Chapter 250

[English text for this chapter is available]

vāṇyuvāca |
bilvapatrasya māhātmyaṃ kathituṃ naiva śakyate |
tavoddeśena vakṣyāmi mahendra śṛṇu tattvataḥ || 1 ||
[Analyze grammar]

vihāraśramamāpannā devī girisutā śubhā |
lalāṭaphalake tasyāḥ svedabindurajāyata || 2 ||
[Analyze grammar]

sa bhavānyā vinikṣipto bhūtale nipapāta ca |
mahātarurayaṃ jāto mandare parvatottame || 3 ||
[Analyze grammar]

tataḥ śailasutā tatra ramamāṇā yayau punaḥ |
dṛṣṭvā vanagataṃ vṛkṣaṃ vismayotphullalocanā || 4 ||
[Analyze grammar]

jayāṃ ca vijayāṃ caiva papraccha ca sakhīdvayam |
ko'yaṃ mahātarurdivyo vibhāti vanamadhyagaḥ |
dṛśyate rucirākāro mahāharṣakaro hyayam || 5 ||
[Analyze grammar]

jayovāca |
devi tvaddehasaṃbhūto vṛkṣo'yaṃ svedabindujaḥ |
nāmā'sya kuru vai kṣipraṃ pūjitaḥ pāpanāśanaḥ || 6 ||
[Analyze grammar]

pārvatyuvāca |
yasmātkṣoṇītalaṃ bhittvā viśiṣṭo'yaṃ mahātaruḥ || 7 ||
[Analyze grammar]

udatiṣṭhatsamīpe me tasmādbilvo bhavatvayam |
imaṃ vṛkṣaṃ samāsādya bhaktitaḥ patrasaṃcayam || 8 ||
[Analyze grammar]

āhariṣyatyasau rājā bhaviṣyatyeva bhūtale |
yaḥ kariṣyati me pūjāṃ patraiḥ śraddhāsamanvitaḥ || 9 ||
[Analyze grammar]

yaṃyaṃ kāmamabhidhyāyettasya siddhiḥ prajāyate |
yo dṛṣṭvā bilvapatrāṇi śraddhāmapi kariṣyati || 10 ||
[Analyze grammar]

pūjanārthāya vidhaye dhanadā'haṃ na saṃśayaḥ |
patrāgraprāśane yastu kariṣyati mano yadi |
tasya pāpasahasrāṇi yāsyaṃti vilayaṃ svayama || 11 ||
[Analyze grammar]

śiraḥ patrāgrasaṃyuktaṃ karoti yadi mānavaḥ |
na yāmyā yātanā hyasya duḥkhadātrī bhaviṣyati || 12 ||
[Analyze grammar]

ityuktvā pārvatī hṛṣṭā jagāma bhavanaṃ svakam |
sakhībhiḥ sahitā devī gaṇairapi samanvitā || 13 ||
[Analyze grammar]

vāṇyuvāca |
ayaṃ bilvataruḥ śreṣṭhaḥ pavitraḥ pāpanāśanaḥ |
tasya mūle sthitā devī girijā nātra saṃśayaḥ || 14 ||
[Analyze grammar]

skandhe dākṣāyaṇī devī śākhāsu ca maheśvarī |
patreṣu pārvatī devī phale kātyā yanī smṛtā || 15 ||
[Analyze grammar]

tvaci gaurī samākhyātā aparṇā madhyavalkale |
puṣpe durgā samākhyātā umā śākhāṃgakeṣu ca || 16 ||
[Analyze grammar]

kaṇṭakeṣu ca sarveṣu koṭayo navasaṃkhyayā |
śaktayaḥ prāṇirakṣārthaṃ saṃsthitā girijā'jñayā || 17 ||
[Analyze grammar]

tāṃ bhajaṃti supatraiśca pūjayaṃti sanātanīm |
yaṃyaṃ kāmayate kāmaṃ tasya siddhirbhaveddhruvam || 18 ||
[Analyze grammar]

maheśvarī sā girijā maheśvarī viśuddharūpā janamokṣadātrī |
haraṃ ca dṛṣṭvātha palāśamāśritaṃ svalīlayā bilvavapuścakāra sā || 19 ||
[Analyze grammar]

iti śrīskāṃdemahāpurāṇa ekāśītisāhasryāṃ sahitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cātu rmāsyamāhātmye paijavanopākhyāne bilvotpattivarṇanaṃnāma pañcāśaduttaradviśatatamo'dhyāyaḥ || 250 ||
[Analyze grammar]