Chapter 257

[English text for this chapter is available]

pārvatyuvāca |
dvādaśākṣaramāhātmyaṃ mama vistarato vada |
yathāvarṇaṃ yatphalaṃ ca yathā ca kriyate mayā || 1 ||
[Analyze grammar]

śrīmahādeva uvāca |
dvijātīnāṃ sahoṃkārasahito dvādaśākṣaraḥ |
strīśūdrāṇāṃ namaskārapūrvakaḥ samudāhṛtaḥ || 2 ||
[Analyze grammar]

prakṛtīnāṃ rāmanāma saṃmato vā ṣaḍakṣaraḥ |
so'pi praṇavahīnaḥ syātpurāṇasmṛtinirṇayaḥ || 3 ||
[Analyze grammar]

kramo'yaṃ sarvavarṇānāṃ prakṛtīnāṃ sadaiva hi |
krameṇa rahito yastu karoti manujo japam |
tasya prakupyati vibhurnarakādipradāyakaḥ || 4 ||
[Analyze grammar]

pārvatyuvāca |
mayā trimātrayā svāminsevyate jagadīśvaraḥ |
rūpamasya kathaṃ jāne vacasāmapyagocaram || 5 ||
[Analyze grammar]

īśvara uvāca ||
praṇavasyādhikāro na tavāsti varavarṇini |
namo bhagavate vāsudevāyeti japaḥ sadā || 6 ||
[Analyze grammar]

pārvatyuvāca |
yadi sapraṇavaṃ dadyāddvādaśākṣaraciṃtanama |
praṇave nādhikāro me kathaṃ bhavati dhūrjaṭe || 7 ||
[Analyze grammar]

īśvara uvāca |
praṇavaḥ sarvadevānāmādireṣa prakīrtitaḥ |
brahmā viṣṇuḥ śivaścaiva vasaṃti dayitāyutāḥ || 8 ||
[Analyze grammar]

tatra sarvāṇi bhūtāni sarva tīrthāni bhāgaśaḥ |
tiṣṭhaṃti sarvatīrthāni kaivalyaṃ brahma eva yaḥ || 9 ||
[Analyze grammar]

tasya yogyā tadā devi bhaviṣyasi yadā tapaḥ |
cāturmāsye hariprītyai kariṣyasi śubhānane || 10 ||
[Analyze grammar]

tapasā prāpyate kāmastapasā ca mahatphalam |
tapasā jāyate sarvaṃ tattapaḥ sulabhaṃ naraiḥ || 11 ||
[Analyze grammar]

yaśaḥ saubhāgyamatulaṃ kṣamāsatyādayo guṇāḥ |
sulabhaṃ tapasā nityaṃ tapaścarttuṃ na śakyate || 12 ||
[Analyze grammar]

yadā hi tapaso vṛddhistadā bhaktirharau bhavet |
tadā hi tapaso hāniryadā bhaktiṃ vinā kṛtam || 13 ||
[Analyze grammar]

tāvattapāṃsi garjaṃti dehe'sminsatataṃ nṛṇām |
yadā viṣṇuṃ smarennityaṃ jihvāgraṃ pāvanaṃ bhavet || 14 ||
[Analyze grammar]

yathā pradīpe jvalite praṇaśyati mahattamaḥ |
tathā hareḥ kathāyāṃ ca yāti pāpamanekadhā || 15 ||
[Analyze grammar]

tasmātpārvati yatnena harau supte tapaḥ kuru |
cāturmāsye'tha saṃprāpte praṇavena samanvitam || 16 ||
[Analyze grammar]

viśuddhahṛdayā bhūtvā mantrarājamimaṃ japa ||
sa eva bhagavāṃstuṣṭo dvādaśākṣarasaṃyutam || 17 ||
[Analyze grammar]

pradāsyati paraṃ jñānaṃ brahmarūpamakhaṇḍitam |
brahmakalpāṃtakoṭīṣu japa tvaṃ dvādaśākṣaram || 18 ||
[Analyze grammar]

mantrarājaṃ sapraṇavaṃ dhyāyetso'pi na paśyati |
ityuktā sā taponiṣṭhā tapaścaritumāgatā || 19 ||
[Analyze grammar]

himācalasya śikhare cāturmāsye samāgate |
brahmacaryavrataparā vasanatrayasaṃyutā || 20 ||
[Analyze grammar]

prātarmadhye'parāhne ca dhyāyantī hariśaṃkaram |
vapuryathā purā kṛṣṭaṃ pūjane śaṃkarasya ca || 21 ||
[Analyze grammar]

sakhījana samāyuktā pituḥ śṛṃge manohare |
atapatsā viśālākṣī kṣamādiguṇasaṃyutā || 22 ||
[Analyze grammar]

gālava uvāca |
yā hi yogīśvaradhyeyā yā vandyā viśvavanditā |
jananī yā ca viśvasya sā'pi kāmāttapogatā || 23 ||
[Analyze grammar]

yā hi prakṛtisadrūpā taḍitkoṭisamaprabhā |
virajā yā svayaṃ vandyā guṇātītācarattapaḥ || 24 ||
[Analyze grammar]

pṛthvyaṃbu tejo vāyuśca gaganaṃ yanmayaṃ viduḥ |
mūlaprakṛtirūpā yā sā cakārottama tapaḥ || 25 ||
[Analyze grammar]

yā sthāvaraṃ jaṃgamamāśu viśvaṃ vyāpya sthitā yā prakṛteḥ purāpi |
spṛhādirūpeṇa ca tṛptidātrī deve prasupte tapasā'pa śuddhim || 26 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye dvādaśākṣaranāmamahimapūrvakapārvatītapovarṇanaṃ nāma saptapaṃcāśaduttaraśatatamo'dhyāyaḥ || 257 ||
[Analyze grammar]