Chapter 166

[English text for this chapter is available]

sūta uvāca |
ṛcīko'pi samādāya puruṣairāptakāribhiḥ |
tānaśvānprajagāmātha yatra gādhirvyavasthitaḥ || 1 ||
[Analyze grammar]

tasmai nivedayāmāsa kanyārthaṃ tānhayottamān |
gādhistu tānpragṛhyātha yogyānvājimakhasya ca || 2 ||
[Analyze grammar]

ekaikaṃ paramaṃ teṣāṃ sa jagāmātha pārthivaḥ |
tatastāṃ pradadau tasmai kanyāṃ trailokyasundarīm || 3 ||
[Analyze grammar]

viprāgnisākṣisaṃbhūtāṃ gṛhyoktavidhinā nvitaḥ |
tato vivāhe nirvṛtta ṛcīko munisattamaḥ || 4 ||
[Analyze grammar]

tasyāḥ saṃveśane caiva niṣkāmaḥ samapadyata |
athābravīnnijāṃ bhāryāṃ niṣkāmaḥ saṃsthito muniḥ || 5 ||
[Analyze grammar]

ahaṃ yāsyāmi suśroṇi kānanaṃ tapasaḥ kṛte |
tvaṃ prārthaya varaṃ kaṃcidyenābhīṣṭaṃ dadāmi te || 6 ||
[Analyze grammar]

sā śrutvā tasya tadvākyaṃ niṣkāmasya prajalpitam |
vāṣpapūrṇekṣaṇā dīnā jagāma jananīṃ prati || 7 ||
[Analyze grammar]

provāca vacanaṃ tasya sā niṣkāmapate stadā |
varadānaṃ tathā tena yathoktaṃ dvijasattamāḥ || 8 ||
[Analyze grammar]

atha śrutvaiva sā mātā yathā tajjalpitaṃ tayā |
sutayā brāhmaṇaśreṣṭhāstato vacanamabravīt || 9 ||
[Analyze grammar]

yadyayaṃ putri te bhartā varaṃ yacchati vāṃchitam |
tatprārthaya sutaṃ tasmādbrāhmaṇyena samanvitam || 10 ||
[Analyze grammar]

madarthaṃ caikaputraṃ ca niḥśeṣakṣāttratejasā |
saṃyuktaṃ yācaya śubhe viputrā'haṃ yataḥ sthitā || 11 ||
[Analyze grammar]

sā śrutvā jananīvākyamṛcīkaṃ prāpya suvratā |
abravījjananī vākyaṃ sarvaṃ vistarato dvijāḥ || 12 ||
[Analyze grammar]

sa tasyāśca vacaḥ śrutvā cakārātha carudvayam |
putreṣṭiṃ vidhivatkṛtvā namaskṛtya svayaṃbhuvam || 13 ||
[Analyze grammar]

ekasminyojayāmāsa brāhmyaṃ tejo'khilaṃ ca saḥ |
kṣātraṃ tejastathānyasminsakalaṃ dvijasattamāḥ || 14 ||
[Analyze grammar]

bhāryāyai pradadau pūrvaṃ brāhmyaṃ ca carumutta mam |
abravītprāśayitvainamaśvatthāliṃganaṃ kuru || 15 ||
[Analyze grammar]

tataḥ prāpsyasi satputraṃ brāhmyatejaḥsamanvitam |
dvitīyaścaruko yaśca taṃ tvaṃ mātre nive daya || 16 ||
[Analyze grammar]

abravīcca tatastāṃ tu ṛcīko munisattamaḥ |
tvamenaṃ carukaṃ prāśya nyagrodhāliṃganaṃ kuru || 17 ||
[Analyze grammar]

tataḥ prāpsyasi satputraṃ saṃyuktaṃ kṣātratejasā |
niḥśeṣeṇa mahābhāge na me syādvacanaṃ vṛthā || 18 ||
[Analyze grammar]

evamuktvā ṛcīkastu sa visṛjya ca tejasī |
suhṛṣṭo brāhmaṇaśreṣṭhaḥ svayaṃ ca mahito'bhavat || 19 ||
[Analyze grammar]

te caiva tu gṛhe gatvā prahṛṣṭenāṃtarātmanā |
ūcatuśca mithaste ca satyametadbhaviṣyati || 20 ||
[Analyze grammar]

tato mātā sutāṃ prāha ātmārthe sakalo janaḥ |
viśeṣaṃ kurute kṛtye sāmānye ca vyavasthite || 21 ||
[Analyze grammar]

tattavārthaṃ kṛto'nena yaścaruścārulocane |
yastasminvihito'nena mantragrāmo bhaviṣyati |
viśeṣeṇa mahābhāge satyametanmayoditam || 22 ||
[Analyze grammar]

tasmācca carukaṃ mahyaṃ tvaṃ gṛhāṇa śucismite |
ātmīyaṃ mama yacchasva vṛkṣābhyāṃ ca viparyayaḥ |
kriyatāṃ ca mahābhāge yena me syātsutottamaḥ || 23 ||
[Analyze grammar]

rājyakarmaṇi dakṣaśca śūraḥ parabalārdanaḥ |
tvadīyo dvijamātro'pi tava tuṣṭiṃ kariṣyati || 24 ||
[Analyze grammar]

atha sā vijane proktā tayā mātrā yaśasvinī |
akarodvyatyayaṃ vṛkṣe carau ca dvijasattamāḥ || 25 ||
[Analyze grammar]

tataḥ puṃsa vane snāte te śubhe cārulocane |
dadhāte garbhamevātha bhartuḥ saṃyogataḥ kṣaṇāt || 26 ||
[Analyze grammar]

tatastu garbhamāsādya sā ca trailokyasundarī |
kṣāttreṇa tejasā yuktā tatkṣaṇātsamapadyata |
mano rājye tataścakre hastyaśvārohaṇodbhave || 27 ||
[Analyze grammar]

yuddhavārttāstathā cakre devāsuragaṇodbhavāḥ |
śṛṇoti ca tathā nityaṃ vilāseṣu mano dadhe |
anuṣṭhānaṃ tataścakre manorājyasamudbhavam || 28 ||
[Analyze grammar]

piturgṛhātsamānīya jātyānaśvāṃstathā gajān |
raktāni caiva vastrāṇi kāśmīrādyaṃ vilepanam || 29 || || 1 ||
[Analyze grammar]

taddṛṣṭvā ceṣṭitaṃ tasyā rājyārhaṃ bahubhogadhṛk |
brāhmaṇārhaiḥ parityaktaṃ samācāraiśca kṛtsnaśaḥ || 30 ||
[Analyze grammar]

abravīcca tataḥ kruddho dhikpāpe kimidaṃ kṛtam |
vyatyayo vihito nūnaṃ carukasya nagasya ca || 31 ||
[Analyze grammar]

tvayā pāpe prapaśyāmi yenedṛktava ceṣṭitam || 1 ||
[Analyze grammar]

kṣatriyārhaṃ dvijācāraiḥ sakalaiḥ parivarjitam || 32 ||
[Analyze grammar]

cīravalkalasaṃtyaktaṃ snānajāpyavivarjitam |
saṃyuktaṃ vividhairgandhairmṛganābhipuraḥsaraiḥ || 33 ||
[Analyze grammar]

tava mātā śamasthā sā japahomaparāyaṇā |
tīrthayātrāparā caiva vedaśravaṇalālasā || 34 ||
[Analyze grammar]

tasmātte kṣatriyaḥ putro bhaviṣyati na saṃśayaḥ || 35 ||
[Analyze grammar]

mātuśca brāhmaṇaśreṣṭho brahmacaryakathāparaḥ |
bhaviṣyati sutaścihnairgarbhalakṣaṇasaṃbhavaiḥ || 36 ||
[Analyze grammar]

yasmādudīritaḥ pūrvaṃ śloko'yaṃ śāstracintakaiḥ |
yādṛśā dohadāḥ santi sagarbhāṇāṃ ca yoṣitām || 37 ||
[Analyze grammar]

tādṛgeva svabhāvena tāsāṃ putro'tra jāyate |
saivamuktā bhayatrastā vepamānā kṛtāṃjaliḥ || 38 ||
[Analyze grammar]

bāṣpapūrṇekṣaṇā dīnā vākyametaduvāca ha |
satyametatprabho vākyaṃ yattvayā samudāhṛtam || 39 ||
[Analyze grammar]

atītānāgataṃ vetti vinā liṃgairbhavāniha |
tasmātkuru prasādaṃ me yathā syādbrāhmaṇaḥ sutaḥ |
kṣatriyasya tu putrasya bhavānnārhaḥ kathaṃcana || 40 ||
[Analyze grammar]

ṛcīka uvāca |
yatkiṃcidbrahmatejaḥ syāttannyastaṃ te carau mayā |
kṣāttraṃ tejaśca te māturvyatyayaṃ ca kathaṃcana |
karomi vādhamo loke śāstra sya ca vyatikramam || 41 ||
[Analyze grammar]

patnyuvāca |
yadyevaṃ bhṛguśārdūla mama pautro'tra yo bhavet |
kṣāttraṃ tejo'khilaṃ tasya gātre bhūyā ttvayā'hṛtam || 42 ||
[Analyze grammar]

putrastu brāhmaṇaśreṣṭho bhūyādabhyadhikastava || 43 ||
[Analyze grammar]

ṛcīka uvāca |
evaṃ bhavatu madvākyātputraste brāhmaṇaḥ śubhe |
pautraḥ sudurddharaḥ saṃkhye saṃyuktaḥ kṣāttratejasā || 44 ||
[Analyze grammar]

tataḥ satyaṃ varaṃ labdhvā prasannavadanā satī |
māturnivedayāmāsa tatsarvaṃ kāṃta jalpitam || 45 ||
[Analyze grammar]

tataḥ sā daśame māsi saṃprāpte gurudaivate |
nakṣatre janayāmāsa putraṃ bālārkasannibham || 46 ||
[Analyze grammar]

brāhmyā lakṣmyā samopetaṃ nidhānaṃ tapasāṃ śuci |
jamadagniriti khyāto yo'sau trailokyaviśrutaḥ |
tasya putrobhavatkhyāto rāmonāma mahāyaśāḥ || 47 ||
[Analyze grammar]

ekaviṃśatidā yena dharā niḥkṣatriyā kṛtā |
kṣāttratejaḥprabhāvena pitāmahaprasādataḥ || 48 ||
[Analyze grammar]

iti śrīskāṃde mahāpurāṇa ekāśītisāhasyā saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye paraśurāmotpattivarṇanaṃnāma ṣaṭṣaṣṭyuttaraśatatamo'dhyāyaḥ || 166 ||
[Analyze grammar]