Chapter 258

[English text for this chapter is available]

gālava uvāca |
pravṛttāyāṃ śailaputryāṃ mahattapasi dāruṇe |
kandarpeṇa parābhūto vicacāra mahīṃ haraḥ || 1 ||
[Analyze grammar]

vṛkṣacchāyāsu tīrtheṣu nadīṣu ca nadeṣu ca |
jalena siṃcatsvavapuḥ sarvatrāpi maheśvaraḥ || 2 ||
[Analyze grammar]

tathāpi kāmākulito na lebhe śarma karhicit |
ekadā yamunāṃ dṛṣṭvā jalakallolamālinīm || 3 ||
[Analyze grammar]

vigāhituṃ manaścakre tāpārtiṃ śamayanniva |
kṛṣṇaṃ babhūva tannīraṃ harakāyāgnivahninā || 4 ||
[Analyze grammar]

dagdhaṃ vigāhanenāśu maṣīprāyaṃ tadā babhau || 1 ||
[Analyze grammar]

sā'pi divyavapuḥ pūrvaṃ śyāmā bhūtvā harādyataḥ || 5 ||
[Analyze grammar]

stutvā natvā maheśānamuvāca punareva sā |
prasādaṃ kuru deveśa vaśagāsmi sadā tava || 6 ||
[Analyze grammar]

īśvara uvāca |
asmiṃstīrthavarepuṇye yaḥ snāsyati naro bhuvi |
tasya pāpasahasrāṇi yāsyaṃti vilayaṃ dhruvam 1 || 7 ||
[Analyze grammar]

haratīrthamiti khyātaṃ puṇyaṃ loke bhaviṣyati |
ityuktvā tāṃ praṇamyātha tatraivāṃtaradhīyata || 8 ||
[Analyze grammar]

tasyāstīre maheśo'pi kṛtvā rūpaṃ manoharam |
kāmālayaṃ vādyahastaṃ kṛtapuṃḍraṃ jaṭādharam || 9 ||
[Analyze grammar]

svecchayā munigeheṣu darśayatyaṃgacāpalam |
kvacidgāyati gītāni kvacinnṛtyati chandataḥ || 10 ||
[Analyze grammar]

sa ca kruddhyati hasati strīṇāṃ madhyagataḥ kvacit |
evaṃ vicaratastasya ṛṣipatnyaḥ samaṃtataḥ || 11 ||
[Analyze grammar]

patyuḥ śuśrūṣaṇaṃ gehe tyaktvā kāryāṇyapi kṣaṇāt |
tameva manasā cakruḥ patirūpeṇa mohitāḥ || 12 ||
[Analyze grammar]

bhramaṃtyaścaiva hāsyāni cakrustā api yoṣitaḥ |
tatastu munayo dṛṣṭvā tāsāṃ duḥśīlabhāvanām || 13 ||
[Analyze grammar]

cukrudhurmunayaḥ sarve rūpaṃ tasya manoharam |
gṛhyatāṃ hanyatāmeṣa ko'yaṃ duṣṭa upāgataḥ || 14 ||
[Analyze grammar]

iti te gṛhya kāṣṭhāni yadopasthe yayustadā |
palāyitaḥ sa bahudhā bhayātteṣāṃ mahātmanām || 15 ||
[Analyze grammar]

yo jīvakalayā viśvaṃ vyāpya tiṣṭhati dehinām |
na jñāyate na ca grāhyo na bhedyaścāpi jāyate || 16 ||
[Analyze grammar]

na śekuste yadā sarve grahītuṃ taṃ maheśvaram |
tadā śivaṃ prakupitā śepuritthaṃ dvijātayaḥ || 17 ||
[Analyze grammar]

yasmālliṃgārthamāgatya hyāśramāṃścoravatkṛtam |
paradārāpaharaṇaṃ talliṅgaṃ patatāṃ bhuvi || 18 ||
[Analyze grammar]

sadya eva hi śāpaṃ tvaṃ duṣṭaṃ prāpnuhi tāpasa |
evamukte sa śāpāgnirvajrarūpadharo mahān || 19 ||
[Analyze grammar]

talligaṃ dhūrjaṭeśchittvā pātayāmāsa bhūtale |
rudhiraughaparivyāpto mumoha bhagavānvibhuḥ || 20 ||
[Analyze grammar]

vedanārttojjvalavapurmahāśāpābhibhūtadhīḥ |
taṃ tathā patitaṃ dṛṣṭvā ta ājagmurmaharṣayaḥ || 21 ||
[Analyze grammar]

ākāśe sarvabhūtāni tresurviśvaṃ cacāla ha |
devāśca vyākulā jātā mahābhayamupāgatāḥ || 22 ||
[Analyze grammar]

jñātvā viprā maheśānaṃ pīḍitā hṛdaye'bhavan |
śuśucurbhṛśaduḥkhārtā daivaṃ hi balavattaram || 23 ||
[Analyze grammar]

kiṃ kṛtaṃ bhagavāneṣa devairapi sa sevyate |
sākṣī sarvasya jagato'smābhirnaivopalakṣitaḥ || 24 ||
[Analyze grammar]

vayaṃ mūḍhadhiyaḥ pāpāḥ paramajñānadurbalāḥ |
kathamasmābhiryasyātmā śrutaśca na niveditaḥ || 25 ||
[Analyze grammar]

mayedṛśo gṛhasthāya hyātmā'yaṃ na niveditaḥ |
nirvikāro nirviṣayo nirīho nirupadravaḥ || 26 ||
[Analyze grammar]

nirmamo nirahaṃkāro yaḥ śaṃbhurnopalakṣitaḥ |
yasya lokā ime sarve dehe tiṣṭhaṃti madhyagāḥ || 27 ||
[Analyze grammar]

sa eṣa jagatāṃ svāmī haro'smābhirna vīkṣitaḥ |
ityuktvā te hyupaviṣṭā yāvattatra samāgatāḥ || 28 ||
[Analyze grammar]

tāndṛṣṭvā sahasā trastaḥ punareva maheśvaraḥ |
vipraśāpabhayānnaṣṭastripurārirdivaṃ yayau || 29 ||
[Analyze grammar]

surabhiṃ gāṃ ca goloke tāṃ tuṣṭāva susaṃyataḥ || 1 ||
[Analyze grammar]

sṛṣṭisthiti vināśānāṃ kartryai mātre namonamaḥ || 30 ||
[Analyze grammar]

yā tvaṃ rasamayairbhāvairāpyāyasi bhūtalam |
devānāṃ ca tathāsaṃghānpitṝṇāmapi vai gaṇān || 311 ||
[Analyze grammar]

sarvai rjñātā rasābhijñairmadhurāsvādadāyinī |
tvayā viśvamidaṃ sarvaṃ balasnehasamanvitam || 32 ||
[Analyze grammar]

tvaṃ mātā sarvarudrāṇāṃ vasūnāṃ duhitā tathā |
ādityānāṃ svasā caiva tuṣṭā vāṃcchitasiddhidā || 33 ||
[Analyze grammar]

tvaṃ dhṛtistvaṃ tathā puṣṭistvaṃ svāhā tvaṃ svadhā tathā |
ṛddhiḥ siddhistathā lakṣmīrdhṛtiḥ kīrti stathā matiḥ || 34 ||
[Analyze grammar]

kāṃtirlajjā mahāmāyā śraddhā sarvārthasādhinī |
tvayā virahitaṃ kiṃcinnāsti tribhuvaneṣvapi || 35 ||
[Analyze grammar]

vahnestṛptipradātrī ca devādīnām ca tṛptidā |
tvayā sarvamidaṃ vyāptaṃ jagatsthāvarajaṃgamam || 36 ||
[Analyze grammar]

pādāste vedāścatvāraḥ samudrāḥ stanatāṃ yayuḥ |
caṃdrārkau locane yasyā romāgreṣu ca devatāḥ || 37 ||
[Analyze grammar]

śṛṅgayoḥ parvatāḥ sarve karṇayorvāyavastathā |
nābhau caivāmṛtaṃ devi pātālāni khurāstathā || 38 ||
[Analyze grammar]

skandhe ca bhagavānbrahmā mastakasthaḥ sadāśivaḥ |
hṛddeśe ca sthito viṣṇuḥ pucchāgre pannagāstathā || 39 ||
[Analyze grammar]

śakṛtsthā vasavaḥ sarve sādhyā mūtrasthitāstava |
sarve yajñā hyasthideśe kinnarā guhyasaṃsthitāḥ || 40 ||
[Analyze grammar]

pitṝṇāṃ ca gaṇāḥ sarve puraḥsthā bhāṃti sarvadā |
sarve yakṣā bhāladeśe kinnarāśca kapolayoḥ || 41 ||
[Analyze grammar]

sarvadevamayī tvaṃ hi sarvabhūtavivṛddhidā |
sarvalokahitā nityaṃ mama dehahitā bhava || 42 ||
[Analyze grammar]

praṇatastava deveśi pūjaye tvāṃ sadā'naghe |
staumi viśvārtihantrīṃ tvāṃ prasannā varadā bhava || 43 ||
[Analyze grammar]

vipraśāpāgninā dagdhaṃ śarīraṃ mama śobhane |
svatejasā punaḥ karttumarhasyamṛtasaṃbhave || 44 ||
[Analyze grammar]

ityuktvā tā parikramya tasyā dehe layaṃ gataḥ |
sā'pi garbhe dadhārātha surabhistadanantaram || 45 ||
[Analyze grammar]

kālātikramayogena sarvavyākulatāṃ yayau |
yasminpranaṣṭe deveśe vipraśāpabhayāvṛte || 46 ||
[Analyze grammar]

devā mahārtiṃ prayayuścacāla pṛthivī tathā |
caṃdrārkau niṣprabhau caiva vāyuruccaṇḍa eva ca || 47 ||
[Analyze grammar]

samudrāḥ kṣobhamaga maṃstasminkāle dvijottama || 48 ||
[Analyze grammar]

yasmiñjagatsthāvarajaṃgamādikaṃ kāle layaṃ prāpya punaḥ prarohati |
tasminpranaṣṭe dvijaśāpapīḍite jayaddhataprāya mavartata kṣaṇāt || 49 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye haraśāpo nāmāṣṭapaṃcāśaduttaradviśatatamo'dhyāyaḥ || 258 ||
[Analyze grammar]