Chapter 139

[English text for this chapter is available]

sūta uvāca |
dharmarājeśvarotthaṃ ca māhātmyaṃ dvijasattamāḥ |
yanmayā praśrutaṃ puṇyaṃ sakāśātsvapituḥ purā || 1 ||
[Analyze grammar]

tadahaṃ kīrtayiṣyāmi śṛṇudhvaṃ susamāhitāḥ |
trailokye'pi suvikhyātaṃ sarva pātakanāśanam || 2 ||
[Analyze grammar]

tatra kṣetre purā vipraḥ kaśyapānvayasaṃbhavaḥ |
upādhyāya iti khyāto vedavidyāparāyaṇaḥ || 3 ||
[Analyze grammar]

paścime vayasi prāpte tasya putro babhūva ha |
svādhyāyaniyamasthasya prabhūtavibhavasya ca || 4 ||
[Analyze grammar]

pañcavarṣakamātrastu yadā jajñe ca tatsutaḥ |
tadā mṛtyuvaśaṃ prāptaḥ pitṛmātṛsuduḥkhakṛt || 5 ||
[Analyze grammar]

tataḥ sa brāhmaṇaḥ kopaṃ cakre vaivasvatopari |
dharmarājagṛhaṃ prāptaṃ dṛṣṭvā nijakumārakam || 6 ||
[Analyze grammar]

ādāya salilaṃ haste śucirbhūtvāsamāhitaḥ |
pradadau dāruṇaṃ śāpaṃ dharmarājāya duḥkhitaḥ || 7 ||
[Analyze grammar]

aputro'dya kṛto yasmādahaṃ tena durātmanā |
ataḥ so'pi ca duṣṭātmā yamo'putro bhaviṣyati || 8 ||
[Analyze grammar]

tathāsya bhūtale loko naiva pūjāṃ vidhāsyati |
kīrtayiṣyati no nāma yathānyeṣāṃ divaukasām || 9 ||
[Analyze grammar]

yaḥ kaścitprātarutthāya nāma cāsya grahī ṣyati |
maṃgalyakaraṇe cātha vighnaṃ tasya bhaviṣyati || 10 ||
[Analyze grammar]

taṃ śrutvā tasya viprasya yamaḥ śāpaṃ sudāruṇam |
svadharme vartamānastu tato duḥkhā nvito'bhavat || 11 ||
[Analyze grammar]

etasminnaṃtare gatvā brahmaṇaḥ sadanaṃ prati |
kṛtāṃjalipuṭo bhūtvā yamaḥ prāha pitāmaham || 12 ||
[Analyze grammar]

paśya deveśa śapto'haṃ nirdoṣopi dvijanmanā |
svadharme vartamānastu yathānyaḥ prākṛto janaḥ || 13 ||
[Analyze grammar]

tasmādahaṃ tyajiṣyāmi niyogaṃ te pitāmaha |
brahmaśāpabhayā dbhītaḥ satyametanmayoditam || 14 ||
[Analyze grammar]

purā māṃḍavyaśāpena śūdrayonyavatāritaḥ |
sāṃprataṃ putrarahitaḥ kṛto'pūjyaśca sattama || 15 ||
[Analyze grammar]

sūta uvāca |
tasya tadvacanaṃ śrutvā dīnaṃ vaivasvatasya ca |
tatkālocitamāhedaṃ svayameva śatakratuḥ || 16 ||
[Analyze grammar]

yuktamuktamanenaitaddharmarājena padmaja |
niyoge vartamānena tāvakīye sureśvara || 17 ||
[Analyze grammar]

avaśyameva martye ca manuṣyāḥ samaye sthitāḥ |
bālye vā yauvane vātha vārdhakye vā pitāmaha |
saṃhartavyā na saṃdeho nākāle ca kathaṃcana || 18 ||
[Analyze grammar]

etadeva kṛtaṃ nāma dharmarājākhyamuttamam |
tvayā ca samamitrasya samaśastrormahātmanaḥ || 19 ||
[Analyze grammar]

tasmādadya samālokya kaścideva viciṃtyatām |
upāyo yena nirdoṣo niyogaṃ kurute tava || 20 ||
[Analyze grammar]

brahmovāca |
brahmaśāpaṃ na śakto'ha manyathākartumevaca |
upāyaṃ ca kariṣyāmi sāṃprataṃ tridaśādhipa || 21 ||
[Analyze grammar]

tato dhyānaṃ pracakre sa brahmā lokapitāmahaḥ |
tadarthaṃ sarvadevānāṃ purataḥ susa māhitaḥ || 22 ||
[Analyze grammar]

tasyaivaṃ dhyānasaktasya prādurbhūtāḥ samaṃtataḥ |
mūrtā rogāḥ suraudrāste vātagulmakaphātmakāḥ |
aṣṭottaraśataprāyāḥ procustaṃ ca kṛtādarāḥ || 23 ||
[Analyze grammar]

rogā ūcuḥ |
kimarthaṃ devadeveśa tvayā sṛṣṭā vayaṃ vibho |
ādeśo dīyatāṃ śīghraṃ prasādaḥ kriyatāmiti || 24 ||
[Analyze grammar]

vrahmovāca |
vrajadhvaṃ bhūtale śīghraṃ mamādeśādasaṃśayam |
yamādeśānmanuṣyeṣu gantavyamavikalpitam || 25 ||
[Analyze grammar]

evamukttvā tu tānrogāṃstataḥ prāha pitāmahaḥ |
dharmarājaṃ samīpasthaṃ bhṛśaṃ dīnamadhomukham || 26 ||
[Analyze grammar]

ete te vyādhayaḥ sarve mayā yama niyojitāḥ |
sāhāyyaṃ ca kariṣyaṃti sarvakṛ tyeṣu sarvadā || 27 ||
[Analyze grammar]

yaḥ kaścidadhunā martyo gatāyuḥ saṃprapadyate |
vadhāya tasya yatnena tvayā preṣyāḥ sadaiva tu || 28 ||
[Analyze grammar]

eteṣāṃ jāyate tena jananāśasamudbhavaḥ |
apavādo dharāpṛṣṭhe na ca saṃjāyate tava || 29 ||
[Analyze grammar]

tasmādgatvā nijaṃ sthānaṃ svādhikāraparo bhava |
mamādeśādasaṃdigdhaṃ naivaṃ doṣamavāpsyasi || 3 ||
[Analyze grammar]

tatastānsakalānvyādhīngṛhītvā ravinaṃdanaḥ |
yamalokaṃ samāsādya tataḥ provāca sādaram || 31 ||
[Analyze grammar]

pṛṣṭvāpṛṣṭvā ca gaṃtavyaṃ citraguptaṃ dharātale |
gaṃtavyaṃ jananāśāya samaye samupasthite || 32 ||
[Analyze grammar]

paramasti mayā tatra sthāpitaṃ liṃgamuttamam |
hāṭakeśvarajekṣetre sarvapātakanāśanam || 33 ||
[Analyze grammar]

yastaṃ paśyati sadbhaktyā prātarutthāya mānavaḥ |
sa yuṣmābhiḥ sadā tyājyo dūrato vacanānmama || 34 ||
[Analyze grammar]

evamuktvā sa tānvyādhīṃstato vaivasvataḥ svayam |
tasya viprasya taṃ putraṃ gṛhītvā satvaraṃ yayau |
tasyaiva maṃdire ramye kṛtvā rūpaṃ dvijanmanaḥ || 35 ||
[Analyze grammar]

athāsau brāhmaṇo dṛṣṭvā svaṃ putraṃ gṛhamāgatam |
sahitaṃ viprarūpeṇa dharmarājena dhīmatā || 36 ||
[Analyze grammar]

tataḥ prahṛṣṭacittena satvaraṃ sammukho yayau |
putraputreti jalpansa nijabhāryāsamanvitaḥ || 37 ||
[Analyze grammar]

pariṣvajya tato bhūyo vāṣpaparyākulekṣaṇaḥ |
āghrāya ca tato mūrdhni vākyametaduvāca ha || 38 ||
[Analyze grammar]

brāhmaṇa uvāca |
kathaṃ putra samāyātastvaṃ tasmā dyamamaṃdirāt |
na kaścitpunarāyāti yatra gatvā'pi vīryavān || 39 ||
[Analyze grammar]

kiṃ vā caitatsamutpannamindrajālaṃ mamāṃtikam |
kiṃ vā svapnamidaṃ kiṃ vā mamāyaṃ dṛṣṭivibhramaḥ || 4 ||
[Analyze grammar]

kaścāyaṃ brāhmaṇaḥ pārśve tava saṃtiṣṭhate suta |
divyena tejasā yuktastaṃ namāmyahamātmaja || 41 ||
[Analyze grammar]

putra uvāca |
eṣa brāhmaṇarūpeṇa samāyāto yamaḥ svayam |
māmādāya kṛpāviṣṭo jñātvā tvāṃ duḥkhasaṃyutam || 42 ||
[Analyze grammar]

tasmāttvaṃ kuru tātāsya śāpānugrahamadya vai |
gṛhaprāptasya susnehādyadyahaṃ tava vallabhaḥ || 43 ||
[Analyze grammar]

tatastasya praṇāmaṃ sa kṛtvā brāhmaṇasattamaḥ |
vrīḍayā'dhomukho bhūtvā tataḥ provāca sādaram || 44 ||
[Analyze grammar]

brāhmaṇa uvāca |
adya me saphalaṃ janma jīvitaṃ ca sujīvitam |
yatputrasya mama prāptirgatasya yamasādanam || 45 ||
[Analyze grammar]

tvaṃ ca putrakṛte tāta santoṣaṃ paramaṃ gataḥ |
tasmātputreṇa saṃyukto yathāyaṃ syāttathā kuru || 46 ||
[Analyze grammar]

brāhmaṇa uvāca |
na me syādanṛtaṃ vākyaṃ kadā cidapi putraka |
api svaireṇa yatproktaṃ kiṃ punarduḥkhitena ca || 47 ||
[Analyze grammar]

tasmāttasya bhavetputro daivayonisamudbhavaḥ |
na kathaṃcidapi prājña mama śāpavaśāddhruvam || 48 ||
[Analyze grammar]

bhaviṣyati sutaścānyo mānuṣīyonisaṃbhavaḥ |
rājasūyāśvamedhābhyāṃ yaścainaṃ tārayiṣyati || 49 ||
[Analyze grammar]

ko'rthaḥ putreṇa jātena yo na saṃtāraṇakṣamaḥ |
pitṛpakṣaṃ śubhaṃ karma kṛtvā sarvottamaṃ bhuvi || 50 ||
[Analyze grammar]

tathā pūjākṛte yo'sya śāpo dattaśca vai purā |
tatrāpi śṛṇu me vākyaṃ tasya putraka jalpataḥ || 51 ||
[Analyze grammar]

vedoktairvividhairmantrairyā pūjā cāsya saṃsthitā |
na bhaviṣyati sā loke kathaṃcidapi putraka || 52 ||
[Analyze grammar]

asya mānuṣasaṃbhūtairmantraiḥ pūjā bhaviṣyati |
viśiṣṭā sarvadevebhyaḥ satyametanmayoditam || 53 ||
[Analyze grammar]

putra uvāca |
ahamenaṃ pratiṣṭhāpya drijaśreṣṭha mahītale |
samyagārādhayiṣyāmi kimanyairvibudhairmama || 54 ||
[Analyze grammar]

tasmātsaṃkīrtayiṣyāmi maṃtrānmānuṣasaṃbhavān |
tathā pūjāvidhānaṃ ca tvatprasādena pūrvaja || 55 ||
[Analyze grammar]

tataḥ sugaṃ naḥ pantheti tasya maṃtraṃ vidhāya saḥ |
samācaratprahṛṣṭātmā dharmarājasya śṛṇvataḥ || 56 ||
[Analyze grammar]

tacchrutvātha yamaḥ proccaiḥ suprasannena cetasā |
taṃ brāhmaṇa muvācedaṃ harṣagadgadayāgirā || 97 ||
[Analyze grammar]

yama uvāca |
kathaṃcidapi vipredra na me syāddarśanaṃ vṛthā |
anyeṣāmapi devānāṃ tasmātprārthaya vāṃchi tam || 58 ||
[Analyze grammar]

brāhmaṇa uvāca |
tavārcāṃ mama putro'yaṃ sthāpayiṣyati yāmiha |
tāmanenaiva maṃtreṇa yaḥ kaścitpūjayeddvijaḥ || 59 ||
[Analyze grammar]

bhavetsaṃvatsaraṃ yāvatsaṃprāpte paṃcamīdine |
mā tasya putraśoko hi iha loke kathañcana || 60 ||
[Analyze grammar]

sūta uvāca |
sa tatheti pratijñāya saṃprahṛṣṭamanā yamaḥ |
yamalokaṃ jagāmātha svādhikāraparo'bhavat || 61 ||
[Analyze grammar]

so'pi brāhmaṇadāyādaḥ kṛtvā prāsādamuttamam |
yamamārādhayāmāsa madhye saṃsthāpya bhaktitaḥ |
pitrā coktena mantreṇa tenaiva vidhipūrvakam || 62 ||
[Analyze grammar]

tataśca kramaśaḥ prāpya putrapautrānanekaśaḥ |
kāladharmamanuprāptaściraṃ sthitvā mahītale || 63 ||
[Analyze grammar]

etadvaḥ sarvamākhyātaṃ purāṇeyatpurā śrutam |
yaścaitatkīrtayedbhaktyā saṃprāpte paṃcamīdine |
nāpamṛtyurbhavettasya na ca śokaḥ sutodbhavaḥ || 64 ||
[Analyze grammar]