Chapter 219

[English text for this chapter is available]

bhartṛyajña uvāca |
kāmyāni te'dhunā vacmi śrāddhāni pṛthivīpate |
yaiḥ kṛtaiḥ samavāpnoti martyo hṛdayasaṃsthitam || 1 ||
[Analyze grammar]

yo nārīṃ vāṃchate kṣmāpa rūpāḍhyāṃ śīlamaṇḍanām |
iha loke pare caiva tasyārhaṃ prathamaṃ dinam || 2 ||
[Analyze grammar]

śrāddhīyapretapakṣasya mukhyabhūtaṃ ca yannṛpa |
ya icchetkanyakāṃ śreṣṭhāṃ suśīlāṃ rūpasaṃyu tām |
dvitīyādivase tena śrāddhaṃ kāryaṃ mahīpate || 3 ||
[Analyze grammar]

yo vāṃchati naro'śvāṃśca vāyuvegasamāñjave |
tṛtīyādivase śrāddhaṃ tena kāryaṃ vipaścitā || 4 ||
[Analyze grammar]

yo vāṃchati paśūnmukhyānkupyākupyadhanāni ca |
caturthyāṃ tena kartavyaṃ śrāddhaṃ pitṛpratuṣṭaye || 5 ||
[Analyze grammar]

putrānvāṃchati yo'bhīṣṭānsuśīlānvaṃśamaṃḍanān |
pañcamyāṃ tena kartavyaṃ sadā śrāddhaṃ narādhipa || 6 ||
[Analyze grammar]

yaḥ śrāddhaṃ vaṃśajairdattaṃ paralokagato nṛpa |
vāṃchate tena kartavyaṃ ṣaṣṭhyāṃ śrāddhaṃ vipaścitā || 7 ||
[Analyze grammar]

kṛṣisiddhiṃ ya iccheta graiṣmikīṃ śāradīmapi |
saptamyāṃ yujyate tasya śrāddhaṃ kartuṃ na saṃśayaḥ || 8 ||
[Analyze grammar]

ya icchetpaṇyasaṃsiddhiṃ vyavahārasamudbhavām |
aṣṭamyāṃ yujyate śrāddhaṃ tasya kartuṃ narādhipa || 9 ||
[Analyze grammar]

navamyāṃ śrāddhakṛnnānā catuṣpadagaṇāllaṃbhet |
saubhāgyaṃ roganāśaṃ ca tathā vallabhasaṃgamam || 10 ||
[Analyze grammar]

daśamīdivase śrāddhaṃ yaḥ karoti samāhitaḥ |
tasya syādvāṃchitā siddhiḥ sarvakṛtyeṣu sarvadā || 11 ||
[Analyze grammar]

ekādaśyāṃ dhanaṃ dhānyaṃ śrāddhakartā labhennaraḥ |
tathā bhūpaprasādaṃ ca yaccānyanmanasi sthitam || 12 ||
[Analyze grammar]

yaḥ karoti ca dvādaśyāṃ śrāddhaṃ śraddhāsamanvitaḥ |
putrāṃstu pravarāṃścaiva sa paśūnvāṃchitāllaṃbhet || 13 ||
[Analyze grammar]

yo vāṃchati naro muktiṃ pitṛbhiḥ saha cātmanaḥ |
asaṃtānaśca yastasya śrāddhe proktā trayodaśī || 14 ||
[Analyze grammar]

saṃtānakāmo yaḥ kuryāttasya vaṃśakṣayo bhavet |
na saṃtānavivṛddhayai ca tasya proktā trayodaśī || 15 ||
[Analyze grammar]

śrāddhakarmaṇi rājeṃdra śrutireṣā purātanī |
api naḥ sa kule bhūyādyo no dadyāttrayodaśīm || 16 ||
[Analyze grammar]

pāyasaṃ madhusarpirbhyāṃ varṣāsu ca maghāsu ca |
maghātrayodaśīyoge pāyasena yajetpitṝn || 17 ||
[Analyze grammar]

pitarastasya necchaṃti tadvarṣaṃ śrāddhasatkriyām |
puṇyātiśayabhītena piṃḍadānaṃ nirākṛtam || 18 ||
[Analyze grammar]

śakreṇa taddine putramaraṇaṃ darśitaṃ bhayam |
yeṣāṃ ca śastramṛtyuḥ syādapamṛtyurathāpi vā || 19 ||
[Analyze grammar]

upasargamṛtānāṃ ca viṣamṛtyumupeyuṣām |
vahninā tu pradagdhānāṃ jalamṛtyu mupeyuṣām || 20 ||
[Analyze grammar]

sarpavyālahatānāṃ ca śṛṃgairudbandhanairapi |
ekoddiṣṭaṃ prakartavyaṃ caturdaśyāṃ narādhipa || 21 ||
[Analyze grammar]

teṣāṃ tasminkṛte tṛptistatastatpakṣajā bhavet || 22 ||
[Analyze grammar]

sarve kāmāḥ puraḥ proktā yuṣmākaṃ ye mayā nṛpa |
amāvāsyādine śrāddhāttānāpnoti na saṃśa yaḥ || 23 ||
[Analyze grammar]

etatte sarvamākhyātaṃ kāmyaśrāddhaphalaṃ nṛpa |
yacchrutvā vāṃchitānkāmānsarvānāpnoti mānavaḥ || 24 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrāddhakalpe kāmyaśrāddhavarṇanaṃnāmaikonaviṃśottaradviśatatamo' dhyāyaḥ || 219 ||
[Analyze grammar]