarta uvāca |
karmaṇā kena martye ca narāṇāṃ jāyate vada |
cakravartitvamakhilaṃ sarvaśatruvimardanam || 1 ||
[Analyze grammar]

bhartṛyajña uvāca |
durlabhaṃ bhūmipālatvaṃ sarvapāpairnarādhipa |
tapobhirniyamairdānaistathānyaiśca śubhairvrataiḥ || 2 ||
[Analyze grammar]

yaḥ punarbhūpatirbhūtvā pṛthvīṃ dadyāddhiraṇmayīm |
gautameśvaradevasya purataḥ śraddhayānvitaḥ |
cakravartī bhavennūnamevamāha pitāmahaḥ || 3 ||
[Analyze grammar]

māṃdhātā dhundhumāraśca hariścaṃdraḥ purūravāḥ |
bharataḥ kārtavīryaśca ṣaḍete cakravartinaḥ || 4 ||
[Analyze grammar]

pṛthvīdānaṃ purā kṛtvā gautameśvarasaṃnidhau |
dattvā hiraṇmayīṃ pṛthvīṃ sārvabhaumāstataḥ sthitāḥ || 5 ||
[Analyze grammar]

ānarta uvāca |
bhagavankena vidhinā dātavyā sā vasundharā |
ahaṃ dāsyāmi tāṃ nūnaṃ śraddhā me mahatī sthitā || 6 ||
[Analyze grammar]

bhartṛyajña uvāca |
kāryā palaśatenorvī vṛttākārā nṛpottama |
tadardhenāthavā śaktyā paṃcaviṃśatpalātmikā || 7 ||
[Analyze grammar]

dharādāne mahārāja vittaśāṭhyaṃ vivarjayet |
naiva paṃcapalādarvākpradātavyā kathañcana |
lavaṇekṣusurāsarpirdadhidugdhajalodbhavāḥ |
samudrāḥ sapta caitāṃstu kakṣāyāṃ tatra darśayet || 9 ||
[Analyze grammar]

jaṃbūplakṣakuśakrauṃcaśākaśālmalipuṣkarāḥ |
samudrānsaritaḥ sapta dvaiguṇyena prakalpayet || 10 ||
[Analyze grammar]

mahendro malayaḥ sahyo himavāngaṃdhamādanaḥ |
viṃdhyaḥ śṛṃgī ca saptaiva kalpayetkulaparvatān || 11 ||
[Analyze grammar]

madhye prakalpayenmeruṃ dikṣu viṣkambhaparvatān |
jaṃbūnyagrodhanīpāṃśca plakṣaścaiva tathā drumān || 12 ||
[Analyze grammar]

gaṃgādyāḥ saritastatra prādhānyena prakalpayet |
evaṃ nirmāpya vasudhāṃ sarvāṃ hemamayīṃ nṛpa || 13 ||
[Analyze grammar]

maṃḍapaṃ kārayetpaścādyathāpūrvaṃ prakalpitam || 14 ||
[Analyze grammar]

kuṇḍāni toraṇānyeva brāhmaṇagrahapūjane |
pūrvavatsakalaṃ kṛtvā madhye vediṃ prakalpayet || 15 ||
[Analyze grammar]

tatra saṃsthāpayetpṛthvīṃ paṃcagavyena pārthiva |
yathoktamaṃtraistalliṃgaistataḥ śuddhodakena tu || 16 ||
[Analyze grammar]

imaṃ me gaṃge yamune paṃcanadyastripuṣkaram |
śrīsūktaṃ pāvamānaṃ ca haimīṃ ca tadanaṃtaram || 17 ||
[Analyze grammar]

snānakarmaṇi yogyāṃśa svādiṣṭhāyanamuttamam || 18 ||
[Analyze grammar]

evaṃ saṃsnāpya vidhivadvāsāṃsi paridhāpayet |
 yuvā suvāsā maṃtreṇa sūkṣmāṇi vividhāni ca || 19 ||
[Analyze grammar]

ye bhūtānāmadhītyevaṃ tataḥ procya prapūjayet |
dhūrasīti ca maṃtreṇa dhūpaṃ dadyātsamāhitaḥ || 20 ||
[Analyze grammar]

agnirjyotīti maṃtreṇa kuryādārārtikaṃ tataḥ |
ahamasmīti maṃtreṇa saptadhānyaṃ prakalpayet || 21 ||
[Analyze grammar]

evaṃ kṛtvā'khilaṃ tasyā yajamānaḥ sitāṃbaraḥ |
puraḥ sthitoṃjaliṃ baddhvā maṃtrānetānudāharet || 22 ||
[Analyze grammar]

tvayā saṃdhāryate viśvaṃ jagadetaccarācaram |
tava dānaṃ kariṣyāmi sāṃnidhyaṃ kuru medini || 23 ||
[Analyze grammar]

śarīreṣvapi bhūtānāṃ tvaṃ devi prathamaṃ sthitā |
tataścānyāni bhūtāni jalādīni vasundhare || 24 ||
[Analyze grammar]

ye tvāṃ yacchaṃti te bhūyastvāṃ labhaṃte na saṃśayaḥ |
iha loke pare caiva pārthivaṃ rūpamāśritā || 25 ||
[Analyze grammar]

evaṃ stutvā samādāya toyaṃ hemākṛtiṃ nṛpa |
vāsudevaṃ hṛdi sthāpya maṃtreṇānena kalpayet || 26 ||
[Analyze grammar]

pātālāduddhṛtā yena pṛthvī sā lokakāriṇā |
asyā dānena ca sadā prīyatāṃ me janārdanaḥ || 27 ||
[Analyze grammar]

evamuccārya tattoyaṃ toyamadhye parikṣipet |
na bhūmau naiva haste ca brāhmaṇasya nṛpottama || 28 ||
[Analyze grammar]

tato visarjayeddevīṃ mantreṇānena bhāgaśaḥ |
āgatā ca yathānyāyaṃ pūjitā ca yathāvidhi || 29 ||
[Analyze grammar]

asmākaṃ tvaṃ hitārthāya yatreṣṭaṃ tatra gamyatām |
usrā vedeti maṃtreṇa samuccārya tataḥ param |
brāhmaṇebhyaḥ pradātavyā saṃvibhajya narādhipa || 30 ||
[Analyze grammar]

evaṃ te sarvamākhyātaṃ pṛthivīdānamuttamam |
śṛṇuyātpārthivo bhāvī dātā janmanijanmani || 31 ||
[Analyze grammar]

yo rājā pṛthivīṃ dadyādvidhinānena pārthiva |
rājyabhraṃśo na vaṃśe'pi tasya saṃjāyate kvacit || 32 ||
[Analyze grammar]

rājyabhraṃśasamopetā ye dṛśyaṃte mahībhujaḥ |
na tairvasundharā dattā brāhmaṇānāṃ dhṛtātmanām || 33 ||
[Analyze grammar]

tasmātsarvaprayatnena pṛthvīdānaṃ samācaret |
na haretparadattāṃ ca kathaṃcidapi medinīm || 34 ||
[Analyze grammar]

etatpuṇyaṃ praśasyaṃ ca pṛthivīdānamuttamam |
śṛṇvatāmapi rājeṃdra taddehādyaghanāśanam || 35 ||
[Analyze grammar]

āstāṃ tāvatpradānaṃ ca pṛthivyāḥ pṛthivīpateḥ |
dātuḥ saṃpreraṇaṃ yasyā ajñānaughavināśanam || 36 ||
[Analyze grammar]

rūpavānsubhagaścaiva tathā ca priyadarśanaḥ |
ādhivyādhivinirmuktaḥ putrapautrasamanvitaḥ || 37 ||
[Analyze grammar]

medhāvī jāyate martyo dānasyāsya prabhāvataḥ |
itthaṃbhūtā mahārāja kṛtvā rājyamakaṇṭakam || 38 ||
[Analyze grammar]

prītā viṣṇoḥ padaṃ yāṃti śāśvataṃ yannirāmayam |
anyatrāpi dharādānātprakuryāccakravartitām || 39 ||
[Analyze grammar]

ekajanmāṃtaraṃ yāvatsamyagdattaṃ nṛpottamaḥ |
gautameśvaradevasya yatpurā purataḥ kṛtam || 40 ||
[Analyze grammar]

saptajanmāṃtaraṃ yāvatprakaroti na saṃśayaḥ |
tasmātsarvaprayatnena tatra deyā mahī nṛpa || 41 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye gautameśvaramāhātmye pṛthvīdānamāhātmyavarṇanaṃnāmāṣṭaṣaṣṭyuttaradviśatatamo'dhyāyaḥ || 268 ||
[Analyze grammar]