Chapter 167

[English text for this chapter is available]

sūta uvāca |
gādhestu yā'tha patnī ca prāśanāccaru kasya vai |
sāpi garbhaṃ dadhe tatra vāsare mantrataḥ śubhā || 1 ||
[Analyze grammar]

sā ca garbhasamopetā yadā jātā dvijottamāḥ |
tīrthayātrāparā sādhvī jātā vrataparāyaṇā || 2 ||
[Analyze grammar]

vedadhvanirbhavedyatra tatra harṣasamanvitā |
pulakāṃcitasarvāṃgī sā śuśrāva ca sarvadā |
tyaktvā rājyocitānsarvānalaṃkārānsukhāni ca || 3 ||
[Analyze grammar]

atha sāpi dvijaśreṣṭhā daśame māsi saṃsthite |
suṣuve suprabhaṃ putraṃ brāhmyā lakṣmyā samāvṛtam || 4 ||
[Analyze grammar]

viśvāmitrastathā khyātastrailokye sacarā care |
vavṛdhe sa mahābhāgo nityamevādhikaṃ nṛṇām || 5 ||
[Analyze grammar]

śuklapakṣaṃ samāsādya tārāpatirivāṃbare |
yadāsau yauvanopetaḥ saṃjāto dvijasattamāḥ || 6 ||
[Analyze grammar]

rājyakṣamastadā rājye gādhinā sa niyojitaḥ |
anicchamānaḥ svaṃ rājyaṃ pitṛpaitāmahaṃ mahat || 7 ||
[Analyze grammar]

vedādhyayanasaṃpanno nityaṃ ca paṭhate hi saḥ |
brāhmaṇocitamārgeṇa gacchamāno divāniśam || 8 ||
[Analyze grammar]

saṃsthāpyātha sutaṃ rājye babhūva vanagocaraḥ |
sakalatro mahābhāgo vānaprasthāśrame rataḥ || 9 ||
[Analyze grammar]

viśvāmitro'pi rājyastho dvijasaṃpūjane rataḥ |
dvijaiḥ sarvaiścacārātha snānajāpyaparāyaṇaḥ || 10 ||
[Analyze grammar]

kasyacittvatha kālasya pāparddhiṃ samupāgataḥ |
praviveśa vanaṃ raudraṃ nānāmṛgasamākulam || 11 ||
[Analyze grammar]

jaghāna sa vane tatra varāhānsaṃbarāngajān |
tarakṣāṃśca rurūnkhaḍgānāraṇyānmahiṣāṃstathā || 12 ||
[Analyze grammar]

siṃhānvyāghrānmahāsarpāñcharabhāṃśca dvijottamāḥ |
mṛgayāsaktacittaḥ sa bhramamāṇo mahāvane || 13 ||
[Analyze grammar]

madhyāhnasamaye prāpte vṛṣasthe ca divākare |
kṣutpipāsāpariśrāṃto viśvāmitro dvijottamāḥ || 14 ||
[Analyze grammar]

āsasādāśramaṃ puṇyaṃ vasiṣṭhasya mahātmanaḥ |
vasiṣṭho'pi samālokya viśvāmitraṃ nṛpo ttamam || 15 ||
[Analyze grammar]

nijāśrame tu saṃprāptaṃ sānandaṃ sammukho yayau |
dattvā tasmai tadārghyaṃ ca madhuparkaṃ ca bhūbhuje || 16 ||
[Analyze grammar]

abravīcca tato vākyaṃ svāgataṃ te mahīpate |
vada kṛtyaṃ karomyeva gṛhāyātasya yacca te || 17 ||
[Analyze grammar]

viśvāmitra uvāca |
mṛgayāyāṃ pariśrāṃtaḥ pipāsāvyākulendriyaḥ |
pānārthamiha saṃprāpta āśrame te munīśvara || 18 ||
[Analyze grammar]

tatpītaṃ śītalaṃ toyaṃ vitṛṣṇo'haṃ vyavasthitaḥ |
anujñāṃ dehi me brahmanyena gacchāmi maṃdiram || 19 ||
[Analyze grammar]

vasiṣṭha uvāca |
madhyāhna samayo raudraḥ sūryo'tīva sutāpadaḥ |
tatkṛtvā bhojanaṃ rājannaparāhṇe vyavasthite |
gantāsi nijamāvāsaṃ bhuktvānnaṃ mama cāśrame || 20 ||
[Analyze grammar]

rājovāca |
caturaṃgeṇa sainyena mṛgayāmahamāgataḥ || 21 ||
[Analyze grammar]

tavāśramasya dvārasthaṃ mama sainyaṃ vyavasthitam |
bubhukṣiteṣu bhṛtyeṣu yaḥ svāmī kurute'śanam || 22 ||
[Analyze grammar]

sa yāti narakaṃ ghoraṃ tyajyate ca guṇairdrutam |
tasmādājñāpaya kṣipraṃ māṃ mune svagṛhāya bhoḥ || 23 ||
[Analyze grammar]

vasiṣṭha uvāca |
yadi te sevakāḥ saṃti dvāradeśe bubhukṣitāḥ |
sarvānihānaya kṣipraṃ tṛptiṃ neṣyāmyahaṃ param || 24 ||
[Analyze grammar]

asti me nandinīnāma kāmadhenuḥ suśobhanā |
vāṃchitaṃ yacchate sarvaṃ tapasā pārthivottama || 25 ||
[Analyze grammar]

tṛptiṃ neṣyati te sarvaṃ sainyaṃ pārthivasattama |
tasmādānīyatāṃ kṣipraṃ paśya me dhenujaṃ phalam || 26 ||
[Analyze grammar]

tacchrutvā cānayāmāsa sarvaṃ sainyaṃ mahīpatiḥ |
snātaśca kṛtajapyaśca santarpya pitṛdevatāḥ || 27 ||
[Analyze grammar]

brāhmaṇānvācayitvā ca siṃhāsanasamāśritaḥ |
etasminnaṃtare dhenuḥ samāhūtā ca naṃdinī || 28 ||
[Analyze grammar]

vasiṣṭhena samāhūtā viśvāmitrapuraḥsthitā |
abravīcca tatā vākyaṃ vasiṣṭhamṛṣi sattamam || 29 ||
[Analyze grammar]

ādeśo dīyatāṃ mahyaṃ kiṃ karomi praśādhi mām || 30 ||
[Analyze grammar]

vasiṣṭha uvāca |
pādaprakṣālanādyaṃ tu kuruṣva vacanānmama |
viśvāmitrasya rājarṣeryāvadbhojanasaṃsthitim || 31 ||
[Analyze grammar]

khādyaiḥ sarvaistathā lehyaiścoṣyaiḥ peyaiḥ pṛthavidhaiḥ |
kuruṣva tṛptiparyantaṃ sasainyasya mahīpateḥ |
aśvānāṃ ca gajānāṃ ca ghāsādibhiryathākramam || 32 ||
[Analyze grammar]

sūta uvāca |
bāḍhamityeva sāpyuktvā tatastatsasṛje kṣaṇāt |
yatproktaṃ tena muninā bhṛtyānāṃ cāyutaṃ tathā || 33 ||
[Analyze grammar]

tataste sarvamādāya bhṛtyā bhojyaṃ dadustathā |
ekaikasya pṛthaktvena pratipattipuraḥsaram || 34 ||
[Analyze grammar]

evaṃ tayā kṣaṇenaiva tṛptiṃ nīto mahīpatiḥ |
sasainyaḥ saparīvāro gajoṣṭrāśvairvṛṣaiḥ saha || 35 ||
[Analyze grammar]

tatastu kautukaṃ dṛṣṭvā viśvāmitro mahīpatiḥ |
sāmātyo visma yāviṣṭo mantrayāmāsa ca dvijāḥ || 36 ||
[Analyze grammar]

aho citramaho citraṃ yayā'kasmādvarūthinī |
tṛptiṃ nīteyamasmākaṃ kṣutpipāsāsamākulā || 37 ||
[Analyze grammar]

tasmātsaṃnīyatāmeṣā svagṛhaṃ dhenuruttamā |
kiṃ kariṣyati vipro'yaṃ nirbhṛtyo vanasaṃsthitaḥ || 38 ||
[Analyze grammar]

tato vasiṣṭhamāhūya vākyametaduvāca saḥ |
naṃdinī dīyatāṃ mahyaṃ kiṃ kariṣyasi cānayā || 39 ||
[Analyze grammar]

tvameko vanasaṃsthastu nirdvandvo niṣparigrahaḥ |
athavā tava dāsyāmi vyayārthe munisattama |
varāngrāmāṃśca hastyaśvānanyāṃścāpi yathepsitān || 40 ||
[Analyze grammar]

vasiṣṭha uvāca |
homadhenuriyaṃ rājannasmākaṃ kāmadohinī |
adeyā gaurmahārāja sāmānyāpi dvijanmanām || 41 ||
[Analyze grammar]

kiṃ punarnaṃdinī yaiṣā sarvakāmapradāyinī |
aparaṃ śṛṇu rājeṃdra smṛtivākyamanuttamam || 42 ||
[Analyze grammar]

gavāṃ hi vikrayārthe ca yaduktaṃ manunā svayam |
gavāṃ vikrayajaṃ vittaṃ yo gṛhṇāti dvijottamaḥ || 43 ||
[Analyze grammar]

antyajaḥ sa parijñeyo mātṛvikrayakārakaḥ |
tasmānnāhaṃ pradāsyāmi nandinīṃ tāṃ mahīpate || 44 ||
[Analyze grammar]

na sāmnā naiva bhedena na dānena kathaṃcana |
na daṇḍena mahārāja tasmādgaccha nijālayam || 45 ||
[Analyze grammar]

viśvāmitra uvāca |
yatkiṃcidvidyate ratnaṃ pārthivasya kṣitau dvija |
tatsarvaṃ rājakīyaṃ syāditi vittavido viduḥ || 46 ||
[Analyze grammar]

ratnabhūtā tato dhenurmameyaṃ naṃdinī sthitā |
daṇḍenāpi grahīṣyāmi sāmnā yacchasi no yadi || 47 ||
[Analyze grammar]

evamuktvā vasiṣṭhaṃ sa viśvāmitro mahīpatiḥ |
ādideśa tato bhṛtyānnadinīyaṃ pragṛhyatām || 48 ||
[Analyze grammar]

atha sā bhṛtyavargeṇa nīyamānā ca naṃdinī |
hanyamānā prahāraiśca pāṣāṇairlakuṭairapi || 49 ||
[Analyze grammar]

aśrupūrṇekṣaṇā dīnā prahārairjarjarīkṛtā |
kṛcchrādupetya taṃ prāha vasiṣṭhaṃ munisattamam || 50 ||
[Analyze grammar]

kiṃ dattāsmi muniśreṣṭha tvayāhaṃ cāsya bhūpateḥ |
yena māṃ kālayaṃtyasya puruṣāḥ svāmino yathā || 51 ||
[Analyze grammar]

vasiṣṭha uvāca |
na tvāṃ yacchāmyahaṃ dheno prāṇatyāge'pi saṃsthite |
tadrakṣasva svayaṃ dheno ātmānaṃ matprabhāvataḥ || 52 ||
[Analyze grammar]

evamuktā tadā dhenurvasiṣṭhena mahātmanā |
kopāviṣṭā tataścakre huṃkārāndāruṇāṃstathā || 53 ||
[Analyze grammar]

tasyā huṃkāraśabdaiśca niṣkrāṃtāḥ sāyudhā narāḥ |
śabarāśca puliṃdāśca mlecchāḥ saṃkhyāvivarjitāḥ || 54 ||
[Analyze grammar]

taiśca bhṛtyā hatāḥ sarve viśvāmitrasyabhūpateḥ |
tataḥ kopābhibhūto'sau viśvāmitro mahīpatiḥ || 55 ||
[Analyze grammar]

sajjaṃ kṛtvā svasainyaṃ tu caturaṃgaṃ prakopataḥ |
yuddhaṃ cakre ca taiḥ sārdhaṃ maraṇe kṛtaniścayaḥ || 56 ||
[Analyze grammar]

atha te sainikā stasya te gajāste ca vājinaḥ |
paśyato nihatāḥ sarve puruṣairdhenusaṃbhavaiḥ || 57 ||
[Analyze grammar]

viśvāmitraṃ parityajya śeṣaṃ sarvaṃ nipātitam |
taṃ dṛṣṭvā veṣṭitaṃ mlecchairyu dhyamānaṃ mahīpatim || 58 ||
[Analyze grammar]

kṛpāṃ kṛtvā vasiṣṭhastu nandinīmidamabravīt |
rakṣa naṃdini bhūpālaṃ mlecchairetaiḥ samāvṛtam || 59 ||
[Analyze grammar]

rājā hi yatnato rakṣyo yatprasādādidaṃ jagat |
sanmārge vartate sarvaṃ na cāmārge pravartate || 60 ||
[Analyze grammar]

tatastu naṃdinīṃ yāvanniṣedhayitumāgatām |
viśvāmitro'simudyamya prahartumupacakrame || 61 ||
[Analyze grammar]

vasiṣṭho'pi samālokya vadhyamānāṃ ca tāṃ tadā |
bāhuṃ saṃstaṃbhayāmāsa khaḍgaṃ tasya ca bhūpateḥ || 62 ||
[Analyze grammar]

atha vailakṣyamāpanno viśvāmitro mahīpatiḥ |
provāca vrīḍayā yukto vasiṣṭhaṃ munisattamam || 63 ||
[Analyze grammar]

rakṣa māṃ tvaṃ muniśreṣṭha vadhyamānaṃ sudāruṇaiḥ |
mlecchaiḥ kuruṣva me bāhuṃ stambhena tu vivarjitam || 64 ||
[Analyze grammar]

mamāparādhātsaṃnaṣṭaṃ sarvaṃ sainyamanantakam |
tasmādyāsyāmyahaṃ harmyaṃ na yuddhena prayojanam || 65 ||
[Analyze grammar]

durvinītaḥ śriyaṃ prāpya vidyāmaiśvaryameva ca |
na tiṣṭhati ciraṃ yuddhe yathāhaṃ madagarvitaḥ || 66 ||
[Analyze grammar]

sūta uvāca |
evamukto vasiṣṭhastu viśvāmitreṇa bhūbhujā |
cakāra taṃ bhujaṃ tasya staṃbhadoṣavivarjitam || 67 ||
[Analyze grammar]

abravītprahasanvākyaṃ vidhāya sa śubhaṃ karam |
gaccha rājanvimukto'si staṃbhadoṣeṇa vai mayā || 68 ||
[Analyze grammar]

mākārśīrbrāhmaṇaiḥ sārdhaṃ virodhaṃ bhūya eva hi |
anujñātaḥ sa tenātha viśvāmitro mahīpatiḥ || 69 ||
[Analyze grammar]

savrīḍaṃ prayayau harmyaṃ padbhyāmeva dvijottamāḥ |
svapuradvāramāsādya sugupte rajanīmukhe || 7 ||
[Analyze grammar]

pralāpamakarottatra bāṣpaparyākulekṣaṇaḥ |
dhigbalaṃ kṣatriyāṇāṃ ca dhigvīryaṃ dhikprajīvitam || 71 ||
[Analyze grammar]

ślāghyaṃ brahmabalaṃ caikaṃ brāhmyaṃ tejaśca kevalam || 72 ||
[Analyze grammar]

etatkarma mayā kāryaṃ yathā syādbrahmajaṃ balam |
tyaktvā caiva nijaṃ rājyaṃ cariṣyāmi mahattapaḥ |
evaṃ sa niścayaṃ kṛtvā rājye saṃsthāpya vai sutam |
nāmnā viśvasahaṃ khyātaṃ prajagāma tapovanam || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye viśvāmitrarājyaparityāgavarṇanaṃ nāma saptaṣaṣṭyuttaraśatatamo'dhyāyaḥ || 167 ||
[Analyze grammar]