Chapter 142

[English text for this chapter is available]

sūta uvāca |
tathānyadapi tatrāsti puṇyaṃ gaṇapatitrayam |
svargadaṃ martyadaṃ puṇyaṃ tathānyannarakāpaham || 1 ||
[Analyze grammar]

haṃtṛ vai sarvavighnānāṃ pūjitaṃ suradānavaiḥ |
sarvakāmapradaṃ caiva vidyākīrtivivardhanam || 2 ||
[Analyze grammar]

ṛṣaya ūcuḥ |
trividhāḥ puruṣāḥ sūta jāyaṃtetra mahītale |
uttamā madhyamāścānye tathā cānye'dhamāḥ sthitāḥ || 3 ||
[Analyze grammar]

uttamāḥ prārthayaṃti sma mokṣameva hi kevalam |
gatā yatra nivartaṃte na kathaṃciddharātale || 4 ||
[Analyze grammar]

madhyamāḥ svargamārgaṃ ca divyānbhogānmanoramān |
apsarobhiḥ samaṃ krīḍāṃ yajñādyaiḥ karmabhiḥ kṛtām || 5 ||
[Analyze grammar]

adhamā martyaloketra ramaṃte viṣayātmakāḥ |
viṣakīṭakavattatra ratiṃ kṛtvā garīyasīm || 6 ||
[Analyze grammar]

svargamokṣau parityajya tatkasmānmartya iṣyate |
yenāsau prārthyate martyairmartyado gaṇanāyakaḥ || 7 ||
[Analyze grammar]

kena saṃsthāpitāste ca tasminkṣetre gajānanāḥ |
kasminkāle ca draṣṭavyāḥ sarvaṃ vistarato vada || 8 ||
[Analyze grammar]

sūta uvāca |
pūrvaṃ taptvā tapastīvraṃ martyaloke dvijottamāḥ |
tato gacchaṃti saṃhṛṣṭāḥ svecchayā tridivaṃ prati |
mokṣamārgaṃ tathaivānye dhyānāviṣkṛtamānasāḥ || 9 ||
[Analyze grammar]

tataḥ svarge samākīrṇe kadācinmanujottamaiḥ |
deveṣu kṣipyamāṇeṣu samaṃtāttatprabhāvataḥ || 10 ||
[Analyze grammar]

gatvā svayaṃ sahasrākṣaḥ sarvairdevagaṇaiḥ saha |
provāca śaṃkaraṃ gauryā sārdhamekāsanasthitam || 11 ||
[Analyze grammar]

indra uvāca |
tapaḥprabhāvasaṃsiddhairmānavaiḥ parameśvara |
asmākaṃ vyāpyate sarvaṃ mahimānaṃ gṛhādikam || 12 ||
[Analyze grammar]

tasmātkṛtvā prasādaṃ naḥ kaṃcicciṃtaya sāṃpratam |
upāyaṃ yena tiṣṭhāmaḥ saukhyenātra śivālaye || 13 ||
[Analyze grammar]

atha śrutvā virūpākṣasteṣāṃ tadvacanaṃ dvijāḥ |
pārvatyāḥ pārśvasaṃsthāyā mukhacandraṃ samaikṣayat || 14 ||
[Analyze grammar]

nijagātraṃ tato devī susaṃmardya muhurmuhuḥ |
malamāhṛtya taṃ kṛtsnaṃ cakre nāgamukhaṃ tataḥ || 15 ||
[Analyze grammar]

caturhastaṃ mahākāyaṃ laṃbodarasamanvitam |
sukautukakaraṃ teṣāṃ sarveṣāṃ ca divaukasām || 16 ||
[Analyze grammar]

tataḥ sa vinayādāha devīṃ śikharavāsinīm |
yadarthamaṃba sṛṣṭo'haṃ tatkāryaṃ vada mā ciram || 17 ||
[Analyze grammar]

trailokye tvatprasādena nāsādhyaṃ vidyate mama || 18 ||
[Analyze grammar]

śrīdevyuvāca |
martyaloke narā ye ca svargamokṣaparāḥ sadā |
teṣāṃ vighnaṃ tvayā kāryaṃ śubhakṛtyeṣu caiva hi || 19 ||
[Analyze grammar]

saritāṃ patayastriṃśacchaṃkavaḥ saptasaptatiḥ |
mahāsarojaṣaṣṭiśca nikharvāṇāṃ ca viṃśatiḥ || 20 ||
[Analyze grammar]

arbudāyutasaṃyuktāḥ koṭyo navatipañca ca |
lakṣāśca paṃcapaṃcāśatsahasrāḥ paṃcaviṃśatiḥ |
śatāni navaṣaṣṭiśca gaṇāścānye'tra saṃsthitāḥ || 21 ||
[Analyze grammar]

yeṣāṃ nadī smṛtaḥ pūrvo mahākālastathā paraḥ |
te sarve vaśagāstubhyaṃ prabhavaṃtu gaṇottamāḥ || 22 ||
[Analyze grammar]

ādhipatyaṃ mayā dattaṃ tava vatsa kuruṣva tat |
sarveṣāṃ gaṇavṛṃdānāmādhipatye vyavasthitaḥ || 23 ||
[Analyze grammar]

evamuktvātha sā devī samānīyauṣadhībhṛtān |
hemakuṃbhānsutīrthāṃbhaḥ paripūrṇānmahodayān || 24 ||
[Analyze grammar]

tasyābhiṣecanaṃ cakre svayameva sureśvarī |
gītavādyavinodena nṛtyamaṃgalajaiḥ svanaiḥ || 25 ||
[Analyze grammar]

trayastriṃśatsmṛtāḥ koṭayo devānāṃ yāḥ sthitā divi |
tāḥ sarvāstatra cāgatya tasya cakruśca maṃgalam || 26 ||
[Analyze grammar]

atha tasya dadau tuṣṭo bhagavānvṛṣabhadhvajaḥ |
kuṭhāraṃ niśitaṃ haste sadā vai śreṣṭhamāyudham || 27 ||
[Analyze grammar]

pātraṃ modakasaṃpūrṇamakṣayaṃ caiva pārvatī |
bhojanārthe mahābhāgā mātṛsnehaparāyaṇā || 28 ||
[Analyze grammar]

mūṣakaṃ kārtikeyastu vāhanārthaṃ praharṣitaḥ |
bhrātaraṃ manyamānastu bandhusnehena saṃyutaḥ || 29 ||
[Analyze grammar]

jñānaṃ divyaṃ dadau brahmā tasmai hṛṣṭena cetasā |
atītānāgataṃ caiva vartamānaṃ ca yadbhavet || 30 ||
[Analyze grammar]

prajñāṃ viṣṇuḥ sahasrākṣaḥ saubhāgyaṃ cottamaṃ mahat |
saubhāgyaṃ kāmadevastu kubero vibhavādikam || 31 ||
[Analyze grammar]

pratāpaṃ bhagavānsūryaḥ kāṃtimagryāṃ niśākaraḥ || 32 ||
[Analyze grammar]

tathānye vibudhāḥ sarve daduriṣṭāni bhūriśaḥ |
ātmīyāni pratuṣṭyarthaṃ devyā devasya ca prabhoḥ || 33 ||
[Analyze grammar]

evaṃ labdhavaraḥ so'tha gaṇanātho dvijottamāḥ |
devakṛtyaparo nityaṃ cakre vighnāni bhūtale || 34 ||
[Analyze grammar]

dharmārthaṃ yatamānānāṃ mokṣāya sukṛtāya ca |
tato bhūmitale'bhyetya gaṇeśastatra yaḥ smṛtaḥ || 35 ||
[Analyze grammar]

vaimānikaiḥ samabhyetya sthāpitastatra sa dvijāḥ |
yena svargārthino lokāḥ pūjāṃ tasya pracakrire |
prathamaṃ sarvakṛtyeṣu vighnanāśāya tatparāḥ || 36 ||
[Analyze grammar]

etasminneva kāle ca camatkārapurodbhavaiḥ |
brāhmaṇairbrahmavijñānatatparairmokṣahetubhiḥ |
īśānaḥ sthāpitastatra mokṣado ya udāhṛtaḥ || 37 ||
[Analyze grammar]

svargaṃ vāñchadbhirevānyaiḥ svargadvārapradastathā |
heraṃbaḥ sthāpitastatra satyanāmā yathoditaḥ || 38 ||
[Analyze grammar]

tathānyairmartyado nāma gaṇaiśastatra yaḥ sthitaḥ |
yena svargāccyutā yāṃti na kadā narakādikam |
tiryaktvaṃ vā kṛmitvaṃ vā sthāvaratvamathāpi vā || 39 ||
[Analyze grammar]

etasmātkāraṇāttatra kṣetre puṇye dvijottamāḥ |
herambo martyado jātaḥ svargiṇāṃ martyadaḥ sadā || 40 ||
[Analyze grammar]

etadvaḥ sarvamākhyātaṃ puṇyaṃ heraṃbasaṃbhavam |
ākhyānaṃ sarvavighnāni yannihanti śrutaṃ nṛṇām || 41 ||
[Analyze grammar]

etanmāghacaturthāṃ yaḥ śuklāyāṃ pūjayennaraḥ |
na tasya vatsaraṃ yāvadvighnaṃ sañjāyate kvacit || 42 ||
[Analyze grammar]